الأخبار
منوعات سودانية
القبض على ضابط نظامي و (3) آخرين متورطين في سرقة مخزن بميناء بورتسودان.
القبض على ضابط نظامي و (3) آخرين متورطين في سرقة مخزن بميناء بورتسودان.



05-23-2013 06:47 AM
الخرطوم: منال عبد الله

أوقفت السلطات الأمنية بولاية البحر الأحمر ضابطاً برتبة مقدم في القوات النظامية وثلاثة عمال أثبتت التحقيقات تورطهم في تهريب بضائع من مخزن للمخالفات الجمركية داخل رئاسة شرطة جمارك ميناء دقنة وخارج الميناء الرئيسي بسواكن.

وكشف مصدر قانوني رفيع أن أفراداً من مباحث الموانئ البحرية أحبطوا عملية التهريب أثناء استغلال المتهمين لعربة دفار حملوا بها الطرود وقبل بلوغهم منطقة العقبة تم ضبط المسروقات والتي من ضمنها «2.500» جهاز موبايل وكميات من الملابس الجاهزة والمفروشات موضوعة في عدد «77» عبوة عبارة عن طرود، وأكد المصدر أن النيابة المختصة بالبحر الأحمر دونت بلاغات في مواجهة الموقوفين بجرائم الاشتراك والمعاونة وخيانة الأمانة والسرقة ومخالفة الموظف العام للقانون بقصد الإضرار، وشرائه أو مزايداته في مال بطريقة غير مشروعة تحت طائلة المواد 21-26-177- 174-89 -92 من القانون الجنائي، وفي الوقت ذاته أحالت النيابة الضابط الذي تم توقيفه إلى وحدته الشرطية لتتولى التحقيق معه ومن ثم أحالته وبقية الموقوفين في حالة وجود بينات كافية في مواجهتهم للمحاكمة، وأشار المصدر إلى أنه من بين الموقوفين العامل المسؤول من المخزن الذي أخذت منه الطرود بغرض بيعها والاستفادة من عائدها.

المجهر


تعليقات 8 | إهداء 0 | زيارات 3323

التعليقات
#674467 [قلنا الرووووووووووب]
0.00/5 (0 صوت)

05-23-2013 04:45 PM
ياخي دفار بس بسيطه مسكين ساكت الجماعة بياكلو اكتر من كده محتاج لواحد من الاساتذه الكبار في السرقه يديهو درس مكثف


#674463 [cour]
0.00/5 (0 صوت)

05-23-2013 04:37 PM
المقدم دا انا بغرفة كويس جدا زاجل طيب وابن حلال الظاهر دايرين يرفو وبس .تخيل يوم الضبطية صلى معاى الظهر بمسجد الشهيد (كارورى) وحتى قلى نيتة الجهاد لتطهير ابوكرشولا من دنس الغزاة


ردود على cour
European Union [قرفنا] 05-23-2013 09:42 PM
هو كما. عمل كدة. الناس حا تتعاطف معاهو كيف ..الجوى براهو و الظاهر براهو


#674382 [انصاري]
0.00/5 (0 صوت)

05-23-2013 03:17 PM
هي لله..!!؟ الشقي تعتر ليه قشه!؟


#674135 [ود الشرق]
0.00/5 (0 صوت)

05-23-2013 12:06 PM
يااخوانا ناس الحركة والنظام العام براهم ياكلو وناس الشون الدينية رايك شنو سعادة اللوا حيدر


#674059 [فساد في البر وفساد في البحر]
0.00/5 (0 صوت)

05-23-2013 10:56 AM
بالله انا من شفقتي قريت انو الضابط النظامي وثلاثة اخرين قاموا بالقبض على المتورطين في السرقة،،، وعندما نزلت للموضوع لقيت ليك الموضوع اوقفت السلطات الامنية ضابط برتبة مقدم،،، قيشت عيوني قلت يمكن انا ما شايف كويس،،، تاني رجعت فوق اشوف اتأكد من العنوان،،، اتاكدت مظبوط تاني قمت رجعت لباقي التقرير،،،

ياناس دا اسمو كلام،،، ضابط وبرتبة مقدم والظاهر عليهم ناس المباحث ديل ما دخلوهم في الشغلة عشان كدا غدروا بالجماعة ديل،،، يعني لو دخلوهم في القسمة كان لمان شاف ولمان دري،،، والظاهر اوشوا بهم نكاية فيهم


ردود على فساد في البر وفساد في البحر
United States [ابو ايمن الحلاوى] 05-23-2013 11:58 AM
ياخى التجارة شطاره ؛اعرفك بالتاجر التفتيحه صاحب المخ النضيف قام استورد كونتر 40 قدم احذيه مقاسات مختلفه بس كلها فرده شمال ؛ وناس الجمارك احتارو فيها لعدم معرفة كيف تجمرك!!!!واخيرا سلموهل ليهو... اخونا بعد شهر جاب الكونتر ابو فردة يمين ؛ وبنفس الطريقة اتخارج ولا مليم ؛ايام المليم ليها قيمه .بس صاحبنا عاوز اصبح ترطيبه بالمعاش (فضيحه بجلاجل وحاميها حراميها) وجنابو لو ماعندو كوز كبير يرويهم الاثنين ماكنش عمل كدا واحتمال اكون عاوز الهط لحالو واتنكر لجماعتو لكن وقع تااااح ويمين جزم NOTHING WILL HAPPEN !!!!!


#674042 [fadeil]
0.00/5 (0 صوت)

05-23-2013 10:46 AM
الموضوع في منتهي البساطه وهو أن الضابط المذكور ربما يكون له أشهر لم يصرف خلالها راتبه المستحق وعليه ديون ربما يشيب لها الرأس أو كما تقول أبيات شعر ( اذا كان رب البيت بالدف ضاربا ، فشيمة أهل البيت كلهمو الرقص ) ما رأى مدير عام شرطة السودان ؟ |||||||


#674020 [ادروب]
0.00/5 (0 صوت)

05-23-2013 10:26 AM
ههههههههههههههه حاميرها حرميها


ردود على ادروب
United States [عنبر عمر الطيب] 05-23-2013 04:26 PM
حاميها حراميها


#673970 [ذاكرالدين]
0.00/5 (0 صوت)

05-23-2013 09:42 AM
دى شبنة ..... شينة جد..... دى مرمطة للشرطة والسبب الإنقاذ قاتله الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة