مرسي: ضرر السد علينا أقل من السودان

هههههههههه وانت مالك ومال السودان ؟!

نعم لسد النهضة , مافى اى تاثير علينا

لدينا ما يكفى من مياه الامطار والانهار الاخرى

الوهم مرسى مفتكر نفسوا ذكى , اذهبوا وحدكم قاتلوا

عشان يلقنكم درس ما تنسوهوا.

لا يا شيخ
والنبى با عم مرسى .
دا نظام المديدة حرقتنى
نحن مستفدين كتير من قيام السد لكن الباقى عليكم
خلى الخرخرة وحرك الحرب اذا عندك قدره عليها
نشوف عواجيز الاعلام حقكم دا بيقولوا شنو

دبر حالك ما عندك شغلة بيننا

هاهاهاهاهاهاهاهاها نظام الولد بستفز في الطرف السوداني على أساس نغير رأينا وكده خطر علينا خطر علينا ولا يهمك يا عم نحن راضيين

هذه هي عقليات الحكام التي لاتحترم شعوبها ولا تريد أن ترى ابعد من كراسيهم ، فقبل مرسي قال البشير وجماعة المؤتمر الوطني أن انفصال الجنوب لن يؤثر على السودان ولن يتضرر منه ، فهاهو مرسي يقول ان ضرر السد علينا اقل من السودان ، ولا يظن ان النيل عند ما يصل الى مصر سيكون ترعة فقط وليس نيلا ،
فقد سمعنا من الخبير سليمان محمد احمد ان السودان لن يتأثر بالسد بل سيستفيد من الكهرباء ، لحد الان المعلومة الصحيحة غائبة حتى على القيادات ، رغم ان الكل قد سمع قبل اكثر من 20 سنة ان الحرب القادمة هي حرب المياه ، هل صدق المحللون ام تفاجأنا بهذه الحرب؟

طيب لما انتم عارفين الضرر عليكم بسيط وأقل من عدوكم السودان دا مالكم ومال النواح في شنو. خلو السودان ينوح بالطريقة التي يعرفها. وانت ذاتك طليت برأسك سيادة الريس مع اعلامك ليه ما تنتظر الفنيين يقولون إن الضرر الواقع عليك قليل وبسيط. وطالما الأمر كذلك لا نحتاج لتنسيق المواقف في خصوص المياه.

المراسوة ديل ما عندهم اى قدرة على قتال اخوانا الحبش عشان كدة مرسى عصر ضنبو عليو واكد ليهم بعدم وقوع اى ضرر من قيام السد .. ايوة يا مرسى اعرف قدر نفسك كويس انت ما داير ليك هوا يطيرك من كرسيك اصلو انت ضعيف ولسة مرحلة التمكين ما اتجاوزتها …واكان الكهربة قطعت الشعب دة ممكن ترضيهو بى محطة صغيرونة كدة بتاعت غاز ودى شحدة ساااى بجيبا..

قدر السودان أنه جيرانه هم المصارية والأحباش نحن نفتح ليهم بلدنا وهم سبب أذيتنا ، ماحصل يوم جاء من وراهم خير …. بس أريت نفهم الدرس

إلى الآن ما زال السودانيون مغيبين ويلفهم الغموض والعتمة المقصودة من حكومتهم الغرقانة في شبر موية ولم يخرج عليهم مسؤول ولا اختصاصي في علوم المياه ليوضح لهم منافع أو مضار هذا السد على السودان المغلوب على أمره. يا علماء مياهنا لا تكونوا كالنعام وتدسوا رؤوسكم في الرمال من وجل وخوف وخوَّر وقولوا لأهليكم ماذا يحدث يرحمكم الله.

في كل الاحوال لن يكون الضرر اكبر من اغراق وادي حلفا وتهجير مواطنيها وعدم تنفيذ الاتفاقيات من تعويض الاهالي ومد الكهرباء الي الشمالية

أيه دا يا عم مرسى ؟؟؟ وأنت أيه دخلك بالسودان ( قال أنا وأخوى الكاشف ) لا يا حبيبى نحنا خلاص قرفنا من الحروب وجرب أنت مع الأحباش .

في اجتماع الرئاسه المصريه
الداعيه عمر خالد
قال انو المصرين بتعاملو مع القضيه بتعالي وكبرياء
وان المصرين لا يتعامل بروح التعاون والايخاء مع شعوب المنطقه( حوض النيل)
وعلي السودانين ان يعرفو مصلحتهم .
واعتقد اعتقاد جازم ان المصلحه في سد النهضه.

الحبش اهلنا وبشبهونا وكمان ما شايلين نفسهم رغم حلاوة كثير منهم ومتحملين اذانا (نرد فى سخرية له انا حبشى؟؟))وكان المحتشمة ورابطة راسها (رابطة راسها زى الفلاتية))والمصرى واليمنى ((يا حلبى)) نحن شنو وعاوزين شنو والله كلنا ما عارفين((ونقول سير سير يابشي لا وين السيرة لحمد النيل ولا احمد شرفىر))؟
عشان كبرياءنا وعنتصتنا بدون حاجة ولا احترام الشعوب إلا من شعرنا نحن دونهم .. وحتا بينا وبين بعض ده عب وده حلبى..
والله فى سبع سماوات خلق الخلق بتدبيره واحسن كل شئ صنعة..ونحن ننكر خلق الله ..
ونحن فراعنة بلا اهرامات ولا حدائق والنيل بين ارجلنا وعطشانيين ورئيسنا المنقذ مهدى المنتظر بنى لاهله عينك عينك وواحد يقول الحسوا كعوكم ..والله امرنا مضحك..والجماعة كانوا معانا وفصلوهم عشان نتجمل للعرب ونكون احرار وبعدها ونقول لهم حشرات وبالامس كل البترول حقنا ونحن نتكرم عليهم والان جرينا عشان انابيت تمر بينا وكمان بذلة رئيسنا يعترف امامهم ويقول ما قاصد اقول حشرات..وناسيين يا ناس هوى الله قال((يعز من يشاء ويذل من يشاء))))
..ونقول لهم حشرات بكرة موسم الهجرة للجنوب ..والحبش ماهم متكبرين الله بوزع الارزاق للشعوب والعباد اما البطر ورفس النعمة..من الجهل ..
اذا لم نتصالح مع انفسنا ثم مع بعضنا واعترفنا وتعايشنا مع خلق الله لن يرضى عنا اذا استنكرنا خلقه..ونقول هى لله..الله جل جلاله هل تخفى عليه خافية..
والله لن يستقيم السودان إن لم نغير ما بانفسنا..اتذكر ايام نعمة الموبايلات ظهرت فى السودان وبدى البوبار..وغيروا الموديلات سموا موبايل ((تلاتين حشرة))عشان شنو يا جماعة..
كنا طلبه بمصر واحد من زملائنا فى احتفال طفى السجارة فى الكيكة.. ؟؟ وواحد ايضا بعد اكل ساندويش قام بركل باقى الساندويش بحذاءة وطار باقى السناندوش عندما استقر اذا باستاذ مهندم بدلة ورباط عنق هرول فى تواضع وانحنى ..وباس القطعة وقال للسودانى .ابتليتم بمجاعة بعدم احترام النعمة لا تجوبوها مصر..واخذها لمكان يليق بالنعمة..
واحد الاطفال تمسك به والدته صغير ..فجأة سحب يده مهرولا اذا به يرى عيشة رغيفة مرميه على قارعة الطريق اخذها ووضعها على حائط تحت التشييد..رجع الى امه مادد يده لتمسك به..

متى نتعلم النقد الذاتى وخلونا من الفخر ..هل ..كل انسان خرج من مكان واحد ومصيره مكان واحد..

الود مرسي عامل قلبو على السودان وشعب السودان يعني !!! يازول نحن رااااااضيييين بسد الألفية وإن شاء الله أهلنا الحبش يقدروا يكملو كل المنظومة بتاعة السدود حقتهم.. بلا حلب بلا لمة.

يا حاج مرسي اترك السودان في حاله يكغي ما فعله الفرعون قبلك وبعدك بالسودان لا نحتاج وصايا من مصر انتهى عهد الوصايات السودان اقدر من ان يتخذ قراره بنفسه وابقوا في حالكم وكفونا شركم ما عندنا من مياه من الانهار والنيل الابض وما ياتي من النيل الازرق يكفينا وزيادة اذهب انت وفراعنتك فقاتلا انا هاهنا قاعدون ولن تكون لمصر كلمة لا على السودان ولا على اي دولة عندما تحترم الدول اسالوها ان تقف معكم اما انكم تمكرون بالليل والنهار وتستفزونا في حلايب وشلاتين وعايز نقف معك احسبوها صاح مصر سوف تطل وحيدة ولن يحسب لها حساب بعد الان

الدكتور ايمن نور يصف الموقف السودانى بانة مقرف
فى فضيحة كبرى فى اجتماع الرئيس مرسى مع القوى الوطنية
كشف الاوراق السرية فى مناهضة سد النهضة
كلام عن دس مخبارات مصرية فى اثيويبا .
http://youtu.be/-iSb0gjsZ5k

هنالك حقيقة غائبة عن كثير من الناس في السودان ومصر وهي قوة الجيش الإثيوبي. ونسبة لامتلاك مصر للإعلام، فقد روجت بان الجيش المصري هو الأقوى في المنطقة.
لكن حتي الحكومة المصرية تعلم ان اثيوبيا تعمل في صمت وجيشها اقوي جيش في المنطقة حالياً وفي المستقبل رغم انفصال إريتريا منها. ثم هل يعلم الأخوة المعلقين بان البلد الافريقي الوحيد الذي لم تطاله يد الاستعمار هو اثيوبيا؟ لماذا؟ نسبة لقوة جيشها وإيمان مقاتليها بقضاياهم.
لكل ما سبق، فان مصر تتحاشي مواجهة الجيش الإثيوبي منفردة وتحاول ان تجد مساعدة من السودان الذي ظلمته كثيراً ليس لانه المتضرر الاكبر ولكن لانها تعلم انه ليس هنالك اي دولة إفريقية يمكن ان تساند مصر ضد اثيوبيا.

لأن موضوع الدعاية او الكذبة الكبري راح ينكشف مرسي فضل ان يتراجع شوية شوية

وكماقلت قبل ذلك ان سد الألفية لبيس له ضرر لاعلي السودان ولا علي مصر

وهو سد لانتاج الطاقة الكهربائية يعني الموية المخزونة خلفه لازم تمر عبره لأنتاج الكهرباء

واثيوبيا كما لايعرف البعض تعرف ان المستفبل في التصنيع وهذا يحتاج الي طاقة كهربائية

لن تضرر اي دولة من هذا السد

أفتونا يا خبراء.. هل كلام هذا الخرف صحيح؟
اللهم لا اعتراض على حكمك. ما خلصنا من معتوه
داخلي يظهر لينا معتوه خارجي!

اثيوبيا تعرف جيدا بأن المصريين لن يفعلون شيء ولن يحركون قشة لكي لا تقسم ظهر بعيرهم طالما اميركا صادقت ببناء السد (فمن لا يملك سلاحه لا يملك قراره)،،، وحكومة اثيوبيا تستقل الصراخ المصري بجعل الجبهة الداخلية الاثيوبية موحدة وداعمه مادياً وسياسياً خلف الحكومة وتصفية كثير من المشاكل الداخلية والقضاء على بعض الجماعات المتمردة الغير مرغوب فيها باثيوبيا مثل ثوار اوغادين باسم السدود وهاهي مصر تقدم لهم تلك الجماعات في طبق من ذهب وسوف يتم تصفيتها تماماً بوحدة الجبهة الداخلية وبموافقة المجتمع الدولي

وانت مالك ومال السودان خليك فى بلدك ياثر ولا ما ياثر دى حاجه بتخصنا

مرسي عامل خشمو زي الشيول بيتكلم عن السودان…. ادي الاثيوبيين خشمك ده عشان يرحلوا بيهو الحجارة للسد ….. انت مال اهلك والسودان نحن مع اثيوبيا تعمل سد الألفية وبعد ذلك نستفيد من الكهرباء المنتجة في اثيوبيا لان مصر لم تعطي السودان وحسب اتفاقيات انشاء السد العالي الكهرباء والذي كان من ضمن بنود تهجير الحلفاويين بان يتم امداد التيار الكهربائي حتي دنقلا .. وايضاً حماية السودان من الفيضانات والزيادة المفرطة في مياه النيل … لذلك ابكوا عشان بلدكم … السودان ما معاكم وأسأل الممثل الخرفان أحمد آدم وعصام الحضري والكثيرين من قبيلة الإعلام المصري الذي يكيلون الإساءة للسودان (الإساءة للرئيس ) ( قضية الدكتورة )وكثير غير ذلك … خلونا في حالنا وأبكوا علي مصيبتكم لوحدكم .كفاية تبعية…لان أي متحدث مصري لازم يجيب سيرة السودان عشان يسحبوا السودان لصفهم ضد كل دول حوض النيل وما ممكن نستغني عن تسعة دول من أجل مصر التي لم نري منها الا كل ما هو سيء تجاه الشعب السوداني … شعب استغلالي …
وعلي الحكومة السودانية أن تبارك السد لإثيوبيا وتلعب لصالح السودان وشعب السودان فقط .. وخلونا من كلام علي شاكة (ابن النيل )( العلاقات التاريخية والأزلية)شبعنا كلام لان المصري لا يعرف الا الكلام…