الأخبار
أخبار إقليمية
حزب البشير : تغييرات وشيكة في الحزب والدولة لمصلحة الشباب
حزب البشير : تغييرات وشيكة في الحزب والدولة لمصلحة الشباب
حزب البشير : تغييرات وشيكة في الحزب والدولة لمصلحة الشباب


قال : الشباب في جميع الولايات الان سلموا انفسهم لقوات الدفاع الشعبي لدخول أبو كرشولا
05-15-2013 01:13 PM
الخرطوم: حمد الطاهر : كشف المؤتمر الوطني عن تغييرات وشيكة داخل أجهزة الحزب والدولة لصالح قطاعات الشباب، وأماط اللثام عن رغبة رئيسه عمر البشير في إحداث تغيير لصالح الشباب في المرحلة القادمة. ودعا الشباب لتحمل المسؤولية والاستعداد للمرحلة المقبلة.

وطالب رئيس القطاع السياسي بالمؤتمر الوطني د. الحاج ادم يوسف، في مؤتمر صحفي عقب لقاء له مع أمانة الشباب بالمؤتمر الوطني امس «كل الذين تقدم بهم العمر في اجهزة الحزب والدولة بإفساح المجال للشباب اينما كانوا، وقال «ان الشباب هم الطاقة التي تصنع التغيير في الحاضر والمستقبل، ونعول عليهم ان يكونوا قادة البلاد علي جميع المستويات» ودعا الحاج آدم الشباب (الذين غرر بهم الشيطان ) حسب وصفه واتبعوا التمرد للعودة الي الصواب ووضع السلاح، واردف قائلا « ان التجربة العملية في حمل السلاح والحرب للذين سبقوهم لاخير فيها «.

واكد يوسف دعم الحزب لشبابه في اتجاه حواراتهم مع شباب القوي السياسية الاخري وقال نحن ندعم ونشجع هذه الجهود واشاد بمشروعات الشباب التي قال انها غطت جميع المجالات الاقتصادية والاجتماعية وتستهدف جميع قطاعات المجتمع ولا تقتصر على عضوية الجزب وحدها.

من جهته، أوضح مسؤول الشباب بالمؤتمر الوطني، عبد المنعم السني، انهم استمعوا الي تنوير حول الوضع السياسي والامني من رئيس القطاع السياسي بالمؤتمر الوطني الحاج ادم. وقال ان الشباب في جميع الولايات الان سلموا انفسهم لقوات الدفاع الشعبي للوقوف مع القوات المسلحة، وكشف عن توجيهات لتطوير المشروعات التنموية وقطاع الشباب ووضع خطط للبناء الحزبي.

من ناحيته، كشف نائب امين امانة الشباب بالمؤتمر الوطني، عبيد الله محمد عبيد الله، عن تغييرات وشيكة داخل اجهزة الحزب والدولة لصالح قطاعات الشباب، وقال انه بنهاية هذه الدورة التنظيمية سيكون هنالك تغيير حقيقي في اجهزة الحزب، وازاح عبيد الله اللثام عن رغبة رئيس المؤتمر الوطني رئيس الجمهورية في إحداث تغيير لصالح الشباب في المرحلة القادمة، وقال ان البشير اكد لهم في اكثر من موقع بأن نهاية الدورة الرئاسية ستشهد تغييراً في جهاز الدولة لصالح الشباب، وطالبهم بتحمل المسؤولية والاستعداد للمرحلة القادمة، مبينا بأن هنالك قيادات ظلت لفترات طويلة في مناصبها. ووصف عبيد الله الاحداث التي احدثتها الجبهة الثورية بشمال كردفان بـ» المؤسفة»، وقال ان الجبهة الثورية تدعي مناصرة المهمشين ولكن للاسف اذاقت المواطين شر العذاب والتقتيل، وان ماتقوم به يكذب نواياها. وطالب بالوقوف مع القوات المسلحة والدفاع الشعبي لتطهير تراب البلاد من التمرد.

الصحافة


تعليقات 21 | إهداء 0 | زيارات 6284

التعليقات
#666328 [SESE]
0.00/5 (0 صوت)

05-16-2013 04:17 AM
الى متى وانتم تسوقون الشباب للمحرقة والموت نيابة عنكم ؟ الى متى وانتم تأملون في الحياة وقد بلغتم من الكبر عتيا؟ الى متى وانتم تمتد بكم حبال الامل وقد تقطعت بكم الاسباب بعدما نفذتم كل خططكم التخريبية في حق الوطن والمواطن؟ الى متى وانتم تراهنون على اولاد الناس داخل السودان وحياتهم بائسة واولادكم يتمتعون بالحياة الراقية خارج السودان؟ الى متى وانتم تكذبون على الناس حتى صدقتم كذبكم وحبل الكذب قصير.....

فقط اثبتوا ولا تهربوا كما يهرب النعام يوم تدق ايادي الحق ابوابكم وقد ازفت الساعة....


#666269 [ادروب]
0.00/5 (0 صوت)

05-16-2013 01:02 AM
اقول لك ولنوابك ولوزرائك :- ( اذهبوا انتم قاتلوا فانا هاهنا قاعدون )


#666125 [جيفارا]
0.00/5 (0 صوت)

05-15-2013 08:27 PM
فى كلام كدة حيرك
يعنى شنو الدورة الرئاسية
بعد شهر ولا 6شهور ولا سنة
تقول فى فترة محددة .استهلاك فقط
الله يعين


#666098 [عنبر عمر الطيب]
4.00/5 (1 صوت)

05-15-2013 07:44 PM
الرسول صلى الله عليه وسلم كان اول من يكون فى مقدمة الجهاد واصحابه من حوله وذلك لأعلاء كلمة الحق ...
ويا ايها البشير انت وكل افراد حكومتك ومن خلفكم اولادكم ثم من خلفهم اولادنا . هذا اذا كان الجهاد لحرب الكفار . اما اذا كان الجهاد لمحاربة اخوة لنا ومسلمين يطالبون ابسط حقوقهم فلا جهاد فى ذلك .
وهنا اقول لك ولنوابك ولوزرائك :- ( اذهبوا انتهم وقاتلوا فانا هنا قاعدون )


#666043 [مع العدالة]
3.00/5 (1 صوت)

05-15-2013 06:42 PM
بالغتو كده عديييييييييييييييييييييييييل ياشباب هسع نشطب ليكم منو من الكباتن ديل؟بشة ده لسع بلعب فى الناشئين والموسم الجاى ناوين نصعدوا للفريق الاول وعندو عرض احتراف جاييهو من لاهاى ده لاعب لايمكن الاستغنا ء عنه ده مكسب كبير للفريق ..اما عمو على يااخوانا ده صانع اللعب الوحيد عندنا لوشطبناهو ما بنقدر نجيب فى نيفاشا تانى ولا قون....نفوعى الولد العسل ده قايلننا بنفرض فيهو ده لسه ولد صعنوووووووونى وكمان بلعب وراء صاح بشتت الكورة برة الاستاد مابنقدر نستغنى عنو ........وعبدو عبدو ياعبدولى اوعكم تتكلمو فى قلب الدفاع ده صخرة امريكا ذاتها ما بتمر منها ده طور لينا استراتجيات محكمة لايقاف الهجوم بالنظر دون استخدام الشلاليت والضرب ...وعمو عوض ده يااخوانا لسه راجيهو مستقبل كبير فى الفريق ويمكن نعيرو للصين عشان يجييب لينا رعاية وكده..اما الطفل المعجزة ده اوعكم تتكلموا فيهو ده لسة اسنان اللبن ما قلعها عايزننا نشطبو؟؟؟وسموية بتاعت المجلس دى اكبر داعم للمجلس وسط اللعيبة وبعدين هى ذاتها لسه قاصر لو شطبناها بتشتكينا وبتقول شطبناها وهى قاصر وما بعيد الفيفا يحرمنا من اللعب الدولى ......غايتو حلكم ياشباب ترفعو توصية للاتحاد لزيادة الخانات العشرية ويمكن يوافق ونسجلكم بس عشان نكون صريحين معاكم ما ممكن تلعبوا الا فى المباريات الودية عشان تاخدوا الخبرة وكدة


#666016 [JOHN]
0.00/5 (0 صوت)

05-15-2013 06:21 PM
كونوا علي يقين، انو ما في شاب وأحد حيمشي يقاتل حتي لو تسجلوا للواحد منهم عمارة بأسمو.....
والسبب أبسط من بسيط :لأنكم لستوا علي حق.....

الشبان الفلسطينيين بيدحروا عربات الجيش والدبابات الاسرائيلية بالحجارة لانو عندهم قضية وقناعة راسخة بضرورة التصدي والدفاع عن ما يؤمنون به، غريزيا ودونما أي اكراه أو تسلط.....

كفاية إفك، كفاية نفاق، خلاص أزفت الأزفة.


#666012 [jbra]
0.00/5 (0 صوت)

05-15-2013 06:17 PM
قديييييييييييييييييييييمه شوفو غيرا كان الترابى اشطر


#665994 [محمد احمد]
5.00/5 (2 صوت)

05-15-2013 05:57 PM
يشب فيك قرد ياخ


#665958 [جبرين جابر جرقندي]
5.00/5 (1 صوت)

05-15-2013 05:23 PM
صدق من سماكم عباقرة الكذب - وبعدين دي قديمة كان زمان زمن المشروع الحضاري اما اليوم مشروع الفجر الجديد والحركة الثوريه هم اسياد الموقف ايها المعتوه ابو ساطر - فتش سواطيرك وانتظر اسرائل - والحلو جااااااكم !!!!


#665955 [Almo3lim]
5.00/5 (3 صوت)

05-15-2013 05:20 PM
ههههههههههههههه

و صلتوا مرحلة متأخرة جدا و بقيتو تكذبو حتى على بعضكم !!!!!!

طبعا دي مرحلة ما قبل (الهروب) يتم تعيين قيادات شابة ( لتقتل ) في المعارك ضد الخصوم أو يتم تسليمها السلطة ليلة الهروب العظيم حيث المال المسروق ..!!!!

الفصل الأخير من مسرحية (الكذابين) ...


#665933 [عواد]
1.00/5 (1 صوت)

05-15-2013 04:37 PM
وطالب رئيس القطاع السياسي بالمؤتمر الوطني د. الحاج ادم يوسف، في مؤتمر صحفي عقب لقاء له مع أمانة الشباب بالمؤتمر الوطني امس «كل الذين تقدم بهم العمر في اجهزة الحزب والدولة بإفساح المجال للشباب اينما كانوا،


(((( والحاج آدم ساطور ده بيلعب فى ياتو اشبال ؟؟؟ .)))))


#665916 [Rebel]
5.00/5 (1 صوت)

05-15-2013 04:11 PM
* يعني إكراميه جديده من دولة الخلافه الراشده لشباب المؤتمر الوثنى عشان الجهاد؟
* طيب إنتو ما عارفين شبابكم ديل وين! ما تنادوهم بالتلفونات لزوم التعب ده كله شنو؟
* يعنى دايرننا نصدق التعديلات الجايه حا إستفيد منها شباب الجبهه الثوريه و شباب حزب البعث و الناصريين و الشيوعيين و تنظيمات المرأه و شباب منظمات المجتمع المدني..., وألآ شنو؟

** يا ضلاليين سوقوا شبابكم و اتوكلوا على شيطانكم و اعملو درع للخرطوم, ابو كرشولا موضوعها إنتهى.
** أما نحن فإننا "قعود ها هنا" والله فرجه قريب.


#665906 [muarad]
5.00/5 (1 صوت)

05-15-2013 04:05 PM
The mujaheeden and the popular defense forces are going to win no war they will be defeated as soon as they they see soldiers of the revoluioary forces.Not every body is fit.Those people were the core of the sudanese army and they are soldiers withot ajob now.c


#665894 [الـــســيــف الــــبــــتـــــار]
5.00/5 (1 صوت)

05-15-2013 03:49 PM
اذا كان هذا الهراء و الهرطقات صادره من القشير فكلام الليل يمحوه النهار ؟
واين الشباب الذى تتحدثون عنهم اليوم بعد أن فشلت قواتكم و مجاهديكم و السحاسيح من الدخول الى ابوكرشولا والتى اصبحت عصيه عليكم ومن دخلها واستولى عليها من صلب هذا الوطن و ليس بمصرى او حبشى اتى الينا من خلف الحدود لكى يحتل ارضا سودانيه و يقيم فيها عنوة و مشهرا سلاحه فى وجه قواتنا المسلحه التى تراجعت وتقهقرت الى داخل تراب الوطن تنفيذا لتعيمات القائد الاعلى الى القوات المسلحه و رئيس الدمورية التى كفن بها الوطن شعبا و ارضا و يا له من عار و خذلان لقواتنا وقادة الوحدات العسكرية من مشاة و جوية و برية و مظلات و اشارة و صاعقة و مدفعيه ؟
الشباب يا ابو ساطور نصفهم فى القبور و النصف الاخر يقف طابور ينتظر تاشيرة مغادرة الى خارج الوطن الطارد لاهله والمحتكر لاخوة الشواطين و تجار الدين .
اما من هم فى ركب النظام من المنتفعين من جهاديه سيحسيح فمبروك عليهم وليهبوا و يقفوا دفاعا عن النظام و ليس عن الوطن لان الوطن برجاله ساعة الحاره بلقونا زرافات و وحدانا بالرغم من الاحباط الذى اصاب الشرفاء و الاحرار باحتلال جزء منه و لكن العين بصيره واليد قصيره كيف لنا نشد الرحال الى حلايب او الفشقه و النظام الفاسد يمنعنا حتى من الحديث عنها او المطالبه باعادتها كما فعل موسى محمد احمد والنظام كأنه غير موجود و اعلامه الذى اصابنا بالضغط و السكرى و الزيهايمر تبكم و انخرس .
لحاجتكم الى السواعد الفتيه من الشباب المغيب و المهمش فى قاموسكم و لا يجد منكم الاهتمام بقاضياه ومشاركته همومه و ايجاد الحلول لها تناشدونهم وتترجونهم ولكن خاب فالكم .
هبوا الى مقدمة الصفوف و قاتلوا وانشاء الله تعدموا نفاخ النار و نخلص و نكمل على البقية فى الجحور و لا القصور و الله اكب عليكم ...


#665868 [مدني الحبيبة]
5.00/5 (1 صوت)

05-15-2013 03:14 PM
ياحاج ياساطور هل تلك التغيرات تشمل على عثمان طه، نافع على نافع، غندور، كرتي، البشير، عوض الجاز، اسامه عبدالله ، لان هؤلاء هم المؤتمر الوطني غير ذلك تحصيل حاصل ن والان كل قطاعات الشباب يمثلها اناس ذوى مصالح تجارية بحته لايوجد فكر يمكن ان يستوعب الشباب كما في السابق ، ابناء دارفور وبسطاء المناطق الوسطى تم خداعهم لفترات طويلة بما يسمى بالمشروع الحضاري وتم استقلال النزعة الدينية وخضاعهم بمشروع اسلامي فضفاض ، تكشفت نوايا مزاعم من يروجون لذلك المشروع الحضاري ، ياحاج ياساطور الان الصراع اصبح من اجل لقمة العيش ورد المظالم التي تسبب فيها هؤلاء المجرمون ونظرية الاستنفار والجهاد اصبحت فرض على كل ابناء السودان من اجل التخلص من لصوص المؤتمر الوطني ، اي جيل تتحدثون بتسليمه مفاصل حزب المؤتمر ، اتقصدون شباب كامثال حاج ماجد سوار، الصادق عبدالله ، الهادي محمد يوسف ، هؤلاء يحملون افكارا اكثر تحنيطا من الديناصورات القديمة ، الكل يعلم الان فشلت كل حملات الاستنفار لان الجميع مل ادعاءات المؤتمر الوطني الذي نهب كل ثروات الوطن وابنائه يعيشون في الخارج ويعيشون حياة ترف ، يجب استنفار ابناء هؤلاء المستفيين من الوطن ليدافعوا عن ماتم نهبه من قبل الاباء، التحيه لكل من يقاتل بشرف من اجل كنس هؤلاء الانجاس .


#665855 [محمد حسن احمد]
4.00/5 (2 صوت)

05-15-2013 02:55 PM
ألم يتقدم بك العمر أنت ايها الخنزير لدرجة أنك أصبحت مخرف وتقول كلام مجانين لدرجة أنك توهمت منازلة الجيش الإسرائيلي بالسواطير فالتبدا بالتنحي أنت اولا أيها المنافق بعدين إين هم شبابكم الذين يمكن تسليمهم القيادة شبابكم كلهم على شاكلة شلة الصافية ومجموعة قاعة أفراح الاعراس امدر مان والله والله والله لا خير فيكم ولا في شبابكم ولا في نساءكم فكلكم على شاكلة بعض عفن ووسخ لقد دنت ساعة الخلاص منكم شيبا وشبابا ولاح ضوء الفجر الجديد لسودان جديد على يد الأحرار والشرفاء من مقاتلي الجبهة الثورية


#665844 [خالد حسن]
4.50/5 (2 صوت)

05-15-2013 02:33 PM
سؤال ليه الانضمام للدفاع الشعبي وليس الجيش؟
يعني ياكيزان دايرننا نصدق رجل كذوب كالبشير اذاو حدث كذب واذا وعد اخلف واذا أُتمن خان؟
متي اوفي البشير بوعد قطعه حتي نصدقه هذه المره؟
كذبه جديده لاستقطاب الشباب وحرقهم في الحرب ليموتوا فطائس
اي واخد يموت في حروب الانقاذ ليس سوي فطيس ومدافع عن الشيطان وحزبه؟


#665835 [أهل العوض]
5.00/5 (1 صوت)

05-15-2013 02:19 PM
مادام قلتو عايزين تسلمو السلطة لشباب الكيزان يلا خلي كل عجائز الكيزان يتقدموا صفوف المجاهدين لتحرير ابو كرشولة وبالعدم يسشتهدوا ويريحو ويستريحو في ستين داهية


#665818 [أبو الكدس]
0.00/5 (0 صوت)

05-15-2013 02:01 PM
تحولات في قطاع الشباب تحولات في قطاع غزة الحلو جاييكم جاييكم وأرجو الراجياكم


#665799 [عادل نقد]
0.00/5 (0 صوت)

05-15-2013 01:41 PM
رشاوي للشباب للمشي والتدافع لميادين القتال...............


#665794 [Tataw]
0.00/5 (0 صوت)

05-15-2013 01:32 PM
Excellent, but to whom did they hand themselves over this is my question



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة