أخبار السودان
عصام الترابي : كنت نائماً بالطابق الثالث وبجواري المسدس ومحفظتي التي سرقها اللص،
الخرطوم – أحمد دقش
سطا لص محترف على منزل المهندس “إبراهيم مادبو” بمنطقة المنشية بالخرطوم، وقام بسرقة هواتف نقالة (موبايلات) بعد أن قام بتهديد العاملة الأجنبية بالمنزل، وتوجه ذات اللص إلى منزل الأمين العام للمؤتمر الشعبي الدكتور “حسن الترابي” وسرق مقتنيات نجله “عصام”.
وقال “عصام الترابي” – إنه كان نائماً بالطابق الثالث وبجواره مسدسه الشخصي ومحفظته التي سرقها اللص، مبيناً أنه لم يغلق المدخل الداخلي للمبنى ليتفاجأ بحدوث السرقة، وأضاف: (قام اللص بترك شرائح الهواتف التي سرقها من منزل “مادبو” في منزلنا وغادر)، فيما تبلغ قيمة المسروقات التي أخذها اللص، الخاصة بعصام الترابي حوالي (16) ألف جنيه.
المجهر
ده روبين هوود عديل وياريت لو ينضف كافوري برضو ويوزعه للمساكين
الناس في شنو وعصام في شنو …… بالله عليك كل تلك العنفوان والشباب ينتهي بك المقام بان تهتم بالكلاب ورياضة الكلاب ؟؟؟؟؟؟؟؟؟؟؟ابن المفكر والاسلامي الذي ملأ الدنيا ضجيجا وترك من وراءه المجرمون والقتلة بعد ان دربهم علي ذلك ….. واختفي لاجل ابعاد الغرابة من السطلة الي الابد واعادة انتاج الانقاذ من اجل ذلك …. لتقديمه للعالم علي مبدأ ذلك النظرية التي اتي بها الي الحكم انتم الي القصر وانا الي السجن ….. بذات النظرية قال لهم انا الي البيت وانتم في القصر …….
يا حليل غيرك بسرق ولاية
ده حرامي فقري و بنوم بدري …. مسدسك يا عصام قوم اعرض بيه بس
لص سياسي ولا محتاج
دا حق الشعب المغلوب يا ناس المتحكومين
الغريبة الكلاب دي ما نبحت في اللص مالها ؟!!!!!!!
ده الحرامي والا بلاش … يا ربي يلف علي حوش بانقا ويعدمهم طفاي النار … فلوسنا يا. اولاد الايه
الترابي ده راجل مسكين وما عندو حاجة والدليل ضعف وهزال الكلاب .
16 ألف جنيه معناها 16 مليون بالقديم، طيب يا مفتري حد ينوم و فى محفظته 16 مليون بجانبه؟ يعني دي مصاريف جيب ساكت بالنسبة لكم و لا تساوي شئ بالنسبة للاموال التي نهبتوها عندما كان أبوك الكل فى الكل، و معروف انو أبوك لما كان الآمر الناهي كنت أنت أخطبوط و معك عدد كبير من البلطجية المسلحين لزوم الحراسة و ترهيب من يحاول الوقوف فى طريق نهبكم غير المشروع و كنت بلطجي درجة أولى معتمدا على نفوذ والدك.
و فى زمن أبوك تم أخذ أولاد المساكين قسرا الي ميادين المعارك فى الجنوب و لكن أنت من يطولك فى ذلك الزمن، و عندما سألوا والدك لماذا لا يذهب ولدك الى الجهاد شبه موقفك بموقف ابن نوح عليه السلام الذي رفض أن يؤمن مع أبيه مبررا تخاذلك عن الذهاب الى المعارك مع المجاهدين فى ذلك الوقت.
طيب اذا كنت غرقان فى النوم لدرجة ان يأخذ الحرامي محفظتك، معناها كان ممكن جدا يشيل مسدك برضو، طيب ايه فائدة مسدس يغرق صاحبه في النوم بالشكل دا و لا يشعر بالحرامي؟
ما أبعدك أنت و أبيك عن ما تدعوه من مبادئ اسلامية و قيم انسانية.
معقولة بس , هو أنتو بتنسرقو ؟ أنتو بتسرقو بس
الترابي سرق السودان كله ، يعني شنو لو سرقه مواطن مفلس على الأقل يسترد بعض حقوق الشعب السوداني
عليكم الله المحترف منو اللص و لا الترابى الترابى سرق الديمقراطية و اللص سرق الموبايل؟؟؟
إنشاء الله المكالمات في الهواتف تكون خفيفة،،،،
إن شاء الله المكالمات تكون خفيفة،،،
ليتنا نجد لصا محترفا يسرق لنا وطننا السودان من اللص عمر البشير ويسلمنا له خلاص لقد هرمنا
لص يسرق من لصوص
كان يطخك انت وابوك ويريحنا منكم يالصوص ياحرامية
ارسن لوبين للناس المافكو الخط
نان عرضة وصقرية ساااااكت
حلال عليهو … شريف وسرق من لص.
هذا لتعرفوا طيبة هذا الشعب السودانى
يعنى ممكن يعدمكم نفاخ النار وتكونون تاريخا
أخخخخخخخخخ لو يفهم جميع المتفهلوين السياسين
طيبة الشعب الذى يغدرون به
دي نفس الطريقة الجات بيها الطائرات الضربت بورتسودان واليرموك. فالحكاية جاتت وممكن تتوقعوا المرة الجاية الضربة في القصر الجمهوري أو سرقة بيت البشير وعبدالرحيم.
ويعنى الكلاب دي اعلان للحرامي القادم مال حرام في حرام
دا ما لص دا مواطن شجاع استرد حقه بضراعه ، أرجو منه ان يسترد حق المظلومين بسرقة البشير من القصر وتسليمه إلى لاهاي
يعني أيه يا عصام الترابي يسرقك لص محتاج يأكل أهله أو أولاده ما أنت زمن العز واللز كان كل سكر مصانع السودان كان كل أنتاجها يخرج خصيصا لعصام الترابي من غير منافسة من أي تاجر فأحتكرت السوق وتبيع بمزاجك بأي سعر وسلاحك معك والبودي قارد المسلحين فى حمايتك فعست فسادا فحتي أختطاف بنات الأسر لم تسلم منك.أهنئ هذا الشريف أبن الأشراف الذي أخذ جزئ يسير من حقوق الشعب التي عليك والحساب ولد حين تتم الطامة علي النظام الذي أتي به والدك وشاركت فيه بأفعالك المشينة وذاكرة ااشعب لاتنسي.
طالما ان هنالك لصوص وتماسيح كبيره وغبن اجتماعي سوف تستمر السرقة حلدي ما تكونوا علي الحديده
عقبال للمتعافي والشريف بدر ( سارقي مشروع الجزيرة )
يا جماعة ده ما لص بس أخذ قروشه من اللص الأصلي وبعدين
هذا الشخص نظيف ايوة والله ما يأكل حق الناس لو كان لص كان أخذ المسدس
إنت متأكد كنت نايم لمن اللص سرق حاجاتك ؟؟!!؟؟
نعم كلاب صيد / الا أنها هزيلة ومريضة كحال كثير من شعبنا بكل أسف – أكيد انهم يعاملوننا بمقولة جوع شعبك يتبعك .
أما الحرامى فمن قاطنى هذه المنازل العامرة وإلا لعرفته الكلاب و فضحته .
الكلاب دى بتاعت صيد ما بتاعت حراسة
عجبنى ليهو ياخى والله دا راجل ود رجال عفيت منك برضو كان تمشى على نافع وبشة
ياجماعة الترابي دا ما عاملين ليهو دفاع بالنظر ؟
لأنو نفس الفلم
بعد صلاة العشا والأنوار طافية . . . !!!
والله دا حرامي أشفت من لونق جون سيلفر في كتاب Treasure Island – جزيرة الكنز
ما بي نفس الطريقة عمل ابوك الانقلاب المشؤؤم..
فالحرامي سردب بالقروش فريحا وانت تضج في نوم عميقا
والتسوي كريت.. تلقا في جلدا
16 مليون فقط !!! من حق الشعب بسيطة جداً … برااافو على الشجاع الذي اخذ حق من حقوقه من اللصوص ..
هذاحرامي دئر يستقدم العضلات بكون ولايستبعد انه مرسال
شكلك ياعصام ضربت كم كاس قبل النوم.
طيب انت نومك تقيل والمدام برضه نومها تقيل ولا زعلانة مشت بيت اهلها.
دا مالص دا شفت الشفتنا الواحدة دي
سرقة السارق يديك ليها الخالق
سرقة السارق ما اديك ياها الا الخالق
مسدسك أظنه ذي خنجر صاحبنا اللابسو في ضراعو وخاتيه لليوم الأسود
اهديك هذا المثل باللغة العبرية التي لا تعرف غيرها ” نيف قناف نيش قناف “=وتعني باللغة العربية الحالية ” سارق السارق ليس بسارق”….اهـ
16 بس وين ايام شيكات المقاصة الربوية !!!!!
لما كان الواحد يكون عندة شيك من جهة حكومية
ويلف السبع دوخات عشان يصرف شيكة والجواب ليس هنالك رصيد
ولكن فى النهاية يجهية الفرج المال تلتو ولا كلتو
ويدخلوا الوسطاء ويشرون عليه بالذهاب الى السيد/عصام الترابى
حيث يأخذ عمولة 25% من قيمه الشيك
هذة رواية شخص مقاول مغبون
كله زائل باذن الله
سرقوني الليلة جو دخلو القصر فتشو
عجبوني الليلة جو دخلو القصر نبشو
قام الجنجويد نهارا جهارا وعلي عينك يا تاجر بسرقة المنارل بحى المطار بنيالا بواسطة العربات المحملة بالدوشكا واستولوا علي كل مايمكن حمله وتمحمله ابالعربات الرباعية الدفع بعد تهديد وترويع ساكني هذه المنازل وحي المطار لايبعد سوي مئات الأمتار من رئاسة الشرطة بنيالا ومكتب الأمن الوطني . يعني شنو حرامي يسرق الترابي وعصام حريقة تحرقكم كلكم ………….
الطابق ال3اث عندكم كم دور ياربي برج يا تري وبعدين المال ماله ومالي ومالي غيري عليك الله يا عم الحرامي تلب للغراب الثاني حاج ساطور شوف لينا دولابة فية كم سروال اصلوا المعلومة العندي ج الخرطوم ام فكو ميييييطي وعافي ليك حقي
ههههههههههههه وعامل فيها فارس وبتاع فروسية ولا دي فراسه إعلام ساكت مش دا مسدسك المره ضربت بيه محمد طه طلقتين وماصادتو واللة واحد قال لي عصام الترابى دا يوم فتحوا ليه ابواب بنك من البنوك وملا اتنين ذيد واي قروش ومشي بيهم اتجاة سودري وجبره الشيخ وحمرة الوز والمزروب واشتري ابل كردفان كلها ودا راس المال ومن ديك وع ع ع ع ع ع ع ع ع ع يك
طيب يا اخوي الحرامي ما تمشي على عمك بش بش داك يمين بالله ما بتطلع ساكت لو سرقت شئ المناظر بتكفي
ان شاء الله الحرامي ما فقد حاجة
الابن النائم عصام,
قد يكون قد سرقك ابوك لانه اكبر حرامى,
و من اين لك الطابق الثالث؟ هل هو
من عرق جبينك؟ حرامية بتنشٍل فى بعض
ايه دَخلنا نحنَ؟
ما يكون اللص دا مؤتمر شعبى
للاسف الشديد ذنب عصام أنه ابن الترابي وهو ذنب ليس لديه دخل فيه
شئ من الموضوعية يا اخوة عصام دا لايمارس السياسة وليس لديه دخل بها وهو سوداني ويحب ان يكون مثله ومثل اي سوداني ويسعي لذلك بقوة لكن كل الناس مصرة علي ان يكون ابن الترابي وبس تفتكروا عايزين عصام دا يهجر اباه ويسئ اليه .يكون ما سوداني لو فعل كدا!!!!
اريتو الحرامى كان سرق لينا ابوك وريحنا منو
السرقه وعرفناها الكلاب الجيعانه الزي قش الكبريت الفي الصوره ديل الدخلهم شنو في الموضوع
صورة عائلية
بس ده علي الحاج صاحب ابوك ماهو عارف مداخل ومخارج البيت زي جوع بطنة تجازي يا علوبة تخون الملح والملاح وتخون شيخك امانة ما اتلومته لكن المحيرني علاقته بمادبو دخل البلد وخرج كيف اااام شنو اممممم الا اتصل بالمفتش كرنبوا و استعين باللواء بتاع المباحث داك اسمو شنو يا ربي وبقي مدير المرور عابدين منو والله اسم ابوه طار حد مذكر يذكرني
لمن لايعرف هذه ليست كلاب جعانه ولكنها كلاب صيد هذه هى مواصفاتها للجرى ورى الأرانب والغزلان الولد مترف وبرجوازى وياعصام أنت صحيح كنت نائم لمان سرقت
.
16 مليون جنيه دي في المحفظة وهو نايم؟
طيب وهو صاحي الخزنة فيها كم والبنك كم وووووو كم؟
من شابه اباه ما ظلم
الكلاب دى للسبق ولا شنو !! والمسدس ده اداك ليهو اللمبى تلعب بيهو
16 مليون فى المحفظه وهو نايم !!
اصلو ابوهو معارض نسيبو ونسيبو معارض ولدو المستشار واخت المستشار معارضه اخوها ضابط الامن وكلهم معارضين عديلهم المصلح
(قام اللص بترك شرائح الهواتف التي سرقها من منزل “مادبو” في منزلنا وغادر)!!
متأكد
معقوله يا عصام الترابي في فلاتي بيخاف ، وانت طبعا فلاتي من جهة الاب متلصق في البدريه الدهمشيه ، والله عيب
انا افتكر انو الراجل خذ جزء من حقه وهذا قليل من كثير
انت عندك 16 مليون في تلك الليلة ما بال الشيخ الكبير عنده كم ياريت لو كان هبشو هبشه خفيفة يكون طلع ليه بحاجة كويسة ..
الشي الغريب بتقولوا انو الترابي شيخ وداعية اسلامي كيف يكون نائم يعني لا قيام لليل .. الظاهر صاحبكم بصلي الصبح الساعة 7 صباحاً
اولا دي فبركة اعلامية من الحزب عشان يظهر لينا الترابي انه مواطن عادي كادح بتسرق ويمشي في الاسواق مثله مثل اي مواطن غلبان يعني لا عنده حرس شخصي ولا اي شي يعني تلميع لصورة الشيخ وبعدين عيب تقولوا للزول البياخد حقو بايدو حرامي .. طيب لو مصطلح حرامي ممكن يتقال علي المسكين الاخد حاجة بسيطة من حسابة الموجود في بيت الترابي يبقي ناس الترابي والبشير واخوانه والوزراء ديل حنطلق عليهم مصطلح شنو افيدونا افادكم الله.