زبون يشرع في مقاضاة فكهاني يبيع البطيخة بـ (50) جنيهاً!!

تفعيل دور حماية المستهلك وتطوير الياتها وقوانينها لحماية المستهلكين من جشع التجار وفوضى الاسواق

فعلا حاجه مستفزه 50 جنيه سعر بطيخه في بلد متوسط دخل الفرد ما اكتر من 300 جنيه في الشهر ( طبعا متوسط دخل الكوز ما اقل من 10 مليون في الشهر و دا بالنسبه للصغأر ، اما التماسيح الكبيره فاي واحد عنده بنك في البيت ) !!!!!!!!
سله غذأء العالم في زمن الكيزأن بقي البطيخ فيها فاكهه للاغنياء !!!!!!!

يعني كل شيء في البلد رخيص وسعره معقول إلا البطيخ ؟؟
ليه ما تفتح بلاغ في الجزار ؟؟
وليه ما تفتح بلاغ في الصيدلي؟؟
وليه ما تفتح بلاغ في بتاع المخبز؟؟
وليه ما تفتح بلاغ في سواق الحافلة؟؟
وليه ما تفتح بلاغ في سماسرة الأراضي؟؟
ليه ما تفتح بلاغ في سيد البقالة؟؟
بس بقت على سيد البتيخ ؟؟

سبحان الله بدل ما تقاضى الفكهانى المسكين قاضى الحكومة البتنهب فيك كل ساعة وكل يوم ..قاضى الكهرباء البدفعوك ثمن العداد ويكتبوه باسمهم ويدفعوك عليه ايجار …دا شعب دا لا حول ولا قوة الا بالله

واذا شئ علي تركته حتى يكون ارخص ما يكون اذا غلا

والكسير دا من الشكلة؟؟

ما الذي سيصل اليه او سيجنيه المشتري بمقاضاة البائع غير زيادة في الخسائر..ومن سينصفه..؟؟.. ..عينك في الحكومة.. الكاتلة الجدادة وخامه بيضا.!!.. ما تتلولو الا في المسكين ده ..؟؟..احتمال ما يكون لا في في البتيخة فائدة تذكر .
الغلاء شمل كل واهم ضروريات الحياة.. بقت على البتيخ..؟؟ ..لو كانت الشكوى في امر اهم من البتيخ لكان لها وقع آخر .

يوم داك صاحبى مش السوق المركزى بحرى سال من القرعة لقاها ب90الف جنيه بالقديم خالص

الناس دى ماشة بينا وين

مشاهدات
*الزول بتاع البطيخ حقار ولسانو طويل شنو ينعى الشتم كان ماعندك امشى
*وصاحبى بتاع الشكوى روحو محرقاة غرفان من البيت والشغل وجاى بتاع البطيخ كمل الناقصة
*تانى الداير بطيخ ذى فى الصورة يتنظر لورى ينقلب

مافى شئ لفت انتباهى غير الصورة لانى لاحظت ولد صغير وهو لاقف ليهو بطيخة مستغلآ الحادث بتاع اللورى. ياخى والله ما تفهم هل هذا سوء تربية ولا الجوع بقى كافر. زمان احنا اتربينا على الامانة وعدم السرقة ونأكلها قرض لو ما عندنا . حسع الطفل ينشأ على الحرام وينمو بالحرام. لله درك يا بلد

غلاء البيض صاحبه توجيه للمواطن الما قادر يشتريهو ( بيض براك ) بس قصة البطيخ دى شويه صعبه

دا بتيييخ ولا حشوة ضروووش