الحتات كلها باعوها .. وانت قاعد تتلفت
محافظ الخرطوم الجديد اصابته الدهشة لان الخزينة فاضية والحتات كلها باعوها. المحن السودانية الراجل ده كان وزير داخلية وفشل ورقوه وزير دفاع ، وما انبراش . ودلوكت هو مستغرب ، يا يكون هو وبطانته كانوا قافلين علي البيع كمان ، لكن لقو الزلابية كملت .
هل معقول الراجل الكان في السلطة ومباري البشير ميرغني المامون واحمد حسن جمعة ، وما عارف الحاصل شنو في البلد ؟ يعني العمارات دي كلهل قامت بروس . وجماعتك الكانوا قبل يومين بينكرشو ودلوكت راكبين مريشين ومعرسين اتنين وتلاتة واربعة ، من وين ؟ والمحافظ السابق ما كورك وقال ناس مكتبي غشوني وخانو ثقتي فيهم . المحافظ ده غبي ولا بتغابا ؟
اول حاجة البلد ما كنتين علشان يكون في خيانة ولا خيابة . في قوانين ولوائح ومسئوليات محددة . كيف ملازم صغير السن يتصرف في اراضي بالمليارات ؟ زمان مامور المركز ما يقدر يشتري حبل بدون موافقة عدة جهات .
والسيد الوالي الجديد لمن كان وزير داخلية وقعت المستشفي وكان هنالك دم مسفوك . واجهزة بملايين الدولارات ضاعت . قلنا يمكن غلطة . الطيارات جات طافية النور والناس في الصلاة . وذهب الي بورسودان للدفاع بالنظر . واتت الطيارات الي الخرطوم ودقت البلد ورجعت ذي البوسطجي الجاب الحوالة قربوا يبوسوها . الراجل غفلة ودلوكت حيقول السيل جاء بدون صوت . والذباب والناموس جزء من الحياة البرية نخليه في حالو .
الراجل ده قاعد حيسرقوا قدام عينو . زمان سرقوا الميادين والمدارس . وانتهوا بسرقة بيوت الله. سيدنا عمر رضي الله عنه رفض ان يصلي في كتيسة القدس حتي لا يدعي المسلمون لان لهم حقا في الكنيسة . وكنيسة بحري عملوها تجارة . وبعد شوية حتشوفوا بوابة عبد القيوم بقت كشك مرطبات . وحيقول انا كنت في عقد رجعت لقيتها كده .
الدكتور محمد محجوب عثمان طيب الله ثراه كان يختلط بالسجناء الجنائيين في ايام سجنه المتعددة في سجن كوبر لانه شيوعي .وحكي لي ان احد اللصوص قد اخبرة بأنهم بعد ان اخذواالذهب والفلوس وكل مل خف وزنه وغلا ثمنه . قطع عصاية لي سيد البيت العامل نايم . وقال ليه ,, علشان بكرة ما تقول للجيران ومرتك دي انك كنت نايم .
بكرة لمن بعد ما نكتشف انه القصر الجمهوري عملوه هوتيل او الطابية في امدرمان عملوها قهوة ، ما يجي الوالي يقول النور كان طافي .
قبل اسبوع كتبت موضوع ,, سجن 7 نجوم ,, وكنت استغرب لماذ تدخل رئيس القضاة في موضوع السجون لان هذه مسألة لا تخصه من قريب او من بعيد . هنالك مصلحة السجون التي تتبع للداخلية . وديت يا ود امينة تفكر ،وتقول ان خلف الاكمة كوز . والكيزان بقوا سعرانين . وانا صغير ظهر حصان سعران في السوق واصاب كل السوق بالهلع . . وقاموا بقتله واخذ البيطري راسه للفحص . كلما اشوف الكيزان ديل اتذكر الحصان السعران , قالوا عضاه كلب . الكيزان ديل عضاهم شنو؟ عرفنا ذبابة التسي تسي التي تسبب مرض النوم . هل في ذبابة القروش البتسبب مرض الجشع ؟؟
سجن بورسودان القديم من اعتي واقدم السجون في السودان. كانوا يرسلون اليه العتاة . من اصدقائنا في امدرمان من ذهبوا اليه كان الصيني وسيد صربندي وابراهيم حسيب … الخ وكان يدره الاخ يشير مالك بشير . السجن في موقع استراتيجي جدا الآن . وحوله اشلاق عبارة عن حي كامل . الظاهر الكيزان كل ما يمروا عليه بيمصمصوا شلاليفهم ذي شرابين العرقي لمن يسمعوا صوت البوصة مع القدر .
لا يهمهم سجن سبعة نجوم بمواصفات عالمية ولا مدرسة للدايات . بيكون دبروا شركاء في الخارج ذي شركة التنقيب عن الذهب الروسية الطلعت سوريب . وطبعا بعد ما يلحسوا السجن والاشلاق . حيترعوا وحيقبلو علي اربعات يسوها احواض سباحة واكشاك سلات ومخبازة . اشلاق البوليس في وسط امدرمان كسروهو . وبعض البوليس كان سكن عشوائي . وكان مع الاشلاق في جبراكات لكل بيت لزراعة الخضروات . ا لسعيد البيشوف في غيرو والشقي البشوف في روحو . اسالو ناس العاصمة يا ناس بورسودان.
الناس دي عاوزة تعمل .,,شنقل منقل , المنشار الضخم لصناعة المراكب ناس فوق علي راسه وناي تحت . طالع ياكل نازل ياكل . يضربوا في السجن الجديد ويضربوا في القديم . هو الناس البتدفع جبايات ورسوم وارنيك 15 وتحت الطربيزة . ما هاميهم امرهم خلي الفي السجون الما بدفعو شي ومكلفين الدولة .
في الثمانينات احد المهندسين كان يهذي لان احدي الماكينا الكبيرة ن قام بعض العمال بتخريبها لاستخراج النحاس وبيعة لشراء مستلزمات قعدة وسكرة . هذه سياسة الكيزان مع السودان .
هل الناس دي كانت منتظرة ايلا يقطع وشو ويدوروا في بورتسودان ولا ايلا عارف ؟ وهل ايلا تخلصوا منو وده الجزيرة وشمروا للضبح .؟ هل ايلا ده كافور الاخشيدي ؟
الفاطميين كانوا طمعانين في مصر وبعد موت الملك ا الاخشيدي كان ابنه صغيرا . ولكن كافور الاخشيدي الذي بدأ حياته كمملوك صار وصيا والحاكم الفعلي لمصر . وكان ذكيا ولماحا ونظم الجيش واستلم السلطة ، وارهب الفاطميين في تونس . وكانوا يقولون . انهم لا يقدرون علي فتح مصر ,,والحجر الاسود ,,في الحكم . وبعد موت كافور ابتلعوا مصر .
كافور هو الذي مدحه الساقط المتنبي . ثم هجاه لانه كان ذكيا . وقال لمن نقل له رغبة المتنبي في ان يكون حاكما ,, يا قوم من ادعي الملك مع محمد الا يدعي الملك مع كافور ,,. وهل كانوا في انتظار ذهاب الحجر الاحمر ؟؟ يا ناس بورسودان فتحو عينكم قدر الريال ابعشرين ومش الريال السعودي . وانتو قاعدين حقكم بيروح قدام عينكم . واصدق اولادكم واحسنهم حيشتروهم عينك يا تاجر . وبعدين ما تقولوا النور كان طافي .
كركاسة
مرات وانا بفكر ، وحتي انا بفكرمرات ، ليه لا .؟ الناس دي بتملي الزير من وين . نشوف ود ابراهيم عامل فطور ذي عرس الحاردلو الدعا ليه ابوه ود ابسن كل زعماء القبائل من حلفا لي فازوغلي . وتصريحات واجتماعات , اذا علي عثمان قال في البرلمان هو مفلس وماهيتو 12 الف جنيه وبيدفع ضرائب ، العميد ماهيتو كم ؟ ود ابراهيم ده مش كان عميد ؟ الترابي كهربتو واكلوا وخدامينو وتحركاتو وولده واسرتو بيملو الزير من وين ؟ وديل لا عندهم مترة ولا فراشة ولا باجور ولا سعية ما شفنا ليهم جرف ولا انقاية حتي . وغازي وجماعتوا بيملو الزير من وين . بعدين شيوخ ومسئولين ومتمسولين ،متلصقين ، متحركين وساكنين ومتلبدين . وكلو بيصرف وبيسافر واجتماعات وسرادق وجرادل وجكوك ، ده كلو من ضهر محمد احمد . عفيت منو محمد احمد . لكن الناس دي ما بتختشي علي دمها ؟؟
التحية
ع . س , شوقي
[email][email protected][/email]
يا راجل غاب الضمير وعم الجهل في زمن بني كوز …. يا راجل هي بقت علي ملية الزير قول بيملوا الترع من وين زمان الازيار دي كان بيملأهاالسقا عوض الجاز من أبيار البترول حسع لما مويتها بقت مالحة ناس الإنقاذ حفروا دوانكي كثيرة دونكي شركات جهاز الامن الوهمية ودونكي حاويات المخدرات ودفنوا ترع الجزيرة وحفروا الترع في بيوتهم ترعة الطفل المعجزة لشحدة أموال شيوخ الخليج باسم محمد احمد وترعة القروض الأجنبية بضمان شيكات محمد احمد المن غير رصيد و ازيارهم مليانة ورويانين كع و ازيار السبيل فاضية ومحمد احمد كان داير شربة موية يزازي بالحر لامن يصل بحر ابيض ويشرب الكدر والطين وصفوة الماء يشربها إبان دقون وحي علي الصلاة والصلاة قايمة… يا ود العميد لوكان بابكر بدري عليه رحمة الله حي كان سألناه عن ما أنفقه هو وذلك النفر الكريم في ذلك الزمن في تعليم البنات في رفاعة والقطينة ومدني ومعاهد المعلمات وحتي جامعة ومدارس الأحفاد واظنه اقل بكثير ممايملكه اي كوز هلفوت الليلة حايم في السودان مات الضمير مع موت الاخيار وانبعث الجشع في زمن تجار الدين وعديمي الضمير جيل من الابرار بذل جهده وماله من اجل الآخرين لخدمة ورفعة البلد وعصابة البشير واخوانه واهله وناس ود ابراهيم وجمال الوالي وَعَبَد الباسط وغيرهم من أثرياء الحرب انعدم عندهم الضمير فأقاموا السرادق وجكوك مارقة وجكوك داخلة ويأكلوا في المحمر والمشمر ومحمد احمد الغلبان ما عنده حق العلاج ….كنت امر علي دكان تمتلكه احدي حفيدات العميد في شارع الأربعين لا اذكر اسمها الان وكانت هذه السيدة تعمل بهمة وجهد مقدرين وكنت دائماً امزح معها وأقول لها يا والده حسع لو كان العميد ده بني ليه سوق أكشاك ليمون محل الجامعة دي ما كان من بيع الليمون لناس الهلال والمريخ بقيتي مليونيرة وقعدتي جوة تعدي في القروش وكانت دائماً ما تضحك من مزاحي معها…. يا راجل لولا الضمير بدلا من مدارس الأحفاد لكانت هنالك فنادق الأحفاد في بيكر استريت في قلب لندن وشركات الأحفاد ومصانع الأحفاد وكان حسع بدل ما قاعد تكتب عن هموم الوطن كنت تكون بتعد في القروش في كريديت ليونيه ههههه لكن لانه الضمير فمن يفكرفي بناء امه يكون اخر همه جمع المال … رحم الله العميد بابكر بدري ورحم الله كل من قدم الغالي والنفيس لرفعة ابناء وبنات السودان
الكيزان عضَّاهم الشيطان
وحكي لي ان احد اللصوص قد اخبرة بأنهم بعد ان اخذواالذهب والفلوس وكل مل خف وزنه وغلا ثمنه . قطع عصاية لي سيد البيت العامل نايم . وقال ليه ,, علشان بكرة ما تقول للجيران ومرتك دي انك كنت نايم .
الله يجازى محنك ضحكتني لحد ما دمعت . متعك الله بالصحة والعافية استاذنا . حديثك كلو فى الصميم .
يا ود بدرى انت زول مسطح و مش عارف حاجة. الكيزان هؤلاء اصلا عندهم فتوى ان السودان هذا غنيمة من الله اغنمها للكيزان و ذلك من الكفار. الكفار هم كل من ليسوا اخوان مسلمين. هل فهمت؟
عافي منك تب… والله الكركاسة الختمت بيها الموضوع ده في لسان اي سوداني حر..
وده بيشمل حتى احزابنا المعارضة ومعارضة الفكة وغيرها…
تعرف ياشوقي في اي دولة بتحترم شعبها وحرمة المال العام ناس الضرائب والسلطات المحلية مفترض تعرف اي مليم لديك ودخلك ومنصرفاتك الخ
في بلدنا الواحد يبني عمارة بعدة طوابق وسائق اغلى الموديلات ولاتجد له حتى ملف ضريبي
وبعد ده كله يتمتع بالخدمات التي دفعها الغلابة او استدينت باسمهم.
والغريبة كذابين خاصة عندما يقولون لك فلان ده كان مغترب؟؟ وبحسبة بسيطة لعقاراته وممتلكاته اي موظف ضريبي ممكن يعرف انوا حتى ولوا اغترب اربعين عاما وكان يتقاضى اعلى من دخل شيخه وكفيله وصام طوال الفترة لن يوفر هذه الثروة
والمراقة الثانية يقولوا ليك الزول ده تاجر في سوق الله اكبر وعمل الثروة دي والعذر ده مفترض يدخل صاحبه السجن مباشرة للتهرب الضريبي قبل ان يرجع حق البلد
اخخخخخخخخ
فعلا زي ما بتقول محن سودانية لكن والله فترنا من محنهم دي
عرفت الناس دي كلها ما عاوزة دولة محاسبة وقانون ليه لانه كلهم زي ماقالت سعاد الفاتح حرامية
كلام في الملايين نحن اكلوا مننا عمارات اثرية قيمتها لا تقدر بثمن اخدوا الورق وقالوا حنعوضكم ومن ديك عيك غير اراضئ في كسلا والقضارف بانية فيها الحكومة قالوا ما عندهم ميزانية عارف المصبرنا شنو انهم سودانين يمكن اكلوا حقنا عيني عينك لكن ما بندور ليهم الشر والحمدلله والله يعوضنا ومافي زول بياخد اكتر من رزقه لكن الناس المحتاجة المفروض تفتح عيونها ربنا يستر
صدقت والله وانت فيالغربة البعيدة عرفت اللعبة.فعلا موقع سجن بورسودان واشلاقه.بقي في موقع استراتيجى وبجيب المليارات.اصحوا ياناس ادرو ب ووالله ديل بعد شويةيرحلوا ديم عرب ويببعوا ارضه!!!!!!!!!!ب
الكيزان حراميه ومعفنين شديد وليهم يوم بائن الله لكن يا شوقي بدري اسح لي اقول ليك لغة ركيكه لاتصلح ان تكون كاتب كلامك بذكرني الجماعة البتلمو قدام كنتين الحله يتونسو ارحمنا عليك الله يا ود ام درمان يا شفت يا مقطعا
أولا الأولى الجديد كما قلته فيه دا يمتلك عمارة فى الخرطوم اتنين عرس فيها المرة التانيه وسكن فيها ابنه ومرته سليلة أل المهدى اتهدى فيهم جبل أفرست
بقى ثلاث شركات وشريكه عثمان إبراهيم حق الحرام تسرطن وبقى يومه كله فى الجامع
لو رب العزة اداه ملميتر عفو
العمارات التى لاتعد ومزارع ودولارات وحسابات أرصدة فى لندن وماليزيا
وفضيحتوا عندما كان وزير داخليه عند خالتى بتسكن الخرطوم تلاه قالت الست إلى اتجوزها كان بتعد الجبايات
يعنى مخلفات المرور كانت تعد القرش وتقسم من رتبة عقيد إلى فريق أسبوعى
فى الجيش جيوش تدمر خليل إبراهيم وصل امدرمان هو لا يعرف اى شئ ما بلغه عسكرة نفر
شراء دبابة خسرانه وصفقات أسلحة من روسيا بملايين الدولارات وهيكلة بناء القوات المسلحة
يا راجل غاب الضمير وعم الجهل في زمن بني كوز …. يا راجل هي بقت علي ملية الزير قول بيملوا الترع من وين زمان الازيار دي كان بيملأهاالسقا عوض الجاز من أبيار البترول حسع لما مويتها بقت مالحة ناس الإنقاذ حفروا دوانكي كثيرة دونكي شركات جهاز الامن الوهمية ودونكي حاويات المخدرات ودفنوا ترع الجزيرة وحفروا الترع في بيوتهم ترعة الطفل المعجزة لشحدة أموال شيوخ الخليج باسم محمد احمد وترعة القروض الأجنبية بضمان شيكات محمد احمد المن غير رصيد و ازيارهم مليانة ورويانين كع و ازيار السبيل فاضية ومحمد احمد كان داير شربة موية يزازي بالحر لامن يصل بحر ابيض ويشرب الكدر والطين وصفوة الماء يشربها إبان دقون وحي علي الصلاة والصلاة قايمة… يا ود العميد لوكان بابكر بدري عليه رحمة الله حي كان سألناه عن ما أنفقه هو وذلك النفر الكريم في ذلك الزمن في تعليم البنات في رفاعة والقطينة ومدني ومعاهد المعلمات وحتي جامعة ومدارس الأحفاد واظنه اقل بكثير ممايملكه اي كوز هلفوت الليلة حايم في السودان مات الضمير مع موت الاخيار وانبعث الجشع في زمن تجار الدين وعديمي الضمير جيل من الابرار بذل جهده وماله من اجل الآخرين لخدمة ورفعة البلد وعصابة البشير واخوانه واهله وناس ود ابراهيم وجمال الوالي وَعَبَد الباسط وغيرهم من أثرياء الحرب انعدم عندهم الضمير فأقاموا السرادق وجكوك مارقة وجكوك داخلة ويأكلوا في المحمر والمشمر ومحمد احمد الغلبان ما عنده حق العلاج ….كنت امر علي دكان تمتلكه احدي حفيدات العميد في شارع الأربعين لا اذكر اسمها الان وكانت هذه السيدة تعمل بهمة وجهد مقدرين وكنت دائماً امزح معها وأقول لها يا والده حسع لو كان العميد ده بني ليه سوق أكشاك ليمون محل الجامعة دي ما كان من بيع الليمون لناس الهلال والمريخ بقيتي مليونيرة وقعدتي جوة تعدي في القروش وكانت دائماً ما تضحك من مزاحي معها…. يا راجل لولا الضمير بدلا من مدارس الأحفاد لكانت هنالك فنادق الأحفاد في بيكر استريت في قلب لندن وشركات الأحفاد ومصانع الأحفاد وكان حسع بدل ما قاعد تكتب عن هموم الوطن كنت تكون بتعد في القروش في كريديت ليونيه ههههه لكن لانه الضمير فمن يفكرفي بناء امه يكون اخر همه جمع المال … رحم الله العميد بابكر بدري ورحم الله كل من قدم الغالي والنفيس لرفعة ابناء وبنات السودان
الكيزان عضَّاهم الشيطان
وحكي لي ان احد اللصوص قد اخبرة بأنهم بعد ان اخذواالذهب والفلوس وكل مل خف وزنه وغلا ثمنه . قطع عصاية لي سيد البيت العامل نايم . وقال ليه ,, علشان بكرة ما تقول للجيران ومرتك دي انك كنت نايم .
الله يجازى محنك ضحكتني لحد ما دمعت . متعك الله بالصحة والعافية استاذنا . حديثك كلو فى الصميم .
يا ود بدرى انت زول مسطح و مش عارف حاجة. الكيزان هؤلاء اصلا عندهم فتوى ان السودان هذا غنيمة من الله اغنمها للكيزان و ذلك من الكفار. الكفار هم كل من ليسوا اخوان مسلمين. هل فهمت؟
عافي منك تب… والله الكركاسة الختمت بيها الموضوع ده في لسان اي سوداني حر..
وده بيشمل حتى احزابنا المعارضة ومعارضة الفكة وغيرها…
تعرف ياشوقي في اي دولة بتحترم شعبها وحرمة المال العام ناس الضرائب والسلطات المحلية مفترض تعرف اي مليم لديك ودخلك ومنصرفاتك الخ
في بلدنا الواحد يبني عمارة بعدة طوابق وسائق اغلى الموديلات ولاتجد له حتى ملف ضريبي
وبعد ده كله يتمتع بالخدمات التي دفعها الغلابة او استدينت باسمهم.
والغريبة كذابين خاصة عندما يقولون لك فلان ده كان مغترب؟؟ وبحسبة بسيطة لعقاراته وممتلكاته اي موظف ضريبي ممكن يعرف انوا حتى ولوا اغترب اربعين عاما وكان يتقاضى اعلى من دخل شيخه وكفيله وصام طوال الفترة لن يوفر هذه الثروة
والمراقة الثانية يقولوا ليك الزول ده تاجر في سوق الله اكبر وعمل الثروة دي والعذر ده مفترض يدخل صاحبه السجن مباشرة للتهرب الضريبي قبل ان يرجع حق البلد
اخخخخخخخخ
فعلا زي ما بتقول محن سودانية لكن والله فترنا من محنهم دي
عرفت الناس دي كلها ما عاوزة دولة محاسبة وقانون ليه لانه كلهم زي ماقالت سعاد الفاتح حرامية
كلام في الملايين نحن اكلوا مننا عمارات اثرية قيمتها لا تقدر بثمن اخدوا الورق وقالوا حنعوضكم ومن ديك عيك غير اراضئ في كسلا والقضارف بانية فيها الحكومة قالوا ما عندهم ميزانية عارف المصبرنا شنو انهم سودانين يمكن اكلوا حقنا عيني عينك لكن ما بندور ليهم الشر والحمدلله والله يعوضنا ومافي زول بياخد اكتر من رزقه لكن الناس المحتاجة المفروض تفتح عيونها ربنا يستر
صدقت والله وانت فيالغربة البعيدة عرفت اللعبة.فعلا موقع سجن بورسودان واشلاقه.بقي في موقع استراتيجى وبجيب المليارات.اصحوا ياناس ادرو ب ووالله ديل بعد شويةيرحلوا ديم عرب ويببعوا ارضه!!!!!!!!!!ب
الكيزان حراميه ومعفنين شديد وليهم يوم بائن الله لكن يا شوقي بدري اسح لي اقول ليك لغة ركيكه لاتصلح ان تكون كاتب كلامك بذكرني الجماعة البتلمو قدام كنتين الحله يتونسو ارحمنا عليك الله يا ود ام درمان يا شفت يا مقطعا
أولا الأولى الجديد كما قلته فيه دا يمتلك عمارة فى الخرطوم اتنين عرس فيها المرة التانيه وسكن فيها ابنه ومرته سليلة أل المهدى اتهدى فيهم جبل أفرست
بقى ثلاث شركات وشريكه عثمان إبراهيم حق الحرام تسرطن وبقى يومه كله فى الجامع
لو رب العزة اداه ملميتر عفو
العمارات التى لاتعد ومزارع ودولارات وحسابات أرصدة فى لندن وماليزيا
وفضيحتوا عندما كان وزير داخليه عند خالتى بتسكن الخرطوم تلاه قالت الست إلى اتجوزها كان بتعد الجبايات
يعنى مخلفات المرور كانت تعد القرش وتقسم من رتبة عقيد إلى فريق أسبوعى
فى الجيش جيوش تدمر خليل إبراهيم وصل امدرمان هو لا يعرف اى شئ ما بلغه عسكرة نفر
شراء دبابة خسرانه وصفقات أسلحة من روسيا بملايين الدولارات وهيكلة بناء القوات المسلحة
((في الثمانينات احد المهندسين كان يهذي لان احدي الماكينات الكبيرة ن قام بعض العمال بتخريبها لاستخراج النحاس وبيعة لشراء مستلزمات قعدة وسكرة . هذه سياسة الكيزان مع السودان .)) طبعاً لمن تحصل حاجة زي دي ممكن عادي يبرروا ليك المسألة بأن وزنةالدماغ بي شاي صاموتي أهم من شغل المكنة الخردة دي فعلا دا منطقهم والا كيف أوجدوا فقه التحلل الذي يبيح لأعضاء الحركة الاسلاموية بسرقة الدولة فتمتع اعضاء الحركة الاسلامية بسرقة أموال الدولة بأي شكل كان حلال وهو جزء من مشروعهم الذي أسموه التمكين تمكبن ليس للاسلام ولكن تمكين لعصابة تتاجر بأسمه ومبادئه
حتى لا تتعطل ماكينة هذة العصابة الماسونية وتظل قوية ومترابطة بأعضائها الفاسدين
الآن الكيزان انتقلوا لمراحل متقدمة من العمل النصبي السلفكي بعد ان قضوا على الاخضر واليابس وقسموا الغائم اصبحوا يسوقو الأوهام للسُذج والغُلف
يبيعو سمك وهو لسه في البحر ,,, قال نزف اليكم 46الف طن ذهب ,,, واسعة قدر دا ماشفنا يا عمنا شوقي !!
مشكور يا (ود أمينة)… و ود أمدرمان الأصيل…
و الله كتابتك متعة ياخ…لمن يفهما طبعاً… تكيف…. و لا خدرا علي ضفة النيل!
مقالك سخرية لاذعة… أو قول تراجوكوميديا…
و شر البيلة ما يضحك…نحن الضحك شرطنا من زمان…
أجمل ما في كتاباتك… السودانوية…إنت بتكتب بلغة سودانية قحة…
وده شي نادر في المقالات… وجميل جداً…حسب وجهة نظري…
لكن عصرت شديد…علي الجيل الجديد….لأنهم بالتأكيد سيحتاجون شرحاً لمفردات…
قوقل نفسه – رضي الله عنه – ما حا يعرفها…. خذ عندك:
بروس….حبل…البوصة…سوريب…جبراكات…كركاسة…يملو الزير…مترة…
باجور…جرف…انقاية…
الكاتب الكبير…هو فقط من يستطيع إحياء كلمات مندثرة…تحياتي
أنا بقترح – جادي جداً – تعمل قاموس مفردات سودنية…
زي أبوكم بابكر بدري الله يرحمو… بالمناسبة وين ممكن ألقى كتابه داك؟
أختلف معك في حتى وااحدة… المتنبي ما ساقط…علي الله أقراهو كويس..
تحياتي و احترامي لك…
يعنى يشربون من ازيارهم المليئه سحتا وحراما والشعب لايجد حتى ماء النقاع ..!!
( إقتباس من شوقي بدري المحترم)(كلما اشوف الكيزان ديل اتذكر الحصان السعران , قالوا عضاه كلب . الكيزان ديل عضاهم شنو؟ عرفنا ذبابة التسي تسي التي تسبب مرض النوم . هل في ذبابة القروش البتسبب مرض الجشع ؟؟
ديل عاضاهم النعجه يا صاح …
متعك الله بالصحه والعافيه يا شوقي يا بدري… قرأت موضوع بالانجليزيه لأحد السياسيين الانجليز القدماء قال فيه ان بابكر بدري كان يشتغل في المهديه تاكس كوليكتر — جامع ضرائب – هل هذا صحيح؟؟ وان كان صحيحا فإن جدكم يكون احد الذين حملوا الشعب السوداني من امره رهقا ذلك لان الضرائب في المهديه لم تكن هينه حيث تفرض على الناس دون رقيب او حسيب او دراسه والذي لا يدفع يعاقب….
جمل مفيدة:
“عرفنا ذبابة التسي تسي التي تسبب مرض النوم . هل في ذبابة القروش البتسبب مرض الجشع ؟؟”
“السجن في موقع استراتيجي جدا الآن . وحوله اشلاق عبارة عن حي كامل . الظاهر الكيزان كل ما يمروا عليه بيمصمصوا شلاليفهم ذي شرابين العرقي لمن يسمعوا صوت البوصة مع القدر.”
“السعيد البيشوف في غيرو والشقي البشوف في روحو.” السودان كلو شقي وشايف في روحو البحصل ليهو من الكيزان.
تسلم أستاذ شوقي…
غايتو الكيزان ديل ياعم شوقى مش سعرانين وبس ديل فاتوا النار فى الأكل ياكلوا الأخضر واليابس أعوز بالله من نفس لاتشبع …عضاهم الثعلب طبعا ..
مرة فى مستثمر شاب خليجى قال لى زوجى أنا ماشى السودان أستثمر وكان طاير بالفرح وسافر مناطق كثيرة جدا فى السودان لغاية أبوحمد فى الشمال للجنينة فى الغرب وجاء طبعا قنعان وبطنه طامة ..قال لينا ناس الإنقاذ ديل لو قلتوا عليهم حرامية تكونوا نبذتوا الحرامية وشكرتوهم هم لأنهم تعدوا مرحلة الحرامية دى من زمان …
سرقتهم دى شر لابد منه .. لكن أكثر حاجة واجعة قلبى بيعهم للمبانى التاريخية وتحويلها للإستثمار القايمين فيه بالعرض ده…غايتو محن ..
كنا فى مِؤتمر عالمى عن الشيخوخة ..وقام بروفيسر سعودىوقال هم ناوين يفتحوا نوادى أو أندية للترويح عن المسنين لأنه فى الرياض كلها فى نادى إجتماعى واحد بإسم الأمير فلان فقال ماكل حاجة بإسم أمير ..
فقال متحدث كويتى وآخر بحرينى إنهم يفكرون فى فتح تلك الأندية الإجتماعية فى بلاده هذا كان سنة 2013
وكان هنالك أجانب من دول غربية عده …فرفعت يدى وقلت لهم نحن فى السودان لدينا هذه الأندية الإجتماعية منذ وقت طويل وهى أندية لكل فئات العاملين بالدولة كنادى العمال ..نادى المزارعين ..نادى الموظفين ..نادى الأساتذة ونادى الضباط ومجرد أن تكون عضوا فيها تظل تستقبلك حتى فى سن المعاش …وهذه الأندية عريقة فتحت منذ أكثر من ستين عاما..ولكن هذه الأندية فى عهد حكومة البشير بعضها تم إغلاقه وبعضها تم بيعه …
ياحسرة على السودان جوا التتار قالوا عايزين ينقذوهوا رموهوا فى حفرة عميقة … بلدنا فى محنة كبيرة لكن أين المفر ؟؟؟
زمان الحضارمة الاغنياء في بورسودان يبنواوالمدارس والمستشفيات والمساجد لله. ويوزعو زكوات مالهم للفقراء بل بعضهم مثل الاب باعبود رغم نقل مركز اعماله للخليج استمرفي ارسال زكاته وزكوات معارفه في الخليج لبورسودانلصرفها في حفر الأبار والحفائر لقبائل المنطقة.شوف آل البشير واغنياء الانقاذلم نري لهم عمل خيري واحد مما نهبوه بل كل استثماراتهم خارج السودان. وكل سعيهم الداخلى لنهب المزيد.حتى المدارس القائمة سعوا لنهبها كما في كوبر والعمارت .اما نسأهم يتنافسون فى انشاء الجمعيات الخيرية كوسيلة للنهب واستغلال الاعفات الجمركيةبأسمها.
حبيبنا شوقي طال الله عمرك وهداك إلى الحق … ورزقك الجنة وفتح الله عليك وانار بصيرتك وسدد خطاط …
ارى مثال لرجل شهم وخلوق ومقدام وارى فيك كل الرائعين في بلدي … حفظكم الله …
اعشق كتاباتك كعشقي للراحل الاديب صلاح ابراهيم فهو ايضا كان وطنيا غيورا مقداما…
عبرك سيدي دعني احي الراكوبة ادارة وكتاب مقالات وكتاب مغمورين … عبرك سيدي اهنيء نفسي بسودان عظيم بأبنائه … لكم لمست وصادقت في هذه الراكوبة واستفدت من كتابها الذين ينافسون الكبار . … وكثيرا ما اشجوني وآنسوني واناروا فكري … حفظكم الله اينما كنتم وجعلكم الله ذخرا لهذا الوطن الجميل بكم …
تحضرني الان رسالة قراتها عبر الواتسب متعلقة بالوالي ايلا: حسب ما قرات كان هناك افطار لحفل ما …. انتهى الافطار .. سارع الوالي لمعرفة التكلفة الكلية… للمتعهد… عشرة مليون … سال ومشى .. في اليوم التالي طلبوه تكلفة الحفل او الافطار … ذكروا ان التكلفة 40 مليون دفع لهم المبلغ بلا مسائلة… سارعوا لدفع ال10 مليون للمتعهد المفاجاة كانت أن قال لهم المتعهد قد دفعها له الوالي بالامس الوالي… الجماعة يا عمنا احتاروا وين يودوا ال40 مليون … احم احم … البلد خربانة… اخشى ان يصيب اهلنا ما فعلته هذه العصبة … الله اسال ان يكشف خبثهم وان يرينا فيهم عجائب قدره انه نعم المولى ونعم النصير…ودمتم
((في الثمانينات احد المهندسين كان يهذي لان احدي الماكينات الكبيرة ن قام بعض العمال بتخريبها لاستخراج النحاس وبيعة لشراء مستلزمات قعدة وسكرة . هذه سياسة الكيزان مع السودان .)) طبعاً لمن تحصل حاجة زي دي ممكن عادي يبرروا ليك المسألة بأن وزنةالدماغ بي شاي صاموتي أهم من شغل المكنة الخردة دي فعلا دا منطقهم والا كيف أوجدوا فقه التحلل الذي يبيح لأعضاء الحركة الاسلاموية بسرقة الدولة فتمتع اعضاء الحركة الاسلامية بسرقة أموال الدولة بأي شكل كان حلال وهو جزء من مشروعهم الذي أسموه التمكين تمكبن ليس للاسلام ولكن تمكين لعصابة تتاجر بأسمه ومبادئه
حتى لا تتعطل ماكينة هذة العصابة الماسونية وتظل قوية ومترابطة بأعضائها الفاسدين
الآن الكيزان انتقلوا لمراحل متقدمة من العمل النصبي السلفكي بعد ان قضوا على الاخضر واليابس وقسموا الغائم اصبحوا يسوقو الأوهام للسُذج والغُلف
يبيعو سمك وهو لسه في البحر ,,, قال نزف اليكم 46الف طن ذهب ,,, واسعة قدر دا ماشفنا يا عمنا شوقي !!
مشكور يا (ود أمينة)… و ود أمدرمان الأصيل…
و الله كتابتك متعة ياخ…لمن يفهما طبعاً… تكيف…. و لا خدرا علي ضفة النيل!
مقالك سخرية لاذعة… أو قول تراجوكوميديا…
و شر البيلة ما يضحك…نحن الضحك شرطنا من زمان…
أجمل ما في كتاباتك… السودانوية…إنت بتكتب بلغة سودانية قحة…
وده شي نادر في المقالات… وجميل جداً…حسب وجهة نظري…
لكن عصرت شديد…علي الجيل الجديد….لأنهم بالتأكيد سيحتاجون شرحاً لمفردات…
قوقل نفسه – رضي الله عنه – ما حا يعرفها…. خذ عندك:
بروس….حبل…البوصة…سوريب…جبراكات…كركاسة…يملو الزير…مترة…
باجور…جرف…انقاية…
الكاتب الكبير…هو فقط من يستطيع إحياء كلمات مندثرة…تحياتي
أنا بقترح – جادي جداً – تعمل قاموس مفردات سودنية…
زي أبوكم بابكر بدري الله يرحمو… بالمناسبة وين ممكن ألقى كتابه داك؟
أختلف معك في حتى وااحدة… المتنبي ما ساقط…علي الله أقراهو كويس..
تحياتي و احترامي لك…
يعنى يشربون من ازيارهم المليئه سحتا وحراما والشعب لايجد حتى ماء النقاع ..!!
( إقتباس من شوقي بدري المحترم)(كلما اشوف الكيزان ديل اتذكر الحصان السعران , قالوا عضاه كلب . الكيزان ديل عضاهم شنو؟ عرفنا ذبابة التسي تسي التي تسبب مرض النوم . هل في ذبابة القروش البتسبب مرض الجشع ؟؟
ديل عاضاهم النعجه يا صاح …
متعك الله بالصحه والعافيه يا شوقي يا بدري… قرأت موضوع بالانجليزيه لأحد السياسيين الانجليز القدماء قال فيه ان بابكر بدري كان يشتغل في المهديه تاكس كوليكتر — جامع ضرائب – هل هذا صحيح؟؟ وان كان صحيحا فإن جدكم يكون احد الذين حملوا الشعب السوداني من امره رهقا ذلك لان الضرائب في المهديه لم تكن هينه حيث تفرض على الناس دون رقيب او حسيب او دراسه والذي لا يدفع يعاقب….
جمل مفيدة:
“عرفنا ذبابة التسي تسي التي تسبب مرض النوم . هل في ذبابة القروش البتسبب مرض الجشع ؟؟”
“السجن في موقع استراتيجي جدا الآن . وحوله اشلاق عبارة عن حي كامل . الظاهر الكيزان كل ما يمروا عليه بيمصمصوا شلاليفهم ذي شرابين العرقي لمن يسمعوا صوت البوصة مع القدر.”
“السعيد البيشوف في غيرو والشقي البشوف في روحو.” السودان كلو شقي وشايف في روحو البحصل ليهو من الكيزان.
تسلم أستاذ شوقي…
غايتو الكيزان ديل ياعم شوقى مش سعرانين وبس ديل فاتوا النار فى الأكل ياكلوا الأخضر واليابس أعوز بالله من نفس لاتشبع …عضاهم الثعلب طبعا ..
مرة فى مستثمر شاب خليجى قال لى زوجى أنا ماشى السودان أستثمر وكان طاير بالفرح وسافر مناطق كثيرة جدا فى السودان لغاية أبوحمد فى الشمال للجنينة فى الغرب وجاء طبعا قنعان وبطنه طامة ..قال لينا ناس الإنقاذ ديل لو قلتوا عليهم حرامية تكونوا نبذتوا الحرامية وشكرتوهم هم لأنهم تعدوا مرحلة الحرامية دى من زمان …
سرقتهم دى شر لابد منه .. لكن أكثر حاجة واجعة قلبى بيعهم للمبانى التاريخية وتحويلها للإستثمار القايمين فيه بالعرض ده…غايتو محن ..
كنا فى مِؤتمر عالمى عن الشيخوخة ..وقام بروفيسر سعودىوقال هم ناوين يفتحوا نوادى أو أندية للترويح عن المسنين لأنه فى الرياض كلها فى نادى إجتماعى واحد بإسم الأمير فلان فقال ماكل حاجة بإسم أمير ..
فقال متحدث كويتى وآخر بحرينى إنهم يفكرون فى فتح تلك الأندية الإجتماعية فى بلاده هذا كان سنة 2013
وكان هنالك أجانب من دول غربية عده …فرفعت يدى وقلت لهم نحن فى السودان لدينا هذه الأندية الإجتماعية منذ وقت طويل وهى أندية لكل فئات العاملين بالدولة كنادى العمال ..نادى المزارعين ..نادى الموظفين ..نادى الأساتذة ونادى الضباط ومجرد أن تكون عضوا فيها تظل تستقبلك حتى فى سن المعاش …وهذه الأندية عريقة فتحت منذ أكثر من ستين عاما..ولكن هذه الأندية فى عهد حكومة البشير بعضها تم إغلاقه وبعضها تم بيعه …
ياحسرة على السودان جوا التتار قالوا عايزين ينقذوهوا رموهوا فى حفرة عميقة … بلدنا فى محنة كبيرة لكن أين المفر ؟؟؟
زمان الحضارمة الاغنياء في بورسودان يبنواوالمدارس والمستشفيات والمساجد لله. ويوزعو زكوات مالهم للفقراء بل بعضهم مثل الاب باعبود رغم نقل مركز اعماله للخليج استمرفي ارسال زكاته وزكوات معارفه في الخليج لبورسودانلصرفها في حفر الأبار والحفائر لقبائل المنطقة.شوف آل البشير واغنياء الانقاذلم نري لهم عمل خيري واحد مما نهبوه بل كل استثماراتهم خارج السودان. وكل سعيهم الداخلى لنهب المزيد.حتى المدارس القائمة سعوا لنهبها كما في كوبر والعمارت .اما نسأهم يتنافسون فى انشاء الجمعيات الخيرية كوسيلة للنهب واستغلال الاعفات الجمركيةبأسمها.
حبيبنا شوقي طال الله عمرك وهداك إلى الحق … ورزقك الجنة وفتح الله عليك وانار بصيرتك وسدد خطاط …
ارى مثال لرجل شهم وخلوق ومقدام وارى فيك كل الرائعين في بلدي … حفظكم الله …
اعشق كتاباتك كعشقي للراحل الاديب صلاح ابراهيم فهو ايضا كان وطنيا غيورا مقداما…
عبرك سيدي دعني احي الراكوبة ادارة وكتاب مقالات وكتاب مغمورين … عبرك سيدي اهنيء نفسي بسودان عظيم بأبنائه … لكم لمست وصادقت في هذه الراكوبة واستفدت من كتابها الذين ينافسون الكبار . … وكثيرا ما اشجوني وآنسوني واناروا فكري … حفظكم الله اينما كنتم وجعلكم الله ذخرا لهذا الوطن الجميل بكم …
تحضرني الان رسالة قراتها عبر الواتسب متعلقة بالوالي ايلا: حسب ما قرات كان هناك افطار لحفل ما …. انتهى الافطار .. سارع الوالي لمعرفة التكلفة الكلية… للمتعهد… عشرة مليون … سال ومشى .. في اليوم التالي طلبوه تكلفة الحفل او الافطار … ذكروا ان التكلفة 40 مليون دفع لهم المبلغ بلا مسائلة… سارعوا لدفع ال10 مليون للمتعهد المفاجاة كانت أن قال لهم المتعهد قد دفعها له الوالي بالامس الوالي… الجماعة يا عمنا احتاروا وين يودوا ال40 مليون … احم احم … البلد خربانة… اخشى ان يصيب اهلنا ما فعلته هذه العصبة … الله اسال ان يكشف خبثهم وان يرينا فيهم عجائب قدره انه نعم المولى ونعم النصير…ودمتم
استاذ شوقي يكفي ما قاله فيكم الاستاذ/الطيب صالح من أين اتى هؤلاء؟؟؟