الأخبار
أخبار إقليمية
بيان من المؤتمر الوطني - منبر الإصلاح : نحذر الوزير الفاسد والأجهزة الأمنية من اللعب بالنار
بيان من المؤتمر الوطني - منبر الإصلاح : نحذر الوزير الفاسد والأجهزة الأمنية من اللعب بالنار
بيان من المؤتمر الوطني - منبر الإصلاح : نحذر الوزير الفاسد والأجهزة الأمنية من اللعب بالنار


شاهد شريط الفيديو موضوع البيان لود ابراهيم والمليشيات القبلية
05-17-2013 08:58 AM
بسم الله الرحمن الرحيم

المؤتمر الوطني- منبر الإصلاح

بيان للناس

قال الله سبحانه و تعالي في محكم تزيله ( وَإِذْ يَمْكُرُ بِكَ الَّذِينَ كَفَرُواْ لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ) صدق الله العظيم

قامت الأجهزة الأمنية في الأيام الماضية بتسريب شريط فيديو مصور للمجاهد العميد محمد إبراهيم عبد الجليل (ود ابراهيم) وعمدت إلى توزيعه على مواقع الإنترنت داخل وخارج السودان تدعي فيه تسليح المجاهد ود إبراهيم للقبائل كدليل دامغ على تورطه في عملية تسليح القبائل للقتال جبناً إلى جنب مع قواتنا المسلحة وهزيمة قوات التمرد. لذا كان لزاماً علينا توضيح الحقائق للناس:

1. الفيديو المشار إليه فيديو تم تصويره في هجليج حينما عجز وزير الدفاع عبد الرحيم محمد حسين وهيئة أركان حربه من تحرير هجليج من قبضة المحتل، أتوا منهارون إلى المجاهد ود ابراهيم يطلبون منه قيادة الجيوش لتحرير هجليج وما كان منه إلا أن ذهب وخاض مع جنودنا البواسل معارك ضارية أعادت هجليج إلى حضن الوطن وتم تكبيد قوات العدو خسائر كبيرة في المعدات والأرواح. وفي الوقت الذي كان فيه ود ابراهيم وصحبه منهمكون في نقل جرحى القوات المسلحة والمجاهدين إلى السلاح الطبي كان عبد الرحيم محمد حسين منهمك في تصوير خطاب الإنتصار عبر التلفزيون، ونجد العذر للوزير الفاسد لأننا نعلم أن هذا كل ما يمكنه القيام به.
2. المجاهد ود ابراهيم لم يقم بتسليح القبائل لانه جندي يؤدي واجبه لوطنه لعشرات السنين في جنوب السودان وغربه وشرقه وعاش مع جنوده مثله مثل جندي عادى ويشهد على ذلك كل من عملوا معه، وكما يشهد على ذلك بيته في حي جبرة ولكن أين يسكن وزير الدفاع وهيئة قيادته؟ ومن اين لهم هذا؟

3. إذا أرادت الأجهزة الأمنية وبمعاونة وزير الدفاع الفاسد توجيه تهمة للمجاهد ود ابراهيم كان حرياً به أن تحاسب نفسها أولاً لأننا إذا افترضنا صحة الفيديو المعني هل يستطيع أحد تسليح القبائل دون أن يكون ذلك هو التوجه العام للحكومة؟! المجاهد ود ابراهيم من الكواسر الذين طالبوا مرارا بعدم تسليح القبائل واشراك الطلاب في الحرب لانه كان يرى أن الجيش إذا توفرت له الإمكانيات لهو قادر على بسط الأمن في كل ربوع الوطن ولكن الأجهزة الأمنية وقيادتها الفاسدة كانت ولا زالت تخشى ساحات الوغى لذلك فهي ترسل أبناء الآخرين. ونود أن نؤكد للقيادة الفاشلة للدولة والقوات المسلحة التي قسمت البلاد وأفسدت حياة العباد أن ساعة الحسم قد حانت إذا لم يتم تغيير تلك القيادات الفاسدة والفاشلة والتي ظلت في مواقعها منذ 1989م ودن أن تفسح المجال للتغيير وضخ دماء جديدة في هياكل الدولة مما أدى إلى حالة الإنقسام الحاد التي يعاني منها وطننا اليوم.

ختاماً نحذر الوزير الفاسد والأجهزة الأمنية من اللعب بالنار لانهم سوف يتدفئون بها لا محالة. ونؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ.



ود ابراهيم


http://www.youtube.com/watch?v=-XUvvA9pFBo


تعليقات 59 | إهداء 0 | زيارات 29991

التعليقات
#668975 [الارباب]
0.00/5 (0 صوت)

05-19-2013 01:33 AM
جااااااااااطت
خليكم على كدا ، لغايه ما يجيكم (الحلو) يمّسخه عليكم .
والله وانها (شارفت) على نهايتها .

ابشروا بالخير يا اهل السودان .


#668974 [خلف الله خليفه]
0.00/5 (0 صوت)

05-19-2013 01:30 AM
اعتراف دامغ آخر بجرائم حرب النظام وأباداته الجماعيه .
ينضم بموجبه المدعو ودابراهيم رقما جديدا (53) في قائمه الفارين من وجه العداله مطلوبي المحكمه الجنائيه الدوليه بـ (لاهاي) .
ليرافق رئيسه ووزيره الفاسد .


#668812 [فارس الشايقية]
5.00/5 (1 صوت)

05-18-2013 09:16 PM
ردود على جركان فاضي


الشوايقة فرسان والفروسية افعال وليس اقوال واستفزازك للشوايقة زاد عن حده واحسن لك ترعوي


#668693 [جركان فاضى]
5.00/5 (1 صوت)

05-18-2013 05:48 PM
تانى ودابراهيم بعد ماكبة الجرسة للبشير وقال الروب وتبت تانى ما تشوفنى فى العاصمة ذاتها -خلاص دا كرت وانحرق ولايمكن بث الروح فى انسان ميت -كلب حراسة انتهت مهمتو ورموه فى بلدو فى العبيدية - واتمنى من اهلنا فى العبيدية ان يشلخو شايقى


ردود على جركان فاضى
[فارس الشايقية] 05-18-2013 09:19 PM
احذر ثم احذر


#668661 [aboidris]
0.00/5 (0 صوت)

05-18-2013 05:17 PM
لا بد من يوم يكشف عن طبيعه حكم عصابه الانقاذ ومن ناس الانقاذ الذين اعتبرو الشعب خادما وهم وحدهم الاسياد المعنين بالتمكين وان لا خلاص للشعب منهم لانهم هم من اختارهم الله اوصيا علي الشعب وبيع وطنه وكل ماهو ملكه لصالحهم وحدهم


#668651 [sanmka]
5.00/5 (2 صوت)

05-18-2013 05:09 PM
بيان تافة من جهة تافهة، مناصرة لإنقلابي تافهة وفاشل


#668607 [الكلس ود البلد]
5.00/5 (3 صوت)

05-18-2013 04:32 PM
والله مافى داعى للكلام ده كلو طالما هم عارفين الناس ديل وسخ وعندهم الوثائق البيقولوها دى ما يكشفوها للناس على الاقل عشان خاطر الوطن !! ولو هم وطنيين اصليين وبيهمهم الوطن ما يترددوا !! ولو سكتوا حيكونو كالشيطان الاخرس !! وهم ذاااتهم مشتركين فى الجريمة دى !!! يلا ابقو رجااال وورونا الحاصل شنو !!! وصدقونى الشعب كلو حيقيف معاكم حتى الفى جو بطن امو !!!


#668488 [ابوعلي]
5.00/5 (1 صوت)

05-18-2013 02:49 PM
انا اتفق مع اغلب المعلقين لو انتو ناس اصلاح بجد انشروا كل ما تعرفوه عن هذه الطغمه الحاكمه لو انتوا اصلاحين بجد افتحوا جسور مع المعارضه الحامله السلاح و لو انتوا ناس اصلاح جد اطلبوا من مجموعاتكم ترفض تطوع للدفاع عن الفاسدين و زي ما قالت الاخت الفاضله نجاة ابوزيد في تعليقها ناس البشير بخافوا منكم بدليل فكوا جماعتكم ناس المحاوله الانقلابيه بينوا للناس انكم مع الوطن و مع الشعب الذي تبهدل و عانى من حكومة البشير و وزراءه الحراميه الدجالين .


#668476 [ابو يوسف]
4.50/5 (4 صوت)

05-18-2013 02:33 PM
يعني الفساد موجود ما إشاعات معارضين ساي ؟؟ والله العظيك كل يوم نبتعد الف خطوة منكم ايها الكيزان النجوس
خدعتونا و خدعتوا الشعب بي الله قال و الرسول قال و انتم ابعد ما يكون عن قول الله و رسوله

امشوا حلوا مشاكلكم بعيد مننا قرف يقرفكم

و تاني لو لقيتو زول واقف معاكم تعالوا قابلوني

الواحد جد بتأسف و ندمان إنو انخدع فيكم المدة دي كلها

سيبو البلد في حالها فقد تعب الشعب منكم

لا حول ولا قوة الا بالله
و حسبنا الله و نعم الوكيل فيكم


#668376 [mansour]
5.00/5 (1 صوت)

05-18-2013 12:59 PM
كدي هجليج تم تحريرا والله انسحبو منها خلونا منها امشو لينا علي اب كرشولا دي وحرروها اكان قدرتو عليها


#668246 [السنجك]
0.00/5 (0 صوت)

05-18-2013 11:08 AM
لقد ضربنا الارض طولا وعرضا شرقا وغربا وجنوبا لم نعرف الا شجاعتك وجندلتك الي الاعداء لم تعرف النصر والا معك وعندما تكون معنا يكون الرجل ب10 ره لاتحب الخسائر في ارواح المتحرك لك فكانت تعليماتك دوما الضرب بتقيل فلك منا التحيه ااااااااااااااااااان تباه لكل من علق


#668166 [مدحت عروة]
4.94/5 (5 صوت)

05-18-2013 09:55 AM
الجنوب بقى دولة ذات سيادة واحتلاله لهجليج اكيد عمل عدائى من دولة اجنبية واسترداد هجليج واجب ولا خلاف على ذلك بتاتا!!!!
لكن اين كنتم لمن الحبش والمصريين احتلوا الفشقة وحلايب؟؟؟؟؟؟؟؟(الفشقة يستغلها الحبش زراعيا ولم يعلنوا ضمها لكن عمليا هم زى الضموها)!!!
ولا الحبش والمصريين هم اخوانكم ومافى مشكلة فى احتلالهم لارض سودانية والجنوبيين ما اخوانكم؟؟؟؟
هل فى خيار وفقوس فى اراضى الوطن ونوعية الناس البيحتلوها؟؟؟؟
ولا الموضوع انه قواتنا المسلحة ما بتحارب جيوش نظامية محترفة زى الحبش والمصريين بس بتحارب مليشيات زى الحركة الشعبية جنوب وشمال وحركات دارفور بس؟؟؟؟؟
ولا الموضوع كله مربوط بنظام الانقاذ وليس الوطن السودان يعنى البيسقط النظام وخاصة الحركات الداخلية والجنوبيين البتتهمهم الانقاذ بمساعدة المعارضة ما بتتسامحوا معاه لكن الناس البيحتلوا اراضى الوطن وما بياثروا على الانقاذ ما مشكلة خليهم يحتلوها؟؟؟؟؟؟
نورونا يا ناس الاصلاح!!!!!!!!!


ردود على مدحت عروة
[ارض السودان] 05-18-2013 03:14 PM
ياخي هلكتونا بالفشقة وحلايب امشوا حرروها!!!بعدين مابتعرفوا سياسة تلوكون كلام من يريدالمكايدة ولن يحرر حتي بيته لو تغيرت الانقاذ او حتي ماتت من تلقاء نفسها!!بعدين اي واحد عايز نا نتفرج علي الجنوب يستبيح الاراضي يمشي يعيش معاهم!! خلاص بقه الوسكي حلال وانشاء تمشي عريان!!وبلاش كلام كنا وكانوا الموضوع انتهي!!!ولو عايزين حرب لابد منها فهي واقعة لامحالة من اجل تمايز الصفوف للمرة الاخيرة وبلاش دفن رؤس في الرمال!!! والماشمالي يحارب معهاهم!!!!


#668163 [زرياب]
4.75/5 (5 صوت)

05-18-2013 09:50 AM
حتي لو اتفقنا في الجزء الأول من البيان نجد ان نهاية البيان أوضح وبما لا يدع مجالاً للشك بأن ود ابراهيم وغيره ما زالوا من مكونات الحزب الحاكم وما زالوا يعملون بفقه السترة المشهورة عنهم حيث يقول (ختاماً :نؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ.) بمعني اذا سكتوا بنسكت وهذا للتهديد فقط لانهم لا يستطيعون علي نشر هذه الفضائح وحالات الفساد المصورة والمكتوبة وهذه المستندات قد تدينهم هم ايضاً .
البيان هزيل ولا يستحق المداد الذي كتب به ..... لأن ود ابراهيم وناس منبر الاصلاح يريدون اصلاح الوطن وحاله المائل بالتهديد واذا كانت لديهم الرغبة الأكيدة في الإصلاح لا بد من ضحايا للاصلاح ( ونسأل العميد ود ابراهيم ... كم عدد الجنود الذين استشهدوا في العمليات التي كنت تقودها ؟؟؟)فليكن وزير الدفاع ومن معه (حسب المستندات التي بحوزتهم ) ضحايا الاصلاح واذا كانوا يتصفون بالوطنية وينوون الاصلاح فعلاً فأقل ما يمكن فعله هو نشر هذه المستندات التي توضح الفضائح وحالات الفساد ليعرف الشعب السوداني الحقيقة كاملة غير منقوصة وله لاحكم بعد ذلك .
وما لم يتم ذلك ( وهو مستحيل علي الأقل في نظري) فسنعتبر هذا البيان كأن لم يكن ولا يستحق اهدار نصف دقيقة من الزمن لقراءته ...


ردود على زرياب
[مافيا فرع ق.م] 05-18-2013 03:20 PM
يعني منو ماعارف!!! اموال دمغة الشهيد لبعوها وسمسروا في صفقة الرادارات!!! وجابو دبابات خربانه!!! واسلحة منتهية!!الاسواء سمسروا في شراء اسلحة للجيش الجنوبي!!!!!! شفت كيف ناسك فاسدين اكتر من فسيخ معفن في الزبالة!!!! وامازكرنا البايات التي يعلمها القاصي والداني التي انهارت او يبني فيها الان وربع في الطوب وتلاته اربعاع في الجيب!!! مابراهو اركان حربوا وشركات الموقاولات التي تدفع الرشاوي والعمولات ضد جيشها!!!!!!!!!!!!!!

[nagatabuzaid] 05-18-2013 01:34 PM
صدقتى وعشتى


#668145 [على بلال]
5.00/5 (1 صوت)

05-18-2013 09:38 AM
ختاماً نحذر الوزير الفاسد والأجهزة الأمنية من اللعب بالنار لانهم سوف يتدفئون بها لا محالة.

لانهم سوف يتدفئون بها ....... يتدفئون ... يتدفئون ... هل تعنى يحترقون ام انها نار لاتحرق ؟؟؟؟؟


ردود على على بلال
[nagatabuzaid] 05-18-2013 01:39 PM
ده لعب شفع ارواح الناس القتلوها عاملة ليهم هلوسة سيبك منهم لكن بينى وبينك البشير

بخاف منهم علشان عارفهم قتلة مثله وشربوا معا كاس كاسين من دماء ضحاياهم عارفهم كان

قاموا عليه بشربوا دمه علشان كدة جر ليهم وااااااااطى ومرق ليهم زولهم


#668088 [osama dai elnaiem]
4.88/5 (5 صوت)

05-18-2013 08:29 AM
ايراد الايات القرانية في بعض خطب وبيانات اهل الانقاذ تحتاج الي فتوي شرعية وقياسا فمواقع نزول الاية وتفسيرها لا ينسجم مع البيان ومبرراته --- احسن تلعبوا بعيد في هذه الامورولا بد من تحري الدقة لان ايراد اية في موضوع مثل الذي يليهايضع ود ابراهيم وعبد الرحيم حسين في خانة هم اقصر قامة منها
خلاصة القول فلتخشع قلوبكم مرة واحدة عند استحضار اية من القران ولا تقحموها في صراعكم وان كان لا بد من ذلك فلتكن عبر فتوي شرعية وبالله التوفيق.


#668010 [adil a omer]
4.50/5 (3 صوت)

05-18-2013 03:36 AM
ما زلنا نصنع من الكرتون نمورا ونلمع الخيبه لتصير بطولات


#667998 [فارماس]
5.00/5 (2 صوت)

05-18-2013 02:54 AM
ود ابراهيم شخشياً .... كلهم كيزان اتوقع منهم اي حاجة الضلال والكذب شيمتهم

ربنا يقلعهم بي الترابي بتاعهم ويريحنامنهم


#667970 [أبشر خالد]
5.00/5 (4 صوت)

05-18-2013 01:39 AM
الانقاذ دي لو ما الغرابة اصلها ماكان وصلت لل وصلت ليه من تنظيمات الطلاب وعلى الحاج وخليل ابراهيم ايام الدبابين زمن كانوا بي يغروا الطالب الممتحن شهادة يمشي عمليات يمتحن من الجنوب وغيرها، مانقعد ندس رؤسنا تحت الرمال الانقاذ صنيعة عيال الغرب تحت راية شيخ ركس (الترابي ) وصاحب القصر العشوائي .. بعدما اللعب فكه جايينا بي هامش وثورات الخ .
للناس ال بتتذكر محاضرات شيخ ركس في مسجد الجامعة ال كان قادينا بيها 3 مرات في الاسبوع بعد صلاة الظهر بالله عليكم الله منو ال كان حرسه الخاص ؟ ومنو ال كان بقوم بالعمل التنظيمي للمحاضرات والتعبئات والامن الطلابي ووووو ومليون سؤال ننتظر عليه الاجابة ؟؟؟


#667946 [وليد ذو الفقار]
3.00/5 (2 صوت)

05-18-2013 12:30 AM
هو ده جيش شنو ده البفتشو ليهو اكل من اي من اجن احمر ولا منظمين ولا عندهم قضيه حقيقيه بيحاربو من اجلها البيحاربوهم ديل سودانين زيهم
ده جيش ده قومو لفو بلا ود ابراهيم بلا كلام فاضي البلد انتهت وضاعه والحرب عي السبب لعنه الله علي الحرب التي تخلف الجهل والمرض


#667917 [حامد]
5.00/5 (2 صوت)

05-17-2013 11:32 PM
كلك كلك كلك حلو


#667898 [nagatabuzaid]
5.00/5 (2 صوت)

05-17-2013 11:02 PM
اولا بالتبادى خربتوا الموضوع باسم المؤتمر الوطنى طيب اصلاح شنوا ؟؟ وكيف تصلحوا وزير الدفاع وتتركوا صديقه يخرمج وعايزين تغيروا الحكم او تصلحوه ما عارفة ويكون فيه البشير انتم يا شفع قايلين الشعب ده كله مساطيل ؟؟؟ ابدا لا امشوا خرمجوا خرمجتكم مع ود ابراهيمكم واحفظوا بياناتكم واختونا الفينا مكفينا


#667723 [خالد حسن]
5.00/5 (11 صوت)

05-17-2013 05:17 PM
ود ابراهيم مجرم زيه وزي ابورياله وابجاعوره وقوش وابوالعفين وعلي والترابي
كلهم شركاء في الجريمه
ود ابراهيم مساركهم 24 سنه بعد ماشاتوه دايرين تسوقوا لينا علي انه بطل
غايتو الطلب استرحام ده كان بطل الا بس البا طالعه


#667706 [sami]
0.00/5 (0 صوت)

05-17-2013 04:57 PM
انت يا اللهم ألعن الانقاذ لعنا كبيرا فيليب بتاعك وسلفا ما قالو ما بيطلعو منها وهم ما موظفين عند بان كي مون حتي انتو يا الجنوبين عايزين تلعبو علينا قايلين عندنا قنابير والله انهزمو شر هزيمه وتاني ما بيكرروها


#667701 [ناجي]
5.00/5 (8 صوت)

05-17-2013 04:52 PM
الكوز كوز وإن وصل القمر ،،، كراهية وانتهازية وكذب ونفاق وعنصرية تسكن في الكوز حتى قبره لهذا اقتلوا الكيزان اينما وجدوهم رحمة بالبلاد والعباد فأن الكوز شيطان في جسم انسان


#667659 [صاحب الق]
5.00/5 (3 صوت)

05-17-2013 03:48 PM
اعوذبالله من الشيطان الجيم من ده كل لي افساد وزير الدفاع اللمبي السوداني


#667622 [كاظم الغيظ]
3.82/5 (5 صوت)

05-17-2013 02:36 PM
اقتباس:
"ونؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ."
نحن شبعنا وبطنا طمت من كلام بتاعين الملوص وسوق الموية وكونكم متسترين على ما فعلوا فأنتم شركاء في جرائمهم.


#667607 [كمال بشير]
3.82/5 (5 صوت)

05-17-2013 02:16 PM
الشي الواضح من هذا الفيديو هو أن العقيد محمد أبراهيم عبدالجليل يتحدث عن توزيع ماء وليس أي سلاح . أرى أن هذا الفيديو ليس فيه ما يدين ود أبراهيم بشيء وأن كل ما يثار حول هذا الفيديو هو زوبعة في فنجان و أحلام وطموحات معرضة


ردود على كمال بشير
United States [الطريفي] 05-17-2013 11:44 PM
شغل الفيديو تاني و ركز شوية يا كمال بشير

United States [البعاتي] 05-17-2013 06:10 PM
نسوي ليك شنو يعني لو مخك دلخ؟


#667605 [مظاليم الصالح العام]
3.75/5 (3 صوت)

05-17-2013 02:15 PM
كلكم وجهان لعملة واحدة.
من يخاطبهم ود ابراهيم كلهم مدنيون بما فيهم الزول أب كرش أبو راسن زي بيضة الحصان ده.
قيل ود ابراهيم رجل فقور ويسكن جبرة فمن أين له العتاد والذخائر ليوزعها يمنة ويسرة لولا مباركة كبار الضلالية والمنافقين لذلك.
منتهى الفوضى وعدم المهنية في صرف التعليمات والأوامر وهذا الأسلوب يربأ بنفسه رئيس فرقة كشفية من استخدامه فأين التراتبية والتسلسل القيادي إذا القائد الكبير يطلب بنفسه من الأفراد ملء الزمزميات فأين قادة التشكيلات الأدني مشوا السينما ولا شنو؟؟.
اننا لا نستغرب شيء من زول قالوا كان داير يعمل انقلاب بعدين لمن يقبضوا يقوم اتخرت ويقع في الواطة ويقدم التماس بالعفو.
ها أأناس طلعتو ديكنا وديك أبو الجابنا


ردود على مظاليم الصالح العام
[سودان] 05-18-2013 03:59 PM
ابو مؤمن انت راجل طيب على نياتك..كدي اقرا ردي لابوالخيل تاني.
احكي ليك دي بالمناسبة، واحد من البقارة اهلنا ودا مرتو لدكتور نساء وبعد ماكشف قاليه مرتك دي عندها التهاب في مبايضها. رد عليه اخينا باستنكار: لقتن يين!

[أبو مؤمن] 05-18-2013 10:58 AM
سودان و(أبو الخيل) ما بتعرفوا بيضة الحصان (الخصية) يقصد الخصية

[سودان] 05-18-2013 03:41 AM
هاها ماعارف بيض الخيل وين ومسمي نفسو ابوالخيل

European Union [ابو الخيل] 05-17-2013 07:38 PM
انت يا زول مسحلب ولا شنو في حصان قاعد يبيض

European Union [ابو كلام ساكت ساي] 05-17-2013 06:41 PM
0اتخرت ) دى حلوة.....يظهر عليك انك عسكري من مظاليم الهوي ....ههههههههههه


#667601 [منصف]
0.00/5 (0 صوت)

05-17-2013 02:12 PM
عجني بتاع الصفحة الاعلانية دا رد كدا.


#667589 [اللباد]
4.00/5 (1 صوت)

05-17-2013 01:56 PM
بلا يخمكم كلكم يا قتلة كان حكومة و كان سايحين بس فالحين في قتل الشعب ياخي ما كنتو تبقوا رجال و تقعوا تقطيع أوصال في بعضكم البعض يا سجم يا سبب بلاوي السودان


#667580 [ابو كلام ساكت ساي]
4.00/5 (3 صوت)

05-17-2013 01:49 PM
بالله قوموا لفوا يلا بلا ود ابراهيم بلا زفت يعني هذا الافاك الذي يدعي الجهاد جاهد في شنو ولي منو ؟ غير لي اسيادو الافاكين ,ولمن ما لقي ليهو عضة معاهم عمل فيها بطولات واتلمي التعيس علي خايب الرجا(قوش) وعملوا لينا مسرحية الانقلاب .ولو دايرين تقلبوها وتجوا انتو يا قتلة اخير لينا البشير لكن اقول لك ان الثورة قادمة بس انتو اركروا بلا اصلاح بلا لمه معكم ,,,,,,,


#667574 [جني]
5.00/5 (5 صوت)

05-17-2013 01:26 PM
اى منبر اصلاح هذا الطى يتوعد بنشر الفساد في حالة عدم احقيق مصالح شخصية!
فعلا الكيزان يفوقون سوء الظن العريض


#667563 [اورو]
3.00/5 (2 صوت)

05-17-2013 12:49 PM
تسليح القبائل العربيه واجب


ردود على اورو
[carona] 05-17-2013 06:55 PM
The Sudan Belong To All The SUDANESE

European Union [Wad Darfur] 05-17-2013 06:44 PM
You are just such a stupid idiot racist person. If the Sudanese government armed all the loyal tribes, this brings Sudan to more civil wars and in the next future we gonna see the consequences of that.


#667561 [خرطوم جوة]
5.00/5 (3 صوت)

05-17-2013 12:47 PM
فوضى ، كل واحد بيعطي في تعليمات ووعيد ، لمن ؟ لا افهم ! نظموا ونظفوا أنفسكم اول يا غجر، كروش ومؤخرة وعفن وفساد


#667542 [قرنفل]
5.00/5 (9 صوت)

05-17-2013 12:22 PM
شدوا حيلكم و بلاش جرسة ناس الجبهة الثورية لا عندهم ود إبراهيم و لا بت إبراهيم كل المجرمين سواسية إذا كان سلح القبائل من نفسه ولا بأوامر عليا النتيجة واحدة


#667538 [xman]
5.00/5 (6 صوت)

05-17-2013 12:17 PM
ياخ امشي افتح يا تعبان في عسكري بقول معليش و ويعتذر عن انقلاب ده اذا فعلا كان في محاولة...
في الحالتين جبان و فاسد وانت و باقي أعضاء المؤتمر اللاوطني في سلة واحدة يا كلب يا جبان.


ردود على xman
United States [ضهر العقبة] 05-18-2013 09:34 AM
أتحري المصداقية في الردود لا تكون شخص همجي وأمعة

مين الأعتزر لو ماتعرف الأعتزرت الحكومة لود أبراهيم

والأن حراً طليق وراسو مرفوع في السماء ورفع راس

مسقط راسو بالنزاهة وعفة اللسان والكرم قوة الشخصية

...


#667533 [انصاري]
5.00/5 (7 صوت)

05-17-2013 12:15 PM
والقادم اقذر!!؟؟ يا خيبتكم لم تنتصروا لجيشكم، ولم تحافظوا على وطنكم، ولم تبروا قسمكم،ولم ترحموا صغيركم، ولم توقروا كبيركم، حنثتم عهداً وفجرتم حرباً، ونكثتم وعداَ، واضعتم وطناً


#667488 [مجوك نكديمو]
4.00/5 (6 صوت)

05-17-2013 11:27 AM
مع إحترامى لعميد ود إبراهيم إن ما ظل يروج له بعض الإخوة من شمال السودان أن هذا العميد قد حرر بلدة بانطو (هجليج) من الجيش الشعبى..كذبة كبيرة لان الجيش الشعبى إنسحب تحت ضغوط دولية وسط غضب جنوبى عارم. ستعود الجيش الشعبى إلى بانطو لو فشل كل المحاولات الدولية لرسم الحدود.

The Sudanese history since 1947 has been marred with lies and fabrications. That is why such a mindset will always lead to a blind alley. Why do certain group sustain to lie and want others to believe them.

It's a mind boggling. We wish Brig. Wad Ibrahim military success, which Panthou was and will not be the one. Who is not aware that the late President Ja'far Mohammed Numeri annexed Panthou (Heglig) to the North as Ingaz of el-Bashir annexed Northern Darfur to the Northern State.


ردود على مجوك نكديمو
[جمال الدين التجاني يوسف] 05-18-2013 09:55 AM
ًWhat North Darfour has to do with Heglig conflict, or it's a try to withdraw the sympathies & attention of Northern Darfourian that the State of South Sudan is caring & paying attention to them. this is very cunning trick and dirty game Mr. Majouk. your State should pay attention & care to it's homeless & hunger citizens, it should also work for developing it's state which lack the basic infrastructures of the state instead of replacing itself as a defender for others..!this is nonsense.

United States [الجعلي الجد] 05-17-2013 06:16 PM
الاصلي لو غشوك بتحرير هجليج فانت زول ساذج ومخك مخ دجاجة ام اذا كنت عارف انو الحركة انسحبت من هجليج زي ما اي زول بملك مخو وعقلو فانت مذعور ومخلوع ساكت ما لاقي اليواسيك وقمت تشلت في اخونامجوك عسى ولعل تلقى ليك زول عندو ضغينة مع الجنوبيين من امثالك العنصرين ..غصبا عن عينك وعين عصابتك الحركة الشعبية انسحبت من هجليج وبعد تلاتة يوم دخلوها نساوينكم يزغردو ويخدعوا نفسهم وبقية السذج والبسطاء ..
التحية لك اخوي مجوك وقريبا سنلتقي في وطن واحد خالي من الكيزان والرمم والعنصرين

[mahmoudjadeed] 05-17-2013 01:58 PM
الـ ( lies ) ما عندك يا مجوك.

European Union [الاصلي] 05-17-2013 01:50 PM
بانطو في عينك

هو البنسحب بضغوط دولية بخلي معداتو و اسلحتو و عرباتو و حتى الابوات

والله شردوا شردة الجيش لمن جا شاف العجاج بس .. مافي شي مخلي ليكم البصلة بي ستة جنيه غير كضبكم دا


#667483 [اسحق فضل]
5.00/5 (3 صوت)

05-17-2013 11:25 AM
احى انا واموت ركن مندفن هناك تحت الانقاض بوابل المدفعية التقيلة والدانات ليه ماجبتو صورة ود نافع حمادة وهو لابس زى الترفيه؟


#667475 [الكيك أب ضلعاً مساويك]
5.00/5 (14 صوت)

05-17-2013 11:21 AM
يا من تدعون أنكم إسلاميون وإصلاحيون. هل التستر على الجرائم من الإسلام؟ هل التستر على المجرمين من الإصلاح؟ إذا كانت عندكم وثائق أو أدلة فلماذا لاتعرضونها؟ ... إن أسلوب الإبتزاز هو أسلوب رخيص ونحن لا نريد منكم أي وثائق عن فساد إخوانكم لأن وثائق فسادكم وفسادهم نعرفها وهي بين أيدينا فقط نرجو منكم إنتظار يوم الحساب وكفاية بزبطة وردحي...... الحلو جاكم .................


#667466 [اللهم ألعن الانقاذ لعنا كبيرا]
5.00/5 (6 صوت)

05-17-2013 11:11 AM
كلكم سواء ...


#667462 [ابو جهينة]
5.00/5 (4 صوت)

05-17-2013 11:04 AM
ختاماً نحذر الوزير الفاسد والأجهزة الأمنية من اللعب بالنار لانهم سوف يتدفئون بها لا محالة. ونؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ.


@@@ الساكت عن الحق شيطان أخرص .
@@@ لقد سمعنا وشاهدنا ما حدث بما لا يدع مجالا للشك الى أن يثبت عكس ذلك ؟؟؟

@@@وهل الآية القرآنية فى صدر البيان " في محكم تزيله ( وَإِذْ يَمْكُرُ بِكَ الَّذِينَ كَفَرُواْ لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ) صدق الله العظيم. مقصود بها ما وقع فيه الشعب السودانى بصفة عامة ,ام المقصود من الاستدلال بها على ما وقع فيه (المؤتمر الوطنى - منبر الأصلاح)ام كان المخاطب به الرسول (ص) ؟؟؟


#667457 [Amin]
5.00/5 (6 صوت)

05-17-2013 11:00 AM
( ونؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ.)


مازلتم تحسبون خط الرجعة .... لا خير فيهم ولا فيكم



انما يريد الله أن يفتنكم ويزهق أرواحكم


#667451 [Shah]
4.97/5 (8 صوت)

05-17-2013 10:51 AM
عندما تكون بحوزتكم مستندات وادلة على الفساد ولا تنشرونها بل تهددون بها اليس ذلك من الفساد؟ وكيف تصفون هذا الضابط بالمجاهد وهو له يد طولى فى الحروب التى ابتليت بها البلاد وراحت فيها ارواح الناس هدرا.


#667445 [علي سليمان البرجو]
5.00/5 (2 صوت)

05-17-2013 10:46 AM
يا جماعة الاصلاحيون جادون في التغيير حفاظاً على الورثة الأخوانية بجهد عسكري كادري بمبدأ التمكين لمحاربة الثورية العلمانية والبعيدة عن العقيدة والخلق والأخلاق ويا ويلك يا اللمبي راعي الكسب والهمبتة والعتاد والتسليح القديم (كومشيونيير صفقات الجيش)


#667440 [مع العدالة]
5.00/5 (6 صوت)

05-17-2013 10:40 AM
هلا هلا العشر قام ليهو شوك ........انشروا شاكت وهو نحنا عميانين من فسادكم ووساختكم قال نملك الكثير اذا لم يرعوا !!وقال ( القيادة الفاشلة من 89التى بقيت فى مناصبها دون ان تفسح المجال لدماء جديدة ) يعنى انتو لو ضخوكم انتو فى ماسورتهم مابيكون فى فساد ولا يحزنون مش كدة؟وطيب ما كان تقول والقيادة الفاشلة التى بقيت من 89 دون ان تفسح المجال للشعب السودانى ليختار دماء جديدة ... ويعنى نحن من ود البشير وود الخفير الى ود ابراهيم واولاد المتنفعين؟ فكونا من الاولاد ديل شوفوا لينا ناس راشدين


#667422 [كشكش]
4.88/5 (6 صوت)

05-17-2013 10:19 AM
كلكم فاسدين وساعة كنسكم قد حان سوف نحاسبكم جميعا جميعا انشاء الله اللهم يا بركة هذا اليوم المبارك اللهم عجل بنهايتهم اللهم امين يارب يارب يارب عجل بنهايتهم


ردود على كشكش
[اللهم ألعن الانقاذ لعنا كبيرا] 05-17-2013 01:35 PM
اللهم اميييين يارب العالمين


#667421 [أبوفارس]
5.00/5 (5 صوت)

05-17-2013 10:18 AM
( ونؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ.)

التستر على الفساد هو قمة الفساد .. لماذا عملت تحت قيادة اللمبي كل هذه الفترة ان كنت ترى انه غير جدير بالقيادة وفاسد ولماذ تحتفظ بأدلة فسادهم لحماية نفسك ان كنت فعلاً حادب على مصلحة الوطن .. بيانك هزيل كشخصك وانت ومن تعاديهم اليوم سواء .. هكذا انتم يا الكيزان إبتداء من شيخكم الترابي الذي ما ان أبعد من الحكومة وادخل السجن حتى اصبح يتحدث عن فساد النظام والمعتقلات والتعذيب وبيوت الاشباح مع انه كان طوال فترة قيادته للانقاذ يسمع صرخات المعذبين في بيوت الاشباح وهو نائم في بيته .. ويرى الفساد امام ناظريه يومياً وفي داخل بيته عندما فاحت رائحة فساد ابنه عصام الترابي .. فكنا نسأل عن اي شيء يقال لنا ان عصام الترابي قد إشتراه ..والان يود إقناع الشعب بأن كل مافعله كان بسبب فتنة السلطة والمال عله يعود مرة اخرى للقيادة .. وانت يا ود ابراهيم مثل شيخك لا يعنيكم السودان في شيىء بقدر ما تعنيكم فقط مصالحكم الشخصية ونحمد الله ان محاولتك الانقلابية قد فشلت إن كان هذا مستوى تفكيرك فما الفرق بينك وبين اللمبي ؟؟؟!!!!


#667416 [ma muhim]
5.00/5 (3 صوت)

05-17-2013 10:14 AM
الفصل الاخير من الحرب والسلام في السودان. الجمهور في انتظار اسدال الستار ليحتل المسرح.


#667414 [كرار]
5.00/5 (2 صوت)

05-17-2013 10:11 AM
وقال (ختاماً نحذر الوزير الفاسد والأجهزة الأمنية من اللعب بالنار لانهم سوف يتدفئون بها لا محالة. ونؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ.)

الساكت عن الحق شيطان اخرس، وهل من الدين الاسلامى أن تكتم شهادة حق يا من تدعون الاسلام والورع؟


#667410 [الصابر]
5.00/5 (2 صوت)

05-17-2013 10:07 AM
نتحداك ان تنشر سطر واحد او صورة واحدة


#667404 [tariq]
5.00/5 (4 صوت)

05-17-2013 10:02 AM
وإذا لم يرعوا لن نتوانى عن نشرها على الملأ
واذا ارعوا حا تخلوها مستوره ؟ اذن انتم شركاء فى الجريمه ايها الاغبياء .. لعنة الله عليكم وعليهم .. بجيبوكم من وين انتو ؟ او كما قالوا


#667403 [كاكا]
5.00/5 (8 صوت)

05-17-2013 10:01 AM
ود ابراهيم اطير في السما والبشكير ماسك رجليه .. مهما تحاولو تجملوه ما بنتعاطف معاه كمان جابت ليها ارهابيين وشيشان ومطوفين !!! ما كفانا المتخلف الدموي التليفه ده كمان عايزين تعذبونا بالحاقد الحجاج بن يوسف السوداني !!! ود ابراهيم كل حاجة كعبة عملا وبطلو كضدب هلجليج طلعو منها الجنوبين براهم قال حررا ود ابراهيم .. عليكم الله يا سائحون ما تبقو من المعارضة عشان ما تطلعو نفسنا منها وتعملو لينااحباط وشوشكم دي كان ظهرت بعد التغيير المغصة شقتنا


#667401 [عجيب]
5.00/5 (8 صوت)

05-17-2013 09:59 AM
والله نحنا لا بنعرفود إبراهيم ولا سائحون ولا صلبون نحنا بنعرف انكم عثتم في هذا الوطن فساداً جميعاً وكلكم مشتركون في هذه الجريمة والحساب ولد


#667396 [elfatih]
5.00/5 (2 صوت)

05-17-2013 09:55 AM
ما عرفنا نصدق منو الحكومه ود ابراهيم لكن كلكلم فى الهوا سوا وربنا اعلم بحال الشعب السودانى المغلوب على امره الصابر لذا اصبحت تتكشف سوءات النظام الظالم من ابناءه ومحبيه وغدا سوف نسمع ما هو اخطر واخطر من ملفات الفساد والافساد والظلم


#667384 [جيب من جوة]
5.00/5 (3 صوت)

05-17-2013 09:46 AM
ديل المسيرية الزرق كان ما هم هجليج ليوم الليلة ما كان اتحررت


ردود على جيب من جوة
[اللهم ألعن الانقاذ لعنا كبيرا] 05-17-2013 01:42 PM
انت القال ليك هجليج اتحررت منو؟؟؟ فيلب اغويرو وزير دفاع دولة الجنوب اعلن انسحاب جيش الجنوب من هجليج قبل ايام من دخول القوات السودانيه وبسبب هذا الاعلان اندلعت مظاهرات في جوبا ... ما يقعدوا يفكوا فينا ساكت هم قوات الجيهه الثوريه ماقادرين ليهم يقدوا لجيش دوله


#667382 [البشارة]
4.88/5 (5 صوت)

05-17-2013 09:43 AM
و سوف تصيبهم فتنة فيما بينهم ،، و سوف يقتلعون من أرض السودان إقتلاعاً


#667381 [نورالدين سليمان]
5.00/5 (4 صوت)

05-17-2013 09:41 AM
لال يوجد فرق بين صلاح قوش وود ابراهيم ونافع والبشير وعلي عثمان والطيب مصطفي @ جميعهم مجرمون قاتلون حرامية إختلفوا في قسمة المسروقات ( الوطن بشعبه ) @ لكم يوم ان شاء الله


#667369 [خرطوم عيان]
5.00/5 (4 صوت)

05-17-2013 09:24 AM
_ ختاماً نحذر الوزير الفاسد والأجهزة الأمنية من اللعب بالنار لانهم سوف يتدفئون بها لا محالة. ونؤكد لهم أنه بحوزتنا الكثير من الفضائح وحالات الفساد المصورة والمكتوبة وإذا لم يرعوا لن نتوانى عن نشرها على الملأ._


لماذا لا تنشرونها ليعرف هذا الشعب اجرامهم وخداعهم أم انكم لا ترجون الاصلاح كما تدعون.!!!


ردود على خرطوم عيان
United States [سامي] 05-18-2013 06:00 AM
انتو يااخي البقنعكم شنو الحكومات الديمقراطية حاربتوها العسكرية من زمن عبود ونميري الابطال حاربتوهم وكمان الكيزان حاربتوهم والانجليز قبلهم حاربتوهم انتو عاوزين يحكمكم منو ؟ السودان دا بلد اصلوا ماحيطور ماتتعبوا انفسكم ساكت ؟ شوفو ليكم بلد تاني اخذوا جنسيتو ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة