الأخبار
أخبار إقليمية
نظام البشير يوزع اعلان إعادة خدمة في الجيش الحكومي بشوارع الخرطوم - صورة -
نظام البشير يوزع اعلان إعادة خدمة في الجيش الحكومي بشوارع الخرطوم - صورة -
نظام البشير يوزع اعلان إعادة خدمة في الجيش الحكومي بشوارع الخرطوم - صورة -


05-18-2013 10:07 AM
على نطاق واسع وزع نظام البشير اعلان باعادة خدمة في صفوف الجيش الحكومي للافراد الذين سبق لهم العمل في القوات المسلحة.

وكان وزير الدفاع السوداني عبد الرحيم محمد حسين قد نقل للبرلمان مؤخرا أن رواتب الجنود ضئيلة وغير مغرية للتوجه الى مناطق الحرب ، وقال الصوارمي الناطق الرسمي باسم القوات الحكومية ان الجنود تسربوا من الجيش وذهبوا الى التعدين.


تعليقات 67 | إهداء 0 | زيارات 16762

صفحة 1 من 212>
التعليقات
#669857 [ALIIIIIIIIIIIIIIIIIIIIIIIIIIII]
0.00/5 (0 صوت)

05-19-2013 07:44 PM
والله كلام مضحك وسخيف بيذكر الواحد بحكاية عنترة بن شداد العبسي والذي اهين واذل من قبل قومه وفي النهاية عندما قارب قومه علي الشتات والهزيمة جاء له من اهانوه وكالوا لهو صنوف الاهانة والاذلال وهم يركعون امامه ويترجونه ويسترحمونه للدفاع عنهم..قصة معبرة تعبر عن حال الجيش السوداني الذي اذلته ثورة الانقاذ او قل ثورة الدمار الشامل...والله انا بدعو كمواطن بسيط اي عسكري مايرجع ولو قالوا بدوكم مال الدنيا كله فالكيزان كلاب وسيرفسونكم مرة اخري كما فعلوا من قبل والخرطوم مدخولة مدخولة ان شاء الله ياعبد الرحمن الزفت((الخضر)) ونوم نوم العافية لمن تلاقي اشاوس الجبهة الثورية فوق راسك ياورل ياجبان


#669535 [سوداني كردفاني]
0.00/5 (0 صوت)

05-19-2013 02:05 PM
كنا في قيادة اللواء السابع مشاة وجاء الرئيس نميري زيارة ركن الادارة قبل مايرفع التمام الي قائد اللواء وقتها الرجل الشهم الشجاع العميد وقتها الشيخ مصطفي علي ركن الادارة قال بصوط خفيف مافي اي واحد يسال الرئيس حتي ما يدخلنا في حرج سمعه قائد اللواء وبعد استلام التمام قال العميد الشيخ مصطفي علي اي زول عنده سؤال يسال انا عميد والله لا خايف ولا طمعان انا براي اي زول بيعمل انقلاب حنث عن القسم الاديناه في الجيش هل تعلمن مازا فعل بهزا الرجل في زمن الانغاز انزل للصالح العام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نحن كنا في مناطق العمليات ولدينا حيازات عشوائية لم يراعوا عملنا من اجل الوطن طردونا شر طردة


#669039 [مفجوع]
5.00/5 (1 صوت)

05-19-2013 07:05 AM
الليلة وينن الكيزان
السرقوا الدهب والمرجان
وأتوزعوا القروش بالكيمان
ودايرين يرسلوا غيرن للميدان
اللمبي والمانافع وعلي عصمان
والطفل المعجزة وأبوساطور الضهبان
يرسلوا ولادن لي جزر الدومنكان
ودايرين ولاد الغلابة ساتر للجبخان


#669007 [الجمالي]
0.00/5 (0 صوت)

05-19-2013 03:32 AM
اتذكر كلمات المكني بالسيد اللواء عبد المنعم الفكي للسيد المقدم حيث قال:انا المساعد ده ما داير اشوف خلقتو هنا تاني ولا اقول ليك يا انا يا هو في هذه الادراة .... اي شكلي لم يعجبه ومن هنا بدأت المشاكل والمعكاسات حتي تم فصلي من الخدمة, وحتي الان لم استطيع ان احصل علي حقوقي ومعاشي والله المستعان.....
رسالة الي السيد اللواء عبدالمنعم الفكي مسؤل الامن الان بدارفور قد يكون في نيالا ام الفاشر لا ادري ,المهم هو لماذا تذكرتونا الان؟ وهل تتذكر عندما حاول كثير من الناس اقناعك بأنني مظلوم وانك كنت علي باطل ولابد لك من العدول في قرارك وانت كنت تتبختر وتتجبر بكلماتك التي لن انساها مهما حييت؟ هل تتذكر عندما قالوا لك ان الكل ذاهب وسيبقي الوطن وانت تبتسم ابتسامة المنتظر ظلماُ؟
هل كانت العسكرية ضيعة وملك لك في ذلك الزمان؟ اذاٌ كيف الان؟
لنا لقاء امام الحكم العدل...انا خصيمك يوم القيامة وحتي ان مت فلن اغفر لك ظلمك لي, وسأظل ادعو عليك حتي اخر نفس... اللهم عليك باللواء عبدالمنعم الفكي فانه لا يعجزك..اللهم انصرني عليه في الدنيا والاخرة يامن تجيب دعوة المظلوم اذا دعاء
اللهم زلزله فانك تعلم انه طغي وتجبر وأمن العقوبة في الدنيا.
اناشد كل الاحرار من ابناء بلادي وكل من له قلب ينبض بأسم السودان علي ان لا ينخرطوا في الدفاع عن هذه الطغمة الفاسدة لانهم سبب كل هذا الدمار والخراب الذي حاق و يحيق بالوطن. ولتعلموا بأن كل من يقف معهم او خلفهم يكون قد ساهم مساهمة فعالة في تدمير ما تبقي من سوداننا.
ونحن نعرف كيف ندافع عن السودان بعد ان يذهبوا الي الجحيم.
لك الله يا وطني وروحي فداك.


ردود على الجمالي
[nagatabuzaid] 05-19-2013 10:27 PM
ان شاء الله العظيم المنتقم الجبار ذو القوة والجبروت ينتقم لك حقك وحق كل مظلوم وقريبا


#668986 [هنويه]
0.00/5 (0 صوت)

05-19-2013 01:58 AM
يلاّ شباب ورانا جهاد عشان أمريكا تِتذلّ
ندحض بيها مٌلك اٍبليس ونرفع راية المِلّه
ولمّا نشوف فى ويكيليكس اٍنها أفضل الخِلّه
تقولوا شبابنا ماتوا فطيس وكانت قِصّه ما اٍلاّ

للقصيدة بقيه لكن نصيحتى ليكم تتنحوا وتكفوا المؤمنين القتال لو ما قادرين عليه


#668949 [كديس]
0.00/5 (0 صوت)

05-19-2013 12:49 AM
كل يوم يخرج النظام بنكته .. توضّح تخبطه وسذاجته المفرطه !!!!!!


#668946 [متقاعد]
5.00/5 (1 صوت)

05-19-2013 12:47 AM
وهل هناك ضباط وجنود باقون بالبلاد حتى يعودوا للخدمه ؟؟
تتخيلوا في ناس قاعده ليكم لسه ومنتظرينكم ترجعوهم بعد 24 سنه ؟؟
ماذا تركتم لهم ليعتاش به هؤلاء الاماجد .. آلم تلقوا بهم في قارعه الطريق يوماً لانهم فقط كانوا (شرفاء) وليسوا بـ (كيزان) .
فعمل اللواء سائق (طرحه) بسيارته الخاصه و امتهن ضباط الصف البناء و بيع المويه في السوق العربي ؟؟

اذهبوا وقاتلوا (دفــاعاً عن نظامكـــم) بانفسكم .
ونحن سنقاتل دفاعاً عن (وطننـــا) من مظالمكم .


#668936 [ضابط متقاعد]
0.00/5 (0 صوت)

05-19-2013 12:29 AM
بالمشاهره يعني (طُلب) .. او (عمّال يوميه) .. تخيلوا ؟؟ أي (إهانه) هذه ؟؟
ومنذ متى تحارب الجيوش عشان المقابل المادي يا الليمبي ..
عقيده الجنود هي التي تقودهم للميادين و حب الاوطان (التي قتلتموها في القلوب) هي التي تدعو المقاتلين خوض غمار المعارك ..
ولكن ولان جيشكم المتهالك ظل يحارب مواطنيه بلا طائل وبلا قضيه ، بات جنوده غير متحمسين لخوض حروبه العبثيه وغير راغبين بالإنتماء له .

وين القوات النظاميه الأخرى (الاسم الحركي لقوات جهاز الأمن) ؟؟
ها انتم تعودون (للجيش) .. بعد فشل وإنكسارات قوات (عطا) المتتاليه ولكن بعد أيه .. بعد ما افرغتم العرين من (الاسود) ؟؟


#668924 [صخر]
5.00/5 (1 صوت)

05-19-2013 12:13 AM
والله مهزلة ولسع ابوسفه قاعد ووزير دفاع كمان - وين الدبابين وين السائحون الملائكة راحت وين طفشت منكم والله عمايلكم يطفش ابليس و ناس فلان خلاص شبعوا وعملو ليهم جضيمات - بالله مش مهزلة دباب يكون على رأس الدبلوماسية السودانية- صح النار بتلد الرماد- بعد ناس زروق والمحجوب يجى على كرتى الدباب - نحن فارقنا الجيس ليس بأرادتنا ولكن من اجل التمكين الكنتو عايونوا خلاص فارقناالجيش فراق الطريفى لجمله- روحوا حاربو براكم وانا هنا منتظرون


#668865 [The Insider]
0.00/5 (0 صوت)

05-18-2013 10:34 PM
We had said millions times that there is nothing called the sudanese army.The revolutioary front will march to Khartoum and no force will stand in their way wether they like it or not.


#668864 [مهاجر]
5.00/5 (3 صوت)

05-18-2013 10:33 PM
بسم الله الرحمن الرحيم
من أهالي الحامداب الجديدة إلى اللواء(مجازا) مجدي
والله يا سعادة اللواء نحن ما فاضين . ما دايرين نقول ليك عندنا سبق جمير لكن عندنا حفر متر (آبار جوفبة) لري مشروعنا نظرا لأن أسامة الماسورة جاب لينا بيارة ماسورة من الصين والبشير ما جا رقص لينا لمن جدعونا في الصحراء . ولو مترنا ما جاب موية نهديه للحلو يعملو خنادق عند قدومه الميمون لتحرير مدينة الدبة . ولا نامت أعين الجناء


#668841 [متنبي الخرطوم]
5.00/5 (1 صوت)

05-18-2013 10:04 PM
عجبوني الليلة جوا
أولاد الحلو والي الخرطوم وضبوا
الليلة وينكم يا أولاد الكيزان
الملوا تنوكة الهمر والنيسان
الحيقوموا صوف يوم الدشمان



تموا الباقي براكم


#668803 [عبد المجيد المغبون بشكل]
4.75/5 (3 صوت)

05-18-2013 08:50 PM
يا كيزان

اذهبوا وقاتلوا وحدكم إنّا ها هنا قاعدون.........


#668799 [واحد]
5.00/5 (2 صوت)

05-18-2013 08:43 PM
الملائكة البتحارب معاكم مشو وين


ردود على واحد
United States [سوداني] 05-19-2013 12:53 AM
شكرا على هذا التعبير البيلغ ... والله العظيم هؤلاء الكيظان ماهندهم دم...


#668774 [nagatabuzaid]
5.00/5 (1 صوت)

05-18-2013 07:47 PM
عجبتونى تب المخلوقات دى لحست كوعه كسرت ضراعه الان كل وطنى غيور بعيد من بلده او داخ

بلده سرته تعليقاتكم وانفرجت اساريره واطمئن ان هناك رجال جبش وعسكريين احرار ضباط

وجنود بمختلف رتبهم وتخصصاتهم وانا منهم كنت حزينة لفقد رجال جيشنا الاحرار واملنا وعشمنا

فيكم بعد الله ان تنقذوا البلاد وتتحركوا وهنا سيكون الشعب معكم وان تنقذوا البلاد من كارث

تهدده وازالة النظام الحاكم وهو اكبر كارثة لكم كل الود ولا تتاخروا نرجو ان تاتى ذكرى

مذبحة رمضان وتكونوا اخذتم بثار زملائكم هيا هم براااااااهم نادوكم لتنزلوا الميدان لكن

ان شاء الله يكون نزول عكس ما يشتهون


#668759 [Wahid]
5.00/5 (2 صوت)

05-18-2013 07:17 PM
اولا كل شئ رجعوا لي فرق عجز المعيشة من المكافأة بتعتي التي طلعت شوربة... وبعدالتأكد من حسن نيتكم نرجع وندافع للوطن وليس لحمايتكم.


#668751 [الضبلان]
4.75/5 (11 صوت)

05-18-2013 07:03 PM
خلو الناس المكنتوهم وشبعتوهم و ميزتوهم يمشو يحاربو ليكم.. نحن مفلسين وصليبنا طالع و ما عندنا مرووة لي حرب


#668735 [اقعقاع السودانى]
5.00/5 (2 صوت)

05-18-2013 06:41 PM
يا عبد الرحيم يا أهبل انا اقول ليك العساكر مشوا وين عندما بصمتم على تسريح الجيش فى نيفاشا التى نصت على ان يكون الجيش السودانى سته الف فقط ويكون جيش الحركه سته الف وبعد الوحده تصبح هذه القوات نواة للجيش السودانى وقمتم بتسرح 34الف ضابط وضابط صف وجندى وقلتم لهم اذهبوا لبيوتكم ومرتباتكم ماشيه وفعلا صرفوا رواتب شهرين اوثلاثه ثم توقفت فالايام ديك ماكان فى تعدين ولا غيروا وبعد الانفصال احللتم مكان الضباط كيزان غير مؤهلين لهذا العمل امثال الصوارمى امين مكتبه فى الاسلاميه ابسط المسطلحات العسكريه لايعرفها يا عبد الرحيم اسئلك بالله هل كنت تحلم مجرد حلم ان تكون برتبه اعلى من عقيد فى سلاح الطيران واسئلك بالله ما هى علاقتك اصلا بالجيش وبسلاح الطيران ..... ياجماعة الخير ده ليس اكثر من عامل محط يقوم بتزويد الطئره بالوقود اين دراساتك العسكره التى تؤهلك لأل تكون قائد عام (هذا زمانك يا مهازل فامرحى فقد عد كلب الصيد فى الفرسان)وقد صدق من قال (كلا فى السودان فى غير مكانه فالمال عند بخياه والسيف عن جبانه)


#668692 [JOHN]
0.00/5 (0 صوت)

05-18-2013 05:48 PM
غير تقولو الروب، وتدفعوا لينا مواهينا من يوم شلتونا للصالح العام، ماحنرجع.......

أسحبوا ليكم كم مليار من أموالنا ألهربتوها ماليزيا وشوفوا ليكم مرتزقة يحاربو عنكم بالوكالة.......

قتال الجبهة الثورية دا "شعرا ماعندكم ليهو رقبه".......وكان قدرتو تحموا بس الخرطوم حنقول ليكم عفارم.......

انا عندي أحسن تشتتوا، قبل لا يفوت الفوات.


#668617 [مهاجر]
5.00/5 (2 صوت)

05-18-2013 04:44 PM
أضاعوني أضاعوني وأي فتى أضاعوا *** ليوم كريهة وسداد ثغر
التوقيع : ضابط محال للصالح العام


#668549 [khalidmur]
0.00/5 (0 صوت)

05-18-2013 03:53 PM
بالله الموضوع وصل لدرجة دى سبحان الله .الظلم ظلومات .تم تشريد اعظم وانبل واشجع الضباط والصف والجنود علي اساس عرقي جهوي اوغير منتمي لمؤتمركم تطبقتم سياسة الاحلال والابدال دون ان يرجف لكم جفن من شردتوهم يحملون ارفع الشهادات العسكرية وارفع الاوسمة والانواط من شجاعة الطبقة الاولي والثانية _الخدمة الطويلة الممتازة _الواجب_الجدار..ال اخره.مماتسبب في ضرر بليغ لم يدفع ثمنه اهل بيته بل حتي اسرته الممتدة نتيجة لتلك السياسة العرجاء حتي الرضيع وصحبه الصغار من انقطاع الضرع والانقطاع عن الدراسة حيث عانوا الجوع و المثقبة لقد افقدتوهم ابسط حقوق المواطنة ارتكبتم في حقهم كل هدا الجرم وبدون استحي تريدو ان يرجعوا لخدمنكم.ماهكدا تورد الابل.


#668538 [سكر]
0.00/5 (0 صوت)

05-18-2013 03:40 PM
اشتغلنا في الجيش وكنا مخلصين له أكثر من إخلاصي لزوجتي وأمي وأبي وطرتوني عشان مش كوز اسع عايزني ارجع يبقي السماء اقرب حاارجع بشرط واحد فقط عندما اجد الحاكم القدوة والأمين أما غير ذالك نهي مافي رجوع لأنكم كيزان ناكرين جميل وحرامية طلعتونا يد وراء ويد قدام وفي الآخر جينا أمريكا وبعدنا عن كل جميل في السودان بسببكم


ردود على سكر
[nagatabuzaid] 05-18-2013 07:24 PM
رجال والله من ظهر رجال طمنتونى الله يمنكم تعليقاتكم عجبتنى


#668535 [محمد علي]
0.00/5 (0 صوت)

05-18-2013 03:39 PM
من الافضل للثوره اجابة النداء حتى نتمكن من اسقاط النظام


#668520 [IZZ]
4.38/5 (4 صوت)

05-18-2013 03:29 PM
صدقني مابقدر (أعود)
من بدري خليتك انا
نسيت عشرة كم سنة
ماانت ضيعت الهنا
وكل السعادة العندنا
كتبت لي (خدمتنا)الفنا
وبقت النهاية المحزنة(احتلال ابو كرشولا)
اعذرني مابقدر (اعود)


ردود على IZZ
[nagatabuzaid] 05-18-2013 07:25 PM
اعزك الله يا عز


#668516 [Rebel]
5.00/5 (1 صوت)

05-18-2013 03:22 PM
* و الله ظلم.. الليله ظلم..يا ناس القول ده علينا ظلم..( شيلوا معاي الغنيه دى)


* آآآه..يا زمن... وريتنا عجيب ما كان على بال!!!


#668505 [أب قيردون]
5.00/5 (1 صوت)

05-18-2013 03:08 PM
دايرين ترجعونا تاني للخدمة؟

يا حليلكم يا النايمين على حيلكم,


لقد فاتكم القطار ..


ردود على أب قيردون
[nagatabuzaid] 05-18-2013 07:28 PM
ديل نايمين قفا نوما عميقا تسلمو يا رجال السودان فوقوهم او خلوهم ينوموا منكفين على وشهم يقلب لونهم


#668500 [ابو كلام ساكت ساي]
5.00/5 (1 صوت)

05-18-2013 03:03 PM
الجيش وينو البقي كله ملكية وكان اكبر خدعة استلمتوا بيها السلطة في انقلابكم المشؤوم لبستوا الملكيه الجبهجية ملابس القوات المسلحة وعملتوا بيهم الانقلاب ز ومن ديك وعييييك ..وهاك يا رفد ..وهاك يا صالح عام ...لكل الشرفاء بالقوات المسلحه ...وحل محلهم المنظمون الذين ينتمون الي كيانكم البغيض ...وظننتم ...وظنكم ظن السؤ ....انها قد دنت لكم ...وتمكنتم خير تمكين...وادخلتم البلهاء..الذين يدينون لكم بالولاء بالرتب المختلفة .دون مرعاة للاقدمية والرتب ..فصار الرائد المؤدلج يعطي اوامر للواء ..دون ادني اعتبار للشرف العسكري .....فاختلط الحابل بالنابل ....فبعد كل هذه المهازل وسؤ الادارة في الجيش عايزين تقنعونا ان هناك شخص عاقل يتمني الانتساب لهذه المهزلة سبحان الله .....زز


ردود على ابو كلام ساكت ساي
European Union [Mohamed] 05-19-2013 05:18 PM
لقد فعلت الإنقاذ من الموبقات مالم يسبقها اليه أحد خاصة في تشريد وتطفيش وإهانة ضباط وجنود القوات المسلحة ، بواسطة سياسات الصالح العام والعزل من الخدمة تارة، ولأسباب عنصرية وجهوية تارة أخري! كما نجحت في قتل وسحل الضباط والجنود، تارة بواسطة الإعدامات الجزافية ودون محاكمة كحادث انقلاب رمضان، أو الإعدامات المشبوهة عن طريق الزج بالضباط والجنود في مقالب / معارك بدون عتاد أو سلاح!! المهم النتيجة واحدة، فقد طفش الكل، والآن جاءت الفكرة بعد انقضاء السكرة كما يقول المثل!!

لكن هيهات، شيلوا شيلتكم وأمشوا جاهدوا وموتوا وبس، مع بشرياتنا في بلوغ الجنة والحور العين واللغف لو قدرتوا، عشان نرتاح منكم وترتاحوا مننا!!


#668468 [alsudani]
5.00/5 (1 صوت)

05-18-2013 02:23 PM
الناس البيصرفوا 70 % من ميزانية الدولة
راحوا وين ؟؟؟ ...وديتوهم حلايب ؟؟ الفشقة؟؟
طيب مشو يدقوا اولاد الجامعة الأهلية ؟؟؟؟


#668467 [القعقاع السودانى]
5.00/5 (1 صوت)

05-18-2013 02:22 PM
سبحان الذى لايغفل ول ينوم يا عمر حسن الم يوصيك جعفر نميرى قاليك ابقى عشره على اخوانك فسلمت الجيش للحزب يفعل به كيف يشاء فقتل من قتل وعذن من عذب فى بيوت الاشباح وحاكم بمحاكم صوريه وعزل وطرد من الخدمه من طرد من اكفأضباط الجيش و سلط الله على الجيش السودانى ضابط نكره مثلك ثم كانت الطامه الكبرى عندما اصبح نافع مسؤلا عن الجيش والامن واطلق نظرياته الفاشله فى الجيش السودانى الفضل فأدخل نظرية الضباط المنظمين فأصبح الملازم يكتب تقرير عن العقيد والعميد واللواء فيحالوا للتقاعد بتقرير ملازم لم يبلغ الحلم فى العسكريه بعد الاننننننننننننننننننن ياأيها الطرطور اعوز بالله من التشبه باليهودولكن نقتبس مقولتهم (اذهب انت وحزبك فقاتلا انا هاهنا قاعدون)!!!!!!!


#668453 [هدهد]
5.00/5 (2 صوت)

05-18-2013 02:09 PM
يا ضايقين حلوهتا ضوقوا مرها ..... قال خدمة وبالمشاهرة يعنى يجو عشان يموتوا وكمان بالمشارة وانتم جالسين فى قصوركم تستمتعون بالنساء مثنى وثلاث وتأكلون ما تشتهى انفسكم من خيرات هذا الوطن وعايزين الناس يموتوا ليكم !!!!!!!! ن اجل شنو ومن اجل من يقاتل هؤلاء الجنود المساكين ..... مافى تانى واحد مغفل بمشى يحارب ليكم وانتم جالسين ربع قرن فى هذه القصور وتحت الكيفات وسط حريمكم وعشيقاتكم ايها الخنازير . اذهبوا وقاتلوا بانفسكم واحموا عرشكم بنفسكم فقد تكشفت عوراتكم وبانت سوءاتكم ايها الطغاة الاشرار الخاسئين .يلا عايزين كتيبة يقودهاى واليكم الثمين المدوعل وصاحبه مامون حميدة سمسار الطب والعلم .


#668433 [ابولو]
0.00/5 (0 صوت)

05-18-2013 01:58 PM
لا


#668429 [سودانى]
4.50/5 (3 صوت)

05-18-2013 01:54 PM
ننصح الحكومة بارسال كل الوزراء والعاملين بالولاء للموتمر الوطنى الى الحرب فاذا انتصروا استحقوا المرتبات واذا ماتوا ارتاح الشعب السودانى من فشلهم وارتاح الموتمر الوطنى من رواتبهم


ردود على سودانى
[nagatabuzaid] 05-18-2013 07:32 PM
انت تمام فكرك يوزن كل شرزمة الانقاذ بل يوزن بلد


#668428 [عبد الله الشقليني]
3.00/5 (1 صوت)

05-18-2013 01:53 PM
أشرار سادوا أربعة وعشرين عاماً . طالت أعمارهم ، فالأشقياء لهم من العمر المديد بسطة وسعة من غير دروب الفلاح و الرشاد والفضيلة .هناك أزمة حقيقية تدور هذه الأيام في بلادنا . السلطة تعيش حياة غريبة .خلاف بين أهلها السارقين وبين آلة الدولة قيد التدمير .فالأشرار لم يستطيعوا أن يتعرفوا على متعتها رغم العُمر الطويل ورغم السنوات العجاف . ولم تستطع السلطة أن تتعود على هؤلاء الأشرار وتعتاد غلظتهم ، لذا كان لها أن تبحث عن سرير آخر أو رفيق لتنام بجواره وتستريح من المكابدة.
قالوا لهم: إِنَّ النَّاسَ قَدْ جَمَعُواْ لَكُمْ .وَجِلت قلوبهم خوفاً وفزعاً .وصدق فيهم قول الشاعر طرفة بن العبد:

سَتُبْدِي لَكَ الأيَّامُ مَا كُنْتَ جَاهِـلاً .. ويَأْتِيْـكَ بِالأَخْبَـارِ مَنْ لَمْ تُـزَوِّدِ
وَيَأْتِيْـكَ بِالأَخْبَارِ مَنْ لَمْ تَبِعْ لَـه .. بَتَـاتاً وَلَمْ تَضْرِبْ لَهُ وَقْتَ مَوْعِـدِ


#668414 [RBG]
0.00/5 (0 صوت)

05-18-2013 01:44 PM
قال مشاهرة قال .. ميتة و خراب ديار و خالي حقوق .. تلقاها عند غافل و شوف ليكم مرتزقة من مالي


#668410 [انصاري]
0.00/5 (0 صوت)

05-18-2013 01:39 PM
**** مافي باليومية..." بعدين دي لمن أموت الحورية عرسا عرفي وله مسيار" ...

شعبنا يمكن يمهل يوم
ومش عل طول
وما حيطول
أهى الخرطوم صاحية تصحي
ما بتنوم
تغلي نجوم
تغلى هموم
ريح وسموم
وكل حقيقة المبدأ
إرادة الشعب
إرادة الشعب
لا تهدى
ومنها ننتهي ونبدأ (محجوب شريف)
_____________________

***ما قلتوا حوبةوقلتوا نوبة!!!؟؟

ديل أنحن القلتوا متنا وقلتوا فتنا ,وقلتوا للناس مافي تاني


#668407 [Mohd]
0.00/5 (0 صوت)

05-18-2013 01:36 PM
الجنود النظاميين تسللوا إلى مناطق التعدين الأهلي، قائلين في غشيم بجيكم تاني،...

كما يقول المثل "مافي دواس بدون غبينة"...


ردود على Mohd
United States [Rebel] 05-18-2013 04:53 PM
* يا راجل! عليك امان الله الجنود بي ضباطهم تسللوا للجبهة الثوريه عدل!! بس الزول هورموناته الأنثويه عاليه شويه. يعنى خجل وكدا..ما قدر اقول الكلام ده , وقال مشو الدهب! طبعا" إنت حصيف و بتعرف انه البنات ما فى حاجه فى خشومهم غير الدهب. مشو الدهب الحلو..


#668404 [الموجوعة]
5.00/5 (1 صوت)

05-18-2013 01:33 PM
وين اولاد طه واولاد نافع واولاد عبدالرحمن و كل اولاد المؤتمر الفي خارج الوطن من شرم الشيخ الى ماليزيا ليه السودان دا المتمتعين بخيراتو منو مش هم. و كان عمر ما عندو. اولاد وداد ماشاءالله عليها عندها اولاد بيسدو الخانة ولا كيف . المهم نشوفهم قدامنا في الاول بعدين تعالو لاولاد الغلابة.يعني في الباردة برانا و في الحارة انتو معانا.بس انتو و الجبهة وراكم .


#668402 [Asmar]
5.00/5 (2 صوت)

05-18-2013 01:32 PM
عرفتم ان الموت قادم وعاوزين تقتلوا اولاد الناس فطايس

اين نافع واولاده الملظلظين
اين البشير واخوانه التجار واولاد وداد
اين علماء السؤ وابنائهم من مثنى وثلاث و رباع و عرفي و سنى وشيعى ولزوم اللحظة


#668391 [mani]
4.00/5 (3 صوت)

05-18-2013 01:13 PM
ياهو الفضل ! ان تعمل طلبة(عامل) باليومية ماقلنا شئ
ان تعمل عامل داخل منشأة او مؤسسة حكومية بالمشاهرة عادى
لكن ان تكون عسكريا باليومية او المشاهرة فهذه من ابداعات زمن الغفلة والضياع والاحن والمحن وعصابة تجار الدين


آل عسكرى بالمشاهرة آآآل



انا شخصيا لو اديتونى ضابط بالمشاهرة ماعندى مانع ؟؟؟ اليس المدنيين بيكونو ضباط والله انا بر الشبكة


#668388 [محمد حسن احمد]
5.00/5 (4 صوت)

05-18-2013 01:13 PM
نداء لكل الشرفاء لأحرار من مواطني الشعب السوداني

على كل الشرفاء من ضباط وضباط صف وجنود القوات النظامية في الشرطة والجيش الذين شردهم النظام تحت ستار سياسة التمكين وعلى كل الطلاب الذين تدربوا قسراً في دورات عزة السودان من اجل الزج بهم في محارق حروب النظام العنصرية وعلى كل الشرفاء من قيادات وموظفي وعمال الخدمة لمدنية الذين تم إدخالهم معسكرات الدفاع الشعبي مكرهين بغرض تشريدهم من وظائفهم إذا ما رفضوا وإزلالهم وكسر أنفتهم إذا ما إستجابوا فعليهم جميعاً ان يستعدوا في كل المدن والأرياف وخاصة في العاصمة ومناطق التماس في الابيض والرهد وأم روابة والدمازين ومدن دارفور الفاشر ونيالا والضعين وبابنوسة وكل القرى للانضمام إلى جحافل قوات الجبهة الثورية والإستعداد للإنقضاض على ميلشيات النظام والعمل على تتبعها وكشف مخابئها للقضاء عليهم جميعا
الآن قدحان وقت القصاص ورد مظالم هذا النظام البغيض نظام العمالة والارتزاق النظام الذي باع كل مقدرات البلاد وثروتها وقبل بتفتيتها وتقسيمها طمعاً في الاستمرارية على كرسي السلطة آن الأوان لرد الصاع صاعين فقد حانت ساعة الخلاص فعلى كل الشرفاء الأحرار ان يهبوا للقضاء على هذا النظام كل يساعد بما يستطيع تقديمه من عون ومساعدة كل في مجاله فالتتضافر الجهود لنحقق سودان جديد سودان يسع الجميع سودان العزة والكرامة وليس سودان الزل والهوان والفرقة والشتات والعنصرية


#668384 [دوشكا]
4.75/5 (5 صوت)

05-18-2013 01:04 PM
السادة الافاضل ديل قولوا ليهم كان زمان
ما قدموا حكومة الموتمر الوطني دعوة لقوات الدفاع الشعبي عشان تجي تبلغ الجو بلغو منهم 37 فرد وين ناس المعسكرات المفتوحة والمقفولة والموالين وهلمجرا ..
القروش الخسروها في الدفاع الشعبي لو خسروا نصها في القوات المسحلة كان الشعب السوداني كلوا دخل الجيش بمحض إرادتو لا خدمة وطنية ولا وسك سك في الشوارع ولا كلام فارغ.
يا أخوان دي قيادة الدفاع الشعبي لمن أنشاءوها كانت منظرها أفضل من وزارة الدفاع الوطني . ومجند الدفاع الشعبي بياخد مخصصات أفضل من واحد يحمل رتبة مساعد في القوات المسلحة بي ياتو فهم أنا برجع القوات المسلحة وكنت بشوف واحد مجند بياخد أعلى من مساعد في الجيش طبعاً دا غير أمير درجة أولى وخليفة درجة أيه والله الله لا غز فيكم بركة يا كيزان جبتو العجب .. لكن نحن اخوانا وصحبانا واولاد حلتنا عساكر وماتو في الحرب عاوزين نشوف الكيزان العملوا كروش و حاجات تاني حايمشوا ياحاربوا ولا ينتظرو العدو يجيهم في بيوتهم لانو لو العدو جاهم نحن حانجي معاهو ناخد حقنا لا بنعرف صغير ولا كبير ولا كوز قديم ولا كوز جديد ..
وحقوا قيادات القوات المسلحة تختشي شوية لانو الإعلانات دي ما جميلها في حقها ولا في حق الجنود المنسبين ليها. الحاجة البنعرفها انو الجنود في حالات الحرب والتعبئة بيجوا براهم لانو عندهم وطنية وعزة وكرامة وشهامة لكن الزمن دا حكومة الكيزان مسحت الكلام دا بي ممحاة قلم رصاص من عقولنا. وبقينا نفرز كويس والكلام دا ما بيدخل رأس طفل (زمان شبكو الناس الحور العين والجنة والدبابين وووووووو) الجنة عاوزين تورونا ليها أنتو يا أشباه الرجال.
لنا الله ورحم الله موتانا وموتى المسلمين
خلونا نشوف الكيزان حا يعملوا شنو
وحقو القوات المسلحة والقائمين على أمرها يكونوا قدر المسئولية الملقأة على عاتقهم في حفظ ماء وجة الجيش السوداني إن كان هنالك جيش من الأصل.


#668370 [محمد خليل]
5.00/5 (8 صوت)

05-18-2013 12:53 PM
لما الحكاية سخنت عايزين الجنود السابقين تودوهم مناطق العمليات عشان يموتوا و أنتو يا مؤتمرجية و أولادكم آخر ترطيبة و زواج مثنى و ثلاث و رباع؟ ليه ما تمشوا انتو و أولادكم تقاتلوا حفاظا على الأموال التي نهبتوها طيلة 24 عام، الحق يقال أنتم يا ناس المؤتمر الوطنى المستفيدين الوحيدين طيلة عمر الانقاذ و الآن عليكم دفع الثمن حفاظا على مصالحكم، الشعب السوداني لم يستفيد أي شئ منذ استيلائكم على السلطة، محروم من العلاج الطبى المجانى، محروم من التعليم المجانى لم تهتموا يوما بمعاناة الشعب المفلوب على أمره و لم تشفقوا عليه، و أرهقتموه بالجبايات و الاتاوات حتي ست الشاي لم تسلم من أتاواتكم و جباياتكم، بالله عليكم كيف سمحت لكم مروءتكم أن تطالبوا ست الشاي بدفع أتاوة و جباية، لقد شاهدت بأم عينى أحد موظفيكم يهجم بكل غلظة و جلافة على ست شاي مسكينة فى السوق العربي و حطم معدات الشاي و سكب الشاي و الماء على كانون النار و حتي يومى هذا لا أدري لماذا هجم الموظف الغليط بتلك الغلظة و الجلافة على معدات تلك المسكينة و حطمها، و ست الشاي المسكينة قد تكون ساعية فى طلب الرزق الحلال لاطفال أيتام أو أبوين كبيرين سعت لرزق حلال تكفله لها جميع الشرائع و الأعراف فلماذا يتم الهجوم عليها و تحطيم معداتها، أين المروءة و الشهامة السودانية، و أين المشروع الحضاري المزعوم هل هو هذا الهجوم على هذه المسكينة التى اختارت طريق الحلال و لم تنحرف و لم تسعى لكسب الرزق من خلال طرق منحرفة، و ماذا يكون موقف هذه المسكينة عندما تري اطفالها يبكون من الجوع؟ أو تراهم يجلسون فى البيت لعدم تمكنها من سداد رسوم الدراسة لهم، أليس ذلك مدعاة لانحرافها؟ أتمنى أن تصحى ضمائركم (ان وجدت) و أن تشفقوا على هذا الشعب الذي ولاكم الله أمره فهو سائلكم عن رعيتكم لا محالة و قد زعم رئيس برلمانكم أحمد ابراهيم الطاهر بالأمس القريب فى مدينة الأبيض ان حزبكم فريد فى نوعة لأنه حزب آخرة و ليس حزب دنيا، و لكن كيف ينهب حزب الآخرة أموال الشعب حتي أضحى أفراد حزيكم جميعا من أثري الأثرياء و أنشأوا الشركات و المؤسسات؟ من أين لهم كل هذه الأموال ان لم يكن من النهب المصلح؟


#668367 [go home]
5.00/5 (3 صوت)

05-18-2013 12:50 PM
سبحانك يا رب عندما وقعوا على نيفاشا اول خطوة قاموا بها تسريح من اراد من الجيش ليخففوا الصرف لانهم مستخسرين فيهم ال 250 جنيه اليوم عندما سخن يقولوا تعالوا راجعين علشان نموتكم.السودان ده لمن؟


#668349 [ما قلتو نوبه]
5.00/5 (3 صوت)

05-18-2013 12:30 PM
تاني تجي!!!!!! شوفو غيرنا ولا جيبو مجاهدين من مالي


#668342 [ahmed mahmoud]
5.00/5 (1 صوت)

05-18-2013 12:20 PM
و الله أكبر مغفل البيرجع ليكم تاني أو يفكر ساكت انو يرجع هههههههههههه ما قلتو ـــــــــــة و الا شنو؟؟!!! وين ناسكم الكانو بيحلبوا معاكم ؟؟؟؟؟!!!!


#668337 [mansour]
5.00/5 (5 صوت)

05-18-2013 12:18 PM
وين الرباطه ولا بس فالحين في اولاد الجامعات العزل المسالمين خليهم يمشو يشوفوا الجهاد بالجد
وبعدين الجيش دا مايمشي وفالح بس لي حلاقه شعر الصبيان


#668334 [المتغرب الأبـدي]
5.00/5 (5 صوت)

05-18-2013 12:15 PM
بالمشاهرة يعني تشتغل أسبوع اسبوعين وتاخد حقك وتمشي وقت ما عايز تمشي ..
دا جيش ولا مرتزقة ؟؟


#668320 [Rio]
5.00/5 (3 صوت)

05-18-2013 12:05 PM
يعجبني الزمان حين يدور ..


#668313 [ابو الرشا]
5.00/5 (3 صوت)

05-18-2013 11:58 AM
واي واي ووااااااااااااااااااااااي خلاني براي


#668289 [معاويـــــــــــــــــــــــــــــــــــة]
5.00/5 (3 صوت)

05-18-2013 11:40 AM
عازين تقتلوهم وتانى تجو لمان تردوا عافيتكم ترفدوهم انتو ماقلتو عاوزين تعملوا جيش اسلامى جهادى يلا منتظرنكم على ابواب ابوكرشولا الدارة واسعة لكل من يريد المنازلة يلا يا بش بش اركز عازين تعيدوا الجنود طيب الضباط وين ومين اللى حيقود هؤلاء الجنود ناس الاغبش والمدرسين والاطباء الدخلتوهم بالجمب ديل ورفدتو الضباط المؤهلين خوفا من الانقلابات كيف فى جندى اصلا كان جندى والله ضابط صف خدم فى الجيش ايام الجيش كان جيش يرجع ليك هسع يا ابوريالة عشان يشتغل بامر الملكية ده الا واحد يكون عاوز يقتل نفسو براهو تفو عليكم يا واطين ما قلتوا البلد بنقدر نحميها ساعة الحمى جات يلا تعالو الميدان جاهز وزى ماقال عويركم الرقاص الدايرة بالقوة يجى اها الرجال جات خلى يترجل وينتظر بس ..........


#668284 [خطاي المزالق]
5.00/5 (2 صوت)

05-18-2013 11:37 AM
يا حليل الجيش زمن كان قادته توفيق ابو كدوك وعبد الماجد حامد خليل واسماء الرجال الرنانة الواحد اسمو بس يدخل الرعب في القلوب هسه تعال شوف ناس اللواء " مجدي ابراهيم " قال قائد الفرقة السابعة مشاة قال .. انت تمشي ومعاك شوية صبيان تعملوا ليكم فرقة تغنوا والعداد اكيد ح يكون احسن من راتب الجيش لأنو ناس عبدالرحيم وبكري وخلافهم ما خلو ليكم حاجة


ردود على خطاي المزالق
[السودانى المندهش] 05-18-2013 06:52 PM
يعنى يا أخى خيش قائده العام عبد الرحيم ابو رياله وقائده الاعلى عمر بشكير داير ضباطه يكونوا ناس منو هههههههههههههااااااااا


#668283 [الطيب]
5.00/5 (2 صوت)

05-18-2013 11:37 AM
اول حاجة ،، وين حقهم خلال كم سنة بعد الصالح العاًم ،؟ وعلي صالح من راجعين للخدمة ؟ oh am very sorry ولا جنة جاء قريب زمان في الجنوب الآن في كر (،) ً ،،، سؤال أم رواية دا ما فيها روووووووووووووب ؟


#668275 [karlos]
5.00/5 (5 صوت)

05-18-2013 11:29 AM
كتيبة شرم الشيخ بقيادة محمد نافع الى مناطق العمليات

الله اكبر


#668272 [اللهم ألعن الانقاذ لعنا كبيرا]
5.00/5 (5 صوت)

05-18-2013 11:26 AM
كتمت وكنت اظنها لا تكتم ...وين كتائب المجاهدين الهدد بيها الرقاص المتظاههرين شذاذ الافاق ولى ديل صغار علي رجال الجبهه الثوريه..اسد علي وفي الحروب تيس


#668248 [سهل بابكر]
5.00/5 (2 صوت)

05-18-2013 11:09 AM
اذهبوا انتم ومن انتفع منكم قاتلوا إنا ها هنا قاعدون


#668238 [الطريفي]
5.00/5 (4 صوت)

05-18-2013 10:59 AM
خخخخخخخ وين مليشيات الحركة الاسلاميةالامنية التي اكلت خيرات البلد لا كثر من عشروووون عاما


#668235 [مكاجر]
4.88/5 (5 صوت)

05-18-2013 10:55 AM
كدي نجي نشوف الحاصل شنو

اذا عملتو الشهر بي مرتب لايقل عن الـــ 2000 دولار بنرجع
والا فمافي داعي للموت في الفاضي ساي (موت الضان)




قال بالمشاهره قال

التوقيع : الناكر الرسمي سابقا


#668220 [اشقى و مجنون]
5.00/5 (9 صوت)

05-18-2013 10:44 AM
الشعب السوداني بهدي للجيش اغنية شكرالله

روح تاني تحلم بي حلم انا قلبي منك ما سلم


#668217 [Petro]
5.00/5 (7 صوت)

05-18-2013 10:43 AM
دي ما شحدة عديل كدة !! يبقي مغفل البجيكم وستسقط الرهد والابيض خلال اليومين القادمين


ردود على Petro
United States [محمد علي] 05-18-2013 03:37 PM
فليسقط كله شيء حتى النبق


#668215 [كرار]
3.88/5 (9 صوت)

05-18-2013 10:41 AM
ههههههههههههههههههههههه
أولاد الهرمه عاوزين تشتروا حطب جاهر للحرق؟
امال وين راحت ال 70% من ميزانية الدوله المخصصه للامن حتى يهرب منكم الجيش للتعدين؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة