الأخبار
أخبار إقليمية
خبراء يحذرون: فوضى في التعليم الخاص ورسوم إحدى المدارس بلغت (150) مليون جنيه
خبراء يحذرون: فوضى في التعليم الخاص ورسوم إحدى المدارس بلغت (150) مليون جنيه
خبراء يحذرون: فوضى في التعليم الخاص ورسوم إحدى المدارس بلغت (150) مليون جنيه


05-13-2013 06:45 AM
الخرطوم- ابتهال إدريس

شدد رئيس المنتدى التربوي "مبارك يحيى" على ضرورة تبني الدولة لمسؤوليتها تجاه النهوض بالتعليم في البلاد بالاهتمام بقضية التعليم، وأن يؤمن الدستور على مجانية وإلزامية التعليم في مرحلة الأساس ومحو الأمية.
وأوضح أن الاتجاه للتعليم الخاص والأجنبي جاء بعد تفاقم الإهمال من جراء الدولة بالصرف المادي على التعليم في البلاد، مشيراً إلى أن الميزانية التي ترصدها وزارة المالية للتعليم في السودان لا تتعدى (2.8%) من إجمالي الميزانية العامة للدولة؛ الأمر الذي قال إنه يجعل التعليم في مؤخرة اهتمامات المسؤولين بالبلاد.
وأبدى عدد من أولياء الأمور خلال مشاركتهم أمس في المنتدى الأسبوعي للجمعية السودانية لحماية المستهلك الذي حمل عنوان (التعليم الخاص والأجنبي العدل الآن)، أبدوا استياءهم من فوضى وتجارة التعليم الخاص والأجنبي بالبلاد والدور الرقابي الضعيف من قبل الدولة على الإشراف والرقابة على المدارس الخاصة والأجنبية، منتقدين الزيادات الخرافية لبعض المدارس الخاصة والأجنبية التي وصلت إلى حد أن إحدى المدارس فرضت رسوماً على الدراسة بالمدرسة وصلت إلى (150) مليون جنيه للطالب الواحد وأخرى وضعت زيادة على الرسوم وصلت (48%) من السنة السابقة. وأن لائحة التعليم الأجنبي بالوزارة تعاني من ضعف تنفيذ وخلل في بعض بنودها وهي غير ملزمة لإدارات ويمكن تغييرها وفق رؤى وإستراتيجيات أي وزير. ودعا المنتدى إلى ضرورة الإسراع في سن القوانين الفاعلة والمجازة من قبل مجلس الوزراء وزيادة الميزانيات المرصودة من قبل وزارة المالية لدعم وتأهيل التعليم بالسودان والنهوض به من غياهب وردهات الدمار.
وناقش المنتدى الذي شهد حضوراً نوعياً خطوطاً عريضة تبرز أهم ملامح القصور والضعف في التعليم الحكومي ودور التعليم الخاص الذي حث على تلاشي الفجوة التعليمية التي أسفر عنها ضعف التأهيل للمدارس الحكومية بالعاصمة والولايات.
كما شارك بالرد عن استفسارات ومشاركات الحضور الدكتور "أحمد خليفة عمر" مدير العلاقات التربوية الخارجية بإدارة التعليم و"حسن علي طه" رئيس اتحاد المدارس الخاصة.

المجهر


تعليقات 12 | إهداء 0 | زيارات 3345

التعليقات
#664436 [ابن فتحون]
1.00/5 (1 صوت)

05-13-2013 11:44 PM
يا جماعة الخير ما شايف فيكم واحد نطق بكلة حق وقال السبب اللي خلا الناس اللي رفعت رسوم السنة إلى (150)الف جنية رفعتا لي شنو ؟ يعني مزاج سااااكت كدا وعجرفة ولا في سبب منطقي؟ . ما ياهو السوق كلو أسعار السلع فيهو تضاعفت وزادت تلات أضعاف كمان وطارت السما ومافي زول قال(أم المك عزبة) ؟ قال شنو قال (خبراء يحذرون: فوضى في التعليم الخاص) يعني خلاص الأسعار بقت مضبوطة في السودان وجميع السلع أسعارها مستقرة وأي حاجة ماشا مية المية وما شاء الله مافي عوجة فقط المشكلة بقت على ناس المدارس الخاصة هم المجهجهين الأسعار في البلد ورسومهم عايرة وأدوها سوط !!!! . ياخي ما هم برضو تجار وعندهم حساباتم الخاصة وعارفين ليهم شنو والعليهم شنو ... وما أظن بضاعتهم رخيصة للحد اللي بيخلي إنو كل الناس تذيد أسعارا وهم يفضلوا واقفين في حتة واحدة. والمثل بيقول ( اذا كنت تعتقد ان التعليم ثمنه باهظ ... جرب الجهل قد يكون أقل كلفة).


#664336 [ود العمدة كجرت]
1.00/5 (1 صوت)

05-13-2013 09:18 PM
معقول 150 مليون حته واحدة كدة طيب ديل عايشين في اكثر بلاد العالم فقرا حسب الدراسات الاخيرة


#664167 [جبريل الفضيل محمد]
1.00/5 (1 صوت)

05-13-2013 06:03 PM
دي مدارس تجاريه يمتلكها بعض الناس الاذكياء تعرفوا ان هنالك قطاع متمكن لا يتجاوز 1% من السودانيين ويحب التميز في اي شي وخاصة اجتماعيا يكفي ان تقول الحرمه وسط صاحباتها ان الاولاد بدرسوا في مدارس كدا وبندفع ليهم كدا وهاك يا بوبار وفشخره واهلهم في الغالب مادايرين دين ولا عربي -- ناس دايره تعيش كدا , مال الناس ومالها بجيبو مدرسين بريطانيين بيض الواحد راتبو يصل 6 الف دولار يعني 50 الف جنيه في الشهر وبمشي البيوت بدرس خصوصي كمان ساعتو ب500 جنيه, الاولاد زاتهم ما زي اولادكم ديل حفلات اعياد ميلادهم في الفنادق خمسه نجوم والفلل الاسطورية المغلقة والمزارE@%÷€ˆش
Vذل¾]ًWآ¢P"ىzد<
•0Pdµاعرف والد تلميذ عندو فندق في بريطانيا وواحد عن%Cاعرف والد تلميذ عندو فندق في بريطانيا وواحد عندو ميناء كامل في البحر الابيض المتوسط-- دي مدارس عالميه ليس لها اهداف عامه محليه زي الدين واللغه والعيب والحكومه عارفه كدا وساكته , قبل شويه شفت في الجرايد انو اطفال احدى هذه المدارس رايحين في رحله لبريطانيا وحدين بمشو المانيا وما اعتقد ان مصروفاتهم دي فيها مشكله لاهلهم الا يكون زول مشي ودا اولادو للحته الغلط , محاول يشبح ,بعد ما لقي ليه خبطة مال عام كدا او هبر ليه هبره وراحت بعدين قعد يتبرجل --دي حتات ناس قادرين ومتمكنين


#664089 [عصمتووف]
1.00/5 (1 صوت)

05-13-2013 04:16 PM
منتقدين الزيادات الخرافية لبعض المدارس الخاصة والأجنبية التي وصلت إلى حد أن إحدى المدارس فرضت رسوماً على الدراسة بالمدرسة وصلت إلى (150) مليون جنيه للطالب الواحد

يفترض سؤال ولي امر الطالب من اين له هذا ** المال ** يا جماعة انا عاوز لتغيير عجلات عربيتي المشمسة محتاج 2,500 فشلت وامامي الترخيص يوم 15/5 /2013 شايل هم توفيره بعد فرض الضريبة علي الترخيص كدي يورونا سيول الاموال بتجي كيف اكيد لدي وغيري لديهم فيها حق كمان انا عاوز حقي *** بلاد السفة بالله طلبة ملابسهم مهلهلة وعادمين حق الفطور والمواصلات معقول في ناس تصرف مثل هذا المبلغ التافة في نظرهم والكبييير عندنا في تعليم ولد ولا بنت اللبه لا كسبكم يا عواليق الانقاذ ***


ردود على عصمتووف
United States [واحد سودانى] 05-13-2013 10:10 PM
ياعمك احمد ربك انو عندك عربيه


#663871 [Heron]
0.00/5 (0 صوت)

05-13-2013 12:42 PM
تدهور التعليم من ضمن السرطانات التي ابتلي بها السودان جراء سياسة الكيزان. خربوا كل شي


#663869 [عباس]
5.00/5 (1 صوت)

05-13-2013 12:39 PM
الحال فى السودان بقى محير الناس البتدفع ال150 او الاقل منها انا عائز اعرف بتجيب
القروش دى من وين انحنا والله بننفخ فى قربة مقدوده الشعب السودانى شعب يحير نقول
عليهو تعبان وغلبان او هو بيعمل فى عمائل من ناحية الانفاق والله تحير لو كان الناس
كلها التزمت بالمدارس الحكومية كان الحكومة غصبا عنها صلحت هذه المدارس ولكن الناس كل واحد جره ولدو او بنتو للمدارس الخاصة والحكومة ما صدقت وبدت تدمر فى
المدارس الحكومية حتى تتاجر فى المدارس الخاصة وارجع واقول لو كل الناس التزموا بالمدارس الحكومية لكان الحكومة ما تمادت كل هذا التمادى وهذا ملاحظ فى كل نواحى الحياة كلما الناس تنقرص فى حته تزوغ منها للبديل ولا تطالب بحقها حتى ضاعت كل الحقوق واصبح المواطن يدور على كل شئ على الدراسة والعلاج وهلم جر .


#663795 [سمير]
0.00/5 (0 صوت)

05-13-2013 11:28 AM
صورة الشخص فى هذه الصورة معبرة ؟ لاحول ولاقوة الا بالله؟


#663772 [الثورة لكي ننهض]
4.00/5 (1 صوت)

05-13-2013 11:12 AM
بالله دي حكومة. القروش كلها ضايعة في الحروب و الكلام الفاضي. أصلا" كل الحروب في السودان الغرض منها أن تبقي الإنقاذ في السلطة. يموت الشباب و تضيع الأموال التي من الأولي استثمارها في التعليم و الصحة. يا إخوانا مافي حل غير اقتلاع هذه الحكومة الفاسدة والتي لم تجلب للشعب السوداني علي مدي ربع قرن من الزمان غير الخراب و الانقسامات و الفرضي. فعلا الإنجليز حكموا البلد أحسن منا


#663676 [mohamedfageeri]
0.00/5 (0 صوت)

05-13-2013 10:05 AM
لماذا لا تصدر الحكومة قلراراً جمهورياً بإلغاء المدارس الخاصة ...وتكون المدارس الأجنبية تحت إشراف الحكومة ... خافوا الله يا خلق الله ....دي مدارس ولا تجارة ....


ردود على mohamedfageeri
United States [شروم الكدمبوس] 05-14-2013 12:38 AM
أنت عارف لو الحكومة عاوزة تلغي التعليم الخاص محتاجة تبني في خلال 10 يوم 700 مدرسة جديدة في الخرطوم. أديك مثال لمنطقة صالحة بأم درمان فيها 6 مدارس حكومية و97 مدرسة خاصة.!!!!!!!!!


#663665 [abubaker]
0.00/5 (0 صوت)

05-13-2013 09:55 AM
تصل 150 مليون او 200 مليون المدارس باسمهم والتلامز اولادهم ( اولادنا انشاء الله مادرسو ولا قرو ) هي لله


#663586 [المتغرب الأبـدي]
0.00/5 (0 صوت)

05-13-2013 08:55 AM
150 مليون جنيه تساوي مائة ألف ريال سعودي تقريباً ..
هذاا المبلغ لا يستطيع أتخن تخين سعودي توفيره سنوياً لمصاريف ابن واحد من ابنائه .. فمن هذا الذي يدفع هذا المبلغ في السودان ؟؟
حيرتونا والله ..


#663529 [سايكو]
0.00/5 (0 صوت)

05-13-2013 07:23 AM
150 مليون و في الاخر يجي كوز شهواني يغتصب التلاميذ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة