الأخبار
أخبار إقليمية
نواجه مخططا خارجيا يستهدف تقسيم السودان إلى 5 دويلات،، نظام البشير : الأسلحة عبرت من دولة الجنوب والجيش الجنوبي برئ.
نواجه مخططا خارجيا يستهدف تقسيم السودان إلى 5 دويلات،، نظام البشير : الأسلحة عبرت من دولة الجنوب والجيش الجنوبي برئ.
 نواجه مخططا خارجيا يستهدف تقسيم السودان إلى 5 دويلات،، نظام البشير : الأسلحة عبرت من دولة الجنوب والجيش الجنوبي برئ.


05-18-2013 05:24 AM
لندن: مصطفى سري

جددت الحكومة السودانية اتهاماتها إلى دولة جنوب السودان بدعم الحركات المسلحة المناوئة لها، وشددت على أنها تملك أدلة تم تقديمها إلى جوبا خلال الزيارة القصيرة التي قام بها مبعوث الرئيس السوداني عمر البشير وزير خارجيته علي كرتي أمس سلم خلالها رسالة إلى رئيس جنوب السودان سلفا كير ميارديت، في وقت أعلنت فيه ولاية الخرطوم أنها أصبحت تحت إمرة القوات المسلحة.

وقال وزير الخارجية السوداني علي كرتي في تصريحات صحافية عقب مباحثاته في جوبا أمس مع رئيس دولة جنوب السودان سلفا كير ميارديت إنه تناول ما لدى حكومته من معلومات حول عبور أسلحة من دولة الجنوب إلى قوات الحركة الشعبية في شمال السودان التي تقود تمردا ضمن تحالف الجبهة الثورية في مناطق (جنوب كردفان، النيل الأزرق، ودارفور)، وأضاف أن الخرطوم لديها معلومات تفيد بعبور أسلحة من دولة الجنوب عبر ولاية الوحدة إلى داخل أراضي بلاده في ولاية جنوب كردفان، معتبرا أن مثل هذه الشكوك التي أبدتها حكومته قد تؤثر على علاقات البلدين، وقال إن عبور المجموعات المتمردة إلى السودان من جنوب السودان سيظل في إطار المناقشات والحوار المباشر للوصول إلى تفاهمات مشتركة، مشيرا إلى أنه سلم رسالة خطية من البشير إلى نظيره سلفا كير، لكنه لم يكشف عن مضمونها من جانبه قال وزير خارجية جنوب السودان، نيال دينق نيال، إن حكومته اتفقت مع الجانب السوداني على تعزيز الثقة وتقوية العلاقات من خلال مواصلة الاجتماعات المشتركة بين جوبا والخرطوم.

وكان وزير الخارجية السوداني علي كرتي قد زار عاصمة جنوب السودان كمبعوث رئاسي وعلى رأس وفد رفيع المستوى إلى جوبا أمس، ضم رئيس جهاز الأمن والمخابرات محمد عطا المولى، بعد أن تجددت اتهامات الخرطوم لحكومة جنوب السودان بالتورط في دعم تحالف «الجبهة الثورية» الذي يضم الحركة الشعبية وحركات العدل والمساواة وفصيلي تحرير السودان بزعامة مني أركو مناوي وعبد الواحد نور، عقب الهجوم الذي نفذته الأخيرة على مدينة أم روابة في ولاية شمال كردفان.

من جانبه قال وزير الإعلام السوداني الناطق الرسمي باسم الحكومة أحمد بلال عثمان أمس إن الزيارة التي قام بها كل من وزير الخارجية علي كرتي ومدير جهاز الأمن والمخابرات محمد عطا المولى إلى جوبا أمس كان هدفها إيصال تنبيهات إلى دولة جنوب السودان، وأضاف أن حكومته طالبت رسميا حكومة جنوب السودان برفع يدها نهائيا عن دعم الحركات المسلحة بالعتاد والأسلحة، وقال إن الخرطوم تملك أدلة دامغة تشير إلى قيام طائرات جاءت محملة بالأسلحة والعتاد من جنوب السودان لدعم الحركة الشعبية في شمال السودان، غير أنه برأ جيش جنوب السودان من التدخل في العمليات العسكرية التي شهدتها مدينتا أم روابة (شمال كردفان) وأبو كرشولا (جنوب كردفان)، وشدد على الحوار مع المتمردين، معتبرا أن بلاده تواجه مخططا خارجيا يستهدف تقسيمها إلى 5 دويلات، متهما الجبهة الثورية بأنها تقف وراء تنفيذ المخطط وجر البلاد إلى حرب إثنية، وتعمل على التشكيك في قدرات القوات المسلحة.

من جانبه قال عبد الرحمن الخضر، والي ولاية الخرطوم، إن حكومته ومجلسها ومواطنيها تحت إمرة القوات المسلحة، واعدا بتقديم الدعم للجيش الحكومي بكتائب الدفاع الشعبي والشرطة الشعبية التي قال إنها تسلمت مواقعها، وأضاف أن من وصفهم بالطابور الخامس ينشرون الهلع والشائعات داخل المدينة.


الشرق الاوسط


تعليقات 39 | إهداء 0 | زيارات 14776

التعليقات
#668994 [ابو عنجه]
0.00/5 (0 صوت)

05-19-2013 02:23 AM
الاعيب واضحه من المعلقيين للوقوع بين الاجناس

ولاكن لماذا يريد البعض الايقاع بين الناس وماهو الهدف الان لحث البعض للعنصريه

منذ ان ولدت وانا اعيش فى مجتمع مختلط بالعديد من القبائل ولاسياما قبائل فى اصلها من النوبه

من يعيش فى امدرمان القديمه وتحديدا المورده وبانت والعباسيه وابو كدوك والفتيحاب وحتى حى العرب والبوسته وحى السوق والقماير وابى روف وغيرها سيرى بام عينه مدى التمازج بين الاجناس

اعتقد وهو مجرد اعتقاد ان من يطلق هذه العبارات العنصريه لايعرف شيئا عن السودان او يدفع له بالاموال لكى يقول ويكتب مثل هذه العبارات ..

من منا لايعرف المهدى وابوعنجه وعبد الله التعايشى والزاكى طمل وعثمان دقنه..فاليسأل كل انسان سودانى نفسه هل تجمع هؤلاء صله قرابه او قبيله او منطقه..طبعاً لا

استقرب حقيقه من اناس ليس لديهم هم سوى شتم القبائل والايقاع بين الناس ..لماذا لا يفتخر كل جنس بجنسه ويطبق عاداته وتقاليده دون المساس بعادات الاخرين والاستخفاف بها

ادعو الله ان يوحد السودان وان يبعد البغض عن الناس وان ينعم على هذه البلاد بالخير

ليس بالضروره ان يكون كلامى صحيحا ولاكن الضروره ان يتقبل البعض الاراء دون السخريه


#668961 [الجقر]
0.00/5 (0 صوت)

05-19-2013 01:09 AM
باتـــــــــــوا محاصـــــــــرون في (الخرطــــــــــــــوم) .


#668939 [عربى مكنكش]
5.00/5 (1 صوت)

05-19-2013 12:32 AM
انا عشت فى غرب السودان واناجعلى ولا تعينى كثير اغلب دعاة العنصرية ليسوا فيهم اصالة السودانيين واعتز بالغرب اكثر وطيلة ثلاثون عام درسنا سويا وتخرجنا سويا والله لم اعلم قبائل زملائى إلا بعد محطط حمدى ذى ثلاثة شعب وحمدى عميل اسرائيلى لتفتيت السودان ..قتلوا جون جرنج لانه رفض الانفصال وقال لجاره الشمالى خلاص نسلم السلطة ديقراطيا ونطلع كراسينا فى ضل العصر ونتونس هذه حقيقة قالها وليست دعاية


#668934 [عاصم]
0.00/5 (0 صوت)

05-19-2013 12:28 AM
يا كيزان ياكيزان ما قلتوا رجال والله انتوا الرجالة ما جيتوا جنبها زي ما قال اخونا بتجقلبوا ليه الجايكم جايكم وان منتظر اليوم ده من زمن تعبئة شنو ياوهم خموا وصروا نهايتكم جات و معاكم الصادق المهدي الزبالة سيتم كنسكم قال مؤامرة المؤامرة الحقيقية على السودان انتوا يا كيزان الحمدلله بعد كنسكم ما حايكون تاني الى يوم القيامة كوز في السودان طيروا يا كيزان الله ياخدكم و يقطع نسلكم


#668882 [احمد]
0.00/5 (0 صوت)

05-18-2013 11:04 PM
الفكرة الجديدة 2013 عشان ما تكون فى مشاكل وكدا تقسينم السودان مرة اخرى كالتى :-
1-دارفور كلها وكردفان كلها والنيل الازرق كلها وابيى كلها يتم اتباعها للجنوب ويمشو يكون دوله هناك مع جنوب السودان وياسر عرمان وباقى القيادة يشاركو فى حكم الجنوب ومعهم ابناء القبايل.
2- باقى الولايات تكون عادى تابعة لدولة السودان مع الخرطوم .
كدا {المشاكل كلها اتحلت كلامى صــــح ولا غلط} ؟


#668784 [علي دينار]
5.00/5 (1 صوت)

05-18-2013 08:05 PM
والله لو بقية علي 5 دويلات بس كويس


#668677 [بجا حديد بجا حديد]
5.00/5 (4 صوت)

05-18-2013 05:33 PM
مشاكل السودان99% منها بسبب الاثنية الحاكمة (العنصر الشمالي )المكنكش في السلطةمن الاستقلال


ردود على بجا حديد بجا حديد
United States [هدهد] 05-18-2013 11:01 PM
والله ردك يا ابجلمبو بلسم على شافى على هذا الداء العضال الذى يتشبث به بعض العنصريين الناس تتكلم عن قضية وطنية وعن ضياع اجيال ووطن بأكمله ويفجأنا احد ويحول القضية الى قبليات وجهويات . يا جماعة نحناتخطينا مرحلة القبلية ودعك عن الشماليين والجنوبيين والشرق والغرب وخليك فى قضية الوطن والمواطن . لم يعرف السودان هذه المسميات التى تدعو للفتنة والقبلية الا فى عهد هؤلاء الكيزان الخنازير ولو حصرنا عدد المشاركين الان فى الحكومة لوجدنا ان ابناء غرب السودان يشكلون الجزء الاكبر لذلك لا داعى لمثل هذه الترهات والكلام الغير منطقى فى مثل هذه الظروف . واوطناه واسلاماه واخلاقاه .

United States [علي دينار] 05-18-2013 10:24 PM
رد علي ابجلمبو انت ماعريف تمشي كيف و التعليم من السيد الإنجليزية علمك المشي يا ابجلمبو

[الحقيقة مرة] 05-18-2013 10:23 PM
[ابجلمبو] 05-18-2013 08:02 PM
في منو غير الشماليين يقدر يحكم البلد دي
______

الخواجات ويا حبذا اكونو المان كمان عشان اورو الاستعلائيين الوهم الزيك قدرهم ومكانتم الحقيقية بين البشر

[ابجلمبو] 05-18-2013 09:02 PM
في منو غير الشماليين يقدر يحكم البلد دي ومن المعروف انحنا صفوة التمييز في كل المجالات ومن المنطق الزول الذي يستطيع يقود دولة هو النابغ في التعليم وده شرط لابد منه ونحن رواد التعليم
هذا من جهة اما الجهة الاخرى كما تعلم كافةاقطاب احزاب المعارضة من (العنصر الشمالي ) الذين مازالو يكافحون من اجل الوطن وهتا تكمن خبرة القيادة والحكم , في النهاية انت لوداير السودان يمشي قدام ويزدهر لازم تدعم المذكور اعلاه واتا شايف كده, مع كل الاجترام والتقدير والتحية للبجة خاصة وعامة للشعب السوداني وللامام حتى طرد الكيزان الذين جعلوك تفكر بهذا المنطق للاسف ياحديد


#668572 [JOHN]
5.00/5 (5 صوت)

05-18-2013 04:06 PM
نحنا هدفنا الأول الذي لم ولن نحيد عنه هو تفتيتكم وحرقكم أنتم يا كيزان، وكل من شايعكم من ترابي، صادق، ميرغني، وبقية من عفنوا البلاد.....

بعد داك ألبحصل ما حتسمعوا بيهو ولا حيفيدكم بشئ، ولا انتو حتكونوا فاضين عشان تعرفوه، لانو ما حيكون عندكم شغلة غير ترديد "نفسي، نفسي".....

انها الطامة الكبري وساء سبيلا.....

وبيني وبينكم دا ذاتو حيكون شويه عليكم.....

اللــــــــه أكبررررررر، والعزة للسوداااااااان.


#668524 [مساكين نحنه الراجين خيرا فيها!!!]
5.00/5 (2 صوت)

05-18-2013 03:33 PM
وتيب الحل والسبب منو ياابجاعورة!! يابراص ذي الكوره ومخ زرزوره!!!! مات راكي فيها ذي ديك

العدة!!!! اكان هشوك كسرتها واكان خلوك كسرتها!! اسه اتو مشغولين بيها وفاضين من دق

الجمال!!!!!


#668481 [Wad Kuol]
5.00/5 (2 صوت)

05-18-2013 02:38 PM
It is too late for Sudan to remain as one country. People who took Sudan to Arab League in 1956 are responsible for everything Sudan is facing today. Sudan is broken like a China, when you break a china you can not fix it, it is gone..


#668413 [krkasa]
5.00/5 (2 صوت)

05-18-2013 01:43 PM
ايها الكوز المبعوث فينا ...يداك أوكتا وفوك نفخ..؟؟..وليس هنالك اي عامل او مؤامرة خارجية سواك..؟؟


#668372 [TIGERSHARK]
4.94/5 (7 صوت)

05-18-2013 12:55 PM
من زمان قلنا ليكم يابني كوز انتو مارجال حاره...وحسي الجقلبه والكواريك مابتنفعكم...ناس الجبهه الثوريه ديل ناسنا واخوانا ...وحايجوكم خاشين الخرطوم توووووش والمعركه حاتكون سريعه ومن طرف واحد وماحاتلقو زول يقيف معاكم...ده لو انتو بقيتو رجال! وما ظنيت.


ردود على TIGERSHARK
European Union [ابواحمد] 05-18-2013 05:03 PM
الكيزان ارجل منهم وين تلاقيه يا وليد امك. هم مسلمين يفتخرون بذلك ويفاخرون.هم دعاة للخير ... وتجدهم اسود فى ارض الوغى... انت جربتهم ولا ساكت كلام كى بورد ؟؟؟انقرع آوليد....الى بيقول هو مسلم أكان صادق ولا غير ذلك هو هولنا وزولنا . شنو قولك؟؟؟؟.


#668360 [Garfan]
5.00/5 (1 صوت)

05-18-2013 12:43 PM
لسان حال الجبهة الثورية
نكورك ليكم ما تجو .....نجيكم تكوركو ?


#668350 [عصمتووف]
0.00/5 (0 صوت)

05-18-2013 12:30 PM
إنه تناول ما لدى حكومته من معلومات حول عبور أسلحة من دولة الجنوب

*** عبور الاسلحة الي قوات الحركة قطاع الشمال عبر الجنوب مثل عبور الاسلحة عبر بورسودان الي حماس وكذلك الجمال الي امبابة وغيرهاامتداد الحدود الشمالية تضاريسها الجبلية والصحراوية هل استطاعت قوات الشمال كبح جماح المهربين بالتالي الحدود الجنوبية لكثافة الغابات والتداخل القبلي لن تسطع حكومة الجنوب السيطرة عليها اين قواتكم حارسة الحدود من تهريب البضائع حائط الجنوب هو الاقصر حاليا وغريبة لم تذكرو الشماعة الكبيرة تل ابيب



قال عبد الرحمن الخضر، والي ولاية الخرطوم، إن حكومته ومجلسها ومواطنيها تحت إمرة القوات المسلحة،

******* اما والينا المكفينا بالعذاب علية الالتفات لمشاكل ولايتة خاصة حركة شروني الماراثونية بين كبري الحرية والمسلمية


#668346 [Magol]
1.00/5 (1 صوت)

05-18-2013 12:28 PM
خمسة دول و الله قليل في حق السودان اقترح لتقليل حدة القتال فيها السودان بحاجة تقسيم ل10 دول علي النحو التالي:

1. دولة غرب كردفان ليكون القتال فقط بين الحمر (بفتح الحاء) و المسيرية
2. جنوب كردفان (القتال بين النوبة و الحوازمة
3. دولة المجانين ليزيد جن احمد الطاهر بتاع البرلمان
4. الجزيرة القتال بين الكيزان و المزارعين
5. الخرطوم حرب الكل علي الكل
6. القضارف لتسليمها للحبش
7. كسلا من الكسلانين طوالي لاريتريا
8. البحر الاحمر – جزء لمصر و اخر لهدندوة
9. الشمالية للجلابة و نوبا الشمال
10. دولة دارفور و النتيجة معروفة


ردود على Magol
United States [موية نار] 05-19-2013 12:51 AM
انت محبط ولا مبدع؟ ما عارف يقولوا عليك شنو؟

[Wad Kuol] 05-18-2013 04:11 PM
Magol,

You went so far, there will be 5 countries called Sudan soon and they are:
1- Darfur
2- Blue Nile and Nuba Mountains
3- Eastern Sudan
4- Remaining of old Sudan which can be called Arab country or what so ever they call it.

Then you have South Sudan which had already left the unity of Sudan. People who took Sudan to Arab League and people who follow their steps in Khartoum are responsible for what Sudan is facing now. People should not look to Israel or USA and make big noises, no Sudanese problems are not in USA or Israel, they are in Sudan period.


#668327 [ابو كلام ساكت ساي]
3.50/5 (2 صوت)

05-18-2013 12:10 PM
هو وزير اعلام السجم ده فاضي من زواج الحسناوات القدر بناته .ديل ناس مثني وثلاث ورباع .كان عامل فيها مناضل والان هو بوق للحكومة كالببغاء والموت جاك يا تارك الصلاة بس اركز ومما تتجرس وما تعمل فيها كنت مناضل من الداخل يا.........................


#668301 [جركان فاضى]
4.75/5 (5 صوت)

05-18-2013 11:51 AM
السودان فى حالة موت سريرى بعد ان فعلت الانقاذ فيه فعائلها -فالسودان يعانى من نزيف حاد فى المخ(نهب المال العام)وتوقف الرئتين(مشروع الجزيرة والرهد)وحابس بول(العاصمة عطشانة)وفاقد البصر(قطع الكهرباء)وعنده فشل كلوى(طمى قفل محطات تحلية المياه)ومشلول(سكة حديد واقفة)وسوء هضم(من اكل الفول والعدس والفلافل والدكوة)وعنده ايدز(لاقدرة على صد الحركات المسلحة)وعنده جزام(تقطعت اطرافه)وهبوط فى ضربات القلب(جنيه قيمته نازلة)وارادته مسلوبة(ديون خارجية بالهبل)وقليل ادب(كثرة الاغانى الهابطة)وكريه(فر سكانه منه للغربة)وبليد(تعليم دون المستوى)وعنده ضعف جنسى(صادراته شوية)وماعنده شرف(كترة الصعاليك فى بيته-الجيوش الاجنبية)وعنده مس من الجن فى راسو(نظام الانقاذ)-فهل بعد هذا خوف من التقسبم؟


ردود على جركان فاضى
European Union [Son of meheera] 05-18-2013 08:55 PM
والله جركان مليان فل.... ههههه... spot diagnosis

United States [ابو أحمد السوداني] 05-18-2013 03:19 PM
ههههههههههههه

الناس المشو بره ديل ال يجو يعالجو اكان ما تصيبهم العدوى

European Union [الدكتور] 05-18-2013 02:25 PM
والله يا جركان فاضي اظن جركانتك دي اتملت فل ولفيتا صح , لكن تشخيصك دا احرف اخصائي ما بشخصو حقو تفتح ليك ععياده للدول المتأزمه.


#668298 [SESE]
1.00/5 (1 صوت)

05-18-2013 11:48 AM
الريالة قشيناها......


#668266 [Gaffer Coal]
5.00/5 (1 صوت)

05-18-2013 11:23 AM
It's too sad t osee the whall countory bieng torn apart just like that


#668237 [سوداني]
4.75/5 (6 صوت)

05-18-2013 10:58 AM
ونحن نعيش ونشاهد مخططا داخليا يمزق السودان بعد الباس القوات المسلحة السودانية ثوب المليشيات وتقسيم الشعب السودانى الى قبائل وبطون وتسليح الكل ليتقاتلوا حتى يخلو الساحة لناس ابوريالة وبقية السدنة للعبث بثروة هذا الشعب ولكن .... ويمكرون والله خير الماكرين... حسبنا الله ونعم الوكيل.


#668222 [الفجري داك]
4.47/5 (8 صوت)

05-18-2013 10:46 AM
أنتم المنفذين لتقسيم الدويلات ،المؤتمر الوثني .... المتعنصرين حيث قبضتم الثمن منذ إتفاقية نيفاشا وشطر الجذء العزيز من الوطن ،ألاء تستحوا بأن الثوار سينفذوا ذلك ؟
وهل تعتقدوا أن الشعب غافل ! والمولى عما يعمل الظالمون ؟
أنتم ودفاعكم الشعبي وشرطتكم اللأمنجية البلطجية عار البلاد ،وسوف تنحرون بأيادي الشعب الذي تستهذؤا به ،وسلبتوا حريته وحقوقه ،واليوم تنادوا في الغلابه من الجوعا والعطشا للدفاع عنكم وليس
عن الوطن والبلاد ، ليكونوا دروع لكم ،وحماية لممتلكاتكم الموروثه من ظهر الغلابة وانتم تنعمون بالجاه
وأبنائكم في دول المهجر يتمتعون ويأملون ويجدون فائق العناية والعز ،وعلى حساب أبناء الغلابة،وتسعون
في تقسيم هذة الشطيرة كما يحلوا لاهل الكفر الذين يرفعون عصائهم ويلوحون بالجزرة ،وشعارهم
الجنائية الدولية ،ألآتستحوا يامن تتشبسون بكتاب الله بهتاناً ونفاقاً ،وتدعون هي لله ظلماً.
الاء تخجلوا من وعدكم بهذا التقسيم وانتم بالسلطه .
وماذا بعد كل الذي فعلتموه ! وماذا بعد أن يتم الوفاء بالوعد والتقسيم !
وأنتم تملكون الاملاك والاراضى والعقارات ،والسيارات وكل كنوز سليمان . ماذا بعد أن تفعلوا
بوصية المستعمر ،وتضعوا النياشين عل صدوركم .وانتم الرعاه السالبين حقوق المواطنيين ؟
أين تذهبوا من الذي لايغفل عن عباده !
وقبل أن يحدث كل ذلك ستصل الجبهة الثورية عقر داركم وسيفضح أمركم،وستكون الخرطوم تلك مقبرة ،وشاهداً
لكل خائن إنعدمت رجولته .


ردود على الفجري داك
United States [امين الشريف] 05-18-2013 01:12 PM
اخي الفجري - ياريت لو قبض نظام الدجل الكهنوتي الدموي البغض ثمن بيعه الجنوب الحقيقة ان المؤتمر الذي عقد في واشنطن بعد الضغوط التي تمت بتعجيل الاسنفتاء الذي افضى الى انفصال الجنوب هذا المؤتمر ذهب اليه المجرم علي عثمان ومجموعة من شلة النفاق من وزرائهم الفاشلون لقبض ثمن المباع الا اننا طيلة نظام حكم نظام المؤتمر الوثني تعرفنا على سياسة الولايات المتحدة الامريكية القائمة على العصا والجزرة المسمومة حيث ذهبوا لاستلام الجزرة بعد ان تم ضربهم بالعصا في مؤخراتهم وربما تم ايلاج العصا في ادربارهم حتى ركعوا لامريكا ونفذوا ما تريده بالحرف الواحد ولا ننسى ان نيفاشا خطت حروفها بايدي امريكية ووقع على عثمان مرغما ومكرها على ذلك والعصا من فوق رأسه - اختصارا في واشنطن رد علي عثمان ورفاقه على وجوههم ولم يمنحوا مثقال ذرة من وعود امريكا الكاذبة برفع اسم السودان من قائمة الدول الراعية للارهاب واعفاء الديون ورفع الحظر الاقتصادي على السودان وصدرت اليهم التوجيهات من امريكا التي قالوا انها قد دنا عذابها بالعودة الى سودانهم المنتقص والمنتهكة سيادته لحلحة قضية دارفور والقضايا الاخرى وتكملة ملفات نيفاشا ومن ثم ربما تنظر امريكاالى وضعهم - فعاد علي عثمان ذليلا بخفي حنين - واليوم يتحدثون في مسلسلهم ذات الحلقات التركية النفاقية عن مخطط لتقسيم السودان الى دويلات متناسين انهم عضو اصيل في هذا المخطط حيث يمثلون الدور الداخلي المكمل لحلقات الادوار الخارجية التي تهدف الى تقسيم السودان في خيانة واضحة للوطن وشعبه المسكين ينبغي ان يتم عمل توعوي بان المهدد الاول للسودان هو نظام المؤتمر الوطني وليت من حملوا السلاح دفاعا عن انفسهم واهلهم واراضيهم وتحريرا للوطن من ظلم واستكبار وخيانة البشير وزمرته الفاسدة المفسد ة - تحياتي ...

European Union [TIGERSHARK] 05-18-2013 12:40 PM
ورب الكعبه ما قلت الا الحق...احييك ياخوي.


#668221 [الجعلي]
3.50/5 (2 صوت)

05-18-2013 10:45 AM
5 دول ههههههههههههههه
ما انتوا قسمتوه لدولتين براكم ......... يا وهم


#668206 [صديق الشيخ حمد النيل]
1.00/5 (1 صوت)

05-18-2013 10:38 AM
جريمة أرتكبت فى حق الشعب السودانى أطرافها ساسة هذا الزمان ...وما يحدث فى الساحة الإعلاميه الآن ما هو إلامحاولة من كل طرف لتجميل صورته أمام الشعب السودانى....والحقيقة أن الشعب السودانى فى حيرة من أمره ... الظرف الإقتصادى الراهن يحتم على كل فرد اللهث وراء لقمة العيش ليل نهار للحفاظ على تماسك أسرته وليس لديه متسع وقت للإنتفاض على كل أولئك اللصوص ....نريده سودانى ماهل بمساحة مليون ميل مربع ..حقوله تعج بالخضرة وليس فيه حقل بترول واحد ..أليس البترول هو الذى أدى إلى إنحراف المنحرفين من 180 درجة إلى 359 درجة ؟..سودان آمن مستقر يحترم بعضه البعض


#668205 [عبده الطاهر]
5.00/5 (1 صوت)

05-18-2013 10:38 AM
ياسلام ياسلام على الكلام المسئول والموزون من من افتقدناهم سريعا ونحن فىى امس الحوجة لهم امثال ذلكم القائد الفذ المحنك خفيف الظل والدم حاضر البديهة والمتواضع الدكتور الانسان الراحل جون قرنق دى مبيور فنحن فعلا سودانيون فلنتصالح نع انفسنا اولا وقبل كل شى كما قال شاعر الشعب بور وبورسودان بارا والجنينة حاجة مش كويسة كل زول براه


#668194 [ود شريف]
4.41/5 (6 صوت)

05-18-2013 10:27 AM
هو وزير الاعلام ده جااى من اى كوكب الود قايل نفسه اكتشف الذرة قال المخطط لتقسيم السودان ل 5 دول ياراجل انتو قاعدين تنفذو في المخطط ده بشطارة لا يناظركم فيها احد الخطوة الاولى حرب جهادية في الجنوب موت الملايين بعدين تفاوض انقسام والان تكررو في نفس الغباء حرب جهادية في دارفور وجنوب كردفان والنيل الازرق النتيجة الحتمية موت الملاييين ثم تفاوض ثم انفصال وقبل ماتصلو للانفصال يكون اشتعل جزء اخر عزيز من الوطن الى ان تصلو الى ماتريدون تقسيم وتمزيق السودان الغريبة الحركة الاسلامية من اهدافها ان تنقل الحكم الى كل انحاء الاقليم ثم الى كل العالم دولة الخلافة بس للاسف سياستهم الغبية حاتخليهم مايحكمو اى شي وتاريخهم في الحكم سيكون اسؤ حقبة تاريخية في تاريخ السودان القديم والحديث االم تعى النخبة الحاكمة بان هذه السياسة فاشلة وان مشروعهم فاشل ولاينتمى للاسلام الاسلام دين عدل ومساؤة قبل كل شي فاين انتم من ذلك


#668193 [مراقب]
3.63/5 (4 صوت)

05-18-2013 10:25 AM
اخر حلقات مسلسلات نهاية الكيزان بعد ما اتكالبت عليهم المحن والكوارث والابتلاءات والمتاعب والعذاب
اشيل دليل الادانة اوديهو للمعتدي علي اقول له شوف عملت فيني كدة عشان يجازي نفسه
الجبهة الثورية بقت ما عندها ولا طلقة واحدة في ابوكرشولا وم ذلك لا نستطيع هزيمتهم لاول مرة في التاريخ
المنتصربالله يتحول الي المنهزم بامر الله
بنيان نافع المرصوص يتهدم ويولي دبره من الخوف في سابقه لم تشهدها المنشات من قبل
والايام القادمات مليئة بحلقات التشويق والاثارة والكوميديا الضاحكة


#668181 [ابو لين]
1.50/5 (2 صوت)

05-18-2013 10:13 AM
الزول الفي الصورة دا اتخيل لي انه ذهب وذهبوا بارضهم ودولتهم تاني في شنو للاستشهاد باقوالهم سؤال .


#668134 [أحد الورثة]
0.00/5 (0 صوت)

05-18-2013 09:25 AM
خلونا من كلامكم الفارغ دا .. نحن نؤيد التقسيم كحل عادل لمشاكل الهيمنة والتسلط والتهميش ،أدونا نصيبنا في بلدنا.. وأمشوا طبقوا مشروعكم الحضاري المبني علي شعار( نأكل مما نزرع ونلبس مما نصنع) في الجزء الخاص بيكم.


#668111 [ود الشمال]
2.00/5 (1 صوت)

05-18-2013 08:58 AM
يا حكومة البشير كفا التحجج بالحجج الواهية ، اذا كان هنالك دعم من حكومة الجنوب لقوات الجبهة الثورية ، لا زيارة علي كرتي ورئس استخباراتك الفاشل للجنوب سوف يحل مشكلة انظر اين مشكلة شعبك في السودان وحل مشاكلهم مشكلة السودان ليس لها حل عسكري ، مشكلة السودان لا ينحل إلا عن طريق طاولة المفاوضات ، ما أمامكم انتم وشركاكم في قتل الشعب السوداني الجبهة الثورية ،إلا لتحكيم العقل والحكمة، إن كان لكم عقل وإن كان هنالك حكاما بينكم ، واتقوا الله في الشعب السوداني والله سوف تسألون يوم القيامة عن الأنفس البريئة التي قتلتموه بحجج واهية لا وجود لها .


ردود على ود الشمال
United States [ود الشمال] 05-18-2013 06:54 PM
بصراحة إخواني المتداخلين للأسف الشديد كلام (ابو لين) منطق وكلام واضح وصريح رغم اختلافهُ معي في مداخلتي وانا اختلف معهو في مداخلتهي ، ولكن الحق يقال ، المناداة بالعنصرية وتمجيد أشخاص هم شركاء مع حكومة الإنقاذ في قتل وتشريد المواطنين السودانيين ذالك أراه من باب العنصرية البغيضة وسبق بنفس السياق تحدثه عن الحركات المناهضة للحكومة في الخرطوم قامة الدنيا ولم تقعد ، وهنا في صحيفة الراكبة تجد أي مداخلة مناهضة للحركات التمرد في اغلب الأحيان لا تجد طريقها للنشر مع العلم في اعتقادنا انه منبر حر لكل السودانيين بطوائفها ، مهما تبعيته لجة وذالك الجهة تدعي أديمقراطية وحرية الرأي ، ليس هذا باب الانتقاد لصحيفتنا القراء الراكوبة ولكن هذا حال اغلب الصحف سواء حكومية أم معارضة ، ولو لا ذالك باب انتماء لجة بعينه لماذا كل هذا الانتقاد لأحد الإخوة الذي قال راية بصراحة ووضوح مثل الأخ (أبو لين) ولآن أنا متأكد إن وجد مداخلتي هذا طريق للنشر سوف يقوم قيامتي ، وسوف اتهم بكل تهم الكون من تبعية لحكومة الخرطوم وعنصرية حتى اسم (( ود الشمال)) توقف كثير من الناس نحوه ، مع عدم علم الأغلبية إلي أي إقليم انتمي أنا ، و كأنه المعارضة لا تخص الشمال بصله وكأن أبناء الشمال هم من كان لهم اليد في التهميش بقية المناطق وهم ينعمون في ترف العيش ولهم في القتل وتشريد اليد الطول الذي رفضها اغلب أبناء الشمال ويرفضها أي سوداني يجري في عروقه دم سوداني ، ولا يكون هذا ديدنا حتى في الجهة التي يعتبرها الشعب السوداني منفذ لهم .

United States [ابو لين] 05-18-2013 02:50 PM
تعليقات سالبه غير مجديه السودان وطن للكل , واحد متهما اينا بان تابعين للمؤتمر الوطني واحد قال انت تتكلم في القامة قرنق واحد النقاذ لحست مخك واحد تاني يقول انت عنصري و واحد رايق يتمسخر , بالمناسبة انا خارج السودان منذ 20 سنة منها العشر سنين الاخيرة لم اري السودان وبالمناسبة يمكن انا اكثر واحد متضرر من الحكومة دي وكتبنا قبل كدا في الراكوبة فصلنا فصل تعسفي من الجيش لانه كان للاسلاميين وللترابي وجماعتو ولو لم تزكي لا يسمح لك بالدخول في اي كليه عسكرية الجيش الشرطة الامن وحتي الوظائف المدنية , صودرت منا ارض العائلة في قلب الخرطوم وعملت حديقة عامة , ولكن عندما يكون الوطن ننسي كل ذلك لدفن الفتنة , والعنصرية لو انتو متابعين لحركات التمرد في دارفور كلها مبنية علي هذا الزغاوة في حركة خليل قتلوا اي عنصر لا ينتمي لهم وكان الضحية اولاد المجدوب . ونحن احرار لا نقبل الظلم لا من قرنق ولا من اي حركة عنصرية بغيضة تريد اقصاء الاسلام والعنصر العربي وهم معلنيين ذلك في برنامجهم السودان الجديد وبعدين ياالبوشي اتمني من الله ان يحشرك مع من تحب قرنق ويكون رفيقك في الاخرة وبعدين نحن ننظر للامر من جانب الرجاله الرجاله والحقارة الحقارة وليس من اي جانب اخر

[مبارك] 05-18-2013 01:20 PM
يا سلام يا ابو لين على هذا التبسيط الساذج

European Union [خالد البوشي] 05-18-2013 12:35 PM
ياابولين انت واحدعنصري وسفسطائي وبتغرد خارج السرب ولست انت من يتكلم عن المناضل الجسور الراحل الدكتور جون قرنق دي مابيور

United States [مدني الحبيبة] 05-18-2013 12:17 PM
الناس الجهلاء زي الاسموا ابو لين دا الحكومة بتمرر قيهم الكلام الفارغ دا ، بلد بتتنهب ليل نهار وبي الدرب العديل وبتخرب عينك يازول برضوا تقول لي الكلام الفارغ دا ن حاليا الشعب وصل لي قناعة مابهموا البحكنا منو بعد كدا لانوا مافي بنى ادم سوي بوصل البلد لتلك المرحلة ، النوبة الغرابة ادروبات غيروا من السودانين دي بلدهم والكل ليهوا حق في البلد دي ، وتاني حكاية عرض وتراب دين الكيزان انتهوا منها يكفي خال الرئيس يقوم بالتعرصة في صحيفته لي نساء السودان ، اما تراب الوطن البلد محتلة من كل دول الجوار اثيوبيا مصر اريتريا تشاد قطر وبقية نصابي العالم ، اما حكاية الدين فحدث ولاحرج انعدمت الامانة والصدق والرجولة والشهامة وكل الصفات الاسلاميه بل صار اعضاء برلمانك الاسلامين يتحدثون عن ظاهر زواج المثل ، ياخي عليك الله استخدم نعمة العقل دي الاعطاها ليك ربنا ، وماتحاولوا الاساءة للسودان بتلك الافكار الهزيلة وعفى عنها الدهر والتى تعطي انطباعا للمتلقي بجهالة الانسان السوداني ولو كنت من المستفيدين من النظام استحي من دمك وماتفلقنا بي افكارك الهدامة دي ، معليش ياود الشمال ردي على الشخص الاسموا ابو اللين

[الجعلي] 05-18-2013 10:54 AM
ابو لين ... الظاهر الحكومة لحست مخك ......... والكلان دا من حرامية الانقاذ عشان يخوفوا بيهوا الذيك دا يا وهم ...وهم يستمروا في نهب البلد الم تتعلم 23 سنة وانت والامثالك مشاين وراء الانقاذ لحدي ما البلد انتهت ... الاسلام والعنصر العربي موجود في السوادن قبل الانقاذ وسوف يظل بعد الانقاذ ...

United States [ابو لين] 05-18-2013 10:28 AM
الحكومة جلست معاهم ومطالبهم التالي الشمال يكون تابع لدوله الجنوب ويعين رئيس للسودان من الحركة الشعبية قطاع الشمال , لا اسلام في دوله الشمال دوله علمانية , اقصاء العنصر الاسلامي والعربي من الوجود في السودان كما ذكر الهالك قرنق عام 2002 م وضرب مثل اجلاء العرب والحضارة الاسلامية من الاندلس , استعلاء العنصر الافريقي علي الدوله ومادونهم يشوفوا ليهم بلد اخر هذه هي شروط التفاوض معهم , وعلي الحكومة القبول بهذه الشروط وتسليم البلد لهم باسرع فرصة وبدون تاخير والا الحرب والدمار وتاليب المجتمع الدولي والمحكمة الجنائية , اذا انت عاجبك الكلام دا سلمهم البلد اذا كانت في حوزتك واذا لم تكن في حوزتك ابسط شيء تعمله هو ان تسلمهم بيتك وتشوف ليك بلد ثاني ولو رفضت هذا الحرب شغالة فهمت .


#668099 [lawlawa]
3.75/5 (5 صوت)

05-18-2013 08:40 AM
يرحمك الله يا قرنق.... لو كنت موجوداً، لما انجدر السودان الى هذا الدرك.........


ردود على lawlawa
[الحقيقة مرة] 05-18-2013 05:22 PM
لقد مر المخطط من تحت يده وكوفئ بدق عنقه وتورطنا نحن في الانقاذ
____

على الاقل قرنق حارب الانقاذ وانتصر عليها انت غير النقة والشكية والبكية من الانقاذ بلا اختشا عملت شنو عشان تدي نفسك الحق تستنكر وتستعجب كمان انو الناس يترحمو عليهو ولا الرحمة دي بتصرفا انت ؟؟؟

[مساكين المعذبين في الارض] 05-18-2013 03:28 PM
يرحم منو!!! ات بلا ذاكرة لقد مر المخطط من تحت يده وكوفئ بدق عنقه وتورطنا نحن في الانقاذ وبقية معتوهي الحركة الشعبية الذين تركهم لعبة في مهب الريح!!!!


#668085 [علي الجاك]
0.00/5 (0 صوت)

05-18-2013 08:20 AM
مصطفى سري الحاقد مرتبك من حكومه الجنوب بتصرف كم من الموساد


ردود على علي الجاك
[nagatabuzaid] 05-18-2013 12:55 PM
رد على اللهم العن الانقاذ لعنا كبيرا مرتب رئيسه من قطر وبس ؟؟ ده بيقبض من ايران كمان

والتحت تحت ما معروف

[اللهم ألعن الانقاذ لعنا كبيرا] 05-18-2013 10:19 AM
هو يالجاك انت رئيسك الرقاص بيصرف كم من قطر ....


#668078 [Artukaatand]
5.00/5 (3 صوت)

05-18-2013 08:15 AM
دعم الجيش بكتائب الدفاع الشعبى و الشرطة الشعبية لمحاربة من؟ لمحاربة الشعب طبعا وهذا أكبر تشكيك فى قدرة القوات المسلحة التى تحولت إلى حلاقين لرؤوس الشباب فى شوارع الخرطوم.


ردود على Artukaatand
[osama dai elnaiem] 05-18-2013 01:40 PM
وازيدك من الشعر بيت--- والي شمال كردفان قال صدقوا له بالف وخمسمائة مجاهد ولو كان ذات المبلغ طلبه من قبل لعمل مشروعات تنموية بولايته لامكن تجفيف العطالة واستيعابهم في مشروعات وحينها لا تجد الحركات المسلحة من يقاتل معاركها-- والان كل واحد ( مستهبل) عاوز يستمر في موقعه لبس عسكري وبدا ينادي في الشباب لتامين نزواته لمزيد من العبث بمقدرات الشعب ولتحرق (امروابة ) وقبلها ( ابو كرشولا)ويلحق بهاشباب السودان بدعوي الجهاد!

[nagatabuzaid] 05-18-2013 12:57 PM
القوات المسلحة شلعوها السودان بلد بل جيش وبلد مشلع


#668076 [ابوالبشر]
5.00/5 (2 صوت)

05-18-2013 08:13 AM
هذه هي النتيجة المحتمه لسياسات الحكومه ظلم محسوبيه فساد عنصريه كذب وزور وبهتان وكل أموال الناس بالباطل ووووووووووووووووووو فلا بد من دفع الثمن بس للأسف البيدفع هو الشعب المسكين وليس ناس الانقاذ


#668058 [فيصل محمدخير]
5.00/5 (2 صوت)

05-18-2013 07:59 AM
اصــــــلا مقسم على خمسة أسر ........!!!!!!!!!


#668041 [اليوم الأخير]
5.00/5 (3 صوت)

05-18-2013 06:57 AM
الهلع منتشر بين ناس المؤتمر الوطني و ليس بين المواطنين يا والي السجم و الرماد


#668040 [samdan]
5.00/5 (2 صوت)

05-18-2013 06:52 AM
العصر بجيب الزيت يالكيزان


#668029 [العمده]
5.00/5 (3 صوت)

05-18-2013 06:02 AM
كتمت ان شاء الله ما يفضل فيها نفاخ النار ما دام ناس الخرطوم ما قادرين ع التغيير خليها تجيهم من بره ع الاقل الاحزاب البتعارض العمل المسلح خليها تغير قناعتها لان العمل الجماهيرى اصبح لا يجدى عمليا لان النظلم ظل يشتم ف المعارضه ع مدار الساعه وانها عاجزه فعل التغيير بالاضافه لال المهدى والميرغنى الباعو نفسهم وباعو تاريخ مناضلين ساهمو بقوة فى التاريخ وبطولات احزابهم خليهم يعرفو الله حق والتغير المسلح سوف يكتسح حزب الامه والاتحادى معا من الان ندعوهم للتنسيق مع فلول وسدنه المؤتمر الوطنى للتوجه الي ليبيا والتحضير للمعارضه المسلحه هو نفس الكاس يا ود المهدى حا تشرب منو تانى لكن نؤكد دخول الجبهه الثوريه وبقوة ف الخرطوم حتى لو بات الجيش كل ف الشارع 24×24 ساعه الناس دى ونحن من خلفهم نصر على اقتلاع النظام من جذوره وملاقتهم هم واموال الدوله دولياجوه جوه خرتوم جوه: جوه جوه خرطوم جوه . الجبهه الثوريه تكوينها فيه تنوع وشمول كل اهل السودان


ردود على العمده
United States [ضابط متقاعد] 05-19-2013 12:58 AM
nagatabuzaid
الانقضاض عليها ده كان زمااااان ..
هؤلاء جزء من النظام الآن والمعادله اتغيرّت تماماً .. فسطاطين ، مع الكيزان ولاّ مع الشعب .. الخط الفاصل واضح جداً .

[nagatabuzaid] 05-18-2013 01:02 PM
الراجى المعارضة يرقد قفا وينوم نوم العوافى زى ماقال واليكم
معارضة شنو وصادقشن وميرغنى ايه ديل عايزنها تجى جاهزة وينظفوا
سنيناتهم ويبرموا شنباتهم استعدادا للانقضاض عليها


#668028 [alsudani]
4.00/5 (5 صوت)

05-18-2013 05:59 AM
قالوا الكديس ماسك الفار ويقول له
والله ظروفك صعبه وبك عدد من الجراح
فرد عليه الفار (( فكنى انشاء الله أجن )))
دحين يا البشير فكنا يتبعك ضباط السلطة
غير المؤهلين عسكريا ولا إجتماعيا ولا ثقافيا
اختونا وخلاص ،، انشاء الله نتفتفت حته حته
داهيه تحرق الكلية الحربية ذاته


#668027 [ركابي]
5.00/5 (3 صوت)

05-18-2013 05:57 AM
معتبرا أن بلاده تواجه مخططا خارجيا يستهدف تقسيمها إلى 5 دويلات، متهما الجبهة الثورية بأنها تقف وراء تنفيذ المخطط وجر البلاد إلى حرب إثنية، وتعمل على التشكيك في قدرات القوات المسلحة........بلاب بلاب بلاب بلاب بلاب بلاب بلاب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة