الأخبار
أخبار إقليمية
بحضور وزير الدفاع بالنظر..توقيع اتفاقية تعاون عسكري بين الصومال والسودان
بحضور وزير الدفاع بالنظر..توقيع اتفاقية تعاون عسكري بين الصومال والسودان
بحضور وزير الدفاع بالنظر..توقيع اتفاقية تعاون عسكري بين الصومال والسودان


05-23-2013 05:20 PM
الخرطوم (الشاهد)- توصل كل من الصومال والسودان إلى اتفاقية تعاون عسكري بين الدولتين، جاء ذلك في إطار زيارة رسمية يقوم بها وفد صومالي برئاسة وزير الدفاع الصومالي عبد الحكيم حاجي محمود فقيه إلى العاصمة الخرطوم.

تساعد الحكومة السودانية بناء على الاتفاقية الحكومة الصومالية في إعادة تشكيل الجيش الصومالي وتقديم تدريبات لعناصر القوات المسلحة الصومالية.

ووقع على الاتفاقية من جانب الصومال رئيس المحكمة العليا للقوات المسلحة الصومالية الجنرال حسن محمد مونغاب، ومن جانب السودان رئيس القضاة للقوات المسلحة السودانية الجنرال أحمد جمعة.

وحضر مناسبة توقيع الاتفاية للتعاون العسكري بين الدولتين كل من وزير الدفاع الصومالي عبد الحكيم حاجي محمود فقيه، ووزير الدفاع السوداني عبد الرحيم محمد حسن.

أشاد وزيرالدفاع الصومالي في تصريح أدلى به في المناسبة بدور الحكومة السودانية تجاه مساعدة الصومال.

من جهته صرح وزير الدفاع السوداني أن بلاده ستعطي اهتماما كبيرا لسريان اتفاقية التعاون العسكري بين البلدين.


تعليقات 28 | إهداء 0 | زيارات 4377

التعليقات
#675350 [عواصف الشمال]
1.00/5 (2 صوت)

05-24-2013 10:08 PM
عميان شايل ميت واللمبي بيعيط.


#675263 [صومالي]
1.00/5 (2 صوت)

05-24-2013 07:49 PM
للمعلومة الحكومة الصومالية ليست إسلامية التوجه(الإخوان)... وحرااام عليكم ياأهل الكرم تنبذوا الضيف وتعيبوه بالمحنه والإبتلاء مجرد أنه صومالي..إقتنعت ألآن المعارضة ليست حكيمة لأنها لا تفرق بين عبدالرحيم وعبد الحكيم... ايوة الحكيم تسلم وزارة الدفاع وحكومة الصومالية لم تكن مسيطرة ثلث العاصمة والآن باتت تسيطر ثلثي البلاد إنه فعلا أسطورة حية ومناضل مكافح عند الصومالي...فرجاء دققوا الألفاط قبل أن تكتبوها فالموقع يعكس صورة السودان الحقيقية.


#674878 [الصابر]
2.00/5 (3 صوت)

05-24-2013 10:23 AM
للأسف المؤتمر الوطني محتاج لمرتزقة صوماليين كانوا قراصنة اختطفوا ناقلات البترول وهددوا الملاحة وقد أبعدتهم اساطيل الدول الغربية وتحول نشاطهم الاجرامي والارهابي الي داخل البلاد...
الآن يريد المؤتمر الوطني استجلابهم تحت غطاء التعاون العسكري .....والغرض سيكون حماية المؤتمر من اي خطر من المعارضة او انتفاضة شعبية لعدم ثقتهم في القوات النظامية الموجودة الآن.
ارجو الا نأخذ هذا الخبر بسطحية وسخرية .....المؤتمر الوطني سلك كل السبل بحثاً عن حاية اجنبية منها بيع الارض مقابل الحماية للنظام وكذلك تقديم تنازلات لصقور الحكومة الامريكية والرشاوي ......


#674835 [هدهد]
1.00/5 (2 صوت)

05-24-2013 08:57 AM
فاقد الشيى لا يعطيه وفعلا اتلم السفيه على خايب الرجاء يقول وزير دفاعنا الهمام ان السودان سوف يساعد فى تطوير وتدريب القوات الصومالية !!!!! والله فعلا الطشاش فى بلد العمى شوف . قوات الصومال تطلب تدريب ومساعدة من قوات المؤتمر الوطنى !!!!! ياحليل قوات الشعب السودانية المسلحة الت كانت فخر السودان فى افريقيا كلها والعرب ... لقد تم تدميرها ايضا واصبحت شلة ن الموالين وسناكيح المؤتمر الوطنى .بئس الطالب وبئس المطلوب .


#674827 [porse]
0.00/5 (0 صوت)

05-24-2013 08:35 AM
سلام عليكم
انا مستقر في الهند و حاصله لي مشاكل مع السفاره لدرجه و صفي ما سوداني الخدمه المطلوبه داير لي اي شخص يخارجني لي اي دوله مع العلم فيزتي باقي ليها شهرين فقط


#674798 [طارق الباز]
0.00/5 (0 صوت)

05-24-2013 05:10 AM
حتى الصومال تعتبر مستوى عالى بالنسبة ليك يا وزير الديوك


#674743 [حسن]
0.00/5 (0 صوت)

05-24-2013 01:05 AM
اتفاقية جلب مرتزقه من الصومال وتشاد لانوا النفره فشلت


#674739 [nasr]
0.00/5 (0 صوت)

05-24-2013 12:56 AM
الصوماليين فاكرين اللمبى فاهم حاجة ..والله الا يعلمهم الدفاع بالنظر بلا يخم الطرفين


#674724 [انصاري]
1.00/5 (1 صوت)

05-24-2013 12:11 AM
الما بلقا شبهو الملى قبحو!!


#674710 [ود العوض]
5.00/5 (1 صوت)

05-23-2013 11:27 PM
عجائب الدنيا التي لا تحدث الا في السودان. نفهم العلاقات مع الشعوب الأصلية الحقيقية ذات التاريخ والتراث شعوب اثيوبيا مثلا التي تفوقنا تاريخا وحضارة التقارب الأقتصادي والعسكري وكل طرق التقارب التي بأذن الله ستكون ذات فوائد ضخمة علي الطرفين. ولكن تعاون مع الصوماليين؟ هذه مسخرة واحتقار لنا نحن اهل السودان الصوماليين شعب من المجرمين والقتلة ظلوا يقتلون بعضهم ثلاثين عاما ولأن العنف طبيعتهم ولا حضارة لديهم ستجددون ان من يوافقهم فهو من شاكلتهم وكذلك الأريتريون ولأن كل دول العالم لفظت السودان اللذي كان بسبب اللنبي والطيب مصطفي واسماعيل وقائمة الأنقاذ لم يجدوا الا غثاء البشر وزبد الشعوب ليتحدثوا معها وصادقوها فالطيور علي اشكالعا تقع الآ رحم الله سوداننا اللذي كان فأنعوا وطنا وشعبا كان ملء حدقات العيون فصار نهبا لأتفه الخلق ومطية لم حصلوا علي جنسياتنا وهوياتنا وهم يقتلونه من داخله كل يوم


#674697 [malla]
0.00/5 (0 صوت)

05-23-2013 10:50 PM
الله يستر اوع بكرة نشوف شباب المجاهذين لافين في الخرطوم


#674662 [Haba kamba]
0.00/5 (0 صوت)

05-23-2013 09:35 PM
اولآ صوماليييين مفصولييين دوليآ وعااااالميآ \\\\ مش توقيعات ولا تفاهمات ما ح يحلكم والله \\\و دى اتفاقية فتح الشوارع للخروج وهروب !!!!


#674658 [cour]
4.50/5 (3 صوت)

05-23-2013 09:23 PM
اول مرة اسمع بطيشة يتفقو على ان يتبادلو خبرات .


#674654 [Hamza tben]
0.00/5 (0 صوت)

05-23-2013 09:17 PM
الحكومة الصومالية ما محتاجة
لسفاكين الدماء اكثالكم
يا اللمبي


#674634 [omer]
0.00/5 (0 صوت)

05-23-2013 08:44 PM
اليوم أتجهت قوات تشادية المتمركزة في الفاشر ألي شرق متوجهين الي الخرطوم لحماية الجبهاجية الكيزان الخونة الذين قسمو البلد؟


#674632 [عصمتووف]
2.00/5 (1 صوت)

05-23-2013 08:41 PM
فضيحة القرن ** الصومال العميان (*******) ميت والميت السودان بجلع سجم خشوم امهاتكم


#674629 [هشام ساتى]
0.00/5 (0 صوت)

05-23-2013 08:36 PM
الكلام ده اصلا لو كان فى جيش فى السودان يمكن قصد تعزيز التعاون بين كلاب الامن


#674621 [Wad Kuol]
5.00/5 (2 صوت)

05-23-2013 08:23 PM
This is great to see two failing countries leading each other, where are they going ? To the dark.


ردود على Wad Kuol
United States [kordofani] 05-24-2013 04:07 AM
blind is leading a blind


#674620 [ALIIIIIIIIIIIIIIIIIIIIIIIIIIII]
1.00/5 (1 صوت)

05-23-2013 08:22 PM
نكتة الالفية الثالثة الصومال والسودان يتعاونان عسكريا..السودان ذاهب حثيثا والصومال تسبقه هناك من يقول اني اري شجرا يتحرك لكن شخصا اخر يري غير ذلك البعض يشم رائحة الصابون والبعض الاخر لايشمه شخصية كبيرة تقال من منصبها واخرون لايتركونها الا موتي..اسلوب اسحاق فضل الله نفسي اعرف البني ادم ده بكتب كده كيف..ههههههههه والله حاجة غريبة اتلم المتعوس علي خايب الرجي كلهم متاعيس وخايبين


#674601 [Bull]
0.00/5 (0 صوت)

05-23-2013 07:46 PM
ما تستهينوا بيهم ديل أخرجوا المارينز. كدي أخرجوا اليوناميد واليوسفا.


#674599 [Mohamed Bandi]
0.00/5 (0 صوت)

05-23-2013 07:40 PM
والله صحى التعيس على خايب الرجا, الفاشلون فى الارض, افشل دولتين فى العالم, وبرضو على قولهم عطاء من لا يملك لمن لا يستحق. بلا يخمكم ويخم الصوماليين معاكم.


ردود على Mohamed Bandi
European Union [Dr. Faisal] 05-24-2013 02:27 AM
كأننا ناقصين عاهات!!!!!!!!!

United States [DRO] 05-24-2013 12:22 AM
that is so true I laughed so hard, I almost joked on my food,
yes sir, the blind leading the blind,


#674585 [nagatabuzaid]
4.00/5 (4 صوت)

05-23-2013 07:15 PM
زماااااااااااااااااااااااااان بدرى زمن الزمن كان زين والشعر مغطى الاضنين كانت الكلية

الحربية السودانية تخرج الضباط لصوماليين وكانو الطلبة الحربيين السودانيين يتقسمون

الطلبة الصوماليين بينهم كل يوم خميس يطلعوا معاهم البيت والان اولئك الطلبة وصلوا لمناصب كبيرة فى بلدهم

وكان من نصيب بيتنا واحد اسمه جامع حاج عثمان وصالون بيتنا كان مخصص له ومن ياتى معهم

كانت الكلية الحربية تخرج رجال وكان الجيش جيش لكن الان لا الصومال هى الصومال ولا السودان

هو السودان اتجمعوا قراصنة على قراصنة لتدريب ارهابيين فى بلد الارهاب ويا دنيا عليك السلام


#674555 [بومدين]
5.00/5 (2 صوت)

05-23-2013 06:39 PM
إتـلمـه الـتـعـيس .. عـلـي خـايب الـرجـــا الـبئيس


#674551 [الزغاوي]
5.00/5 (2 صوت)

05-23-2013 06:38 PM
توصل كل من الصومال والسودان إلى اتفاقية تعاون عسكري بين الدولتين
من متين الصومال ناس وريا بقى عندهم بلد حكومتنا الرشيدة مش لو اتحالفتو مع الصومال لو مع الجن الاحمر حتسقطوا يعني حتسقطوا الحلو +مناوي +د جبريل +مالك عقار ديل الرجال بلا صومال خموا وصروا الا تجرو الحبشة يا مؤتمر يا عفني


#674546 [Cal]
5.00/5 (1 صوت)

05-23-2013 06:30 PM
What a JOKE. TWO failed states


#674543 [Fato]
0.00/5 (0 صوت)

05-23-2013 06:28 PM
أتلم التعيس مع خايب الرجاء. بقول للصوماليين لا تتعلموا الدفاع بالنظر منهم.


#674517 [AburishA]
0.00/5 (0 صوت)

05-23-2013 06:02 PM
في إعادة تشكيل الجيش الصومالي وتقديم تدريبات لعناصر القوات المسلحة الصومالية.

والله والله فاقد الشيئ لا يعطيه !!!
ارجو ان لايكون التعاون العسكري بين عصابتين مسلحة !!
تعاون عسكري مع الصومال.. مع تشاد.. شوفوا لينا تعاون مع طالبان !!!!!


#674491 [ود دنقلا]
5.00/5 (6 صوت)

05-23-2013 05:34 PM
ههههههههه شبهينا واتلاقينا


ردود على ود دنقلا
United States [عشا البايتات] 05-23-2013 08:03 PM
والله شئ يدعو للضحك والسخرية ووجع القلب .. هو الصومال فيها حكومة عشان توقع أتفاقية ؟ يا أخواننا هل قرأتم في الاخبار ولا سمعتم أن الصومال تعاون مع بلد عسكريا .. الصومال بلد عصابات ما فيها اي نظام كيف يجوز للسودان ان يقول أنه وقع اتفاقية؟

United States [الفنجري] 05-23-2013 07:14 PM
هههههههههههههههههههههههههههههههههههههههههههههههههههههههههههههه والله ياود دنقلا كلامك صاح لكن رئيس المحكمه ورئيس القضاة دي عجبتني شديد الناس ديل قايلنو (عقد) يمكن .!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة