الأخبار
أخبار إقليمية
والي الخرطوم : كتائب المجاهدين وقوافل الدعم للصفوف الأمامية من أجل تحرير بلدة أبو كرشولا
والي الخرطوم : كتائب المجاهدين وقوافل الدعم للصفوف الأمامية من أجل تحرير بلدة أبو كرشولا
والي الخرطوم  :  كتائب المجاهدين وقوافل الدعم للصفوف الأمامية من أجل تحرير بلدة أبو كرشولا


وزير : نحن كأحزاب مستعدون للقتال إلى جانب القوات المسلحة والمجاهدين،
05-20-2013 01:01 PM
الخرطوم: علاء الدين موسى:

أعلن د. عبد الرحمن الخضر والي الخرطوم، أن كتائب المجاهدين وقوافل الدعم للصفوف الأمامية لن تتوقف حتى يتم تحرير أيِّ شبر من أرض الوطن.

وقال والي الخرطوم لدى مخاطبته احتفال وداع قافلة الجسد الواحد التي سيرها المؤتمر الوطني بالولاية بالتضامن مع الهيئات والاتحادات أمس: نحن حماة عقيدة وحماة دين (والزارعنا غير الله يجي يقلعنا)، وأضاف: مع ذلك نحن دعاة سلام وسعينا له في المنابر كافة، ومستعدون للجلوس والتفاوض مع أية جماعة تضع السلاح رغم الموت والأذى الذي تسببوا فيه لقناعتنا أن الحرب لن تخلف إلاّ الدمار وإراقة الدماء.

من جانبه، أكد د. يحيى صالح مكوار وزير التنمية البشرية بالولاية، إنابةً عن الأحزاب، أنّ قضية السودان أصبحت الآن قضية وطن وليست قضية حزب، وقال: نحن كأحزاب مستعدون للقتال إلى جانب القوات المسلحة والمجاهدين، وعلى الدولة أن تقود حواراً مع القوى الوطنية كافة (وليس مع قتلة الأطفال والأبرياء) للتوافق حول ميثاق لحماية الوطن.

من جهته، بشّر جلال الدين قمر ممثل الدفاع الشعبي، بنبأ في الأيام المقبلة يفرح كل أهل السودان، وقال: على الوالي أن يتركنا للتصدي لهؤلاء القتلة، وأن يمضي في برامجه التنموية والخدمية للمواطنين، وأضاف ان عهدنا مع الشهداء أن هؤلاء الخونة لن يستلموا شبراً من أرض الوطن حتى يعبروا إلى أجسادنا جميعاً.

الراي العام


تعليقات 25 | إهداء 0 | زيارات 3199

التعليقات
#671287 [فارس احلام متفاعد]
1.00/5 (1 صوت)

05-21-2013 06:34 AM
يا والى الخرطوم انت قاتل عوضية عجبنا وين ؟ وقاتل شهيد ام دوم وين ؟


#671281 [ابو كريم]
1.00/5 (1 صوت)

05-21-2013 06:14 AM
جهاد شنو ياصعليك ياحثالة المجتمع عليك الله قوم لف كدا ولاكدا


#671221 [منى الفاشر]
1.00/5 (1 صوت)

05-21-2013 02:26 AM
ياوالى الخرطوم أنت مالك ومال الحرب ده شغلك وانتو من بتين كان عندكم عهد مع الشهداء عليك الله آخر مره مشيت لبيت شهيد متين ؟
بعدين ابكرشولا منو الاحتلاها عشان تحريرها .
خلاص المشكلة بقت حق السودان كلوا الناس ده من 2003 بضربو فى الغرب ماقلتوا ده مشكلة السودان لما شعرتوا الجماعة ديل بقوا قراب منكم بقت المشكلة بتاعت السودان ترجلوا وشيلوا شيلتكم مع منى والحلو ووووووووووووووووووووووووووووووووووووووووووووووووووووووووووووووووووووو ............ وزول يشيكم مافى لكن ربنا يسلط من يطلعك من جزورك وانت جيت الحكم ده بواسطة الله ما بواسطة زول وهى لله زى ما تقولوا .


#671144 [radona]
1.00/5 (1 صوت)

05-20-2013 11:54 PM
السيد الوالي
ارجوك تنرك موضوع تحرير ابو كرشولا للجيش
فانت امامك عاصمة وسخانه وسخ جد
والخريف على الابواب
ارجو الاهتمام لنا يليك من مهام ودع عنك ما لايليك
ارجو غتح مصارف المياه حتي لا يتوالد البعوض والضبان


#671071 [زول من كمبو كديس]
3.00/5 (1 صوت)

05-20-2013 10:33 PM
تعالوا يا الحلق الطير في سماكم
تعالوا اسود جبال تقلي منتظرين لقاكم
ما تعملوها كلها شعارات و دعوات في ساحاتكم
تحرشوا فى المساكين
الحارة حارتكم،اتكربو شيلوها براكم
وقفنا عيالاتنا قدام لواجب إستقبالكم
قلنا ليهم البفذ خلوا،اقرعوا البقارعكم
بالدوشكا نتفوا
قلنا ليهم،بلقاكم الدرويش،و بلقاكم المسكين
الداير يعيش،و بلقاكم الما عارف إسمو
هو زاتو منو..
البجيكم كايس لبنات الحور،ما تقصروا معاهو
حننوا و جرتقوا،و بالكلاش زفوا..
لكن انحنا بنشوف انحنا نجيكم
نزوركم في خرطوم الولائم
نرسل ليكم تحيتنا، دانة دانتين فوق سراياتكم
و دانة دانتين فوق معسكراتكم
و دانة دانتين وسط قعداتكم
ما نظنكم كارهين الجنة،ولا حا تغيروا رايكم؟


#671041 [ود الباوقة]
0.00/5 (0 صوت)

05-20-2013 09:51 PM
كذبكم دا ضيع الشعب السوداني


#671007 [عنكباوي]
0.00/5 (0 صوت)

05-20-2013 09:05 PM
أبقى مارق يا والي الخرتوم
ما يبقى كلام والسلام
*****
وصدق القدال حينما قال :
ابيت الكلام المغتغت وفاضى وخمـج
ولادك قصادك شعاع التحايا
يضووا الشقوق التلم الدوابى
يوروا الدروب للقلوبهم عمايا
عرقهم حبالك وصوتهم مشانق
تلم الدقون الكبيره
وتحدر فقر سمنتها الليالى الضليمه
بتهدر حرائق وتحمى البياكلوا المطايب
وتسجن بطون الجياع العرايا
وشوشهم سمر حر اباطك
صفوفهم مرامك وحلمك حلمهم
رغيفه وكرامه وسلامه
مصانع بتحرق قبل تبدا فيها
مزارع بتيبس ونيلك ممدد جنازه
وعقيدك وسيدك بيكتب ويمحى
وتبقى المحايا


#670992 [حسن]
0.00/5 (0 صوت)

05-20-2013 08:43 PM
الله يولي علي البلاد من يصلحها ويصلح العباد


#670912 [جركان فاضى]
4.50/5 (3 صوت)

05-20-2013 07:02 PM
قال نتقدم الصفوف الاماميةقال - يا اخى انا زوجتى دى ما مشبعة دكوة امشى اموت فى ابوكرشولا علشان اعانق الحور العين فى الجنة؟طيب انا استشهدت وعانقت الحور العين المسكينة الراجايانى دى تعانق شنو؟تشحد الدكوة من الجيران؟ قال نتقدم الصفوف قال


#670854 [Zingar]
5.00/5 (1 صوت)

05-20-2013 05:35 PM
المواطنين الكرام

هل حقيقة نحن نعى أنفسنا كشعب وأين نقف كبشر وهل نعى موقعنا فى خارطة العالم؟؟

الملاحظ فى طريقة كلامنا كله ينضوى تحت مفردات ضرب خبت كتل شنق دمار جهاد شهيد حرب دم سجم رماد وغافلة التنميه ورفاهية الأنسان سائره فى معظم دول العالم.

ألمانيا واليابان نفضوا غبار الحرب العالميه بعد الدمار الهائل الذى لحق بهم والذى كلنا نعلم به وأين هم الآن.
الأنسان آخر مخلوقات الله وتم خلقه فى الثوانى الأخيره من عمر الكون المتبقيه وبحكم حواسه التى غرسها الله فيه فطن بأن حياته يجب أن تتوجه للتنميه وتعمير الأرض بدلا من اهدارها فى مواضيع إنصرافيه لا طائل منها.


#670818 [البرمكي]
0.00/5 (0 صوت)

05-20-2013 04:47 PM
حليلنا ما حنتفكة من الجبهجية
يعني يا الجبهة الاسلامية يا الجبهة الثورية
اها تاني نقول جبهجي 1 وجبهجي 2
حجوة ام ضبيبينة حتنتهي متين
لا ديل دايرين يخشو اب كرشولا ولا ديل دايرين يتقدمو من ابو كرشولا
نكورك ليكم ما تجو نجيكم تكوركو
بعدين الجماعة ديل ما قالو جايين الخرطوم مالهم لبتو في ابو كرشولا ولا خلاص كدا مبسوطين
كل مرة يذكروني ( الحلو صار يحبي)
بعدين لو سمحتو قصة وادي هور دي شنو والحاصل فيها شنو (دي جبهة جديدة؟)
غايتو نحنا منتظرين نشوف الحكم حيصفر على شنو
بس رجاءا ما تكسرو الاستاد
الجهجية 1 حيدخلو ابو كرشولا والجبهجية 2 حيدخلو ام درمان
انا اقترح نزوج ابو كرشولا لي أم درمان وام روابة تزغرد
يلا راجين النتيجة


#670814 [Ivory]
0.00/5 (0 صوت)

05-20-2013 04:45 PM
بقينا ما فاهمين حاجة والي الخرطوم كلامو اليومين ديل كلو عن الجيش والمجاهدين والحرب ووزيرة الرعاية الاجتماعية بتتكلم عن الزراعة والنهضة الزراعية
ناس الكورة عندهم طريقة لعب تسمي اللامركزية يعني ما في تقيد بخانة معينة في الملعب وهذا ما يحدث الان اي وزير ممكن يتحدث باسم الوزارة الأخري بحرية مطلقة


#670795 [ودالضو الحلاوى]
0.00/5 (0 صوت)

05-20-2013 04:32 PM
جزم طلاق تلاتة وحرام نار لاابوكرشولا ولاالفشقة ولاحلايب وشلاتين وحتى كاودة لما رقص رقص ودهديةرقصة مفارق بانه الجمعه الجايه الصلاة فى كاودا؛ وتذكرت بص المرحوم ودالضو مكتوب بكرة الركوب مجان !!وياعجبى


#670782 [alsudani]
0.00/5 (0 صوت)

05-20-2013 04:18 PM
لمن يموتوا العشرة المتسلطين بعدين الباقين يمشوا
الجهاد ... ما ممكن فقر ، جوع ، فلس ، مرض ، تشرد
وجهاد
معليش
عربات فارهة ، فلل ، عوائل مرتاحه ،، وابناء فى
الجامعات الخاجية ،، علاج بره وجهاد ممكن والف ممكن
بعدين بتكم الدهست الطالب فى كسلا سويتو فيها شنو؟؟؟؟؟
اقوليك ودوها الجهاد ارتاحوا من شلاقته دى


#670762 [ود الكوتش]
5.00/5 (1 صوت)

05-20-2013 04:02 PM
الناس ديل بدوك احساس انهم بحاربو في الانجليز ولا ماشين يحرروا فلسطين ,,بدل الجعجعه الفارغه دي أبقو مارقين بس فالحين ترسلوا في الشفع


#670725 [الغضنفر]
5.00/5 (1 صوت)

05-20-2013 03:35 PM
( أي شبر من أرض الوطن)

الكلام بيشمل حلايب و الفشقة و إلاّ أبو كرشولا بس يا الأسد النتر ؟؟؟


#670723 [ود كسلا]
5.00/5 (1 صوت)

05-20-2013 03:32 PM
وين ولد نافع و ولد المتعافي من الجهاد دا. و لا دا جهاد واجب علي اولاد الناس و اولادكم لا


#670706 [الخرطومي]
3.00/5 (2 صوت)

05-20-2013 03:15 PM
انت دخلك شنو في ابو كرشولا خليك في نهب اراض الخرطوم


#670670 [Alczeeky]
5.00/5 (1 صوت)

05-20-2013 02:51 PM
ابشرو ياناس الجبهه الثوريه فقافله الفطائس النتنه متوجهه الي حتفها وعتادها دعما لكم فارفقو بمن يقع في ايديكم اسيرا ماعايزين كنس او مسح او سحل وانما اعداما ميدانيا حضاريا بعد محاكمه ميدانيه عسكريه عادله والنصر لنا


#670634 [الدندور أبو عوه]
4.00/5 (1 صوت)

05-20-2013 02:25 PM
كذاب وغبن ستين كذاب إنت من الرجال البحاربوا لامي ليك شوية مهوسيين وحراميه باسم الدين يدعوا علي الجنهة الثوريه هاها إنت كان راجل امشي ابكرشولا ياخايب .


#670601 [محمد حسن احمد]
0.00/5 (0 صوت)

05-20-2013 02:01 PM
ياخنزير الله هو الحيقلعك لكن إنت قايل الله سبحانه وتعالى حيجي يقلعك هو بذاته أم يرسل لك جبريل عليه السلام ليقلعك إنما سوف يقلعك بأن يسلط عليك الدمار والحروب والفتن ويمهد الطريق لمن يقلعك كما سلط بوش على صدام ومهد له الطريق إلى ان خلعه ووصله حبل المشنقة فإن الله سلط عليكم الجبهة الثورية وسيمهد لها الطرق ويسخر لها من يمدها بالعدة والعتاد والسلاح إلى أن تدخل الخرطوم وتخلعك إنت وبقية خنازير الوثني وفي مقدمتكم قائد القطيع الرقاص الخائب


#670579 [Garfan]
0.00/5 (0 صوت)

05-20-2013 01:48 PM
كيف يستقيم الظل والعود اعوج


#670555 [انصاري]
0.00/5 (0 صوت)

05-20-2013 01:30 PM
يا أرباع الرجال وأنصاف الحريم أنتم تقاتلون أمام الكميرا وتلطمون الخدود بالجنوب مداهم، وتشقون الجيوب بالردحي حنسوي وحتسمعوا.. هو رقاصكم الكبير قال حيصلي في كاوده ما مرق من كافوري، ليهو سنه بينما الاسد الحلو في عر ينه ينهر يقول البروش مفرشة الاباريق مليانة؟؟؟! تبت يمناكم من مخاتلة، أدعياء، زنانيم مجرمين قتلة اشرار


#670539 [الجوفي]
0.00/5 (0 صوت)

05-20-2013 01:16 PM
من كم سنة انتم تقولون خبر يفرح اهل السودان الفرح في قفة الخضار يا جلال الدين وبعدين ما تدخلوا ابو كرسولا بفتحوا جبهة تانية واستنفار تاني وساحة خضراء وكدة يعني


#670536 [الكلس]
5.00/5 (2 صوت)

05-20-2013 01:12 PM
حنشوف يا بلوم خير الكلام اقلها واوجزها فهذه الجبال العتيدة هي من صنعت ثورات السودان البتتكلمو بيها فهنالك اسود تشتهيكم اليوم قبل الغد وابو كرشولا بجنوب كردفان فاولى بها الثوار فانتم بتعرفوا جنوب كردفان بمواردها وليس بمن فيها من الحيوانات والقرود والبشر والله اكبر ولا نامت اعين الجبناء فالثورية جاءت لتنسفكم وليس للتفرج على تصريحاتكم فالوقت للعمل وليس التصريحات فاذا انتم رجال تقدموا فارض جنوب كردفان لتكن مقبرة كل مهووس فليس هنالك يهود او دجالين فكل الناس هناك مسلمين حقاً لله وليس للجاه والسلطان كما تدعون


ردود على الكلس
[SESE] 05-20-2013 11:36 PM
كلس يا الكلس!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة