حزب البشير حشد حزب الأمة لمناصريه انتصار للديمقراطية
الخرطوم ( سونا ) اكد المؤتمر الوطني أن حشد حزب الامة القومي لمناصريه بانه يمثل انتصارا للديمقراطية وهزيمة للمعارضة التي راهنت على ان الحكومة تسعى الى تكميم الافواه وقال ( ان حشد حزب الامة اكد على ان الحكومة انتصرت في الممارسة الديمقراطية واحترام حق الآخر في التعبير السلمي بينما خسرت المعارضة كرتا كبيرا ظلت تروج له لعشرات السنين من تضييق سياسي وعدم السماح لها بممارسة انشطتها السياسية وتكميم الافواه ) .
وجدد نائب امين الاعلام الناطق باسم القطاع السياسي المهندس قبيس احمد مصطفى رفض الحزب لأي دعوة لحكومة انتقالية واعتبر حشد حزب الامة صفعة لما يسمى بالجبهة الثورية وما شايعها من الاحزاب المعارضة بالداخل وامتدح حديث المهدي حول التداول السلمي للسلطة والحل السلمي وليس العسكري ، وقال ان المهدى بهذا اعلى من الاجندة الوطنية وابتعد عن الاجندة الخارجية التي تسعى لتمريرها بعض القوى الخارجية في السودان عبر بعض القوى المعارضة . واصفا موقف الامام الذي دعا فيه الى ضرورة عزل المندسين بالجيد والايجابي .
عرفتوا القصة خلاص…. الموضوع وما فيهو حشد الصادق جماهير حزبه دعما للكيزان واهم جوا يتبجحوا انو في ديمقراطية…. داهية تاخدكم كلكم…
هذا الشهادة تدل تماما ان هذا الحشد مدبر له من الحكومة بالتعاون مع ود المهدي ليكون صفعة للمعارضة الحقيقية
دي خدعه من الامام و الحكومه لافشأل يوم 30/6 و بارك الله في الامام الكوز ما قصر عمل العليه و زياده و كله يهون عشأن عبدالرحمن و البشري .
ياخي خلو الكلام الكتير..فلان عمل وفلان ما عمل…وين الرجال وين الشباب…شوفو المصرين طلعوا كيف..مالكم انتم انشاء الله المانع خير..ما ماقدرين تطلوعو ليه؟؟؟؟؟…كم مرة نحنا البنات طلعنا لمن فترنا….الرجالة وييين….نعرس مصريين يعني…ما في رجال في البلد ما في شباب..صادق شنو مالنا ومال الصادق…ثورة مصر دي عملوها شباب…انتو راجين الصادق ..دا زول عمرو فوق الستين…موضوعو انتها..انتو يا شباب السودان من سنة 20 لحدى 37 سنة وين انتو..خايفين…تعالو البسو الطرح …والله بقينا نحتقر الشباب السوداني والرجال السودانيين…. خايفين يضربوكم (حلاتكم)..خايفين من شنو..انتو عاوزين تغيير بدوم دم…..الدم دا ما الثمين…..طيب خلييكم قاعدين في المساطب وتحت الظل واسطلوا وارقصو وغنو واسمعو محمود عبد العزيز…لا وبعد دا عاملين فيها رجال الواحد يشاغل البت في الشارع و وحدين قال عاوزين يعرسو…انتو ما بتستحقو بنات البلد دي…ابقوا رجال اول…
يا غبيش !! ديمقراطية “شيخيشن بيكن سكج بكج” الكع قش- وله آيه… دة حزبكم الثاني الامة- جناح قصر غردون لصاحبه الإمام الصادق “عليه السلام” وأبناءه الكرام، ليمتد شركة عائلية، ليست لها مسئولية وطنية، تراعي المصلحة الشخصية بريادة المساعد عبد الرحمن والامنجي البشري، وحفنة من الأرزقية،البياعين في بازار الكلام.. ومنه السلام واليه السلام… وأجعلنا الهم نتتطلع لبدر التمام
يامؤتمر ياوثنى حشودنا جاءت للمطالبة بالحقوق وأولها الديمقراطية وهذه انشاء الله بداية لحشود أكبر يتوحد فيها كل ابناء الوطن الاوفياء شيبا” وشبابا” والزحف الى القصر الجمهوري والعصيان المدني من خارج المؤسسات وشل انظمة حكم الانقاذ.
يا عم زبحتونا بالاجندة الخارجيةوالقوي الخاجية انتو عايشين في المريخ ؟ انتو ناقشتوا مشاكل البلد مع الشيطان ذات نفسو ورافضين مناقشتها معانا نحن اصحاب الشأن انتو حدتتو خياراتكم وكنكشتوا نحن كمان من حقنا نحدد خياراتنا في الصراع معاكم (او المدافعة كما تسمونها )24 سنة والناس بتتكلم عن الحوار ومافي نتيجة خلونا نشوف حاجة تانية كمان
والله ناس المؤتمر بقو مصريين بس اصلم ما بتمسكو ، بس دي الفايدة الوحيدة الطلعتو بيهو من لمة الانصار )
خلوا الصادق المهدى ينتظر التادول السلمى يموت لما يدوه فرصة ما عهدنا الصادق سازج
الا يقراء التاريخ الا ينظر حوله ؟؟؟؟؟؟؟؟؟؟؟؟؟؟؟؟؟؟
اكد المؤتمر الوطني أن حشد حزب الامة القومي لمناصريه بانه يمثل انتصارا للديمقراطية
قديما كانت تسمي جمهورية السودان الديمقراطية ابان الحقبة المايوية المشير الاول الراحل وهل كان العسكر يؤمنون بها تدعونها دوله اسلامية زمن المشير الحالي والراحل باذن الله هل يوجد اسلام اني اشم رائحة طبخة علي نارا هادئة مع الكاذب الضليل وخطابه للانصار كالمودع لهم (قنعان) وباقي عمره يريد ان يكون رئيس وزراء او نائب الله اعلم لا ندري ماذا يخفي الكاذب الضليل تحت عمامتة
افتحوا لان التصاديق للندوات والله كذابين ما بتقدروا
قوى الاجماع الوطنى شغالة تسخن فى الشعب والامام الصادق شغال يبرد فى الشعب…..فيا قوى الاجماع الوطنى كان عندكم نار عندنا ليها الموية….وكان عندكم الحر عندنا ليه الكوندشن….يا امام يا احلى كوندشن ….يا صحراوى الجزيرة يا للانقاذ فاكى الحيرة نوم هنيئا فى كل ليلة والقروش جاياك كتيرة….انسى كررى والخليلة وفى قسم النسوان رابطة الجبيرة وفوق الراس ديك الضريرة….يا امام حيرتنا حيرة
وجدد نائب امين الاعلام الناطق باسم القطاع السياسي المهندس قبيس احمد مصطفى رفض الحزب لأي دعوة لحكومة انتقالية واعتبر حشد حزب الامة صفعة لما يسمى بالجبهة الثورية وما شايعها من الاحزاب المعارضة بالداخل وامتدح حديث المهدي حول التداول السلمي للسلطة والحل السلمي وليس العسكري ،
ودا كمان ظهر من فين – كل يوم وجه جديد ألعن من الذى قبله
تفو على اللى جابك يا قرف