الأخبار
أخبار إقليمية
حزب الدقير يحذر من مخطط لتقسيم السودان إلى أربع دويلات
حزب الدقير يحذر من مخطط لتقسيم السودان إلى أربع دويلات



زعم انها تشمل دولة النوبة ، وشمال السودان الإسلامية ، وجنوب السودان النصراني ، ودارفور .
05-23-2013 08:03 AM
حذر القيادي بحزب الاتحادي الديمقراطي السوداني السماني الوسيلة من مخطط لإذكاء النعرات الجهوية والقبلية والعرقية وقضايا التهميش لدق طبول الحرب بين مكونات المجتمع السوداني تمهيدا لتفتيته .

وكشف الوسيلة حسب ما جاء في الاهرام اليوم - أن هذا المخطط يستهدف تقسيم السودان إلى أربع دويلات تشمل دولة النوبة ، وشمال السودان الإسلامية ، وجنوب السودان النصراني ، ودارفور .


تعليقات 21 | إهداء 0 | زيارات 3221

التعليقات
#675118 [ودالخير]
0.00/5 (0 صوت)

05-24-2013 04:01 PM
هذه محاولة استبيان فاشلة للشعب السودانى قبل اعلان رئيس عصابة انقاذ الكيزان اعطاء حق تقرير المصير للكيانات التى لم تخضع لعصابته بعد ان تأكد له بالبيان بالعمل بأن اخضاع تلك الكيانات من المستحيلات وفيها نهايته وزاده تأكيدا رفض كل الدول الصديقة له التعاون فى ما يخطط له من مجزرة بتلك الكيانات


#674831 [مهتم بالسودان]
0.00/5 (0 صوت)

05-24-2013 08:51 AM
نعم هناك مخطط لتقسيم السودان، لكنه بموافقة الحكومة وأحزاب التوالي كحزب هذا النكرة وهاكم الدليل: اقتباساً من كلام الغاية تبرر ( الوسيلة)، نجد انه عرف بإضافة كلمة إسلامي لواحدة من الدول المزعومة كما يلي: دولة الجنوب، دولة النوبة، دولة دارفور، دوووووووووووووولة الشمااااااااال ( الاسلامي)!!!!!!!!!!!.
اذا قمنا بتفنيد هذا الادعاء سنجد العجب العجاب بافتراض ان دولة الشمال حازت علي لقب إسلامي رغما عن وجود غير مسلمين بها كالاقباط مثلاً، فما الذي يمنعك أيها السماني من نطق كلمة (اسلام ) مع دارفور والتي كل اهلها مسلمين!!؟؟ ام هو التضليل؟.


#674763 [ادم ضو]
0.00/5 (0 صوت)

05-24-2013 02:19 AM
عيك الكلام ده معروف من سنة 1994م ميلادية ومكتوب في الاسرائيليات في مكتبات بريطانيا والناس تداولتوا وفي وقتها قلنا طيب الحكومة تبدأ تقسم بالتي هي احسن بدل اللف الطويل وضياع البلد ومقدرات بلد بهذا الشكل يعني مافي داعي للتمثيل واللف الطويل وكمان الثوار برضك يراعوا اهلهم يشردوا وكده .. لكن لا حياء لمن تنادي عايزين تقسموا قسموا وخلصونا .. الظاهر انو الاخوان المسلمين هم عملاء الغرب الجدد والمهمة الموكل لهم خلق الصراعات والاثنية والدينية وبين الشعوب ومن ثم تقسيم الدول بعد خنق الشعوب جوعا واهدارا للكرامة وحتى يفقد الانسان وطنيته وغيرته وحماسته ويصبح مستسلم للأمر الواقع كما حدث في الجنوب .. دمك خفيف يا أنته


#674733 [إسماعيل البشارى زين العابدين]
0.00/5 (0 صوت)

05-24-2013 12:35 AM
هل يدرك الدقير قبل حزبه أن الذى شق تلك الأحزاب رغم كل أخطاءها ألا يستطيع شق وتشتيت السودان؟؟ولكن من هو ؟؟ ليس إسرائيل فإسرائيل تعرف أين مصالحها وأين تكمن مواجعها حتى تلك الشماعه التى تعلقونها عليها لا تعبأ بها !!من قسم ويريد تقسيم السودان هو الدقير ومن أوحى للدقير وغيره بالتشظى والتشرذم .


#674631 [عادل السناري]
5.00/5 (1 صوت)

05-23-2013 08:41 PM
في السودان الجديد كل فرد سوداني من اي قبيلة و من اي دين و من اي جهة هو مواطن (كامل الدسم ) له كل الحقوق الدستورية و عليه كل واجات المواطنة --- المواطنة والكفاءة و الشرف و هي المعيار الوحيد و الاساسي لتولي الوظيفة العامة ( مدنية او عسكرية )- سيادة حكم القانون و علي الجميع بالعدل و المساواة - بسط الحريات و فصل السلطات بالنزاهة و الشفافية --- لو عملنا كدا بعد سقوط الانقاذ انا متأكد 100% الجنوب سيرجع الي حظيرة السودان الكبير طائعا و مختارا و باي صورة من الصور .


#674608 [AburishA]
0.00/5 (0 صوت)

05-23-2013 07:58 PM
حذر القيادي بحزب الاتحادي الديمقراطي السوداني السماني الوسيلة من مخطط لإذكاء النعرات الجهوية والقبلية والعرقية وقضايا التهميش لدق طبول الحرب بين مكونات المجتمع السوداني تمهيدا لتفتيته .

بس ما وضحت لينا يالوسيلة مخطط صهيوني ولا مخطط داخلي !!!!
المؤتمر الوطني ده مالو حظه شين كده!! تقسيم السودان كلو جاي في زمنه!!!! الله يستر.


#674270 [توفيق صديق عمر]
0.00/5 (0 صوت)

05-23-2013 01:53 PM
اذا تم التاكد ان هذا المخطط موجود ويعمل علي تنفيذه بحذافيرة
ايه يمنع الحزب الذي علي راس الدولة
وهو المؤتمر الوطني او الانقاذ اوالاسلامي او سمه ما شئت من التسميات الحاصل فارغ
ايه يمنع هؤلاء الناس من ايقاف هذا المخطط الان وليس غدا اوبعد غد
بالكيفية التالية


دعوة كل اهل السودان الاان لاجتماع طارئ وتشكيل مجلس قومي لادارة هذه الازمات وايقاف الحروب المشتعلة في كل انحاء الوطن بدعوة كل الناس حاملي سلاح احزاب هيئات طلاب رجال دين
كل مكونات الشعب السوداني للاتفاق علي الوقوف امام هذا المخطط وافشالة اذا فعلا كان في مخطط
بعد ما يتم توجيه مثل هذه الدعوات لكل هذه المكونات
واهمهم بالطبع الجبهة الثورية لان الخكومة بتعتبرها المهدد الرئيس لوحدة السودان وراس الخربة لتنفيذ هذا المخطط بعد ان تتم مثل هذه الدعوم من قبل الحكومة وبالذات ناس الجبهة الثورية يرقضوا الامتثال او قبول رضوخ الحكومة لحلحلة متاعب البلد اذا رفضت الجبهة
بعد داك الناس حا يقتنعوا بانو فعلا في مخطط لتقسيم السودان وافتكر بعد داك كل الشعب السوداني
سوف يقف ليس مع الحكومة ولكن ضد هذا المخطط
اذا لم تفعل الحكومة ذلك فحقوا
ينسوا هذا النوع من الخطل والتهديد الاجوف بانو هناك مخطط لتقسيم السودان
لنو ببساطة شدية الناس ما حا تقيف تحارب مع الحكومة الجوعتها وطرطشتا وقلبت حلو الحياة في البلد الي مر ضد جبهة تتحدث للناس ومع الناس بانها تحارب من اجل خلاصهم


#674259 [الشمس المشرقة]
1.00/5 (1 صوت)

05-23-2013 01:46 PM
في الدويلات القادمة في ناس كتار حيبقوا أجانب, كدي كويس, ما تنسوا تجربة الدولة الوليدة التي قد تصير هي أيضا ًدويلات مثل" بتسوانا".
تكاتفوا من أجل تفويت الفرصة علي الانتهازيين والطامعين في تفتيت السودان الموحد. لا للجهوية ...ولا للعنصرية... نعم للقومية وحكم القانون.
كل وظائف الدولة بما فيها المناصب الدستورية تكون وفق الكفاءة والنزاهة حتى إذا جاءوا بهم كلهم من قرية نائية من صعيد السودان مثلا.
نقول كذلك نعم للكفاءة ...لا للمحسوبية...لا لكلمة مهمشين المفتراء عليها وصارت تفرقنا, فكل السودان مهمش. اللهم فشهد.


#674208 [الطريفى]
5.00/5 (1 صوت)

05-23-2013 01:04 PM
تاريخيا دولة النوبه تبدا من حلفا فماهى حدود دولة الشمال الاسلاميه ياترى؟


ردود على الطريفى
European Union [خيرى] 05-23-2013 11:50 PM
لالالا ياسيد الطريفى حدودنا شمالا تبدا من جنوب قنا ونمتد جنوبا حتى جنوب الخرطوم وشمال مدنى ....دى بلدنا التاريخيه وليس خافى عليك ودابومريوم وخوجلى وحمد وكل الكوكبه المحسيه العارفه بالله


#674201 [انصاري]
0.00/5 (0 صوت)

05-23-2013 12:59 PM
((وكشف الوسيلة حسب ما جاء في الاهرام اليوم - أن هذا المخطط يستهدف تقسيم السودان إلى أربع دويلات تشمل دولة النوبة ، وشمال السودان الإسلامية ، وجنوب السودان النصراني ، ودارفور )).

****دولة النوبة.....-شمال السودان الاسلامية....- جنوب السودان النصراني....- ,دارفور؟؟؟ " من غير إسلامية نصرانية علمانية جنية !! وضح سعادتك لانو في إسلامية وفي نصرانية


#674160 [حسن علي]
5.00/5 (2 صوت)

05-23-2013 12:24 PM
من أين خرج إلينا رجل الكهف هذا؟. جنوب السودان المشي من زمان داك؟. مخطط شنو الجاي تقول لينا عليه يا فالح. الكيزان براهم قالوا دايرين دولة إسلامية عربية قحة وأضافوا بأن جنوب السودان يعيق تحقيق ذلك الهدف، فهنيئا لهم بهذه الدولة بعد ذهاب الجنوب إلي حال سبيله. الجفلن خليهن، أقرع الواقفات.


#674141 [أبوعلي]
0.00/5 (0 صوت)

05-23-2013 12:15 PM
هكذا وبمثل هذه التصريحات يأجّجون نيران الفتن والعنصريّة
السمّاني الوسيلة ، أليس هو أحد الّذين شاركوا في تثبيت سلطة الكيزان؟!
لاحظوا إنّهم يشيرون إلي المتهمين في تصريحاتهم بضمير الغائب
إن كان الوسيلة صادقا فلماذا لا يتحدّث بشفافيّة حتى يأخذ الشعب حذره ويدافع عن وطنه؟
الوسيلة يعرف تماما أنّ كلّ ما يشير إليه هو مخطّط (مثلث حمدي ) الكوزي
والوسيلة شريك في كلّ مآسي الإنقاذ ولا يملك الشجاعة لمواجهتها
..........
أرى أعلاه بعض التعليقات المؤسفة والمحبطة ، وهذا ما يسعى إليه المؤتمر الوطني وحلفاؤه
تداركوا هذه الشراك والمقالب وتفرّغوا لتنفيذ مهمتكم لاقتلاع البلاء وهو الإنقاذ بكلّ مسمياتها


#674137 [algazaly]
5.00/5 (1 صوت)

05-23-2013 12:10 PM
سبحان الله لا دارفور ولا النوبة ما لقيتو ليهم تصنيف!!!
وين دولة ادروب والنيل الازرق وكردفان والوسط والله كلامكم عجيب مرة مثلث حمدي ومرة مربع الوسيلة .
سؤال :يا ربي اهلي نوبة الشمال تابعين لدولة شمال السودان الاسلامية؟؟؟؟
والله العظيم يا كيزان ومن لفه حولهم بافكاركم النتنه دي لو انتو فارقتونا بأذن الواحد الاحد نوحد افريقيا دي كلها
وبالمناسبة الاسطوانة دي معروفة وعلماء بلادي الوطنيين المخلصين عندهم الحلول لهذه المخططات التي تخوفننا بها
قاتلكم الله في الدنيا (بالجبهة الثورية) وفي الآخرة


#674128 [كرتوب]
5.00/5 (1 صوت)

05-23-2013 11:59 AM
اجمل مخطط واضيف لية دولة البجا في الشرق
يسمع منك الله


#674048 [سودانيىىىىىىىى]
0.00/5 (0 صوت)

05-23-2013 10:49 AM
منو البسعي لتقسيم السودان كونو اكتر دقة


#674004 [خرباش]
5.00/5 (2 صوت)

05-23-2013 10:14 AM
والله نحن عايزين كدة بلا غرف ادونا دولتنا (دولة النوبة) وانشاء الله ضربة البداية ح يكون سد كجبار .


#673988 [الجندى المجهول]
5.00/5 (1 صوت)

05-23-2013 10:03 AM
اصلا الكلام دا ما بطال لانو كدة ايو زول حياخذ حقو على دائرة المليم ويا دار ما دخلك ابو جا عورة وتطهير عرقى وابادة جماعية


#673969 [Adam]
5.00/5 (1 صوت)

05-23-2013 09:39 AM
يعني ناس الشمال براهم مسلمين. العنصرية ما خلت حتى الدين .و بعدين الشماعة بتاعة تقسيم السودان دي قديمة.اللهم عجل بتدمير الانقاذ.اميييييييييييييييييييين.


#673961 [Observer]
5.00/5 (1 صوت)

05-23-2013 09:22 AM
رغم أنني ضد التقسيمات, أين سيذهب الشرق هل سينضم لدول الجوار؟ حديثك فيه شيء من الحقيقة ولكن يجب أن نحارب كل أسباب التقسيم.


#673953 [ادروب]
5.00/5 (3 صوت)

05-23-2013 09:17 AM
ان شاء الله يدقروك فى راسك بى لوري,,,,,,,,,,, يعنى نحنا لسه تابعين ليكم ؟؟؟؟؟؟؟


ردود على ادروب
United States [مندكورو] 05-23-2013 02:52 PM
يا ادروب انتو مااهلنا ودمنا ولحمنا.. لابنقدر نفارقكم ولابتقدرو تفارقونا.. مامشكلة نفتها سوا...


#673907 [ali salim]
5.00/5 (1 صوت)

05-23-2013 08:20 AM
لقد اكلت من نفس الماعوب الاثم يا الدقير عليك انتظار خازوق القذافى عيدانا جاهزة لك ومن ساند ودعم عصابة الوثنى لنا لقاء قريبا وسترى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة