دموع أحمد الصاوي لم تتوقف و"الحوت " يكرمه.. محمود عبدالعزيز يعترف: «الصاوي» انقذني من الضياع!

اكتظ مسرح نادي الضباط العريق بشارع المطار مساء الجمعة الماضية بخلق من مختلف الأعمار والأجناس والأمزجة، فاق تعدادهم السبعة آلاف متفرج قدموا للاستماع لفنان الشاب محمود عبدالعزيز الذى ما زال «حوتاً» يبلع بحر الطرب والمطربين، فكلما انتاشته الشائعات عاد بشكل أقوى، محمود تغنى لساعة فقط ودوزن الأسماع بست أغنيات مازج فيها بين قديمه وجديده والحقيبة لم تكتف الأيادي من التصفيق والروح من الطرب وخرج الجمع راضياً مرضياً..وكغير عادته المقلة في الحديث، سيما في الحفلات العامة أوقف محمود الغناء لربع ساعة من الزمان ليكرم كما قال رجلاً وقف خلف مسيرته الفنية وانتشله من الضياع ليكون محمود الذى يجتمع من حوله المعجبون ويقدرون فنه، واضاف محمود: علاقتي بأحمد الصاوي تمتد لربع قرن من الزمان «24» عاماً انتشلني ولقاني في زمن ضائع.. وأنا ضائع ووقف بجانبي في مسيرتي الفنية، ومن خلف الكواليس طيلة هذه المدة يقف الصاوي خلف مسيرتي..
لم تتوقف دموع – أحمد الصاوي – بينما محمود يكرمه أمام آلاف البشر في بادرة تدل على معدنه الأصيل واعترافه بفضل الرجل الذى أخذه الى جادة الفن يشجعه ويؤازره كلما اصابه الزمان باحباط ويتخير له اللونية الفنية التي تناسبه وتجد قبولاً عند الجمهور..

الخرطوم: حسام الدين ميرغني
الرأي العام

تعليق واحد

  1. يا اخ عبد اللاب لو سمحت عندما تريد النقد يجب ان يكون نقدك بناء وهادف لكي نستفيد منه جميعا فهل نقدك منصب في موهبة وغناء الفنان محمود ام في شخصه،الرجاء التوضيح وما تزعل من عتابي ده

  2. أخى العزيز محمود جميل أن يعترف الانسان بمن تفضل عليه ووقف بجانبه حتى تلمس طريقه وأنا أيضا أشكر الاخ الصاوى الذى أستطاع ان يظهر هذا المبدع الخلاق لينثر لنا الدرر بصوت لا أظنه يتكرر أبدا أخى العزيز محمود أنت فنان بكل ما تحمله الكلمه وأتمنى لك التوفيق ، أخى وصديقى صديقك و|أنت لم ترانى لكن من يستمع ويطرب لأغانيك فهو صديقك ومن هنا أحب أقول لك أنت أنسان جميل فى شخصك وروحك وفنك يعنى أنت فى غنى يعنى ما تحاول من تغير شكلك أتمنى أن لا أكون تدخلت فيما لا يعنينى وعذرا

  3. اولا يا منعم موسى هذا المدعوا بانه مطرب هو مهرج ناهيك عن السلوك الاخرى
    ثانيا 90% من الشباب الان فى السودان يعشقون التهريج والرقص وانت افهم منى فى هذا المجال
    ثالثا ال7000 شاب وشابة الذين حضروا حفل المدعو مطرب هؤلاء هواة ومحترفين رقص فقط وليس ذواقون للكلمات والالحان الراقية فانا لا استغرب من ردك على

  4. محمود قامة غنائية زاخرة بالابداع … وكل ما الظروف تقسى ارسى ومعاك أنسى … والشكر موصول للأخ أحمد الصاوي الصديق الخلوق ولكل من وقف مع الفنان محمود في محنته وألمه وعذاباته … وأقول لصاحب التعليق (abuabdullab) دا رأيك أنت وحدك في محمود وليس رأي الجميع … والما بعرفك بجهلك محمود بشهادة كبار الملحنين والعازفين والشعراء أنه يمتلك لونيه جميلة في طريقة الغناء ومتفردة والسودان لسه بخير وشعبوا لسه بخير مادام حواء السودانيه تولد الأفزاز في جميع المجالات ليس للغناء فقط

  5. والله نريدك مووت يامحمود,,,

    نحن بعدك انت نموووت,,,,

    انت لينا الهواء ,,والمطر,,والبحر يامحمود

    انت لينا الحياة كلها يامحمود,,,

    لولاك ماعرفنا الغناء يامحمود,,,

    الله لينا يحفظك يامحمود,,,

    ( هذه الاغنيه اهداء الى كل من يحب ويعشق الحووووووووووووووووووت)

    😎 😎 😎 😎 😎 😎 😎 😎 😎 😎 😎

  6. والله يا عاشق الحوت شكلك مضيع الاثنين لا دنيا ولا اخرة نسال ليك الله العافية وشكلك للاسف الشديد عند سكرات الموت بدل تنطق الشهادة حتصدح بقصيدتك العصماء هذه تبا للمغنين اصبحوا الهة تعبد

  7. اقسم بالله العظيم ان هذا الخبر والتعليقات التى امامى تدل على ان هذا الشعب لن ولم تقوم له قائمة دة شعب فارغ همه الاكل والشرب والرقص قومو تقوم قيامتكم شوفولكم علم اتعلموه شوفولكم شغلا فيه فايدة انتجو منه كان ينفكم وينفع اولادكم
    حتى لا يصبحوا امثالكم ما دى احوالكم الله سلط عليكم احقر البشر

  8. انت يا ابو عبد الله بتعرف شنو عن الفن و الذوق اذا كان بتسمع حقيبة محمود اكتر فنان غني حقيبة اذا كان بتسمع بالعود محمود ما بقصر معاك اذا كان بتسمع موسيقي غربية فمحمود اول فنان يغني مع الروس اذا كنت من الغرب او من الجنوب او من الشمال او من الشرق اكيد بتكون شفتا محمود او سمعت ليه لانو محمود لفه السودان دة كلوا و مابغني الا في الاستاد او اكبر ساحة في البلد قال شنو 90 % من الشباب انت يا اخوي بتجيب الاحصائات دي من وين

  9. يالسنهورى انا ما عندى موضوع مع المغنواتى اللتبعكم وانا بعيد كل البعد من هذه البيئة والحمدلله الذى عافانى مم ابتلى به غيرى ولكن احزن من هذا المزاج الغريب للشباب امثالكم وتم الباقى انت

  10. أحمد الصاوى يستاهل التكريم وهو أهل له لكل من يعرفه والحوت أثبت أصالة معدنه لعدم نسيانه لابن الاصول أحمد الصاوى عبد الله فهو الكريم ابن الكرام ومن أعلام امدرمان من لم يشكر الناس لايشكر الله …. الى الامام يا محمود

  11. يا ناس الراكوبة … معليش حاولوا أعملوا ليكم صفحة دينية للمتشديدين ديناً … خليهم يمرحوا ويسرحوا ذي ماعايزين … لأنو لسه في ناس مفهومها ضيق تجاه اشياء متعلقة بمفاهيم خاطئة … ولكم جزيل الشكر على الموضوع الشيق والى الأمام ايها الصحيفة العملاقة … ونتمني لكل انسان مبدع في اي مجال انو يمشي الى الأمام ويكون زاد للسودانيين عشان نتباهي بيه في العالم كلو موش في وطنا بس … ولكم العتبى جميعا لكل من مسته حروفي بأقوال جارحة ولكم الشكر والتقدير طاقم الراكبة العملاقة بالجد صحفيكم تستحق الاشادة والمتابعة …

  12. بما ان الاشياء تولد صغيره تنمو ثم تكبر وان القصه تبدأ بفكره لا فان محمودا ولد عملاقا كبيرا لهذا الوطن الشاسع,,فهو ثروه قوميه كالنيل والجبال يجب الحفاظ عليها,,,ومحاربة الحاقدين والحاسدين امثال ابو عبدالله ,,,الذى يتكلم عن محمود ولايعرف شيئا عنه انت شنو عشان تتكلم عن محمود ياابو,,, وفهمك شنو فى الدنيا,,لاتدخل فى ماليعنيك كى لاتسمع مالايرضيك,,,فى هذا الموضوع كلهم احباء واصدقاء ومعجبى الحوووووووووووووووووووووووووووووووووت,,,,,,,
    محمود كان ومحمود الان وسيظل الى الابد امبراطورا للاغنيه السودانيه
    وتحياتى فقط لمحبى ومستمعى محمود,,,,احيييييييكم

    لنا لقاء
    BY;) 😉 😉 😉

  13. محـــ(حوته)ــــمووووووووووووووووووووووود:cool:
    انا غايتو ما عارف لكن ابو عبدالله ولا عبدلاب ده ما عندو موضوع اساسا خليك من علاقتو بالفن:mad:
    ولاعندو علاقه با الدين لأن الاسلوب البتكلم بيه ده ما اسلوب زول مربي تربيه دينيه
    (قومو تقوم قيامتكم) ده كلام شنو … دي الحاله في نقاش عام يعني لو مع ولدو حايقول ليهو شنو ؟؟؟؟؟؟

    وستظل عملاقا ياسوداننا ويا محمودنا رغم حقد الحاقدين وكيد الكأئدين وربنا يحفظ هذا البلد العملاق :lool: :lool: 😎 😎

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى