الأخبار
أخبار إقليمية
القيادة الميدانية لاستخبارات مليشيات حزب البشير : القبض على عناصر متسللة من الجبهة الثورية بالرهد
القيادة الميدانية لاستخبارات مليشيات حزب البشير : القبض على عناصر متسللة من الجبهة الثورية بالرهد
القيادة الميدانية لاستخبارات مليشيات حزب البشير :  القبض على عناصر متسللة من الجبهة الثورية بالرهد


05-24-2013 01:52 PM
الرهد: عمرو شعبان

كشفت القيادة الميدانية لاستخبارات الدفاع الشعبي، عن تسلل عناصر من الجبهة الثورية والحركة الشعبية الى مدينتي الرهد وأم روابة طيلة الفترة الماضية بعد أحداث (أبو كرشولا).

وقال السعودي قادم القائد الميداني لاستخبارات الدفاع الشعبي لـ (الرأي العام): ألقينا القبض على (18) عنصراً من الجبهة الثورية والحركة الشعبية الذين تسللوا الى مدينة الرهد في الأيام الماضية ومنعنا كل منسوبينا من التعرض لهم أو التعامل بعنف أو قتلهم واكتفينا بتسليمهم للجهات المختصة لمعرفة كيفية التعامل معهم، وأشار السعودي إلى هروب عددٍ كبيرٍ من العناصر بعد إلقاء القبض على المجموعات الأولى واتجاههم وتمركزهم بمدينة أم روبة، وتغلغلهم بين المواطنين بحكم عدم معرفتهم بخلفياتهم ونواياهم. وقطع السعودي باكتمال ترتيب صفوف المجاهدين وتسليحهم،وقال إنّ المعركة مع الجبهة الثورية وأعوانها لن تقف باسترداد (أبو كرشولا)، بل ستمتد لتشمل عمليات الولاية والسودان كافة.

الرأي العام


تعليقات 16 | إهداء 0 | زيارات 9042

التعليقات
#675491 [ود الجزيرة]
0.00/5 (0 صوت)

05-25-2013 02:07 AM
ما فلتوا الجيش يحاصر الجبهة الثورية كن ثلاثة محاور والناس دي اتسللت كيف
اعتقد ان هذه ما الا حملة عنصرية تجاه بعض القبائل
اتقوا الله في الابرياء يا كيزان سياتي يوم يقبضوكم بهذه الطريقة للمحاكمة العادلة شنقا حتى الموت وفي الميادين العام


#675485 [N]
0.00/5 (0 صوت)

05-25-2013 01:49 AM
ياعمرو شعبان راجع نفسك

في احترام بسيط مني ليك باعتباري زميلك في النيلين

وطبعا انت كنت كادر بعثس معروف
اسي انت بتلعب في دور امني واضح من الاتي

خبر الحلو في بروكسل
خبر الاستخبارات ده

فياخي ما تتضارى بي وراء

المره الجاية بجيك عديل


#675409 [lococlo]
0.00/5 (0 صوت)

05-24-2013 11:29 PM
إستخبارات الدفاع الشعبى ؟؟؟؟؟؟؟؟؟؟؟؟؟؟؟؟؟؟؟؟ !!! هههههههههههههههههههههههههههههها و الله دى مهزلة و يؤكد بجلاء مدى التشرزم و الانشقاق وصد مليشيات المؤتمر البطنى ....


#675402 [nagatabuzaid]
0.00/5 (0 صوت)

05-24-2013 11:19 PM
علمنا الاتى ونحن حيث نحن امس كان هناك تفتيش دقيق وكثيف فى بحرى لدرجة ان الحركة

تكاد تكون وقفت قالوا ماخلوا عربية خاصة ولا عامة صغيرة ولا كبيرة ما فتشوها ما خلوا شوال

ولا كيس ولا صرة الا وفتحوه وتفتيش بدقة حتى خشم بقرة كافورى

لصوص تشاديين فى الخرطوم والحلفاية تحديدا وبالنهار قبضوا واحد واعترف بالباقين باربى ديل

الجنود الرسلوهم يحاربو فى دارفور هربوا من مقاتلة اخوانهم او امنوا بعد جدوى القتال قالوا

الخرطوم طوالى وياربى التفتيش ده عنهم ام هناك متسللين ؟؟

مساء الخير يا الخضر الخرطوم امنة نوموا قفا هو البرة ما قادرين ينوموا قفا ولا على


جنوبهم نوم انت واشبع نوم ودى اخبار مؤكدة ما تصلبطوها فى الطابور السابع والخامس واسرائيل


ردود على nagatabuzaid
United States [انصاري] 05-25-2013 12:33 AM
الاستاذة بت ابوزيد، تحياتي، قد يكونوا بهذا التفيش الدقيق ببحثوا عن (الحلو) مر او الزريعة لمصادرتها لأنها شروع في الحلو مر قبل (الكُوجين) بعد داك بالثابتة عشان بتبقى حلو مر، خاصة الزمن آخر رجب ورمضان على الابواب، تقولي لي ما طابور ده عدوا عديل إنتي ما عارفة الجماعة السكري قايم عليهم وما بدورو الحلو....نوموا نوم الديك.. ما قفا, وصوموا صيام الضب وبدون حلو او حلو مر. ودي


#675360 [انصاري]
4.00/5 (1 صوت)

05-24-2013 10:23 PM
الت : تلخصت حالته الطبية مبدئياً بنزيف في المخ
05-13-2013 08:52 AM
الخرطوم - كمبالا - بروكسل: عمرو شعبان:

وصل عبد العزيز آدم الحلو المطلوب لدى الحكومة، القيادي بالحركة الشعبية قطاع الشمال إلى (بروكسل) صباح أمس الأول، على متن طائرة خاصة.

وكان في استقبال الحلو بمطار (بروكسل) وفد مكون من الجبهة الثورية برئاسة محمدين إسحق الناطق الرسمي باسم حركة تحرير السودان سابقاً والذي انشق عن عبد الواحد محمد نور قبل ثلاث سنوات إبان مؤتمر جنيف وكون ما يعرف بجبهة تحرير السودان.

وعلمت (الرأي العام) أنه تم إسعاف الحلو بإحدى المستشفيات هناك تحت إشراف طبي كامل، وتلخصت حالته الطبية مبدئياً بنزيف في المخ جراء ارتطامه بجسم صلب أدى لدخوله في غيبوبة متكررة، بجانب كسور مركبة في أضلاع الصدر، وقدمه اليسرى.

وكشفت المصادر على لسان أحمد تقد أحد قيادات الجبهة الثورية، بأن الثورية دفنت أحد منسوبيها الذين قتلوا في الأحداث بمدينة واو في جنوب السودان اليومين الماضيين، وأكدت أن المتوفي ليس الحلو كما راجت الأنباء.

الراي العام
________________________________________


أها ياعمرو شعبان ريك شنو "الحلو مايكملش ولسع نتتحري في الكذب والله مسيلمة مسكين" لو ادركم لما كذب ولإتبعكم....


#675358 [انصاري]
5.00/5 (1 صوت)

05-24-2013 10:18 PM
علي فكرة، عمرو شعبان، دة مش ياهو زاتو محرر الخبر (الماسورة) الحلو مضروب وفي بروكسل للعلاج من الاصابة!!؟؟ اها ياود شعبان القبل شهر رمضان... الحلو مر كيف؟.. عستو ولة لسة (مُكجنين)!؟


#675349 [مسامح]
0.00/5 (0 صوت)

05-24-2013 10:05 PM
ههههههههههههههههههههههههههههههه.............كمااااااااااااااااااااان


#675310 [Mujahid]
0.00/5 (0 صوت)

05-24-2013 09:00 PM
the captures are civilian from old south sudan beusness men living in that region.


#675213 [أبو مريام]
5.00/5 (2 صوت)

05-24-2013 06:46 PM
في إعتقادي إنو دا مؤشر جيد لفشل حملة إستنفار النظام وسط المواطنيين ، يعني لو قبضوا منهم واحد بتعملوا بيهو دعاية إعلامية عشان ترفع ليكم روحكم المعنويةالتعبانة والواقعة الواطة ، بس يمكن تعملوها زي مسرحياتكم الميلودرامية القديمة ديك وتجيبوا ليكم واحد تدوهو قروش وتقولوا ليهو تعال نصورك وتقول إنك من الجبهة الثورية ويكون من أبناء المناطق ديك .
لكن صدقوني يا ناس الدفاع المنسي رجالكم ناس الديش فزو فزيز عديل كدا من قدام الشجعان وما ظنيت إنكم تقدروا تقبضو منهم واحد ولا حتي تقبضو باعوضة نزلت في واحد منهم .
غشوا روحكم لمن يبقي ليكم زي بشبش يضايق في الخلق لمن بقي في الحلق .


#675171 [Almo3lim]
5.00/5 (3 صوت)

05-24-2013 05:44 PM
طبعا دي الرجفة و الإعتقال (على الهوية) و قد يكون من حسبتموهم متسللين هم مجرد مواطنين عاديين رمتهم أقدارهم في أيدي الجهلاء ...

محافظ الرهد (الشراد) بعد عودته صرح بأن هناك طابور خامس تم التعامل معه و بالتأكيد ليس طابور خامس لكنه (القتل على الهوية) كما حدث من قبل الجنجويد في دارفور و اليوم (دفعنا الشعبي ياهو دي) سواهو (أفرش و تخين) !!!!!


#675136 [JOHN]
5.00/5 (2 صوت)

05-24-2013 04:33 PM
سجم أمكم كان راجين إنتصار من الدفاع الشعبي وال CIA بتاعتو .......

ما تقولو كمان إنكم قبضتو ألفي الصورة ديل كلهم بمن فيهم الحلو المر ألفي واجهة الصورة........

بس إن شاء اللـه يكون المرة دي شلتو معاكم أكفانكم.......


#675095 [Haba kamba]
5.00/5 (3 صوت)

05-24-2013 03:18 PM
والله كضاب وثم اقول ليك كذاب \\\ والله دى ما صفة الجبهة الثورية قول قبضنا مشتبهة بهم = واذا لو الكلام دى اصبح صحيح دى مواطنيين عزل ولا تجار وعاوزيين تخلصو منهم شوية قريشات حقة التنباك وسجائر ومرائس \\\\ عليك الله دفاع الشعبى منو البقبض على الجبهة الثورية \\\ دى اعلام ساكت على عشان يدفرو ليك حبات قرقوش يابس فى الجوالات ما اكثر ولا اقل يا كضاااااااااب !!!!!


#675083 [ود البلد]
5.00/5 (2 صوت)

05-24-2013 03:08 PM
الله اكبر والنصر لجنود الوطن البواسل


ردود على ود البلد
United States [nagatabuzaid] 05-24-2013 11:07 PM
تطلقوا الكذبة وتصدقوها


#675081 [ود كرشولا]
5.00/5 (6 صوت)

05-24-2013 03:08 PM
وسيلة جبانة ........... تقبضو فى النازحين وتقولو جواسيس يا خونة؟ ما كفاية العملتو فيهم؟


ردود على ود كرشولا
United States [عبدالله] 05-25-2013 02:29 AM
والله انت اكبر جاسوس خليت الخونه ديل يخشو بلدكم ابوكرشولا , عليك الله دفعو ليك كم عشان تقول كلامك دا؟


#675076 [ميماتي الثوري]
5.00/5 (5 صوت)

05-24-2013 03:00 PM
تمسكو النازحين تقولو متسللين الجبهة الفيل جنبكم اترك الظل لن تفيدك الا الهرمجه
انها لثورة حتي النصر


#675051 [sabile]
5.00/5 (2 صوت)

05-24-2013 02:29 PM
سبحان الله قال شنو؟ قال استخبارات الدفاع الشعبي سبحان الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة