المدرب السوداني آدم يقود هلال كادقلي اليوم في أول مهمة رسمية
يقود المدرب السوداني وكابتن الهلال والمنتخب السوداني السابق طارق أحمد آدم, فريق هلال كادقلي في أول مهمة رسمية بعد أن أكمل تعاقده معه لتولي المهمة الفنية حتى نهاية الموسم, وسوف يلعب هلال كادقلي اليوم بإستاد المريخ, مباراته الأولى ضد الأمل عطبرة بدور ال16 في كأس السودان.
وكان طارق آدم أفضل وأشهر لاعب سوداني في وظيفة الأستوبر مع الهلال والمنتخب السوداني في ثمانينات وتسعينات القرن الماضي, قد جاء بديلا للمدير الفني السابق لهلال كادقلي صلاح محمد آدم الذي تعاقد معه نادي الهلال قبل أسبوعين.
كووورة
حبينا يا اخي نوضح ليك ان الموقع ما سوداني
لذا كتب السوداني فلان
وبس
يعني لو موقع سوداني ما بكتب كدا
ده السبب الرئيسي في عدم تقدم الكرة في السودان … الحسد والحقد والدونية … لماذا يتعاقد هلال العاصمة مع المدرب صلاح الذي هدد هلاريخ في الدوري الممتاز الدورة الاولي وكسب منهم النقاط … هل لان هلال كادوقلي فريق اولاد النوبة الغبش ما اولاد المصارين البيض بتاعين الفيمتو والبيبسي …. ولماذا يتعاقد هلال كادوقلي مع طارق احمد ادم …. هل ذلك فوق البيعة بتاعت صلاح محمد ادم …. مسكين صلاح محمد ادم لايدري الي اين سيذهب …. هلال العاصمة لايفيدك في اي سيرة ذاتية بل سيكون خصما عليك …. ليتك استمريت مع هلال كادوقلي وقد انجزت معه وهم سيصبرون عليك …. لكن هلال العاصمة يوم ماتهزم ستكون في الشارع وحتي شارع العرضة مابوصلوك سيرموك قريب من الزريبة اقرب منطقة للاستاد هذا هو هلال العاصمة …. ولولا الخجل كان رموك يوم ان انهزمت من فريقك السابق لكنها كانت ودية ودية والله ستر ..