أمين جهاز المغتربين يدعو الى الاستفادة الاقتصادية من الهجرة

الاستفادة من الجوانب الايجابية للهجرة ورفدها بأفكار جديدة بهدف الاستفادة منها في دعم الاقتصاد الوطني.

—————————————————–

طز ….

و تلقوها عند الغافل …

بعد ازالة المؤتمر الوثنى الى مزبلة التاريخ حل هذا الجهاز الشرير فورا وارسال موظفية الى وحداتهم الاساسية وتحويل الموقع الى مستشفى للاطفال او مستشفى للولادة تابع لمستشفى الدايات بامدرمان

مالينا شغل فى سعر الصرف حتى لو بقى بالمجان ؛؛و27 سنه نعصر دموع للولد سيد البلد المتغرب ياحليلوا!! كلمة جاذب دى محجوزه وبتاعت على عثمان زى ينبغى بتاعت الصادق ؛؛وبالمناسبه هذه الكلمه ضلاليه وهى سبب رئيسى فى انفصال الجنوب(وحده جاذبه) والمحصله واحد فى المائه!!!ياللخيبه وياللعار للشعارالمطروح ؛؛؛ خلى زراعة البيوت المحميه وشوفوا لينا زراعة البيوت المفتوحه فى مشروع الجزيره وانت عضمت اكتافك قامت من المشروع….وانت ابقى زى عمنا الصافى شوف ليك مجموعة متغربين قبور وعلى نياتهم عشان تعمل ليهم مشروع زى بتاع سندس وفص ملح وداب واهو الصافى بطلع فى التلفزيون!!!!ولا خلاص انت حادى ركب الانقاذ خوفا من الافلاس واهو بدرجة سفير ولا امكن وزير ؛؛؛ وحلجه واحده عشان اهلنا فى (التى) وماتحصل نزاعات ابعد من المتغربين وخلوهم لكفلاهم والله كفيل بيهم..

بتطووول وتاخذ مددددة

والله لو تسلموا الدولار بعشرة دولارات زول بحول لكم مافي

شوفوا لكم سرقة اسرقوها يا لصوص يا فاسدين

تسليم التحويلات الواردة من الخارج بالنقد الأجنبي للمستفيد داخل السودان ( تلقوها عند الغافل ) السوق الاسود مالو ..

يا سلام عليك يا ديك تور ! ايه الافكار العظيمة دي ؟ التقول المغتربين ديل اغتربوا امبارح ؟ بالمناسبة هي الدكتوره بتاعتك دي في شنو ؟

الراجل ده عبيط ولا بيستعبط وهل انت فاكر انو الناس حتصدقك احنا وصلنا مرحلة انو مانصلي وراكم وكمان نجي نحول ليك عرقنا قوووووم لف

مره كنا ومعي احد الاقارب وكان عاوز يخفضوا ليهو ضرائب وجلسنا في صالة انتظار هذا الجرار اقصد الكرار من الساعة 1:00 حتي الخامسة حتي طلعت المزة التي نقصدها بالله عليكم رجال دقون وشنوب منتظرين واحدة جايه الشغل والكبرته والدخان تفوح من ملابسها وانا ما عارف الاجتماع دا بدور في شنو يعني هل الاجتماع في مصلحة المغترب المسكين الذي لايجد حتي من يدله اي شباك يقصد وبعد كدا تصل حتي الموظفة وتقول انا ماشة الفطور يعني تبدا الصف من الاول وانت جاي تدفع ليهم ما جاي تاخد منهم وبعد كدا معاملة من الطوق ولا فوق زي التقول مجبورين علي الشغل او انت جاي تشحد من امهم والشباك الما فيهم فكة خلاص الباقي بح وتقصد الموظفة تقول فكه مافي عشان عارفة البقرة الحلوب ما بهمها الفكة ماهم لاقين القروش وهم نائمون والتهامي سيادتو قاعد في المكيف وماعارف انا الجهاز دا فايدتو لي المغتربين شنو الفايدة العامه لي اولاد نافع والكرار يعني هل قدم الجهاز اي خدمة لي المغتربين قولوا لي غير المويه البارده في الصاله انا ماعارف خدمة وممكن الان المويه بقت بي قروش ويقول ليك الاستفادة من الخبرات والله انتم تستفيدو ونحن نموت وتعيشو انتم راكب اخر موديل وسكرتيرتك مزة من النوع المشحتف للروح وقاعد تقول نحنا نحنا وجهازك احسن تقلبوا نادي لقاء لي العزبات والمتزوجات انا ما عارف هل الحريم الشغالات في الجهاز كانت في الليل عندها ورديه ولا بتجي الصباح مكبرته ومدخنه عشان تشحتف رويحات المغتربين ولا نظام الجهاز لازم المره تجي مجيهه عشان في بند من الجرار المهم لابارك الله فيك ولابارك الله في جهازك ولابارك الله في مالك وجعل اموال المغتربين نارا في بطنك ومرضا عضال لاتجد له دواء

يا كرار فكوا دربنا … وجعتو قلبا … حتى كلبنا أكل جرجير

مع ألف تحية للعملاق محجوب شريف

هل تصدقو يا اخوانا ان اراضي مشروع الامن الغذائي غرب ام درمان التي وزعت للمغتربين سنة 1992 لم تسلم شهادات بحثها الي الان وان المغتربين الذين رجعوا لم يستطيعوا استثمار هذه الاراضي ,لانك لن تستطيع ان تاخذ تمويل ,ولن تستطيع توصيل كهرباء ولا اي شئ واتضح ان الحكومه ممثله في بنك المزارع باعت للمغتربين اراضي لا تملكها ,وان الاراضي ملك بنك الثروة الحيوانيه , وان شيخكم كرار التهامي والذي ربما حمله لهذا الموقع وفرة ما كان يكتب عن حقوق المغتربين للاسف نكص عن هذا هو واجهزته ورفض التجاوب مع الموضوع بل ربما ضن علينا بصالة نجتمع فيها في جهازه, يبدو ان الاخ كرار استوعبه النظام الحاكم في السودان وهو طبعا ليس الدستور ولا الاسلام ولا حتي الطبائع والاعراف الجيده لاهل السودان بل هي شئ من الطبائع الحادة المعتديه الظالمه لبعضهم وللاسف لذلك تجد ان الظلم يمارس هكذا رجاله او حقاره ولو ما عجبك الحس كوعك–وصلنا نايب رئيس الجمهوريه الذي اقر الظلامة البينه واعطانا خطاب شديد اللهجه لجهة الاختصاص ,لم يخرج لنا الرجل لسانه لكنا مازلنا نركض بين الجهات المختصهولا حياة لمن تنادي.
عموماتقلبت الايام واصبح النظام في حاجه للمغتربين, ولم يكن يظن ذلك,فلكم ان تضعوا علي قيادتكم اناس يخافون رب العالمين, وسبق عندما كنت نائب لرئيس جالية الشرقية ان تقدمت بتصور لجسم مالي مستقل ( كيف دي تفكروا فيها انتو )تعجموا فيه قدراتكم الماليه وهي معتبره وانتم اليوم تمثلون اكبر تجمع سوداني متجانس لجهة اشكالاتكم –تعليم ابنائكم –انشاءاتكم –استثماراتكم– واتجاهات قدرات مدخراتكم واعلموا انه ونتيجة لان الامور لا تسير وفق اي قانون او معيار عالمي ,هنا في السودان , ونتيجه الجشع وحالة النهم المطلوقه, بما سمي تحريرا ,وافرزت تحكما لاسوأ ما يكون في طبع الانسان ,الظلم ,التعدي ,منع الخير ,الاثم مع قليل من خير الخيرين الذين لا يخلو منهم مجتمع حتي مجتمع اليهود–ثمن ارض في الخرطوم يمكن ان يشتري شقه في منهاتن او وسط لندن , اغلا اكل في العالم وسلسله من المقارنات المحبطة –عموما لا بد لكم من مؤسسه ماليه مستقله منشأها في غير السودان , لكي تفلت من قوانين الهيمنه وفرض الاراده والتي هي في الغالب غير علميه وتتنافي كلية مع كل اتجاهات التطوير للمال والعمل هنا في السودان لا يمكن ذلك لان بنك السودان مؤسسه سياديه تابع لرئاسة الجمهوريه–غصبا عنك تنفذ سياساته كبنك تابع له ولا اعتقد انه من الممكن ان يسمح بان تمنح الحوالات بالعمله المحليه , هذا كلام زول مزرور ولن يغلب عليه الالتفاف كما باعونا نحن اراضي لا يملكونها– وسهل جدا ان تقول لاحد المباشرين لهذا الامر يا اخي خاف فينا رب العالمين –ولحيرتك ياتيك الرد –ما بخاف–هكذا لكن مؤسستكم اذا كانت عالميه حسب تواجدكم وانلا تحرموا بلادكم من مدخراتكم تنشئوا فروعا لها في السودان وان تكون اتجاهات تنمية هذه المدخرات وفق القواعد والنظم العالميه و العملات الثابتة تحافظ علي حقوق المدخرين وتنمو وتتطور مع مرور الزمن –كان عندي حوالي 16 الف سهم في مؤسسه ماليه سنة 2000 وقيمة السهم مكتوب قداموا واحد لا ادري جنيه ,دينار,او دولار وانخفض عدد الاسهم الي ان اصبح صفراسنة 2007 بلا ادني قيمه لاحظ الاسهم كانت بالدولار–عموما لا يوجد شي اعتقد انه درس في جامعات او ان يفه يتمعن المغتربون في الشراك التي يمكن ان تنصب لهم–يوجد ناس يمكن ان يركن اليهم فاذا لا بد ابحثوا عمن يعرف القانون ويخاف رب العالمين, ووقعوا الاتفاقيات بضمانات عالميه انتو عندكم دولار ما لعب وبعدين جودوا قياداتكم.

أولا : يا دكتور كرار أنت لست بالرجل المناسب لهذا المنصب
ثانيا: انت تعرف تماما ان تحويلات المغتربين لا تدخل الي السودان على الاطلاق ولو كنت جاهل بهذه المعلومة فأنت لست بالرجل المناسب لهذه الوظيفة لماذا
* ليس هناك مغترب يحول عملة صعبة عن طريق البنك
* هناك بعض الوزراء ومدراء البنوك والتجار والمستثمرين ورجال الأعمال والجشعين يذهيون الي دول الخليج والسعودية والدول الغربية ويشترون فيز لذويهم و أصحابهم ويفتحون لهم محلات ملابس سودانية ومحلات جوالات وغيرها وياخذون العملة الصعبة ويتصلون علي هؤلاء المجردين من الوطنية لإعطاءهم مبلغ التحويل من السودان وتكون العملة محفوظة لهم بحسابات في البنوك الخارجية وعندما يسافرون يشترون السيارات والمصانع و الآليات و للأسف يدفعون الجمارك بالعملة السودانية بالاضافة لأخذهم العملة من السودان مقابل تجارتهم ، أين الاقتصاديون؟ أين أنت ؟ ولماذا تحويلات البنوك شيه معدومة، هؤلاء المجردين من الضمير ومن الوطنية التهموا العملة الصعبة في السودان بدافع الاستيراد و التهموا عملة المغتربين في جميع بلاد المهجر، الم تعلم يا دكتور بأن الميكانيكي تأتيه للتحويل وينظف يديه من الزيت ويخرج جواله ويتصل علي هؤلاء الضعفاء من الوطنية ليعطوا ذويك المبلغ في لمحة بصر ويبقى المبلغ من العملة الصعبة على ايدي هؤلاء المجردين من الوطنية حتى ياتوا لاستلامه من البنوك او ايديهم من من المغتربين يحول عن طريق البنك ، ماذا وفرتوا من المغتربين حتى يحول طريق البنك ؟

يا حضرة رئيس جهاز المعذبين انت عارف الاغتراب غربة وشجن واظنك مدرك تماما ان المغترب

اكثر ما يكون ارتباطا بامرين عبادته و بالوطن والسودان فى حدقات العيون حتى الاطفال وان المغتربين من اعلى راتب ودخل لشهرى لاقل راتب ودخل شهرى يتسابقون لما ينفع ويرفع الوطن
لكن انتم مقعمزين فى قلب الوطن ناهبين وناهشين بجشع يسمكم وزى ما بقولوا اطفالنا الحلوين

( حلاة دقدق ) يا دكتور انتوا بتضيقوها على اولادنا فى الجامعات ان تعذر عليهم لاى سبب

دفع القسط او المبلغ الفارضنوا عليه تطردوهم وتحرموهم الامتحانات يجى واحد لص منكم عميدكلية

يسرق قروش اولادنا بالملايين نحن وانتم والثقة نسير على خطوط متوازية لا تلتقى ابدا وكما قال احد المعلقين الكرام صلاة مابنصلى خلفكم انتم تبطلون الصلاة و ان مات احد ولقنتوه الشهادة يبدو لى ان تلقينكم غير صحيح وفتنة لانكم ابالسة

انتظروا التحاويل . ولعلمك المغتربين الان متواصلين مع اهلهم ماديا وتحاويلهم فى ميعادها وابتكروا عدة اساليب والحمد لله ماكلين شاربين متعالجين هم ومن حولهم وتصل التحاويل لاهلهم حتى الباب بلا بنوك بلا لخمة واقول ليك كلام ما يقوم به المغترب الان نحو اهل السودان حكومتكم اللصة بمنظماتها القصرية وجمعياتها اللصوصية لا تقوم به واتلم وابعد عن المغتربين

كلكم تسمعون وتعرفون أن بعض جنسيات المغتربين من الدول الآسيوية يصل تحويلاتهم لملايين الدولارات سنوياً ، وإذا حوّلنا هذه العملات لعملات بلدانهم ستكون مليارات ، إلا السودانيين فقط الذين ظُلموا مرتين الأولى بغربتهم عن أهلهم وبلدهم والثانية تعامل كل الحكومات السودانية معهم ،÷ إذ لم تأتي حكومة تنصفهم وتتعامل معهم كشريحة مهمة تكسبهم لتحويل مدخراتهم عبر الطرق الرسمية ، ولكن العكس حصل من جميع الحكومات منذ بدايات إغتراب السودانيين، لم يُعاملوا بالأسلوب الذي يُمكن أن يفيدهم وتستفيد منهم البلد بتحويلاتهم، والمشكلة فيما يُسمى جهاز المغتربين الذي لا يهم القائمين عليه إلا المساهمة الوطنية والضرائب والزكاة ، أما موضوع الزكاة فهو غريب ويحتاج لفتوى صحيحة من دار الإفتاء السودانية ، حتى يدفعها المغتربين بسخاء من جانبهم على أن تُعاملهم الحكومة من طرفها بطريقة مُحترمة وتكسبهم إلى طرفها. وقد كان المغتربين قبل تكوين خلق جهاز المغتربين يُحولون أموالهم وكانت عملات صعبة تدخل البلد من غير تكاليف زيادة على المغترب ويدفعونها بسخاء، ويا ليت ذاك الزمان يعود ، فاخبره ما فعلت في المغتربين الحكومات. ولو طُرح موضوع جهاز المغتربين لإستفتاء وسط المغتربين لكانت نتيجة الاستفتاء أن يُقفل هذا الجهاز ويُحوّل موظفيه لدواوين الحكومة المختلفة ويُرك للمغتربين تحويل مدخراتهم عبر الصرافات والبنوك بدون إجبار وبأسعار فيها إنصاف للمغترب.

هوي يا قواد غبيره هوي قايله قروش جمعية ولا شنو قوم شوف شغلتك فاشل معرص زيكي وزي غيرك من عصابه النظام اول ما مسكت الجهاز جبت حلتكم كلها عينتها قوم فكنا بلا وهم معاك فاشل.

ياخسارة 25 سنة ماقادرين ندخل سيارة بقراراتكم الجائرة والمحسوبية علما بأننا كل مانسافر عبر الميناء نرى سيارات تدخل السودان ونقول ياربى دى ماشة وين لياتوا وزير ولا وزيرة ولا صاحبة وزير اذهبوا فى حالكم ونريد من اول حكومة جديدة القرارات التالية :-
1- حل جهاز المغتربين (إسوة بقرار إقفال سجن غوانتنامو) 2- تحويل مقرة الى مستشفى للفشل الكلوى .
3- منح كل مغترب قطعة ارض كل فى الولاية التى بها . 4- منح كل مغترب إعقاء سيارة .
والقرارات القادمة تباعاً ……..