قائد جيش السودان الجديد يتولى مهامه

يا عالم في قائد جيش اسمه عصمت الاسر السودانية الاصلية لا تسمي عصمت وحكمت لينا حق ننهزم بعدين من الاسم يبدو انو تركي والجديد ده من الصورة كمان يبدو انو تركي ايضا يا عالم وين السوداني الاخضر الضكر الجدع الشجاع البلد عدم وين ناس خنادقنا مقابرنا

نتمني ان يكونو المجلس العسكرى القادم

ممكن نعرف تاريخ حياته من طق طق الي اليوم عشان نعرفه كوز أم راجل

ياأخوانا الجهل مصيبة اسم عصمت أو حكمت دي اسماء نوبية اصيلة ولو النوبيين ما سودانين طيب السودانيين الاصليين منو؟
باقي السودان دا كلو لحم راس ملقط

الي من يدعون ويحكمون علي الناس بلونهم وعدم سودانيتهم اقول اذا سرنا معكم في هذاالطريق يجب ان لا يحكم السودان غير النوبة والفور كفاكم عنصرية وابحثوا عن الكفاءة والصدق في اختياركم ومن يكون مناسب في المكان المناسب

ىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىسسسسسسسس

طيب هذا السافل الرقاص متى تنتهي دورته في قيادة قوات الحلاقين المسلحة

رداً على الأخ زيــن
يا أخى عجبتنى مرافعتك وسردك الجميل للتاريخ الخاص بالمنطقة النوبية وسكانهافي ردك على ابوكرشولا، وكان طرحك جميل حتى الحتة دي: (المايعرف يقول عدس)، ولكن بعدها بدأ التهريج والإفلاس. فما عارف ليه فقدت أعصابك وخرجت من الموضوع تماماً. نـأمل من الجميع الحلم والأناة..

الجضوم هذه جضوم زول مرتاح وما يقدر على الشغل وحتشوف صدق كلامي يا البشير.

غريب امرنا. كلما فتح موضوع للنقاش تحول الى حرب اتجاهات وتهميش وكل يدعي انه الاحق. لن تؤدي لغة الاتجاهات هذي اذا وصلنا فيها وكل يشد ناحيته الا لتمزيق السودان. لا يهم اصلاو اسم من يحكم او يقود المهم ان يكون انتمائه للوطن والمواطن قبل انتمائه الحزبي او العرقي نعم نريد ابناء السودان الاصلاء ليس اصالة تمنحها لك لون بشرتك او لونك السياسي بل اصالة السوداني وفقط. اما عن التهميش فالكل مهمش ولكن ياتي الفرق ان من هو مهمش وبعد تهميشه يكون ضحية صراعات للمصحة الخاصة فقط فلا تسمعوا هذه الشعارات فالذي يجلس في القصر الآن لا يقاتل من اجل سلامتة الوطن او المواطن وحتى الذي يحمل السلاح ويقاتل باسم هذا الشعب فالغالب الاعم يسعى لمصلحة شخصية لا اكثر ( الا من رحم ربي) واذا لم تنام هذه الفتنة العنصرية النتنه التي يدم صب الزيت عليها كل يوم في الآونة الاخيرة فلن تكون العواقب حميدة فالقاتل سوداني والمقتول سوداني.

ارجل واشجع الشعوب السودانيه:
اولا اعجبني تعليق (زين) ويبدو انه مثقف ومثل هذه التعليقات مفيده ويمكن ان نتعلم كثيرا منها نحن قراء الراكوبه، فلنتبادل مثل هذه الدروس التاريخيه المفيده حتي تعم الفائده(بس يا زين الجزء الثاني من تعليقك لا يفيد في شيئ).
الشيئ الاخر هو أن الاسماء لا تدل علي أصول وجذور الشخص، فمعظم الاسماء في السودان مستورده (عصمت، همت، محمد، أبكر، عبدالرحيم، دانيال) ولا تدل علي اي شيئ. الاسماء السودانيه الاصيله معروفه وهي لا زالت موجوده عند المجموعات التي احتفظت بلغاتها وارثها، مثل النوبه (في الشمال وفي الجبال) والبجه وجنوب السودان).
اعود الي عنوان تعليقي. اولا كلنا نحن السودانيين نفتخر ونعتز بشجاعتنا الفائقه وقد قدمت كل الشعوب السودانيه ابطالا اقوياء اشداء علي مر التاريخ (بعانخي، المهدي، دقنه، دينار، نمر، ابولكيلك، اللواء ادهم باشا العريفي في عهد الاتراك وهو اصلا من جبال النوبه، أب ضقل”عبدالرحيم بيه سالم من الحمر في شمال كردفان”، وكثير من الشخصيات لا يتسع المجال لذكرهم. ويبدو لي أن الفريق مصطفي عبيد هذا ضكران شديد وعسكري جد لكن مشكلته أنه شغال مع لانقاذ.
الشعوب التي اتسمت بالشجاعه في تاريخنا هم الشايفيه وجبال النوبه. والنوبه طبعا معروف انهم عماد الخدمه العسكريه في السودان منذ عهد الاتراك حتي ان الخديوي اسماعيل باشا ارسل منهم كتيبه سنه 1865 الي المكسيك لمعاونه الفرنسيين في حربهم ضد اسبانيا.
اما الشايقيه فهم اشجع شعب في السودان الشمالي وأنا استند الي مثال واحد فقط وهو أنه عندما غزا الاتراك السودان عام 1821 بقياده اسماعيل باشا فقد اخضعوا كل القبائل علي النيل من حلفا الي سنار، أخضعوها الواحده تلو الاخري بدون مقاومه. الشعب الوحيد الذي قاومهم وقاتلهم بشراسه هم الشايقيه (ولهم أن بفتخروا بذلك). الا ان الاتراك كافأوهم علي هذا التفوق القتالي بتكوين مليشيات منهم (والتي كانت تعرف باسم الباشبوزوق) بصلاحيات واسعه لجمع الضرائب أو الدقنيه في مختلف ارجاء السودان. وأنا شخصيا اعتقد ان هذه الشجاعه مستمده من اصولهم الحبشيه ومن صفاتهم مثل الذكاء والدهاء والحيله والخداع (الحرب خدعه).
والله يا شوايقه اذا مديتوا الجبهه الثوريه بمقاتلين، علي الطلاق مش يفتحوا الخرطوم يخشوا امريكا ذاتا (كما قال الشيخ حسب الرسول).

يا جماعة والله انا دايرابقي وزير دفاع انا غير مؤهل له لكن دفعني لذلك لانه التاهيل ليس ضرورة والضرورة انك تكون سوداني رايكم شنو يا اخواني معلقي الراكوبة وكن الا قسم نحلف ونحلف بان لا اخون الوطن لاني من غير حليفة لن ولم اخونه