قرار وزاري بحل مجلس إدارة نادي الهلال
اصدر وزير الشباب والرياضة بولاية الخرطوم اليوم الثلاثاء، قراراً وزارياً بحل مجلس إدارة نادي الهلال السوداني المنتخب،وتشكيل لجنة تصريف شئون النادي، وذلك بعد أن فقد المجلس شرعيته باستقالة العضوين التجاني أبو سن والعسقلاني في وقت سابق .
وقرر وزير الرياضة خلال المؤتمر الصحفي الذي عقده اليوم الثلاثاء، بمقر وزارته ببحري، تشكيل لجنة تصريف شئون النادي برئاسة دكتور كرار التهامي نائب رئيس مجلس إدارة نادي الهلال السابقو الفريق محمد احمد بحر الأمين العام السابق مقرراً وعضوية ومحمد المامون أمين الصندوق السابق وفوزي المرضى ومحمود جبارة السادة لحين إشعار أخر ومن حق المجلس الاستعانة بآخرين.
وأعلن الوزير تشكيل لجنة لحصر الديون على نادي الهلال لحفظ الحقوق برئاسة المستشار عبد الرحمن الطيب وعضوية حيدر تمساح، وخالد محمد حمزة، وقرشى بين، والمستشار القانونى لنادي الهلال وممثل من وزارة المالية، بالإضافة إلى ممثل من المراجع العام.
وأكد وزير الشباب والرياضة، أن الوزارة تجري المشاورات لتشكيل لجنة تسيير لنادي الهلال خلال الأيام القادمة، وقال: ” من حق مجلس الهلال السابق استئناف قرارات المفوضية بخصوص قرار رقم “36” لسنه 2013 بفقدان مجلس الهلال لشرعيته.
كووورة
الفائق الهم بذمه
والفينا مكفينا ،كوره قال
نحن في شنو وباقي البشر في شنو؟
قرار صائب ولو انه تاخر كثيرآ. وبالطبع لن اقول كما يقول العاجزين دومآ .ان تاتى متاخرآ خيرآ من ان لاتاتى. الذين سيتباكؤن على البراير ان وجدو اقول لهم افيدونا بذلك الانجاز الذى تحقق فى فترة البرير بالطبع لا شئ. مرحبآ الكاردينال اشرف سيد احمد رئس الهلال القادم
ده النهايه الكنا متوقعنا يالبرير ديون وصفقات للعيبه ضعيفى المردود الفنى بالاضافه للهزائم الموجعه من فرق كانت فى الماضى عباره عن محطات عبور
انحنا محتاجين لحل والغاء مجلس الوزراء !!!!
تستاهل يا البرير ..لأنك حقيقي أفشل إداري رياضي مرة علي الهلال العظيم (العظمة لله).وكمان بتلطخ سمعتنا بتكريم واحد قاتل للشعب السوداني وواحد تاني حرامي سوق مواسير تستاهل يا عوير….
عقبال سقوط البشكير!
ده كان مجلس و ضيعة أل البرير بامتياز.
رئيس النادى ……الأمين محمد أحمد “البرير”.
أمين المال……..محمد المأمون عبد المطلب . من ال البرير أبا عن جد.
نائب امين المال…ابراهيم خالد حسن عباس . ال البرير خيلانه .
وما خفى أعظم .
قرار غير صائب كان الاجدي ان ينتظر حتى يتم فترته المتبقية للمصلحة العامة ،وبعدين لماذا تم اتخاذ هذا القرار بعد تم تسجيل المحترفين وهذا اجاحف فى حق البرير ، وما من تظنون سوف يسكت واهمون فسوف يصعد القضية للفيفا ومعروف ان اي تدخلللحكومة في الشأن الرياضى سيؤدي الي ايقاف النشاط الرياضي عامة في البلاد ،دائماً نحن السودان انطباعين وعاطفين اكتر من اللازم وبكرة نشوف …
تعرفو يا اخوان اسباب تدني الكرة السودانيةو تخلفها هم الجلابه امثال البرير وجمال الوالي والله كورتنا ما تمشي للامام ما لم يذهبوا الجلابة من ادارة انديتنا
المثل بيقول ايه ( اعطي الخبز لخبازه ولو ياكل نصفه )
بالله اسالكم سؤال البرير ده بيعرف ايه عن الكورة ما عاوز اقول شافها وين اكيد لما جاء للهلال
والله البلد بخيرها والخبراء عندنا بالكوم ( على سبي المثال ) قاقرين وغيره من الناس البتعرف كورة وتدير اندية
يا برير الحكاية ما ساهلة وانت ما قدرها احسن تشوف ليك … ولا اقول ليك انت ما تعمل ليك مصنع كرة قدم قالوا فيها ازمة والله ده مشروع ناجح 100% وبينفع معاك وبعدين ما تنسى اخوك ( الفكرة فكرتي )