الغزال يبحث عن تجربة احترافية بسبب مدرب الهلال..اهلي شندي يستقدم امبيلي وايفوسا ويتنازل عن نجمه فيصل موسى للهلال

? تفيد متابعات قوون القريبة بان نجم وسط الهلال الغزال مهند الطاهر ابدي رغبة اكيدة في مغادرة كشوفات الهلال بالاعارة لاي ناد خارجي وبرر مهند هذه الرغبة لعدم توافقه مع المدرب الصربي ميشو مؤكدا ان مواصلته في وجود هذا المدرب ستكون عديمة الجدوي وليست في مصلحة الفريق ورفض اللاعب الجلوس مع المدرب عندما طلب منه ذلك بسبب عدم التوافق والثقة المفقودة بين الطرفين مشيرا الي ان المدرب قد خذله في العديد من المواقف.

[COLOR=blue]اهلي شندي يستقدم امبيلي وايفوسا ويتنازل عن نجمه فيصل موسى للهلال[/COLOR]

تفيد متابعات قوون المؤكدة بان الاهلي شندي الوافد الجديد للدوري الممتاز في طريقه للتعاقد مع ثنائي الهلال المعار ايفوسا وامبيلي في صفقة جديدة ومفاجئة وسيقوم الهلال بالتنازل عنهما مقابل تنازل الاهلي عن نجمه ونجم الميرغني السابق فيصل موسي.

قوون

تعليق واحد

  1. يوم الهنأ ويوم المنى ان يغادر مهند الطاهر كشوفات الهلال . دا مرضنا مرض وما عنده حاجة غير صحيفة قوون التي تنفخ فيه كل يوم ( الغزال الغزال ) مرض مرض مرض

  2. يا مهند الطاهر كن عاقلاً أنت رجل فنان ولا بد من سماع نصائح المدرب لصقل موهبتك أكثر وبعدين الهلال للجميع خصوصاً أبنائه الذين أخلصوا أمثالك عليك التفاهم والتضحية من أجل الهلال والتنسيق مع الكابتن أحمد آدم وإدارة الفريق لإمتصاص كل السلبيات وإجتثاثها وعدم منح الفرصة للحاقدين والشامتين

  3. نرتاح منك ومن باصاتك المقصرة التي ترتد علينا بالساحق والماحق والبلاء المتلاحق واعلم انك عندما تلعب نحن بنعتبر الهلال لاعب ناقص لانك دائما عبء على الفريق والله ولعبك على صفحات الجرائد ورمضان دا حقو نكسر ليه ايديه عشان بنفخ فيك طول مسيرتك الرياضية والله كل مباراة بتمنى ان يزيلك الله من كشف الفريق والان يبدو انك اخذتك جنون العظمة وفاكر ان الذي يكتب في الجرائد دا صاح دا يا مهند مناكفات ولا علاقة له بالكرة وسترى الحقيقة بمجرد شطبك من الهلال لانه حالك الان زي المراة التي تطلب الطلاق وعندما يطلقوها تبكي من حرقة الطلاق والندم على طلبها الطلاق

  4. قال يريد ان يشطب من الهلال او يعار ما عندك شي احمد الله ان الهلال احتضنك طول هذة المدة واظهرك للناس مهند الغزال مهند الغزال واختنا في الله ندا القلعة كل يوم تغني ليك مهند الغزال وعلية احسن ليك ان تكون في الهلال ودة اكل عيش لو لعبت ولا جلست في الاحتياطي عدادك رامي لكن صدقني وانا لك من الناصحين
    انت لا تنفع لا داخليا ولا خارجيا لماذا لانك ما عندك شي بجد بتكون عالة علي الفريق في كل المباريات وكورتك كلها خارج الخشبات لا ما ندر وعندما تحرز هدف تقول اكروباتي عشان كدة خليك احسن ليك في كشف الهلال لسنة وبعد السنة انت مطرود مطرود وبشة بيلعب احسن منك رغم قلة تجربتة وتاكد بان تغيراتك كلها صحيحة لانك لا تقدم ولا تؤخر في كل المباريات التي لعبتها
    \وياخي المهند الغزال الفريق يتكون من احدي عشر لاعب ومن حق المدرب التغيير من اجل اجاد فرص لاعبين اخرين ولا انتم تريدون ان تورث التشكيلة الي الابد وعلية
    باصاتك كلها للخصم واذا اردت الزهاب كمان خذ معاك علاء الدين يوسف انتم الاثنين
    لا تنفعوا الهلال واذا زهبتم الله معاكم والقلب يدعوا ليكم بالتوفيق في الحارات ولا درجة ثالثة والله معاكم ؟؟؟؟؟؟؟؟؟

  5. حياك والف مرحب بك في الكوكب الاحمر يا ود الطاهر مكانك شاغر يا معلم تعال حيث الطرطيبة وراحة وعز اللعيبة وحبابك وقت الله جابك في القلعة العجيبة .

    عارفك لأني صاحبك وفردتك من زمان داير ومتمني نفسك تلعب وين بس الله ما أراد الفي مرادك يا غزال التاكا وتوتيل . ومدربهم أنساك منه ده ما عنده علاقة بالتدريب أصلاً . المهم نصيحة من أخوك ما تفوت فرصة عمرك إذا طلبك المريخ وطبعاً انت ماداير تعملها ظاهرة لناس الهلال وتقول ليهم اشطبوني . بس وهمتك مع المدرب حلوة خالص
    لكن تطلب من الادارة اعارتك لنادي خارجي دي فيها إنَ شوية يا غزال ..ياغزال

  6. قطر عجيب يا اخوي وسوق معاك المعز وياريت لو مشيتي نادي الدلاقين والله تكونوا ما قصرتوا
    قال الغزال قال
    اقول ليك حاجه يا ود الطاهر؟؟؟
    قـــــــــــــــــــــــــــــــــــــــــــــــــــــــوم لــــــــــــــــــــــــــــــــــــــــــــف

  7. في مليار داهية اللاعب الميت مهند نحن دايرين غضنفر اسد نمر مش لي في المسالمة غزال؟؟؟
    انت اكثر لاعب غير مجدى في الهلال والله لو بتجيب في كل مباراة 90 قون برضو لعبك ميت وظلك ميت امشىمش

  8. كل من علق على النص اعلاة يعتبر من الملطشاب اقصد المريخاب
    لان الغزال ملك ملك ملك الكرة السودانية ومافي غيره ياناس

  9. نصيحه لمهند : انت فنان اسمع كلام مدربك وشد حيلك وينقصك اهم شئ لتصبح اللاعب الذى لم ينجب مثله السودان ,, اللياقة الذهنية ,,
    اوعك تسمع كلام غير هذا وحزارى ثم حزارى ان تفكر لمجر التفكير او تتخيل لمجرد التخيل او تظن لمجرد الظن ان تذهب للمريخ ,,هؤلاء يستطيعون ان يمنحوك المال ولكن لن يستطيعوا ان يمنحوك دفء وحب ملايين القلوب فانت معزز فى هلال الملايين .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى