الأخبار
منوعات سودانية
فنانات (أغاني وأغاني) : الفرصة متروكـــــة لغيرنا!
 فنانات (أغاني وأغاني) : الفرصة متروكـــــة لغيرنا!


مدير أعمال ريماز ميرغني : ريماز لم تبعد وحدها
05-20-2013 05:55 AM

الخرطوم: علاء موسى:
يعتبر برنامج (أغاني وأغاني) من البرامج التي حُظيت باهتمام واسع في السنوات الماضية في السودان، حيث يترقبه الجمهور قبل قدوم شهر رمضان بفارغ الصبر.. وبعد أن يعود الشاعر السر قدور من القاهرة وينخرط في الإعداد للبرنامج حتى يظهر بشكل افضل مما كان عليه في السنة الماضية.. حيث قرروا التخلي عن بعض الفنانين ومده بدماء أخرى، وهذا ما ادى الى انتشار شائعات بإبعاد عدد كبير من المطربين الشباب والاساسيين في البرنامج..

(الرأي العام) لتقف على حقيقة الأمر اتصلت بالفنانة رماز ميرغني المغنية الشابة مستفسرة عن سبب إبعادها، حيث أكد مدير أعمالها أن الإبعاد طال معظم الفنانين في البرنامج وليس رماز وحدها, من اجل إفساح المجال لوجوه جديدة من الفنانين ومحاربة الرتابة في البرنامج بعد ان تكررت نفس الوجوه في السنوات الست الماضية مما جعل مدير البرنامج يعمل على إضفاء دماء شابة تسهم في عودة عدد من الجماهير الذين تركوا مشاهدة البرنامج في العام الماضي, وأضاف أن الفنانة رماز لديها برنامج في قناة النيل الأزرق لم نعلنه حتى الآن لوسائل الإعلام، وسوف يتم بثه في شهر رمضان ونحن الآن بصدد التنسيق مع ادارة القناة. وأكد عدد من أن إبعاد الفنانين من البرنامج فكرة جيدة لكنها غير موفقة لأن عدداً كبيراً من مستمعيهم ومعجبيهم سوف يتركون البرنامج, إضافة الى رحيل الفنان محمود عبد العزيز (الحوت) والفنان الخلوق نادر خضر, وهذا سوف يؤثر على مشاهدة البرنامج وسط شرائح الشباب تحديداً لأن الفنانيْن ? أي محمود ونادر - لهما شعبية كبيرة جداً داخل الوسط الفني وغيابهما سوف يكون له تأثير في البرنامج.
من جانب آخر، ذهب عدد من الشباب الى ان البرنامج في هذا العام لن يحقق نسبة مشاهدة كبيرة للتغيير وإبعاد بعض الفنانين الذين اعتادوا عليهم وهذا سوف يجعلهم يتركون البرنامج من غير رجعة.

الراي العام


تعليقات 19 | إهداء 0 | زيارات 9785

التعليقات
#671092 [الظل الظليل]
5.00/5 (1 صوت)

05-20-2013 09:53 PM
هم تاني زاتو الا كان يغنو راب


#670988 [ودهارون]
5.00/5 (1 صوت)

05-20-2013 07:36 PM
انا غايتو لو ما ابعدو شريف الفحيل ما بشاهد البرنامج ده ده ما عندو علاقة بالفن اساسا ولو ما البرنامج ده ما كان في زول سمع عنه لا صوت لا اغاني خاصة بس فلسفة علي الفاضي


ردود على ودهارون
United States [الفنجري] 05-21-2013 12:04 AM
ختفتها من خشمي


#670982 [Tarig]
5.00/5 (2 صوت)

05-20-2013 07:28 PM
بس لو ابعدوا افراح عصام البرنامج حيكون مسيخ لانها بتطعموا لينا


#670981 [الموجوعة]
5.00/5 (1 صوت)

05-20-2013 07:28 PM
اولاً :انا احترم اغانينا السودانية كثيراً لما تحتويه من كلمات ومعاني و الحان .واستمعت للكثير من الفنانين و الفنانات .خاصة اللذين تخرجو من برنامج نجوم الغد واخص هنا الفنانات الشابات الصغيرات في العمر او من هن في بدايات التجربةالفنية دون فرق .ف بصراحة اسمع الصوت جميل ولكنني افتقد كلمات الاغنية بالذات في مخارج الحروف .مثلا الفنانة الجميلة اسرار بابكر اهم ما يميزها نطقها للكلمات وطريقة غنائها فهي بتجعل المستمع اسير لسماعها. ثانياً:اهتمام الفنانة بمظهرها هذا حقها.ولكن الافراط الشديد في هذا الاهتمام يؤدي الي البشاعة لان الوحدة بتجي وتقدم نفسها بشكل وبتتخرج بشكل وتلقاها في اغاني واغاني بشكل مختلفة مما يثير تساؤل الناس (دي منو؟ او عليك الله عاين اتغيرت بقت كيف او شوفو لونها)و العديد العديد من التساؤلات.فلا بد من توعية لهن ابتداءً من البيت من الام والاب لان احترام الذات و اللون والشكل هو احترام لله والرضى بخلقه لنا. بمعنى الواحد تهتم بنفسها بس بشكل مقبول . ثالثاً:المساحيق الزايدة عن اللازم بالذات الالوان الفاقعة لوزومها شنو؟ .مهما فتحنا لونا بالكريمات برضو احنا بكلامنا لسع خضر لان تركيبنا دا كدا من الخالق عز وجل .ف كما للبشره درجات الخوجات عملوا للمساحيق درجات احنا بالذات .كل درجات البني .كل درجات اللون البرونزي (وهو ما يسمي بالميكياج اللبناني )لان طبيعة بشرتهم غامقة.اما الالوان الشديدة دي بتجعل مننا اضحوكة .فنصيحتي الاستعمال المتوازن جميل . رابعاً:لازم نعتز بهويتنا كسودانيين.بقبايلنا وبلونا واشكالنا وملامحنا ولهجاتنا وعاداتنا وتقالدنا .


#670901 [omar]
0.00/5 (0 صوت)

05-20-2013 05:51 PM
مدير أعمال full time!!!!!!! يا معلم انت اتاريك ما شغال...الواحد يبكون محتاج ذي 120 ريماز عشان يكون عندو شغل...دا لو الواحدة بيجيها تلفون واحد في الشهر


#670844 [ema]
0.00/5 (0 صوت)

05-20-2013 04:23 PM
المهم فرفور وعاصم البنا وعصام غيروهم ولا لا وكمان الفحيل
...ديل لازم يغيروهم كرهونا


ردود على ema
United States [Abu Al khair] 05-21-2013 03:49 AM
فرفور دا حكاية
طبعا المنافق صار جبهة ويطلع في المظاهرات ويؤيد النظام


#670736 [ابولو]
2.00/5 (1 صوت)

05-20-2013 02:42 PM
؟؟؟؟؟!!!!! !


ردود على ابولو
[العوض] 05-20-2013 07:22 PM
صدق ياابولو انا ذاتي قلت كدا


#670595 [عامر]
5.00/5 (1 صوت)

05-20-2013 12:58 PM
يا جماعة ده فن عادى

واحد يجى يدينا محاضرة فى حرمة الغناء

واحد عندو مشكلة مع شكل البنات هى فنانة أكتر من كده شنو ، بعدين انت بتسمع ليها و لا داير تعرسها

واحد عندو راى فى قدور نفسه زى المغصوب على مشاهدة البرنامج

تعليقات غريبة

هو فقط برنامج غنائى له مشاهدة كبيرة و حقق نجاح كبير فى السنوات السابقة

و كل المغنيين الذين مروا بالبرنامج لهم شعبية كبيرة وسط الشباب بشكل خاص : عصام محمد نور ، نادر، حوتة ، فرفور ، طه ، شريف ، رماز ، منار ، صباح و غيرهم غير الفنانين الكبار الذين شاركوا فى أحد الأعوام منهم : ود البادية ، الفرجونى ، شرحبيل ، و غير الفنانين و الشعراء و الملحنين الذين تم التوثيق لهم بحضورهم و هذا يشمل 90% ممن عاصروا البرنامج أحياء

الغناء السودانى ظل من عناصر الوحدة الوطنية السودانية و لم يزل كذلك مثله مثل كرة القدم و جامعة الخرطوم و غيرها لذا لزم تنبيه الناس للتركيز على ما يجمعنا لا على ما يفرقنا

المغنيات يجب التركيز على فنهن و ليست على أشكالهن

ثم أن هذا هو السائد فى الشارع كل الفتيات يلبسن لبس لا يعجبنا و يضربوا وجوههن ( بهية ) و هو نتاج تدهور أخلاقى له الكثير من الاسباب مثل عدم وجود رقابة فى المنزل و كذلك الفقر و المرض و الجهل و الحروب المنتشرة فى ربوع السودان والتى أفقدت جزء من أبناء السودان لمنازلهم و ممتلكاتهم و مصادر رزقهم .


#670548 [صلاح بليلو]
5.00/5 (2 صوت)

05-20-2013 12:28 PM
اخوتي مسؤلي المشروع الحضاري شهر رمضان شهر تقرب الي الله بصالح العمل وفرصة للتوبه والانابه الي الله ورد من الايات والاحاديث الكثير للحث علي مضاعفة الطاعات فكيف بربكم يحول الي مهرجان من الابتذال وكالي كل ما يصرف عن الطاعة ؟


#670499 [سودانى حر]
0.00/5 (0 صوت)

05-20-2013 11:40 AM
المعاها دى منى؟؟؟؟؟؟؟؟؟


ردود على سودانى حر
United States [هبهانة] 05-21-2013 02:43 PM
اسمها منار الصديق

United States [الطيب ادم رحمة اللة] 05-21-2013 12:09 PM
منار صديق

[بت ام روابة] 05-20-2013 05:14 PM
نسيت اسمها لكن غناية شديد وصوتها احلى منهن كلهن 000صوتها يشبه صوت عاشة الفلاتية واداءها متميز 000ياربى تذكرنى اسمها


#670412 [عطيطو الاسوانى]
3.00/5 (2 صوت)

05-20-2013 10:20 AM
التجديد مطلوب فى كل شى .


#670399 [الشايل المنقة]
5.00/5 (2 صوت)

05-20-2013 10:10 AM
...بصراحة الفانيين القدامى اصواتهم كانت قوية ونفسهم طويل ,لانو معظمهم دخل الخلوة او الكتاب ودرس وحفظ القرآن او جزء منه,لانو تلاوة القرآن بتصلح الحبال الصوتية ,عندك كرومة وسرور , وردى والمصطفى وابو داوود سيد خليفة ,وعشة الفلاتية وام كلتوم ,فيا بنات احفظن القرآن من اول الكتاب ما من وراء سورة الناس والاخلاص,,السور الكبيرة كبيرة مع التجويد,وصوتكن ح يبقى زى القنبلة ,,لكن مع الحفظ والتدبر ما اظن تغنن تانى وهو المطلوب..!!


#670315 [فيصل احمد عمر (الرياض)]
0.00/5 (0 صوت)

05-20-2013 09:15 AM
109 ] باب ما جاء في آلة اللهو

3558 - ( عن عبد الرحمن بن غنم قال : حدثني أبو عامر أو أبو مالك الأشعري سمع النبي - صلى الله عليه وسلم - يقول : { ليكونن من أمتي قوم يستحلون الحر والحرير والخمر والمعازف } أخرجه البخاري وفي لفظ : { ليشربن ناس من أمتي الخمر يسمونها بغير اسمها يعزف على رءوسهم بالمعازف والمغنيات يخسف الله بهم الأرض ويجعل منهم القردة والخنازير } رواه ابن ماجه ، وقال عن أبي مالك الأشعري ولم يشك والمعازف : الملاهي ، قاله الجوهري وغيره ) .

3559 - ( وعن نافع : { أن ابن عمر سمع صوت زمارة راع ، فوضع أصبعيه في أذنيه وعدل راحلته عن الطريق وهو يقول : يا نافع أتسمع ؟ فأقول : نعم ، فيمضي حتى قلت : لا ، فرفع يده وعدل راحلته إلى الطريق وقال : رأيت رسول الله - صلى الله عليه وسلم - سمع زمارة راع فصنع مثل هذا } رواه أحمد وأبو داود وابن ماجه ) .


#670276 [حسكو]
4.50/5 (2 صوت)

05-20-2013 08:51 AM
كلامك صاح الوسط الفنى بقى عندنا فى السودان اوسخ شى كلهن فاسدات قالت ريماز هى منو وبت متين عشان تقول ديل دايرات قروش بس النهار كلو فى الكوفير ديل فاسدات بنات شوارع ماعندهن اهل كلهن بقن موتمر وطنى ديل مشترنهن ناس الموتمر الوطنى والعبو بيهن فاسدات


ردود على حسكو
United States [المديدة حرقتنى] 05-20-2013 01:22 PM
اتق الله فى بنات الناس
هذا قذف صريح .. استغفر ربك


#670266 [شيكو]
5.00/5 (2 صوت)

05-20-2013 08:47 AM
علي فكره محمود عبدالعزيز ظهر مره واحدة في اغاني واغاني وكان مصدر تنفير للجميع


ردود على شيكو
United States [الفنجري] 05-21-2013 12:07 AM
كلامك صاح وبالزات في رمضان 2010 كان تعبان وغنى اغنية واحدة تمام بتعاة الخالدي

United States [حواتي] 05-20-2013 10:33 PM
مصدر تنفير للجميع؟؟؟ يالله جمهورو بتاع نادي الضباط ونادي التنس وحتي الناس الشيعتو كانو مؤجرين ولي شنو؟؟ ربنا يرحمك ويغفر ليك يازول ياطيب للاخر

United States [انين الصمت] 05-20-2013 10:05 AM
اولا الله يرحم محمو عبد العزيز فهو فنان بحق وهوانسان بكل ما تحمل الكلمة من معني انته بتقول انو محمود نفر الناس من البرنامج وشهادتي لا تحتاج لادله يكفي الجمهور الذي راه كل السودانين لتعلمو ان محمود في قلوبنا انسان حقيقي يسكن اعماقنا احترم موته علي الاقل ولا تتكلم عنه بالسوء


#670217 [Abdullah]
5.00/5 (1 صوت)

05-20-2013 08:09 AM
احسن حاجه ابعد رماز دي مابتعرف تغني ولا عندها اي امكانيات صوتية احمدي الله يا رماز انه شاتوك


#670145 [Sudanese forever]
0.00/5 (0 صوت)

05-20-2013 06:35 AM
فكرة جيدة لكنها غير موفقة
No comment!


#670143 [سايكو]
4.22/5 (8 صوت)

05-20-2013 06:33 AM
ربنا ريحنا منكم وشوشكم الزي حله المحشي اسود و اخضر واحمر
عقبال ما نرتاح من البرنامج زتاه و من الثقيل السر قدور
بلا اغأني بلا قرف معاكم اي حاجه مدخلين فيها الواسطات و المحسوبيات
بعدين رماز دي تطلع شنو عشأن يكون عندها مدير اعمال !!
و كيف يضربو ليها و يرد مدير اعمالها ؟
تلقاهو واحد عاطل ما عنده شغله


ردود على سايكو
United States [المطوع] 05-20-2013 09:52 AM
آمين .
حكاية الوشوش الملونة دي لزوم الكوزنة العصرية ..
برضو أمين
الواسطات والمحسوبيات لازم كل الامور تسير في طريق تنفيذ المشروع الحضاري
مدير اعمال رماز دا واحد كوز عاطل دقس رماز وقال ليها بحكم الخبرة والعلاقات الواسعة انا حا طلعلك القمر وحا تكوني فنانة 2014 وخليفة الحوت كمان ... والتمن بس لازم ...... اتزوجك سر
وطبعاً المشاورات ما زالت جارية حتى كتابة الخبر ... والله يكفينا شر ت.... الكيزان...

[الصلحابي] 05-20-2013 09:04 AM
يا سايكواي واحد بيغني في اليومين دول لازم يكون عنده مدير اعمال عشان العدادات والاتفاقايات وكده

[umarwa] 05-20-2013 08:27 AM
ههههههههه واااااااى من حلة المحشي. صدقته. الله يهدينا ويهديهم بس البوهيه والنفخه الكدابه دى بتوديهم في دهيه. انا دايما بقراء بس دى اول مره اعلق لانى موتته من الضحك من تعليقك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة