الأخبار
أخبار إقليمية
والي الخرطوم: الجيش دخل أبوكرشولا ثم انسحب حفاظاً على الأرواح
والي الخرطوم: الجيش دخل أبوكرشولا ثم انسحب حفاظاً على الأرواح
والي الخرطوم: الجيش دخل أبوكرشولا ثم انسحب حفاظاً على الأرواح


قال: المجاهدون تدافعوا بالمئات طالبين الذهاب لتحرير أبوكرشولا
05-15-2013 12:26 AM
أعلن والي ولاية الخرطوم د. عبدالرحمن الخضر، يوم الثلاثاء، أن الجيش السوداني وقوات الدفاع الشعبي دخلوا لمنطقة أبوكرشولا ثم انسحبوا منها حفاظاً على الأرواح والعتاد، مبيناً أن الجيش احتسب ثلاثة شهداء في المعركة، واحتسب الدفاع الشعبي مثلهم.

وقال الخضر في كلمة ألقاها في سرادق عزاء الشهيد نصر الدين محمود بمدينة الثورة الحارة الرابعة بأم درمان، تدافع اليوم المجاهدون بالمئات لمقر منسقية الدفاع الشعبي؛ طالبين الذهاب لتحرير أبوكرشولا.

وأكد أن الشهيد نصر وزملاءه من الشهداء في أبوكرشولا كبّدوا العدو خسائر فادحة، وكانوا مقبلين غير مدبرين، وأن المجاهدين الآن أقسموا أن يأخذوا بثار الشهداء، وبثأر المواطنين الذين أهدر المتمردون دماءهم غدراً.

وأثنى الوالي على والد الشهيد الذي تقبل خبر استشهاد ابنه بكل الصبر، وقال حينما سمع نبأ استشهاد ابنه، إن شاء الله ما يكون في شهداء غيرو.

ومن جهته أكد جد الشهيد أحمد عمر الذي تحدث إنابة عن الأسرة، أن ابنهم قدم روحه مهراً للوطن، وهو لبنة من تراب هذا الوطن؛ لأنه كان باراً بوالديه ووطنه، وكان على جانب من التقوى، ونيته خالصة لدينه ووطنه.

وأضاف أن هذا الوطن دافع عن ترابه الأجداد، ولا نقبل أن يستهتر به أحد.


شبكة الشروق


تعليقات 72 | إهداء 0 | زيارات 25417

صفحة 1 من 212>
التعليقات
#666263 [الكوشى]
1.00/5 (1 صوت)

05-16-2013 12:50 AM
كلامك ده لحامو ما كويس


#666214 [عاصم]
4.50/5 (2 صوت)

05-15-2013 11:17 PM
دخل القش و ما قال كش ده الجيش صح يا د.الخضر غريبة ياخي الخضر ده كذاب و غبي الجيش اصلا ما مشى و الخضر بيعرف الكلام ده ومشت كتائب الدفاع الشعبي المساكين و انضربوا ضرب شديد و قوات الحلو قاعدة في ابو كرشولا منتظرين ايران تحررليهم ابوكرشولا تفوا و الف تفو على المؤتمر الوطني


#666194 [المجهجه بسبب الهوية]
5.00/5 (1 صوت)

05-15-2013 10:27 PM
يا والي الخرطوم الإنسحاب هو تطور معاكس في ميزان القوة ينتج عنه إضطراب الجيش وبالتالي الهزيمة ثم الموت والأسر. يعني جماعتكم خسروا المعركة كلامك فطير "قال دخلنا وإنسحبنا حفاظاً على الأرواح مافسرت أي أرواح؟


#666172 [ماكينة لحام]
3.00/5 (3 صوت)

05-15-2013 09:52 PM
حكمة و الله وحكاية .. شلاقة الخضر جعلته ملكي اكثر من الملك ..
فهو الناطق باسم القوات المسلحة .. و منسق الدبابين .. ووالي الخرطوم بماكينة والي شمال كردفان ..


#666158 [ود كترينا]
4.25/5 (3 صوت)

05-15-2013 09:23 PM
***بحسب تعداد السكان الحكومى لجنوب كردفان الذى جرى فى يوليو2010...فان عدد سكان أبوكرشولا يبلغ 54377 نسمة....وبحسب تقرير الأمم المتحدة الصادر يوم 12 مايو الحالى فان عدد السكان الذين فروا من ابوكرشولا يبلغ حوالى 40 ألف...من ابوكرشولا والقرى التى حولها...اذن فان مجموع مابقى من سكان فى ابو كرشولا حتى يوم 12 مايو حوالى 5 ألف نسمة...وصل 40 ألف الى الرهد بحسب الأمم المتحدة فكيف انسحب الجيش ياوالينا الهمام حفاظا على الأرواح؟؟؟ ومن أى اتجاه دخل الجيش الى أبوكرشولا وهى محاطة بقوات الجبهة الثورية من كل الجهات ولاتمنع خروج المدنيين بينما تبقى داخل ابو كرشولا العناصر التى تعاونت مع المؤتمر الوطنى...الرجال موجودون من جبال أبو الحسن وتومى وأمدرمان ومن العباسية...ومن خورالدليب 37 كيلو جنوب أبوكرشولا وشمالا حتى السميح 40 كيلو شمال أبوكرشولا...ومن الفيض أم عبدالله فى الجنوب الغربى لابوكرشولا...واهم الوالى...يا أبوشرارة..بعد قصف اليرموك..وشرارة اللحام ...منعك محمد عطا من السفر الى أسبانيا بسبب ذلك التصريح وتدخلك فى شئون لاتمت اليك بصلة...الصوارمى موجود...وزير الدفاع موجود..ابراهيم محمود موجود...وحتى رئيس لجنة الأمن والدفاع محمد الحسن الأمين الذى قال أنه أوصى فرع حسن الخاتمة بواو بدفن الحلو بالطريقة الاسلامية...برضو موجود...فما فى داعى ياوالينا تتشوبر تانى يناديك ويبهدلك محمد عطا...ياخى اتكلم لنا عن زحمة المواصلات وتعبنا فى درجة الحرارة 46 من الاستاد لشرونى كدارى...واتكلم لينا عن الموية القاطعة والمجارى الطافحة...يعنى ياوالينا عملت لينا (كعبة) قلت اتدربو عليها وطوفو حوالينا...هسع جبت لينا كمان (السعى بين الاستاد(الصفا) وشرونى(المروة)...والله بس باقى لينا (عرفة)!!!ياخى ماتشوف شغلك...دى السنة الرابعة وانت والى...بعد 4 سنين تعمل مجلس استشارى من 70 نفر ال للنظافة والبيئة والتشجير والترقية الحضرية!!طيب الاربعة سنين الفاتو ديل شغال جربندية ساكت تتعلم الحلاقة فى رؤوس اليتامى ديل...انت أفشل مدير مديرية...وأفشل مدير تنفيذى...وأفشل محافظ...وأفشل معتمد ...وأفشل والى مر على الخرطوم...استقيل ياثقيل!!!وحسن ملافظك!!!


#666149 [امين الشريف]
5.00/5 (1 صوت)

05-15-2013 08:59 PM
لحرب الاجبارية :-
لمن يتحدثون عن الحلول السلمية نقول لهم ان الحرب اعلنها البشير من جامع ابوه العارف بالله سماحة الشيخ حسن احمد البشير!!!!! فهل تتوقع ان يستسلم من وقع عليه الظلم وقتل اهله وشردوا واغتصبت عروضه ؟؟؟؟؟ ينبغي للشرفاء من ابناء الوطن والذين ينادون بالتغيير السلمي ان يخطو خطوة للامام في اتجاه اسقاط النظام اما اشراك ابناء زعماء اكبر حزبين في النظام فهذا يعني بما لا يدع مجالا للشك ان من ينادون بالحلول السلمية ركبوا سرجين (سرج يدعو لاسقاط النظام سلما دون احداث حراك حقيقي يدلل على صدق نيتهم اسقاط النظام وتجنيب البلاد الحروب والاقتتال بين ابناء الوطن الواحد) والسرج الثاني(مشاركتهم للنظام جرائمه عبر اشراكهم لابنائهم ) وكل ذلك بكل اسف لم يؤدي الى حدوث ثورة داخل هذه الاحزاب لرفض المشاركة مع نظام الظلم وفضلوا السكوت ايضا رغم تسارع الاحداث - الحكومة ذهبت للحوار في اديس اببا وطعنت الثوار في ظهورهم بشنها حملات عسكرية على المواقع التي تسيطر عليها الجبهة الثورية !!! البروفيسور الحليق غندور ابدى صلف وتعنت في المفاوضات وطرح كعادة النظام الحلول الجزئية التي ادمنها النظام بشرائه للذمم ولم يبدي تجاوب تجاه الحل الشامل لقضايا السودان- لكن الشرفاء رفضوا طرحه وردوا على طعنة الظهر ردا بليغا في الميدان اثبتوا فيه قوة الجبهة الثورية ووامكانية وصولها لكل رقعة في ارض السودان وحددوا وجهتهم ولن يتوقفوا ابدا الى ان يتم اسقاط النظام - هذه مبادئ والقضايا آمن بها من حملوا السلاح وارتضوا خيار الموت دون العيش في وهن وذل تحت حكم الطاغية البشير - ان تحرك النظام وحشده لحلفائه من تشاد وغيرها من الدول الهزيلة التي تحكم بذات الطريقة الشمولية الديكتاتورية التي يحكمنا بها البشير لا شك انه سيقابلها حراك دبلوماسي كثيف للجبهة الثورية خاصة وان لديها علاقات دولية متميزة مع المجتمع الدولي عكس النظام الظالم وحلفاء استراتيجيون سيدعموا مواقف الجبهة الثورية كما يدعم النظام الآن من حلفائه عبر تشاد التي وضعتها قطر تحت ابطها واشبعت فاسدها الذي لا يشبع ادريس دبي من الملايين الدولارية - الفرصة لا زالت مواتية والكرة في ملعب من ينادون بالحل السلمي ليحرزوا هدف في مرمى الجبهة الثورية لتوقف البندقية وهدف آخر قاتل وحاسم في مرمى النظام الشمولي باسقاطه !!!!!!


#666092 [Zingar]
0.00/5 (0 صوت)

05-15-2013 07:38 PM
في كلمة ألقاها في سرادق عزاء الشهيد نصر الدين.
*******************************

كيف يكون شهيد ويقام له مأتم....لا والد الشهيد قال إن شاء الله ما يكون في شهداء غيرو...يا والد إنت خايف عليهم ان يهلكوا كما هلك إبنك ولا عيز إبنك يكون البرنجى بتاع الشهداء.

لم أرى فى حياتى نفاق زى ده سواء كان من الوالى المتعالى أو من أهل القتلى وده سبب إنحدار السودان للحضيض من دون سائر الدول التى تتحفنا يوميا بأبتكاراتها العلميه التى تفيد البشريه فى كل المجالات.


#666079 [ابجلمبو]
0.00/5 (0 صوت)

05-15-2013 07:25 PM
من مصدر موثوق يا ناس الراكوبة الجبهة الثور ية تتجه الان وبالتحديد نحو الدبة الناس ديل في القريب العاجل حيخشوا امدرمان


#666074 [شطة خضراء]
0.00/5 (0 صوت)

05-15-2013 07:17 PM
يا جماعة إنتو ما ملاحظين إن كل المداخلات عليها أعلام دول أجنبية و في شكلة قبيل دورت في النص هناك و الجماعة بقوا يتطاقشوا بيناتهم براهم و أي واحد يقول للتاني إنت بره السودان و إنت مغترب عشان كده أحب أوضح حاجة إنو الأعلام دي نظام تمويه و كده للنشر في الموقع و خاصة إنو المواقع المعارضة حاجبنها ع طول الأيام دي في السودان و هذا بحسب تحليلي لموضوع كترة الأعلام الغريبة خلاااااث دي التقول كلنا مرطبين و ضاربين الدولارات


ردود على شطة خضراء
[كمبيوتر مان] 05-15-2013 11:28 PM
نحمد لادارة الراكوبة المشاركة في التمويه .. وان جاءت عفوآ من السيرفر ..


#666025 [nagatabuzaid]
5.00/5 (1 صوت)

05-15-2013 06:27 PM
التعليقات كثيرة ما قدرت اواصل واكيد ما خليتوا ليه جنبا يرقد عليه ويستاهل :

الجماعة ديل كذبهم كثير ومسيخ والواحد يرمى الكذبة دوللللللللللللللللللل ولا يتلفت بسم الله

الشهداء ما فيهم واحد يحمل اسم عبد الرحمن الحضر او نافع او المتعافى او عبد الرحم محمد

حسين او اسم داك بتاع المؤتمر الوطنى بنى شنقيط ولا بتاع الختان ولا اسم واحد من علماء

السلطان ليييه ماعندهم اولاد ولا اولادهم نواعم مابقدروا على مدافع ايران ؟؟؟

من قلبى وبكل صدق اسال الله ان يتقبل الرجال ابناء الغبش النزلوا الميدان طالبين الشهدة صادقين و ان

يجعلهم من الشهدا و يرحمهم ويجعل الفردوس الاعلى مثواهم وان يصبر والديهم وذويهم يكفى

ذويهم فخرا انهم ماتوا واقفين وايضا من ماتوا من الجبهة الثورية وهم مؤمنون بان لهم

قضية واسالك يا الله يا الله يا الله ان يموت النواعم ابناء المجرمين والمجرمين انفسهم ميتة

لا يجدون من يلم جيفهم وان يبتليهم فى اعز ما عندهم وان يكونوا عبرة لكل الطغاة وان شاء الله مصيرهم جهنم وبئس المصير


#666009 [لا غرابة]
5.00/5 (3 صوت)

05-15-2013 06:13 PM
الكيزان ديل عارفين تصريحاتهم دي هايفة ،، بس هم عايزين يقولو الشعب دة عبيط ،، و للأسف ما في زول فاهم الحكاية دي ،، يدوروكم بالتصريحات العبيطة دي و بعدين يعملوا اتفاقية لفصل دارفور و جنوب كردفان و النيل الأزرق


ردود على لا غرابة
[مشاكوس] 05-16-2013 01:00 AM
بس للاسف هم نفسهم مدورنهم من بره لعباطتهم لتشليح البلد الفضل و تمزيقه ..

ألم تري الي علي عثمان بعد ان طارت السكرة و جات الفكرة وهو يندب الانفصال الذي بصم عليه في نيفاشا الكارثة ..


#665990 [واحد مسطول]
5.00/5 (2 صوت)

05-15-2013 05:54 PM
الجيش دخل اب كرشولا ومرق.. للذين لا علم بالسياسة تعلموا من (خضر الكيزان) سياسة جديدة لنج اسمها (دخل ومرق) واحييييييييييييييييي انااااااااااااااااا..!!!!


#665951 [ود الشمال]
5.00/5 (2 صوت)

05-15-2013 05:17 PM
حلوة منكم يا حكومة الأنقاذ دخلنا أبو كرشولا وخرجنا منها ،لماذا دخلتم ولماذا خرجتم منها ،لا ذهبتم لكي تروا ماذا يفعل قوات المعارضة في ابو كرشولا ثم رجعتم ؟؟؟او تقلدوا قوات المعارضة كما دخلوا ام روابه وخرجوا ، لعبة القط والفار ،هذا هو ديدنكم جميعاً الطرفين ، تعتيم إعلامي ، المصادر من قوات الحكومة والمعارضة ، كلها كذب ، كلاً يكبر كومه ، والشعب المسكين الضحية ، لا مفاوضات ، ولا هزيمة احد الطرفين ، تجار حرب،فقط الهدف منها دوام الحرب ، وكل طرف يقود شله ،كفا كفا كفا كذباً قادة السودان من الطرفين ، ملكوا الشعب الحقائق ، ولك الله يا وطن ولك الله يا شعب السودان .


#665945 [الحقيقة مرة]
4.99/5 (7 صوت)

05-15-2013 05:03 PM
حسب الثوار عدد قتلى المؤتمر اللا وطني في معركة ابوكرشولا التانية وصل 120 منهم الكوز المابون اعلاه والباقين 119 فطيس من بؤساء الهامش والمركز ما في زول بشتغل بيهم الشغلة ولا في زول حيعرف هم كانو منو وفطسو عشان شنو لا بفرشو ليهم صواوين ولا بعرسو ليهم حور عين كلها نص شوال سكر وعدد 2 كرتونة صلصة وصابون ارسلوها لاهلم المساكين وتكمل قبل ما ارفعو فراشو واي زول يفطس دفاعا عن المؤتمر الوطني ما بستحق اكتر من كدا ذاتو


ردود على الحقيقة مرة
European Union [ahmed] 06-08-2013 02:12 AM
والله للاسف هي دي الحقيقه وعجبتني جدا حكاية نص شوال سكر و2كرتونه صلصه وصابون واقول ليك انوا زول زي ده فعلا اخير ميته من حياته لانوا ده ما حايقدم اي شي للسودان الدايرنوا بعدين


#665918 [ابوعزوان]
5.00/5 (1 صوت)

05-15-2013 04:12 PM
الجماعة ديل على حسب الغباء المركب فى جيناتهم الوراثيه يعتقدون ويفترضون فى الشعب السودانى الغباء
لذلك هم يقولون على حسب غباءهم ودايرين الشعب اصدق
ونسأل الساده ناس الحكومة اين ابناءكم من ساحات الجهاد وساحات الفجاء التى سميتمها انتم واتباعكم


#665908 [ali alfred]
4.00/5 (3 صوت)

05-15-2013 04:07 PM
سؤال ليس له علاقة بالسياسة,ما هو اسم الفايروس او الجرثوم او الباكتيريا التي اصيب بها الوالي؟؟
أحيي أبطال الجبهة الثوريةالشجعان.


#665898 [ali alfred]
4.00/5 (3 صوت)

05-15-2013 03:53 PM
لو كان الغباء والتملق والنفاق رجالا لقتلتهم ياعاهر


#665897 [محمد علي]
3.00/5 (2 صوت)

05-15-2013 03:53 PM
كذاب والف كذاب الله يفكنا منكم ويولي بلادنا من يخافك يارب


#665879 [sudani harib]
3.94/5 (5 صوت)

05-15-2013 03:26 PM
هذا الوالى النقالى البهيمة لا شغل له الا كسير الثلج للبشير ونافع والهنسة الذيادة عن اللزوم مثله ومثل المدعو حسبو عبد الرحمن الذى بيفتكر نفسه مسؤول كبير ومهم فى المؤتمر الوثنى وما هو الا عبارة عن عبد حقير كما ينظر له متنفذى المؤتمر الوثنى اما الوالى الخضر الاضينة فالجميع يزكر ماقاله يوم ضربت اسرائيل مصنع اليرموك قال انه انفجار نجم عن عمل بعض العمال بماكينة اللحام داخل المصنع تخيلوا هذا الخرتيت الاسود كيف بيضحك على عقول الشعب السودانى الحر ونحن نقول لخنازير المؤتمر الوثنى مافى سودانى حر عاقل تانى بيمشى ولا يخلى اولاده يمشوا لمناطق العمليات امشوا جاهدوا براكم انتم واولادكم المنعمين وزوجاتكم الاربعة امشوا براكم نحن ابينا ما ماشين امشوا انتم الشجعان ونحن الجبناء اها اعترفنا ليكم انتم شجعان يلا دايرينكم كلكم البشير واخوانه التجار والمتعافى والجاز والديناصور بكرى والعفن نافع وولده البشبه البنات وكرتى ومندور وغندور وكل مخانيث جهاز الامن نريد ان نشوفكم فى الخطوط الامامية تدافعوا عن الوطن وما تخافوا على ثرواتكم وممتلكاتكم نحن الشرفاء بنحرسها لكم فهل سمعتم النداء يلا امشوا لمناطق العمليات يا شجعان ونحن من خلفكم لانها مثل ما قلتم مرارا هى لله لا للسلطه ولا للجاه


ردود على sudani harib
European Union [ahmed] 06-08-2013 02:17 AM
ههههههههههههههههههههه عجبتني والله الخرتيت الاسود دي


#665853 [adel]
4.00/5 (4 صوت)

05-15-2013 02:49 PM
يا شباب هذا التصريح غير المسؤول من مسؤول يدل على ان هذه البلد بطريقة (دكان ودالبصير) فمن فوض هذا الوالي المسؤول عن ولاية الخرطوم فقط للتحدث بشيء لا يخص ولايته ولا يخص صلاحياته وانما هو امر راجع للجيش والا يعرف هذا الغبي بأن مثل هذه التصريحات تضعف الروح المعنوية للجيش وللشعب الذي ينتظر منذ اسابيع بأن قواته المسلحة وهي تحرر قطعة عزيزة من أرضه


#665850 [Rebel]
5.00/5 (3 صوت)

05-15-2013 02:40 PM
* خلاص.. صدقناك ايها الوالى الصادق الصدوق الناطق الرسمي للقوات المسلحه و الحكومه!!

* فقط 6 قتلى و تنسحب القوات حفاظا" على الأرواح و الممتلكات: منتهى الإنسانيه و الحرص على سلامة المواطنين!! على ان تعيدوا محاولة تحرير ابو كرشولا و لكن بدون خسائر فى الأرواح! طبعا"!

* * الساده قراء الراكوبه
- لا شك انكم لاحظتم لأي مدى تستخف رموز هذا النظام الفاسد بعقول الشعب السودانى.
- أؤكد انه لم تطأ قدم جندى واحد مدينة أبو كرشولا, و ان العملية برمتها إنتهت على بعد
4كلم خارج المدينه, و لم تستغرق اكثر من ساعتين و نصف, و ان القتلى اكثر من 120 من مليشيات النظام خلاف المفقودين من عددها الكلى المقدر ب 2000, وان عدد القتلى على قلته يعود لهروبهم فى اول مواجهه. إن الوقت القليل الذى إستغرقته العمليه و الهروب السريع المدهش الذى تبعه هو ما دعا القوات المسلحه و المليشيات إلتزام الصمت على المستوى الرسمى حتى الآن. ليخرج علينا الوالى بما قرأتم, وهو فكرة شخصيه وليدة لحظة العزاء و الهيجان المعهود الذي تجاوزه الزمن!!!

** منذ يومين يقوم النظام خدعة بجمع قوات ضعيفة التاهيل و مشكوك فى ولائها للنظام من مختلف الوحدات الموجوده بالعاصمه بحجة التدريب, و جمعهم شمال الكليه الحربيه لإرسالهم لمناطق العمليات, نؤكد ان العديد منهم هرب بمجرد إدراكه لغرض التجميع.

*** ايها الوالى: اشهد الله الذى لا إله غيره انك لص و جبان, و انك ضليل و كاذب أشر.

*** النصر للثوره الشعبيه السودانيه المسلحه.


#665781 [د. ياسر الشريف]
3.00/5 (4 صوت)

05-15-2013 01:16 PM
والي الخرطوم بتاع ماكينة اللحام الشغالة نص الليل وكانت السبب في حريق مصنع اليرموك دا حقو يمنعوهو من التصريح. ناس تجيب الكلام لنفسها بنفسها..

https://www.youtube.com/watch?feature=player_embedded&v=YEowQJTxiSw


#665768 [بلدى ياحبوب]
3.00/5 (5 صوت)

05-15-2013 01:00 PM
احسب ان والد الشهيد بدعوا الله انوا ربنا يجعل ابنوا اخر شهيد لمكر الكيزان ونفاقم اى بدعوا على الكيزان بالفناء . زى دعوة سعيد بن جبير على الحجاج :'اللهم اقصم أجله، ولا تسلطه علي أحد يقتله من بعدي'
وصعدت دعوة سعيد إلي السماء، فلقيت قبولا واستجابة من الله الواحد القهار.

اللهم تقبل دعوة والد الشهيد نصرالدين واجعله اخر شهداء الظلمة المنافقين .


#665739 [LeaveItBe]
2.88/5 (4 صوت)

05-15-2013 12:40 PM
مقبلين غير مدبرين
while
انسحبوا


#665715 [محمد بدوى عبيد - سودانى وبس]
5.00/5 (3 صوت)

05-15-2013 12:24 PM
القاتل والمقتول سودانى ربنا يرحمهم جميعا


ردود على محمد بدوى عبيد - سودانى وبس
United States [ali alkartoyby] 05-15-2013 04:53 PM
للاسف الشديد هذه هى الحقيقة المرة التى لا يعرفها بنى كوز لانهم لو كانوا يعرفوها لما اصبح حالنا كما هو الان

[ود الرضى] 05-15-2013 03:58 PM
والكلام دا ما بيعرفه الا ابن حلال ...........

[وداحمد] 05-15-2013 03:55 PM
عاقل والله


#665713 [ali alfred]
5.00/5 (2 صوت)

05-15-2013 12:21 PM
مقتل (411) من القوات الحكومية في معارك ابوكرشولا وتدمير (3) متحركات للجيش والجبهة تعلن الإنتصار
نشر في May 15, 2013
اعلنت قوات الجبهة الثورية انها قتلت (411) من القوات الحكومية التي حاولت صباح الاثنين استرداد مدينة ابوكرشولا الواقعة تحت سيطرة قوات الجبهة الثورية منذ اسابيع واعلن العقيد القاضي رمبوي الناطق العسكري بإسم قوات الجبهة الثورية لراديو دبنقا من الميدان ، ان حصيلة قتلي القوات الحكومية التي حاولت استرداد ابوكرشولا يوم الاثنين بلغت (411) قتيلا ، وذلك بعد ان دمرت قوات الجبهة (3) متحركات للقوات الحكومية ، واجبرت من تبقى منهم لفرار لمدينتي الرهد وام روابة . وكشف القاضي ان المتحركات المدمرة كانت مكونة من فرقة مشاة بقيادة اللواء سلام فضل المولي . واشار الى ان اللواء الاول كان بقيادة العميد بحر احمد بحر ، واللواء الثاني بقيادة عادل الكتاني . وكشف ان قوات الجبهة الثورية دمرت في تلك المعركة (37) عربة عسكرية ، واستولت في نفس الوقت على مدرعة واحدة ، و(5) عربات كبيرة ، و(26) عربة لاندكروزر محملة بالعتاد الحربي ، هذا الى جانب الاستيلاء على كميات كبيرة من الاسلحة والذخائر والرشاشات والدانات


#665696 [محمد حسن احمد]
5.00/5 (5 صوت)

05-15-2013 12:08 PM
بالله ده منطق رجل مسؤول ده المودي السودان لي وراء مخك في كرشك الكبيرة دي ياسافل يا خنزير الجيش ده لما دخل دخل سياحة وكان شايل بخاخات ريحة واغصان ورود بيرش في الجو ويعطر في سماء أبو كرشولة وهوداخل عليها وإذا إفترضناأنه دخل المدينة كما قلت ياحمار فذلك يعني أنه طرد قوات الجبهة الثورية واستلم ابوكرشولة فما الذي يجعله يسلمها مرة أخرى فطالما ان لديه المقدرة التي مكنته من طرد قوات الجبهة الثورية ألا تكفي تلك المقدرة على إبعادهم عن المدينة وتحصينها وتحصين الموطنين بداخلها بدلا من تسليمها مرة انية واوج منها وإذا كان هذا منطقك يا خرج يا خرتيت فذلك يعني أنكم يمكن أن تسلموا العاصمة وتخرجوا منها حفاظاً على أرواح المواطنين أيها المتخلف منطقك هذا لايقبله طفل معتوه يامعتوه كان الأفضل أن تقول بأن الجيش إمتنع عن دخول ابوكرشولة حفاظاً على ارواح من تبقى بداخلها من مواطين فيمكن أن يكون تبرير مقبول علماً بأن ملشياتكم مجردة من الضمير والاخلاق والقيم فلا يمكن أن يكون لحياة المواطن أدنى تقدير او اعتبارا لديها فتلك الملشيات لاتعرف غير شعار أكنس أمسح ماتجيبوا حي فلو أنها ملكت المقدرة على دخول أبوكرشولة لما تأخرت ولو هلك كل مواطني كردفان ناهيك عن مواطني أبو كرشولة أنتم ليس لديكم قوات مؤهلة عسكريا لمنازلة قوات الجبهة الثورية ولاتملك من الشجاعة والمعنويات التي تؤهلها لخوض أي معركة فهي قد تركت المهام القتالية وصل بها الحال من الخوف والجبن من حمل السلاح إلى التحول لحمل مكينات الحلاقة لحلق وتشجيب شعر الشباب في عاصمة التوجه الإنحططي فقوات بمثل هذه الروح الانهزامية لا تملك القدرة على الصمود لحماية نفسها ناهيك عن حماية الآخرين ولاتملك الحس الوطني الذي يحملها على العمل من أجل حماية أرواح المواطنين تلك القوات التي أصبحت تتحرك بتعليمات مجرمين ومطلوبي للعدالة وتعمل على تنفيذ تلك التعليمات فهي أكثر إجراما منهم
أيها السافل لن تدخل ابوكرشولة كما فعلت في هجليج التي دخلتها بالجرس والترجي لسلفاكير وقدكشف عن ذلك إعتراف قائد القطيع الخنزير الرقاص في زيارة الإعتزار والإنبطاح التي قام بها إلى جوبا فقد قال أخبره الأمريكان والبريطانيين بأن هناك حشود عسكرية سوف تدخل هجليج فاتصلت على سلفاكير وطلبت منه أيقاف تحرك هذه الحشود بالله ده كلام راجل يحمل رتبة عسكرية في الجيش الأمريكي مافي ويحتل منصب القائد الأعلى والله لو أدو وداد هذه الرتبة العسكرية والمنصب لكان قادت هذه الملشيات أحسن منه ولما تجرست وانبطحت وركعت ولعقت جزم الآخرين كما فعل بعلها الخنزير
عرفت يا تور ياتور الله الانطح سبب ضعف وهوان ملشياتك وأنها لا ولم ولن تدخل أبو كرشولة ولا في المنام


#665682 [هاني]
5.00/5 (1 صوت)

05-15-2013 11:59 AM
((إن شاء الله ما يكون في شهداء غيرو.))
لا كده ما كويس يا عمو تاني الكيزان يتاجرو بي شنو ؟؟


#665678 [almour]
0.00/5 (0 صوت)

05-15-2013 11:57 AM
أنت يا مرسال صحن الفول دى كلمة تقولها (أبوه قال أن شاء الله ما يكون فى شهيد بعده دا كلام دا )الشهادة خشم بيوت ولا شنو ( ولا دا فقة السترة )كذاب ،،،،، كذاب ،،،،، كذاب لعنة ألله تلاحقكم دنيا وأخرة أمييييييييييييييييييييييييييييييييييييييييييييييييييييييييييييييييييييييييييييييييين


#665655 [Mohamed]
5.00/5 (5 صوت)

05-15-2013 11:32 AM
يا أيها المتداخلون القادمون من كل حدب وصوب، لا تأخذوا حديث سيادة الوالي الهمام قبل أن تتيقنوا تماما مما يعنيه؟ فكماأشار الكثيرون منكم وعن حق أن سيادة الوالي معروف باجتهاداته ومجاهداته (الفذة) من شاكلة عامل لحام اليرموك وهلم جرا!!! المهم، أحد التفسيرات التي طرأت لي وأنا أقلب حديث الدكتور الوالي الهمام هذه المرة أنه قد يعني فيما يعنيه، أنهم ومجاهديهم يختبرون هذه المرة آلية حديثة في الجهاد تعرف بالجهاد "بالمسكول"، أي أضرب وقوم "سداري" والباقي علي الله!!!!


#665643 [بكره الكيزان]
4.00/5 (2 صوت)

05-15-2013 11:15 AM
انا ماعارف الشهادة دي كيف غايتو ،الجبهة الثورة والمعارضة كلهم سودانيين يعني ما عدو اجنبي يعني عندهم حق في البلد دي زيهم زي اي مواطن ،وحكومة الكيزان ماهي منزلة من السماء هم اوغاد البشر وحرامية معروفيييين ومغتصبين ،وهم عارفين انو خلاص الشعب الفيهو كملت ومافي زول عاوزهم.
خلاص ياكيزان اوهامكم انكشفت وزول بمشي يحارب ليكم ود بلدو ماااااافي واولادكم مرفهين برة من دولة لي دولة.وكفاية الفتن الخلقتوها مابين مختلف جهات الشعب السوداني ،والحروب القامت بسببكم
ياسجمانيين.
لكن الله في وليكم يوم وافتربت النهاية


#665635 [جوك]
5.00/5 (1 صوت)

05-15-2013 11:07 AM
يا معفن ورينا انسحابك من أم دوم كان كيف؟. وبالله لما الجماعة يجوكم جوه الخرطوم أبقى راجل وما تجر للقضارف البشتنتها بشتنة القرع.. واي واي نادوا لي كلاي.


#665610 [هيثم الخلا]
4.86/5 (8 صوت)

05-15-2013 10:24 AM
أيها الوالي الكضاب، بدل الجهاد في مواقف البصات وأخذ الكموشينات، خليك راجل وتقدم الزحف، وليكن في علمك سواء ذهبت أم لم تذهب سوف يصلك نصيبك في منزلك، خلاص كبرنا وفهمنا، وما في جهاد تب، أنتم تجاهدوا في النساء مثني وثلاث ورباع وفي مواقف البصات مثنى وثلاث ورباع، وفي تكبيرالكروش والجعبات مثنى وثلاث ورباع، والناس لافين صينية ما لاقيه حق الأكل، تف عليكم، وعلى فرعونكم الكبير، وهامانه نافع.


#665598 [JOHN]
2.82/5 (5 صوت)

05-15-2013 10:09 AM
يأخوانا اِعمال المنطق واجب، اللهم الا يكون الواحد ما عندو مخ خالص.....

البجم ديل عاملين مسابقة لاختيار أحسن كذاب من بينهم، وعشان كده كل يوم حيطلع علينا مسيلمة جديد، الا أنهم لن يستطيعوا ولو حرصوا لأنهم ينضحون هبالة ولأنو أصلا حبل الكذب قصير.....

وبعد التأخير دا كلو في التفوه بكلمة عما حدث قبل يومين، جانا الخبر:
(أن الجيش السوداني وقوات الدفاع الشعبي دخلوا لمنطقة أبوكرشولا ثم انسحبوا منها حفاظاً على الأرواح والعتاد).....حلو(مش الحلو).....دا معناها انتصروا.....طيب لمن هذه الارواح والعتاد التي تتحدثون عنها؟؟؟أكيد ما أرواح ولا عتاد الجبهة الثورية بل هي ارواحكم وعتادكم.....اذن كلمة انسحبوا في الجملة أعلاه ما بتجي، والمفروض تتحول تلقائيا الي فروا منها حفاظا علي أرواحهم وعتادهم!!!!!

ثانيا:
(تدافع اليوم المجاهدون بالمئات لمقر منسقية الدفاع الشعبي؛ طالبين الذهاب لتحرير أبوكرشولا).....
ألا تنفي هذه الجملة التي سطرتموها بيدكم الأنتصار الذي تزعمون؟؟؟؟؟ليه تحرروا المحرر؟؟؟؟؟؟

جاكم بلا يبلاكم، يا ضهب.


#665587 [مدحت عروة]
4.69/5 (5 صوت)

05-15-2013 10:02 AM
يا جماعة الخير هبوا مع المجاهدين لتحرير ابوكرشولا!!!!!
هو المصريين بعد ما المجاهدين طلعوهم من حلايب مشوا احتلوا ابوكرشولا ؟؟؟؟؟
ولا الحاصل شنو ؟؟؟؟
يكونوا ديل حبش ولا كيف؟؟؟؟
ولا يمكن احتلوها ناس بنى قريظة؟؟؟؟
اها وعامل اللحام الاتسبب فى كارثة مصنع اليرموك حصل ليه شنو؟؟؟؟؟


#665566 [نوبنتود]
3.00/5 (2 صوت)

05-15-2013 09:44 AM
الانسحاب خوفا على الارواح دى استراتيجية جديدة يا
ايها الافاك
دة امتداد لتصريحات ابواق النظام الكاذبة والمضللة
قاتلكم الله ايها المجرمون


#665556 [المستفهم]
5.00/5 (2 صوت)

05-15-2013 09:31 AM
"الجيش دخل أبوكرشولا ثم انسحب حفاظاً على الأرواح"
هلا هلا دخلوها وصقيرا حام


#665547 [جركان فاضى]
5.00/5 (1 صوت)

05-15-2013 09:21 AM
الصور والفيديوهات يا الخضر يا متخلف - نحن فى زمن الصورة الحية والصوت -فأين صور دخولكم لابوكرشولا قبل خروجم منها؟كلام بالخشم ما بيقنع انقل الصور حية بالتلفزيون عشان نصدقك يا متخلف


#665528 [الرووووووووووووووووووووب]
4.75/5 (6 صوت)

05-15-2013 08:30 AM
الناس ديل و صلوا الى مرحله من الغباء الشديد حتى اصبحوا يتعاملون مع الشعب السوداني على اساس اننا معاتيه و مجانين و لا نملك عقل نمله و الله انا مستغرب كيف يحكمنا البشير ترتره و اللمبي بتاع الدفاع بالنظر و الحاج بتاع الدفاع بالساطور و هذا الابله الاهطل ابو رياله الخضر .... معقوله وين التجاني الماحي منهم


#665525 [ود كرشولا]
4.88/5 (6 صوت)

05-15-2013 08:23 AM
نصيحة نسديها لوجه الله من أخونا قوقادي أموقا : للمعبئين و المضللين باسم الجهاد وخاصة الذاهبين لجبال النوبة، اذا كان منعمى المؤتمر الوطنى فى الخرطوم او اى مكان فى السودان استطاعوا غسل ذهنك ويدفعونك للجنة والحور العين وهم نيام فى قصورهم وجنة الدنيا ومنعمين بمثنى وثلاث ورباع الحور الطين ويديرون اعمالهم التجارية وابناءهم فى ارقى جامعات الغرب وامريكا، ومع ذلك ان تم اقناعك بانه جهاد، فلا تذهب حتى تتأكد تماما ان فى مقدمة الصفوف فى مناطق العمليات الشخص الذى قام بالتعبئه وابنائه سواء كان اماما او برلمانيا او وزيرا او معتمدا او دستوريا او منسقا للدفاع الشعبى، ومع ذلك لا تنسى ان تحمل كفنك على كتفك، فمن دخل الجبال ظالما لن يخرج منها، فالذين يناضلون لديهم قضية عادلة وسهل حلها لولا تعنت المؤتمر الوطنى، وبالتالى هزيمتهم مستحيله، و أسألوا الناجين من الذين سبقوكم ان وجدوا، وكما يقولون “اللهم انى قد بلغت فأشهد”.
قوقادى أموقا- امريكا
12 مايو 2013م


ردود على ود كرشولا
[جركان فاضى] 05-15-2013 10:48 AM
يا ابولين اتمنى من الله يخموك الكيزان ويودوك ابوكرشولا وماترجع منها حى تانى -البشير قتل ضباط ورتب اعلى منه فى نهار رمضان دون محاكمة فكيف تقول ماقتل؟ -ثم بيوت الاشباح واظانك احد حراسها -ولك ان تعلم ان الحلو مهما عمل فان شعبيته وصلت مستوى كبير بين افراد الشعب -الشعب السودانى اصبح يحترم كل من يريد هدم نظام الكيزان

United States [ابو لين] 05-15-2013 10:26 AM
شوف اسمها حقارة عديل من الحلو وجماعتو وشوية قطاع الطرق ونحن لا نقبل كشعب سوداني اصيل ابي باي حال من الاحوال هذه المسخرة قتل الاطفال والنساء وكبار السن ونهب اموال المواطنين وياريت حاجة نافعة شوية بصل كروت شحن زيت دقيق , ولو الامر من قبل كان للحلو رئيس السودان وخرج عليه عمر البشير بقوة السلاح وحرق وقتل ونهب ما كان نقبل به نعم انه جاء بنقلاب لكن لم يقتل فيه احد حين استلم السلطة , وما سوريا منك ببعيد شوف الان المعارضة والقتل ودمار البلد سوري الان عشان ترجع قبل المشكلة محتاجة لترليون دولار علي حسب تقرير قناة الجزيرة وقبيل علماء الاسلام قالوا اصبروا علي الحاكم الظالم وفي الحديث وان اخذ مالك وجلد ظهرك وان الخروج عليه يؤدي الي مفسدة اكبر وهي ازهاق الانفس ودمار البلدان وهذا الان ما يحصل .

[جركان فاضى] 05-15-2013 09:18 AM
والله ان هذا الاخ يقول الحقيقة -شكرا قوقادى اموقا وكثر الله من امثالك


#665524 [ابومحمد]
1.00/5 (1 صوت)

05-15-2013 08:19 AM
التصربح ده مامن اختصاصك وين الناطق الرسمي باسم العصابه امشي شوف الغنم والبقر العيانه كان تعرف تعالجهاوما اظن ذلك


#665522 [beco]
4.25/5 (3 صوت)

05-15-2013 08:16 AM
المؤسف اي معلق عامل فيها هو لوحده الفاهم والغريبة كلكم خارج البلد يعني مشرتتين(يعني مليانين قروش )ومرطبييين وما حاسين ولا بتحسو بي معاناة الغلابة بالذات في مناطق الدمار التي يعبث بها اي واحد زعلان لانوما ادوهو من قسمة الكيكة ولا اي واحد خزلتو الظروف وما بقى ضابط شال السلاح ومشى عمل فيها ضابط كبييير اختشو ياخ والغريبة اي واحد بعلق على انو واقف مع ما يسمى الجيش السوداني سابقا هاك يا سب وشتم
اعقلو ياوهم وانظرو للامور بمنظار اهلها ما مصلحة ابناء ابوكرشولة واهل تلك المناطق فيما يدور انظرو الى اهل دارفور اين هم الان للاسف يعيشون على الاعانات والسبب ما ناس الحكومة (ديل زي ما قالو كبارهم الراجل اجي اقلعه الزعلانين ديل الخرطوم دي ما بشوفوها ما كرش فيل ما اجو اداوسو فيها وارحمو ابناء الهامش ياخ حرام عليكم لا نلقى تنمية ولا كمان عايزننا نعيش في سلام
اي معارض عندو فهم امش للناس ديل في محلهم مش تعزبونا نحن المساكين ديل
تخريمة(معظم المعلقين ديل اهلهم واولادهم اما معاهم او كمان في الخرطوم يعني بعيدييين زي ود نافع وبقية لصوص الخرطوم وليكم يوم )


ردود على beco
United States [abdo] 05-15-2013 11:32 AM
beco انت قاعد فى امريكا وحاسد الناس الفى الخرطوم ؟ يعنى انت ما مرطب ؟ طيب سيبك من ده كلو لو نحن لينا يوم حاتعمل شنو يعنى من امريكا حاترسل لينا بال DHL رساله تنبزنا ولا شنو مافاهم انا ..والله السودانين عالم عجيب جدا ..تنظير بس وتهديد للغلابه كمان ياخ ارحم نفسك

European Union [خالد حسن] 05-15-2013 11:30 AM
وسعادتك ابوالفهم عايش في جبال النوبه ولا في ابوكرشولا ولانيالا عشان تعرف معاناتهم اكثر مننا؟
لو فعلا انت حاسي بمعاناتهم زي مابتدعي كان علي الاقل فكرت في سببها شنو ومنو؟ وبعد داك عملت علي ازالة المسببات
لكن الغرض مرض وياما شفنا ناس من المناطق المقهوره ومشتعله فيها الحروب باعوا قضية اهلهم مقابل منصب رخيص وبقوا بوق للظالم
وفي ناس ما من مناطق الحرب وبدافعوا عن اهلها وينصروهم اكثر من بعض اهلها من المنتفعين والمصلحجيه والارزقيه
لكن الغرض مرض والانانيه بتخليك تضع كل اللوم في الحاصل علي المعارضه المسلحه وتطلع الحكومة بريئة براءة الذئب من دم يعقوب
اسأل نفسك منو العزل عقار من منصبه وهو منتخب رغم تحفظنا علي الانتخابات في ظل حكم العسكر؟ منو الوصفه بالتور ؟
منو الزور انتخابات جنوب كردفان وغيرها ليأتي بأُناس رغم انف اهل منطقتهم؟ منو الأخل بالمشوره الشعبيه ونقض اتفاقه مع الحركه الشعبيه شمال السودان؟
منو الخلا مناوي يرجع للسلاح بعد كان في القصر ضيفا لابهش ولابنش؟
لو انت بتفهم زي مابتدعي كان سألت نفسك ليه الكعكه دي تكون قسمه بين المؤتمر الوطني ومن يريد ويرضي عنه؟ وليه تكون القسمه بيد فئة معينه دون الشعب؟
ليه يحمنا شخص واحد 24 سنه رغم فشله؟ ليه تحكمنا نفس الوجوه طوال 24 سنه؟ هل نحن شعب مسلوب الاراده ام نحن قطيع من الاغنام ليحكمنا شخص رغما عنا عمره كله؟
قد تكون انت ومن هم علي مثل تفكيرك اختاروا ان يكونوا قطيعا فلاتفرض علي الاخرين ان يكونوا امثالكم
عزيزي ابو الفهيم للاسف انت بعيد عن الفهم ومصيبة هذه البلاد ان بها من هم علي شاكلتك الذي يرون الامور بنظره سطحية لاتتعمق في أُس المشاكل
انزع عنك النظره الاحاديه وشوف الامور بمنظار الآخرين لتستوعب قضاياهم ثم احكم .. غير ذلك فأنت بوق اجوف يجيد الصراخ بلاوعي

[جركان فاضى] 05-15-2013 10:18 AM
يا اخى peco يا حبيبى شكلك داقس دقسة كبيرة -انت هسع شايف الخرطوم مرتاحة؟ 90% من سكان الخرطوم جيعانين ويشتروا فى اللحم بالمسكول- والجوع ينزع من الانسان اعز ما لديه: كرامته -فالانسان بدون كرامة لايعنى شيئا سواء كان حيا او ميتا- اما المغتروب فانهم يتحملون جزءا هاما من مأساة الداخل -خذ على سبيل المثال الادوية المنقذة للحياة التى يرسلونها المغتربون لاهلهم فى كل طائرة جاية من الخارج

[سندباد فى بلاد السجم والرماد] 05-15-2013 10:04 AM
وانت يا شطورة سايكس Beco وين سعادتك عايش ؟؟؟؟؟

United States [الشعب الفضل] 05-15-2013 09:38 AM
منطقك معوج لانك عاوز الجبهة تدخل الخرطوم بدون مقدمات
يا اخي دي حرب والشاطر فيها بيحتفظ بالمناطق الاسترتيجية
وتقدم الجيش ليس كتقدم عربة سياحية له اسخبارات عسكرية ومقدمات وستطلاعات وتكتيكات وحسابات معينة
دا انت العامل فيها فاهم؟


#665507 [حامد]
4.88/5 (4 صوت)

05-15-2013 07:47 AM
الشهيد احمد عمر ده مات براهوا ؟ ما ماتو معاهو ناس لماذا لم يتم ذكرهم ؟ لانهم غير منظمين ؟ عادت ريمة لعادتها القديمة


#665503 [مسطول]
5.00/5 (2 صوت)

05-15-2013 07:41 AM
يكون دخلوا و خرجوا لاحضار ماكينة اللحام لزوم الصيانة .


#665493 [مفجوع]
4.00/5 (2 صوت)

05-15-2013 07:12 AM
الكذب والنفاق واضح في كلام الخضر المنافق ...!
الجنود ذهبوا لتحرير أبو كرشولا وليس للسياحة ويعلمون أن بها مدنيين فلما الإنسحاب ...؟
24 عام ونحن في الوعود الجوفاء والكذب لعنكم الله فقد خربتم كل شيء حتى النفوس وكلو بإسم الدين ..
واضح أن مليشياتكم إنهزمت شر هزيمة ..!


#665489 [الوحدة]
5.00/5 (1 صوت)

05-15-2013 07:01 AM
الوالي دا داقس ولا شنو مخلي طريق الجنة الحلوة وجاي اتكلم عن الاستشهاد طيب ماتمشي انت وتلهط الجنة قوام قبل الجماعة


#665470 [كركـــــــــــاب]
0.00/5 (0 صوت)

05-15-2013 05:46 AM
دعوةللكيزان وانصار الكيزان واتباع الكيزان
والمحبيين للكيزان وناس قرعيتى راحت .ديل يتقدموا الصفوف
حانت الفرصة الذهبية لابادة الحشرت الكيزانية
انتوا دارين الحور العين ونحن دارينكم تفارقنوا



دى صفحة فى الفيس بوك لمن لدية حساب وداير يدمر الجداد الاكترونى


https://www.facebook.com/AlhmltAlqwmytLkshAljdadAlaktrwny?hc_location=stream


#665466 [طه جعفر الخليفة]
0.00/5 (0 صوت)

05-15-2013 05:29 AM
دا رجل كذاب و غير محترم


#665456 [ولهان بوطن واحد]
5.00/5 (2 صوت)

05-15-2013 04:42 AM
المساكين المخدوعين المغشوشين الاغبياء ماتو زمان في توريت والناصر والكرمك والميل اربعين وصيف العبور ايام الهوس الديني واللوثه العقليه وزواج الحور ونزول الملائكة وتكبير الجبال وتهليل الاشجار وانتحار القرود بتفجير الالغام وشفاعة الفطيس لسبعون من قطيعه في المراح .. يا عبده يا ود خدر بعد عشرين سنه تاني داير تتقبل علي الشباب المقهور الممحون الفقران العاطل المطرود من المدرسه والجامعة لعجزه من سداد الرسوم وابناءكم واحفادكم وحتي بناتكم يستمتعون في المدن الاوربيه والاسيويه وفي ارقي المصابف بصحبة اصدقائهم وصديقاتهم ( بوي فرند وقيرل فرند ).. وتاني سيرة الدفاع الشعبي والمجاهدين والدبابين وحتي هذه الاسماء تحورت الي سائحون واصلاحيون .. الفتنة نائمة ولعنة الله علي من ايقظها .. وحينما يقول والد المغرور به احمد عمر المحسوب عندكم شهيدا ان شاء الله ما في شهيد غير ولدي فهو يعني بقوله ان تتركوا اولاد الناس الغلابه في حالهم لياكلوا من خشاش الارض .. لك يوم يا ظالم يا مستبد يا حرامي يا دنئ يا عبدة المال والنساء يا من لا يفقهون غير شهوتي الفم والفرج .. نفس سيناريو واخراج وانتاج شيخكم الذي علمكم السحر .


ردود على ولهان بوطن واحد
[sudanese] 05-15-2013 08:22 PM
الناس الماتت في توريت و الناصر و الكرمك و الميل اربعين و ناس صبف العبور ما من حقك تقول عليهم فطايس، ديل خيرت الشياي و اصدقهم و هم اسي في ذمة الله، الله وحده عارف لو هم فطايس و لا شهداء. و المييت ليهو احترام. خلييك في الناس العايشة و الماتو ديل خليهم لي رب العالميين.


#665452 [الجزيرة ابا]
2.50/5 (2 صوت)

05-15-2013 04:00 AM
لقد هزمناهم وقمنا جاريين


ردود على الجزيرة ابا
United States [nasr] 05-15-2013 08:39 PM
والله يالجزيرة أبا أحسن تعليق وبيعبر تماما عن الحاصل


#665440 [انصاري]
1.50/5 (2 صوت)

05-15-2013 03:09 AM
الخدر، نعلك طيب، انا شفتك في المنام، لابسلك طاقيتاً خدرا، مع الحور العين، والحوريات خاتين ليك الضريرة، وبقيت صغير عمرك 18 سنة، عمر الزهور عمر المنا، رأيك شنو تمشي ام كرشولا، نيابة عن الولاية، اولاً: تشوف لينا الحلو دة، حي ولاميت، ولا مدفون قي جوبا، ولا سافر بروكسل للعلاج، ولا ضربتو مكنة لحام، عشان جماعتك ديل كضبن بقي فضيحة، وثانياً تدخل الجنه تكون والي مقاطعة الفردوس الاعلي.... اها شن قولك إتفقتا... اه يادجال، ياكذاب، يا منافق، سمسار وشايل طار...


#665438 [مهاجر]
3.00/5 (2 صوت)

05-15-2013 02:58 AM
(وقال حينما سمع نبأ استشهاد ابنه، إن شاء الله ما يكون في شهداء غيرو.)
### هو مالو الزول ده حاسد كده ؟ داير ولده يخش الجنة براه وباقي الناس لا؟
### بالله يا الخضر قلت لي كانو مقبلين غير مدبرين ؟ بالله ؟


ردود على مهاجر
European Union [abc] 05-15-2013 10:34 AM
لا هو ما عايز احمد ابراهيم الطاهر(بتاع البرلمان) يستشهد ويستمتع
بالحور العين.

United States [صديق] 05-15-2013 10:17 AM
ما معناه : وسعت رحمة ربى كل شىء
يعنى هو ومن فى الأرض جميعا معاه
ودا مله مضيقة على الناس
ودايرة لى ولدم بس


#665433 [osman]
0.00/5 (0 صوت)

05-15-2013 02:52 AM
ياود الخضر والله من كذبه اليرموووك كل مااشوفك اقعد اضحك عليك الله ماخجلان من نفسك والله انا خجلتي ليك خجلللللللله انتي والبشير بتاعك ده مابتفترروا من الكذب وللاخلاص ادمنتوووا الكذب لكن ابشركم باذن الله ستكتبون عند الله كذذذذابييين ............. عاوز افهم حاجه الجيش دخل ومرق كيف يعني .؟؟؟؟؟؟ لكن الحق ماعليكم الحق علي الشعب الاهبل الطيره البقعد يفتح خشموا ويهلل ويكبر ليكم وده البخليكم تتمادوووا في الكذب ...اقووول ليك حاجة ياود الخضر انشاء الله ربنا يرزقك الشهادة انت وحكومتك كلها في ابوكرشووولا اميييين انتو الشهادة مابينها مالكم.... تودوا في اولاد البسطاء من اهل بلادي


#665431 [kordofani]
0.00/5 (0 صوت)

05-15-2013 02:49 AM
the gate of paradise is opened in karshoola .or what should i say the Bermuda triangle .
need some one with military background to explaines this .the army has entered karshoola and retreat .to save the souls and equipment
who are seen running away from karshoola .were they the angels or monkeys
and why the equipments left to SPLA.
piece of advice to those who do not know about sudan revolutionary front .
these are hybrid army from diffrent tribes of sudan .stay at home Mujaheed this is not the battle that lead you to paradise .if you got killed you are your own.


#665430 [معقوله بسسسس]
0.00/5 (0 صوت)

05-15-2013 02:40 AM
معقوله ؟؟؟ جهاد شنو و جهاد وين؟ انتوا دمرتوا التعليم عشان تغشوا الناس كده؟؟؟ الا يكون الرساله نزلت علي عمر البشير بن تكل و انت يا عن عبدالرحمن بن الخضر الصحابي! بعدين تعال هنا انت صلاحياتك شنو لمن تصرح في الموضوع ده؟ امشي شوف مشاكل ولايتك ، جهاد قال ،،، كلام شيخ الفتنه الترابي و انتوا العميان المسكوه العكاز ،، اجري اجري بلا جهاد معاك انا بستغرب الزيك ده بسوي بالقروش شنو؟؟؟


#665428 [مواطن]
0.00/5 (0 صوت)

05-15-2013 02:33 AM
قال دخلوا وخرجوا ياخي تخرج روحكم انشاء الله تقتلوا في الابرياء لحماية مصالحكم ربنا يورينا فيكم يوم


#665427 [Haba kamba]
0.00/5 (0 صوت)

05-15-2013 02:27 AM
والله غيتو الناس ديل ما مشو للجهاد لماذا ينسحبو ويحفظو ارواحهم يا كذاب ؟؟؟؟ قول الحقيقة عشان الناس على الاقل يتاكدو من مجريات الاحداث هل مهزومين أم الجماع ديل ما متقابل ؟؟ عشان باقية المجاهدين بتاعتك ديل اى واحد يخطنع وياخذ ابكر كوناء بتاعتو وينصرف من الميادين بتاعتكم التدربوهم يومين او ثلاثة ايام فقط وهاك سلاح امشو اوقفو لينا فى الباب عشان الجماع ديل ما يحصلونة هنا \\\ لان الجهاد عاوز وضوح تام وسريح يا كلاب كملت اولاد الناس من غير حقوق !!! لكن ح ياخذ حقهم عنوتآ إن شاءالله والنصر قريب !!!


#665421 [ضل الجرجير]
4.63/5 (5 صوت)

05-15-2013 02:09 AM
لا ينسحب إلا المنهزم ، محاولة تصوير الناس كأنهم أغبياء حيلة لا تنطلي إلا علي البلهاء ولا يتعدي البله سواه .
( أقصد والي اللحام )


#665420 [هاشم صديق]
4.22/5 (6 صوت)

05-15-2013 02:09 AM
نان يالخضر الحرامي . الكضاب قبيل ساعة دخلتوها كنتوا قايلين مافها ارواح تحافظوا عليها واللا دقوكم دقة تمام وادبرتوا مولين. دحين قبل كدة ما قلته ضربت اليرموك انابيب انفجرت . الظاهر انشغالك بذكر طول الليل خلاك ذي الدرويش تقول اي كلام


#665417 [توفيق الصديق عمر]
4.88/5 (4 صوت)

05-15-2013 01:56 AM
الشئ الماقادر يدخل في دقنوسي دا انو الناس ديل
عارفين او متاكدين انو الموت في الدواس مع انصار الجبهة
هو استشهاد وتذكرة لدخول الجنة وما عندهم شكك في الحته دي
شنو الجابرهم علي الدنيا ام قدود دي


ردود على توفيق الصديق عمر
[كومرت] 05-15-2013 06:14 AM
ديل مايغشو الا المغفل لانو لوكان فيها شهادة منالمفترض يتقدمو الصفوف لكنهم منافقون قال دخلنا وخرجنا حفاظا على الارواح! لابالله انت اخر من يحافظ على روح !الجماعة مشوا اخدوا علقة جامدة وعملوا كابتن ماجد الخراب ماقلتوا نوبة ياجبناء



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة