انباء عن مشاركة طلاب عزة السودان بالنيل الابيض في حرب حزب البشير
قال ناشطون في مواقع التواصل الاجتماعي ان علي اسر الطلاب في معسكرات عزة السودان (17) والذين يقدر عددهم ب (2200) طالب التوجه نحو معسكرات التدريب في معسكري كنانة والقطينة لتحرير ابنائهم الصغار من قبضة المؤتمر الوطني الذي يزعم قادته بالتنسيق مع منسقية الخدمة الوطنية بولاية النيل الابيض ادخالهم في دورات مكثفة لاطلاق النار للزج بهم في مناطق العمليات بعد فشل كل محاولات النظام استرداد ابو كرشولا واتساع نطاق الحرب في شمال كردفان .
وذكر الناشطون ان منسقية الخدمة الوطنية تلقت توجيهات عليا بضرورة الاسراع في تدريب الطلاب علي اطلاق النار لدعم مليشيات المؤتمر الوطني التي تلقت هزائم ثقيلة في الحرب الدائرة في شمال كردفان وسط عزوف القوات المسلحة عن المشاركة في الحرب.
Time for national services that good job from the student in order to rescue Omer Albasheekir government
يا اسر الطلاب نداء عاجل لموا اولادكم عليكم انشاءالله عمرهم ما اتعلموا احسن الولد يمشى يموت فى الحرب و لا يشتغل مزارع و لا نجار و لا يقعد فى البيت ساى لموا ولادكم عليكم لا ترموا اولادكم عشان جركانة زيت ولا شوال دقيق الروح غالية و الضنى اغلى ايها الشعب السودانى الفضل ان روح ابنائكم غالية فلا ترموهم الى الموت و المجهول لكى يدافعوا عن مجموعة من اللصوص ايها الاباء و الامهات قوموا بتجميد السنة الدراسية الى حين انتهاء الامر انشاء الله يتاخروا سنة سنتين من التعليم لانو الحرب دى شرسة و ابنائكم ذاهبون فقط لنيل الشهادة الثانوية و ليست لنيل لقب الشهيد لموا اولادكم دى حرب خاسرة .. ايها الشعب الفضل لمتين حتتغشوا من الجماعة ديل اولادكم ديل قعدوهم فى البيت انشاء الله يهربوا الى دول الجوار…
2200 طالب يعني كل طالب اسرته فيها 5 اشخاص = 10الف + جيرانهم + اقرباءهم واسرهم ممكن يقلبوا الحكومة في يومين زي المصريين
يلا يا اولاد قدوا السلك
مسالة عزوف الجيش عن القتال ده معناه إنهيار المؤسسة العسكرية أي إنقلابات كلام خطر جداً!!!!!!
النصر لقضية شعبنا
و الله تاني لو كتبوها ليك يا عمر البشير
لن نشارك في حروبك العنصرية .. نحنا نموت وانت وحراميتك تقعدوا تزررطوا في عماراتكم؟؟
لا بالله ……
الخبر دهناقص صورة ابن نافع المعبرة دييك … والله زعلتوني يا ناس الراكوبة ليه ما نزلتها؟؟
اولاد الضعين عرفو الحنك حرقو المعسكر وشتتو
يا اولاد اضربوا المرتزقة وجبهة الثيران بكل الاسلحة وفعلا انتم حماة الوطن
طيب الناس ديل ماقالوا بعدين حيعملوا عرس الشهيد ولا ماحيعملوا علشان الاتفاق يكون واضح
تذكروا ياشباب إنكم تدافعون عن عقارات نافع، واميتازات اب ساطور، ومولات الرئيس اخوان، وكردان المدام، وكذب البشير، ونسبة مصطفي اسماعيل، وهبالة عبدالرحيم، وإجرام علي عثمان،وخمش الدستوريين
، وفساد النظاميين، تقاتلون لحماية ترطيب أبنائهم، وتعليم جيد لاهلهم، وبعد رقيص عتريس تطلع فطيس
الاولاد ديل اعمارهم لا تزيد عن 18 عام يعني عمر حكم البشير اكبر من عمرهم فما ذنبهم حتي يزج بهم في هذه الحرب
هي اصبحت ولايه حدوديه لاعمال الجبناء ةالعملاء والطابور الخامس لذلك هذا شرف لهم ان يدافعو عن ارضهم
من لم يمت بالسيف مات بغيره
المسئلة بقت حرب لكلاب حراسة أموال المسؤلين فى الحكومة البشير وأخوته ونافع وعلى عثمان طه ورئيس المؤتمر الوطنى وكرتى وحاج ساطور والوالى الخضر أكثر نشاطا لأجل النفرة لحماية أموالهم الخاص الجمعوه بالسرقة لكن نقول لو أنفقتم كل أموالكم لحمايتكم لن تنفعكم المصير المصادرة للخزينة العامة بعد ذهابكم الى الجحيم ..