برنس الهلال يحمل اتحاد الكرة مسئولية الافرازات السالبة لقمة الكأس..اعتذروا لجماهيرهم الصفوة نجوم الهلال يخسرون الكأس ويخرجون مرفوعي الرأس
خرج قائد الهلال وكابتنه البرنس هيثم مصطفي غاضبا علي اداء حكام مباراة فريقه والمريخ في كاس السودان واكد ان سوء التحكيم وعدم الدقة في القرارات افسد المباراة وادخلها في جو غير اجواء الرياضة وشعاراتها التي تحث علي الاخلاق الحميدة والروح الرياضية.
[COLOR=blue]اعتذروا لجماهيرهم الصفوة نجوم الهلال يخسرون الكأس ويخرجون مرفوعي الرأس[/COLOR]? كتب: ابراهيم الجيلي
خرج نجوم الهلال في مشهد رائع مرفوعي الرأس من ارض ملعب استاد الهلال الذي شهد خسارة الفريق من نده التقليدي المريخ
بهدفين علي مدار الشوطين في ديربي ختام الموسم الكروي افقدتهم بطولة كاس السودان التي قدمها الحكم خالد عبدالرحمن علي طبق من ذهب للمريخ.. بعد ان قسي علي الهلال بانحيازه الواضح للمريخ ومساعدته له علي تحقيق الانتصار علي الهلال باستاده ووسط جماهيره في ليلة شهدت سقوط التحكيم السوداني في حضور وزير الرياضة وقادة الاتحاد العام لكرة القدم الذين تفرجوا على فشل طاقم التحكيم بقيادة خالد عبدالرحمن الذي لجأ للموازنات وصرف النظر عن حالات واضحة اندهش لها حتي المريخاب قبل الهلالاب عندما صرف ركلتي جزاء للهلال مع بكري المدينة في الشوط الاول وطرد لاعب الهلال سيف مساوي في الشوط الثاني بالبطاقة الحمراء ولم يشر للاعب المريخ راجي الذي ارتكب معه مخالفة واضحة في مرأي الحكم وهو يسحب فنلة مساوي في محاولة لايقافه من الانطلاق الشئ الذي جعل جماهير الهلال تندد بفشل التحكيم الذي لم يكن في قامة المباراة وبطئ الحركة ويتردد كثيرا في اتخاذ القرارات ليذبح الهلال ويهدي بطولة كاس السودان لوصيف الدوري الممتاز المريخ الذي اعاد الفرحة اخيرا جدا لجماهيره بمساعدة التحكيم وثأر من هزيمة السبت الثلاثية بثنائية وبعد ثلاث هزائم علي التوالي.
واكدت خسارة الهلال العابرة الروح الرياضية العالية التي يتمتع بها جماهير الهلال الذين هتفوا وصفقوا للاعبيهم وتقبلوا اعتذار اللاعبين بسبب الخسارة العابرة وخرج الجميع راضيا عن الاداء القتالي وتجمعت الجماهير في دار النادي ونددت بفشل التحكيم وتواضعه في مباراة ختام الموسم الكروي التي كانت مسرحية سيئة الاخراج لتحكيم ضعيف فضحت المباراة قدراته المتواضعة ليخرج طاقم التحكيم تحت حماية الشرطة مغضوب عليه من قبل جماهير الفريقين الخاسر والمنتصر.
قوون
انتوا ياجماعه الحكم دا شال الكوره دخله الشبكه بدل راجي وهنو ونحنا ماعارفين
نعم كانت واضحة تماما ضربتى جزاء للهلال وحساب تسللات على لاعبى الهلال ليست فى محلها وساعد الحكم كثيرا لاعبى المريخ باللعب العنيف دون تحزير او انزار لواحد منهم واوقف لاعبى الهلال عند ردة الفعل الغاضبة انة حكم بغيض حقا … كنا نتمنى لو ان المريخ فاز بالمباراة بنزاهة وشرف ورائيتم كيف زبح بثلاثية فى الممتاز مع اللعب النضيف …. لن نعترف بفوزة ولا كاسة القذر لا للتحكيم ولا لارضاء المريخ على حساب المريخ واعجبنى البرنس وهو يرفض التتويج من هؤلاء الخونة الذين باعو الهلال وانة لا يتشرف بلبس ميدالية من تلك الايدى القذرة التى جاءت لانقاذ المريخ من التفكك والضياع بواسطة التحكيم …. فهنئا لك يا هلالنا راسك المرفوع اثبت بحق انك لن تهزم من الدلاقين الحمراء الا بالظلم البجح
وقفواااااااااااااا ( الفلقو الحكم والميدان ديل جماهير ميلان؟؟؟ )
صفقوااااااااااااا ( اليافطات الكانت معلقة دي فقط تنم عن قلة الادب)
جماهير واعية !!!!!!!! ( راجي)
نجوم الهلال يخسرون الكأس ويخرجون مرفوعي الرأس… ده والله الا تكون راس نيفة ولا راس السنة مفارقات وعجاائب يازمن.. دي اصو ما بتجي وماقادر افهمها.. كدي ممكن تترجموها لي والراجي على الشريط
شكرا لاعبي الهلال والارباب ويوسف ومالك وكل الاداريين والجمهور شكرا علي ماقدمتموه الله الوطن الهلال
الجماهير الروحهم العالية ديل اوع يكون جماهير الهلال ديل مش الجابوا الساون فى الميدان فى المباراة الفاتت وفى المباراة دى قالوا ليهم ما بنقدر ندفع حق الكهربة اكتوها احسن.
بعدين هيثم مصطفى دا من الضرب قصى قدام الحكم بدون كورة واتصرف تصرف ما يتصرفه شافع لما استلم ميداليته اخلاق شنو وتحكيم شنو يتكلم عنه هيثم اخر ما يتكلم عن الاخلاق هيثم مصطفى لو الكلام دا قاله كاريكا او مهند او بشه يمكن كان يكون مقبول.
قوون تصدر الساعة الرابعة صباحا
ياهلالاب خلاس ادخلو في صفركم الكبير دا
كمان جيتو تتكلمو عن التحكيم خلوه المحلي الافريقي والقاري
دفعتو لي الحكام
حتى اضطرا الكاف لتعيين حكام هجين لي مبارياتكم عشان التواطؤ
اذكركم والاكفاية
امانه مانهريكم هري الموسم الجديد
كلتشي ادريسا كولي بالي اميو الكميرواني
وحاجات تانيه حامياني
العجوز البرنس مالقى اداري يأدبو
مفروض يكون في روح رياضية من قبل الهلال اداريين ولاعبين ومشجعين علي فوز المريخ عليهم وبمجهود واضح ؛؛؛
وكان اردنا قول الحقيقة فان الحكم انحاز للهلال اكثر من المريخ ,,, لكن الغيرة العيماء بتدمر صاحبها ورجعت اليهم .
بعدين والاهم من دا كلو مايسمي بكابتن السودان وكابتن الهلال ؟؟؟؟؟؟؟؟؟؟؟؟؟؟؟؟؟؟
والله دا ما يستاهل يشجع كرة القدم من داخل الاستاد ولاحتي جلوسه في المساطب الشعبية كثيرة عليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لان مواقفه مثل موقف ليلة الامس تكررت لاكثر من مرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الجهة البتكرمو دي وهو مهزوم كان كرمت ابطال قبل اليوم وهم مهزومين ومافيهم حد تجرأ بان يرفض ميداليته ,,,,,,,,,,,,,,,,,, ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
للاسف الشديد كل الاهلة مغشوشين في هذا ……….؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما عارف اسم ليكم شنو لانو ما بشبه لاعبي كرة القدم .
والله المستعان .
طبعا الحايل المايل عمره ما ينعدل هذا هو معتصم جعفر و تخطيطه و كانت النية مبيته مع قريبه عبد الله حسن عيسي وقال اجتمع برئاسة الناديين لأخراج المباراة سليمة و الكل يعرف بأن أمة الهلال مثالية وكفاية ذر الرماد في العيون و يا شيخ العرب أن أخلاقنا السمحاء تمرقت في وحل معتصم واشكاله ونأمل ان تبعد عن المؤمرات و أغوارها ويا ريت يعود لها الأرباب فهذه العصابة علاجها يكون بالكي
شر البلية ما يضحك .. يعني خلوا التحكيم شماعة .. وهذه عادتهم ..
طيب اوكي إذا ما عاجبكم التحكيم السوداني مادام أنكم نادي الوطن ونادي الملايين يلا هاتوا حكم أجنبي زي ما يحصل في الدوري المصري والسعودي والإماراتي ولا بس فالحين في الكلام ..
أما نحن فمقتنعين بالتحكيم السوداني ..
كل يوم الصباح راسلنا بخبر
انا هلالابي بكل صراحة التحكيم كان جيد والحكم كان نزيه والمريخ كان قوي للغاية واستطاع عن جدارة انتزاع النصر وكل من يقول غير ذلك مكاااااابر وتعميه الغيرة فقط …لا داعي لتبرير الهزيمة .
ياناس ياعالم اختشو هو السودان فيهو كورة؟ وكان فاكرين انو لعيبة الهلال و لاالمريخ بيمثلوا القمة كان الله فى عنونكم وعون الكرة السودانية