الأخبار
أخبار إقليمية
د.مصطفى: (سماسرة) سودانيون يضللون المستثمرين



05-14-2013 11:55 AM
الخرطوم: عمر:
شكا د. مصطفى عثمان إسماعيل وزير الاستثمار من مجموعة (سماسرة) سودانيين قال إنهم تخصصوا في تصيد المستثمرين الأجانب وتضليلهم، وأضاف: (السماسرة أفسدوا كثيراً من المستثمرين)، وناشد المستثمرين كافة بألا يتعاملوا مع السماسرة، وأوصاهم بالتعامل المباشر مع الحكومة، وتابع: أبوابنا مفتوحة.

وقال د. مصطفى لدى تقديمه إحاطة بشأن الخارطة الاستثمارية ودور المجلس الأعلى للاستثمار في تشجيع فرص الاستثمار بالولايات في مجلس الولايات أمس، إن حجم الاستثمارات الأجنبية في البلاد مجهولة وغير معروفة حتى الآن، وأضاف: فشل التنسيق بين الجهاز الإتحادي والولائي قاد لهذه الهاوية، وطالب بإنشاء نافذة واحدة بكل الولايات تُوحَّد فيها المستندات المطلوبة وطريقة استلام الطلبات حتى لا يجد المستثمر نفسه أمام عدد من المسميات المختلفة، وانتقد الدستور الحالي وحمّله مسؤولية ما أسماه بـ (فوضى) الاستثمار فى البلاد، ونفى انسحاب أي مستثمر نتيجة للأحداث الأمنية الأخيرة، لكنه وصف العلاقة بالطردية، وقال: كلما تحسنت الأوضاع الأمنية انعكس ذلك على الاستثمار والمستثمرين، وتابع: المستثمرون في ازدياد مستمر.
وحول أخذ أفراد من الوزارة (كومشنات) من المستثمرين، قال: (لو قبضنا زول في الوزارة بياخد كومشن من مستثمر حتكون دي نهايتو، وحنفتح فيهو بلاغاً، وعشان كدا نحنا أعدنا تشكيل الوزارة من جديد).
وشكا الوزير من ارتفاع الضرائب والجبايات الولائية، وقال إنّ العديد من المشاريع الاستثمارية هجرت ودمرت وتركها المستثمرون بسبب الرسوم الباهظة، ولفت إلى أن مصانع الأسمنت بنهر النيل كادت تتوقف لجهة أن الولاية فرضت (25) جنيهاً على كل طن أسمنت، وأوضح أن عائدات الاستثمار الفترة الماضية أكثر من (29) مليار جنيه.
من ناحيتهم، طالب أعضاء المجلس بإسقاط الضرائب والجبايات على المستثمرين لتشجيعهم على الإنتاج، ووصفوا الإجراءات الإدارية بالعقبة التي تقف دون إكمال إجراءات الاستثمار، ووصفوا عائدات الاستثمار بالضعيفة جداً. وقال ميرغني المزمل: (عائدات الاستثمار لا تتجاوز قيمة استيراد الألبان من الخارج).

الراي العام


تعليقات 20 | إهداء 0 | زيارات 2929

التعليقات
#665675 [حرقة وألم]
0.00/5 (0 صوت)

05-15-2013 10:53 AM
إليك يا دكتور مصطفى عثمان مقتطفات من خطاب دكتور بالغنيم في الملتقى الاستثماري الفاشل في السعودية الشهر الماضي وعليك انت ومن معك ان تضعوا هذه الكلمات في مكاتبكم وتقرأوها صباح مساء كان الحال ينصلح
فماذا قال دكتور بالغنيم قال إن
الأمر يتطلب وجود عوامل أخرى أساسية ومكملة، تتمثل في الشفافية والنزاهة وملاءمة تطبيق القوانين وفاعليتها، وتوفير المعلومات ووجود ضمانات للاستثمار والاستقرار السياسي والاجتماعي، خاصة السياسات الاقتصادية الكلية الملائمة، كسعر الصرف والتحويلات الخارجية والضرائب والرسوم، إضافة إلى توفير البنى التحتية المطلوبة ووجود النظام المالي والبنكي والتسويقي والتأميني المناسب، وتوفر القوى العاملة المؤهلة والمدربة وغياب الموانع الإدارية والروتين وبطء وعدم مرونة الإجراءات وعدم تضارب السياسات


#665405 [جكسا]
0.00/5 (0 صوت)

05-15-2013 12:12 AM
مسؤل خليجي رفيع بيشتكي برضو يا مصطفى انو (السماسره) هم قاده النظام وده تصريح معروف ومنشور .


#665308 [عصمتووف]
0.00/5 (0 صوت)

05-14-2013 08:02 PM
د.مصطفى: (سماسرة) سودانيون يضللون المستثمرين
ومن غيرك يا رئيس نقابة السماسره اوعه تكون بعتة اراضي دولة الجنوب و غيرها من دول الجوار الجنوبي والشمال والغرب والشرق للسعودية السوداني انت ما حريف


#665291 [كاظم الغيظ]
0.00/5 (0 صوت)

05-14-2013 07:36 PM
يا أبو الدرداق يا ابوجهل في ماذا يستثمر المستثمرون وانتم دمرتوا كل البنى التحتية سكة حديد سودان لاين سودان ايرويز مشروع الجزيرة اضخم مشروع في الشرق الأوسط وافريقيا.
لنفرض بيعتوا ليهم اراضي الناس (ام دوم مثال) وزرعوها حيشيلوا المنتجات على رؤوسهم لتصديرها؟؟؟؟؟؟؟؟؟؟؟
انا أثمن علي تعليق الأخ عبدالله واستأذنه:
الاقتباس "
#665005 United States [عبد الله]

0.00/5 (0 صوت)

05-14-2013 01:36 PM
هل هذه الأراضي والمصانع والأصول التي تملكونها للأجانب وللقطاع الخاص ملك للمؤتمر الوطني- على المعارضة الوطنية وليس المعارضة الخائنة للوطن- أن تصدر بيانا تحذر فيه كافة المستثمرين من الإقدام على شراء أية أصول في السودان لأنها سوف تخضع للمراجعة الدقيقة لمعرفة كيفية تمليكها ومدى نفعها وما إذا كان المواطنون قد تضرروا منها- ويشمل ذلك كل القطاعات.

[عبد الله]


#665283 [زرياب]
0.00/5 (0 صوت)

05-14-2013 07:23 PM
(من ناحيتهم، طالب أعضاء المجلس بإسقاط الضرائب والجبايات على المستثمرين لتشجيعهم على الإنتاج، ووصفوا الإجراءات الإدارية بالعقبة التي تقف دون إكمال إجراءات الاستثمار، ووصفوا عائدات الاستثمار بالضعيفة جداً. وقال ميرغني المزمل: (عائدات الاستثمار لا تتجاوز قيمة استيراد الألبان من الخارج).
وهو المطلوب لانهم هم المستثمرين أنفسهم بس الحكاية ان شركاتهم تم تسجيلها في الخارج وبمسميات اجنبية حتي تنطلي الحيلة علي المواطنين وبالتالي يتم اعفاؤهم من الضرائب والجبايات وبالتالي هم المستفيدون من هذه الإعفاءات .
ويقول الوزير (فشل التنسيق بين الجهاز الإتحادي والولائي قاد لهذه الهاوية،)لازم الحكاية تكون كده لان كل واحد من الولاة ووزراء الولايات في زيارات مستمرة لدول الخليج لجلب المستثمرين لولاياتهم وأخذ ال (كومشنات) بره بره وبالمرة يتسوقوا من دول الخليج ويعودوا للسودان محملين بكل شيء. وقبل فترة أحد الولاة كان في ضيافة شركة بالمملكة حسب ما ورد في المواقع الالكترونية وما ممكن تفوت عليهم فرصة ذهبية للهبر .... حسبنا الله فيكم .


#665276 [الشفيع إبراهيم]
0.00/5 (0 صوت)

05-14-2013 07:20 PM
والله يا مصطفى بن اسماعيل خليك (طناش) وابعد عن عش أو عرين الأسود ، ألا تخشى غضبة أخو الرئيس الدكتور ؟ ده قال بساعد أي مستثمر لأنو أخو الرئيس عديل كده .... شوف ليك درب (شحدة) وأمسك فيهو أحسن ليك من الدواس الوهم ...
الشفيع


#665250 [ابو العينيين]
0.00/5 (0 صوت)

05-14-2013 06:29 PM
لو قبضنا زول في الوزارة بياخد كومشن من مستثمر حتكون دي نهايتو ههههههههههههههههههههههههههههههههههههههههههههههههههههههههه قليل من احترام لعقولنا


#665233 [aboidris]
0.00/5 (0 صوت)

05-14-2013 05:50 PM
الاتاوات الجبايات الرسوم الضرائب الذكاه المحروقات النقل الكهرباء الطاقه كلها تكاليف في مستوي كوكب المريخ الاحمر يا احمر السودان استثمار احمر اتاوات جبايات عمولات الوزير عاوز يرعي براه ممنوع اصطحاب الوسطاء


#665228 [radona]
0.00/5 (0 صوت)

05-14-2013 05:44 PM
الدكتور قال كلمة حق شئتم ام ابيتم
الكل بفى يسمسر ويرتشي حتى لم تعد تلك جريمة .. شئ اكثر من عادي
ولكن معنى ذلك انه بيقصد اغلبية الموظفين في السودان
وهذا مستحيل طبعا لانخم غالبيتهم بيشتغلوا كده وكده


ردود على radona
[nagatabuzaid] 05-14-2013 08:49 PM
وهو اولهم عايز يحتكر السمسرة لوحده ؟؟


#665226 [جركان فاضى]
0.00/5 (0 صوت)

05-14-2013 05:41 PM
الجماعة ضايقوه فى رزقه بعد ما تعلموا منو الفن - قال اعدنا ترتيب الوزارة عشان نوقف الكومشن -طيب الجماعة الطاروا من الوزارة بعد الترتيب جوك تانى من خارج الوزارة - يااخى خليهم استرزقوا والجاييك مو شوية احمد الله وقش خشمك


#665194 [المندهش]
0.00/5 (0 صوت)

05-14-2013 05:05 PM
هو في سمسار غيرك يا زول وانت العرفك شنو بالاستثمار غايتو بعتو البلد كلها ويا ريت كان بي فايدة يعني شنو زول يجي يزرع اعلاف والاسمنت في السودان بي كم ؟ قوم يا زول بلا استثمار معاك انتو بس لو خليتو الكراسي المكنكشين فيها دي والسرقة البلد بتمشي لي قدام امسكو مصطفى دا كم سنة وزير من وزارة لي وزارة هل السودان ما فيهو غيرو وحقق شنو هو وكل الكيزان غير الدمار والخراب للبد


#665152 [انصاري]
5.00/5 (1 صوت)

05-14-2013 04:13 PM
وزير السمسرة، داير يسمسر براه


ردود على انصاري
[3Atel] 05-14-2013 06:29 PM
دى مفروض تكون وزارة "الاستمسار " وليس الاستثمار


#665138 [سيف الله عمر فرح]
0.00/5 (0 صوت)

05-14-2013 03:59 PM
كلامه يناقض بعضه البعض !! ..

هل يعقل أن يكون مؤشر الاستثمار فى صعود ، رغم السلبيات وعوائق الاستثمار الذى ذكرها دكتور مصطفى بنفسه ؟ ..
إلا إذا كان المستثمرون جايين يستثمروا فى السودان عشان خاطر عيون دكتور مصطفى عثمان ،
أو لأن شروط الاستثمار محفزة ومشجعة لدرجة أن لا يبالوا بهذه السلبيات والعوائق ، ولأن إحتمال الخسارة غير وارد عند المستثمرين فى دراسات جدواهم الإقتصادية !! ..
وعقبال المغتربين والمستثمرين السودانيين يجدوا مثل هذه التسهيلات من الحكومة !! .


#665119 [المثلي عز الدين]
0.00/5 (0 صوت)

05-14-2013 03:39 PM
الغايتو يا مصطفى إبتسامة لو متذكر الأسنان أحسن تحصل ليك وظيفة في مركز صحي سمير


ردود على المثلي عز الدين
[nagatabuzaid] 05-14-2013 08:52 PM
ويستثمر لينا اضراسنا اللاحقة الصح دى يا ربى بلقى ليها زباين


#665111 [3Atel]
0.00/5 (0 صوت)

05-14-2013 03:31 PM
"لو قبضنا زول في الوزارة بياخد كومشن من مستثمر حتكون دي نهايتو"

طيب لو فى حرامى فى الوزارة قبض ليهو حرامى تانى فى الوزارة بياخد كومشن من مستثمر يعمل ليهو شنو ؟ ...دى حلها بسيط ..ياكل معاهو ويقش خشمو ويبقى مارق ولا الحرامى التانى عقابو يحفظ سورة البقرة بالمقلوب ؟...
غايتو اى مستثمر مغفل برمى قروشو على السراب الا يلوم نفسو بس .


ردود على 3Atel
United States [nagatabuzaid] 05-14-2013 08:55 PM
الدخل سورة البقرة شنو ؟ وكيف يحفظه بالمقلوب ؟ نرجو عدم الاستهتار بالقران لا لعب ولا مزاح فى كلام الله اتقى الله


#665049 [محمد إبراهيم]
3.50/5 (2 صوت)

05-14-2013 02:27 PM
ههههاي ،،، زي ما قلت ،،، عايز يلبع براهو ،،، الليلة يا كيزان أيامكم إنتهن ،،،


#665006 [Abu Areej]
3.00/5 (1 صوت)

05-14-2013 01:37 PM
بالعكس ديل بنوروهم .


#665005 [عبد الله]
0.00/5 (0 صوت)

05-14-2013 01:36 PM
هل هذه الأراضي والمصانع والأصول التي تملكونها للأجانب وللقطاع الخاص ملك للمؤتمر الوطني- على المعارضة الوطنية وليس المعارضة الخائنة للوطن- أن تصدر بيانا تحذر فيه كافة المستثمرين من الإقدام على شراء أية أصول في السودان لأنها سوف تخضع للمراجعة الدقيقة لمعرفة كيفية تمليكها ومدى نفعها وما إذا كان المواطنون قد تضرروا منها- ويشمل ذلك كل القطاعات.


#664960 [Sudani]
0.00/5 (0 صوت)

05-14-2013 12:37 PM
إلادارة العليا في الجهات المختصة بالاستثمار تعج بالفوضى لانه لا توجد اي آلية أو قوانين ثابتة تخضع للجهات العليا في الحكومة.
الكل يدير حكومته الولائيه حسب هواه . لان في خلاصة الأمر كل زول بيبحث عن مكسب مادي لنفسهمن خلال المستثمر الذي وضع ثقته الكاملة فيهم..


#664947 [وطني غيور]
4.25/5 (4 صوت)

05-14-2013 12:22 PM
شكا د. مصطفى عثمان إسماعيل وزير الاستثمار من مجموعة (سماسرة) سودانيين قال إنهم تخصصوا في تصيد المستثمرين الأجانب وتضليلهم، وأضاف: (السماسرة أفسدوا كثيراً من المستثمرين)، وناشد المستثمرين كافة بألا يتعاملوا مع السماسرة، وأوصاهم بالتعامل المباشر مع الحكومة، وتابع: أبوابنا مفتوحة.

عايز تلبع براك يا تمساح امكبلو هعععععععععععععع امانه ماك تمساح كبير بتبلغ جب جب
خلي السماسرة تاكل الفتافيت


ردود على وطني غيور
European Union [karory] 05-14-2013 06:23 PM
معقول السمك والصير ضايقوا التمساح لامن بدا يشكى ؛؛غايتو الاستحوا ماتو

[3Atel] 05-14-2013 03:33 PM
ابوابن مفتوحة و خشومن مفتوحة للغف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة