مشعوذ يشكر محكمة بالخرطوم أصدرت حكما بإعدامه
أ ش أ
في مشهد غير مسبوق، شكر مشعوذ المحكمة التي أوقعت عليه عقوبة الإعدام شنقا حتى الموت بعد إدانته بقتل رجل بحي مايو بالخرطوم بعد خلاف بينهما على قيمة أحجبة وتمائم.
ونشرت صحيفة (الأهرام اليوم) الصادرة بالخرطوم الجمعة، وقائع القضية التي تعود إلى مطلع أبريل الماضي وتوصلت المحكمة إلى حكمها المتقدم على المتهم الذي يمتهن مهنة (السحر والشعوذة) وقد أتى بهما من دولة بغرب إفريقيا ليمارس طقوسه بالسودان.
واعترف المتهم بأنه يعمل مشعوذا ويصنع أحجبة وتمائم تقي من الرصاص وقال إنه كان يجهز لعمل حجاب لإمام المسجد الأقصى لحمايته من الغارات الإسرائيلية، وإن المجني عليه أخذ منه عددا من التمائم والأحجبة لمسئولين في الدولة ولم يعطه حقها.
وقد خيرت المحكمة أولياء دم المقتول بين العفو والقصاص فاختاروا القصاص من قاتل والدهم ، فتلا القاضي عماد شمعون قراره بإعدامه ، ليرد عليه المشعوذ بالشكر له ولحكومة السودان ، في مشهد حير جميع الحاضرين داخل قاعة المحكمة.
الذي يحير هو انه صنع تمائم وأحجبة لمسئولين في الدولة ..
مفروض يقول ليهم اعدامي يعني ابطال مفعول التمايم بتاعت المسؤولين في الدولة
هل تم اعدام المشعوذ؟؟؟؟؟؟؟؟؟؟
اعمل لبشة حجاب كارب عشان ما اعلقوك في الحبل..
شكر المشعوذ للمجكمه يعنى الكثير.. من بينه عتاب وتذكير و جايز كمان تحدى لمن كتب لهم الحجبات والبخرات وما ادوهو حقّو ..لسان حالو يقول: بعدما نالو مرماهم رمونى وقالو راجل مجنون!!
ونحن نشكرة بدورنا على روحة المعنوية العالية
شمعون دا يكون اسرائيلى ول شنو
الزول دا متكد عنه ما بعدمو لو عدمو المسئولين ديل تمائمهم وأحجبتهم بتهرب منهم
وانا اقول عبدالرحيم عامل شنو وكل يوم يزداد فشلا وهو قاعد فوق نفسنا
هو الفكي ولا المشعوذ ده ما قادر يعمل ليهو حجاب يتخارج بيهو من حبل المشنقة ؟؟ و الله مهازل وبرضو تقول لي عامل فيها فكي!!!!
الخبر ناقص والكامل هو قوله ( اشكر المحكمة وعشان تكون لينا عظة وعبرة لقدام ذاته ) اكيد يكون ما فهم الحكم !!!
نعم عليه شكر المحكمه التي انقذته من الشعوذه والدجل..
نشوف كان يقدر يخارج نفسه..المسجد الأقصى ولا امامه ليسوا
في حاجه لتمائم الدجالين والمشعوذين..
اذا كانت الشعوذه تحرر دول أو تساهم في تقدمها لراينا مركز الدجل
والشعوذه الأفريقيه يقود دول العالم المتحضر..
ماذا استفادت افريقيا من دجلها وشعوذتهاغير التخلف والتخلف والتخلف..
واصبحنا في قاع الدول(فقر..مرض..تخلف..حروب..دمار..شعوذه)..
وهل ضاع الجنوب اﻻ ﻻن هؤﻻء المسؤولين المحترمين كانوا قافلين علي مشعوذ جابوهو من غرب افريقيا عشان يعزم في تراب جابو من الجنوب واكد ليهم عدم امكانية اﻻنفصال علي اﻻطﻻق بس اتخيلو الناس ديل وصلونا وين؟
يا جماعه الممكمة دي وين في تل ابيب المسجد الاقصي شمعون دا كلام مبهم
القصه ماقصة دجل
القصه قصة شعب اتخذل
ياوهم الزول دة مفتكر حبل المشنقة معناه العفو__العربي حقو تعبان