سونا : مشاركة نوعية للمجاهدين بابكرشولا مع متحرك المنتصر بالله
(سونا ) أكد المجاهد الصادق محمد على الشيخ ، أمير المجاهدين الذي شاركوا في متحرك المنتصر بالله بأبكرشولا أن مشاركة المجاهدين في المتحرك هي مشاركة نوعية مع القوات المسلحة بتشكيلاتها المختلفة.
وأضاف في تصريح لسونا بأبكرشولا أن هذا المتحرك شارك فيه المجاهدون من الطلاب بقياداتهم المختلفة والبروفيسور الزبير بشير طه ، والي الجزيرة ، وفعاليات المجتمع المختلفة.
وأضاف أن المجاهدين قاموا بمساعدة القوات المسلحة والقوات النظامية الأخرى في مهامها المناطه بها في تأمين المنطقة.
وأضاف أنه تم تدمير كافة آليات العدو من العربات والآليات والمعدات الحربية التي خلفتها الجبهة الثورية .
وأوضح أن المجاهدين لعبوا دورا متعاظماً في تدعيم النسيج الاجتماعي لسكان المنطقة.
دي أحلام زلوط يا كضابين … وين صور الآليات المدمرة دي … الله يعين الشعب عليكم ، جبانين وسايطين كمان .
كذبا كاذب، حتى يوم الجمعة طائراتكم تتسايط كما الجراد ويهرب محمد حسن الأمين ورئيس هيئة الأركان المشتركة من ساحة المعركة، ما قلتوا عاوزين الشهادة كان ينتظروا شوية عشان يشوفوا الويل يا منافقين يا كلاب جهنم.
كنانتمني ان تعرض صورالاسلحه والاليات التي دمرت اوخلفت لانهم يقولون بانهم انسحبوبلاحرب
الخبر دا متين ؟؟ قيل الزيانة و الا بعدها ؟؟؟
(وأضاف أن المجاهدين قاموا بمساعدة القوات المسلحة والقوات النظامية الأخرى في مهامها المناطه بها في تأمين المنطقة.)
ياها قصة الجمل و القرادة ( أنا و اخوي الجمل جبنا الفحم من القضارف )!!
(وأضاف أنه تم تدمير كافة آليات العدو من العربات والآليات والمعدات الحربية التي خلفتها الجبهة الثورية)..
عربات (متعطلة) اتعلمتوا فيها الرماية …يا امير الكضابين .
عمة كبيرة مفلفلة ، المجاهد ، أمير المجاهدين ، المنتصر بالله ، المجاهدون – كلمات وأوصاف (رنانة) لقلة من أبناء السودان الكيزان لا يستحقونهالأنهم (يقتلون) أخوانهم السودانيين بإسم الدين والإسلام بريء من هكذا أفعال . يقول تعالى : قوله تعالى : وسيعلم الذين ظلموا أي منقلب ينقلبون.
وأضاف أنه تم تدمير كافة آليات العدو من العربات والآليات والمعدات الحربية التي خلفتها الجبهة الثورية .
—————————-
ممكن الصور بالله عشان نصدق ؟؟
اصلو نحن بعيدين عن موقع الحدث !!
ما قلتو نوبة و قلتو انكم احتليتو أبو كرشولة مرة أخري و لا دي استراتيجيتكم الحربية، الكضب لزومو شنو.
ولماذا تدميرها!!!! ألديكم ما يكفي من المدرعات والآليات مما يجعل هذه الغنائم عبئا عليكم؟؟؟
هؤلاء القوم المخنسين والشواذ لايملون من الكذب ولاترمش لهم عين عندما يكزبون
زمن نميرى كتور محمد على بخيت جاب مصطلح الشمولية قام واحد من ناس الاتحاد الاشتراكى سأل يا دكتور شنو يعنى شمولية فرد الدكتور (هيه اللا نمطية والمعنى واضح)
هسع دحين مشاركه نوعية المعنى واضح
والله المجاهد دائما بكون اغبش وناشف شديد والمفروض المجاهد مايرجع الا وهو شهيد واظنو زاتو بدفنو محل موتو ؛ لكن ناس البروف ارجعو اخر نداوه ترطيبه وهاك يابدلات ومخصصات ؛ يمين الله ماتدمرو كارو !! ولا ايه رايك يابروف؟؟اسع دى خلقت واحد كان غى الجهاد ؟؟ طيب كان تكملو معروغكم وجهادكم وتدخلو كاودهمره واحده!! ال امير ال ….
هؤلاءراق لهم اسلوب الكذب والتقية لمدة 24 عامافاصبح في صميم دماهم,كأداة مخدرة للناس البسطاء.
مشاركة نوعية!مساعدة القوات المسلحة ورتق النسيج الاجتماعي , ويامظفر المخنس بكاتقل تعال لينا ونوريك المخنس منو؟ وانا متاكد ياناس الراكوبة انا مابتحترم الراي الآخر! لانكم بتنشر التعليقات البتمس شرف الناس وكمان علي كيفكم دا راجل ودا مخنس ودا مامع فلان خلو حركان قعدات الجبنة دا
(( سونا ) أكد المجاهد الصادق محمد على الشيخ ، أمير المجاهدين الذي شاركوا في متحرك المنتصر بالله بأبكرشولا أن مشاركة المجاهدين في المتحرك هي مشاركة نوعية مع القوات المسلحة بتشكيلاتها المختلفة.))
**** يا صغير الكذابين تحت امير الكذابين كيف يمكن مساعدة تشكيل عسكري من الغير كيف؟؟ وما معني تشكيل يا منافق؟؟ وكيف يساعد تشكيل عسكري، ” هو دكان يعني ولد بيساعد ابوهو في الكنتين…
ايها المنافقين ماذا تريدون من الشعب السوداني المسكين هروب واضح من الحقيقة اين كنتم لامن محمد حسن الامين وعصمت عبد الرحمن و بقية الجبناء هربوا وولوا مدبرين وطلعوا بكرامة بليلة
وين الاليات الحرقتوها ده ياها العربية الواحدةوصورتوها من قدام ومن ورا ومن الجمبة ومن فوق الباقي ترفعوها وتصوروها من تحت ….
غريب طبعا (دمرنا كافه اليات العدو ) انتو الجماعه ديل قاعديين يفترضو فينا الغباء ولا شنو ؟
مااااااااااافي والله اغبياء غيركم ..
اقتباس (وأضاف أنه تم تدمير كافة آليات العدو من العربات والآليات والمعدات الحربية التي خلفتها الجبهة الثورية .) طيب يا المجاهد انت قلت الاليات التي خلفتها الجبهة ومعني الكلام انهم جرو خلوها ليكم لماذا دمرتوها ما تشيلوها غنائم ؟؟؟؟؟؟؟؟؟؟؟؟؟؟؟؟؟؟