الأخبار
أخبار إقليمية
تأجيل محاكمة قوش وثلاث من معاونيه الى الاثنين لعدم وجود سيارات .
تأجيل محاكمة قوش وثلاث من معاونيه الى الاثنين لعدم وجود سيارات .
تأجيل محاكمة قوش وثلاث من معاونيه الى الاثنين لعدم وجود سيارات .


خبر هروبه اشاعة
05-17-2013 08:51 AM
توقع فريق الدفاع عن مدير جهاز المخابرات السوداني السابق الفريق صلاح عبد الله قوش الافراج عنه خلال الفترة المقبلة لعدم وجود بينات تثبت ادانته اتهامات تتعلق بقلب نظام الحكم في الخرطوم فيما تاجلت جلسة محاكمته الى الاثنين.

وقالت مصادر لسودان تربيون ان الادعاء لم يقم باحضار قوش وثلاث من معاونيه الى المحكمة بحجة انعدام السيارات التى تنقلهم من السجن بامدرمان الى مقر المحكمة بالخرطوم وتردد على نطاق واسع ان قوش هرب من محبسه .

وكانت السلطات الامنية اعتقلت قوش ضمن عناصر عسكرية ومدنية وامنية على خلفية اتهامات بالتخطيط لقلب نظام الحكم في شهر نوفمبر الماضي

ونفى عضو هيئة الدفاع عن قوش المحامي نبيل اديب للصحفيين هروب قوش من معتقله ودحض الشائعات التي سرت في العاصمة امس وقال انها معلومات غير صحيحة مؤكدا ان قوش سيقدم الى محاكمة الاثنين المقبل مرجحا اطلاق سراحه خلال جلسة او اثنين لعدم ثبوت ادانته بمعية عناصر امنية ومدنية .

ويعتبر قوش من ابرز مسؤولي الانقاذ الذين كانوا يخططون للتعاون مع الولايات المتحدة في مكافحة الارهاب وساعد على تسليم قائمة من المتشددين الاسلاميين الى الادارة الاميركية ونقلته المخابرات الامركية على طائرة خاصة في العام 2005 الى واشنطن في اطار مهمة تتعلق بمكافحة الارهاب غير ان كشف الاعلام الامريكي لوجودة حدى بـ(سي اي ايه) الى قطع زيارته واعادتة الى الخرطوم.

سودانتريبون


تعليقات 14 | إهداء 0 | زيارات 7789

التعليقات
#667948 [ذاكرالدبن]
0.00/5 (0 صوت)

05-18-2013 12:38 AM
يا ناس يا وهم ما تقولوا عندنا جيش ! الجيش السودانى دمروه ناس المؤتمر الوطنى أول ما إستلموا السلطة سرجوا كل الجيش ودخلوا هم الجيش مع سياسة التمكين . الجيش الحالى هو جيش المؤتمر الوطنى وليس الجيش السودانى . الجيش السودانى له تاريخ ناصع وعشان كدا حتى الناس الغيورين على سمعته تركوه نتيجة لسياسة التمكين . عشان كدا قادة جيش المؤتمر الوطنى بقاتل بالمليشيات والجنجويد . ولهذا السبب جند ود إبراهيم المسيرية وحرر بيهم هجليج . ومن قبل جند الفريق والى جنوب دارفور الجنجويد ليقاتل بهم متمردى دارفور .. وعشان كدا حسع لما رجعوا يبحثوا عن الجيش السودانى لم يجدوه لأن شرفاء الجيش السودانى خلعوا الكاكى ومشوا يبحثوا عن الرزق الحلال كمنقبين للذهب ..... عشان كدا شيلوا شيلتكم مع إعصار كترينا الجايكم


#667791 [عصمتووف]
0.00/5 (0 صوت)

05-17-2013 07:17 PM
تضعون لهؤلاء الخنازير جميعا وبدون فرز حجما اكبر منهم لا ادري في حين لا فرق بينهم وروث الخنازير


#667778 [عمر مون]
0.00/5 (0 صوت)

05-17-2013 06:57 PM
الله يكتلو شر كتله


#667770 [cour]
0.00/5 (0 صوت)

05-17-2013 06:42 PM
رايكم شنو ابن البادية عامل حفلة الان بالرابعة امدرمان وقدام بيتى الخاصل شنو قالو ولدو نجح فى الاساس . اكيد ابوة مسنود .تقولى اتوفى فى ستين داهية


#667697 [حليم - براغ]
5.00/5 (1 صوت)

05-17-2013 04:48 PM
مثل ماوديتوه المستشفي با الطيارة الهلوكوبتر ودوه المحكمة برضوه بالهوكوبتر ؟؟؟؟؟؟


ردود على حليم - براغ
[nagatabuzaid] 05-17-2013 11:12 PM
فى المستشفى فى مكان لهبوك الهيلوكوبتر لكن المحكمة الاينزلوه بمطلة اتخيل منظر دردمة نازلة فى المحكمة بهلوكوبتر


#667588 [كتاحة]
0.00/5 (0 صوت)

05-17-2013 01:55 PM
يااااااارب قوش دا يقدر يهرب و محل يمشي داك ينشر كل العمليات القذرة و التصفيات و الفضائح
الهباب للكيزان لكل العالم و بعد داك تجيهو صاقعة بلا سحاب تخلي ريحتو طير طير


#667541 [ابو جهينة]
0.00/5 (0 صوت)

05-17-2013 12:21 PM
@@@ قوش هذا يذكرنى بالمدافع الكولمبى الذى احرز فى مرماه هدفا عن طريق الخطأ تسبب فى ابعاد فريقه عن المربع الذهبى لكأس العالم ولقى حتفه باطلاق الرصاص عليه من احد مواطنيه بعد عودته الى وطنه تعبيرا على غضبه الخاص المُتعصب .
@@@ وبالرغم من شتان بين المفارقة بين ذاك اللاعب الكولمبى الذى فقد روحه نتيجة الهدف الخاطئ (مثل ما فعل بله اخيرا بالمريخ ) وقوش الذى ادمن التهديف الخاطئ ل 23 عاما فى مرمى شعبه ( داخل خشبات الاشباح " ياعديله ليه , الليله مُفنجط با مبساطة ,ياعديله ليه .
@@@ كذلك شتان بين المفارقة عندما اقتربت دولتنا الديموقراطية نحو مربعها الذهبى برغم الجو الماطر والاعصار كما قال الشاعر "نزار قبانى" وبين ما صارت عليه فى وضعنا الحالى ؟ وهل نقول لسان الحسود فيها عود لما نحن فيه ونراه بام اعيننا ؟؟ ام نمسى ونصبح ونغالط انفسنا باستمرار ونقول يمكن نحنا وانا الما رأيت ؟؟
@@@ لماذا لا تفكر فى ان تكون او لا تكون ؟؟ ابحيث اين تجد حريتك ؟ كيف وما هى ؟ قاوم بقدر ما استطعت ؟ شاور من حولك عن الظلم والعدالة !!وعن ماذا يرتضون !! فاذا شعرتم بانكم غير احرارا فى وطنكم ففكروا مع الآخرين للحرية مثل الشعوب التى نالتها قبلكم وبعدكم واصبحت اليوم فى ذاك المربع الذهبى . (((( ولنا عودة )))).


#667523 [osman]
3.00/5 (1 صوت)

05-17-2013 12:08 PM
سيارات مسجونييين وللا سيارات تليق بمقامهم السامي والله البلد دي فيها ععجائب وغرائب انتو ياناس الانقاذ عندكم شنوغير العربات؟؟؟؟؟ ماشاء الله جميع الموديلات والعربا علي قفا من بشيل ...... يشيلكم الخالقنا


ردود على osman
[nagatabuzaid] 05-17-2013 11:15 PM
سدقونى خايفين يخطفوه تتذكروا الفاضى الهارب ايام نميرى ؟؟ فى انقلاب حسن حسين ؟؟ اها كان قوش عرف الطريقة كان سواها


#667499 [اوجات كها]
5.00/5 (1 صوت)

05-17-2013 11:40 AM
"وقالت مصادر لسودان تربيون ان الادعاء لم يقم باحضار قوش وثلاث من معاونيه الى المحكمة بحجة انعدام السيارات التى تنقلهم من السجن بامدرمان الى مقر المحكمة بالخرطوم وتردد على نطاق واسع ان قوش هرب من محبسه .

الاحوص الاعور مصاص الدماء ده يجب احضاره بكارو جاريه حمار مش حصان كمان
دتوك كابا سلاه قوش


#667453 [Shah]
4.50/5 (2 صوت)

05-17-2013 10:54 AM
انعدام السيارات؟؟؟ هو الحكومة عندها شنو غير السيارات؟


#667417 [elfatih]
0.00/5 (0 صوت)

05-17-2013 10:14 AM
اللهم ارنا فيهم عجائب قدرتك فقد شردوا الشعب ونهبوا الثروات


#667380 [alsudani]
5.00/5 (1 صوت)

05-17-2013 09:40 AM
أشاعة هروب قوش المقصود بها تصفيته
أصلهم اول إشاعه وبعدين تنفيذ
وبعدها يبحث اهل قوش عن ابنهم الهارب
الى يوم القيامة
لكن هل هذه اللعبة تنطلى على قوش؟؟؟؟؟؟


#667379 [lahib]
5.00/5 (1 صوت)

05-17-2013 09:37 AM
عدم وجود سيارات دى نفهمها كيف


#667378 [abu-osman]
0.00/5 (0 صوت)

05-17-2013 09:36 AM
ربنا يفك اسرهويعيده لاهله سالما.وعدم وجودسيارات لنقله امر مضحك


ردود على abu-osman
[اللهم ألعن الانقاذ لعنا كبيرا] 05-17-2013 09:30 PM
ربنا يغطس حجرو ويطلع عينو التانيه

[zoal] 05-17-2013 12:23 PM
اميييييييييييييييين قوش راجل ضكر وذكى ورجل دوله

[دارفوري] 05-17-2013 11:22 AM
ربنا لا يفك اسره ولا يعيده لاهله وينتقم منه ومنهم اشد انتقام ياقوي ياعزيز يامنتقم ياشديد العذاب والعقاب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة