الأخبار
منوعات سودانية
تجارة الجنس في الخرطوم (2)
تجارة الجنس في الخرطوم (2)
تجارة الجنس في الخرطوم (2)


05-22-2013 07:12 AM
آسيا غبوش

ما زال مسلسل تلاعب العمالة الوافدة من خلال قيامهم بالمخالفات اللا أخلاقية مستمراً ، فالتزايد التي تشهده العاصمة من وجود اجنبي ساهم كثيراً في انتشار جرائم كانت بعيدة وغريبة على المجتمع السوداني فتمددت في ظل غياب الرقابة المجتمعية حتى صارت كأذرع الأخطبوط ساحبة معها كل القيم والأخلاق الحميدة في مهرجان صارخ نحو قاع الرذيلة .

مهن لا تكفي للعيش
وجهتنا الأولى كانت شارع معروف يتوسط حي خرطومي عريق حيث ضاعت فيه الملامح السودانية وتلاشت تقاسيمه بين خليط من الثقافات الوافدة تخطيناه ونحن نتوغل في قلب اجزائه المتعددة ، لم نكن في حاجة للسؤال فواقع الحال هناك لا يحتاج إلى شرح فالوجوه وحدها تحكي بما يدور خلف الأبواب المغلقة واحيانا المشرعة أمام ضيوف اعتادوا وأدمنوا المجئ تاركين خلفهم كل ما يتعلق بقيم المجتمع وعلى عكس ما توقعناه وجدنا ، فالدخول والجلوس معهم أمر في غاية السهولة ، حاولنا من خلال الحديث معهم الوصول الى إجابات على أسئلة تثبت أو تنفي صحة ما يدور عن ارتباطهم بالدعارة وأمام الاتهامات التي توجهت اليهم ، نفت " جانيت " ارتباطهم بجرائم يمكن أن تمس المجتمع ، غير أن زهرة وهي تكن في ذات المنطقة بحثت عن عذر لتصرفاتها حينما بررت تلك الأفعال قائلة " نحن مجبورين على ممارستها من قبل بعض الأفراد السودانيين " ، في الوقت الذي اعترفت فيه مجموعة من الفتيات بأفعالهن بحجة حاجتهن للدعم المادي فالمهن الهامشية التي يعملون بها على حسب حديثهن لا تكفي للعيش بصورة مريحة .

جثث لحديثي ولادة بأرضية المنزل
بعض الأجنبيات استأجرن منزلاً بحي خرطومي ولم تمض إلا أيام قليلة على وجودهن بالحي لتظهر السيارات الفارهة بالقرب من المنزل في أوقات متأخرة من الليل ويخرجون وهم مخمورون أحياناً ، وبدأ الأمر مزعجاً للجيران وبسؤالهن عن تلك السيارات من قبل أهالي الحي اجبن بأنهم يأتون من اجل الحاجة إلى تشغيلهن في منازلهم ، وبتكرار الشكاوى التي أكدت الممارسات الغير أخلاقية لهن اضطر صاحب المنزل الى طردهن .

وقصة اخرى توردها احدى الصحف على لسان صاحب المنزل الذي اكد قيامه بتأجير منزله إلى مجموعة من الأجنبيات حيث استغللن المنزل للدعارة ، ويواصل انه قام بطردهم بعد أن اشتكى إليه معظم الجيران ، ليكتشف بعد ذلك – على حد قوله – عدداً من جثث الأطفال حديثي الولادة بأرضية المنزل .

شجارات بسبب عدم دفع المال
عدد من الأجنبيات حولن المنزل المستأجر الى وكر لممارسة الدعارة حيث كان رواده من كل الجنسيات وبدون مراعاة لأهل الحي كانت الأجنبيات يخرجن للشارع العام شبه عاريات بجانب تبادل الألفاظ البذيئة والشجارات التي تحدث أحياناً مع الزبائن لعدم دفع المال المطلوب .

تصرفات الأجنبيات لم تقف عن خروجهن إلى الشارع العام شبه عاريات فبالرغم من إبلاغ الجيران للجنة الشعبية والشرطة التي داهمت المنزل اكثر من مرة .. ما زالت تلك المرأة الأجنبية موجودة تمارس الدعارة بذات المنزل بالحي الخرطومي العريق .

صحيفة الحرة


تعليقات 39 | إهداء 0 | زيارات 45553

التعليقات
#698100 [محمد الحاج]
1.36/5 (8 صوت)

06-16-2013 11:04 AM
الضعارة أقدم مهنة في التاريخ .. النميري هو من قطع دابرها من السودان ثم جاءت بها ثورة الانقاذ ..
نحن لسنا ضد ( لغة الحماسة ) لكنا كذلك لسنا مجتمع ملائكة بل نحن مجتمع وفر للضعارة كل مقوماتها وصنع لها بيئة سليمة للنمو والازدهار ..

غلاء المهور .. الضائقة الاقتصادية .. فساد رجال الدين .. انشقال الجهات التربوية بأشياء غير التربية والاخلاق .. انهاك المعلمين .. ضعف الاجور .. الفساد السياسي .. الفساد الاداري .. الفتاوي الهزيلة .. تدخل رجال الدين في امور السياسة .. انعدام الثقة بين الناس ورجال الدولة .. و و و و و و

ثم تتحدثون عن الضعارة .. نحن نمارس الضعارة الفكرية بالصمت والنفاق والرياء والتطبيل ..

وعفوا لو ان كلامي تغريد خارج السرب لو ان احدكم لم يعجبه كلامة عليه ان يعتبرني اهطل فقط واهبل ..


#674616 [المصرى]
4.50/5 (2 صوت)

05-23-2013 08:16 PM
والله حاميها حراميها السودان اصبح بلد داعر من ضباط النظام العام


#674365 [مركوب نمر]
3.25/5 (5 صوت)

05-23-2013 03:07 PM
قال شنو قال: "فالتزايد التي تشهده العاصمة من وجود اجنبي ساهم كثيراً في انتشار جرائم كانت بعيدة وغريبة على المجتمع السوداني"

المجتمع السوداني تطير عيشتو!! إنتي قايلة قبل الإنقاذ ماكان في مجتمع سوداني ولا شنو؟ ما حكوا ليك بي خرطوم تلاتة وحي باريس في السبعينيات؟ بيوت الدعارة كانت قااااعدة! والشغالات فيها بيتم الكشف عليهن دورياً بواسطة وزارة الصحة!! وبالمقابل أخلاق الناس كانت أحسن مليون ألف مرة من العفن المالي البلد حسي ده!

سيبي الحبشيات المسكينات في حالهن الله يرضى علينا وعليك وشوفي ليك موضوع أكتبي فيهو!


#673864 [فارس احلام متفاعد]
2.38/5 (5 صوت)

05-23-2013 06:53 AM
نرجو أن لاننسب التصرف إلى الأجانب وأنا سودانى مغترب وأكره عندما يقول أهل البلد الاجانب فعلوا وتركوا لأن هذا يهيج الرأى العام على الأجانب الصالح والطالح


#673759 [BLUENILE]
5.00/5 (1 صوت)

05-22-2013 11:43 PM
من يتحدثون عن مثل هذه الاشياء القبيحه اكيد بل مؤكد كانوا مشاركين مع مثل هولائى العصابات
لكن البلد لسع بخيرها وفيها بنات ياكلن الجمر
اما انتم يامن تصفون البنات بمثل هذه الالفاظ وتجاره الدعاره اكيد انتم كانت ادواركم كبيره واكيد يجب عليكم تفتيش نسائكم وبناتكم واخواتكم قبل ما تتحدثون عن الاخرين بكلام انشاء فقط
اذهبوا واعملوا كشف عذريه لبناتكم واخواتكم وكمان اسياء غبوش ياريت نعرف الكشف الذى يخصل
حرام عليكم عندما تشملون الكل بمثل هذه الفضائح والشبهات
والله كلكم مسؤولون امام الله يوم الحق لانكم لم تمحون المنكر ولم تدافعون عن الحق اين قواكم وايايدكم من تدمير مثل هولائى الخونه والمجرمين
ما تكتبونه اسفاف واجهار بالرزيله ومن يتحدث عن مثل هذه الاشياء اكيد هو وسط هولائى وعليه تفتيش اهل بيته من بناته واخواته قبل ان يرسل سهامه الملتويه على الكل


ردود على BLUENILE
United States [سودانى] 05-23-2013 05:13 AM
صدقت يا عمر جعفر (يكاد المريب ان يقول خذوني )

United States [DAD] 05-23-2013 04:56 AM
إنت صحى كان ما منهم حارقك وين يا نيله يا زرقه .

قال سهام ملتوية , الكلام قالو عديل براك داير تتلولو .

United States [عمر جعفر الصادق] 05-23-2013 04:48 AM
إتق الله يا [BLUENILE] ألا تقرأ القرآن وكتب الحديث يا هذا ؟

لولا أنها ظاهرة اجتماعية لما بزغت بشأنها آية من القرآن الحكيم و حديث لرسولنا الكريم. فلا يعقل أن تتهادى بطلعتها المضيئة لعلاج داء أصاب فردًا واحدا. لا نتعكز على المحاجات المنطقية رغم عرامتها، نلجأ إلى المنقول إذ نعلم أنه أبلغ أثرًا خاصة فى بيئة تغلب عليها الثقافة التقليدية.

إقرأ المقال و "إنت صاحى" ! و أخبرنا !

* كيف يكون من يفضح مثل هذه الأفعال مشاركا لفاعليها ؟ هل المقال يشمل "الكل بمثل هذه الفضائح والشبهات " (كما ورد فى ردك)؟...بأى عقل تتحدث ؟

(سؤال ننتظر إجابته): من هم "الاخرين" الذين تدافع عنهم هل تعرفهم (العصابات) ؟... هل انت واحد منهم؟ أم من الزبائن ؟ لماذا تدافع عنهم إذا ؟ دع عنك النفاق يا هذا ؟ كيف تتحدث عن الحق و تحاول إسكات صوته حين يصدح ليمحو المنكر ؟

...أرجو ان تحترم عقول القراء!. و تاخد ليك لفه حول العاصمه بدل ما تلف راسنا ...الله يهديك.


#673696 [بلاغ للعقيد الكودابى (اللهم هل بلغت)]
3.00/5 (3 صوت)

05-22-2013 10:16 PM
واحد يكلم رئيس فرع الجنايات بإدارة شرطة امن المجتمع العقيد محمد علي الحسن الكودابي
و يقول ليه يمشى يشوف محل "إيفا" فى شارع المشتل لصاحبه بكرى الملقب بـ"بيكا" صاحب أكبر
شبكه فى الخرطوم .(العداد 100 دولار و الخرطوم كلها عارفه ماعدا الكودابى)

فى الماضى القريب تم القبض على المدعو "بيكا" فى شقه فى الخرطوم برفقة فتاه مصريه أحضرت من الخليج لنفس الغرض وكان فى معيتهم مدير مكتب وزير "دكتور" متوالى + اخرون , وتم إحتجازهم فى قسم المقرن , وعند تفتيش شقته تم العثور على 300 وثيقه تخص فتيات سودانيات منها جوازات سفر و صور لجوازات + أفلام فاضحه + حاجات تانيه أمتنع عن ذكرها تأدبا, لكنه خرج منها زى الشعره من العجين نظرا للحمايه التى يوفرها له زبائنه المتنفذين فى أعلى هرم السلطه.


أنصح كل أسره سودانيه بتحذير نساوءهم بعدم الذهاب لمثل هذه المحلات المشبوهه, ولا أستبعد
تصوير الحريم فى غرف الغيار بالمحلات حتى يتم إبتزازهم. واحد من أشباه الرجال بيبيع ملابس نسائيه داخليه عايزين أخلاقه تكون كيف ؟

بعدين كيف فى دولة الإسلام يبيع الرجال الملابس الداخليه للنساء ؟؟؟ لكم أن تتخيلوا نوع الحديث الذى يدور بينهم!

بايظه من كبارها!


ردود على بلاغ للعقيد الكودابى (اللهم هل بلغت)
[عباس التحت اللباس] 05-23-2013 03:45 PM
شارع المشتل جنب زيم بالتحديد؟؟؟؟؟؟؟؟؟؟؟


#673557 [نوارة]
0.00/5 (0 صوت)

05-22-2013 07:25 PM
ياخوي جركان مليان سلام عليك
لو هن بنات ناس صحي مابيزنن والمثل بيقول(تموت الحرة ولاتاكل بثديهاً)


#673540 [ابو ناصر]
5.00/5 (1 صوت)

05-22-2013 07:06 PM
كفاية فضائح يا حوش بانقااقطع وشيك من هنا .
انت قايل الحكاية رقيص .


#673506 [LeaveItBe]
3.75/5 (4 صوت)

05-22-2013 06:24 PM
The oldest trade in sudan is now becoming an issue? yeah right, since we Sudanese have the best morals in the world, before those foreigners we never had sex for sale, sure.


#673382 [Ali Mustafa]
3.00/5 (3 صوت)

05-22-2013 04:25 PM
(I really wondering,why the administration publish such comments of (GAALI MIN HOSH BANNAGA
it seems he is illiterate.i tried to find a single correct word.its just reminding the first speech of his relative twenty four years ago..Subhan Allah.


#673375 [Abbas]
3.25/5 (5 صوت)

05-22-2013 04:18 PM
انتي زاتك البخليكى تمشى هناك شنو وبتفتشى ( اظنك عرفتى عذاب المغنى)


#673369 [elnaeem]
5.00/5 (1 صوت)

05-22-2013 04:11 PM
لو متابعة يا استاذة الاسبوع الماضي الأستاذ الفاتح جبرا كتب مقال عن محلات المساج و إنشغال الناس بالقضايا الانصرافية متناسين ما يفعل هولاء الطغاة من حرام ..البلد دي يا استاذة فيها مشاكل أكبر بكتير من وجود الأجانب ودعارتهم .


#673326 [ابتسام]
5.00/5 (1 صوت)

05-22-2013 03:38 PM
دى الخرطوم بلد الفساد بالكوم ..حكومة الفساد ربنا يقلعك


#673248 [الكاهلي ود بحر ابيض]
3.60/5 (6 صوت)

05-22-2013 02:56 PM
التزايد التي تشهده العاصمه**** غلط نحوي صارخ الصحيح التزايد الذي تشهده العاصمه****تانيا وين ماشا الحبش المعلومات التي قدرتي تتحصلي عليها بكل هذه الطريقه يا بت غبوشاالا تمشي علي زول ليهو قنبور اضلهن قايله فارشات بصل يا اختنا وطوالي تمدي المكرفون وهي تمسك منك المايق وتقول ليك والله يا اسيا احنا مجبوريين سااااكت علي الحك دا ياختي ديل ليهم الحيله الحربائيه ان يتخفو من مداهمات شرطه امن المجتمع او الباحث حتي ثم انو ليهم من المصادر من يشعرهم بوصول الكبسه قبل ان تطا ارجلهم البيوت وان دخلوها الباب السري اكشح الجماعه في لمح البصر شوفي غيرا 2 وانتي ماشا الحبوش ما مابنات البلد كلهن رايحات فيها الا من رحم الله السيارات المظلله تنزل 20 وترفع 20 وعلي عينك يا مشروع يا حضاري اللهم ارحمنا وتغمدنا برحمتك يا مجير قبل ان تنزل بنا الطامه الكبري


#673217 [ابو كلام ساكت ساي]
3.50/5 (2 صوت)

05-22-2013 02:34 PM
كدي خلونا من الكلام ده (الحلو ) شنو وكيف ....اقصد الحل شنو.....


#673137 [قنقر]
0.00/5 (0 صوت)

05-22-2013 01:52 PM
إذا كان رب البيت للدف ضاربا
فشيمت اهل الدار كلهم الرقص


#673135 [um ahmed]
0.00/5 (0 صوت)

05-22-2013 01:52 PM
لا حول ولا قوة الا بالله اذا الكلام دا فى بلدنا ليه ساكتين ؟ والمفروض انتى يا اسيا لما رايتى كل هذا تبلغى عليهم . والله خساره يا حليلك يا السودان وحسبنا الله ونعم الوكيل


#673130 [سودانى حر]
5.00/5 (1 صوت)

05-22-2013 01:49 PM
الموضوع يا جماعة الخير من من زمان موجود فى البلد بس الجديد فى الموضوع أنو ديل حبشيات المشروع الحضارى الإسلامى بتاع الجماعة ديل أقصد ناس البلدوزر.


#673040 [عابد مختار المختار]
4.00/5 (2 صوت)

05-22-2013 01:04 PM
من الاخر الحل موجود في طالبان ان تحكم السودان وكل شئ يصبح على ما يرام


#673038 [سعاد]
0.00/5 (0 صوت)

05-22-2013 01:02 PM
يا جماعه والله الحديث في هذه الامور في حد زاتو عقم ياخ ارحمونا


#672983 [ودالابيض]
3.00/5 (1 صوت)

05-22-2013 12:37 PM
ياخي في مجاهد يتسريح بالزنا والرزيلة ياaddy انت لية بتتخفي باسم وهي عشان تقول كلام زى دا ،واجة بحقيقتك الواضحة عشان امثالك المتخفين بنشر الرزيلة والكلام الوضيع هم الذين قادوا البلد لهذا الوضع المائل ان كانوامدثرين بثوب الدين اوالعلمانية لعنهم اللة جميعا


ردود على ودالابيض
United States [مركوب نمر] 05-23-2013 03:18 PM
أيوة في! الكلام ده قالو الجميعابي في مؤتمر عن الإيدز! إنهم كانوا بيوزعوا كوندوم للمجاهدين عشان لامن يمشوا الجنوب ما يصابوا بالإيدز!

كلهم صعاليق من كبارهم لي صغارهم!

بعدين ياخوي لا تنه عن خلق وتأتي مثله! الزول كاتب إسم مستعار وإنت أهلك ضبحوا ليك خروف وسموك ود الأبيض؟

حاجة عجيبة ياخ!


#672962 [كتاحة]
5.00/5 (8 صوت)

05-22-2013 12:30 PM
الديم و الحبش

حتى ان السودانيين في الديم عملوا نادي سموهو نادي الجالية السودانية بالديم


#672939 [اناماداقس]
4.00/5 (5 صوت)

05-22-2013 12:19 PM
ماشة بعيد لية فى الخرطوم وسودانيات وكمان فى طالبات وكمان فى جامعات معروفة مثل النيليين والاحفاد و....يمارسن المهنة وكدى اتبعى الموضوع دة عربية تشيل وعربية تنزل


#672905 [جعلي من حوش بانقا]
5.00/5 (2 صوت)

05-22-2013 11:56 AM
والله الخبر يحتاج الي خبر ؟ المهم مش النسون الاجنبيات البمارسو الضعاره في السودان .السودان كلو انتها لا رحم ربي من بنات البلد الصالحات
وانتي بتتكلمي عن النساء لمذا لا تتكلمين عن ..... وعن الرجال البعرسوهم ؟و الرجال البدخنو في نص البلد و ناس كمو كديس
الاجانب مساكين ما عندهم زنب بس هم بقولو القصه دي ترفيه عن النفس ولمن لقو السودانين عندهم اقبال علي الشقله عملوها تجاره وبقت الحكايه ماشا الي اليوم.
وبقول لي ناس كمو كديس المريسه العندكم دي اشربوها براكم ما تعزمو عليها الناس عشان الناس بعد تلطط دايره ال..............
شعب فارق


ردود على جعلي من حوش بانقا
United States [بربندي] 05-23-2013 12:42 AM
هبهانة - حبهانة
انتا - انت
الله يقطعكم - ويقطعك - كلكم ساقطين عربي - ودي كمان عاملة فيها استاذة عربي - روحي غوري

United States [على طه] 05-22-2013 03:28 PM
الاجنبيات البمارسو( الضعارة )....
فليشهد الجميع ناس حوش بانقا عندهم لغة عربية جديدة لنج....

[هبهانة] 05-22-2013 02:33 PM
النسون --- نسوان
الضعاره ---- الدعارة
كمو كديس --- كمبو كديس
الشقله --- الشغلة
شعب فارق --- شعب فارغ
والله انتا اثبتا فعلا انك من حوش بانقا لانك ساقط عربى ودارجى كمان وشكلك كنتا بتجيب صفر فى الإملاء بس نقول شنو قرايبك الله ينتقم منهم تلقاهم مشغلنك مدير إدارة فى شركة بترول.
وكما بتنبذ فى الشعب نبذ قريبك الباطل دا هو العلمنا الفراغ.

United States [ابوالرسالة] 05-22-2013 01:49 PM
ناس حوش بانقا انتو اسباب البلاوي كلها الله يبليكم


#672889 [مهندس حسن]
4.50/5 (7 صوت)

05-22-2013 11:42 AM
تعالوا شوفوا السودانيات هنا في دبي يجوا زيارة شهر او شهرين يجروا فيها الشارع ويمارسوا كل انواع الفسق والدعارة،شوهوا سمعة السودانيين وخلوا راسنا في الطين،الحبش ديل بطريقتهم وعاداتهم تشبه الاوروبيين في تحقيق رغباتهم،ماذا عنا نحن اللي عندنا العادات والقيم؟ وا حسرتاااااه والله


ردود على مهندس حسن
European Union [محجوب عبد المنعم حسن معني] 05-22-2013 08:33 PM
لا تعمم فرمبا يأخذك الله جلا وعلا بجريرة واحدة شريفة الى اسفل سافلين

European Union [زوووول] 05-22-2013 07:17 PM
كمان بجو بي دلكتن والعايز يشوف يجي المرقبات ههههههههههه حتي البكستانية يقول ليك سوداني واجد زين ريحة هلو انا يخبر كلو نفرات كخخخخخخخخخخخخخ


#672884 [جركان فاضى]
5.00/5 (5 صوت)

05-22-2013 11:40 AM
معظم (ان لم يكن جميعهم)ابناء دار الرعاية فى المايقوما هم ابناء افراد جهاز امن البشير-فهؤلاء هم العندهم السيارات الفارهة والقروش المدفقة والاخلاق الواطية والبعد عن الله والقرب من كراهيته -شغالين زنا فى بنات المساكين من ذوى الحاجات الملحة والامراض التى تحتاج لاموال طائلة وفلة حيلة ذوى القربى - هذه مخرجات جهاز امن البشير التى اوصلت نسبة اولاد الحرام 7% - والساقية لسة مدورة ودار المايقوما تقول كفاى كفاى انسلخ قفاى ونخشى ان صحوا يوما نجد ربع الشعب اولاد حرام


ردود على جركان فاضى
[مركوب نمر] 05-23-2013 03:11 PM
أتفق معك في غالبية ما كتبت! إلا في تنميطك للأطفال مجهولي الأبوين بأنهم (أولاد حرام) الحرام إرتكبه الأب والأم! الطفل المولود لا جريرة عليه ولا ذنب له.

مع إحترامي لك


#672880 [جكت]
3.00/5 (3 صوت)

05-22-2013 11:38 AM
لو اقتصرت هذه الممارسات على الاجنبيات وحدهن فلا غضاضة في ذلك ربما نجد لهن المبرارات التي تتمثل في عدم اهمية مسالة الشرف لديهن او لعدم وجود الوازع الديني زائد الحوجة ءءءءولكن الشي الموسف ان الاكتساب من الاجساد او الدعارة اصبحت مهن لدى الكثير من بنات بلدي وكثيرا ما نغض الطرف وندفن روؤسنا ونجعل الخوض في هذه المسالة من المحظورات


#672870 [محمد]
5.00/5 (5 صوت)

05-22-2013 11:33 AM
شطار في الحبش ده لو بتتذكروا كانت البارات والدعارة لوقت قريب في كل أرجاء السودان ونحن ليس بأمة فاضلة والذين يمارسون الرذيلة هم أبناء جلدتنا ولا يمكن أن تجبر الحبشية الشاب بممارسة الجنس معها إلا برضاه فالواجب أن لا ندفن رؤسنا بالتراب ونتصدي لهذه الظاهرة بتربية شبابنا وتسهيل سبل الزواج


#672841 [واحد قرفان من المؤتمر اللا وطني]
5.00/5 (3 صوت)

05-22-2013 11:11 AM
أتخيل انك تحلمي يا آسيا ، فإن كان الامر كما تقولين فلماذا لم تبلغي رجال امن المجتمع ، وهم جاهزون ؟؟ ثم تعالي ايه يعني اكتشاف عدد من حثث الاطفال حديثي الولادة بأرضية المنزل ؟؟!! ليه اصلهم فئران ؟؟!! يبدو انك عايزه تشتهري علي حسابنا؟؟ شايفه عندنا قنابير ؟؟؟!!!


#672787 [محمداحمد حسن اوشي]
5.00/5 (3 صوت)

05-22-2013 10:31 AM
الاخت اسياء تلمست قضية مهمه ولكن لم تحلليها من جزورها ومعرفه اسباب انتشارها فى اوساط المجتمع ولماذ تقض الحكومه الطرف عن هذه القضايا رغم انها صارت عى مرئ البصر كل هذه الاشياء تحتاج الى اجابات واضحه حتى نتمكن من محاربتها .


ردود على محمداحمد حسن اوشي
United States [ود نوري] 05-22-2013 04:54 PM
يا دكتور الموضوع ما محتاج تحليل


#672778 [زول من كمبو كديس]
4.00/5 (5 صوت)

05-22-2013 10:25 AM
آسيا اقترح عليك تكتبى عن الشرف البازخ الذى تناله الغرابية من اثر الركوب من الجعلى .،او عن الدعارة الحلال و التى تمارس فى وسط المجتمع المخملى المتأسلم،عندما تطلق المرأة ليتزوجها آخر و بعلمها،لو دي ما دعارة تكون شنو؟افيدينا قى الحاجات الزى دى،بتفيدينا،و شكرا على الإجتهاد يا ٱستاذة..


#672746 [العمري]
5.00/5 (4 صوت)

05-22-2013 09:59 AM
الكلام ده من زمان موجود عندكم في العاصمة سعد قشره ومايعرف بالديوم . الجد عليكم شنو .


#672718 [على طه]
3.50/5 (6 صوت)

05-22-2013 09:36 AM
ماعندك موضوع يا اسيا غبوش....بس فالحة لى على الاجانب...خليتى مشاكل البلد الجوهرية وقبلتى على الاجانب...الناس جعانة ومرضانة وماقادرة تدفع قروش ايجار المنازل...والسلع نار..
عينيك للفيل.......


#672701 [SUDANI]
4.00/5 (3 صوت)

05-22-2013 09:24 AM
الانقاذ علمت الناس كلو شي وبعض السودانيات اتعلمن من بنات بمبا وجارات شارع دعارة واحتيال في شارع الهرم انه برنامج نافع ابوالعفين كل شي وارد


#672695 [gashrani]
4.69/5 (7 صوت)

05-22-2013 09:18 AM
قبل إلقاء اللوم على الأجنبي أحسن الواحد يفتش نفسه و يعرف كم من أهله يمارس نفس العمل فشظف العيش في السودان جعل الدعارة السودانية تهزم الدعارة المصرية في عقر دارها و أيضافي عجمان ولندن. كل هذا بعد مجيئ الإنقاذ التي شردت الناس و طردتهم من وظائفهم.


#672687 [عصمتووف]
2.85/5 (6 صوت)

05-22-2013 09:15 AM
فلنضع النقاط علي الحروف هن الحبشيات *** معتمد العاصمة ضيق عليهن الخناق في بيع الشاي والعمل في البيوت لا يطاق اذكر جارتي كانت لديها شغاله حبشية عملها غسيل طبخ نظافة ** هل تعلمون بان تلك الجاره كانت تجبر الخادمة بغسيل ملابس جارتها وراتبها 350 جنية والبنت كان جديده علي البلد (مجبوره ) لمن طفشت منها غير السماسره من الرجال الحبش اول راتب له وبقية الشهور لابد ان تدفع له نسبة من راتبها نعم هن يمارسن الجنس داخل بيوتهن لكن انظروا الان للشوارع من بنات البلد وركوب الملح هل شاهدتم يوما حبشية واقفة في الشوارع لركوب الملح فيهن القليل *** من فينا سيدنا يوسف كلنا بمشاكلنا الجنسية والاختلاس وعدم رد الدين وهي مشكلة عالمية


#672683 [omar]
5.00/5 (2 صوت)

05-22-2013 09:06 AM
المقال السابق بدا بمعلومة مفيده وهي ان الاتجار بالجنس اقدم مهنه عرفها الإنسان ودا الكلام المفيد الوحيد في المقالين...الباقي تقرير صح او بطل ليس فيه جديد ولا يعني انو الخرطوم داعره او فاضله...
لو بتقري انجليزي كويس(زي الخبير الوطني ربيع) أما بقترح كتاب ممتاز للكاتب البرازيلي Paulo Coelho اسمه Eleven minutes يتحدث عن الموضوع دا وأنواع الدعارة تاريخيا بما فيها ما يسمي sacred prostitutes and street prostitutes


#672627 [Addy]
5.00/5 (1 صوت)

05-22-2013 07:55 AM
طيب وين الحكومة قاعدة تطبق الشريعة الفالقننا بيها ديه؟؟ وين هيئة علماء السودان الفالحة فقط للفتوى بعدم جواز التفاوض مع الحركة الشعبية قطاع الشمال وما شغالة بهذا النوع من الفساد وفساد المال؟؟ أم أن تطبيق الشريعة موجه لصانعات وبائعات الخمور البلدية ومعروف من أي مكونات السودان هن ؟؟ يمكن حكاية الدعارة ديه وإستقدام الأجنبيات لهذه الشغلة من سياسة الحكومة لتوفير إستراحة لمجاهديها ونحن ما عارفين؟؟!


ردود على Addy
United States [مقيم بالخارج] 05-22-2013 09:23 AM
الحكومة لديها خطة مستقبلية لمحاربة الرزيلة ستطبق خلال العشرين عام القادمين ..ههههههههههههههههههههههههههههههههههههه


#672615 [ابو جهينة]
5.00/5 (1 صوت)

05-22-2013 07:32 AM
@@@@ خبر ركيك ,


ردود على ابو جهينة
United States [مقرسم] 05-22-2013 09:25 AM
هذه حقيقة الى متى نظل ندفن رؤوسنا فى الرمال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة