طالب يسدد طعنات لابن الجيران بعد أن وجده مع شقيقته بالمنتزه
حاول طالب بمرحلة الأساس قتل أحد أبناء منطقته عندما وجده مع شقيقته داخل منتزه بمحلية دنقلا. وقالت مصادر لـ«الأهرام اليوم» إن المتهم وهو طالب يبلغ من العمر (14) عاماً قد تحرك مع أصدقائه للتنزه بإحدى الحدائق بالمنطقة وأثناء تجوالهم صادف شقيقته يرافقها أحد أبناء المنطقة فحمل سكيناً وطارده بها محاولاً قتله وتمكن من اللحاق به وسدد له طعنة أصابته على بطنه وتم إنقاذ المجني عليه بتدخل رواد المنتزه الذين فصلوا بين المتشاجرين وأُسعف المصاب الذي كانت إصابته جسيمة. وقد ألقت الشرطة القبض على الصبي الذي اعترف بارتكابه الحادث موضحاً أن الموقف استفزه ودفعه لطعن المجني عليه. وقد وجهت له النيابة اتهامات بالاذى الجسيم.
الاهرام اليوم
براحة كان تسوق اختك البيت بدل تودي نفسك في 60داهية
راجل ود رجال ونطالب الشرطة بالافراج عنو فورا وتوشيحة بوشاح الرجالة والشرف .بعد ما كان اولاد الجيران هم حاميين الحمى والمسؤلين مباشرة من بنات الحلة الليلة بقو يمشو معاهن الحديقة لك اللة يا وطنى لقد افسدوك الانقاذيون
معنى الكلام دا ان الطلبة والطالبات كلهم دايرين طعن في ظل هذا المشروع الحضاري
راجل يا ولد
عفيت منك راجل ود رجال
الخطأ ليس على ابن الجيران الخطأ من البنت التي خرجت مع ابن الجيران معها برضاها وموافقتها بالخروج الى المنتزه كان من الاول تسأل اختك قبل طعن ابن الجيران يا باشا
البنت المابتفهم هي الغلطانة وحقو يجلدوها جلدة كيفن توافق على طلعة بالمستوى ده ولو هو عاوزهايطلبها من اهلها ويعرسها وتطلع معاه ل60 داهية ………… لكن الحرام حلو ? بمواضيع زي ده الواحد حقو مايعرس عشان مايجيب بنات ويربيهم كمان لولا نظرة المجتمع المابترحم للنساء المامعرسات.
رااااااااااااااااااجل ولو كره المتفلسفووووووووووون
عفيت منك
ما شاء الله.. هذا هو المطلوب بالضبط .. تشجيع فلذات ألأكبادنا والمراهقين على الأفعال الهمجية والعشوائية وارتكاب الجرائم (مهما كانت الأسباب).اللي يصفق واللي يقولو راجل من ضهر راجل وبكده بتشجعوه هو وغيره من الأطفال والشباب على المزيد من الجرائم وصدقوني الحكاية ما هتقيف على كده والمسألة مسألة مبدأ وأسلوب أخذ الحق بتنشئة جيل جديد بيعرف ياخد حقه بايده بالأسلوب اللي هو شايفه صح بغض النظر عن القانون والعرف والمجتمع والمفترض.يا جماعة الانسان لازم يتقي الله في كلامه.الكلمة أمانة!!! …
ده كلام فارغ يجب طعن الجربندى محصل قروش النفايات سابقا فى ميدان عام حتى يتوب عن نقل مثل هذه الاخبار قال صحفى قال ساقط الشهادتين الدينية والثانوية
عقلية متخلفة … إن كنت تسعى لنيل الشرف والعفة .. كن شريفاً عفيفاً … بمعنى بأن تنأى بنفسك عن بنات الناس حتى لا تصاب في أختك ، ولا ترضى لنفسك ما لاترضاه لغيرك ، وكما تجري في عروقك غريزة الميل للطرف الآخر ، فلا تنسى بأن أختك لها نفس الغريزة ، وابدأ ببيتك أولاً ، واعلم بأن التربية هي الأساس.
قال عقليه متخلفه قاااال الزيكم ديل هم الخاربين بنات البلد
والله جدع يا ولد. لو اى واحد فينا بيطعن حبيب وصاحب وزميل اختو كان البلد اتعدلت. ويا ريت سكين تاخد محصل وبايع اكياس النفايات صاحب الاهرام
يا اخوانا المتفلسفين وعاملين فيها متحضرين القصة هنا اكبر من بت ولد قاعدين مع بعض القصة هنا فيها خيانة جيرة وخيانة صحبة وخيانة خوة وانا متاكد نفس الولد دة لو لقاها مع زول غريب كانت معالجتو للموضوع ح تكون بى طريقة تانية قد ما يرحم الولد لكن ح يتحامل على اختو اكتر . فدايما المواضيع عندها ابعاد اخرى الرجاء الانتباه
عفيت منك ادي اختك واحدة برضو
روعة والله بل قمة الروعة وفي الروعة الولد دة كمل الحلقة الناقصة في مسلسل < هنا واحد ديوث > ومن علق بان الانقاذ هي السبب كذبت وصاحب هذا التعليق يحتاج وسام مع البني دنقل < [ود رفاي ] [ 27/11/2010 الساعة 2:31 مساءً]
معنى الكلام دا ان الطلبة والطالبات كلهم دايرين طعن في ظل هذا المشروع الحضاري> والي الامام والكفاح الثوري مستمر ورحم الله السيد الرئيس جعفر محمد نميري
لو شايفنو راجل كل واحد فيكم احضر لية سكين للطعن لانو كل بيت فية بنت والحكاية مارجالة والرجالة ماكدة والله تريسو فى حياتكم وتصرفاتكم
عاوز تورينا إنك راجل ياباشا ..
لو كان أختك متربية من أساسو ما كانت خرجت مع ابن الجيران ولا غيروا ..
العلة في أختك يا أبو الشباب ولا ألوم الشاب أبداً ..
لو انت مورى اختك العين الحمرا دى ما كان فضحتك مع واحد فى المنتزه امام اصدقاءك
من الافضل ان نربى بناتنا قبل ما نلجأ لتربية اولاد ال………..
ماذنب هذا ….الذئب… اذا وجد واحدة من الغنم ( المطلوقات) سااااااااى
ولو هو راجل ود رجال كان طعنك بى سكينك دى ذاتا وتبقى ميتة وخراب ديار…
وربنا يحفظنا ويحفظ فلذات اكبادنا من اصحاب السوء
الخطأ ليس على ابن الجيران الخطأ من البنت التي خرجت مع ابن الجيران معها برضاها وموافقتها بالخروج الى المنتزه كان من الاول تسأل اختك قبل طعن ابن الجيران يا باشا
أولاً من أين حصل على السكين في منتزة ثم كم يبلغ عمر المطعون الذي يرافق بنت الجيران و يطعنه صبي في الرابعة عشر من عمرة و لا يستطيع الدفاع عن نفسه و هل نحن في كلفورنيا الناس واقفة تتفرج على الراجل لحدما طعن ثم تدخلوا
مجرد سؤال هو الوداهو الحديقه شنو؟اكيد كانوا بفتشوا ليهم عن بنات عشان يحبوا او يعاكسوا كاقل قليل عشان كده ربنا عاقبه بي اخته….لو كان استغفر الله في لحظتها كان احسن ليو…بعدين الاخوان المعلقين هنا نسيتوا نفسكم ولا شنو؟؟؟يا وعدتوا البنات وصرفتوا عليهن دم قلوبكم…ديل برضوا بنات ناس ولا كانوا غنم؟؟
شرعا حتى لو لقاه نايم مع أخته لا يجوز انه يطعنه ناهيك انهم واقفين (الزانية و الزاني فاجلدوهم…)
الحمد لله انه ما في خسائر في الأرواح.
ردا على الأخ الظاهر:وهل هذا معناه ارتكاب جريمة يا أخي؟؟؟!!..بل والتشجيع عليها ،لكانت الدنيا أصبحت غابة……….ثم الاهم من ذلك الرجاء المناقشة بشيء من الرقي والتحضر والابتعاد عن ألفاظ مثل ""العاملين فيهامتحضرين"//"المتفلسفين"" ولا يوجد أي داعي للاساءة يا أخي الفاضل.
الامور مابتتحلة بهذه الطريقة و الشاب الطعن ده لو كان كبير كان حايتصرف احسن من كده
ســــلاام
اغلب التعليقات فيها اساءة الظن سواء في البنت ولا اخوها .. اتقو الله في كلامكم بتتتحاسبو عليه
دعوة بسيطة ( ربنا يهديهم ) ما بتكلفكم شي !!