الأخبار
أخبار إقليمية
عملية انتشال جثة من بئر تستغرق (18) ساعة
عملية انتشال جثة من بئر تستغرق (18) ساعة



05-21-2013 11:26 AM
الخرطوم: هادية صباح الخير:

انتشلت قوات الدفاع المدني ولاية الخرطوم، جثة شاب سقط داخل بئر بمنطقة الدروشاب في الخرطوم بحري، بعد عملية إنقاذ استمرت (18) ساعة.


وقال اللواء عبد الله عمر الحسن مدير الدفاع المدني بالولاية حسب (المكتب الصحفي) أمس، إنه وفور وصول بلاغ لغرفة الدفاع المدني بسقوط مواطن داخل بئر بالدروشاب تحركت عربات الإنقاذ البري لمكان الحادث حيث تم إنزال رجل الإنقاذ بالرغم من استمرار عملية الانهيار حيث لم يتم العثور على الجثة واتضح أن البئر بعمق (18) متراً وأن المواطن دفن تحت الرمال بعمق (5) أمتار.

وأوضح أنه تم استخدام أربعة خطط لاستخراج الجثمان وذلك لطبيعة البئر الرملية وضيقها مما اضطرهم لتبديل المنقذين كل (5) دقائق لتفادي الاختناق والإغماء، حيث تم انتشال الجثة بعد عملية إنقاذ استمرت (18) ساعة.

الراي العام


تعليقات 7 | إهداء 0 | زيارات 3627

التعليقات
#672564 [ويكى ودالدروشاب]
0.00/5 (0 صوت)

05-22-2013 04:09 AM
يا بوكى انا عبدالوكيل احمد ارمين الدروشاب محطة 17 بصراحة اقلقنى الخبر فياريت توضح لينا الحادثة دى وقعت فى ياتو محطة وحيثياتها شنو والفقيد دا منو مع وافر شكرى وتقديرى لك ولكل ابناء الحبيبة دروشاب الامل الكبير







#672555 [ناديه فضل المولي ادريس]
0.00/5 (0 صوت)

05-22-2013 03:58 AM
حكايتكم دى ياناس الدفاع المدني تموت م الضحك خطط قال وكمان 4 خطط ودى بالذات البتضحك اكثر
طيب لو ماعملتو 4 خطط كان المرحوم لي هسع ماطلع؟
بصراحه كده ومافي داعي تضحكونا عليكم انتو ماناقشين أى حاجه في الشغله دى وليكم عذركم فاهمال وزارتكم لكم (بالمناسبة دى انتو تابعين الداخليه والا الدفاع)؟ فلا وزيركم فاهم موضوع الدفاع المدني ولا رؤساكم المباشرين فاهمين دفاع مدني يعني شنو وبعدين مرتباتكم تافهه جدا وأحوالكم مزريه خالص خالص عشان كده بتضربوا البوش المتين (صحن كبير زى البيحمموا فيهو الشفع) ووراهو الشاهي المدنكل وبعدين الظروفه كويسه شويه بيطلع سجاره فرط من جيب سروالو يولعا والآخرين بيركبو سفه بلكون وهاكم ياثرثره فارغه ثم تغطون في نوم عميق حتي انتهاء ورديتكم(يلاحظ انو عندهم راكوبه ورا المكاتب مليانه عناقريب وكل زول عارف عنقريبو وين) دى الحكايه كلها فما تقعدوا تعملوا لينا ابطال و 4 خطط يعني شغالين وشايفين شغلكم.


#672547 [قهران]
0.00/5 (0 صوت)

05-22-2013 03:30 AM
18 ساعة !! ليش ؟ هو وقع فى بئر بترول !؟


#672116 [saif]
0.00/5 (0 صوت)

05-21-2013 04:53 PM
ماقادر افهم عملية انقاذ شنو ؟ انقاذ لما يطلع الزول سليم مش انقاذ الجثمان لاحول ولا قوة قريتى وين ياختى عليكم اللة ماتعذبونا يا خلف اللةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة


#672022 [ود الجزيرة الخضراء]
5.00/5 (3 صوت)

05-21-2013 03:41 PM
حكومة كاملة ماعندها بدلة مزودة بأكسجين وانارة ببطارية زي الدول المتقدمة عشان الشغل ده يتم في خمسة دقائق ويمكن تلقوه حي ( الله يرحمه )


#671896 [بوكي ود الدروشاب]
5.00/5 (1 صوت)

05-21-2013 02:08 PM
الله يخطط راسكم دا ..... خطط شنو ليكم ي ناس الدفاع المدني ،، (قال شنو عمليه الانقاذ استمرت 18 ساعه!!!!!! ) =
كذب ونفاااااااااق يااااخي
ليكم 4 ايام التعملو غلبكم،،

وفي النهايه ربنا استجاب لدعاوي الاهل والاصدقاء و بمساعده ابناء منطقه الدروشاب الاوفياء مع بعض افراد الانقاذ البري تم انتشال جثمان الشهيد
،، عــــــــــــــزام ،،
لك الرحمه والمغفره ي صديقي وربنا يتقبلك مع الصديقيين والشهداء


#671854 [سمسم]
4.00/5 (3 صوت)

05-21-2013 01:34 PM
شرطة الدفاع المدني هي الشرطه الوحيده النظفيه في السودان وهي الشرطه الوحيده التي تستحق الاحترام


ردود على سمسم
United States [زول] 05-21-2013 03:36 PM
انت عارف ليه عشان ما عندهم شيء الجبهجية يسرقوه وشغله خطرة وبها وسخ مرات وتعب ودي مع الجبهجية مابتنفع رغم أني مش عجباني من عدة تصرفات مهنيه لكن كون مافيها تماسيح ذي الشرطة والجيش ده بخليني احترمهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة