الأخبار
أخبار إقليمية
قادة المعارضة إلى جوبا لنزع فتيل الأزمة في أبيي
قادة المعارضة إلى جوبا لنزع فتيل الأزمة في أبيي
قادة المعارضة إلى جوبا لنزع فتيل الأزمة في أبيي


05-13-2013 01:22 PM
الخرطوم:محمد سعيد :

اعلن تحالف المعارضة انه يعتزم لقاء قيادات حكومة جنوب السودان وابناء منطقة ابيي بالحركة الشعبية الحاكمة في جوبا لتقديم واجب العزاء في مقتل سلطان دينكا نقوك كوال دينق، الى جانب السعي لنزع فتيل الازمة وتفويت الفرصة على اعداء السلام ومفارقة «اجواء الحرب اللعينة» وعودة الوحدة بين البلدين الجارين مستقبلا .
ويغادر وفد من تحالف المعارضة اليوم الى جوبا لتقديم واجب العزاء في سلطان دينكا نقوك كوال دينق الذي قتل في ابيي مطلع مايو الجاري، ابرزهم كمال عمر وعبد الجليل الباشا وصديق يوسف وفتحي نوري عباس.
وقال المتحدث الاعلامي باسم تحالف المعارضة، كمال عمر لـ»الصحافة» ان وفد التحالف سيغادر الى جوبا اليوم لمشاطرة حكومة الجنوب واسرة السلطان وابناء منطقة ابيي بالحزب الحاكم بجنوب السودان في مقتل سلطان دينكا نقوك، قائلا ان التحالف يسعى بشكل عملي لتحجيم دائرة الازمة وعدم اتساع الهوة وعودة اجواء الحرب مجددا بين البلدين.
واوضح عمر ان الوفد سيجري لقاءً مع قيادات حكومة الجنوب اذا سنحت له الفرصة، الى جانب ابناء ابيي وابرزهم ادوارد لينو ولوكا بيونق ودينق الور، وقال انه كان يأمل ان يتوجه وفد من حزب المؤتمر الوطني الى جوبا للمشاركة في تقديم واجب العزاء وتابع « اعتقد ان مثل هذه التحركات تخفف من حدة التوترات في منطقة ابيي «.

الصحافة


تعليقات 13 | إهداء 0 | زيارات 4207

التعليقات
#665406 [Siddig Hussein]
0.00/5 (0 صوت)

05-15-2013 01:24 AM
طبعا السنوسي اعتزر خوفا من القبضه المسرحيه اما من ذهبو ل جوبا فلننتظر عودتهم ماليين شنطهم بالاتفاقيات والدولارات وسوف تصادر ان جاووو بالجو


#664565 [فضل الله خاطر]
0.00/5 (0 صوت)

05-14-2013 05:47 AM
كان يجب على وفد المعارضة أن يذهب اولا إلى المجلد وأبيي بدلا من جوبا ، وأن يجلس إلى كيان المجتمع المحلي هناك وهم مسيرية ودينكا نوك، وهذه حقائق لا يغيرها مجلس أمن ولا حكومة جنوب ولا حكومة شمال .
لن ترحل أبيي من مكانها كمنطقة جغرافية، وسكانها من القبيلتين هم سكانها لن يرحلوا عنها لا شمالا ولا جنوبا ، سيظلوا متجاورون إلى أن يرث الله الأرض ومن عليها .
أما الذي يريد أن يصفي قضايا على حساب المنطقة أو على حساب المسيرية أو يهدد بالحرب فاليعلم ، أن الحرب لن تلد إلا الخراب ونتيجتها دمار وموت وهلاك حقل وزرع وضرع وبالتالي الأفضل التعايش والسلام.
هناك أعراف تحكم الحياة بين القبائل في السودان وخاصة في هذه المنطقة بالذات يجب تفعيلها، لأنه ليس من مصلحتنا الدعوة للحرب كما بشر بها هنا أحدهم لأنها لا تغير شيء غير الذي ذكرنا .
اتحدوا حول الحل السلمي لأبيي وعيشوا إخوان متجاورون .
أما قضية السودان الأخرى فلا مخرج منها غير الانتقال إلى مربع الحوار والوصول إلى حكومة انتقالية تضع الدستور وتتفق على شكل الدولة وآليات الحكم وتفصل في الاقتصاد والسياسة الخارجية وتتصالح مع المجتمع الدولي والتركيز على الموارد كملك مشترك وتسخيرها لصالح كل الشعب بالتساوي والعدل .
وقبل كل ذلك الاحترام والاحترام والاحترام لآدمية الانسان وحفظ حقوق الطفل والمرأة وكبار السن.
وأخيرا احترامي للجميع.


#664383 [Allord]
0.00/5 (0 صوت)

05-13-2013 10:27 PM
من أنتم ..... من أين أتي هؤلا الناس... قال معارضة ...... هنا الهامش صوت صوت كبار السن الذين يدافرون معي صغار القطط السمان في المواصلات ... أو طفلآ لايجد لقمة كافية من الفتريتة او جرعة دواء ........................الخ


#664346 [algazaly]
0.00/5 (0 صوت)

05-13-2013 09:40 PM
والله المفروض أي واحد يدوهو 10 جلدات بعد العزاء بسوط عنج أسي لو اتقدموا للشباب وطلعوا الشارع كان الحال اتغير بس قاعدين للتنظير الله يخيبكم


#664338 [N]
0.00/5 (0 صوت)

05-13-2013 09:24 PM
مالكم ومالهم، خلي الجنوبيين يطلعوا ......


#664185 [حامد]
5.00/5 (1 صوت)

05-13-2013 06:25 PM
ديل كلهم منافقين و كلامهم واحد و زيما قال كبير المنافقين الصادق المهدي البشير جلدنا و ما بنجر فيهو الشوك كمان ديل يمتثلوا كمعارضة و في نفس الوقت عايزين يخففوا الضغط علي الحكومة مافي معارضة حقيقية إلا الجبهة الثورية و بس أرموا قدام دوسوا المنافقين أصحاب الألف وجه


#664160 [ناجي]
0.00/5 (0 صوت)

05-13-2013 05:52 PM
مع احترامنا للاستاذ الوطني الغيور فاروق ابو عيسى وبعض من الاقلية من الذين يمارسون فن الممكن معارضين للكيزان بالخرطوم

بس المعارضة المفترى عليها بالداخل يسيطرون على قيادتها فعلياً كيزان مثل الترابي والصادق المهدي ومحمد عثمان الميرغني (مكمل للعدد)وهم من تسببوا في كل مصائب السودان عبر تاريخهم وما ازمة ابيي الا جزء يسير من جرايمهم والمسيرية لم تبدأ ممارسة جرائمها بالجنوب باسم الدين والعروبة في عهد الانقاذ بل منذ مذبحة قطار الضعين بمباركة الصادق المهدي ودعمه بالسلاح للقبائل التي تدعي العروبة ،،،، التاريخ لايرحم يا الصادق المهدي (الكاذب الضليل) والميرغني (الصامت الابدي الا مصالحه الشخصية) والمنافق الاكبر الترابي.

إن كانت قدراتنا وظروفنا حالت دون الدفاع عن اهلنا بالجنوب بالسلاح فلن نصمت عن قول الحقيقة فانها جريمة ارتكبت في حقهم ومازالت ولهم حقوق يجب أن تعود وستعود حرباً او سلماً


#664122 [انجلو ادور]
5.00/5 (1 صوت)

05-13-2013 04:51 PM
المعارضة السودانية !!!!أأنتم معارضة ولا حلفاء مختفيين فى زى المعارضة ..كيف تطلبون الرحمة لمن يكسح ويمسح الشعب وما يجيبو حى ..اخجلو من نفوسكم ان تتدعون المعارضة !!
اذا الجنوب سمع كلام الفاسدين ديل نحن شعب ابيى لن نسكت ولم نخلى حقنا وما تنسو لدينا نحن شعب ابيى حلفائنا الذين هم مستعدين لدعمناوبعدين ياناس الخرطوم كيف تطلبو الرحمة ؟؟حين احترق ابيى فى عامين 2008__2011 اين انتم ولماذا لم تمنعو الخرطوم من مهاجمتها ؟؟ عندما طلب اوكامبو تسليم البشير !ثورتو ورفضتو تسليم رمز البلاد والان الخرطوم اغتالت رمز البلاد وتطلبو تهدئة الاوضاع فى ابيى ,حاشا وكلا نحن قادمين بلا محال ونمسح كلاب الؤتمر البطنى الضالة الاسمهم مسيرية ونرتاح منهم ونريح كل الحولينهم من دافور ونوير واويل ترقبونا قريبا فى ميادين القتال


#664088 [عاطل]
2.00/5 (1 صوت)

05-13-2013 04:15 PM
معارضة بيتكلم باسماء ناس الترابي اخير عدمها


#664071 [انصاري]
5.00/5 (2 صوت)

05-13-2013 03:57 PM
وقال انه كان يأمل ان يتوجه وفد من حزب المؤتمر الوطني الى جوبا للمشاركة في تقديم واجب العزاء وتابع « اعتقد ان مثل هذه التحركات تخفف من حدة التوترات في منطقة ابيي «.
**** يا استاذ كمال عمر ده ما ياهو المثل "يكتل الزول ويمشو في جنازتو" إنت قايل الجنوبيين ديل عوره وله شنو
يا استاذ كمال البخفف من حدة التوتر معروف وفي الخرطوم هو المؤتمر الوطني كتال الكتلة، ازيحوه ترتاحوا، (فلستوب سطر جديد)


#664054 [علي سليمان البرجو]
0.00/5 (0 صوت)

05-13-2013 03:40 PM
بعد الظفور بالخروج من حكم المظالم المقبلنة والإنفكاك من المستعربة أرباب الطغيان والمفسدة ودغمسة الشريعة بفقه السترة والضرورة، فمن الحصافة واللباقة تلفح الهوية وشاحاً والمواطنة زينةً لمن عشق الحرية وروى بدماء أبنائه وأحفاده الأرض طهوراً وصيرورة ديدنه العدالة الإجتماعية تنافساً مشروعا. فخامة الرئيس سلفا كير أنتم مع مطلوب العدالة الدولية رئيس عصبة المؤتمر الوطني تحكمان شعب واحد في أرضي السودان ونحن شعب الدولتين يحكمان بمنظومتين! فلا عجب أن نطلب السماح والمواساة والإعتذار في فجيعة ومصاب الأمة المغفور له الشهيد السلطان كوال أروب مفتاح السلام والأمن والتعايش السلمي القبلي ركيزة السلام ورمز الاندماجية والتسامح الذي أقتيل من النظام الخرطوم يقين الفتنة القبلية والدولية والتسبب في حرق المواطن والوطن فهل أنتم مستجيبون لحظة انفعال؟، ولو أدرك المسيرية والنوبة والدينكا وعموم البقارة حقوق الطفل والمرأة وكريم العيش في سلم وأمان لفروا من أمس إلي ديار الحرية والإندماجية والمساواة العدلية حيث دولة الهوية والعز بالوطنية ولما طال إنتظارهم لمشهد شرعنة مشورة شعبية أو إنتخابات "مخجوجة" ومضروبة بفقه ضرورة الإسلاموفوبيا. فخامة الرئيس لقد كنت بالأمس بيننا في الشق الشمالي مواطناً تلامس وتعايش سماحة ديننا الإسلامي وطيب معشر شعبنا المضياف وكيف يعاني من بشاعة وفظاعة وجبروت أئمة الطغيان الديني والكسب التمكيني، لذا فأنت مطالب سيدي الرئيس بتسخير واستثمار النفرة الشعبية بفكر وحس وطني ووازع ضمير مخلص من أجل السلام والبناء والتنمية لا من أجل التهديد والوعيد والترويع والتكسب الغير مشروع. ألا يكفينا تجفيف مياه النيل في أرض السهول والوديان وقمم السفوح المنبسطة وغابات البرية غرقى في المستنقعات تصعب حتى لإختراقات الوحوش بينما طيب الثرى زايد الحير بعدله وترشيد ثروة البلاد في الإنفاق العام وتوجيهها للتنمية البشرية والإقتصادية تمت أمركة الصحراء في كل منحنىً تنمية وتطويراً وأمناً، وشموخ وعزة ورقي شعوبها تعليماً وخلقاً وأخلاقاً، وبنيتها التحتية بخدماتها المتكاملة تعكسها البيئة الحضرية المتحورة النضرة عنوان النزاهة والخلوص في العطاء للقيادة الرشيدة التي سخرت الإمكانيات "لا فائدة من البترول أن لم يفد انسان الإمارات" بل ولمن احتمى من جور الزمان بالإيمان والعدل والإحسان فهنيئاً وطوبى لمن أخلص وأتم العمل.


#663945 [محمد حسن احمد]
5.00/5 (5 صوت)

05-13-2013 01:49 PM
الله ينزع روحكم مالكم ومال الأزمة لماذا كل ماضاقت على خنازير الوثني تتسارعوا للبحث عن فرج له أتركوا الخنازير خلوهم الدينكا يطربقوها على رأسهم واول حاجة يقفلوا البلف بتاع النفط الذي جعل خنزيرهم الرقاص يمش يهزئ نفسه وسط أجهزة الإعلام طفل متخلف عقليا ما يهزئ نفسه بهذهالصورة يعتزر بصورة مهينة ومخجلة ومشينة في حق رجل لقبه قطيع الخنازير بأسد العرب طلع نعجة مستعربة جربانة كان أفضل له لاهاي من تلك الزلة والإهانة


ردود على محمد حسن احمد
European Union [الشحاد] 05-13-2013 11:43 PM
يا محمد حسن احمد يا أخوي. إذا البلق انقفل نحن نأمل من وين ،، ما تخليها مستورة وتقول بسم الله ،،، الجنوب والله بقت العيشة فيهو نار،،، وان انقفل البلف دة الا نأكل نيم. ،، يا جماعة ويا إخوانا الشماليين سيبونا شوية نشم نفسنا وينصلح حالنا،، دايرين البلف يكون فاتح والخريف دخل ما عندنا مون ومواد استهلاكية،،، خلوا الجماعة يمشوا الأمور والحدود تفتح وتجينا الفتريتا والزيت والويكة والفول والعدس والجنبة. واتو عارفين ما عندنا مصانع. ،ً دايرين لينا سنة سنتين البلف يكون مفتوح عشان نبني بلدنا ونقوم مصانع ونستغني عن شحدة حكومة الخرطوم
يا إخوانا ارحمونا. خلافاتكم ما تدخلو مواضيعنا نحن الجنوبيين فيها ،، حلوها بي طريقتكم ولكن مس علي حسابنا،،، يا جماعة فترنا من المشاكل حقتكم دي. انفصلنا منكم وبرضكن ورانا
عايزين مما شنو ؟. خلونا نعيش حياتنا،،، وأي زول بيحرش الحكومتين عشان ينقفل البلف. بكون حاقد علينا
نحن بشر يا إخوانا وما وصلنا لي مرحلة الشكل الحاصل بين احزابكم. برة من المشاكل بين الحكومة وبينهم في الأول يتفقوا احزابكم بدل المراوغة وكراع في الحكومة وكراع برة ويقولوا معارضة
وجايين الجنوب لي؟ بس عشان يزيدوا الطين بلة ويحرشو الجماعة في الجنوب عشان تحطم ليهم حكومة الخرطوم؟. وبعدين نخش في موضوع البترول والحدود من جديد مع الأحزاب ويدعو الناس لي الوحدة وإعادة البلدين ويقنبوا عشرة سنين لت وعجن وماشين جايين وأمورنا تتعطل،، أحسن لينا كدة كم سنة وبنش يا بترولنا بي غادي
مش الصبر دة بتقدر عليهو،، نحن صبرنا من 1954 لي غاية 2011 حتي نلنا استقلالنا. معقول ما نصبر سنتين تلاتة؟
ياخي خلونا في حالنا عليكن الله

[وطني غيور] 05-13-2013 02:07 PM
اتفق معك ما هولاء المعارضين الا بطبالين وبس وده لعب سياسي كبير تحت الطاوله الامور اخر خلاوه

عموما انت بكلامك ده شكلك اتفشيت فشه شديده
نحن البيفشنا شنو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة