مصرع سيدتين وإصابة (3) في حادث تصادم عربة و(حمار) بأم درمان
لقيت سيدتان حتفهما وأصيب (3) آخرون بإصابات جسيمة في حادث انقلاب عربة لاندكروزر كان على متنها الضحايا اصطدمت بـ(حمار) وكشف شهود عيان أن العربة التي كان يقودها شاب كانت متجهة جنوباً على طريق شريان الشمال وفجأة وقف أمامها حمار وفشل السائق في تفاديه لتصطدم العربة به وتسقط على حافة الطريقة وكان الارتطام قوياً لتتوفى سيدتان في الـ60 والـ70 من العمر، فيما أصيب (3) آخرون من ركاب العربة بينهم السائق وقد تحركت دوريات شرطة المرور بولاية الخرطوم إلى مكان الحادث حيث أشرفت على عمليات إنقاذ الضحايا فيما أوقفت الشرطة السائق كمتهم في الحادث.
الاهرام اليوم
اللهم ارحمهم وأدخلهم فسيح جناتك يا ارحم الراحمين واشفى المصابين.
(لهن المغفرة والرحمة),,, لكن مفروض يوقفوا الحمار كطرف في الحادث
لهم الرحمة بس الحمار ده يكون مؤتمر وطنى لذالك لم يدخل الحراسة
اللهم ارحمهم واغفر لهم وادخلهم فسيح جناتك مع الصديقين والشهداء .. انت يا زول الله يكون في عونك عيان محتاج لعلاج اول حاجه خليك منطقي في تعليقك … يا خ انت وفي ناس كتيرة زيك أي حاجه تحصل حوادث جريمة قتل سرقات وفيات , طوالي تلصقوها في حكومة الانقاذ او المؤتمر الوطني او البشير كما تقولون .. انتو صراحه ما مؤمنين بالقضاء والقدر اها طيب لو لاسمح الله حصل في السودان زلزال او زي ما حصل في اليابان اها حتقولو برضو حكومة الانقاذ .. المؤتمر الوطني .. الكيزان .. البشير ؟؟؟؟؟؟؟؟؟؟؟؟؟؟؟ والله انا بقيت اقول انشاءالله البشير يطلع من الحكم ويخليها ليكم تختارو انتو رئيسكم … اها تاني حتقولوا شنو ولو حصلت كوارث وجرائم وحوداث وسرقات اها حتقولوا ده منو العمل كده ؟؟؟؟؟؟؟؟؟؟؟؟؟؟؟؟ سبحان الله سبحان الله الحمدلله على كل حال .. اللهم لا نسئلك رد القضاء ولكن نسئلك اللطف فيه