الأخبار
أخبار إقليمية
الناشطون يدعون للوقوف مع صحيفة الجريدة والاستاذ/حيدر خيرالله ضد د.مامون حميدة
الناشطون يدعون للوقوف مع صحيفة الجريدة والاستاذ/حيدر خيرالله ضد د.مامون حميدة
الناشطون يدعون للوقوف مع صحيفة الجريدة والاستاذ/حيدر خيرالله ضد د.مامون حميدة
حيدر خير الله


05-14-2013 09:46 PM
الخرطوم : ايمن عبدالغفار

تنعقد صباح الاربعاء 15/5/2013جلسة محاكمة جريدة الجريدة ممثلة في الاستاذ/ادريس الدومة والاستاذ/حيدر احمد خيرالله على خلفية البلاغ المقدم من وزير الصحة بروف/ مامون حميدة متهماً الكاتب باشانة سمعته فى مقال سلام ياوطن حمل عنوان ( بروف حميدة : انك لاتحترم الاطباء ولاعقولنا) ومطالباً بتعويض قدره مليار جنيه ، ومن جهته افاد رئيس هيئة الدفاع الدكتور محمود شعراني :بان ماجاء فى المقال لايرقى لمستوى اشانة السمعه ولاتنطبق عليه، مؤكدا ثقته فى القضاء السودانى ، فيما انطلقت نداءات الناشطين للتضامن مع الاستاذ حيدر خيرالله ،وان هذه القضية القصد منها تكميم الافواه وارهاب الاقلام التى تفضح المؤامرة على القطاع الصحي مؤكدين ان فعالية التضامن بمحكمة الخرطوم شمال الساعة العاشرة صباحا جوارميدان جاكسون انما هى تعبير عن الادانة الكاملة للوزير الذى يعمل على تجفيف وبيع المستشفيات الحكومية بحماية حكومته.. الامر الذى يجعل من هذا النداء لكافة الاحرار واجب المؤاذرة ..


تعليقات 5 | إهداء 0 | زيارات 3082

التعليقات
#665471 [مساعد حله]
0.00/5 (0 صوت)

05-15-2013 05:49 AM
حرمى سمسار حميدة جفف القطاع الصحي وعينه قوى عايز تعويض قدره مليار جنيه شوف بالله عليك النبى!!!!!!!!!!!


#665419 [ود تكتوك]
0.00/5 (0 صوت)

05-15-2013 02:04 AM
ي اخوانا افتحوا بلاغ انتوا كمان في الوسائل الاعلاميه التي تنشر مقالات واخبار معظمها كاذبه ومغلوطه ... ولاسيما الناس شتري هذه الصحف بمبالغ ماليه ... مما يدل علي الغش والخداع.... ياهووووووووووووووووو كلوا اوانطه ...........في اوانطه وعاش الشعب السوداني .......البصل اقصد البطل


#665377 [ام عموري]
0.00/5 (0 صوت)

05-15-2013 12:07 AM
ما تبارو هواكم وتستعينوا بالمساكين ما كفايه السبقوكم حلوا مشكلتكم او نادي الناس الحرشو.


ردود على ام عموري
European Union [خضر عمر إبراهيم] 05-15-2013 02:49 AM
يا ام عموري باين عليك تابعة لي حميدة والوالي ونطيطك دة يدل علي أنكي موتمرجية مية المئة
إيه الكلام الفارغ دة يا قولي غير او انكشحي واصمتي ،، إيه يعني ما تباروا هواكم وتستعينوا بي المساكين دي؟. المساكين ديل ما الزييك ديل هم المطلعين زيتهم يشهدوا زور ويولعوا النار ،، يا قولي كلام أحسن من دة او ما تتحشري في حاجة ما بتفهمي فيها
طيب ما دام اتي عارفة في ناس حرشوا ما كلميهم يتلموا بقي بلاش فضائح،،، ! ،،
ولا عاجبك البسوي فيهو حميدة دة شايل طورية. وواقع في المرافق الصحية التي تهتم بالأطفال هدم،،،
ما عندك أطفال ولا إيه؟. حتي رحمة ما في قلبك؟. هل تريدي الناس تري البلاد تهدم بنيتها التحتية الصحية لتستخدم مواقف سيارات ويرمي بالأطفال والمرضي في قارعة الطريق،،
اي أنوع من الإنسان انتي،،، وإذا لم تكوني في أوربا تعملي شنو؟. تتبرعم بي بلدوزر لي الوزير يهدم بيهو باقي المراكز الصحية ليحولها الي دورات مياه و مواقف مواصلات؟
والله نحن وراء اشكالك والزمن طويل،،،ما لسر الدجوي يجعلك تهاجمين الأستاذ حيدر وتدافعي ببسالة عن الوالي وخصوصا الدكتور حميدة. ،، هل انتي مبعوثة علي حساب وزارته ام مستشفاه ام جامعته ام من قبل الولاية حتي تتصيدي اي موضوع ينشره الأستاذ حيدر مدافعة عن الوالي وحميدة؟
ما مصلحتك في هذا؟
هل انتي افهم واكثر حرصا ووطنية من كل الذين ينادون بالوقفة الاحتجاجية ومن ينبري للدفاع عن حيدر والدومة،،، وما هي هذه السمعة التي حدد قيمتها الوالي ووزيره بالمليارات ؟ هل شرف الإنسان بثمن بخس؟
ماذا تقولي إذا ما حكمت المحكمة ضد الوالي والوزير وبرأت الأستاذان حيدر والدومة ،، ماذا ستقولين بعد؟
حتي وان ظلمتهم المحكمة جورا فان حقهم محفوظ بدماء الشعب وسيوخذ قريبا بإذن الله ان حصل ذلك


#665357 [انصاري]
5.00/5 (1 صوت)

05-14-2013 11:18 PM
لا لسياسة تكميم الافواه، معأً من اجل تثبيت اركان حرية النشر والتعبير، وضد السمسره في الخدمات الطبية، والجمع بين الوزارة التجارة.


#665350 [واحد]
0.00/5 (0 صوت)

05-14-2013 11:01 PM
والله نحن عايزين وقفة احتجاجية ضد كل الصحف ,عشان أصلو مافيش صُحُف ولا صحفيين بملكونا حقائق, سيبونا نسمع راديو بس,عشان كُل الأخبار التى نسمعها من الراديو تحليلنا ليها حيكون عكس مانسمع تماماً,مثلاً اذا الصوارمى قال حررنا المنطقة الفلانية 0000نعرف أنها لا زالت مُحتلة واذا طلع لينا البشير وقال أنا ذاهب الى أى مكان نعرف أنه لايذهب ,وهكذا.


ردود على واحد
European Union [ام عموري] 05-15-2013 01:12 AM
التحيه للاخ واحد كلامك ميه ميه ولاكلمه في الصحف صاح وبنقلو من بعض . ولي بعدين ما خادمات غرض بس ضياع قروش . حيدر فصاحتو معانا مايحصلهم في مكانهم.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة