الأخبار
أخبار إقليمية
البشير يطلب مساعدة عسكرية من تشاد و مصر والأخيرة ترفض و تنصحه بالإستقالة.
البشير يطلب مساعدة عسكرية من تشاد و مصر والأخيرة ترفض و تنصحه بالإستقالة.
البشير يطلب مساعدة عسكرية من تشاد و مصر والأخيرة ترفض و تنصحه بالإستقالة.


ضابط تشادي يتحدث من الفاشر: القوات السودانية قالوا ما " بداوسو "و بموتوا عشان البشير،
05-22-2013 07:19 PM
حملة إستنفار واسعة في انجمينا لإسناد القوات التشادية في الفاشر بعدد 150 عربة دفع رباعي محملة بالأسلحة والجنود

قائد قوات المرتزقة التشاديين يتصل بالرئيس ديبي من الفاشر :
- القوات السودانية قالوا ما " بداوسو "و بموتوا عشان البشير و ضابط كبير قال لي لو دفعوا به إلي الحرب مع المتمردين سوف ينضم إلي المتمردين مع قوته و إنتو جايين تعملوا شنو ما عندكم شغلة .
- حملة إستنفار واسعة في انجمينا لإسناد القوات التشادية في الفاشر بعدد 150 عربة دفع رباعي محملة بالأسلحة و الجنود.

الفاشر: الراكوبة

قالت مصادر مطلعة ل" الراكوبة" أن قائد القوت التشادية المتواجد في الفاشر علي رأس قوة عسكرية تشادية قد أجري إتصالا يوم أمس الأول مع الرئيس التشادي إدريس دبيي قائلا له " هؤلاء - بالإشارة إلي القيادات العسكرية السودانية التي إلتقاها - ما "بشاكلوا" و معنوياتهم محبطة و إن دفع بهم إلي مناطق العمليات سوف ينضموا لقوات المتمردين السودانيين ، فنرجو إمدادنا بقوة إسناد من أنجمينا و أن يكون عاجلا " مضيفا قوله في مكالمته للرئيس إدريس ديبي " أن ضابطا كبيرا في الجيش السوداني قال له" إنتو جايين تعملوا شنو ما عندكم شغلة" و لو دفع به و قواته إلي محاربة المتمردين - علي حد قوله - سوف ينضم إليهم و لا يحارب و قال إن هذا رأي عدد خلية منظمة و ذات تنسيق عال بين عدد كبير من القيادات الميدانية الحربية في الجيش السوداني و أنهم لا يدفعوا بأنفسهم للموت مرة ثانية لأجل حماية البشير لأنه سوف يسقط .
وفي ذات السياق أكدت مصادر ذات صلة من العاصمة التشادية أنجمينا أن السلطات نشطت في حملة واسعة لتجميع عدد 150 سيارة أخري لإلحاقها بالقوة التشادية الموجودة تنفيذا لطلب قائد القوات التشادية الموجود في السودان.
يذكر في هذا الإتجاه أن الرئيس السوداني قدم طلبا رسميا للحكومة المصرية و التشادية يطلب فيه مساعدته عسكريا بالجنود و العتاد لمحاربة قوي معادية - في إشارة للجبهة الثورية - مدعومة من إسرائيل للإطاحة بنظامه، فيما علق أحد قيادات المعارضة السودانية في الداخل بقوله "أن هذه المعلومات وفق مصادرنا مؤكدة و أن الحكومة المصرية رفضت الطلب و قالت إن الصراع في السودان هو صراع داخلي و ليس عدوان خارجي و نصحت الحكومة المصرية البشير بأن يستقيل و يعطي فرصة للشعب السوداني لتحديد خياراته".


للمزيد http://www.vb.alrakoba.net/t135442.html


تعليقات 75 | إهداء 0 | زيارات 29826

صفحة 1 من 212>
التعليقات
#674750 [ابو الدرداء]
0.00/5 (0 صوت)

05-24-2013 01:33 AM
والله ونسة حريم فى بيوت العزاء


#674609 [حماد صابون]
3.00/5 (2 صوت)

05-23-2013 08:01 PM
اهم شى المصريين عرفوا ان نظام البشير منتهى واصبح محسوب لحسابات الماضى ولم يكن له اى امكانيات الصمود امام حاضر


#674522 [abdelrhman]
0.00/5 (0 صوت)

05-23-2013 06:08 PM
نقول للاخوة في الجبهة الثورية السودانية القضاء علي ادريس ديبي قريبا ان شاء الله ،انتو خليكم علي اتصال والتنسيق ،هذه المرة سوف تكونة الاخير لهذه ان شاء الله. [email protected]/ [email protected]


#674507 [Rio]
3.50/5 (2 صوت)

05-23-2013 05:48 PM
ممكن تجيب مرتزقة من افريقيا من سوريا او إيران زي ما سبقك عليها الصادق المهدي لكن جيش من دولة اخرى دي واسعة يابشة ..


#674487 [omer adam omer]
5.00/5 (5 صوت)

05-23-2013 05:28 PM
حتي تنتصر الثورة لابدا تصفية تجار الحرب من ابناء دارفور ، يومين في انجميينا ويوم في الخرطوم لزوم التخابر وتليقط المعلومات ويعملون مع المخابرات السودانية لقتل الثورة لا بدا من تصفيتهم اليوم قبل غدا ،،، ادعوا الجبهة الثورية القضاء علي هؤلاء اولاً وبعدها نواصل المسيرة ،،، وعلي رأسهم المخبر بحر ادريس ابوقردة ، مافيش تهاون في هذا الموضوع (نوقف كل شئي ونقضي علي هؤلاء الامراض اولاً)،،، ملايين من ابناء دارفور يموتون يوميا بسبب هولاء المخبرين.


ردود على omer adam omer
United States [علي دينار] 05-23-2013 10:51 PM
بحر ادريس ابوقردة طلع البقرة الضحك , يعني نسي الايام الكان هو في الطائر بين انجميينا و ابائشي


#674473 [هميم جابر]
5.00/5 (3 صوت)

05-23-2013 04:58 PM
الجيش بطنه طمت فعلاً، فهو يقدم الشهداء ثم يأتي عملاء يسمونهم أعضاء وفد التفاوض وبتوجيهات مباشرة من الرئيس البشير فيسلموا ما قاتل الجيش واستشهد الجيش من أجله، على طبق من ذهب، للأعداء!


#674404 [ابراهيم كاوسا]
3.00/5 (2 صوت)

05-23-2013 03:37 PM
نحن واهل غرب السودان اهل ودم ونسب ويربطنا صلات ليس لها حدود .
دائما ما يتكلم بعض الصحفين السودانيين ان تشاد ولا يدرون شيا عنه .لا سياسيا ولا دينيا ولاثقافيا ولاحتي عن اي لغة رمية يتحدثون بها .
ان اي حماية تشادية تتحدثون عنها ,
اليس هناك اتفاقية جرت بين الدول الثلاثة (ى تشاد , السودان , افريقيا الوسطي ) من اجل تامين حدود هذه البلدان ومن حق هذه القوات المشتركة التجوال داخل المناطق الحدودية المتفق اليها الا يوجد قوات مشتركة في مدينة ابشي التشادية ومعها قوات افريقيا الوسطي وهكذا في الاقاليم الحدودية لافريقيا الوسطي يوجد بها قوات تشادية سوداني وافريقيا الوسطي .
لماذا نعقد الامور ونضلل المثقف السوداني .
لا ولن يتدخل تشاد في حماية المجرم البشير ولا حكومتة الظالمة . القاتلة للابرياء.
نحن ندين لشعب غرب السودان بحيتنا .
وسنظل نتابع احداث دارفور حتي عن كثب .
نتضرع لرب العالمين دائما ليحقق مطالب شعبا دفع الكثير من الارواح من اجل الحرية والعدالة .


ردود على ابراهيم كاوسا
[Almo3lim] 05-24-2013 12:36 AM
كلام جميل يا أبراهيم كاوسا ..

لكن هذا إتفاق بين (حكومات) و الشعب لم يختار أن تحمي أراضيه قوات من دولة أخرى حتى و لو كانت شاد و وجود هذه الدوريات هو لحماية (أنظمة فاسدة) و ليس تأمين الشعوب و بربك قل لي ما هو سبب مطاردة القوات التشادية لقوات حركة العدل و المساواة ؟؟؟ و لماذا يحدث ذلك بعد زيارة البشير الاخيرة لانجمينا و بعد سقوط مناطق كثيرة في يد الجبهة الثورية ؟؟؟؟

حديثك عن الشعبين و القبائل و الدمار الذي طال أهلنا في دارفور على العين و الرأس لكن التبرير لوجود هذه القوات داخل الأراض السودانية لتقمع ثورة أهل دارفور و جبال النوبة لا يتماشى مع تعاطفك مع انسان دارفور و معاناته ..!!!

أقلب الصفحة و أكتب من جديد لأن ديبي مثله و مثل البشبر و إلا ما كان قدم ليهو المساعدات العسكرية بعد زيارته لأنجمينا أبان المؤتمر الأخير (صفقة النسب مع موسى هلال) ..

أنا أعرف أن تشاد بها حركات (ضاغطة) تسببت في عودة القوات التشادية من السنغال و ليتكم تفعلوا نفس الشيء و تخرجوا في تظاهرات تطالب بعودة قواتكم من (دارفور) و الا رأيك شنو ؟؟؟


#674377 [عباس التحت اللباس]
5.00/5 (2 صوت)

05-23-2013 03:14 PM
شعب جيعان دخل الفرد فية اقل دخل فى الكرة الارضية اكبر دولة فى العالم فى مستوى الفساد لا بنية تحتية لا صرف صحى لا تعليم انهيار فى اخلاقيات الشعب الطاهر دعارة فقر مرض كل المشاريع ديون نصف اراضى البلد اتباعت وزراء منحطين اخلاقيا شواذ جنسيا رئيس ضعيف اداريا ماعندنا مشكلة مع اسرائيل اكبر الدول الاسلامية علاقتة مباشرة مع اسرائي


ردود على عباس التحت اللباس
United States [محمد الدول] 05-23-2013 10:49 PM
هل هذا عنوان يتباهى به رجل مبادىء حتى نتبعه ولكن اذا كان الغراب دليل قوم حل به الى حيث جيف الكلاب


#674366 [سودانى من دار حمر]
0.00/5 (0 صوت)

05-23-2013 03:08 PM
الجبهة الثورية هم اعدا الله الله اكبر عليهم وعلى الأعوان ديل كمان


ردود على سودانى من دار حمر
[الكوشى] 05-23-2013 11:55 PM
اسكت اقرأ تاريخ السودان منو الهرب سلاطين باشا؟؟؟؟؟؟؟؟


#674361 [um ahmed]
5.00/5 (2 صوت)

05-23-2013 03:05 PM
اللهم الطف بالسودان . اللهم انا نتضرع اليك ان تصلح حال السودان وتولى امره من يخافك ويرحمنا يارب انك سميع مجيب الدعاء لا ملجا لنا الا اليك يا رحيم يا رحمن ارحمنا


#674345 [عبدالله عبدالواحد]
0.00/5 (0 صوت)

05-23-2013 02:52 PM
اي عميل السودان برئ منه امشوا للخواجات اولياء نعمتكم ديل خلوهم يجوا يشيلوا ليكم البشير وماااااااااااااااااااااااااا بقدروا زي ما انت ما قادرين


#674324 [ود الشلال]
5.00/5 (2 صوت)

05-23-2013 02:37 PM
يعني البشير ماعندو استعداد يتنازل حتى لو يقاتل بمرتزقة , وانت يا(دبي) أقعد لي بس لتصدير المرتزقة من قبل ليبيا واسي السودان , أما شعبك خلية يلقط من القمايم بس عشان يعيش.


#674323 [محمد علي]
5.00/5 (8 صوت)

05-23-2013 02:36 PM
سير سير يا العوير نحن جنودك للتعمير ............................. اجمل ما في حكم العوير تدميره ما يسمى بالحركه الاسلاميه كنا محتاجين 200 سنه للتخلص منهم فعلها العوير فيي25


#674084 [جركان فاضى]
5.00/5 (3 صوت)

05-23-2013 11:20 AM
عند احتلال الكرمك وقيسان من قوات الجيش الشعبى فى نهاية القرن الماضى لم يستطع الجيش السودانى ارجاعها الا بالاسلحة العراقية التى ارسلها صدام حسين -وها هو المشهد يتكرر مرة اخرى فى ابوكرشولا فالجيش السودانى يحتاج فعلا للاسلحة المصرية وبعد ما رفض المصريين ذلك فالرماد كال حماد


ردود على جركان فاضى
United States [ميرغني احمد] 05-23-2013 02:06 PM
حماد ده ما هو انت وانا والشعب السوداني- والله فعلا جركان فاضي


#674064 [حريه]
4.72/5 (6 صوت)

05-23-2013 10:58 AM
ليس بغريب أن يعمل أو يستعين عمر البشير وزمرتة الفاسدة الدكتاتورية حتي لو تتطلب ذلك الاستعانة بالجن الاحمر ,في دارفور هذه الأيام اختفي الجيش السوداني من الشوارع في المدن وحل محلهم الجيش التشادي وكل مندهش لهذه السلوك المعيب الذي يحط من كرامة الجيش السوداني ذو التاريخ الناصع, الناس بتتكلم أن حلايب والفشقة وشلاتين تم احتلالهم من جيراننا ولكن الخطر الأعظم يتمثل في دولة تشاد واذا استمر الحال هكذا ستسمعون قريبا غرب دارفور والجزء الشمالي الغربي من ولاية شمال دارفور قد تم احتلالهم والله يكضب الشينة.
ودمتم


#674046 [ودالبلد]
5.00/5 (2 صوت)

05-23-2013 10:49 AM
الجيش انتهى من زمان وناس الموتمر الوطنى جابوا ملكية ناس الدفاع الشعبى مثل صلاح قوش ووزير الداخلية وناس سايحون ولبسوهم الكاكى وقايلين يوم زى دة مابجى واصل القوات الثورية هم ظباط الجيش والعساكر المسرحين يعنى تدرييب وتكتيك


#673964 [أسامة الكردي]
5.00/5 (2 صوت)

05-23-2013 09:30 AM
أخوتي المعلقين المعارضون ، الأمر ما عاد يحتمل وبالفعل وصلنا لنقطة حاسمة ويجب علينا المساهمة في حسم هذه المهزلة للزج بهؤلاء الفاسدين إلى مزبلة التاريخ لتطهير البلاد من نجاستهم ، لذلك أرجو أن تحاولوا استعال أسمائكم الحقيقية حتى تعلم عصابة المؤتمر اللاوطني الذين بدأوا يستعينوا بالمرتزقة لتقل أبناء الشعب السوداني أن المواطن ما عاد يخاف، وإن نهايتهم قد دنت وحتى يكون ذلك حافزا مشجعا لأبنائنا لعدم التورط والانصياع لهم .
وإذا الشعب يوما أراد الحياة فلا بد أن يستجيب القدر ولا بد لليل أن ينجلي ولابد للقيد أن ينكسر.


ردود على أسامة الكردي
European Union [خيرى] 05-24-2013 12:27 AM
لك التحيه والاحترام سيد اسامه ولكن للامانه لى صديق مدمن على الراكوبه وبيكتب باكثر من خمسين اسم نعم ....والله على ما اقول شهيد وعندما سالته قالى ديه سياسه اكبر من فهمك ...المهم لا اعرف الاخرين ولكن ديه نموزج واحد

[nagatabuzaid] 05-23-2013 10:44 AM
انا بستغرب كيف انسان يخفى اسمه خوفا من بشر مثله طالما انه يقول الحقيقة ودعوتك

صحيحة ولا بقاء للجبناء بيننا ولا خايفين من جدادهم البلدى ده لقطوه ارموه الخلاء لتلقيط

الفضلات المعروفة


#673957 [Fato]
5.00/5 (1 صوت)

05-23-2013 09:20 AM
طالما الأمور وصلت لهذه الدرجة من الضعف فالان الظرف مواتى لتحرك الجماهير والنزول للشارع لكنس أعداء الشعب ومحاكمتهم ميدانيا والعالم كله يشهد هذه المحاكمات.تأكدوا بأن البعض من أحرار القوات المسلحة وبعض أحرار الأمن سوف يحمون أنتفاضتنا وفى عز الأنتفاضة يجب الحذر بان لا يهرب أحدا منهم وذلك بقفل المطارات والطرق الرئيسية والفرعية حتى نقبض عليهم جميعا ولأول مرة يكون فى تاريخ السودان يكون القصاص منهم بقانونهم الذى أذاقونا منه العلقم.


ردود على Fato
United States [محمد الدول] 05-23-2013 10:53 PM
صحيح جركان فاضى

United States [جركان فاضى] 05-23-2013 12:12 PM
ياحبيبى يا فاتو نحن عايشين رزق اليوم باليوم فاذا ما اشتغلت ترجع البيت ايدك فاضية - المظاهرات عايزة ايام ونفس طويل ونحن ما عندنا هذا النفس -فالان خلينا ننتظر شوية فجماعة المؤتمر الوطنى كل ما يقبلوا يلقوها نار مولعة -قبلوا غربا ابوكرشولا وما عارفين يعملوا فيها ايه -قبلوا جنوبا فالجيش الشعبى فى النيل الازرق - قبلوا شرقا القضارف وما فيها غاز -جوا الخرطوم ودولارها فاير فوران -مشوا مشروع الجزيرة يلقوه ابن عاق لايصرف على ابوه - مشوا للجيش قال ليهم بطنى طمت من الحرب

United States [بتاع بتيخ] 05-23-2013 10:26 AM
دا في السودان ما بحصل الا في المشمش


#673949 [ابو علي]
5.00/5 (7 صوت)

05-23-2013 09:13 AM
حان الوقت لجيشنا البطل ان ينحاز الى الشعب بانضمامه للجبهه الثوريه و ان لا يدافع عن الحراميه و طير يا بشير والا راح يفوتك قطار علي عبدالله صالح .


ردود على ابو علي
United States [nagatabuzaid] 05-23-2013 10:50 AM
هذا هو العشم فى الجيش ولكن دون الانضمام لاى جهة نريدها ثورة نظيفة خالية من شبهة الانتماء لاى جهة نريدها ثورة من الداخل من المركز ثم بعد ذلك فليتفاهموا على صيغة الحكم نرجو ما تكون احلام ظلوط وعشمنا فى الجيش بعد الله بدا يصحو بعد رفض رجال الجيش الحقيقيين الاستجابة لنداء التعيين وننتظر وارجو ان لايطول انتظارنا


#673942 [alsudani]
5.00/5 (1 صوت)

05-23-2013 09:06 AM
نحن نقول لدبى أنت لا تستطيع تغير شيئ فى السودان
و تفريق ليبيا من التشادين اسهل من تفريق السودان منهم
عندك بترول حاول ساعد شعبك وازرع غابات عشان بحيرة تشاد
جفت بكثرة حاملى السلاح ..ازرع بلدك كبيرة اقدر عليها عمره


#673922 [محمد ساتى]
5.00/5 (1 صوت)

05-23-2013 08:41 AM
اذا كان هذا حقيقة فان الشعب السودانى من العوض و علية العوض


#673912 [ودالشيخ]
5.00/5 (2 صوت)

05-23-2013 08:31 AM
العميل دبي وهو ينتهك حرمه اراضي السودان بقوه كبيره مسنودة بالطائرات الفرنسية علي حسب مصادرنا الموثوقة لهم مهمتين المهمه الأولي لإرضاء البشكير لمطاردة قوات الجبهة الثوريه اما المهمه الثانية وهي الأهم بتنسيق عالي مع مخابرات الفرنسية والتشادية البحث عن مخابئ وأماكن مقاتلي مالي وقيادتهم الذين عبرو الي دارفور حسب ماصرح به العميل دبي شخصيآ في فرنسا والآن هم يجمعون معلومات مهمة والأيام القادمه الطائرات الفرنسيه تضرب مخابئيهم والذي تبقي يلتهم القوات التشادية اما نحن في قوات الجبهة نرصد كل تحركات ونضربهم ان كان مليشات البشير او قوات التشادية او إرهابي مالي


ردود على ودالشيخ
United States [nagatabuzaid] 05-23-2013 10:38 AM
يعنى فرنسا فكت عيالها مناوى وعبد الواحد عكس الهوى ؟؟؟؟؟؟؟؟؟؟؟؟ وبقت مع دبى يدب فى

جسمه خدر وشلل قادر يا كريم

[Observer] 05-23-2013 10:37 AM
يا ودالشيخ ما تقول الحقيقة!! ليه أنت داسيها, الأمر كله مقتل قائد استخباراتي تشادي مع المجموعة التي تمت تصفيتها مؤخراً- اي الموقعين علي اتفاقية الدوحة الأخيرة وهم من العدل والمساواة- والحكومة عايزة تستفيد من هذا لضربهم. نقطة


#673885 [مواطن سودانى]
0.00/5 (0 صوت)

05-23-2013 07:39 AM
هووووي ااااناس الجبهه الثوريه، بطلوا الحركات الفارغه والنضمي الما عندو معني.


#673869 [Sudany]
5.00/5 (1 صوت)

05-23-2013 07:00 AM
مصر وعدت بالمساعدة العسكرية مقابل الصمت عن حلايب، ولما كسرت عين الحكومة السودانية وضمنت حلايب فكت البشير وحكومته عكس الهواء


#673830 [الحق]
4.99/5 (9 صوت)

05-23-2013 02:49 AM
هذه عدم ثقه بالقوات المسلحه حان الوقت لكي ينحاز الجيش للشعب بدلا من حماية افراد معينين


#673814 [مبارك عمر]
4.50/5 (4 صوت)

05-23-2013 01:44 AM
لو دبى بثبت الحكم كان القذافى لا زال فى طرابلس يشتم ويسب الثوار لو قافل عليه شيل نسوانك واتوكل طهران قبل ما الاسد وحسن لبنان واتباعهم يغلوالايجار هناك


#673805 [السوداني]
4.88/5 (8 صوت)

05-23-2013 01:13 AM
والله كضابين كضب .. يعني انت يا مطموس قدرت تسمع مكالمات دارت مع الرئيس التشادي ؟ ههههههههههههه والله انتو اقعدو اتفرغو للكضب كدا لغاية ما بكرة الجيش يعدمكم نفاخ النار في ابوكرشولا


ردود على السوداني
United States [بنت الجبال] 05-23-2013 10:24 AM
نفاخ النارالعدمو ليى اسيادك فى اب كرشولا ولانك راسك فاضى تابع الصحف العالميه على النت وحا تعرف الحاصل حولك شنو حقيقه الكذبه الاسمها الانقاذ الانتو عايشنها .

[سوداني] 05-23-2013 08:42 AM
يازول انت من زمن الجيش بيحارب هو الجيش يحارب عشان منو البشير واخوانه ووداد بابكر وامين حسن عمر ومهدي ابراهيم ونافع وعلي عثمان والمتعافي والجاز وكرتي وحمودي نافع والحاج ساطور الناهبين البلد وعايشين في بذخ وثراء فاحش ياراجل الجيش انتهي لما الكيزان صفوه وحولوه مليشيا تابعة لادارة في الامن ولو ماعارف اعرف انه راتب الجندي 400 الف يعني خدامة اثيوبية بتاخد اكتر منه علشان كده هو ذاته مسحوق وروحه طالعةومالاقي ياكل يقوم يحارب يموت او ينتصر ويقعدوا الحرامية الفوق ياراجل اوعي.


#673800 [أبو مريام]
5.00/5 (3 صوت)

05-23-2013 01:01 AM
الوضع بالنسبة للرئيس الراقص أصبخ صعب بي جد ، قبل تلاتة أيام أبو ريالة فشل في زيارتو لنيالا لأنو لقي تلاتة فقط سجلوا في كشف الرغبة للإنضمام للجيش ، التاني فشل في إستنفارو للرزيقات بنيالا لأنو الناس الجو الليلة المستشفي جو للكشف الطبي لتهيئتهم للدخول لمعسكر التدريب يعني ببساطة دايرين ليهم شهر علي الأقل للجهازية بشكل مقبول هو قال داير 25 ألف للجهاد الناس ديل رفضوا برضو بعض الإنتهازيين ود أطفال صغار للمستشفي اليوم، بالنسبة للتشاديين قرايتي ماشة في جانب إنو الناس ديل لربما يقلبوا ليحاربو مع الجبهة الثورية لأنو ديبي الجبهة الثورية ما زعزعت حكمو زي البشير ومافي فرصة عشان يرد فيها للبشير إلا الفرصة دي وعلشان يخلص المشوار ، وأكثر ناس دعموا ديبي هم ناس دارفور وحمي حتي حكومتو في بداية إستلامو السلطة ، حاجة أخيرة الحليف لي ديبي فرنسا ويمكن تضغطو بشكل كبير للإنسحاب من السودان وعدم دعم طرفي الصراع ، ديبي سيجد من السودان الكثير أكثر من حكومة البشير ، علي الأقل الحكومة القادمة ستسعي لخلق علاقات حسن جوار تقوم علي المصالح المشتركة عكس حكومة المجرم البشير ، وبالتالي ديبي ما في زول فاضي ليهو دي يمكن حسابات ديبي بعد وصول الجبهة الثورية .
إلي الأمام يا ثوار الثورة خيار الشعب


ردود على أبو مريام
United States [nagatabuzaid] 05-23-2013 10:34 AM
اهم خبر وتستحق عليه جائزة هو فشل زيارة وزير الدفاع وتسجيل ثلاثة فقط للانضمام للجيش


علشان كده الجماعة جروا تشاد مصر ونسال الله مزيدا من الفواق من الغيبوبة للشعب السودانى

ومزيد من المقدرة على قولة لا لا لا


#673791 [بكورة]
5.00/5 (4 صوت)

05-23-2013 12:41 AM
يا حليلك يا بقرنا


ردود على بكورة
[Observer] 05-23-2013 09:07 AM
رحم الله المرحوم الفنان أحمد فرح لقد تذكرته بقولك " يا حليلك يا بقرنا" علي قول " يا حليلك يا بلدنا" التي كان يصدح بها.
المشكلة ليس في البقر وحده فساستنا تنقصهم الحكمة وبعد النظر, ودائماً يتصرفون كما الأطفال وليس الساسة, ما الذي وجدناه منهم سوى الاستخفاف والحسد. رغم استقرار حدودنا معهم إلا أن طمعهم وحسدهم واضح , فما حلايب وشلاتين وجزء من حلفا ببعيد, وحسدهم يتمثل استكثارهم علينا الخيرات والتقدم, فكلما تطورنا وتقدمنا للأمام تجدهم أول الحاسدين علي نعمة الله علينا.


#673786 [Keihfd]
1.00/5 (1 صوت)

05-23-2013 12:31 AM
اهل حبوبتى ليس لديهم عاقل يرشدهم الى الصواب فان تدخل فى شأن الداخلى بهذه كيفيه يترك اثرآ سودا لعلاقات بين الشعوب فعليكم استعمال الحكمة الحياد فى مثل هذه المصائب.


#673762 [ناديه فضل المولي ادريس]
4.97/5 (14 صوت)

05-22-2013 11:50 PM
ابجاعوره الرقاص اخوى ماعندى اى مانع أنصحك تاني واذكرك والليله النصيحه غاليه جدا ونصيحتي
ببساطه هي أهرب أهرب أهرب أهرب أهرب وانفد بجلدك نهايتك هاتكون مأساويه خالص ولايمكنك تخيلها
وستتمني الموت الذى سيكون عزيزا عليك جدا ولن يستجيب لتوسلاتك التي ستكون ذليله بشكل مأساوى ولن تجد من يتعاطف معك حتي حبيبة قلبك وداد بابكر الكتلت راجلا عشان تعرسا هاتبيعك بثمن بخث دا لو ماباعتك فعلا من زمن وسيحتفظون بك علي قيد الحياه لترى وداد محظيه لمقاتلي الجبهه الثوريه ومنهم من حطمت حياته وشردت اسرته يوم اخرجته للصالع العام أما زوجتك الأولي بت عمك الحيزبون كلمتك وقلت ليك دى طابور خامس من يوم عرست فيها بعد صبرها الطويل معك وهي أعلم منا بخيابتك وضعفك مع النسوان وياما ضحكت بسخريه يوم عرست وداد وقالت وداد اخدت ماسوره كبيره اما اخوانك اللصوص والحراميه دعهم كما سبق وان نصحتك يواجهون مصيرهم مع الشعب المغبون.
عموما دى نصيحتي وانت حر.


ردود على ناديه فضل المولي ادريس
United States [مرتادى الانداية فى عصر البشير المنحط] 05-24-2013 01:24 AM
سودانى اصيل ؟؟؟
بشك فى ذلك يا ****لانو السودانى الاصيل ما بشتم وكمان حرمة زى مابتقولوا لكن انت الفيك ظهرت فك الخط بقى يقول ليك سودانى وكمان اصيل
انت رئيسك ماسودانى اصيل
تقولى شنو

مرتادى الانداية فى الضواحى وطرف المدائن يلا نور الصباح

European Union [سوداني اصيل] 05-23-2013 12:24 PM
بسم الله الرحمن الرحيم
وانا نصيحتي ليك فتشي ليك راجل يرضي بيك وخليك من البكاء علي الحريم العرسن راجلين وانت في محطة قف ما لقيتي ليك راجل وخليك في ضل الحيطه لانو انت ظاهر عليك نكتية وحاسدة وداد

United States [كرري] 05-23-2013 03:37 AM
مأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ


#673755 [منديل جميل]
5.00/5 (3 صوت)

05-22-2013 11:34 PM
طير ..طير يا البشير ...


#673751 [مواطن شريف]
5.00/5 (5 صوت)

05-22-2013 11:32 PM
عجباﻻمة تتشفى وتسخرمن جيشها ايقنت ان السودان ليس له مستقبل


ردود على مواطن شريف
European Union [جاد كريم] 05-24-2013 01:56 AM
هههه ياتو جيش يا مواطن يا ما شريف .. التامّنهم تشاديين !!؟؟
زمان ورونا انه ال جيش زادوهو موية .. اليومين ديل زادوهو مرتزقة !!

سمعنوا يا بشر فى (جيش) بيستعين بـ (مرتزقة)

لا اله الا الله

United States [MAHMOUDJADEED] 05-23-2013 09:43 AM
مقارنة ليست في محلها يا زنقار .. تريد مقارنة اليابان ذات الاثنية الواحدة مع لحم الراس .

United States [Zingar] 05-23-2013 03:47 AM
بالله...واليابان الما عندها جيش خالص تقول عليها شنووووو؟

عالم ووووووهم


#673741 [أبو عمر]
4.00/5 (5 صوت)

05-22-2013 11:19 PM
الكلام دة معناه المرتزقة إتعصروا ويراد بمثل هذا النوع من الكلام الممجوج الفطير تجيير الإنتصارالوشيك للجيش التشادى وليس الجيش السودانى البطل


#673739 [nagatabuzaid]
4.00/5 (3 صوت)

05-22-2013 11:17 PM
فى رد مصر درس عصر ومساء وصباح مجانى درس كبييييييييييير

مصر ليست ماسورة كما ذكر احد المعلقين ديل ناس بعرفوا سياسة( اوى اوى ) دى الصفعة الثالثة

ان زولنا بيفهم هو ومن حوله الصفعة الاولى كانت لما اتكبكب زولنا واتراجف وسافر مصر وما

اسلقبله مرسى فى المطار ورسل ليه ما بعرف مين داك لاستقباله وبعد روحا تزاوغ الموت عقد معاه

اجتماع والباقى دعوة عشاء (كسر ضهرناو دنقر راسنا ) الصفعة التانية رئيس هيئة الاركان

المصرى فى بلدنا وفى عقر دارنا هرش رئيسنا اب ضراعا قوية وبطالع بيها شعبه بره قال ليه

مافيش نقاش عن حلايب الموضوع خلص علشان ما ياثر على العلاقات بين البلدين ( هسسسسسس ولا كلمة

اتكتم ) ورئيسنا اب ضراع ووزيره اب منظار ومستشاره اب ساطور وداك اب سلم هسسسسسس سكتوا

تممممممممم كتموا الصفعة الثالثة قالوا ليه مافيشش مساعدة قتلك لشعبك شان داخلى واسرائيل

البتولول منها دى كذبة مكشوفة ونحن اسلاميين والاسلام قال لعنة الله على الكاذبين جاتكم خيبة

ونيلة على عينكم ده انتوا معاكو ايران ووحماس ونصر الله والاتحاد الشوفيتى وبشار الاسد(خانوه)

مش قادرين على ناس قلتم عنهم متمرديين احنا اللى فينا مكفينا وتعالوا ابلونا (قابلونا ) فى

حلايب وشلاتين وزولنا قعد يحسب اديناهم كم بقرة وشعبنا جعان نستاهل يا الخضر طبعا الخضر قبض

ثمن البقر ومسح خشمه وما يهمه يا مصطفى عثمان اديناهم كم فدان من الشمالية مصطفى عثمان

قبض السمسرة وقفل الخزنة وعدل الكارفته الحمراء ولا يهمه دنقلا قريبة من مصر مالوا ومال

المشاكل اها يا خالى ود عم امى بالله شوف اهلك ديل الخال قال هوى يازول ياروح ما بعدك روح

كان وقعت الواقعة اين المفر الا بلدنا ( نقادة) فى صعيد مصر احسن شوف ناس تشاد يمكن تلقلى

مكان فى ابشى تدخلى تندسى انجمينا ذااااتا مافيها امان ويللا خمى وصرى ياحكومة الهنا

نصيحة مرسى للبشير بالاستقالة فى محلها واظنوا استحى يقول ليه سلم نفسك لاهاى انت منتهى

الصلاحية ولاهاى فيها رفاهية اخير ليك من شالا


ردود على nagatabuzaid
United States [MAHMOUDJADEED] 05-23-2013 09:45 AM
المعلن شئ والواقع شئ آخر ( الفهم قِسَمْ ).

United States [Zingar] 05-23-2013 03:56 AM
والله يا بت ابوزيد اقترح ان يكون تعليقك ده نشيد الجيش الجديد الأنجب خايب الرجاء البشير ومسطول ديمه بكرى وبقية العقد الفريد آسف العفن الفريد


#673734 [البديري]
5.00/5 (1 صوت)

05-22-2013 11:10 PM
بعد التدخل الأجنبي الحرب صارت فرض عين ضد المؤتمر الوثني


#673729 [Haba kamba]
5.00/5 (2 صوت)

05-22-2013 11:03 PM
بالكضب والنفاق أكل أمؤال الشعب وقتل الابرياء من غير ذنب \\\ زمن وقفة امام الجماهير نوصل ليكم كهرباء نوصل ليكم مؤية والطرق ومستشفيات والمدارس هذا الكلام انتهت ب{ 52 عام } بعض كدا الناس قامو فى الواقع """ والله انا مذكر عمر البشكير زار شمالية قال من شدة كضب حقو قال نعمل ليكم هذا وذاك وووو وفى الاخير قال بنجيب ليكم فيسبوك كمان = انا قلت إتقل الله يا منافق والله مافى كضب اكبر من ذالك !!! واليوم عاوزين مساعدة والله اي دولة ساند لهم فى الشان الداخلى ح ينسحق زى وزى اى مجرم ما مجاملة خااااااااااالص وما يلؤمنا الا نفسه !!!!!


#673711 [احميدي]
5.00/5 (5 صوت)

05-22-2013 10:37 PM
هناك تمرد كبير داخل الجيش (حسب مصدر مقّرب) .
الايام القادمه ستشهد تحولات كبيرة جداً .
على جماهير الشعب السوداني اخذ زمام المبادرة وتفجير ثورتها في هذه اللحظه التاريخيه و الجيش سينحاز للثورة
منذ اللحظه الاولى والنظام في اضعف حالاته ومتخبّط ويعاني الكثير من الإنقسامات والإرتباك
يؤكّد ذلك ان هم النظام الآن انحصر في حمايه الخرطوم بعد (قنعوا) من ابوكرشولا وغيرها
وبقوا (يتلّفتوا) طالبين العون من تشاد ومصر وبالطبع (ايران) .


#673709 [SAAB ALBLD]
4.85/5 (7 صوت)

05-22-2013 10:32 PM
دبي ضاق اللحم السوداني المقمر ده تاني مابيقصر المرة الفاتت رضوهو بي بت موسي هلال زعيم الجنجويد ظنيتو المرة دي اغروهو بي بمنو يا ربي!! لانو المرة دي الموضوع كبير وعمو عمر الفيهو انعرفت


ردود على SAAB ALBLD
[عيني عينك] 05-23-2013 03:08 AM
بيني وبينك ما قدر عليها عمك


#673693 [الجندى المجهول]
5.00/5 (3 صوت)

05-22-2013 10:11 PM
قالت مصادر مطلعة ل" الراكوبة" أن قائد القوت التشادية المتواجد في الفاشر علي رأس قوة عسكرية تشادية قد أجري إتصالا يوم أمس الأول مع الرئيس التشادي إدريس دبيي قائلا له " هؤلاء - بالإشارة إلي القيادات العسكرية السودانية التي إلتقاها - ما "بشاكلوا" و معنوياتهم محبطة و إن دفع بهم إلي مناطق العمليات سوف ينضموا لقوات المتمردين السودانيين ،مداخلة من الجندى المجهول عووووووك دا الخبر ولا بلاش فنرجو إمدادنا بقوة إسناد من أنجمينا و أن يكون عاجلا " مضيفا قوله في مكالمته للرئيس إدريس ديبي " أن ضابطا كبيرا في الجيش السوداني قال له" إنتو جايين تعملوا شنو ما عندكم شغلة" الجندى المجهول ينعال ابو الزفت دا الشغل.. والله صاح ماعندكم اي شغلة انتو والرئيس ديبى بتاكم اصلا نظام الخرطوم هالك اجلا ام عاجلا لا محالة من ذالك فعليكم ترك الجبهة الثورية يداوسو مع المؤتمر الوطنى ولا تورطو انفسكم فى مستنقع معركة خاسرة مسبقا


#673688 [دصلاح الشايقي]
5.00/5 (2 صوت)

05-22-2013 10:07 PM
نظام ماقادر يحمي نفسوا الي الجحيم


#673687 [AburishA]
4.25/5 (14 صوت)

05-22-2013 10:06 PM
يعني جابوا نفس المرتزقة بتاعين غزوة امدرمان ليحموهم !!!! دنيا!!!!!!!
اذا كان لمشكلة داخلية يتم الاستعانة بقوات اجنبية!! وحتى في الاجنبية زاتو تشادية!!!!!
طيب اذا هاجمتنا دولة لاسمح الله نمشطوا شعرنا ونلبسوا اسكرتات وبلوزة ولا كيف!!!
أعوذ بالله من سوء المنقلب!
بلد ما فيها تمساح يقدل فيها الورل!!!!!!!!


ردود على AburishA
[علي دينار] 05-23-2013 02:17 PM
ياخي البلد مليان بي الجيوش الجيش المصري في وادي حلفا يبحثه عن اراضي و الجيش الارتري في كسلا و قضارف يبحثه عن تجار البشر الجيش الصيني في كردفان يبحثه عن ذهب و نفط و الجيش اليغندي في الجنوب دارفور يبحثه عن جوزيف كوني و الجيش التشادي في شمال دارفور يبحثه عن الاسلامين الهربو من مالي و الجيش الليبي في وادي هواره يبحثه عن الموية و الجيش الايراني في وادي سيدنا يبحثه عن قنبلة نووية و الخرطوم مليان بي الجواسيس , دي بلد الورل يقدي علي تمساح

[isic] 05-23-2013 01:06 AM
لو دقست لبست اﻹسكريت والبلاوز يدووب تعبته مع الغزاة ههههههههه.


#673684 [حليم - براغ]
4.91/5 (7 صوت)

05-22-2013 10:05 PM
أحسن حاجة يا البشير الما جعلي تطلب المساعدة من اليهود !! بعدين إنتوا قبل يومين مطلعين مظاهرة بتاعت كلاب منافقين للتضرع لله عشان ينصركم علي الأعدا ناس الجبهة الثورية والشرفاء المعارضين لسياستكم القذرة ..أظن تضرعكم لله ما جاب فائدة.. لأنو رب العباد مابيقبل تضرع سفلة مجرميين!! بيقبل تضرع الصادقين السرفاء الذين يخافون الله!! أخجلوا أصبحتوا تبكون مثل العاهرات القذرات.. أثبتوا وأبقو رجال وأرجوا الجايكم؟؟


#673673 [ملول]
4.63/5 (5 صوت)

05-22-2013 09:52 PM
أنت وحدكم تستخفوا بالجيش السوداني المبنى علي الانضباط والتنظيم, الحرب بالنسبة لهم ليست بنزهة عابرة وحفظهم لحياتهم عامل تقتضيه التكتيك العسكري ,لأن الجندي عندما يدخل في معركة أو قتال عليه أن يتبع تكتيك عالي في سبيل الوصول للهدف المنشود, وليس شرطاً عليهم الدخول في محرقته- نيران القتال- مثل الفراشات الحمقاء,فمعرفة قوة وإمكانات خصمك مهمة, ودائماً لا تسهين بمقدرات عدوك. وأظن أن الطرفان يعملان بهذا المبدأ.
وأخيرا, هذه التسريبات معروف الغرض منها.


#673660 [isic]
4.82/5 (5 صوت)

05-22-2013 09:37 PM
إذا المعلومات دي مؤكدة 100% ، الجبهة الثورية من حقها تستعين بأي دولة لمقاتلة المرتزقة ومن إستعان بالمرتزقة.


#673654 [The General]
5.00/5 (3 صوت)

05-22-2013 09:25 PM
The Sudanese Army Has Been Gone Since The NCP Came To Power. These Militias Will be Defeated Very Easily By The Revoultionary Forces


#673652 [mansour]
5.00/5 (2 صوت)

05-22-2013 09:21 PM
حبيب الله مره واحده ياساتر


#673651 [خالد حسن]
5.00/5 (4 صوت)

05-22-2013 09:20 PM
ده درس للعساكر المغامرين البجو ينطو في الحكم بانقلاباتهم المدمره
قايلين الحكم ده شكة كوشتينه


#673647 [شمالي]
5.00/5 (6 صوت)

05-22-2013 09:17 PM
هو البشير لو لاقي إسرائيل تساعده ضد الجبهة الثورية كان أرسل ليها علي كرتي
الرجل يعبد كرسي السلطة وحسب
وادريس ديبي رجل غير مضمون العواقب وبكرة تشوووووف يا بشه


#673646 [jomo]
4.25/5 (4 صوت)

05-22-2013 09:16 PM
ههههه بعد الخرفان والبقر, والعربات

وحلايب وشلاتين, كلو الكلام راح {فسوت مدنقر }


#673638 [Ahmed]
4.25/5 (6 صوت)

05-22-2013 09:07 PM
احنا جيش مصر بنعمل مناورات مع امريكا تركيا السعوديه الكبار مع بعض انما جيوش المرتزقه دي مش بنتعامل معاهم لانهم بالنسبه للجيش المصري خير اجناد الاردض لسه قدامهم مليون سنه وما بيحصلونا وجيش مصر موءسسه كبيره لا تحارب بالوكاله عن احد انها لحمايه تراب ام الدنيا فقط خليكو مع تشاد الصومال دو قدكم ههههه


#673625 [علي دينار]
4.07/5 (5 صوت)

05-22-2013 08:48 PM
هههههههههههاي الحياة مدرسة جابك شنو في ابو زكرياء؟ يا شروم بروم


ردود على علي دينار
[ﺍﻟﻔﻜﻲ ﻛﻮ] 05-22-2013 10:20 PM
ﺍﻟﺸﻌﺐ ﺍﻟﺴﻮﺩﺍﻧﻲ ﺍﻟﺘﺎﻓﻪ ﺍﻟﺤﻘﻴﺮ ﻳﺪﻓﻊ ﺍﻟﺄﻥ ﺛﻤﻦ ﺳﻜﻮﺗﺔ ﻭﺭﺿﺎه ﺑﺎﻟﻆﻠﻢ ﺩﻱ ﺍﺧﺮﺗﻬﺎ ﻗﻮﺍﺕ ﺗﺸﺎﺩﻳﻪ ﻭﺗﺸﺎﺩ ﻓﻲ ﺍﻋﻴﻦ ﺍﻟﻜﺜﻴﺮ ﺩﻭﻥ ﺍﻟﻤﺴﺘﻮﻱ ﻳﻂﻠب ﻣﻨﻬﺎ ﺃﻟﻨﺠﺪﺓ ﻟﺘﺘﺪﺧﻞ ﻓﻲ ﺻﺮﺍﻉ . ﺍﺫﺍ ﻛﺎﻧﺖ ﺣﻜﻮﻣﺔ ﻏﻴﺮ ﻓﺎﺩﺭﺓ ﺍﻥ ﺗﺴﺘﺮﺟﻊ ﺍﺏ ﻛﺮﺷﻮﻟﺎ ﺑﺎﻟﻠﻪ ﻋﻠﻴﻜﻢ ﻫﻞ ﻟﻬﺎ ﺍﻟﺤﻖ ﺍﻥ ﺗﺒﻘﻲ ??? . ﻛﻤﺎ ﻟﻤﺎﺫﺍ ﻧﺤﻦ ﺳﺎﻛﺘﻮﻥ ﺑﻌﺪ ﺍﻟﻴﻮﻡ ﻟﺄﻧﻪ ﺍﺫﺍ ﻟﻢ ﻧﺨﺮﺝ ﺃﻟﺎ ن ﻗﺒﻞ ﺑﻜﺮﺓ ﺍﻟﻲ ﺍﻟﺸﺎﺭﻉ ﻓﺎﻥ ﺍﻟﺤﻜﻮﻣﺔ ﻫﺬﺓ ﺳﻮﻑ ﺗﺰﺝ ﺑﺎﻟﺸﻌﺐ ﺍﻟﻮﺩﺍﻧﻲ ﻓﻲ ﻣﺘﺎﻫﺎﺕ ﻟﺎ ﻳﻌﻠﻤﻬﺎ ﺍﻟﺎ ﺍﻟﻠﻪ ﻭﺑﻮﺍﺩﺭﻫﺎ ﻇﻬﺮﺕ ﺍﻟﺄﻥ ﺑﻂﻠﺐ ﺍﻟﺪﻋﻢ ﺍﻟﺘﺸﺎﺩﻱ ﻭﺍﻟﻤﺼﺮﻱ. ﻓﻬﻞ ﻣﻦ ﻋﺎﻗﻞ ﻓﻬﻴﻢ ﺣﻜﻴﻢ ﻳﻌﻲ ﺫﺍﻟﻚ ﻭﻳﺤﺮﺽ ﺍﻟﻨﺎﺱ ﻟﻠﺨﺮﻭﺝ ﻟﺄﻧﻐﺎﺫ ﻣﺎ ﺗﺒﻐﻲ انغاذة


#673620 [حليم - براغ]
4.98/5 (12 صوت)

05-22-2013 08:40 PM
يا أبو أحمد البشير عدو الله مش حبيب الله.. البقتل والبسرق والبيغتصب والبشرد والعذب و و و !! مامكن يكون حبيب !!الله خليك إنسان صادق وله تكون إنت من الجماعة إياهم !! الصدق من صفات المسلم الحقيقي.


ردود على حليم - براغ
[nagatabuzaid] 05-22-2013 10:05 PM
يا حليم انت ماك عارف البشير وحكومته اغرقوا السودان بكل انواع المخدرات وممارسات

اخرى ومراكز لتحويل الشباب والعياذ بالله الى مخنثين ليظهر امثال هؤلاء ليصفوا البشير

بانه حبيب الله فى اى عهد يا حليم سمعت بمثل زواج فنان شقة الصافية لبشير حبيب الله سبحان

الله


#673617 [wad kordofan]
4.94/5 (10 صوت)

05-22-2013 08:39 PM
Be careful, we are not far away.


ردود على wad kordofan
United States [أبدقل] 05-23-2013 09:10 PM
حفا


#673613 [مــتــشــكـك]
5.00/5 (2 صوت)

05-22-2013 08:32 PM
هدي اخرتها
هدي آخرتها
هدي آخرتها

يا كيزان

تماما كما ردد القذافي .. هذه اخرتها !!

ولا حول ولا قوة الا بالله


#673611 [khalid Mazda 22]
4.75/5 (4 صوت)

05-22-2013 08:31 PM
كل القوه الجبهه الثوريه والقوه التشاديه من ابناء الزغاوه خرطوم جوه وكلهم يقولوا طز في البشير وطز في السكير دبي وقالوا حاربنا في مالي وكنقو وافريقيا الوسطي دبي ماسولينا حاجه وناس عدل ومساواه اخوانا لينا دم والله نحن معاهم وانشاء الله تسمعوا خير منا


ردود على khalid Mazda 22
European Union [عبد الحليم سلواااااي] 05-22-2013 09:32 PM
كلمة الزغاوة عنصرية كل السودان اهل


#673606 [wad kordofan]
5.00/5 (2 صوت)

05-22-2013 08:25 PM
Be careful, we are not far away.


#673604 [مع العدالة]
5.00/5 (15 صوت)

05-22-2013 08:23 PM
عاقلين يا ولاد النيل الصراع داخلى ولا شان لاسرائيل به...بعدين نصيحة لناس الجبهة الثورية والمعارضة عموما اذا الحكومة ما مقتنعة انكم بتقاتلوا براكم بل بدعم من اسرائيل وبتشحن المغفلين بهذا الامر وديل بدورهم مصدقين الحكاية دى نصيحتى ليكم امشوا لاسرائيل عديل وجيبوا منها الدعم والاسلحة وكملوا كلامهم وسيبونا من حكاية داعماهم اسرائيل الفلقوا بيهاراسنا دى والله يجوز الاستعانة باسرائيل وعزرائيل والشيطان الرجيم فى سبيل القضاء على هذا النظام ...وهم ذاتم ما بستعينوا بالصين وايران وكلاهما عند لكيزان ملاحدة وكفرة (شيعة وشيوعية) وديل احسن من اسرائيل فى شنو ؟


#673586 [باسطه بالكسره]
5.00/5 (10 صوت)

05-22-2013 07:58 PM
هههههههههههههههه شر البليه ما يضحك ي البشير دي مش ياها دوله تشاد الكانت امبارح عميله ودعمت حركه العدل والمساواه لضرب الخرطوم قبل فتره ومش ياهم نفس التشاديين المرتزقه القبضتو عليهم علي حد زعمكم وجبتوهم في التلفزيون وقومتو الدنيا وما قعدتوها الليله جايبنهم يحموكم ,, بس انا خايف دبي ده بخطط ليهو في شي اصلا لا هو لا البشير عندهم ضمان يعني ممكن عادي يكون متفق مع اولا اعماموا في الحركات السودانيه بالخفاء لاسقاط العصابه في الخرطوم وطبعا يكون جماتك سهلو ليهو المهمه دخل قواتو البلد ليتمركزو فيها كويس ويعرفو مداخلها وساعه الشده يظهرو علي حقيقتهم وجماعتي ناس بشبش الضحك يشرطهم


#673584 [عنكباوي]
4.57/5 (5 صوت)

05-22-2013 07:57 PM
يا بشبش أسمع كلام أولاد النيل وإستقيل...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة