هل تتسبب الخطوة في التضييق على المغتربين.؟.. نظام البشير يتجه لفرض مبالغ مالية على الدول التى تستعين بكوادر سودانية.

بالله عليكم اي شي ولا دي ياناس خلينا ليكم السودان وفارقنا الاصحاب والاحباب والاهل عشان

فعائلكم دي تجوا كمان تلحقونا في الغربه الله يورينا فيكم يوم ياالكيزان

ببركه هذا لشهر الكريم

حسبي الله ونعم الوكيل حسبي الله ونعم الوكيل حسبي الله ونعم الوكيل

غلبن البسوو ساكت سلفاكير قفل الحنفيه قبل ما اقفلوها ولا شنو, والله انا شايف الحكومتين بتلذذوا بعذيب وهلاك المواطن الغلبان الله انتقم منكم.

نحمد الله نحنا مغتربين في أمريكا .

المغتربين طلعو ( الاسباب معروفة ) ,خلو ليكم البلد عاوزين كمان تضايقو الدول التي احتضنتهم ؟

نحن كمغتربين منذ فترة ليست بالقصيرة نتساءل ماذا قدم لنا السودان كدولة بوصفنا مغتربين؟؟؟ هل كانت الدولة سبباً في تعييننا في وظائفنا الحالية؟؟ إن مؤهلاتنا وخبراتنا هم السبب من بعد الله تعالى في ما نحن فيه . إن ما قدمه السودان لنا كمغتربين هى الضرائب والخدمة الوطنية والأموال التي تدفع بغير وجه حق.
اتقو الله في الناس وحسبي الله ونعم الوكيل في هذه حكومة.

ياخي شردتونا من وطناوجهاز مغتربنكم زي المنشار طالع واكل نازل واكل عايزين تقطعو رزقنا كمان في مكان اكل عيشنا لكن العيب مافيكم ياكيزان ياكلاب العيب في شعبكم المتحملكم الي الان وصابر عليكم معاكم حق انكم كل يوم تضيقو عليهو

المقترح غير مفهوم تماماً. وإما إذا كان -حسب فهمي- يسير على طريقة انتقال وبيع اللاعبين المحترفين بين الأندية فسوف يكون للدول المستفيدة من العمالة السودانية راي آخر ليس أقله أن يقولوا بالخط العريض: لا نرغب في عمالة سودانية. هذه الخطوة الغريبة إن صحت تمثل واحدة من مسلسل حكاية (إقلاس التاجر) الذي سرعان ما يبدأ في فتح ومراجعة دفاتره القديمة عله يجد أحد المدينيين المنسسيين. فقد دأبت الحكومة بين كل فترة وأخرى في اختلاق وابتكار ما تستطعه الأوائل. باعوا جزيرة مقرسم، وباعوا الكناف، وباعوا المصفاة، وباعوا وباعوا وباعوا……… سيارات القصر الجمهوري، حديقة حيوان الخرطوم (أقدم الحدائق في افريقيا)……… محاولة بيع مشروع الجزيرة وغيرها الكثير من المحاولات البائسة اليائسة التي تؤكد عدم شبع تلك الطغمة من الخف والظلف. أما محاولة بيع المواطن السوداني على طريقة (لعيبة) كرة القدم فهذا ما يتوجب (الخروج) عنده وليس التوقف عنده، الخروج إلى الشوارع وإسقاط هذا النظام الذي أصبح يجرب كل ما هو مستحيل وغريب دون أن يطرف له جفن لأنه مطئن إلى أن لا أحد يقول له (قف) عندك. كلما أحكمت الانقاذ حبل الشنق حول رقبتها كلما تطوعنا نحن بأريحيتنا السودانية السمحة بإرخاء هذا الحبل، إما بالصبر على آلاعبيهم الصبيانية أو تعويض إهدراهم للمال العام من جيوبنا الخاصة. لقد آن الأوان لأنتهاء تلك اللعبة التي طالت واستطالت وكأنها مباراة في لعب الورق بين سجان ومسجون، مباراة ليس لها نهاية لأنه ببساطة لا يجود أحد في دكة (الحاجزين).

لا خيراً منكم لا دخاناً يعمي ، الله لا كسبكم ورانا ورانا نحن لقينا منكم في السودان شنو ما شردتونا وأكلتوا حقنا – جينا نشتغل في الحكومة عشان نعيش زي خلق الله عملتوها لينا الحافظ سورة البقرة منو والأحاديث الصحيحة والمضطربة والمقلوبة ، إشتغلنا في سوق الله آكبر شفطوها ضرائب وزكاة وعوائد طلعنا برة السودان أهو كل ما نجي بتبلعوا ليكم بلعة شي ضرائب وشي خدمة وطنية وشي زكاة لي مال ماهو موجود والله عالم شي عايشين بيهو وشي بنعيش بيهوا القاعدين في السودان ملاقين حق العيشة ، والله ما عارف أدعي عليكم ولا أدعوا للسودانيين ربنا يخلصهم منكم حسبي الله وأجعله هو الوكيل والله يلحقنا بي سيسي زي حق مصر بس ما ما يطلع عبد الرحيم البو دا تفووووووووووووووا

لو قارنت السودان بالهند أو مصر أو باكستان أو بنغلاديش أو الفلبين أو اثيوبيا أو حتى الدول الاوربية التي تشكل جنسياتها غالبية المهاجرين في دول المهجر لم تتخذ أي إجراءات مشابهة للمقترح الذي تنوي وزارة الموارد البشرية اللجوء اليه بفرض مبالغ مالية للسودان على الدول التي يمدها بكوادر بشرية و من يتكلمون بهذا المنطق ليست لديهم أدنى معرفة بسوق العمل الخارجي و ببساطة شديدة لا تأخذكم العزة بالإثم و اليوم المنافسة في سوق العمل قوية و على أشدها مثلا رجال الامن لجأت بعض الدول بتأهيل الأفراد بكورسات قوية لتؤهلهم للمنافسة و لأن بعض من دول الخليج أصبحت تجلسهم لإمتحانات ناهيك عن المراقبة اليومية و تقارير الاداء أما في المجالات الطبية ففي دولة الامارات العربية مثلا لا يمكن ممارسة المهنة إلا بعد إمتحانات نظرية و معاينات و كثير من المهن و التخصصات أصبحت تخضع لمقاييس جودة عالية و مع احترامي للموارد البشرية السودانية و الميزات التي تفضلهم على كثير من الدول و المحبة و التعاطف من مواطني كثير من دول المهجر خاصة الخليجية منها بسبب ما تركه المهاجرين الاوائل من سمعة طيبة بين الناس إلا أنهوجب القول لا داعي لتدخل الدولة إلا بما ينفع و يدفع هذه السمعة من النواحي الاخلاقية و المهنية البحتة للتنافس في سوق العمل و لا داعي لإجراءات قد تعود عليكم بالساحق و البلا المتلاحق و ما رأي الوزير إذا رفضت دول المهجر و أرجعت له هذه الكفاءات هل يملك مواعين استيعاب لها و هل سيعوض العملات الحرة التي تضخ في جسدالاقتصاد السوداني… ارتفعوا لمستويات الاحداث و فكروا قبل ان تقرروا و خططوا قبل ان تنفذوا ..اللهم إلا إن كان هناك دافع من شاكلة سياسات الصالح العام فسنقول على الدنيا السلام.. ما لكم كيف تحكمون يا أحمد كرمنو أصلح بيتك من الداخل و راجع شركات التوظيف و راجع الوزارة من الداخل تكون قطعت نصف المسافة أما النصف الآخر فما هي حقوق المهاجرين و كيف تتعامل معهم الوزارة على كل المستويات؟؟؟؟؟

هههههه دي اسما برة وجوة

لو تم هذا الأمر فإن أبسط شىء هو أن هذه الدول سوف تستغنى عن العمالة السودانية .. والخاسر هو المغترب السودانى والدولة على السواء ..كيف يفكر هؤلاء القوم ؟؟ أليس فيهم من رجل رشيد ؟؟
حسبنا الله ونعم الوكيل ..واجعل كيدهم فى نحرهم ..
يعنى سيك سيك معلق فيك ..ولا كيف ؟؟ خلينا ليهم الجمل بما حمل ولسه ورانا ورانا ..

ياخي مالكم ومالم لا جوة السودان دايرين تريحوهم ولا هم طااااااارو في بلاد الله اكبر دي ما دايررين تخلوهم في حالم

هع هع هع هع –والله يا كيزان ياحلرامية يا ارزقية يا —اللهم انى صايم– بعت واشتريتو فى السودانيين فى الداخل -بقى ليكم الفى الخارج عايزين تمنعو عنو رحمة ربنا -انتو شنو ياخ بلاء وباء نزل علينا -افة جاتنا –اللهم عجل بالجبهة الثورية لتدخل قصورهم وبيوتهم فتسؤهم امر العذاب

طزززززززززززززززززززززززززززز في الكيزاااااااان

يعني شنو كرمنو

علي كل مغترب استخراج جواز سفر تشادي او حبشي حتي نبعد من هذه القرارت الغير مدروسه المفترض ان تعمل الحكومه علي الخصخصه في الوزارات اولا وتنفذ قرارها بتقليص الانفاق الحكومي بعد ذلك يشوفي المغتربين

آلُڪيُڒٍآنْ تْجآر آلُڊيُنْ آلُلُﮩ لُآ يُجعٌلُ فُيُﮩمْ بُرڪة

هذه الخطوه ستعجل بترك كثيرين للجواز السوداني وليس زيادة الايرادات كما تتوهم الحكومه .للاسف المميزين والمؤهلين هم من سيتجهون الى مثل هذه الاجراءات لينفدو بجلدهم هربا من السمسره فيهم وفي مقدراتهم .

يا ناس تصدقوا.من بدري كان بتجي فرص في دول الخليج لكوادر سودانيين في مختلف المجالات.بس في جهات امنية بتركن الخطابات بالجنبة.عشان الشباب يكون قاعد لو احتاجوا للجهاد يرمي قدام زي مابقولو.دي عقلية حاقدة وسياسة اقذر من سياسة اليهودسياسة جوع كلبك يتبعك.ومسكوا السوق والواحد بقي داير يحصل علي المال باي طريقة.ودي سبقوهم بيها اليهود واتحكموا في العالم بس اليهود بحنو علي شعبهم ومابتضيقوا عليهو .بس يهودنا نحن غير.ديل احقد منهم علي التاريخ مامر الواحد مالقي فرصة في بلدو وقت رضي يبعد عن الوطن والام والحبية دايرين تزيدوا عليهو احزانو.نسال الله ببركة هذا الشهر أن يجعل كل من ظلم السودان ومواطنيهو ان يكون عبره لمن يعتبر في الدنيا قبل الاخره

الناس دي عبطا ولا بتستعبط علينا طيب ما دام دايرين تمدو الدول بالاف الكوادر ما توفرو ليهم فرص عمل ياخي الله يرضي عليكم اعتوقنا ياخي

الحيلة غلبتهم،، بعد ما نشفوا ريق المغتربين وفشلوا فى سرقتهم بمشاريع إستثمارية وهمية فكروا فى إبتزاز الدول التى تحتضنهم،،

هولاء ناس مثل الجراد لا يتركون وراءهم إلا الخراب،،،

ديل فقعوا فشفاشنا الله يزولهم

والله دي ما سبقم فيها زول لا في الاولين ولا في الآخرين ..

لا لعمـــــل الســــــودانيات خـــــــــــــــــــادمات (مربيــــــــــــــــات) فـــــي دول الخليـــــــــــج .
لا لعمـــــل الســــــودانيات خـــــــــــــــــــادمات (مربيــــــــــــــــات) فـــــي دول الخليـــــــــــج .

يجب ان تكون هناك حمله وطنيه قوية ضد هذه الفعل المرفوض والذي لا يشبه هذا الشعب (( الكـريم ))

الشحاد جاكم فاضي معليش الدنيا اصلها كدا ما بتدي حريف تموت الاسود في الخرطوم فلسا وبترول الجنوب يقفله عوضو

القضية قضيةاستحواذ شيطان وجشع وطمع كيزان!! لانهم يرون ان يدهم لا تطال المغتربين بالاذى وتكميم الافواه فلا بد ان يسدوا عليهم منافذ الهواء وكما فعلوا بمن هم داخل الوطن الجريح !! ولعمري هذا استجداءوبي عين قوية؟؟ من جماعة فقدت قلوبها دينها وحياءها وفقدت نفوسهااطمئنانها ورضاءها !! وفقدت وجهوهها سماحتها وماءها!! لا يريدون لاحد ان يعيسش بسلام في هذا الكوكب الا جماعتهم المختلة عقليا ونسفسيا وديتيا واخلاقيا ولهذا تأتي قراراتهم غير مسبوقة في الجهل والسوء والهراء الذي لا معنى له!! بدل ان يشكر الوزير الهمام هذه الدول الكريمة التي تستضيف ويقلب سليم هذه الملايين ويمكنهم الاستغناء عنهم جميعا بجرة قلم واحدة !! ومن لا يشكر الناس لا يشكر الله !!

والله أمركم عجيب … كيف تقيمون ورش مراجعة وتطوير الاداء وانتم سبب الداء وانتم من يحتاج التطوير في الفهم والمسئولية وفي التفكير …نعم آلاف الكودار البشرية تستفيد منها الدول الاخرى لانكم تركتموهم يهيمون في الشوارع وما زال البقية وهم كثر موجودون بالسودان .

ثم ثانياً لم نسمع بدولة تطالب دولة أخري مقابل مدها بالعمالة انما الصحيح وحسب ما هو معمول في كل دول العالم أن يقوم المغترب بتحويل مدخراته عن طريق البنوك وتستفيد الدولة من ذلك …. وكل المغتربين يحولون مدخراتهم عن طريق تجار العملة المنتشرين في كل دول المهجر والأسباب واضحة :
أولاً تفاوت سعر الصرف بين البنك والتجار .
عدم جدية وصدق بنك السودان في تسليم المبالغ المحولة للسودان بالفئة التي تم بها التحويل .وقد قدم أحدهم أمس في موقع الراكوبة دليلاً وبالبرهان ذلك .
لذا العلاقة بين المغترب السوداني وكل من له علاقة بذلك ..جهاز العاملين … السفارات … الوزارات المعنية … علاقة سيئة جداً لان الكل يريد أن يأخذ من المغترب كل جهده وعرقه ولا يقدم للمغترب أي شيء… ولو أعطي المغترب فقط أي ميزة تفضيلية لقلنا خيراً وبركة … ولكن المغترب السوداني يعتبر البقرة الحلوب للكل دون رحمة أو شفقة …… لذا اذا كانت نظرة المسئولين هكذا فليبحث كل مغترب عن جنسية دولة أخري او دولة اخري تأويه لأن ما سيقدم عليه المسئولون في هذا الأمر سيجعل الدول التي تستقطب هؤلاء السودانيين تفكر في أن تفكّهم عكس الهواء ..
حسبنا الله هو نعم الوكيل… وأعوذ بالله من مسئولين تفكيرهم هكذا …

هو اصلا كل الكفاءت التى يتحث عنها كرمنو لم تتاهل فى زمن الانقاذ,,لان الانقاذ خرجت كوادر فشلت فى كللا اختيارات الدول المشغلة لدرجة سحب الاعتراف مناغلب الجامعات السودانية… ولكن الخطوة اريد بها بيع الكادر السودانى القديم الموهل الذى درس عندما كانت جامعتنا مضرب المثل..خلاص فلستوا وعايزن تبيعوا البشر والله انه الاتجار بالبشر..بطريقة اخرى وابشروا اذا طبق هذا القرار الاهوج سوف تفقدوا الاف الملاين من النقد الاجنبى وملاين الاسر سوف تضيع كما ضاعت من قبلها الملاين ..الله اجازيكم كان اذيتوا عباد الله

اذا رفضت الدول المعنية دفع الرسوم سيتم تحصليها من المغتربين … ويا القاعدين جوة السودان ابشرو بالدقنية

(وقالت انها تتعامل بحسم مع المكاتب الاستخدام التي تتلاعب بمشاعر واموال طالبي الهجرة.)
التلاعب بمشاعر واموال طالبى الهجرة ؟؟؟؟؟ ههههههههههههههههههههههههههههههههه
لماذا لا تتعاملون بحزم مع لصوص الانقاذ الذين تلاعبوا بأموال ومشاعر الشعب السودانى بأكمله !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بالله شوف كمان,, اللهم ببركة العشرةالاواخر من رمضان نسألك يارب أن تخلص الشعب السوداني من هولاء اللصوص

الدولة اثبتت فشلها وخيبتها فقد توقف كل شيىء . لم تقم بانشاء مشاريع زراعية او مصانع كل شيىء توقف رفع الكيزان اياديهم عن كل شيىء واصبحت تنفق مليارات الجنيهات من الجبايا والضرائب على هذه الجيوش من الموظفين والمستوظفين والرئيس وحاشيته من مساعدين ونواب ومستشارين لا يوجد مثيل لهم حتى فى امريكا الى متى يخدم الشعب ويدفع هذه المليارات لهؤلاء العطالة من موظفين ورجال امن باسم النظام . صبر الشعب على فقدان مجانية التعليم والعلاج والان اصبح يدفع من مصروفات ابنائه لهؤلاء الحسالة من موظفين وشرطة الدولة ؟؟ اين دور الدولة واين مسؤولية هؤلاء الموظفين واين دور رئيس الدولة ؟؟ اللهم اهلك هذه العصابة الفاسدة السارقة المنافقة اللهم انهنم طغوا فى البلاد وأكثروا فيها الفساد فصب اللهم عليهم سوط عذاب عاجلا غيرا آجل يارب العالمين

السلام عليكم ورحمة الله
كلام صح لأنه أشخاص كثر حدثت لهم مآسي من مكاتب الاستخدام

وأوهموهم [ان الشركة المستخدمين لها نطاقها اخضر وأبيض
وعندما يصلوا للسعودية يجدوا نطاقها أحمر وفى هذه الحالة
تكون الإقامة لا فائدة منها ويكون الخاسر هو الذي اشترى الإقامة
وضاعت فلوسو وتحويشة عمرو.
والحكومة إن شاء الله ترد لهم حقوقهم بهذه الرسوم

والله كلامك صحيح اخوى الفاضل ((( ابوعنجه ))) لازم تكون فى حمله وطنيه منظمه ضد عمل السودانيات خادمات فى الخليج . الان فى السعوديه بعد قرارات تصحيح الاوضاع صدر قرار لاى زوجه كانت جايه عمره واقامت بالمملكه ولا تملك اقامه ممكن يستخرجوا ليها اقامه بسعر الفين ريال فقط لكن اقامة ( خادمه )وعرفت انو فى سودانيات كتار قدموا ليها ليستخرجوا اقامه قالن بدل يرجعن السودان احسن يجلسن فى السعوديه وحتى لو خادمه والحكايه دى مزعلانى شديد من يوم ما سمعتها وعلى فكره اكثر المقدمات سودانيات بالطريقه دى حا يهيننا كسودانيات لذا انا معك اناشد ان تتحرك حمله وطنيه لتوقف هذا العبث عمرنا ما اتهنا كدا والله المستعان . تحياتى

الدولة حيرت كل الناس الناس ديل سابوا البلد وهاجروا عشان البتعملوا فيهو ياحيكومة
تقوم تلحقوا الناس برة البلد ياخى إختشوا تضيقوا على الناس جوة وبرة

خبرات!!!!!!!!!! , وهل في عهد حكومة الزفت الوطني تحققت خبرة مكتسبة ؟؟!! من اين من مشاريع ابراهيم احمد عمر لتخريج الفاقد التربوي من جامعة زعيط ومعيط!!! ثانيا معظم المغتربين لم تساهم الدولة في مد يد العون لهم لتحقيق سبل الهجرة بل لاحقتهم بالخدمة الالزامية ووضع العراقيل وتدمير العلاقات الخارجية مع كل دول العالم حتي ن السفر والعمل الخارجي اصبح مستعصي علي السودانيين وقبل ثورة الزفت كان العامل السوداني مرغوب خارجيا ..احيييييييييييييييييييييييييييييييييييييييييييييييييييييييييييييييي منكم

هوى الحكومة اهلت زول ولا دربت زول ولا قرت زول الناس دى اجتهدت من عندها ويا ما عانت عشان تصل الى المستوى الى فيهوى دى الحكومة ما بتوظفك الا وانت تكون مؤتمر وسخى او تكون حاصل على تزكية من شخصية منهم او انتماء قبلى لعنة الله عليكم يا كيزان فى الدنيا والاخرة

كرمنو ده دحش صغير ولص كبير بكل ما تحمله الكلمة من معني وكان وزير الصحة بالولاية الشمالية وعاشرته والله اذا كان السودان بلد والله مثل هذا الرجل لا يصلح غفير ما اعتزاري للغفراء ولكن ادني درجة وظيفية حسب تصنيف مكتب العمل ولا نستغرب من مثل هذه الاقاويل
ونحن نطالب دول المهجر بالتعامل بالاقامات والغاء الجواز السوداني

كدا قولوا بسم الله الزول دا ما فال حاجة غلط ولا الموضوع دا لمس الريالات .يا اخى الارزاق بيد الله .انا ضد المعارضة والشتائم من اجل المعارضة.الحاجة التانية مكاتب امواج الخليج وغيرها مصت وابتزت كل من حابى يغترب .التعامل بندية هى التى تحفظ كرامتنا .واضح الكلام دا يا ناس طويل العمر وياعمى يعنى الكفيل . لنا عودة بان الله

ياجماعة الخير الموضوع واضح وضوح الشمس فى ظهيرة الخرطوم الناس ديل لم يطولوا اى مليم من السعودية والامارات والكويت منذ فترة طويلة خاصة بعد موقفهم الغبى من غزو الكويت ونسبة لفسادهم الذى شهد به العالم ويشهد عليه حال السودا ن والسودانيين ولاننسي كيف انهاالت الفلوس على مصر بعد سقوط مرسى مما اثارحنقهم وحفيظتهم فالعصا الوحيدةللرد وللاسف الشديد هى المغترب السودانى ولكن ححيكومتنا مازالت تسدر فى غيها فاغلب الظن انها ستجلد نفسها بعصا المغترب قبل ان تنال من غيرها

ياجماعة الخير الموضوع واضح وضوح الشمس فى ظهيرة الخرطوم الناس ديل لم يطولوا اى مليم من السعودية والامارات والكويت منذ فترة طويلة خاصة بعد موقفهم الغبى من غزو الكويت ونسبة لفسادهم الذى شهد به العالم ويشهد عليه حال السودا ن والسودانيين ولاننسي كيف انهاالت الفلوس على مصر بعد سقوط مرسى مما اثارحنقهم وحفيظتهم فالعصا الوحيدةللرد وللاسف الشديد هى المغترب السودانى ولكن ححيكومتنا مازالت تسدر فى غيها فاغلب الظن انها ستجلد نفسها بعصا المغترب قبل ان تنال من غيرها

قال رسول الله صلي الله عليه وسلم: ( دخلت النار امرأة في هرة حبستها حتي ماتت، لا هي أطعمتها ولا تركتها تأكل من حشاش الارض) . هذا هو حال هذه الحكومة التي تسولت حتي لم تعد هناك جهة لمنحها، ثم سعت لقطع الطريق، و الآن أعلنت الهمبتة عديل… يا أخ كرمنو: ألا يستفيد السودان من تحويلات المغتربين لذويهم؟ ألا يجنى السودان حصيلة عرق أبنائه متى ما عادوا؟ ألا يدفعون الضرائب والرسوم وغيرها من الجبايات؟ ألا يتعلم أبناؤهم بمبالغ طائلة يدفعوها رسوم؟ لماذا يعاقب الناس لمجرد ان إرادة الله الواحد الأحد قد شاءت ان يكونوا سودانيين؟ يا أخي هؤلاء تركوا لكم البلد بخيراته التي انعم بها الله عليه، بل ويحولون لكم حصيلة دخلهم ومع ذلك تعاقبوا من استخدمهم ؟ ان كان ذلك كذلك فعليكم الاستعداد لمواجهة أرتال العائدين ليزيدوكم خبالاً على خبالكم وبؤساً على بؤسكم . ولا حول ولا قوة إلا بالله

مافضل حاجة غير الجزية ….. يا الله افرضوها وارتاحوا.

البشير لن يتنحى عن السلطة مهما حدث ?ومهما استغفر عن خطاياه هو وعصابته ومهما أظهر الاستغفار والتوبة عنها في (الشهر الفضيل) فهو معروف منذ أن كان طالباً حربياً وسط دفعته باسم (عمر الكضاب) … ومصلحة هؤلاء الخنازير لا تستمر الا بوجود هذا التيس فى سدة الحكم ليس حبا فيه ..ولكن لأشياء كثيرة فى شخصية الرئيس من فساد وضعف ادارى ?فهم الان راتعون فى خريف السلطة والثروة دون حسيب ورقيب وخاصة اخوانه المليارديرات وزوجتيه ..هؤلاء لن يدعوا هذا المعتوه ان يتخلى عن الحكم ..زد على ذلك حبه الشديد للبقاء فى سدة الحكم والثروة ?. وكل ما يتفوه به ويوهمنا انه زاهد فى السلطة هذا كله ضمن اكاذيبه ونفاقه المعهود ?هذا لن يترك الحكم الا بموته او بقضاء الثوار عليه والايام بيننا .
البشير وعصابته الفاسدة ترتعد فرائصهم من (الجبهة الثورية) .. فهى تشكل لهم مصدر رعب و ذعر .. الرئيس عمر البشر و عصابته يعتقدون انهم سوف يحكمون السودان الى ان يرث الله الارض ومن عليها ?نسوا و تناسوا ان لكل جبار نهاية ? !!

انا ما عارف يا جماعة المسئولين ديل الواحد فيهم بضرب سيجارة بنقو (بحشش) ثم يأتي ليصرح ولاكيف؟؟ لقد فرضتم على المغترب المغلوب على أمره ضرائب وتحويل الزامي و زكاة ودمغة جريج وفضائية سودانية وجملة من التبرعات (الالزامية!!!) والدمغات مجهولة الابوين والهوية!! وبعد ده كلو دايرين تفرضو قروش على دول المهاجر التي تم الوصول اليها بشق الانفس!!! اذا انتو مساطيل وما واعيين فان دول المهاجر واعية يا هؤلاء!! ولا دي حرب جديدة على المغتربين!!!!
اما بخصوص عمل السودانيات كخادمات او مربيات كاسم دلع! لقد تنقلت في المهاجر لاكثر من ثلاثين عاما وما رأيته بأم عيني وما يمارسنة بعض اخواتنا وبناتنا السودانيات وبالاخص في الدول العربية، السعودية، ابوظبي، دبي، قطر وحتى سوريا يندي له الجبين! فهل الافضل ان تشتغل خادمة ام ان تشتغل حاجات تانية حامياني!!! هل الافضل ان تشتغل خادمة ام ترفد لنا دار المايقوما المغلوب على أمرها بمئات الاطفال!!!دعونا نأخذ الامور بمنظار المنطق والواقعية! أرجو أن نترك المكابرة ودس الرؤس في الرمال!! اذ كان لابد فلا بد ان نختار افضل السيئين!! افضل ان نختار اخف الضررين!!
اما السؤال الذي يفرض نفسه بالحاح! ما هو السبب الذي اضطرنا الى المهاجر!! ما السبب الذي جلعنا نقبل بأي مهنة مهما كانت وضاعتها الاجتماعية!! يا اخوانا ليس من رأي كمن سمع!! ونسأل الله السلامة!

رد الدول : وقف خبراتك و خليهم معاك و ما دايرين منكم اى خبرات و مليون دولة منتظرة نستجلب منها عمالة و خبرات و ما عندنا رسوم نقوم بدفعها ! عجبك كدا وله لا ؟؟؟؟؟ماذا انتم فاعلون ؟؟؟ يا جماعة لحدى هنا خلوها مستورة يا ك ر م ن و( كر بضم الكاف )

تلخيص الموضوع انو الحكومه حارقها تحويل المغتربين للنقد الاجنبي بطرق غير رسميه ( لانها بالطريقه الرسميه ستأخذها الحكومه ) لذلك هم يريدون ان يعوضوا ذلك باجبار المغترب بدفع التزام مالي سنوي او شهري تحت بند ( ايجار الكوادر ) ،،، ستقوم الحكومه بفعلتها المجنونه هذه ،،، سترد الدول بكلمه واحده ( لا ) ،، وهوا ستقوم السفارات بدورها وهو ( وين مساهمتك بتاعت كرمنو ) وهكذا الي ان تصبح حقيقه واقعيه وسيقوم اغلب المغتربين بدفعها وهم صاغرين ( للحوجه للاغتراب لمساعدة اهاليهم ليس لخوف منهم ) وهكذا ستُطبّق القيمع الشرائيه لايجار المغترب ورفد خزائن الدوله باموال كرمنو
وتحياتي

( كشفت وزارة تنمية الموارد البشرية عن اتجاهها للدفع بمقترح ينص على مطالبة السودان للدول التي يمدها بكوادر بشرية مؤهلة بدفع مبالغ مالية او منح نظير مايوفره السودان) والله الكيزان عايزين بطلعوا قروش من الهواء هو منو السودان بيمد كوادر بشرية ياراجل ديل سودانين هربوا من السودان وماشوا ضاقوا المر والهوان علشان يقدروا يحصلوا وظيفة ويعيشوا نفسهم واهلهم والاصدقاء الجيرات اي والله الاصدقاء والجيران وغايتو با الله ببركة هذا الشهر الكريم ان تخلصنا من هذا النظام الجائر ويا الله اجعل كيدهم في نحرهم وان يكون هذا الشهر نهاية هذا الظلم.

ما وروناالرأس بي كم

كيف يكن شكل الدفع لو فرضنا جدلا انو الدول وافقت .لان السودانيين فى المهجر لا يعلم عددهم الا الله والغالبية هاربين بدون مستندات وفيهم ناس عرفة ما بعرفوها . انسب اسم للمغتربين من السودان هو الهاربين لان الاغتراب ارادى .

هذا دليل آخر للفشل في ترتيب البيت من الداخل. ياخي شوف الدول كيف بتعامل مغتربيها وتستفيد من مدخراتهم وتحويلاتهم. أنا مغترب 35 سنة وسددت ما على من ضرائب بالكامل دون اكراه من احد وساهمت في كل ما طلب منا من مساهمات وعن طيب خاطر ولكن ماذا وجدت مقابل ذلك. لا شيء البتة. حتى قطعة ارض حصل عليها من إغترب بعد بأربعة عشر عاما لم أجدها من حكومات السودان. لا يسمح لي بادخال سيارة طيلة 35 عاما من الاغتراب تستخدمها اسرتي وأبنائي الذين عادوا من أجل جامعاتهم. دعك من العربية فليس مسموح لي بتلفزيون LED ويدفعونني الملايين كرسوم جمارك. تقدمت لقطعة أرض في الوادي الاخضر قال لي الموظف وهو بالمناسبة تم تعيينه خصيصا للتفاوض مع فئة معينة من الناس ومن جهات معينة في الوطن طلب مني مليون جنية زيادة لتسليمي قطعة الارض قلت له انني أتيت من أجل زوجتى المريضة بالسرطان وفقط انتهزت فرصة ان القطعة بالتقسيط ولا أملك المليون الزائد حاليا سخر منى وقال لي: وليه جاي لو ما عندك مليون. حاولت التقديم بصورة عادية كما الاخرين ولكنه خرج بسرعة وطاف على بعض المكاتب بسرعة البرق وحين خرجت منه وذهبت لمكتب التقديم تحاججوا حتى لا يقبلوا طلبي والطلب الان في حوزتي. لم أجد من اشكو اليه ولا أملك من الوقت ما يسمح لي بالطواف يمينا ويسارا لاجد من أشكو له فانا هنا في مهمة أتيت من أجلها ولا تقبل الانصراف عنها بامور أخرى. هل تصدقوني أن التونسي مثلا يدفع 15 ريال سعودي مقابل ادخال سيارة لاسرته. والاهم من ذلك أنني كما ذكرت لا أجد من أشكو اليه هذه المظالم التي أرفعها الى الله الواحد الاحد. أترك التعليق للقاريء و لاحول ولا قوة الا بالله. والان عرفوا أن المغترب لن يطيق أكثر مما أذاقوه فقالوا نذهب ونأخذ ما في النصيب ممن يستخدمونهم. سبحان الله من عدم حياء الفاشلين.