الأخبار
منوعات سودانية
الفنانه فهيمة عبدالله : تنازلت عن حياتي الزوجية بأكملها لأني أحسست انها ستأخذني بعيدا عن الفن
الفنانه فهيمة عبدالله : تنازلت عن حياتي الزوجية بأكملها لأني أحسست انها ستأخذني بعيدا عن الفن
الفنانه فهيمة عبدالله : تنازلت عن حياتي الزوجية بأكملها لأني أحسست انها ستأخذني بعيدا عن الفن


آراء ناعمة
05-14-2013 06:17 AM

هناك رقابة على الأعمال لدرجة اننا أصبحنا (نشطب برانا)، والدراما لاتستحمل كل هذا الحذف ويفترض ان تلامس كل المجتمع بكل سلبياته ، مثلا فترة الإندايات اخرجت قدراً من الشعر والفن لكننا لانستطيع

قول ذلك لذلك نحتاج لأجيال واجيال حتى نواكب.
الممثلة تهاني الباشا

تنازل
أنا تنازلت عن حياتي الزوجية بأكملها لأني أحسست انها ستأخذني بعيدا عن الفن. حرام الزول ربنا يديهو موهبة وما ينميها ما في أية حاجة ممكن تقيف في طريق مستقبلي الفني.
الفنانه فهيمة عبدالله

ترويج الجمال
انزعج جدا للتركيز على شكل الفنانة دون عطائها صحيح الله جميل يحب الجمال، لكن هذا جعل من البعض فنانات بدون موهبة، واستغلت الاجهزة الإعلامية هذا الشكل الجميل واتاحت لهن الفرصة خصما على الأخريات.
الفنانه عبير علي

تمومة جرتق
نحن في الهيئة نعاني من توزيع الفرص بين الرجال والنساء ، الإعلاميات عندنا على أصابع اليد وحقوقنا مهضومة (ولو دايرين مدير إدارة دراما يجيبوا لينا بتاع أشعة). وهذه احدى الأمراض في التلفزيون ولم نعرف المساواة إلا في عهد الطيب مصطفى الذي كان يعطى الفرص للنساء ويجعلهن يثبتن انفسهن في الإدارة ، الآن أقل واحدة لديها ماجستير ودرجات عليا رفيعة ولا يجدن فرصا على الرغم من ان المرأة تصلح جدا للقيادة ولا ترضى ان تكون (تمومة جرتق).
د.سهام الخواض

الراي العام


تعليقات 59 | إهداء 0 | زيارات 83632

التعليقات
#686348 [المغترب]
4.23/5 (19 صوت)

06-03-2013 10:03 AM
وش هذا الكلام يا حرمة ، والله إنك جاهلة ، كيف عاد تبدلين الحلال بالحرام ، الزواج سترة با حرمة ، الحين إنتي مبسوطة إنك طايحة يمين وشمال من حفلات زواج وعقيقة وغيره ، الله يهديك والله العظيم إنتي الخسرانة .


#684702 [العاديق]
5.00/5 (13 صوت)

06-01-2013 01:12 PM
ألحقي نفسك وتوبي إلى الله واستغفريه ولا تهتمي بحكاوي ناس بابكر صديق ومحمد سليمان الكبر بجهلو ،أتمنى ان تعودي لزوجك


#674886 [عبد الرحمن عكاشة]
4.36/5 (10 صوت)

05-24-2013 10:33 AM
الأسباب كثيرة التى تجعل الإنسان يعزف عن الحياة الزوجية .لكن من أجل الفن؟سبب غير مقنع والله فالفن فااااان والشباب كذلك فاهمة يافهيمة؟؟؟؟


#672838 [الفاتح بشير]
4.74/5 (9 صوت)

05-22-2013 11:10 AM
ضعتي وقنيصتك جلت!!!


#665874 [فات,,,ألأوان.]
3.66/5 (8 صوت)

05-15-2013 03:20 PM
سبحان الله
يبدلون الحرام بالحلال الطيب
إنتي ألخسرانه,ألله يهديكي بعد فوات ألاوان
سوف تكتشفئ إنك كنتي غلطانه في قرارك.


#665827 [awadalla ibrahim]
4.72/5 (11 صوت)

05-15-2013 02:09 PM
قالت تركت الحياة الزوجية من اجل الفن

لاكن الواقع غير كده الزوج هو التركك عشان مجال الفن ووالله بفعلتك دي خلاص ياهو الضياع بعينو

ونسأل الله ليكي بالتوبة والرجوع لزوجك ...والله انتي خرجتي من بيت الامن والامان للشارع والضياع


#665753 [القاسم محمد الخليفة]
3.50/5 (5 صوت)

05-15-2013 12:51 PM
الله يهديكى والله الفن من غير الحياة الحياة الزوجية ماله طعم بعدين حا يجى جيل بعدك وحاتكون صلاحيتك الفنية باى باى وانصحك وانصحك من باب نحنا السودانين بنحب الخير للجميع ماسمعتى وردى ربى ماتحرم بيت من الاطفال الاطفال بهجة الااطفال زينة الحياة


#665716 [abukhzal]
3.53/5 (10 صوت)

05-15-2013 12:25 PM
شئ واحد بس أتمنى أن تتطلع الفنانه فهيمة على كل التعليقات وتشوف راي الناس فيها ، وكونك خليتى زوجك عشان الغناء ده كلام ما صاح ، وراجعي نفسك كتير ، شكلك ومظهرك يعكس خلاف بواطنك اقصد فهمك وارائك ، ولما بديتى افتكرنا تكون هواية وخلاص لكن شكلك عايزة تحترفي وده تمنو غالي او شيئ فقدتى زوجك ولسه المستخبي كتير .


#665490 [ودالابيض]
4.47/5 (7 صوت)

05-15-2013 07:07 AM
الله يهديكي ويهدينا,امين


#665484 [Zingar]
4.75/5 (6 صوت)

05-15-2013 06:50 AM
يا خرابى...نسل بن آدم إنقطع.


#665450 [ابوعبدالله]
5.00/5 (5 صوت)

05-15-2013 03:42 AM
الله يهداك يابابكر صديق


#665448 [الموجوعة]
3.49/5 (10 صوت)

05-15-2013 03:34 AM
يا فهيمة المظاهر خداعة.مهما وصلتي لابد من وجود راجل في حياتك ووجود ابن او ابنة بكره تشيلك .القروش ..الموضة ..العربية ..الذهب..احدث الاثاثات ..افخم المفروشات في اجمل منزل في ارقى حي للاسف من غير صوت راجل و صرخة طفل ليس بذات قييييييييييييييمة يااااااااااااااااااااا فهيييييييييييييييييييييييمة.


ردود على الموجوعة
[؟؟؟؟؟؟؟؟؟؟؟] 05-15-2013 08:25 PM
دا الفهم يااختنا.. الله يسهل امرك ويسترك دينا واخرة


#665422 [السودانى]
4.67/5 (11 صوت)

05-15-2013 02:13 AM
كيف كيف كيف القالو ليك العرس بيخلى الفن ماتمام منو عندك فنانات كتاااااااااااااار اتزوجو ومرتاحات على الاقل ضل رااااااااااااااااااجل ولا ضل اورقن


#665369 [ريفه]
2.69/5 (6 صوت)

05-14-2013 11:51 PM
متخلفة


#665367 [ابو كلام ساكت ساي]
3.24/5 (9 صوت)

05-14-2013 11:43 PM
فهيمة اللئييمة كنت معجب بفنك لان الفن رسالة وقيم واخلاق ولكن سقطتي في نظري وصغرت عندي بهذه التصريحات التي لا تنتمي الي قيمنا واخلاقنا .هداك الله,,,,


ردود على ابو كلام ساكت ساي
European Union [سليمان ادم] 06-02-2013 07:58 AM
سبحانه الله
يا فهيمة تتراجعي عن كلامي تبدلي بالتي هي احسن بالشر ربنا يهديك يا اختاه

United States [abdoo] 05-15-2013 06:21 AM
afee menk ya mk100%


#665340 [الكبش]
4.72/5 (6 صوت)

05-14-2013 10:42 PM
لويس الرابع عشر تنازل عن عرش فرنسا من أجل الحياة الزوجية -


ردود على الكبش
[الجمكسين قاتل الصراصير] 05-15-2013 12:57 PM
صحيح .. في القرون الوسطى، ما في القرن الواحد وعشرين!


#665334 [الجامد]
3.50/5 (5 صوت)

05-14-2013 10:24 PM
لكن أنا متأكد انو طليقك الفرحة كتلتو لما جدعتى ليو يمين الطلاق....عفارم عليك...خخخخخخخ


#665264 [أبصلعة الحالق دقنو]
4.88/5 (5 صوت)

05-14-2013 07:55 PM
أها ياااا أم كلثوم!!!.. الحبة ما عندك قومي لفي بلا يخمك!!
والشريف مبسوط من ندى وصاحباتا!!


#665241 [MAHMOUDJADEED]
4.32/5 (7 صوت)

05-14-2013 07:00 PM
عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .

هذا الحديث أسوقه للذين يعترضون على النصائح وفي مقدمتهم ( الجماكسين قاتل الصراصير ) . الشباب ما قصروا خلوا كل التصريحات النسوية وزكزوا في كلامك لأن هذا الكلام لا يناسب مظهرك المحتشم وبصراحة كدة انتي في سن بناتي ويشهد الله انني اريد لك الخير بإختصار اسمعي كلام البيبكيك وما تسمعي كلام البيضحكك .. اتركي الفن وألحقي نفسك يعني لو جا زول قال ليكِ خلي الغنا في مقابل العرس ما تترددي يا بتي طوالي خلي الغنا وألحقي نفسك .


ردود على MAHMOUDJADEED
European Union [الجمكسين قاتل الصراصير] 05-16-2013 10:49 AM
يا (ماهي مقاييس الفهم يا ايها الجبكسين يا مؤذي المعلقين) حسي ده إسمك ولا سؤال داخل في المعلقة المعولقة الكاتبها دي؟ يلا ما علينا ..

أولاً يا العشا بلبن، البيتعاملوا بصلف وكبرياء (ووصاية) هم نوعك ديل البيدعوا إنهم حماة المرأة السودانية بلا مؤهلات أخلاقية! أنا ما بخاطب فيك إنت (كشخص) ولكن (كنموذج) للغالبية اللي بترى المرأة كوعاء جنسي .. يجب تغطيته إن كانت قريبتك، وإفتراسه إن كانت غريبة عنك! وأووووووعك تجي تشبكني أبداً ونحن والله والإسلام منعنا والردود المكررة المنافقة دي! كل الناس (العندها أخلاق)مجمعة على أن الخرطوم هي من صحبات أعلى نسب تحرش جنسي بالنساء في العالم! وفي نفس الوقت الغالبية العظمى من الرجال (بتدعي) الصلاح والحمشنة والهبالات زي المكتوبة مالية الصفحة دي! طيب منو البيتحرش بالبنات ديل لو الرجال السودانيين ديل مهذبين وطيبين ومؤمنين كده ده؟ يا منافقين!

كونك ما فهمت معاييري بالنسبة للفهم .. فده نتاج لإنغلاقك خلف المقاييس الإجتماعية الظالمة البتتيح ليك كراجل، بل بتصفق ليك علي رجالتك لمن (تزني) .. ونفس الرجل الزاني ده بيصفقوا ليهو تاني لمن يمنع أختو من الطلوع من البيت عشان هدومها (ما عاجباهو هو) بالرغم من أن موضوع اللبس هو موضوع (شخصي) لا يخصه من قريب ولا من بعيد!

بالنسبة لي الزول البيفهم هو الزول البيقدم (إنسانيته) على معايير مجتمعه اللي هو مباريها زي النعجة بدون ما يفكر فيها ويفندها وينتقدها ويختار النافع معاهو ويشيلو .. ده الفرق بين (الوعي) وعدم الوعي! أتمنى تكون فهمت كيف أنا إلتقطت وبنيت وجهة نظري الحرقتك شديد دي!

نجي لي موضوع الغيرة والهبالة البعدها دي! الغيرة يا ولدنا ما صفة مربوطة بجنس دوناً عن الآخر .. الذكر يغير والأنثى تغير! الغيرة على العرض دي حاجة جميلة، ولكن حينما تستخدم بشكل صحيح وليس كوسيلة ومبرر لقهر النساء! لكن حتى لو إفترضنا (جدلاً) أن الغيرة هي صفة مربوطة بالرجال فقط، أين كانت غيرتكم وحمشنتكم هذه حينما أغتصبت نساء دارفور وبكى العالم كله ولم تحرك الخرطوم قيد أنملة؟ يعني بنات الوسط والشمال (مرأة سودانية) ونساء غرب السودان (إمرأة أجنبية) ولا كيف؟ كان أصلو غيورين قدر ده وإنفصال فهيمة بيسخن بي رجالتكم قدر ده، معناتو قياساً علي كده المفروض نفس المعلقين البيض التحت ديل يمشوا ياكلوا الجنجويد ديل أكل!

نجي للهرطقة البعدها .. سيادتك بتناقض في نفسك بصورة مضحكة! إنت قلت: "المرأة مهما فعلت ومهما اضحت واصبحت فهي الام والاخت والزوجة والابنة"! والراجل برضو مهما فعل ومهما أضحى وأصبح فهو الأب والأخ والزوج والإبن! ولا المرأة بتكون أم وأخت وزوجنة وإبنة الهواء؟

يا عزيزي العشا بلبن، لا المرأة تولد حاملة لـ(كُنُش) ولا (كمشة) حينما تولد، ولا الرجل يولد حاملا سيفاً ومايكروفوناً حينما يولد أيضاً! يصعب التفريق بين الطفل الذكر من الإنثى إلا إن كان عارياً (تماماً) .. وكل الإختلافات والسخافات الأبوية البتأطر لأدوار كل منهما هي من صنع المجتمع، إذاً هي قابلة للإنتقاد والتفنيد! فهمت يا من لايفهم؟

زوجها متخلف والله أكضب؟ بس يصعب على من يتبنى موقفك الفهم لمدى تخلف هذا الشخص، وإن إستطعت الفهم .. فلن (تعترف) بهذا لأنك تسير على خطاه وتدافع عنه بتجريمك للأستاذة فهيمة بإعتبارك مستفيد من النظام الإجتماعي الحالي، والذي لا محالة متغير شئت أم أبيت .. وليس عندك الشجاعة في تفنيد معايير مجتمعك التي حتماً ستكون نتيجتها في صالح غيرك (المرأة السودانية)!

أخيراً .. أنا ما قلت كل المعلقين غلط وأنا الصح (يا كضاب)! أنا قلت المعلقين (صُنُج)! وبنفس القدر غالباً أي واحد منهم يقرأ آرائي دي حيقرر إنو أنا ببوظ في المجتمع السوداني وما غيور على المرأة السودانية، والمتأسلمين حيسموني ديوث! فعادي يعني مسألة إنو كل زول يشوف معكوس رأيه صناجة أو دياثة أو أي حاجة ما تمام :)

أنا عملت بنصيحتك، ووقعت في ترعة ومويتها راكده، وفندتها حتة حتة ورشيتها بالجمكسين! ولو الترعة الراكدة دي جات تاني، تااااااني بقع فيها رش بالجمكسين! أشكرك على النصيحة الغالية والجات (في وقتها) ..

أخيراً تاني، يعني أنا قرفان بي خمسة وخمسين تعليق، داير تحرمني من فرصة إنو أقرفكم بي تعليق تعليقين ليه ياخ؟ إيه الظلم ده؟ عموماً لو ما عاجبك كلامي، ممكن تمشي تلحق أخوك التاني داك وتمشي تقوم تلف معاهو .. أو فط كتابتي وغمض زي ما إنت مغمض عن الحق وتدعيه!

[ما هي مقاييس الفهم يا ايها الجبكسين يا مؤذي المعلقين] 05-15-2013 08:22 PM
بدأ المعلق الجكمسين[ في رده على تعليق الاخ MAHMOUDJADEED ] هكذا[اشكرك لوضعي في مقدمة الناس (البتفهم) أي والله هكذا بكل بساطة وبكل صلف وكبرياء وغررو ولغة الأنا!!! أي فهم نعتك به يا أبو فهم!! فعلا كدا ثبت لي أن المقولة التي تقول بأن الفهم قسم مجسدة فيك تماماً.. قرآت تعليق الاخ ولم ينعتك ولم يصفك بفهم ولا بعدم فهم وإنما قال الذين يعترضون على النصائح فمن اين؟؟؟ اتيت بمسالة الفهم هذه.. إلا أن كانت مقاييس الفهم والذكاء عندك!!! بشيء آخر غير فهمك المحدود

تعرف يا ابو الجبكسين.. تعليقاتك كلها التي تحاول أن تفند بها تعليقات الناس تختلف عن فهمك الذي تدعيه انت ولم يدعيه لك أحد لا في الراكوبة ولا الأوضة.. كلها في غيرتها على اعراضها.. وفي غيرتها على المراة السودانية.. وفي غيرتها على ترك واستبدال الذي أدنى بالذي هو خير.. وغيرتها زوجاتهم واخواتهم وبنات اخواتهم وبنات جيرانهم..


الناس لم تهاجم الغناء في حده ذاته وانا هاجمت الذي يترك الفن ويضحي باسرته واطفاله ومملكته من اجل شيء يسمى الفن.. فالمرأة مهما فعلت ومهما اضحت واصبحت فهي الام والاخت والزوجة والابنة. فالأمومة لا تستبدل بشيء.. فإذا كانت الامومة تستبدل بشيء اخر لتركت الوزيرات وكباتن الطائرات والدكتورات في الجامعات والصحفيات والكاتبات والموظفات والمسئولات التنفيذيات لتركن الأمومة والارتباط بالزوج.. لأن الذي يحملهن هؤلاء لا تحمله فهيمة عبد الله. فالذي عندهن باقي وماعندي فهيمة زائل.

اراك قد نعتك زوجها بالمتخلف أنا شخصيا لا اعرفها ولا اعرف زوجها. ولكن أن كان بفهمك دا فأفضل له أن يكون متخلف. من ان يكون متحرر وانفتاحي بفهمك إذا تركها تدخل البيت في نص الليالي بداعي الفن والحياة الفنية. تأكد يا ابو الجبكسين اللي بقتل الحشرات بس.. ان الحشرات والحيوانات نفسها بتغير على اناثها.. فالغيرة إذا ماتت في الرجل مات فيه كل شيء.
في النهاية أنا داير اوصل ليك فكرة معينة.. يعني كل المعلقين ديل غلط وانت صاح.. وانت فاهم ومتفتح ومنفتح. الغريب في تلعيق سابق ليك بتقول لواحد قول لف.. انا بقول ليك مش قوم لف. انا بقول ليك اقع البحر ولا لو جنبك ترعة ومويتها راكدة احسن ليك لانو النيل مويتو ماشة ونظيفة.

صراحة.. لا تقرفنا بتعليقاتك السجمانة التي تريد أن تشيع هكذا امور وسط بنات جيلها واللائي يعتبرنها قدوة ليفعلن غدا نفس الذي فعلته فهيمة بداعي أن الحياة الزوجية عبء ويجب التخلص منه.

[الجمكسين قاتل الصراصير] 05-15-2013 12:40 PM
أشكرك لوضعي في مقدمة الناس (البتفهم)!!

بس لفت نظر صغير لسيادتك، إنو معظم المهاويس التحت المعترضين على تصريح أستاذة فهيمة ما معترضين على غناء البنات (و دي محمدة على الأقل) .. الحاصل إنو حضرات السادة قضاة الأخلاق المعلقين بيشوفوا إنو المرأة هي عبارة عن (بقرة) تحمل وتلد، وإنه زواجها (بغض النظر عن جهل ورجعية وتخلف الزوج) هو أهم ليها من الغناء اللي هي مؤمنة بيهو وحاباهو وناوية تواصل فيهو! وعليه فالحديث النبوي اللي حضرتك جبته فوق ده خارج عن النص! إلا إذا كنت من الذين يعشقون (حشر) وجهة نظر دينية لآية أو حديث (تحفظه) ولا تجيد إستخدامه في مكانه الصحيح!

تأطير أدوار المرأة زي ما إنت وباقي العالم العجيبة المعلقة دي واحد من أهم أسباب تخلف المجتمع السوداني! أصلو مامفهومة طلباتكم العجيبة دي بإنه الزولة تترك حياتها المهنية وتقدمها كإنسانة لها كينونتها وشخصيتها المستقلة في مقابل البقاء تحت سقف واحد مع زوج رجعي ومتخلف! هو لمن إتزوجها كانت بتأذن في الجامع؟ مش عارفها مغنية؟

ومازلت عند موقفي الداعم للأستاذة فهيمة (المصادمة) لمعايير مجتمعنا الأبوي الذكوري المتخلف!

ملحوظة أخيرة:
الشباب الماقصروا علي قولك ديل وخلوا باقي التصريحات بتاعة الأخريات لم يكن لعدم مناسبة التصريح لها .. بل لأن الصحفي الوهمي النشر الكلام ده هنا (عنونه) بتصريح فهيمة! وكان عارف إنو البلد مليانة ناس (صُنُج) - جمع أصنَج - وحيعملوا للموضوع قومة وقعدة!


#665202 [جركان فاضى]
4.75/5 (5 صوت)

05-14-2013 06:20 PM
انا اعتقد ان الاخت فهيمة اختارت الطريق الصحيح -فلو كان زوجها يملأ قلبها محبة له لتركت الغناء من اجله ولكنها لم تجد فيه الشخص الذى يملأدنياها بالسعادة اكثر من الفن -هناك عددا من الفنانات فى جيل فهيمة تركن الغناء بعد الزواج ارضاء لازواجهن ومنهن الفنانة اسرار بابكر وكثيرات- هاردلك فهيمة فى المرة الاولى وتمنياتى لك بزوج على مزاجك يملأ دنياك محبة فى المرة الثانية


#665184 [أبوزينب]
5.00/5 (4 صوت)

05-14-2013 05:50 PM
يا فهيمة بعد كلام الناس الطيب دا و الذي يعكس جمال القيم و الخير المختبىء في الشخصية السودانية اتمني أن تضعي الزواج و الاسرة في المقام الأول و عشان نكون جادين انا ما عندي مانع اتزوجك علي سنة الله و رسوله و لن تجدي فيني غير شخص متدين و عصري و مواكب و محب و متفاني و اذا ابديتي الرغبة فيمكننا ان نتناقش في بقية التفاصيل ... و لك وافر التقدير


#665180 [الحسن والحسين]
3.00/5 (2 صوت)

05-14-2013 05:41 PM
لو الفن فيه مستقبل كويس ما كان تركته الفنانه الجميله عافيه حسن ألله يحفظها


#665158 [ابوعلي]
4.13/5 (6 صوت)

05-14-2013 05:22 PM
يا اختي اتقي الله في نفسك معظم الناس كانو يحترموك لحشمتك ولبسك المحترم لكن كلامك الاخير ح يخصم كتير من جمهورك
اختي حكمي عقلك وشوفي كم من المعلقين واقفين في صفك؟؟؟؟


#665066 [حلومر]
3.21/5 (8 صوت)

05-14-2013 03:38 PM
تركتى الحياة الزوجية من أجل الفن ؟؟؟ - يعنى حتشتغلى تجارى مش كده !!!!!


#665061 [ابو مازن]
0.00/5 (0 صوت)

05-14-2013 03:35 PM
العريس السابق ارتبط بفتاة اخرى ونيسيا حاجة اسمها فهيمة وربنا يسعدو بعدما تزوجا بمحض الارادة وطلبت هى الطلاقة بالمحكمة بعد كل الاجاويد تمنياتنا لها بالتوفيق والزواج لا يمنع الفن يا استاذة والعمر ماشى وارجعى لصوابك


#665045 [hazim]
1.72/5 (9 صوت)

05-14-2013 03:22 PM
قولوا لها ان تقرأ سير اللاتي فضلن الفن على الزواج كيف انتهت حياتهن:فاطمة رشدي مثلا التى كرمها الملوك و الرؤساء,ماتت فى فندق شعبي فى القاهرة وحيده,فقيرة و مهجورة لم تشفع لها شهادات التقدير التي نالتها..و سعاد حسني التي تسمى حسناء الشاشة,ماتت منتحرة و حيدة,مريضه و فقيرة و غيرهن كثير ,انت يا فهيمة لا زلت في سن الانجاب فعودي الي رشدك..سؤال:لو لا قدر الله اصابك شلل فى الوجه كما اصاب سعاد حسني و تغيرت ملامح وجهك الى القبح و ذهب صوتك و تواريت عن الناس,فهل يذكرك من يدعون الطرب لغنائك الان؟اين الفنانة شريهان الفنانة الاستعراضية الجميلة,ملكة الفوازير التي كانت ملئ سمع العالم العربي و بصره؟


#665027 [osman]
3.00/5 (1 صوت)

05-14-2013 02:51 PM
fear ala and go back to your islam what you say and you do hram
how you leave your home and going to singer harm


#665002 [محمد]
3.75/5 (3 صوت)

05-14-2013 02:32 PM
أنا تنازلت عن حياتي الزوجية بأكملها لأني أحسست انها ستأخذني بعيدا عن الفن. حرام الزول ربنا يديهو موهبة وما ينميها ما في أية حاجة ممكن تقيف في طريق مستقبلي الفني.
الفنانه فهيمة عبدالله

حـتــنـــــدمـــي


#664997 [انين الصمت]
4.69/5 (5 صوت)

05-14-2013 02:18 PM
والله لو كنتي قعدتي في البيت وسمعتي كلام راجلك كالن ريحتينا من صوتك النشاز الله يرحمك يا محمود3


#664986 [ممكون]
3.50/5 (3 صوت)

05-14-2013 02:11 PM
معقول ده ؟ البت دي أهلها وين ؟ وين أبوها ؟


ردود على ممكون
United States [كبسور] 05-14-2013 05:59 PM
ابوها متوفي الله يرحموا وكان مادح للرسول صلى الله عليه وسلم ....فتامل


#664977 [بيكانتو]
4.50/5 (5 صوت)

05-14-2013 01:57 PM
يعنى حرم النور ما عاجباك بتغنى ومروقة ووالده العيب فى شنو - وبعدين انتى ح تغنى اليوم كلوا و نشوفك تحققى شنوا ياااا ام كلثوم ، الشحرورة لسه بتتزوج شفتى كيف


ردود على بيكانتو
European Union [الجمكسين قاتل الصراصير] 05-16-2013 11:03 AM
والزي نوع (الشافوه خلوه) ديل ماشاء الله بيكونوا (حمشين) وقاطعين علي زوجاتهم النفس، بعد داك بيمشوا الشغل يقعدوا فيها 8 ساعات + ساعتين مواصلات! وهي مساحة كافية عشان تتنفس فيها الزوجة (من وراء ظهره)

[ود الشافوه خلوه] 05-15-2013 08:27 PM
زيي ناس جمكسين ياهم الناس اللي بقول لك ولا معارف زوجتي اكثر من معارفي!! وبيكون مبسوووووووووط وفرحان فرح العيد

[الجمكسين قاتل الصراصير] 05-15-2013 04:37 PM
العيب في مخ طليق فهيمة .. والميزة في زوج حرم النور!
الأول وهمي وبيض وقام عليهو وجع الرجالة فجأة وقرر يمنعها من الغناء ..
والتاني راجل صحي صحي .. وواثق من نفسو .. ونضيف ومتربي كويس

وقع ليك؟


#664957 [ياسر محمد طيب الاسماء عثمان]
2.69/5 (5 صوت)

05-14-2013 01:33 PM
بسم الله الرحمن الرحيم
الصلاة والسلام علي رسولنا الامين محمد صلي الله عليه وسلم
الاخت فهيمة
والله الساحةالفنية لاتحتاج عشان الزول مهما كان مامكمن يحضحي بالغالي من اجل الرخيص والله والله حياتك الزوجية افضل ليك وارحم ليك من الفن لان الفن لن يعطيك اكثر مما ياخذ منك وبالسالب والله بالسالب في كل شئ دين ودنيا.
اختي ارجعي الي صوابك ولحياتك الزوجية وخليك من الفن والفنانين والله لواحتجتي لشربة موية بعدما تتقدمي في العمر مافي زول يتبرع ويعطيك اياها وايام الشباب لا تدوم والصحة لا تدوم والامثال قدامك والشقي من اتعظ بنفسة والسعيد من اتعظ بغيره وفي الايام القليله الفائته كان خبر طرد الفنانة القديرة فايزة عمسيب من منزلها ماذا فعل لها اتحاد الفنانين والشعراء والادباء ولا حتى الحكومة ممثله في وزير الاعلام والثفافة والفنون والسياحة وكل الاسامي البراقة .
اختي والله درب الفن يسلبك اشياء الصب استردادها ارجعي الي صوابك وحكمي صوت العقل واتمني لك حياة سيعده.


#664953 [johny]
4.50/5 (2 صوت)

05-14-2013 01:26 PM
this is very bad idea , you have to go back to your husband to build your family .


#664896 [؟؟؟؟؟؟؟؟؟]
3.00/5 (4 صوت)

05-14-2013 12:37 PM
بالرغم من الاراء والمقولات لمجموعة من الفنانات والمشاهير في المجتمع السوداني.. إلا أن اسخن مقولة واحرها على الأذن والعين هو تصريح المغنية فهيمة عبدالله..

كان الناس سوف يجدون لك العذر كمجتمع وكمسمتعين ومتابعين لك ومعجبين بفنك.. بالرغم من انها مسالة شخصية تخصك كإنسانة وليس فنانة.. ولكن بما أن لك معجبات ومتابعات في سنك وفي نفسك عنفوانك وطموحك وتطلعاتك نقول لك[ اجتهدت ولم تصب] فكان احرى لك أن تعللي انفصالك عن زوجك بكلمة طيبة جداً[ وهي القسمة اختارت] والخير فيما اختاره الله.. لعله خير لك وله.. فكثير من الزوجات والازواج تطلقوا وارتبطوا وعاشوا حياة زوجية سعيدة.. فأنت لست الأولى التي سنت هذه السنة ولن تكوني الأخيرة ولكن أن تطلعي في الجرائد وتصرحي بأن العائق الوحيد الذي كان بينك وبين زوجك هو بما اسميته[ الفن] فهذا ليس كلام العاقلين والواعين..

فكان لك بالرغم قبول الخوض في التجربة الزواجية التي لم تكلل بالنجاح.. إن تصارحي زوجك من الأول برغبتك هذه وكان أولى له هو كزوج أن يقول وجهة نظره في هذا الأمر قبل الزواج.. وأن لا يتم هكذا زواج بترضيات وجودية ووساطات.. لأن القصد من الزواج هو صون وحفظ وراحة بال واستقرار.. فكثيرات غيرك في مجال العمل العام يحلمن درجات الدكتوراه ويحملن هموم وزارات وغيره تزوجن بل ولم يتنازلن عن ازواجهن بالرغم من الشهرة والمهام والمسئولية لم يتنازلن عن امومتهن ولا عن بيوتهن ولا مسئوليتهن الزوجية.. لأنهن يدركن يبقى الأصل ويذهب الفرع.

بالرغم من انها مسالة خاصة جدا تمسك انت.. ولكن تعليقنا هنا فقط لكن تعتبري الآن قدوة لكثير من بنات جيلك.. فلذلك القدوة لابد أن يكون قدوة..
نسال الله أن يرزقك ويصلح بينك وبين زوجك إن كان الود موجود.. ولكن مقولتك هذه أو وجهتك نظرك هذه غير سليمة وغير منطقية ومردود عليك.. هدانا الله واياك..

اخيرا يبقى اجمل صوت نسائي قوي هو سميرة دنيا.. وبالذات عندما تتغنى برائعة عثمان حسين (صدقيني) وكل اغاني الهرم عثمان حسين..


#664893 [ابو مجمد]
4.00/5 (7 صوت)

05-14-2013 12:35 PM
تبدلى لحلال بالحرام نسال الله العافيه والسلامه معقوله فى ناس مفاهيمها كده


#664881 [جيب من جوة]
5.00/5 (1 صوت)

05-14-2013 12:24 PM
والله انا من ما سمعتك اول مرة في نجوم الغد ما هضمتك الحمد لله نظرتي كانت في محلها
انعل ابو الفن البخلي الغنا لشريف نيجريا يخرب البيوت


#664868 [Abu Areej]
4.72/5 (7 صوت)

05-14-2013 12:12 PM
(تنازلت عن حياتي الزوجية بأكملها لأني أحسست انها ستأخذني بعيدا عن الفن. حرام الزول ربنا يديهو موهبة وما ينميها ما في أية حاجة ممكن تقيف في طريق مستقبلي الفني)

يا بنتي مستقبلك ان تتزوجي وتنجبي اطفال يكونوا لك سنداً في هذه الدنيا .. خاصة وان الانسان يكبر ويصاب بالامراض فلن يساعده ويتقبله الا اولاده .. والفن يا بنتي له فترة محددة وتنتهي وتصبحين في الدكة وكل الذي يصفق لك الان لن تجديه .. هذا من ناحية الدنيا ..

واما الاخرة فيعلمها الله تعالى فلنعمل لها في كل كسر من الثانية ..

اسأل الله العلي القدير ان يهدينا ويهديك وجميع المسلمين ويرحمنا برحمته الواسعة..


#664839 [Ali Taha]
4.00/5 (3 صوت)

05-14-2013 11:46 AM
يا جماعه انتوتهاني الباشا دي لسه بتتذكر
مثلا فترة الإندايات اخرجت قدراً من الشعر والفن
وبرضو اخرجت كميه من الساسه والروؤساء والنبلاء والمفكريين
هسه الجيل ده بيعرف الاندايه والله الا يكون قري لنجيب محفوظ
والبارات كيف مااخرجت قدراً من الشعر والفن


#664822 [um ahmed]
1.84/5 (9 صوت)

05-14-2013 11:35 AM
اخوانى الكرام 00 عبد المتعال والمطوع 00 فهيمه قبل فتره بعد انفصالها من زوجها قرات انها قالت من اسباب انفصالها ان زوجها غير راضى عن رجوعها البيت فى وقت متاخر بسبب البروفات . وكنت احبها جدا والله لكن منذ حديثها عن زعل زوجها فى تاخيرها دخل فى نفسى شيىء تجاهها لانى ارى ان زوجها محق جدا وبيتها وزوجها واسرتها احق من هذا كله واهم لها . هذا شان يخصها لكن لمصلحتها احب ان تلحق نفسها . واعوا الله صادقه ان يهديها . ودمتم


#664816 [عابد مختار المختار]
5.00/5 (2 صوت)

05-14-2013 11:30 AM
نسال الله السلامة لك ولنا وللاخرون


#664788 [ام دعا]
4.00/5 (4 صوت)

05-14-2013 10:58 AM
هداك الله


#664766 [عبد المتعال]
2.86/5 (11 صوت)

05-14-2013 10:37 AM
اولا - اولا لانعرف سبب الانفصال لكن اكيد زوجك ود ناس ومن اسره محافظه وانت كنت زوجته ومن حقه ان يخاف عليك
ثانيا - حبل الغناء قصير واذا سلكت هذا الطريق فنهايتك ماساويه كما حدث لكثير من الفنانات انتحار من الشرفات
ثالثا- من طلب الطلاق اوتساهلت علي حدوثه فانت ملعونه من الله والملائكه الي ان ترجعي الي رشدك
رابعا - قرات قبل كم يوم نداء اسغاثه من احد الطبيبات المشهورات في الخليج تصرخ وتقول خذو مشارطي وشهادتي واعطوني طفلا
خامسا - نتمني لك الرشد والهدايه وان ترجعي الي صوابك لان الشيطان يظهر لك السؤ
سادسا- وتكوين اسره وبيت هاني واتكاتك علي كتف راجل افضل لك ولدينك


ردود على عبد المتعال
[الجمكسين قاتل الصراصير] 05-14-2013 05:15 PM
أولاً - بل أكيد زوجها واحد متخلف جاهل من أسرة رجعية زي حضرتك، وأحسن حاجة عملتها إنها إتخارجت منو!
ثانياً - حبل الغناء المقصرو وساخة إضنين المستمعين وتقييمهم للفنانة بي شكلها. بلا إنتحار الفنانات بلا كضب معاك!
ثالثاً - ياخوي إنت عميان من الرجال البيحلفوا طلاق يمين وشمال ديل كووووولهم وجيت توصف المسيكينة دي بالملعونة؟ دليلك شنو علي الكلام الفاضي ده؟ منو القال إنو البيطلب الطلاق أو إتساهل في حدوثة ملعون من الله وملائكته أصلاً؟ بلاش لتيق معاك!
رابعاً - ده دليل تاني على سطحيتك! حضرتك جايب نموذج واحد من جريدة الدار ولا ياتو صحافة صفراء تانية .. ومتناسي كل النجاحات القامت بيها حواء السودانية! أبوية ورجعية وتخلف .. وقرف!
خامساً - أطلب الرشد والهداية لي رقبتك دي .. بينها وبين ربها الجنة والنار .. إنت أمرق منها وبلاش حشرية معاك!
سادساً - كتف راجل؟ بالله إنت ما زول بيضة؟ ودينها مالك ومالو؟ كل شاة معلقة من عرقوبها!! من حقك إنك تكون زول خملان ووهمي وما عندك موقف في حياتك .. ومن حقها إنها تكون زولة قوية وتقيف في موقفها (اللي هي دي صفة الرجال الجد جد) ..
سابعاً - ودي مني أنا - قوم لف!


#664754 [محتار فى خلق الله]
0.00/5 (0 صوت)

05-14-2013 10:31 AM
اطلبى الرحمة والمغفرة من الله سبحانه وتعالى
ما احله الله تتركيه بما حرم الله ؟؟؟
هل الغناء هو الحل
لا اريد التحدث فى وعن مجتمع الغناء معروف عن مجتمع الغناء وما يجر اليه

وكفى انه اصبحتم اليوم فى بلد وبكرة فى بلد من غير محرم او ولى امر


#664722 [سمير]
0.00/5 (0 صوت)

05-14-2013 10:08 AM
شراركم عزابكم


#664720 [باشا]
3.44/5 (9 صوت)

05-14-2013 10:08 AM
خلاص يا ام كلثوم

تنازلت عن حياتك الزوجية للفن ... هو ده فن ؟؟

يفنوك في الترعة الجيتي منها

الشرع بقول اذا اتاكم من ترضون دينه وحلقه فزوجوه

وانت تفكيه عشان حفلة هجيج وهرج ومرج وكلام فارغ ؟؟

اذا كانت الاستاذة الكبيرة المستحيل تصلوا مستواها حنان النيل اعتزلت وتركت الفن رغم انها ما كانت من نوع الفنانات بتاعات الهرج والمرج

شوفي يا فهيمة صراحة مستواك الفني ضعيف وان كان صوتك كويس لكنه عادي ما عندك فرق من الملايين البصرخن جمبك في الحفلات ووسائل الاعلام

محظوظات لقيتن القنوات مية ما جيتن زمن القناة الواحدة زمن كان مستحيل تخلي راجلك عشان تمشي بيت اهلك

لكن مع الزمن ده الواحدة ممكن تخلي راجلها وتسافر للشريف في نيجيريا

موضوع فارغ


ردود على باشا
European Union [abdu almarraty] 05-15-2013 06:54 PM
والله يا باشا قطعت مصاريني من الضحك...........يفنوك في الترعة الجيتي منو.........ههههههااااااااااااااي وتاني هههههههيييييييي.....قالوا اي مسؤول حكومي عبارة عن رويبضة بما فيهم البشكير فقلنا صدقوا من قالوا........ثم قالوا ايضا هناك فنانون رويبضات فقلنا صفوهم لنا يا هؤلاء فقالوا لنا انت ما شايفيين ناس نجوم الغد فقبل ان نعلق عليهم ظهرت لنا هذه(انتو فهيمه دي منو كمان) بمقولتها الشهيرة(راجل شنو كمان اخير لي الهجيج...والازعاج المنظم دا).....وناس فقه السترة والمشروع الحضاري وين? لا لا هم ما فاضي لي ناس الكتمات لانو ابوكرشولا عامل ليهم كوابيس العيداااااااان القلاااااااد بعد الكنس..........عالم بجم. كسرة ثابتة:انتو اخبار فنان ناس هب و دب وين? شال الطاقية ولا لسع...حيكون منو ما سيف الجامعة في غيرو....رجع فرشات الدار ولا لسع? كسرة ثانية:اخبار صاحب المهن الاربعة وين ما قالو رائد في جهاز الامن ولا مشا ابوكرشولا..........منو يعني ما فارفور في غيرو.......عالم غنم.

[صوت الحق] 05-14-2013 04:21 PM
ههههههههههههه عجبتني عبارة يفنوك في الترعه الجيتي منها.. صراحه ابدعت فيها وبصراحه اكتر كلامها يغيظ ويجرح اي انسان عاقل وللاسف اول انسان اتجرح من كلامها دا طليقها لانه وبعد فوات الاوان اكتشف انو اختياره ما كان موفق والحمدلله جات على كدا ما لحقوا جابوا ليهم اطفال يكونوا ضحيه انسانه ما قدرت النعمه الكانت عايشه فيها واكيد ح تحس بي نعمةالاستقرار والزوج والابناء ولكن بعد فوات الاوان وزوال شبابها والمستغربه ليهو انها ما فنانه يشار اليها حتى تضحي بي مستقبلها كزوجه وأم ولا يوجد شي يستحق تضحيه كبيره زي دي.


#664688 [dougokoper]
4.00/5 (2 صوت)

05-14-2013 09:36 AM
أولى لك حياتك الزوجية .. لأني لا أرى لك فن تقدميه على ذلك .. فأرجعي إلى صوابك.


#664667 [AL-Basha]
1.94/5 (5 صوت)

05-14-2013 09:18 AM
لا توجد غريزة فى المراة اقوى من غريزة الامومة- غدا ستعلمين انك كنتى تطارين خيط دخان


#664664 [um ahmed]
2.79/5 (6 صوت)

05-14-2013 09:16 AM
يا فهيمه انا بحبك جدا لتميزك من حيث الاحتشام والاحترام والتهذيب واضافه لهذا صوتك جميل جدا . لكن يا اختى اخديها نصيحه منى حياتك الزوجيه اهم من البتعملى فيهو كله والله ياتيك اليوم الذى ستندمين فيهو فى ضياع عمرك . كنوز الدنيا كلها لا تساوى حياتك الزوجيه واستقرارك وتكوين اسره . ارجعى الى صوابك قبل فوات الاوان


ردود على um ahmed
[ضل الضحى] 05-14-2013 12:19 PM
يااخونا المطوع.. ما تسرع ساكت وتلفح الكمال من الخشم.. البت دي لا قالت اشعة ولا يحزنون.. التقرير دا اسمو [ أراء ناعمة] فيه مقتطفات من لقاءات سابقة لنون النسوة [ وهن بالترتيب تهاني الباشا- فهيمة عبد الله- عبير علي- د. سهام الخواض[ يعني سهام الخواض هي اللي قالت الكلام دا.] رجاءاً يجب أن نقرأ التقرير أو المقال أول ونفهم الحاصل شنو؟!! وبعدين التعليق ملحوق.. ولا كيف

United States [Ali Taha] 05-14-2013 11:34 AM
يا المطوع
بس داير اسألك مالك زعلانة من ناس الاشعة ولا قاصدة عمر الدقير الكوز العامل فيها مدير صحة البيئة بولاية الخرطوم . ما كل ناس الاشعة كيزان وخاصة اول دفعة بكالوريوس من هذه الكلية
ماتلخبط الكيمان دي ماهي القالت كدي دي دكتوره سهام الخواض

[المطوع] 05-14-2013 10:38 AM
يا خوفي عليك لو لمة فيك ود المك . ابعدي من هذا المجتمع وعودي الى ربك . دوام الحال من المحال . عارف انك ما مرتاحة مع زوجك بس دا ما بيعني انك تهجريهو . لكل مشكلة حل والخلافات الزوجية هي التي تقوي العلاقات وبالذات الحميمة بين الازواج . عودي وزي ما قالت ليك ام احمد ارجعي الي صوابك قبل الرماد يكيل حماد.
بس داير اسألك مالك زعلانة من ناس الاشعة ولا قاصدة عمر الدقير الكوز العامل فيها مدير صحة البيئة بولاية الخرطوم . ما كل ناس الاشعة كيزان وخاصة اول دفعة بكالوريوس من هذه الكلية .


#664661 [ابو لين]
1.50/5 (2 صوت)

05-14-2013 09:15 AM
كلام غريب الفنانات المحترفات ولهن سنيين مجرد ما تتزوج بتترك السوي فيهو وتستقر في بيتها انت تطلقي عشان الفن تفكير غريب صراحه , وبعدين سؤال هل الغناء حرام ام حلال اجيب عن السؤال وبعدين اطلبي الطلاق


#664660 [sul.dafa]
3.00/5 (2 صوت)

05-14-2013 09:14 AM
انا ما عارف الناس البتهاجم وبتسب دى ليه يا ناس زولة عاقلة وعارفة بتعمل فى شنو ودا قرارها انتو مالكم ومالها كنتو من بقيت اهلها يا اخى عالم عجيبة


ردود على sul.dafa
[مركوب نمر] 05-15-2013 01:22 PM
الله ينور عليك يا Sul.Dafa

مسألة مفرحة إنو في نص البيضنة البيكتب فيها الشعب السوداني في شكل تعليقات على تصريح أستاذة فهيمة إنو ألقى رأي محترم وفاهم زي رأيك ده!

العالم الهايجة هنا دي كلها بتفترض إنه المرأة هي كائن خُلِق لكي يتزوج ويولد! وده نتاج لذكورية وأبوية المجتمع السوداني البتفرز آراء (سمجة) زي آراء الناس البتهاجم بدون فهم دي!

أصلاً شغلتهم شنو غير (التِحِشر) في خصوصيات الناس؟ ويجوك كلهم يعملوا ليك فيها شيوخ الدين الإسلامي الحصريين وآخرة الحوار يا نبذوك في بت أم روحك دي .. يا طلعوك كافرة شيوعية علمانية شيعية بهائية :)

وكمان الزول الرد ليك ده قال ليك لو كان أختك ولا زوجتك إختارت الفن على الزواج بترضى؟ الود زناق وعصّار يعني وجاب السؤال الصعب الما بيترد عليهو!

كدي (يا رجال السودان) خلوا الغناء حلال ولا حرام، وأختي وأمك .. وركزوا مع كرامتكم المعفوصة كل يوم بواسطة الكيزان! الرجالة ما إنك تتشطر على النساء الفي بيتك .. الرجالة مواقف وإنصاف!

وبالله ما يجي واحد يتظارف ويشبكني مواقف مواصلات وإنصاف مدني!

القبحة فوقكم .. شعب بيض!

United States [وين الراحة] 05-14-2013 11:52 AM
نحنا ما من بقية اهلها ولا حاجة لكن طالما صرحت برايها دا في الاعلام ....يبقى لازم الناس ترد عليها عشان ما يتاثروا بيها بنات تانيات وبعدين انت زعلان مالك هسة لو كانت دي اختك او زوجتك حترضى انها تختار الفن وتهدم بيتها اذا كنت بترضى تبقى مشكلتك اكبر من مشكلة فهيمة


#664658 [أبو الكدس]
2.00/5 (4 صوت)

05-14-2013 09:09 AM
لا بالله هو وينو الفن ده وبعدين مين البت فهيمة الفهيمة دي وتاني حاجة إنت تنازلتي عن الحياة الزوجية ولا أصلا مافي واحد عبرك؟


#664655 [الرووووووووووووووووووووب]
3.25/5 (3 صوت)

05-14-2013 09:07 AM
خمي و صري ما انتي جاية في زمن الانقاذ زمن المفاهيم المشقلبه و المنحطه و امثالك هم للاسف اللي في الواجهه .... و شرفاء البلد و اخوات الرجال ماتوا جوع


#664646 [lahib]
3.50/5 (3 صوت)

05-14-2013 09:03 AM
متخلفه بس


#664623 [مريود]
3.88/5 (4 صوت)

05-14-2013 08:31 AM
أنت يا بنتي ركبتي المتاهة .
راجعي حساباتك وأسمعي عقلك لا عاطفتك.


#664621 [المتجهجه بسبب الانفصال]
0.00/5 (0 صوت)

05-14-2013 08:29 AM
وده برضو كلام يا فهيمة ،،، صحيح ربنا اداك موهبة ولكن بعد مرور العمر ستكتشفي انك اخطأت خطئاً كبيرا في موازنتك بين الفن والحياة الزوجية،،، صحيح ان الحياة الزوجية عبارة عن قيدين يقيدان الرجل والمرأة الى بعضهما البعض ومن الصعب لفنانات شابات أصبحن ملء السمع والبصر في السودان ذو الاذن المثقوبة وسيرتهن على السنة المعجبين والمعجبات وهذا غاية منى هذا الجيل المنكوب في زمن الحروب والهروب من عالم الواقع،، الرجاء استشارة عافية حسن يمكنها ان تساعدك في ايجاد حل لمعادلة الحياة الفنية والزوجية التي تشبه في عالم السياسة السودانية قصة السلطة وتوزيع الثروة التي اذا تم التخلي عن احداها ضاعت الاخرى ،،،، نتمنى لك التوفيق في خيارك،،،


ردود على المتجهجه بسبب الانفصال
[osama dai elnaiem] 05-14-2013 09:19 AM
امل ان تكون امنيتك لها بالتوفيق في عودتها لنداء الطبيعة وسنة الاسلام (وضل راجل افضل من عداد حفلة او موهبة فنان يخسف بها مرض في الحنجرة- حماها الله-)


#664619 [BLUENILE]
5.00/5 (1 صوت)

05-14-2013 08:27 AM
الله يهديك الى الصواب تتركى الزواج من اجل الفن مسكينه الزواج عصمه ورباط مقدس كنت اتمنى ان تقولى تركت الفن من اجل ان تكونى بيت سعيد واسره وعيال صدقينى يا بنت الناس الفن شئ صعب وفيه ابتزاز واحيانا تنازلات كثيره للدرجه السقوط لذالك عودى الى بيتك وحياتك الزوجيه وتقربى الى ربك بالتوبه والاستغفار وبلاش شئ اسمه فن وغناء لانه يدعوا للفجور والسقوط والجرى خلف ملذات الدنيا
الله يهديك


#664596 [hazim]
3.25/5 (4 صوت)

05-14-2013 07:32 AM
تنازلت عن حياتي الزوجية من اجل الفن؟؟؟تبا لك و لفنك,يا ويلك و سواد ليلك من غضب الله..اي فن الذي تتحدثين عنه؟ صحيح الاختشو ماتوا...اعوذ بالله من غضب الله


#664584 [التــــــــــــــــــــــــــــــــــــائــــــــه]
0.00/5 (0 صوت)

05-14-2013 07:00 AM
احترمك واحترم ادبك واحترم فنك . ولكن المساواه فى عهد الخبيث النتن قريب الرئيس لم
تكونى موفقه ابدا فيها وسوف تجلب عليك كتير من تعليقات الراكوباب والسبب لان جمهور الراكوبه
هو مرآة السودان .. فى عهد الطيب يافهيمه تم طرد طفلة من برنامج جنة الاطفال عمرها لا يتجاوز
الخمسه سنوات بحجة اللبس القصير .. أسوأ رجال السودان هو الطيب الذى لايحمل مثقال ذرة من اسمه


#664581 [samdan]
2.75/5 (3 صوت)

05-14-2013 06:56 AM
((أنا تنازلت عن حياتي الزوجية بأكملها لأني أحسست انها ستأخذني بعيدا عن الفن. حرام الزول ربنا يديهو موهبة وما ينميها ما في أية حاجة ممكن تقيف في طريق مستقبلي الفني ))
عدم مسئولية منك او البيت وسوف تندمين عند مرور سنين العمر ويومها لا ينفع الندم ما يسمى الغناء لا يغني ولا يسمن من جوع


ردود على samdan
[عنبر عمر الطيب] 05-14-2013 09:15 AM
اسألى الربوكى ولا تسألى نفسك لأن النفس امارة بالسوء حتى ولو لا تريدين كشف اسرارك الزوحية وربما انك ما مرتاحة فى حياتك الزوجية ولكن هذا لا يعنى اتخاذ مثل هذا القرار وبعد اشادة وصفقة ومدح وابراز الصوت الشجى كل هذا لا يدوم وكل له حدوده الا الحياة الزوجية وانا مثل ابوك وانصحك ان ترجعى الى حظيرة الاسلام وما شاء الله عليك انت جميلة بتوبك المحتشم ومن وقت لاخر امسكى المصحف الشريف ورويدا رويدا حتلقى نفسك رجعت لربك الكريم الذى وهب لك هذا الجمال واتمنى لك حياة ( زوجية ) سعيدة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة