الأخبار
منوعات سودانية
حكومة الخرطوم : لا بديل لتحويل مواقف المواصلات
حكومة الخرطوم : لا بديل لتحويل مواقف المواصلات
حكومة الخرطوم : لا بديل لتحويل مواقف المواصلات


05-14-2013 06:09 AM

الخرطوم :هبة عبد العظيم
أقر الاجتماع الموسع الذي عقده والي الخرطوم د.عبد الرحمن الخضر وفقاً لمصادر مطلعة بالمعاناة والمشقة التي واجهت المواطنين عقب صدور قرار من حكومة الولاية بتحويل مواقف المواصلات.
وقالت المصادر لـ(السوداني ) إن الاجتماع كان عاصفاً واستمر لأكثر من ثماني ساعات متواصلة لتقييم الإجراءات التي تمت مؤخراً بتحويل مواقف المواصلات بمحلية الخرطوم إلى محطات تحويلية وربطها بخطوط دائرية داخلية وضم الاجتماع كامل حكومة الولاية بجانب هيئة النقل والمواصلات وكل الجهات ذات الصلة بالمواصلات إلا أن المصادر عادت وأكدت أن التقييم خرج بأنه لا بديل للإجراء وعلى الولاية بذل جهودها لتحجيم الأزمة حتى يعتاد المواطنون على الوضع الجديد.فيما ناقش الاجتماع بشكل مستفيض شكاوى المواطنين من المشاق التى تكبدوها للوصول إلى مواقعهم وجرى خلال الاجتماع تقييم دقيق لهذه التجربة عبر تقارير مراقبي هيئة النقل والمواصلات وشرطة المرور الذين يتولون حركة المواصلات من وإلى المحطات ومتابعة سير الخطوط الدائرية .
وأصدر الاجتماع عدداً من الموجهات المهمة أبرزها توجيه هيئة النقل والمواصلات بإحكام التنسيق مع المحليات وشرطة المرور وشركة البصات ونقابة الحافلات فى إدارة شأن قطاع النقل والمواصلات خاصة فى الوقت الراهن وتوفير كافة الضمانات لإنفاذ خطة التحويل مع الوجود الميداني المستمر فى المحطات والطرقات لتوجيه أصحاب المركبات والمواطنين الوجهة الصحيحة والتدخل السريع لمعالجة أي نقص في المركبات فيما وجه الاجتماع الهيئة بالإشراف الكامل على تشغيل كل وسائل النقل والمواصلات بما فيها البصات التي تم تمليكها للأفراد كما وجه شركة مواصلات الولاية بالتأكد يومياً من وجود البصات المخصصة للعمل بالخط الدائري الرابط بين المحطات الثلاث (الإستاد ـ السكة حديد ـ شروني) بالوجود قبل صلاة الفجر بهذه المحطات بالإضافة إلى تسريع إجراءات البصات المخصصة لبعض الجهات حتى تدخل فى الخدمة خلال الأيام القادمة.

السوداني


تعليقات 5 | إهداء 0 | زيارات 3283

التعليقات
#665415 [مساكين المعذبين في الارض]
0.00/5 (0 صوت)

05-15-2013 01:52 AM
لولايات الخرطوم وواليها ملايين اللعنات!!!! لتجريبهم وتعذيبهم المتواصل للمواطن!!!! مواصلات وسيطه وهتش وكلام مانزل الله به من سلطان!!! لامشرفين ولايحزنون قرارات تتخذ كلما حل علينا واليا اكثر غبا من سابقه!!! كيف يحدد ويعرف والينا الهمام المعانات التي يكابده المواطن وهو ومساعديه في برادهاتهم التي بدعاء المسحوقيين نساله ان تحترق بهم اليوم قبل الغد!!!! ونحن نستحق لاننا نقبل بمثل هؤلاء الفاشلين من بياطرة لم يطوروا حميرا نسابق بها في سباق لاالحمير دعك من عاصمة يؤمها الملايين!!!


#665325 [ابو شريف]
0.00/5 (0 صوت)

05-14-2013 09:41 PM
واﻻرض دي دايرين يبيعوها لمنون


#665297 [حسن ودبرى]
5.00/5 (1 صوت)

05-14-2013 08:43 PM
اول حاجه منو من الجماعة ديل بركب مواصلات وكلهم راكبين عربات برادو واخواتها وقاعدين تحت المكيفات وينظروا شيل من هنا وديهم هناك وكأنهم بهائم وياتو لجنة شكلوها من مهندسين ورجال مرور وتخصصات اخرى لها علاقة بالموضوع كله عك فى عك وخليهم يجوا يوم واحد يركبوا مع المساكين وهم أصلا من يدفع لهم مرتباتهم وكهرباء المكيفات القاعدين تحتها وينظروا وصيتى للشعب السودانى الكريم ان يستعمل عقله ولو مره واحدة ويشوف النتيجة مع البجم ديل ورجاءا كل من يقرأ التعليق نشره وببساطة شديدة حاربوا موقف شرونى وتجمعوا فى مواقع محددة فى وسط العاصمة وصدقونى المواصلات تجيكم فى محلكم يعنى ناس امدرمان مثلا جوالر الجامع الكبير فى الخرطوم وناس بحرى فى صينية القندول وناس احياء الخرطوم المختلفة شارع المستشفى وصدقونى والله ناس المرور براهم حيحولوا ليكم المواصلات عارفين ليه؟ لانه الحكومة جبانه وتكره تجمعات الناس وسيوصلوكم سريعا لمنازلكم بس تحملوا يوم ولا يومين بالكتير وستروا النتيجة وخلوا ليهم شرونى يركبوا منه هم يركبهم شيطان وماينزل منهم امييييييييييييين


#665127 [alhaj.alsedique]
5.00/5 (1 صوت)

05-14-2013 04:49 PM
المواصلات العامة معانة يومية اضافة الى معاناة المواطن المغلوب على امره وقد تكرم والى الخرطكوم وحكومتة بتغير المعاناة الى تعذيب المواطن بكل ما تعنى كلمة تعذيب ....لذلك اسال الله ان يكون مصير الخضر مثل مصير شارون يعانى قدر معاناة كل من ظلم ............. ااااااااااااااااااامين


#664579 [شكاك]
0.00/5 (0 صوت)

05-14-2013 06:52 AM
حلول عقيمة ضد راحة المواطن
المواصلات العامة يجب ان تاخذ اقصر مسار الى قلب العاصمة
وتترك المسارات الجانبية للعربات الخاصة


ردود على شكاك
[omar] 05-14-2013 10:11 AM
ياخي ديل حيرونا في الدنيا كلها المواصلات العامه ليها الاولويه إلا بلد السجم دا....العربات الخاصة في وسط الخرطوم تقيف في أي حته والله شفتهم قبل شهرين double parked وتتعذب عذاب لو غلطت ودخلت نص البلد.
العكس تماماً للمفروض يحصل ...العندو عربيه يوقف برا شويه ويتصرف...وال average بني ادم (كنت داير اقول كلمه نابيه تعبر عن السخط)يتواصل بالعام لأي مكان في السنتر...
أعوذ بالله من الكيزان and their ill will



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة