الأخبار
أخبار إقليمية
حزب الميرغني : رفضنا عرض بريطاني بمنح إقليم دارفور حق تقرير المصير،،نرمي لقدام ونؤمن إخواننا في القوات المسلحة.
حزب الميرغني : رفضنا عرض بريطاني بمنح إقليم دارفور حق تقرير المصير،،نرمي لقدام ونؤمن إخواننا في القوات المسلحة.
حزب الميرغني : رفضنا عرض بريطاني بمنح إقليم دارفور حق تقرير المصير،،نرمي لقدام ونؤمن إخواننا في القوات المسلحة.


الحاج ساطور : كمال عمر مريض قلب..الجبهة الثورية لن تقود السودان ذي الأغلبية الإسلامية.
05-25-2013 02:51 AM
بحري – طلال إسماعيل

هاجم نائب رئيس الجمهورية، رئيس القطاع السياسي بالمؤتمر الوطني د."الحاج آدم يوسف" الأمين السياسي لحزب المؤتمر الشعبي "كمال عمر" على خلفية موقفه الأخير من هجوم الجبهة الثورية المتمردة على منطقة (أبو كرشولا) بولاية جنوب كردفان وأم روابة بولاية شمال كردفان، وقال إنه مريض قلب يخشى أن تصيبه دائرة، وأضاف: (ترى في قلوبهم مرض).

وقطع نائب الرئيس بأن دستور البلاد القادم إسلامي، وأن الخطوات تتسارع لإكمال الأمر، وقال إن السودان سيحكم بشرع الله.
وأرسل "الحاج آدم" رسالة إلى قيادات التمرد "عبد العزيز الحلو"، "ياسر عرمان"، "مالك عقار"، "عبد الواحد محمد نور" و"أركو مناوي" بأنهم لن يتمكنوا من قيادة الشعب السوداني ذي الغالبية الإسلامية.

وكشف وزير مجلس الوزراء، القيادي بالحزب الاتحادي الديمقراطي (الأصل) "أحمد سعد عمر" عن رفضهم لعرض بريطاني بمنح إقليم دارفور حق تقرير المصير، وأكد وقوف حزبه بزعامة مولانا "محمد عثمان الميرغني" مع القوات المسلحة والوطن، وقال: (من أراد للسودان خيراً فيدنا معه ونرمي لقدام ونؤمن إخواننا في القوات المسلحة) التي نوه إلى أنها يجب أن تدعم، وشدد على ضرورة توحيد الجبهة الداخلية.

ولفت رئيس مجلس شورى الحركة الإسلامية "مهدي إبراهيم" إلى أن المعركة مع المتمردين ستبدأ عقب تحرير (أبو كرشولا)، وباهى بأن السودان الدولة الوحيدة التي قامت بطرد السفير البريطاني وممثل الأمين العام للأمم المتحدة.
وقال "مهدي" إن رؤساء دول أمريكا، بريطانيا، وفرنسا لا يستطيعون مغادرة بلدانهم حال أمرت المحكمة الجنائية بتوقيفهم، وأضاف: (رئيسنا خرج شرقاً وغرباً من إيران إلى الصين وتحدى المحكمة الجنائية).

المجهر


تعليقات 27 | إهداء 0 | زيارات 5530

التعليقات
#676568 [كمال ابوالقاسم محمد]
0.00/5 (0 صوت)

05-26-2013 03:12 AM
آخ..آخ آآآآآآآآآآآآآآآآآآآآآآآخ!!!لمتين!!!

هذه الدلاليك التى تظهر في الصورة هل تستحق أو تمتلك الموهبة والعلم والإدراك والحكمة الحقيقية التى تستطيع من خلالها أن تدير شأن السودان...المسرطن العنين البشير....(جدع) ثلث البلادبما يمثله من إمتداد وغنى بغاباته وبتروله ومعادنه ومياهه ومراعيه ،وثلث القوى البشرية من شعبنا العزيز بتنوعها وتفاعلها وعنفوانها وقيمها وثرائها وطيبتها وهو يتراقص ويهز عصاه...ويتمادى في رعونته وجهله بالمزيد من السفاهة اللفظية...بازدراءه لقطاع واسع من مواطنيه وشعبه باعتبارهم شذاذ آفاق...يجب عليهم أن يلحسوا أكواعهم...ويبلوا أحلامهم وهتافاتهم وشعاراتهم و(يشربوا مويتا!!).. ثم تبلغ به (الرزانة اللفظية) حد أن يصف رعيته بأنها مجرد (حشرات)لا يليق بها إلا العصا...!!!
أما محمد عثمان ال(ميرغنى) ماذا يتوقع منا أن نكتب فيه ...وعن شخص مثلنا (يفسو ..ويضرط...يخرى ويبول) مثلنا مثل باقي خلق الله...ثم يرفع اصبعه في وجه مواطن... للاسف الشديد من طائفة (مثقفى )حزبه وجماعته...بل ويطرده من قطعة أرض سودانية عزيزة (اختطفت بمسمى دائرة الميرغنى...وأحيانا دار أبو جلابية!!!)...ثم يتمادى الرجل...وأبنائه (الذين لم نعرفهم)...إلا وهم يمدون أكفهم لأناس (سذج بسطاء)يهمون بتقبيلها...وأنظار (العيال االمبغبغين)ترنو نحو البعيد في غباء بين واضح...!!!ونحن في مطالع الألفية الثالثة...حيث أصبح العالم قرية كونية صغيرة...تستطيع أن تتابعها من خلال جهاز الموبايل ...شبكة النت...القنوات الفضائية..منتهى الإزدراء للمواطن السودانى بإسم (صوفية زائفة)...هى في حقيقتها إسترقاق وإهانة مابعدها إهانة...وتطفيف عميق بأقدار البشر...!!

أود أن أستفسر ما هذه (القباب ) ذات اللون البنى التى تظهر على الأطباق أمام هؤلاء (الدمامل ) البدينة التى إكتنزت وتورمت وإمتلأت شحما من حرمان وبؤس وجوع وشظف القطاعات الأوسع من أبناء شعبنا...هل يستحق الشعب أن تحكمه أمثال هذه الدمامل...هل يستحق؟؟؟!!!


#676378 [سودانى منفرج الأسارير]
0.00/5 (0 صوت)

05-25-2013 10:15 PM
طيب يا اتحاديين ياديموقراطيين لو جاءكم هذا العرض من "اولاد بمبه" هل كنتو رفضتو برضو. ؟ اكيد كنتو "هللتو وكبّرتو وبكوووول احاسيسكم" كنتو طلبتو من المؤتمر الوطنى الموافقه فى التو والحين ولفوضتو عصمان "ود الشريف الرايو كمل" لأكمال ياقى الصفقه وألأجراءات واحمد سعد "يجيب ليكم شلايتو من دار قمل" ..على حسب لحن "مارش" ود الشريف.. قوموا لعشائكم الفته بردت.. ما تستنّو مساعد الرئيس قال حيتأخر شويه لآنو لسّا عندو محاولات لأقناع ألأنقليز يقدمو اقتراحم دا للمصريين ويخلو المبادر تجى من اولاد بمبه احسن) !!!


#676208 [ود الشلال]
0.00/5 (0 صوت)

05-25-2013 06:51 PM
لكن ماوريتنا العرض البريطاني دا كان عبارة شنو ؟ ولية رفضتوة ؟! هل كان نفس عرض الجنوب ولا أقل منة شوية !!


#676127 [ادم ضو]
0.00/5 (0 صوت)

05-25-2013 05:38 PM
لن ينجح مشروع التقسيم ولن يكون هناك دويلات في ارض السودان بعد انفصال الجنوب نحن شعب واحد وسوف نظل رغم انف امريكا واسرائيل وعملائهم الزين باعوا الوطن والشعب والارض والذكريات والصحبة والايام باعوا الاحلام بعد الفشل .. لن ينجح مشروع التقسيم


ردود على ادم ضو
United States [Ibn Alkhartum] 05-25-2013 10:25 PM
يا سيد آدم الضو, ماذا تفتكر من أعمال ياسر عرمان! الذي يصفة مؤيدي المعارضة بالرجل البطل والرجل المقوار, هذا العميل ساعد الغرب في إنفصال الجنوب, بعد الجهد الجهيد الذي بذلة مع أبناء الجنوب للانفصال, لماذا لم يكن الآن في الجنوب منعم بوظيفة عالية حافز بما قدم لهم من نضال؟. الآن هذا العميل يستخدم نفس الأسلوب لمساعدة الغرب لإنفصال دارفور, لكن المشكلة إنو الناس من كراهيتهم لهذا النظام ساعد العميل ياسر عرمان في المضي قدما لتحقيق كل ما يخطط لة الغرب تجاه السودان, وللأسف بمساعة أهل السودان من غير ما يشعرون. وبعد مايحقق العميل عرمان كل مخططتات الغرب سوف يكون مصيرة مصير جون قرن.


#676004 [شعب جاهل]
0.00/5 (0 صوت)

05-25-2013 03:23 PM
وأرسل "الحاج آدم" رسالة إلى قيادات التمرد "عبد العزيز الحلو"، "ياسر عرمان"، "مالك عقار"، "عبد الواحد محمد نور" و"أركو مناوي" بأنهم لن يتمكنوا من قيادة الشعب السوداني ذي الغالبية الإسلامية.
؟؟؟؟؟؟؟؟؟؟؟؟؟؟
تقصد شنو ياحاج صاطور
ماالشعب السوداني الان بيقادمن مجرمين كان م\لوب القبض عليهم ومنشور الاعلان في الجرايد \بعا ليك حق تقول كلامك دة مانحنا شعب سئ الذاكرة


#675965 [osman]
0.00/5 (0 صوت)

05-25-2013 02:35 PM
لا اجد عباره مناسبه للتعليق علي هذا الموضوع غير كلمة 0000000000 ديل هبل وللا شنو؟؟؟؟ مافي زوووول عاقل بقوووووووول كلام زي ده وللا يكونوا بتعاملوا معانا علي اساس انو نحن اغبياااااء


#675964 [إبن السودان البار ***]
5.00/5 (2 صوت)

05-25-2013 02:34 PM
جدادة الحلة الطردت جدادة البيت ؟؟؟ الميرغني الشيعي السعودي الأصل الدخل مع المستعمر ممسكاً بحصان كتشنر عايز يحارب و يطرد أهل البلد ذاتهم ؟؟؟ والآن وسط الزهور متصور ومع الرقاص الفاسد مستمتع بأكل ما لذ وطاب من الأطعمة المستوردة بالدولار من بلاد الكفر والإلحاد بيبسي ومياه معدنية ومجموعة فواكه وغيرها وأطفال السودان الكفار ينخر صدورهم السل ويبيدهم الجوع والمرض حتي في العاصمة ؟؟؟ والآن تريد يالميرغني التعاون مع السفاح المجرم المطلوب لمحكمة العدل الدولية والذي يصرف أكثر من 70% من ميزانية الدولة لقتل مواطنيه ؟؟؟ لقد سعيت الي نهايتك من السودان وعلي الذين يركعون ويقبلون يده أن يهاجروا معه الي مصر لينعموا معه في قصوره والا عليهم أن يجدوا معبود آخر يركعوا له ويقبلوا يده ؟؟؟ والثورة في الطريق ؟؟؟


#675894 [الطيب حمودة]
0.00/5 (0 صوت)

05-25-2013 01:16 PM
ابو كرشولا دى بقت عصية على القوات المسلحة لان الضباط اولاد الغرب الفراس شالوهم الصالح العام وكان هدفهم يقاتلو بيهم اهلهم لكن الشباب فطنو ليها وفوتو الفرصة عليهم لماذا ؟؟؟؟ لا يتنحى البشير ويسلم السلطة انتقالية لو هو اصلا كان يريد مصلحة السودان ولو هو اصلا الاسد النتر.59


#675819 [د. ياسر الشريف]
0.00/5 (0 صوت)

05-25-2013 12:12 PM
((وكشف وزير مجلس الوزراء، القيادي بالحزب الاتحادي الديمقراطي (الأصل) "أحمد سعد عمر" عن رفضهم لعرض بريطاني بمنح إقليم دارفور حق تقرير المصير، وأكد وقوف حزبه بزعامة مولانا "محمد عثمان الميرغني" مع القوات المسلحة والوطن، وقال: (من أراد للسودان خيراً فيدنا معه ونرمي لقدام ونؤمن إخواننا في القوات المسلحة) التي نوه إلى أنها يجب أن تدعم، وشدد على ضرورة توحيد الجبهة الداخلية.))
لم تطالب الجبهة الثورية بحق تقرير المصير لدارفور، فهل يعقل ان تقوم بريطانيا بعرضه على الحزب الاتحادي الديموقراطي؟ ولماذا تعرضه على هذا الحزب وهي لا تملك هذا الامر؟ ولماذا لم تعرضه على الحكومة، هذا اذا سلمنا ان بريطانيا تملك الامر؟ الجبهة الثورية اعلنت انها تريد اسقاط النظام واقتلاعه.


#675784 [عبد الواحد الميت من الاستغراب ولا معين!!]
5.00/5 (3 صوت)

05-25-2013 11:44 AM
يا أخوانا وقسما بالله الحاصل فى السودان ده بجد محتاج لقناة فضائيه عشان الشعب يشاركنا المتعه التى نجدها فى الشبكه اللالكترونيه!! بالامس كنت أشاهد فى (اليو-تيوب ) لقطات أظهرة لنا الحاج ساطور وهو مزنوق زنقة (معمر القذافى فى مواسير مجارى الصرف الصحى او صدام حسين فى حفره آشبه بحفرة دخان او زنقة كلب فى طاحونه!!) فى حضرة مذيعه متبرجه وأصغر سنا من أحفاده إذا كان له أحفاد !!ثم إنتقلت الى مشهد يخطب فيه البشير وهو يرتدى زى القوات المسلحه ويسأل الهنابيل المحتشده أمامه (أنا عشرين سنه حصل يوم كذبت عليكم)وظل يردد السؤال حتى كدت أن أصدقه لو لا إنى فقت على ضحكه مجلجله من عمنا السر قدور ولقطات أخرى يظهر ديالوج بين البشير ولقطات من مسرحيات عادل إمام المعبره عن أحوالنا!!وحزنت جدا لفوات الفرصه على معظم أهل السودان الذين غابت من شفاههم الابتسامه ولا أقول (القرقره)ولم يتمكنوا من مشاهدة مثل هذا الجهد الذى يقف وراءه نفر من شبابنا الرائع،طبعا ليس بينهم رجال او نساء أحزاب!!أما بخصوص ما جاء فى متن الخبر أعلاه والتصريحات التى نسبت لمولانا محمد عثمان المرغنى فسؤالى عن أى قوات مسلحه يتحدث مولانا وتابعيه بخزى الى يوم الدين؟!!الم يعلموا أن القوات المسلحه (غنايهم مات وشبع موت)يوم أعدموا 28ضابط من أنجب وأشجع الضباط الذين عملوا فيها دون أى محاكمات وهل نساهم مولانا وطفق يحدثنا عن ضباط هذه الايام؟!! ضباط الموالاة!!يا مولانا الضباط الذين أعدموا بليل كان هدفهم إعادتكم الى السلطه التى أغتصبت منكم وكان عليكم أن تراعوا مشاعر أهاليهم وأنتم تطلقون مثل هذه التصريحات وإن رمتم لاحياء حزبكم وإعادته للحياة مره آخرى كان الواجب عليكم دعم الثوار الذين يقفون على أبواب عاصمة البلاد الكبرى فى إنتظار التعليمات،وبالمناسبه (سلطة الامر الواقع)ليس فى حاجه الى تصريحات داعمه إنما محتاجه الى الجلوس على (التبروكه)والتضرع الى الله لكى يلطف بطغمٌه وهذا ليس من عندى إنما من اللافتات المنتشره فى الشوارع الرئيسيه يطلب فيها النظام من جموع المسلمين أن يسألوا الخالق عز وجل أن يلطف بهم طالما كان فنآئهم قد قدر!!.


#675720 [مهاجر]
5.00/5 (2 صوت)

05-25-2013 10:53 AM
البريطانيون مغشوشين فيكم, هم لسع فاكرين ولائكم السابق عندما دخل كتشنر السودان, لكن الآن تزحزح يا حبيبي بفعل التوعية والتعليم, راجعوا انتخابات الديمقراطية الثالثة, وأسالوا أنفسكم: كم كان نصيبكم في دارفور لتعرف حجمكم هناك.


#675704 [karkaba]
5.00/5 (2 صوت)

05-25-2013 10:41 AM
كنت من شباب الحزب الا اتحادي ولا ديمقراطي ونادم اشد الندم علي زلك عار عليك ايها الانتهازي الطبال المخنس المدعو احند عنر


#675697 [شوك كتاد]
5.00/5 (1 صوت)

05-25-2013 10:38 AM
يا اولادى كلكم زعلانين لشنو
الحاج ادم من دارفور
مهدى ابراهيم من دارفور
احمد سعد عمر امه بنت السلطان على دينار تان دايرين لكم اكتر من كدا


#675690 [ابوالهول]
5.00/5 (1 صوت)

05-25-2013 10:32 AM
وقال "مهدي" إن رؤساء دول أمريكا، بريطانيا، وفرنسا لا يستطيعون مغادرة بلدانهم حال أمرت المحكمة الجنائية بتوقيفهم، وأضاف: (رئيسنا خرج شرقاً وغرباً من إيران إلى الصين وتحدى المحكمة الجنائية).
....هسة دا كلام زول عاقل وبفكر صاح ..الباس ديل فهمهم كمل عديل كدة ....
هي المسألة رجالة يعني ..ومنو القال ليك انو المحكمة حكمت على رؤساء دول امريكا وبريطانيا وفرنسا ..دي انظمة ديمقراطية بتحاكما برلماناتها يا دلاهة ....


#675679 [JOHN]
5.00/5 (5 صوت)

05-25-2013 10:22 AM
والقال ليكم منو إنو قيادات الجبهة الثورية مامسلمين؟؟؟؟؟؟؟هل في شخص غير مسلم يسمو عبد الواحد؟؟؟؟؟؟؟هل في شخص غير مسلم يسمو عبد العزيز؟؟؟؟؟؟؟ولا ياسر برضو اسم كفار؟؟؟؟؟؟؟

زد علي ذلك، فإن الكل قد كره، إن لم يكن قد كفر بإسلامكم الذي تروجون.......

لا أحد يريد إسلاما يبيح لكم القتل بدون حق.......

لا أحد يريد إسلاما يبيح لكم إعمال العنصرية.......

لا أحد يريد إسلاما يبيح لكم السرقة.......

لا أحد يريد إسلاما يبيح لكم الظلم.......

لا أحد يريد إسلاما يبيح لكم الأضطهاد.......

لا أحد يريد إسلاما يبيح لكم الغدر والخيانة.......

لا أحد يريد إسلاما يبيح لكم تدمير الوطن دون أن يرف لكم جفن.......

إني علي قناعة تامة بأن من تعتبرونهم غير مسلمين، لا بل إن الكفار، ينأون جميعا بأنفسهم عن اقتراف حتي اليسير من هذه المحرمات(الجرائم) التي أضحت ديدنكم الذي تمارسون بكل صفاقة ودناءة........



اللهم اجعل الدائرة علي أعداء الدين والوطن.......آمييييييييييييييييييييييييييييييييين.


#675678 [المشتهى الربيت]
5.00/5 (5 صوت)

05-25-2013 10:22 AM
يا مهدى ابراهيم بطلت الدخان ولا لسه بتتدخن


#675632 [ركابي]
5.00/5 (3 صوت)

05-25-2013 09:44 AM
شرقا وغربا يا غوريلا انت خلى يمشي هنا يوغندا بس لو راجل بعدين مشية الصين دى تمت احتراما للصين كدولة عظمى لذلك لم تعترضه طائرات امريكا ةتجبره على الهبوط فى اى مطار تختاره هى يعني مش خوفا من الاسد النتر ابو (.....) الرقاص بتاعك ده
وانتم تعلمون ان الامريكان لو دايرنو ممكن بعدد5 كوماندوس يخطفوهو من القصر الجمهوي الساعة 2 ظهر
يا وهم ديل امريكان


ردود على ركابي
European Union [كركبه] 05-25-2013 10:23 AM
بطل الانفناسه يا الركابي . كاني اراك تعبد صنما . كفاناقدوة بالذي بعث يتيما فقيرا و غير العالم بقدرة خالقك وخالق امريكا .


#675629 [كمونية]
5.00/5 (1 صوت)

05-25-2013 09:43 AM
حلت الكارثة السياسية بالسودان منذ ان اتحد
الحزب الوطنى الاتحادى مع حزب الشعب الديمقراطى
وانتجا الحزب الاتحادى الديمقراطى


#675623 [عبده]
0.00/5 (0 صوت)

05-25-2013 09:39 AM
بعد ما طردت السفير و مندوب الأمم المتحدة لماذا لم تسلم الجواز الأزرق للولايات المتحدة الامريكية ؟


#675598 [lawlawa]
0.00/5 (0 صوت)

05-25-2013 09:17 AM
هذا حديث مهدي ابراهيم بعد هذا العمر ...؟؟!!


#675582 [عبد الجبار احمد]
0.00/5 (0 صوت)

05-25-2013 09:03 AM
شوفو المنافق الحاج ساطور دا بقول شنو:

وأرسل "الحاج آدم" رسالة إلى قيادات التمرد "عبد العزيز الحلو"، "ياسر عرمان"، "مالك عقار"، "عبد الواحد محمد نور" و"أركو مناوي" بأنهم لن يتمكنوا من قيادة الشعب السوداني ذي الغالبية الإسلامية.

يعني هل تقصد ان هؤلاء كفار يا حرامي يا منافق والله لو جات الفرصة يحكموا رغما عن انفك.

وكمان تعالوا شوفو مهدي ابراهيم كبير المنافقين :

وقال "مهدي" إن رؤساء دول أمريكا، بريطانيا، وفرنسا لا يستطيعون مغادرة بلدانهم حال أمرت المحكمة الجنائية بتوقيفهم، وأضاف: (رئيسنا خرج شرقاً وغرباً من إيران إلى الصين وتحدى المحكمة الجنائية).
انت بالكلام دا تسيء لرئيسك يا مهدي ابراهيم . هذه الدول انظمتها ديمقراطية ولي رئيس فيها لن يحصل مرحلة ان يحاكم بالمحكمة الجنائية وانت عارف الكلام دا

رئيسك دا كان راجل لماذا لا يسافر لاي دولة اخرى غير التي ذكرتها . والله نفاق لا بعده نفاق . مهدي ابراهيم الغرابي دا بعد ما همشوه فترة طويلة جدا واخيرا منوا عليه بهذا المنصب عاوز يعمل نفسو يكسر ثلج للبشير لكن بطريقة عويرة جدا


#675580 [مراقب]
5.00/5 (4 صوت)

05-25-2013 08:59 AM
حزب لم يعد يمثل في الخارطة السياسية ما بمقدار جناح بعوضة يستشيره البريطانيون في قضية دارفور!!!!!! هل هذا الميرغني وصي على دارفور حتى تدعون انكم تملكون حق الاستشارة في شؤونه في الاول انتو اتخلصوا من عقدة النقص وبوس ايد سيدي السيد وتقديس الزعماء مسالة دارفور دي اكبر منكم


#675575 [Show]
5.00/5 (2 صوت)

05-25-2013 08:54 AM
والله ياناس الراكوبة مالكم من الصباح دايرين ترفعوا لينا الضغط الزول الدلاها من الصباح مقابلننا بيهو ده شنو دا والله يوم تشلو ليكم زول


#675550 [Abu Al khair]
0.00/5 (0 صوت)

05-25-2013 07:45 AM
أرمي لقدام يا احمد سعد
لكن الحلو منتظرك
وطلع ارجل منك ومن ابو هاشم


#675530 [ركابي]
5.00/5 (4 صوت)

05-25-2013 06:46 AM
وأرسل "الحاج آدم" رسالة إلى قيادات التمرد "عبد العزيز الحلو"، "ياسر عرمان"، "مالك عقار"، "عبد الواحد محمد نور" و"أركو مناوي" بأنهم لن يتمكنوا من قيادة الشعب السوداني ذي الغالبية الإسلامية.!!!!!!!!!!!!!ده كلام شنو ده هههههههههههه ليه الجماعة ديل سيخ ياابوساطور


وكشف وزير مجلس الوزراء، القيادي بالحزب الاتحادي الديمقراطي (الأصل) "أحمد سعد عمر" عن رفضهم لعرض بريطاني بمنح إقليم دارفور حق تقرير المصير، وأكد وقوف حزبه بزعامة مولانا "محمد عثمان الميرغني" مع القوات المسلحة والوطن، وقال: (من أراد للسودان خيراً فيدنا معه ونرمي لقدام ونؤمن إخواننا في القوات المسلحة) التي نوه إلى أنها يجب أن تدعم،!!!!!!!!بالله شوف الغرنوق ده بيقول في شنو !!


#675524 [شمالي]
5.00/5 (1 صوت)

05-25-2013 06:11 AM
وقال "مهدي" إن رؤساء دول أمريكا، بريطانيا، وفرنسا لا يستطيعون مغادرة بلدانهم حال أمرت المحكمة الجنائية بتوقيفهم، وأضاف: (رئيسنا خرج شرقاً وغرباً من إيران إلى الصين وتحدى المحكمة الجنائية).
...........
ههههههههههه يا غبي دي نبذة ليكم، كونك لا تحترم القانون


ردود على شمالي
United States [الفاتح ود أحمد] 05-25-2013 10:24 AM
أحييييييييييييييييييييييييييييييك بالصوت العالي.


#675522 [abdu almarraty]
5.00/5 (2 صوت)

05-25-2013 06:03 AM
من انت يا حقير انت وحزب الفكة الذين تقررونا لنا مصيرنا.....لو اراد حزبك ان يحمي نظام الانجاس فبادروا بالانضمام الى جحافل الفطائس....ونقول لك انت وحزبك لا تستعجلوا سيقوم الشعب بقيادة الجبهة الثورية بكنسك انت وحزبك وجميع احزاب الفكة المنضوية تحت حزب الانجاس الى مزبلة التاريخ يا زبالة البشرية......ونقول لكل من يتحدث بلسان الهامش عن تقرير مصير يجب ان يقرر هو فلا مجال بعد فصل الجنوب عن فصل لاي هامش......او ان نحكم السودان كسودانيين والا فمرحبا بالصوملة لان كل الهامش الان يعيش في صوملة مرفوع للقوة صوملة.
كسرة:اخبار ابوكرشولا شنووووو.....هههههههههاااااي ما قالوا دبابين.


ردود على abdu almarraty
United States [ود الشلال] 05-25-2013 06:59 PM
متى يعرف البشير والميرغني والمهدي ان شعبيتهم (صفر) بين غالبية الشعب السوداني , فهم لايمثلونا لاحكومة ولامعارضة.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة