الأخبار
أخبار إقليمية
" نوموا قفا "..!!!
" نوموا قفا "..!!!

مصنع اليرموك


05-18-2013 01:01 AM
صلاح الدين عووضة

ü نُسب إلى والي الخرطوم حديث- قبل أيام- خلاصته أنه لا يحب الكتابات الصحفية غير المتسمة بـ(العمق)..

ü (يعني)- حسبما فهمنا- الرجل (عميق!!) ويحب (العميقين!!)..

ü وبعد تصريحاته التي أطلقها يوم الأول من أمس- الخضر- أدركنا كم هو (عميق) بـ(الحيل) والي الخرطوم هذا..

ü فكلام من شاكلة (أرقدوا قفا ونوموا نوم العافية) لا يمكن أن يصدر إلا عن شخص (عميق) لأبعد الحدود..

ü و(للا العجب) العبارة التالية التي جاءت في سياق الحديث عن تأمين العاصمة نفسه..

ü فقد قال- لافض فوه- مهدداً: (الراجل يقرِّب من الولاية)..

ü فـ(العمق!!) الذي في العبارة المذكورة يستحق أن يُدرَّس في الأكاديميات العليا ومراحل ما بعد الجامعة..

ü ثم يتجلَّى والي الخرطوم (عمقاً) حين يقول: (انحنا جابنا الشعب بالانتخابات، واللي عايز يشيلنا يشيلنا عبر صناديق الإقتراع وليس بالبندقية!!)..

ü والتصريح هذا (بالذات)- لما فيه من عمق مدهش- نقترح على الخضر أن (يبرِّوزه) عند كل مدخل من مداخل العاصمة..

ü ثم توضع لافتة من اللافتات هذه أمام منزل الصادق المهدي (تحديداً) كيما يعلم كيف يمكن للحكم أن يكون (شرعياً!!)..

ü ولا تكن (سطحياً) فتتساءل في بلاهة: (طيب المهدي ده مش جاء عبر انتخابات وأُطيح به عبر البندقية!!)..

ü فالبندقية المعنية هنا- في تصريحات الخضر العميقة- هي التي تأتي من (خارج!!) العاصمة وليست التي هي داخلها كامنة في (العمق!!)..

ü فما لم تكن (عميقاً) لا يمكن أن تفهم حديث الوالي ذا (العمق الإستراتيجي!!)..

ü و(غير العميقيين)- من الناس- هم الذين (ضحكوا) من حديث الوالي ذاك عن (ماكينة اللحام!!) إثر ضربة مجموع اليرموك..

ü فالوالي (العميق) كان يدرك حقيقة ما حدث (بالضبط) ولكنه سعى إلى طمأنة (البسطاء) من مواطني ولايته بأن (نوموا قفا!!)..

ü والآن إذ يقول للناس (نوموا قفا)- أيضاً- فذلك لأن بعضاً منهم ربما لا يزالون يجترون ذكرى دخول قوات خليل أمدرمان قبل سنوات خلت..

ü فالولاية لم يكن على رأسها- آنذاك- والٍ (عميق!!)..

ü و(العمق) الذي يتسم به الوالي هذا هو الذي يحول دون توجيهه اتهاماً للسفارة الأمريكية بإثارة البلبلة بين الناس إثر نصحها رعاياها بتجنب أمدرمان هذه الأيام..

ü فلو إنه فعل لانقطع (التواصل التنويري!!) الذي بفضل (التعقُّب الأثيري) له يقف الوالي على حقيقة ما يجري (في الخفاء)..

ü فهنيئاً لأهل العاصمة- إذن- بوالٍ يتجلَّى (عُمْقاً!!) من أجل أن يناموا نوماً (عميقاً!!)..

ü فما من (راجل) يقدر على أن (يقرِّب) منهم- ليفزعهم- سوى (رجال) الجبايات والأتاوات و (الكشَّات!!)..

ü وما من صوت يمكن أن (يخلعهم) سوى صوت انفجار (ماكينات اللحام!!)..

ü وما من شيء يمكن أن يحول بين (قفا) أحدهم والنوم إلا أن يكون (يقمرِّ عيش!!) جراء (نار) الأسعار!!!!!

آخر لحظة


تعليقات 36 | إهداء 0 | زيارات 9031

التعليقات
#669824 [جركان فاضى]
5.00/5 (1 صوت)

05-19-2013 06:57 PM
احذروا ثورة الجياع -الكيزان ديل ختوا نفسهم فى زاوية صعبة جدا -فالاقتصاد ينهار بقوة كما برج التجارة العالمى -والشعب قد يسكت وهو نص جيعان او ربع جيعان غير انه لن يسكت عندما يكون كله جيعان -والجوع بدأ يدخل فى منعطفات خطيرة فالدولار اصبح لايستحى من النفط والذى هو الورقة الاخيرة للنظام لوقف التدهور الاقتصادى -طيب قامت ثورة الجوعى(وكلنا شايفنها بعيننا) وين يمشوا جماعة الانقاذ؟للاجابة على السؤال اقراؤا عن الثورة الليبية فنظام العقيد نظام استقصائى كما نظام الانقاذ


#669056 [الكوشى]
2.75/5 (3 صوت)

05-19-2013 07:46 AM
واليكم ده صعب و قطع السلب


#668982 [الجمبقلى]
3.88/5 (4 صوت)

05-19-2013 01:48 AM
لقد نسيت شيئا مهما يا ود عوضه ،عبدالرحمن الخضر بطنه عميقه عمق ممكن تشيل خروف كامل

وهو مشهور بالرمرمه يحب اللحم الضانى خاصة المشوى


#668941 [خالد حسن]
4.00/5 (3 صوت)

05-19-2013 12:35 AM
نحن بنوم قفا ومرتاحين وضميرنا مرتاح
لانه لافي ناس ظلمناهم ولافي زول عذبناه ولافي زول سرقنا حقه ولافي ثوار دايرين ينتقموا مننا
انت ياوالي بتقدر تنوم قفا ورينا اخر مره نمت قفل متين ؟
غايتو الا الموت يرأف بيكم ويعفيكم مننا ومن غضبنا ياكيزان
ويوم القيامه برضو دايربن حقنا منكم


#668879 [سن ألفيل]
1.50/5 (2 صوت)

05-18-2013 11:02 PM
يا سمسمه القضارف الزول عميق وماعارف


#668834 [عابر في الزمن الغابر]
3.50/5 (2 صوت)

05-18-2013 09:53 PM
مهما كان الوالي عميقا فعمقه لن يستوعب العود ‏ والعود احمد


#668792 [كمال أبو القاسم محمد]
5.00/5 (2 صوت)

05-18-2013 08:25 PM
(( لبس منا من تعمق...ليس منا من تعمق...ليس منا من تعمق))
من تعمق مثواه النار.....يا ود عووضة
والأعجب والأغرب...الدكتور عثمان بلال ودا (كان فردتى في بيت الأشباح سنة 92..الغرفة13)!!!
حيث صرح مايلى:
لقد قررنا إن شاء الله إنشاء غرفة لتمليك المعلومات والحقائق للرأي العام وعموم الشعب السودانى وذلك بواقع مرتين إسبوعيا...!!!
لقد علمنا بأن هناك مخطط تآمرى لتقسيم السودان إلى خمس دول...!وقال إيه!!!
إكتملت أولى خطوات هذا المشروع بإنفصال جنوب السودان ...!!!وقالإيه!!
والذى سوف يتبعه قيام دولة دارفور....النيل الأزرق(الأنقسنا)....دولة النوبة...!!!وقال إيه!!
شمال السودان (دولة الفونج)...!!!
هذا هو عمق الدكتور بتاع الحيوانات....والينا ...الخضر!!!
دكتور البشر....(البلال)....فردتى الزمان...إيش قال وهو يتعمق أكثر :
مرتين في الإسبوع....(أصلو طب مصر..طنطا...سيوة...نجع حمادى آمصايب الفتة وشى لله )..حبتين في الإسبوع كدا للشعب السوداى الذى فضل....مرتين في الإسبوع نديكم شوية حقايق...وحبة معلومات عن الأوضاع والمآلات....!!!ومش دا وبس...كمان معاها قلة أدب ...قال إيه الوزير الهمام...قال
..وإكتملت أولى خطوات المخطط الإجرامى لتقسيم البلاد... بإنفصال جنوب السودان....!!!
ليس منا من تعمق...من تعمق ليس منا....ياود عووضة


#668734 [؟؟؟؟ دكتور تروتر ؟؟؟؟]
4.00/5 (1 صوت)

05-18-2013 06:40 PM
اللهم أدِم عمق الوالي واحفظه من (الثوار)

قادر يا كريم!!!


#668717 [north kordofan]
3.50/5 (2 صوت)

05-18-2013 06:26 PM
عووضة تود مقالك ذاتو عميق عشان كده عندى سؤال عميق.. هسى الوالى ورئيسه وشلة الانقاذيين مقتنعين بالتحوطات الامنية فى العاصمة وبنوموا نوم عميق؟؟.. الخوفة الدخلت فى سكان ابو آدم والكلاكلات ليلة قصف مجمع اليرموك لى هسى ما طلعت.. برضو الوالى العميق يطمئن الناس بنوم العوافى العميق..


#668703 [mansour]
3.00/5 (1 صوت)

05-18-2013 06:01 PM
الزول ده فاكر عندنا قنابير


#668701 [kabouash khalid]
5.00/5 (1 صوت)

05-18-2013 05:59 PM
هذا المقال أعمق بكثير من والي الخرطوم نفسه وبعمق حقيقي


#668698 [المشتهي الكمونية]
4.25/5 (3 صوت)

05-18-2013 05:53 PM
والينا العميق حامينا بي نظرياتو وبي هبالتو
ووزير دفاعنا من عماقته سالت ريالتو
ورئيسنا الهمام من عوارتو كعوج كرعينو وركب حمارتو
قال ماشي حوش بانقا يقعد مع أمه ومرتو وحماتو
لأنه الحلو ما بنقدر من قوته وحمرة عينيهو ورجالتو
والكيزان جقلبو وخمخمو حاجاتم وقطعوا الكباري وفااااااتو


#668686 [nagatabuzaid]
3.00/5 (1 صوت)

05-18-2013 05:39 PM
مرقت وجيتكم تانى يا ناس الراكوبة يسعد نهاركم الصورة دى رهيبة تخوف ياربى حوالينا

وما علينا النار دى كافورى عدييييييل ومن هناك يقز لهبها من بيت مجرم لبيت مجرم


#668456 [راصد متابع]
5.00/5 (7 صوت)

05-18-2013 02:14 PM
تحت تحت كدا سمعت انو الوالي طبيب بيطري فاشل ما عالج ليه غنماية فشيخ علي قال ليه خلاص نخليك والي ...يعني زيو زي طبيب الاسنان الضحكو عليه المصريين قالو ليها نخطك محل عمرو موسي رئيس الجامعة العربية السابق والطبيب البشري الفشل في الاغتراب عملوه وزير زراعة لتخريب الزراعة والمحاسب التعيشي وزير اقتصاد.والمهندس الزراعي وزير البوليس .الانقاذ طبقت نظرية التور الاعور في مخزن الخزف لشليع السودان


#668448 [nagatabuzaid]
2.00/5 (1 صوت)

05-18-2013 02:05 PM
المؤتمرجية ديل جمعوا نفسهم من حفر عميقة مختلفة ليجتمعوا فى حفرة عميقة واحدة

ترمى فيها كل الفضلات تخمروا تمااااااام خرجوا لينا باقذر الكلام والاساليب هجموا


بعفونتهم وقذارتهم التى لا تطاق ليحكمونا فهربت الشخضيات الكريمة الجميلة الطاهرة العفيفة

لانها لم تطيق ريحتهم حتى الشياطين العاشقين للقذارات هربت الشياطين قالت جنس ده ما شفناه

غلبنا وها هم مستمرون يمطروننا بما عجزت كل انواع المنظفات والعطور من ازالته يااااااارب

اكشحهم


#668443 [الحقاني]
5.00/5 (2 صوت)

05-18-2013 02:03 PM
يا استاذ الوالي دا كان والي للقضارف واثبت عمقا لا متناهيا الا ان ظهر له كرم الله وحلف بطلاق مغلظ ان لايحكم يوما واحدا في القضارف فتم تحوله لكم فهنيئا لكم وله وللعميقين


ردود على الحقاني
[nagatabuzaid] 05-18-2013 05:34 PM
عملنا فيكم ايه ترمونا بجنس ده ؟ نحن مش اخوانكم ؟ ؟رام عليكم لكن ان شاء الله ربنا حيخلصنا منه وما حنرميه فى ناس تانين


#668409 [عمار سليمان]
1.00/5 (1 صوت)

05-18-2013 01:39 PM
تتعمق في السطح وتتسطح في العمق هاااااااااااااااااااا


#668400 [حليم - براغ]
4.75/5 (3 صوت)

05-18-2013 01:26 PM
الناس يا عبد الرحمن الخضر يا وغد يا مجرم ما لاقيه تأكل !! تقول ليهم نوموا قفه!!تنوم ماتقوم يا مجرم يا منحرف..


ردود على حليم - براغ
[nagatabuzaid] 05-18-2013 01:49 PM
الشعب من اليوم حينوم على جنبه اليمين حسب السنة متشهدا جاهزا للواقعة بطلنا ننوم

قفا قفاك بساطور من سواطير رباطتك


#668296 [عبد الواحد المستغرب أيما إستغراب!!]
5.00/5 (2 صوت)

05-18-2013 11:47 AM
أضرب فى المليان ياود عووضه ونقول للباشا الوالى (العميق)دولة الظلم ساعه وقد إنقضت ولن تسعفك فلسفتك الفارغه والشعب كشف كل الاعيبكم وخدعكم ولن يضحى بعد الان لا بنفسه ولا بعياله وإذا كنت صادقا فى دعواك ما عليك غير أن تذهب أنت والطغمه الحاكمه لسد الثغور والحكايه ما صعبه وهى (فركة كعب) بس ما تنسوا تشيلوا معاكم (أكفانكم!!) ويومها سوف نصدق إنكم تسعون بمناكبكم الى الشهاده وإنكم فدى العقيده!!وبالمناسبه الوالى ما ينسى يكش معاه أحمد إبراهيم الطاهر المتطلع الى لقاء ربه شهيدا ويا أبو أحميد أهى كانت تايه وإتلقت وجات لغاية عندك بس الكلام فى النيه الصادقه والعزيمه يا الهرماس!! ووالله أخشى ما أخشاه أن تكون أمانيهم مجرد فض مجالس ونضمى فى الهواء الطلق وما أسهل النضمى عند الطغمه ويبدو أنهم يستسهلون الكلام الكثير لانه (مجانى) لايكلفه سوى بعض الارواح التى تزهق نيابة عنهم وهم ضامنون إن أرواحههم وعيالهم بعيده لا تمس حتى يتمتعوا بالدنيا ونعيمها الذائل!!.


#668276 [الضعيف]
4.00/5 (1 صوت)

05-18-2013 11:29 AM
ربما هذا الوالي مستغرق في النوم المغنطيسي العميق.. لذلك يحلل كل شيئ بالعمق ..


#668260 [اللهم ألعن الانقاذ لعنا كبيرا]
4.00/5 (2 صوت)

05-18-2013 11:17 AM
اللهم ألعن الانقاذ لعنا كبيرا


ردود على اللهم ألعن الانقاذ لعنا كبيرا
[nagatabuzaid] 05-18-2013 01:50 PM
امييييييييييييييييييييييييين


#668249 [أبو مؤمن]
4.50/5 (2 صوت)

05-18-2013 11:10 AM
وتحويل مواقف المواصلات الناس ما عارفاهو لشنو ؟؟ تحويل مواقف المواصلات هو (تحويل إهتمامات الناس من نقد الحكومة التظاهر ضدها ) إلى الاهتمامات الشخصية مثلاً بدلاً من هل نخرج اليوم في مظاهرات ضد الحكومة ؟ يصير السؤال هو : هل سأجد وسيلة مواصلات اليوم؟ هل سأجد مايأكله العيال اليوم؟ وهكذا


ردود على أبو مؤمن
[nagatabuzaid] 05-18-2013 01:52 PM
تحليلك صاح ويصلوا بيوتهم مهددودين وينوموا قفا ويقوموا مفزوعين

الله لا تريحكم حكومة سادية تسعد بتعذيب شعبها


#668236 [ABUSHAWARIB]
5.00/5 (2 صوت)

05-18-2013 10:55 AM
عميق حبك
بديع لونك ( السياسى )
جميل كلك
ترارا رارا رم تررم تم

يا اخى قوم لف ..... قال والى قال

هاك مكنة ال .....لحام دى


#668211 [هاجر حمد]
4.50/5 (3 صوت)

05-18-2013 10:40 AM
يا ود عووضة شيل شيلتك ! التعليقات بقت احلي من المقال


#668155 [lawlawa]
4.00/5 (1 صوت)

05-18-2013 09:45 AM
شعب عميق، يحكمه مسطحين..؟؟.. والعكس صحيح..؟؟
هو كان راجل ما كان يمشي مع ناس اب كرشولا ..؟؟ والا لكان قد ولى الدُّبُر..؟؟


ردود على lawlawa
[nagatabuzaid] 05-18-2013 01:54 PM
خليه هو كان يرسل وليده ولا ماعنده ؟ ولا ولد نواعم ؟


#668140 [Fato]
3.00/5 (1 صوت)

05-18-2013 09:32 AM
ياود عووضه واليك شديد العمق ده والذى يقول جينا بالأنتخابات وشويات الهضربة بتاعته دى النوم مجافيه من يوم الجماعة دخلوا أبو كرشولا ويا حسرة الحمى عنده أرتفعت ومفروض تشوفوا ليه نوفلجين ينزل ليه الحمى وسمعنا تحت تحت مطار كريمة جاهز للهروب الكبير.


#668110 [شقى ومجنون]
3.00/5 (1 صوت)

05-18-2013 08:57 AM
يا عووضه

ولْولْ الوالى وقال:

(انحنا جابنا الشعب بالانتخابات، واللي عايز يشيلنا. يشيلنا عبر صناديق الإقتراع وليس بالبندقية!!)..

وهناك أولياء قالوا عكس ما ولول به الوالى:( أنحنا شلناها بضراعنا واللى عايز يشيلنااليقوى ضراعو ويلاقينا..) بعد أن يلحس كوعو وعلى الوالى المولول أن ينتظر الناس فى الشارع كما قال أولياء نعمته


#668097 [حاتم أب تفة]
4.00/5 (1 صوت)

05-18-2013 08:39 AM
مسخرة..!
شعب عملاق يحكمة ناس أقزام و"عميقين"..!!


ردود على حاتم أب تفة
United States [مدني الحبيبة] 05-18-2013 01:59 PM
معقول شعب يحكموهوا هؤلاء الجهلاء لمدة 24 سنة وتقول لي عملاق ؟؟؟؟ اشك في ذلك هؤلاء السفلة اتوا من عمق هذا الشعب القزم فعلا وليس كما ادعى شهيد الفكر الاستاذ محمود محمد طه بان الشعب السوداني شعب عظيم يتقدمه اقزام لايمكن لشعب عظيم ان يترك عبدالرحيم ابوريالة والبشير الهبيل ، ونافع السام، وبدريه دخان، وبكري سطلة ، وامين عمر معتوه،واسامه عبدالله اللص ، ان يتحكموا في اموره طوال تلك الفترة ويتميزون بتلك الصفات،،


#668074 [مهاجر]
5.00/5 (1 صوت)

05-18-2013 08:12 AM
تنويه :يخاطب الوالي عصر اليوم فعاليات ورشة أمن الولاية تحت شعار :كن عميقا فبالله كونوا عميقين زي ود الخدر . عليه أوجه بالإضافة للمصطلحات السابقةالمعروفة لديكم: إعادة صياغة المواطن وتجييش الشعب وتغييب الشعب ..أوجه بإضافة مصطلح تعميق الشعب

صدر تحت ختمي وتوقيعي
ودالخدر ( الوالي الذي جاء عبر الإنتخابات وليس كما زعم زورا وبهتانا ود هدية بأننا الحكم ده جبناه بالقوة .. بالبندقية والدايرة يجئ يشيله يجي بالقوة والزارعنا غير الله ال يجي يقلعنا إن شاء الله ناس الجبهة الثورية ذاتهم و...... كونوا عميقين وتصبحوعلى خير


#668068 [m almhasy]
5.00/5 (1 صوت)

05-18-2013 08:08 AM
تحىاتنا للاستاذ صلاح واستبدل كلماته الي هذا الوالي معيق ويحب المعيقين


#668051 [سودانى شديد]
3.00/5 (2 صوت)

05-18-2013 07:30 AM
هذا الوالى ينفع منادى سيارات فى مواقف مواصلاته المزعومة ليس أكثر .. بالنسبة لى الإنقاذ كوم و الوالى ده كوم براه، فكلما أستمع لتصريحاته أمتلئ حماسا و تترائى لى الأحلام بحكم السودان .. ما دام زول زى ده بقى والى فأكيد هناك ملايين من السودانيين من حقهم الحلم بالحكم .. هانت الزلابية حتى أكلها بنو............. تموها بمعرفتكم!!!


ردود على سودانى شديد
[nagatabuzaid] 05-18-2013 01:58 PM
كوم عمييييييييييييييييق مليان بكل انواع ما يرمى فى الحفر العميقة


#668017 [kordofani]
1.00/5 (1 صوت)

05-18-2013 04:05 AM
the revolution front will perform surgical operation in khartoum .only the NCP leaders will be arrested and those who try struggle will be shot.
.


#668003 [ابكواميد]
4.00/5 (1 صوت)

05-18-2013 03:03 AM
ياجماعة الزول قال خش ابوكرشولا وطلع منهاتييييب الغلتان منو ؟


#667995 [معقوله بسسسس]
3.50/5 (2 صوت)

05-18-2013 02:32 AM
هههههههههههه هاك العمق ده! يا ود لا ،،، قبيل في الأخبار جابوا الجيش في جبل الداير مناطق العمليات واحد منهم قال:( و نقول للمخذلين و المرجفين الفي الخرطوم او المعانا هنا .) المعانا هنا ؟؟؟!!!! شفتوا العمق دا كيف؟ معقوله بس في زول مخذل و مرجف و بحارب معاهم؟؟؟!!!!!!


#667981 [Show]
4.25/5 (3 صوت)

05-18-2013 01:58 AM
والله ده كلام زول خايف ياعووضة ننوم قفا قال هو إنت يا الخضر قاعد تنوم هسع ناس الجبهة الثورية قالوا دخولم للخرطوم مسألة وقت !!!! أه نشوف الراجل منو . كل القوة خرطوم جوه مافي حل غير البل


#667965 [محمدسعدأحمد]
3.50/5 (2 صوت)

05-18-2013 01:23 AM
أين نجد النوم القفا فكل سكان العاصمةيرجعون ميتين بس تحويل المواصلات



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة