بعد منع طائرة البشير من عبور السعودية.. المعارضة ترحب بالقرار وتعتبر سفره في هذه الظروف سفاهة وعدم احساس بالمسئولية
قالت رئاسة الجمهورية السودانية إن السلطات السعودية منعت اليوم الأحد طائرة كانت تقل الرئيس السوداني عمر حسن البشير من المرور عبر أجوائها نحو إيران لحضور حفل تنصيب الرئيس الجديد حسن روحاني، في حين عبرت طهران عن أسفها لذلك.
وحسب بيان للسكرتير الصحفي في رئاسة الجمهورية السودانية عماد سيد أحمد فإن البشير كان يستقل طائرة مستأجرة من إحدى شركات الطيران السعودية في طريقه لزيارة إيران وحضور مراسم تنصيب روحاني.
وقال البيان السوداني إن الطائرة عادت اضطراريا إلى الخرطوم بعد أن رفضت السلطات السعودية مرورها عبر أجوائها، وأشار إلى أن قائد الطائرة المستأجرة أوضح لرئاسة الجمهورية أن الرفض تم بالرغم من إبلاغ سلطات الطيران المدني السعودية بوجود الرئيس السوداني على متن الطائرة.
كما أشار إلى أن الطائرة حلقت مدة تقارب ساعة جرت خلالها اتصالات بين الشركة التي تملك الطائرة وسلطات الطيران المدني بجدة بشأن إذن العبور، وأنه تم قطع الاتصال دون التوصل إلى منح الطائرة الإذن مما جعلها تعود أدراجها إلى الخرطوم. ولم تعلق السلطات السعودية على الموضوع.
المعارضة السودانية رحبت بالقرار السعودي
رحب معارضون سودانيون بقرار السعودية منع الرئيس السوداني من العبور إلى أيران. واعتبروا أن سفره يدل على عدم احساس بالمسئولية وسفاهة باعتبار أن آلاف المواطنين السودانيين يعانون هذه الأيام من حوادث السيول والأمطار التي أدت إلى تهدم البيوت وتشرد الأسر، ولم تقدم حكومة البشير أي دعم لهم، وعندما خرجوا يستنكروا تجاهل الحكومة استقبتلهم الشرطة التي تتبع بالكامل لحزب البشير بالعصي والغاز المسيل للدموع.
الجزيرة نت + الراكوبة
والله ماعارفين البشير هذا الاحمق حيودى السودان وين بعد قسمه إلى نصفين ,, وكل أحرار ومثقفى السودان ساكتين كأن البلد لايهمهم,, أين الشرفاء ؟؟؟,, أين الثوار الاحرار ؟؟؟؟ يا من تركتم البشير الاهبل يبرطع كما يريد كأن البلد ملك لابوه ,, سبحان الله
بلد في كارثه ,, والناس في العراء بيوتهم مهدمه ,, والرئيس يذهب إلى أيران ليحضر حفل تنصيب ,, أين العداله ,, ؟؟؟ والله سوف يسألك الله ,, يامن شايعت من يسبون صحابة رسول الله ,, ويتهمون السيده عاشه أم المؤمنين في شرفها
تصرف صائب من حكومة خادم الحرمين الشريفين. حكومة رشيدة جدا.
احصد ما زرعته يداك يا مكروه السودان..
و الله فعلا عدم إحساس بالمسئولية و سفاهة فايته الحد البلد غرقانة
و الناس مشردين أسر تشردت و بيوت تهدمت و أرواح زهقت و السيد الرئيس ماشي
إيران يشارك في حفل تنصيب رئيسها !!!!!!!!!!!! يا البشير ضيّعت البلد ضيّعت البلد
أسأل الله في هذه الأيام المباركة أن يرسل عليكم جنودا من عنده ليريح منكم الغلابة
المستضعفين و أن نراكم تساقون إلى المشانق
قراءة تحليليه لما وراء الخبر
من الناحيه السياسيه
ان تتخلى السعوديه عن هدوئها المعهود وتتخذ اجراء عنيف كهذا يعنى عدة رسائل واضحه ونقله نوعيه فارقه فى الملعب السياسى الاقليمى كل هذا مقروء بالاحداث الجاريه فى مصر عقب انقلاب السيسى والدعم القوى الذى وجده من قبل دول الخليج وعلى راسهم السعوديه مقابل رد الفعل الغاضب من الاتجاه الاسلامى بكل فصائله اتجاه ما حدث ضد مرسى فى تحالف نادر بين الاسلامين ولو شكليا وهى قرصه سياسيه قويه فى اذن النظام الحاكم فى السودان
من ناحية اخرى هى جرعه قويه للمعارضه المصابه بالانيميا السياسيه علها تدفعها للتحرك بقوة اكبر ان لم تكن قواها قد انهارت اساسا واحيانا طبيا الجرعه الزائده تؤدى لنتائج عكسيه
من الناحيه الامنيه هو اجراء سليم فى مجال الطيران المدنى حيث من ابجديات الطيران المدنى الحصول على اذن العبور قبل اقلاع الرحله حتى تحترم سيادةالدوله المراد عبور اجوائها هذا من ناحية ومن الناحية الاخرى حتى تتمكن من العمل على سلامة الرحله العابره وسلامة الطائرات الاخرى المحلقه فى الاجواء فى ذلك الوقت بمعنى نتظيم حركة المرور الجويه
اما عن الشان السودانى هذا الامر الجلل يدعو الى الحزن والاسى لما آلت اليه الاداره فى السودان
فرحله بمستوى رئيس دوله هى قطعا امر غاية الاهميه تستنفر له كل الامكانات منذ لحظة اتخاذ قرار السفر وحتى لحظة العوده واتخاذ كافة الاجراءات لسلامة الرحله لان هذا امر يخص سيادة الدوله
هذه الفضيحه الكبرى تعنى احد امرين
الاول ان السعوديه اعلنتها صريحه حرب ضد الحكومه السودانيه وفى ادناه تؤدى لقطع العلاقات الدوبلماسيه هذا فى حالة ان الجهات المعنيه فى السودان تلقت اذن بعبور الطائره الرئاسيه
اما فى حالة عدم الحصول مسبقا على الاذن بالعبور هذا يعنى شهادة فشل دوليه لامر الاداره بالسودان بكل مكوناتها السياسيه الامنيه الدبلوماسيه و المهنيه فى مجال الطيران
فى هذه الحاله ان تعتذر اولا حكومة السودان للحكومة السعوديه عن هذا الخطأ الفضيحه
والله يرحمك يا السر حسن بشير مدير الطيران المدنى فى عهد السودان الذهبى
اما ان كان هناك اذن مسبق فهذه مسالة اخرى تستدعى من الحكومة امر هى ادرى بعواقبه
فى كل الاحوال مطلوب توضيح رسمى وشجاع وشفاف حول هذا الحدث
الامثال السودانية بتقول : غل……وشايله موسا تطهر !!! عريان من ط…….. و لابسلو صديري !!!
سفاهة وقلة ادب وعدم احساس بالمسؤولية
هو البشير عندو وليدات عشان يحن عليكم !!!
السعوديين ديل ماعندهم لعب وما بعرفوا الدغمسة .. بشة بتاع الساعة كم بلاي
دي اسمها اهانة وذلة ومسح بالارض
خلوا ليه خشمه ملح ملح اب كرعينن زي عودالنبلة
يداك أوكتا وفوك نفخ ما عارف ايران والسعودية الشحمة والنار عايز تعبر اجواهم وتمشي تنصب الرئيس الايراني مهزلة وملطشة ما بعدها احسن ليك تعتكف في مبادرتك المامعروفة ما شة وين الناس غرقانة بسبب ايديك الملطخة بدماء الابرياء حفظة القران في دارفور عشان كدا حتى لامن نزل المطر لم ينزل في مناطق الزراعة في القضارف والنيل الازرق والمقينص بل نزل حيث لا يحتاجه الناس في حلفا القديمة والخرطوم وعطبرة ودمر أكثر مما اصلح عليك اللعنة إلى يوم الدين انت وممن معك من ا44لهنابيل يا هنبول
the oppostion is passive ,instead of stiring up the street they just issuing statment .
البشير ده مغضوب عليهو هد مطارد داخليا وخارجيا جوا وارضا وبحرا وسيعدب تحت الارض
لكن قله حيا شديده تمشي لايران ووطنك غرقان ده جورج بوش قطع زيارتو في اولمبياد بكين لما كانت الحرب مشتعله بابخازيا واوسيتيا الجنوبيه لكي لايموت المسلمون هناك وده كافر في عرفكم وعبيط عند الاخرين بعدين ياخ تمشي لايران ايران وعن طريق السعوديه
كم انت عبيط وماعندك لا ذوق لا مسئوليه
شكيتك يا يابا على الله يا المعولق الناس في شنو والحسانية في شنو طواااااااااالي عايز تسافر ولا مرة سفرك ده ما جاء في صالحنا تسافر ان شاء الله سفر من غير رجعة بركة الله و رسول الله …
في كوارث طبيعية زي يقطع رؤساء الدول التي تحترم شعوبها برامجهم الرئاسية وزياراتهم ويعودوا إلى بلادهم للوقوف إلى جانب شعوبهم ولكن في بلادنا يحصل العكس .. الرئيس ومعه عدد من الوزراء يتركون الناس يواجهون الكوارث ليذهبوا إلى ايران لمشاركتهم احتفال تنصيب رئيس !!!
من هم الرؤساء الذين ذهبوا اليوم إلى ايران ؟؟
رئيس كازخستان – رئيس أفغانستان – رئيس تركمانستان – باكستان – أرمينيا – طاجيكستان – توغو – سريلانكا –
فلماذا يذهب البشير ؟؟
والغريب ان الطائرة مستأجرة !!!!
والطيارة مستأجره !!!!!
يا عمر البشير عمره ليك مافي
يا عمر البشير تاني حجة ليك مافي
بالله هذا الارعن بدلا ان يشركنا كوارث الامطار مثل رؤساء اللدول المحترمين يذهب يجامل في محفل تحصيل حاصل وثمن تاجير الطائره وغيره من المنصرفات والنثريات كان اولي بها المتضررون يا حمار اخجل اخجل واحفظ ماء ولحم وجهك اصبحت منبوذ كالبعير الاجرب وسط القافلة الله يكسفك اكثر واكثر لمتين تظل هكذا وبعدين ماهي قدرتكم ورجولتكم لتقريع السلطات السعودية لا وزن لكم حتي مع الصومال انتم محتاجون لهم لا هم لحمتكم كم وكم من الدول تصدر لهم متي تتعلمون لو اولاد سعود طلعوا ليكم عسل ما تلحسوهم لحس وفي النهاية في انتظار تحيتكم للسعودية
“واحدة من بلدان المرور لمسار الرحلة منعت الطائرة التي تقل البشير من المرور”
____
وبلدان المرور دي طبعا السعودية والسعودية والسعودية ولا ننسى طبعا السعودية والسعودية يعني عمك تاني الا انزل الردمية واجي شاقي بالعراق ولا ياخدلو شبحة والف باليمن يعني عايز ليهو بي ففتي تو او مكوك فضاء اوتنكر طاير عشان اكب ليهو وقود في الجو او اكون ذكي ويركب التنكر ذاتو بس واريحنا من الطيارات الكتيرة دي
خير ما فعل السعوديون لان هذا البشير ليس له مرة رحمة شعبه في العراء وهو يطارد الحفلات عار عليك يا شيخ انظر الي شعبك
بشة البشكير يستاهل عشان سايب شعبو في كوارث وماشي يزور ايران وكمان سايق معاهو جوطة بتاعت ناس …
عارفنو ماشي ليه .؟ ماشي يشحد ليكم لانه كل الشباب خلو الزراعة والانتاج وكل واحد عمل ليهو لابتوب وبقا معارض ..بلد يشقها اكبر انهار العالم والناس تشتكي من الجوع .؟؟؟
للأسف الممملكة العربية السعودية تقول أن إرجاع طائرة البشير كان لأسباب فنية وأن الخطأ يقع الجانب السوداني الذي لم ينسق مع الشركة التي تتبع لها الطائرة . وأن الممملكة العربية نفسها أرسلت وفداً لإيران للإحتفال بتنصيب الرئيس الإيراني الجديد الريحاني.
طائرة الدواسة والخيابة والخساسة وين بقيت تستاجر في الطائرت أم بقيت خائف من تتبع سفرك عشان كده بقيت تستأجر في الطائرات من شركات أجنبية للتمويه وبلا خجلة كمان مستاجر طائرة سعودية عشان تمشي بها إلى إيران عشان المخابرات والإعلام الإيراني يستغلها كدعاية وربما لخلق فتنة بين دول الخليج للترويج بأن شركات الطيران السعودية تقوم برحلات لإيران تمام سافل ومنحط ووقح هذا جزاء المملكة التي إستضافتك لعلاج السرطان الذي أصاب بالوعتك القذرة تمام زي ماقال المثل السوداني ديل الكلب عمره ما يتعدل
هعهعههعهعهعهعهعهعهعهعهعهعهعهعهعهعهعهعهعهعهعهع
اللهم لا شماته
بس كدا يا بشبش عملوها واضحه لكن
ما اشكال يا بابا بكره ان شاءالله تسافر
ما معروف احتمال الطائره تغرق فالسحاب
هعهعهعهعهعهعهعهعهعهعهعهعهعهعهعهعهعهعهعهعهعهعه
ولا توحل فالمدرج لمن تنزل
هعهعهعهعهعه
لان السعوديه كان غيها امطار حفاظا علي سلاماتك وبس
في واقع الامر فان العلاقة الحسنة بين السودان البلد والحكومات الخليجية تتركز في الاثر الطيب الذي تركه ويتركه السودانيون العاملون في هذه الدول حيث رسخوا صورة طيبة للفرد من حيث النزاهة والمروة ولو لا هذا لما كانت هناك علاقات منذ قصة غزو صدام للكويت وموقف الانقاذ الاعوج،،، ولا تفوتن ذاكرتكم القراء الكرام أحاديث يونس الملقب بـ THE WOOFING DOG OF THE GOVERNMENT وشتائمه الكريهة التي وجهها لقادة ذلك البلد ووالد اسرته المالكة ومن ولد ولكن رغم ذلك تغاضوا وصفحوا وتبرعت السعودية ممثلة في وزير داخليتها المرحوم نايف بعدد كبير من سيارات الشرطة استلمتها الانقاذ بقوة عين يا حبيبي،، رغم موقفها في غزو الكويت وعواء يونس ضد هذا البلد،، ولعل الذي دعى السعودية لاتخاذ هذا الاجراء هذه المرة وهو أمر ليس بهين دبلوماسيا وبروتوكوليا موضوع خطير جدا ستكشف عنه الايام وليس للبشير هذه المرة تبرير ليقول للذي اصدر قرار منع عبوره هل هانت الايام عليك ولاهنت عليك أنا وين عطاياك الزمان وين اغاثاتك كم سنة،، فالسبب يبدوا انه اكتشاف السلطات السعودية شيء يمس امنها القومي ويرتبط بموقفها تجاه الحركة الاسلاموية في مصر وسوريا وهو موقف نقيض موقف الانقاذ أضف الى ذلك موضوع المنشأة العسكرية السرية في جزء من ميناء بورتسودان والذي كشفه موقع ديباك فايل الاسرائيلي وكذبه الناس إلا ان تجميع شتات هذه الجزئيات يؤدي الى فرضية أمر يمس الامن القومي السعودي لأن الخليجيين عامة أهل حكمة في اتخاذ مثل هذه القرارات ولا يتهورون كما أنهم لا يتخذون قراراتهم اثناء أغاني الحماسة التي لا معنى لها وأغلبها كضب في كضب،،،
وقد استفاد أهل الانقاذ من سمعة الخبراء السودانيون العاملون في دول الخليج في شتى المجالات حيث أنهم لهم قدرة في سرقة جهود الاخرين والاستفادة منها وتجييرها أي نسبتها لهم أو صبغها بانهم هم من وراءها وكلا التعريفين صحيحين،،، ولم يتعظ الانقاذبون من ما حدث للاسلامويين المصريين في الامارات ،،، ومن دون شك فان التنظيم العالمي للاسلامويين يحاول تغيير الانظمة الخليجية ولهم فيها رأي رغم ان الكثيرين منهم عمل في هذه الدول اما منتدبا مثل الرئيس البشير الذي عمل منتدبا في الدفاع الاماراتي أو الطيب مصطفى الذي سافر على نفقته الخاصة أو المتعافي الذي ظل يبحث عن ممارسة الطب في السعودية لفترة ،،،
وفي الحقيقة لن تفصح الحكومة السودانية عن السبب الحقيقي لمنع الطائرة من عبور الاجواء السعودية أولا بسبب انهم لم يقع في خلدهم حدوث هذا الامر لما لقوه من صفح ومعاملة ليست بالمثل من ذلك البلد المستضيف لحجاج بيت الله الحرام وتوزيع الأكل والشرب لهم مجانا طوال ايام فريضة الحج
وهي تكاليف تسيل لها الشلاليف لو وجد فيها أهل الانقاذ فرصة تحصيل وما الكعبة الافتراضية التي اقاموها تدريبا برسوم عنا ببيعد للتأكيد على ذلك،، ولكن لو الله قال بي قولم وحاولوا لي عنق الحقيقة واللف والدوران فسيخرج لهم السعوديون اسباب المنع في العلن وما قصة مصطفى عثمان حينما وصف السودانيين بالشحاتين فأخرجوا له الفيديو فسكت ولو كنت في مكانه لمت من هول هذه الحقيقة الباهرة وما اتكلمت في خير أو شر،،،
المسألة لن تتوقف علي السعودية لوحدها ستتبعها دولة الأمارات العربية المتحدة التي عانت من الإخوان المسلمين وكذلك ( ربما ) قطر التي تحاول تغيير منهج سياستها الخارجية تحت قيادة الأمير الجديد. وبهذا يضيق الخناق علي نظام الخرطوم ورئيسه.
وإذا ما قُدر لقطر- التي تلعب دور رئيسي في محاولة حل مشكلة دارفور- الإبتعاد عن الإخوان المسلمين… فهي بالتالي ستبتعد عن السودان مما يجعل قضية دارفور في مهب الريح. وستمتنع هذه الدولة عن تقديم أي دعم مادي لهذا النظام.
ربما أحس البشير بهذا التحول لذلك لجأ إلي إيران … إلا أن إيران أصبحت – بعد الذي حدث – بعيدة عليه كبعد أمريكا من الخرطوم.
لقد صبرت الممملكة العربية السعودية طويلاً علي ألاعيب النظام وإستشعرت بمهددات أمنها من جانب علاقة البشير بإيران من لدن حرب الخليج إلي إرساء البوارج الإيرانية بميناء بورتسودان.إضافة للمد الشيعي بالسودان.
نظام الخرطوم صار منبوذا من كل الدول العربية والذي حدث من جانب الممملكة العربية السعودية سيجر معه مصائب كثيرة علي السودان ستتأثر معه كل الإستثمارات العربية والسعودية علي وجه الخصوص بالسودان
اجمل ما في هذا التعليقات جميعها ليس هنالك تعليق يؤيد الهوان الاسمه بشير .. وهذا يعنى ان نهايته قريب .
هذه هي دعوات المظلومين الذين يبيتون في العراءمع اطفالهم واسرهم في العراء وهو ينام في قصره قرير العين ياكل من الموائد وهم يتسولون الفتات
في ملاحظة صغيرة السودان ما عندو طائرات علشان الرئيس يستأجر طائرة دي ما فضيحة دولة طول في عرض ما عندها خطوط طيران و لا طائرة رئاسية الله يقطع ابو حمدي الخصخص ام اهلنا
كسرة ثابتة من الاستاذ الفاتح جبرا ( اخبار خط هيثرو العند النائم العام شنوووووووووووووووووو)
انتم معارضة من اجل المعارضة فقط واكاد اجزم ان وطنيه بقرش واحد ماعندكم فرقوا بين المعارضة واهانت راس الدولة الذى هو اهانة للشعب السودانى كله …اتقوا الله فى هذا السعب الذى تمت اداسةﻻكرامته للاخر انظروا للمصرييين فى معارضتهم تعلموا منهم واتقوا الله فى هذا الوطن حتى ولو اختلفنا مع البشير اهانة راس الدوله اهانة للامة يفترض ترجعوا المدرسة وتاخدوا دورات محو اﻻمية فى مجال ااوطنيه ياهوﻻء
السعوديه تعلم جيدا ان هذا المسخ ذاهب لايران لبحث دعم اخوان مصر
والسعوديه رافضه الاخوان وكده قطعت الطريق علي المسخ واخوان مصر وايران
اللهم شمتنا كمان وكمان في هذا المسخ
اللهم اذقه من الذل بقدر ما اذاق الشعب السوداني
والتحيه للسلطات السعوديه التي اتخذت القرار
لافرق بين عسكر السودان والسيسي المصري , لكن سؤالي , اين الشعب السوداني,
البشير مرفوض من كل العالم, لاعماله التي تتنافي مع القيم الانسانيه , شعب يعاني الفقر والجوع , والقمع , وهو ياجر طائره خاصه بملاين الدولارات في حين ان شعبه الان يعاني من سقوط الامطار الغزيره , مراره العزاب وهو لا يبالي للقيام بزياره ايران, ياريت لو السلطات السعوديه انزلت الطائره وسلمته لوكامبو.
السعودية معها الف حق بل اكثر من ذلك حيث لا يخفى على ذي بال تعاطي نظام الخرطوم ذو الوجهين مع ايران وفي نفس الوقت يلعب على السعودية ويطلب منها العون والمدد وفي نفس الوقت يستأجر منها طائرة ليهبط بها في ايران ثم يتركها في عهدتها لفترة من الوقت ليعود بها مرة اخرى لتعود الطائرة الى حظيرتها في السعودية وقد تكون ايران فعلت فيها ما فعلت…..!!!
البليد هو من لا يقرأ خارطة الاحداث السياسية في الوقت الحاضر بطريقة صحيحة ولا يعرف من اين تهب الرياح ولا الى اين تتجه العواصف فيضيع في خضم مواقفه الضبابية ويكفي السودان ما ناله في عهد نظامه البليد…….
تصرف سليم من المملكة اذا جارك لا يحترمك كيف لك ان تنذره على ما يذهب اليه مع ايران وهي دولة معروفة تكن العداء للدول . واعتقد ان بعض الحليج كان ينبغى عليهم ان يسمعوا كلام السودانيين الوطنيين بدلا ان يجروا وراء كيزان اوهموهم بالاراضى ا لزراعية بالسودان نحن تضررنا من تقارب الاخوان معهم وكتبوا عنا كذبا ونفاقا والجماعة خصصوا لينا اقسام كاملة لترافبنا بناءا على اكاذيبهم وتلفيقهم واخيرا اكتشفوا زيفهم وكيدهم والحمد الله العارف عز مستريح رغم تكالب اعوانهم علينا وا عتقد ان السعودية ادركت انرهم اخيرا وامل ان يدركوا الاخرين اقاويل الكيزان وكذبهم وتلفيقهم في ابناء دارفور وكردفان فهل ملموا الذين يراقبونا كل يوم
التوقيت لسفر الرئيس في هذه الظروف التي تمر بها البلاد من سيول جعلت اهلنا في العراء دون مأوي ومأكل — لم تقوم الحكومة بما عليها تجاه اهلنا في هذه الظروف — وحتي اعلامنا المسموع والمرئي والمقرؤء بعيد تماما عن الحدث وماذالوا يبثون برامجهم المليئة بالاغاني كأن شيئا لم يكن –وليس مستبعدا ان تكون الحكومة منعتهم من ذلك -البلد في اذمة حقيقية ليست مالية فقط ولكن اخلاقية قبل كل شئ واذا اصيب القوم في اخلاقهم فاقم عليهم مأتما وعويلا
1) ماذا حدث للطائرة الرئاسية التي تم شرائها من روسيا وهي من طراز Il-62. كلفت الخزينة عشرات الملايين من الدولارات. يبدو انه قد تم تلجينها كما لجنت زوجت البشير الاولى.
2) السعودية قطعتوا ناشف معاك ياعمر السجم. تاني لو داير تمشي ايران الا تركب سنبوك من سواكن وتمشي تهريب.
1) ماذا حدث للطائرة الرئاسية التي تم شرائها من روسيا وهي من طراز Il-62. كلفت الخزينة عشرات الملايين من الدولارات. يبدو انه قد تم تلجينها كما لجنت زوجت البشير الاولى.
2) السعودية قطعتوا ناشف معاك ياعمر السجم. تاني لو داير تمشي ايران الا تركب سنبوك من سواكن وتمشي تهريب.
عمك البشير طلع من التونسية المر دي بألعجوبة _^..^_ بلاش من فردة مركوب نمر ~ يعني ركبو علي عثمان محمد طه التونسية؟ الكسوف جاء من الكافوري
قمة الغباء الدبلوماسي الحمير ديل مسافرين بطائرة سعوديةمسافرين لاكثر دولة عدائية للسعودية … والله دي مستجد دبلوماسية ما يعملها…ما يعملها… الله يعملكم كفته ومن جعب……تك ديل …. ايران ما لنا ومال ايران احنا ياسجم يا كرور الحكومات…. حليلك يا المحجوب يا ابو الدبلوماسية
وين ماشي الناس غرقانين الله يكسر كرعينك المعوجين ديل
*اها يا كاتم السر سكينوجووّا بعد دا ابو هاشم “المقوّس ضهرك زاويه حاده تبوس ايدو” برضو حيقابل البشير لمناقشة حصةالحزب فى التشكيل الوزارى؟ والله وبالله يلحق لمّن السعوديين يسمعو بخبر زى دا الله اعلم تانى مولانا يعتمر ..طبعا لن يسمح له بدخول الكعبه المشرّفه .. قال ايه قال جاهو واحد مسكو من ايدو وطلع بيهو بالسلم الى اعلى البيت العتيق..!!
* الصادق المهدى ليه ما مشى لحضور احتفالية التنصيب فى ايران .. ما دعوهو؟ ولآ اعتذر..لدواعى مشغوليتو بالتجهيز للتعبئه من بعد التوقيع!! هل حيرفع التوقيعات للبشير بعد اللى حصل ليهو دا؟
* ليه مؤجرين طياره سعوديه وسواقا ما سودانى!! ايه عبث ألأطفال هذا؟ تمويه؟ مستشارين البشير ما فيهم زول رشيد!! هو بالله شوف مساعدينو !! هو معقول السعوديه تخلى طيارتا تنزل فى ايران؟؟ يا ناس صاحب العقل يميز..
* فضيحه بجلاجل تبين فشل ذريع داخليا وخارجيا..ايه اللى حصل لسفراء السودان!! لسّا الناس ما نسوا السفير بتاع نيجيريا وجليطتو .. يطلع بتاع ايران بجليطه تانيه!! بالله يقولو عليهم شنو!!! قال دوله من بلدان العبور.. ديل تانى بيقدرو يقابلو سفراء الدول ألأخرى ؟ وباى وجه؟ هل سيجدو اى احترام؟ وزير الخارجيه ذات نفسو ما اظنّو تانى يقدر يدخل اى عاصمه خارجيه الآ “روما” و بس بعد المغرب!!!
طيارة جات بفوق …ماشة لبلد مسيئ الفاروق
حلف ابو متعب حالا ترجع الخرطوم
قالولو عيب عينك عينك تمر بسمانا بفوق
انت قايل سمانا مفتوح ولا وزيرنا زولا عولاق
عيب تؤجر طيارتنا وفيها شعارنا وتمشي بيها لعدونا
اظنك فاكرنا نايمين وما حارسين سمانا وربوعنا
خلي عندك دم وشوف ناسك بتموت بالمطر والجوع
مش كان احسن تواسيهم وتكفكف دمعة كم مفجوع
وانت ما هاميك.
خامي معاك كم صعلوك وجربوع
سيناريو اللحظات الاخيرة
الطائرة دخلت الاجواء السعودية
كابتن الطائرة:الو برج المراقبة فى طائرة يجى من سودان
برج المراقبة :مين معاك وماشى وين
كابتن الطائرة : ينادى للسكرتير الخاص صديق انت فى يجى مين فى هذا صديق وين روح
السكرتير: انت ما فى معلوم هذا فى رئيس سودان هو فى يمشى ايران
كابتن الطائرة:برج المراقبة هذا فى رئيس سودان هو كلام فى روح ايران
برج المراقبة: ويش تقول ايران دقيقة صديق انا فى كلام مدير كبير
فى هذا الاثناء الشمطاء حاصلة فى الطائرة بين الجماعة والكابتن
كابتن الطائرة : ايش صديق انا فى دور دور دحين فى واحد ساعة ايش هذا..
هذا مافى رئيس ممكن انت فى زقاق .انت مافى كلام سيدا !!!!!!
برج المراقبة: طال عمرك الله يسلمك هادول يقولون معهم الرئيس السودانى يقول الله يسلمك راحين ايران
مسئول المراسم :وش تقول ايران الله يرجك ايش هذا دحين من الصبح الواحد يسمع خبر زى هذا اصبر اصبر
مسئول المراسم:يتصل على طول بالملك عبد الله يا طويل العمر معنا الان طائرة ما ادرى يقولون فيها الرئيس وش اسمه هذا.. طال عمرك البشير ورايح ايران وش تأمر
الملك: هذا البشير صجانا اقول لك شئ قوله اقلب وشك والله سودت وجوهنا
انتو ناس الحكومة ديل ما قالوا قاعدين يصنعو طيارة بدون سواق اسمها ابابيل …. طيب ما يركبها الريس البشير في سفرياتو بدل ايجار طيارات الناس … بعدين.. لو كان سافر بطيارة ابابيل ماركة جياد كان السعودية ما قدرت ترجعو … عشان الطيارة ما عندها سواق تتكلم معاهو السلطات السعودية وتطلب منو اذن المرور …. الطيارة بتكون مبرمجة الخرطوم- طهران … والعودة ممكن الايرانيين يركبوا صاروخ شهاب2 عابر للقارات مبرمج طهران كافوري…. خسارة والله ريسنا يتبهدل ذي الزول الجربان الناس كلها تحوشو …. اخخخخخخخخخخخخ
الفرحة دي من شنو ؟؟؟
اللهم لا شماتة , اللهم لا شماتة و اللهم لا شماتة
ما قادر يا اخوانا ..
قولو معاي :
سفري السبب لي عنايا ***
قولو مع منكوبي الامطار:
السفر ملحوق ولازم انت تجبر بالخواطر
***
****
*****
غايتو لو شفقان علينا ما أظنك يوم تسافر
انتو بشة ده تخانة الجلد و تقالت الدم دي جايبا من وين؟
خلونا من الغباء و الأمية السياسية و موقف السعودية من الأخوان و إيران و الذي منه ،
بالله الما بيخجل دا السعودية دي أمس ما عالجتو من السرطان !!
تمام الحسنة في المنعول زي الشرا في القندول .. (أقصد القنقر) !!!!
اولا نهنى الشعب السودانى بهذه الخطوه المباركه من المجتمع الدولى .والاقليمى .و خاصتا من حكومة خادم الحرمين الشريفين .على هذه الخطوة المباركة .بمنع هذا السفاح بمروره الى ارض الفتنه ((ايران))وقد اصبح شره لايقتصر على الشعب السودانى وانكان الشعب السودانى له نصين الاسد من شره..الا انه اصبح فتنة والفتنة لاتصيب الذين ظلمو خاصة..بل شره استفحل وعم كل ارجاء الدنيا…فنقول ايدك الله يا خادم الحرمين .وبخطوتكم المباركة هذه انما رسمتم البسمة فى قلوب الملايين من السودنين وغير السودانيين فباسم كل المساكين والضعفاءوكل من رسمته البسمة فى وجهه بغراركم الصائب .نحييك من داخل المملكة العربية السعودية حكومتا وشعبا .ونقول ان الشعب السودانى برئ من اعمال هذ النظام… اللهم ضيق عليه الخناق وارح منه العباد
الموضوع ( الركشة الرئاسية ولغة الجوكية) ___ بكل بساطة جياد جمعت كمية من الركشات وسوتهن طيارة رئاسية وبعد منافسات تم إختيار الطاقم من الجوكية شان كده الحنك كان بالراندوق وبرج المراقبة فى جدة إعتبرهم كائنات فضائية ____ الحكومة الأوانطجية تناشدالجالية السودانية بالذات فى جدة بنشر لغة الراندوق من باب الوطنية حتى لا تحدث مشاكل مرور مستقبلية ___ خالص إحترامى وتقديرى لسائقى الركشات وكل المكافحين فى بلدى
الطياره الرئاسيه مالا لمن يركب ليهو طياره مستأجره؟ والله في الحقيقه سفيه بالجد كده والمعاهو اسفه منو
لماذا هذا الجبن والخوف من السفارة السودانية فى الرياض لماذا تخشى اذا ذكرت ان السعودية منعت اعطاء الاذن بالعبور فهذا هو دائما موقف سفارات السودان بالخارج والسعودية قامت بعمل يعرف فى الدبلوماسية بالعمل غير الودى فالعلاقات السودانية الايرانية شان يخص الدولتين ولا علاقة للسعودية بهابغض النظر مايربطها مع ايران.وهذا بطبع لا يمثل دفاعا عن نظام المؤتمر الوطنى الفاشل الذى قسم بلادنا وشرد اهلة وافقرهم ولكن الاعراف الدبلوماسية كانت تقتضى السماح لة بالعبور لانة يمثل رمز لسيادة دولة تربطها بها علاقات ازلية
على عصمان وجماعتو الكانوا فى وداع الرئيس ورهطو وهم فى طريقم الى حفل التنصيب فى طهران (بالمناسبه
وزير الزراعه سايقنّو معاهم ليه .. موش كان اولى بالرفقه احمد سعد لتوسيع قاعدة المشاركه لأحزاب الحكومه الوطنيه الرشيقه العريضه )هل جماعه النائب ألأول ديل وكل المودعين رجعوا بيوتم بعدما الطياره المستأجره قلعت من الخرطوم؟ هل بسلامتهم رجعوا تانى المطار لزوم استقبال الرئيس فى رحلة العوده الميمونه؟ الشعب السودانى نفسو يعرف الرئيس قال شنو للمستقبلين لما نزل من الطياره السعوديه..ان كان سلّم عليهم؟ هل مر على غرفة كبار الزوار واعطى اى تصريحات عن الزياره وعن نتائج لقاءاتو مع الرؤساء(وعما اذا كان قد التقى احمدى نجاد) على هامش الزياره.. هل الصحفيين حصّلو جو راجعين ولآ اصلن ما طلعو من المطار …انه شيء عجاااب .. ما انسمع بيه لا فى الأولين ولا فى ألأخرين ..
* سؤال اخير ذو شقين .. (1)مسؤولين من الخير … د. احمد عصمان بلال وزير ألأعلام ما انسمعلو حس من زمن كلامو عن المؤامره التخريبيه ..لعل فى الأمر السلامه!! (2) احمد البلال التانى ( اللى كان “فى الواجهه”) لعلّو طيبه ..طوّل ما انسمعلو حس ولا اطل بطلعتو على الشاشه منذ زمان ليس بالقصير… ما يكون انزلق من ال “كفر” (بفتحة على التلاته حروف.. الكاف والفاء والراء) اللى كان طالع فيهو .. لا يكون استنفد اغراضو!!!
كخكخكخكخكخكخحخخخخخخخخخخخ
ناس السعودية قطعا الاتصال ولم يدوا الطيارة اي اذن
بلا ايران بلا لمة ………. الزول دا بفكر كيف . يا خ اقعد حل مشاكلك الفي البلد بدل ما تجيب لينا كفوه جديدة ..ضيعت السودان انت و المعاك الله يضيعكم ويجهجهكم دنيا واخرة ..
سفاهة وتفاهة وغباء وحماقة الناس في شنو وزولكم في شنو الرجاء عرض حالة الزول
للطبيب النفسى لمعرفة مدي القدرات العقلية
لانو ما ممكن مصير البلاد والعباد تكون في يد واحد مغفل والبفية الحاكمة تنهب مقدرات
الدولة وتوجهها لمصلحتها الشخصية مستقلة ضعف الزول
ياجماعة كل الناس البتعلق دي لو اتلمت وعملت تحرك جماهيري في الخرطوم والله بيكون افضل وياجماعة ماتخشوا من جهاز الامن ده جهاز ارزقي شغال سمسرة وتسجيل اراضي والنظام ياجماعة برك للضبح بس منتظر السكين ، وقبل كم في حامية في دارفور استولت عليها الجبهة الثورية قائد الحامية طلع ضابط في سلاح الموسيقي وجد النظام وصدقوني وقفه قوية في الخرطوم مع الكيزان الحرامية بقوموا جارين طوالى علي قصور ماليزياحتي وداد بتشرد والبيضيع فيها اب زهانة واللمبي .
تلق البشير صفعة قوية في وجهه و وجه كل المؤتمر الوثني ولايستطيع ردها ولا بكلمة حتى وكان راجل يرد انشوف الليلة
يعني سايب البلد و خالي الناس الغلابة غرقانين في السيول والوحول ماشين ايران عشان تحضروا حفلات الهلس فب فنادق ايران مع الشيعة المجوس ديل؟؟ … يامجرم حرب تستاهلوا دهية تاخدكم
التحية للسعودية حكومة وشعبا الذين لقنوا هذا الافاك وعصابتة درس لن ينساه ابدا ..وخلونا نفش غليلنا ونبرد قلبنا……… نحن الشعب السوداني الملكوم
والله كان ينزلوه في السعوديه ويشوفو ليهو بنقالي ويقول ليه انت مافي معلوم صديق هذا طياره سعوديه انت مخ مافي في روح ايران انت في شيعي والله انت مخ تعبان روح يلا انقلع !!!!!!!!!!!!
الحمدللة واللة عجبني أول ماسمعت الخبر امس لعدة اسباب ,
*أول شيء وين طائرة الرئاسة السودانية الخاصة ؟ عطلانة ولا خايف البشير منها تقع بية .
*تاني شيء ,طالما البشير مستأجر طيارة من الخطوط السعودية , فاللخطوط السعودية الحق في منعها من وجهات معينة ليس لها تعامل مباشر معها كأيران.
*من المعروف ان العلاقات بين السعودية وايران ليست جيدة , فليس لنا مصلحة في توتير العلاقة مع السعودية او استفزازها كفاية زيارة البشير السابقة لايران وزيارة نجاد مؤخرا للسودان وزيارة البارجات الحربية الايرانية للسودان , دا كلو ماكفاك يالبشير وصلت اخرها بي طيارتنا وعبر اجوائنا !
*انشاء اللة بعد الملطشة دي كلها تكون فهمت حاجة يابشير و تراجع حساباتك .
في مثل هذه الحال التي يعيشها السودان هذه الايام ، الرؤساء العاقلين في الدول العاقلة يقطعون زياراتهم لمواساة شعوبهم المنكوبة ولكن مثل هذا الابله الذي ابتلي به السودان يستعد للسفر لحضور (الربة)..؟؟
وبدون ادنى حس دبلوماسي يؤجر طائرة سعودية ليحمل عليها آيات وملالي ايران ويريد ان يعبر بهم الاجواء السعودية وهم ألد اعداءها..؟؟..لا انسانية لا احساس لا دبلوماسية ..؟؟..العياذ بالله ….؟؟
ولا يهمك يا البشير ربنا ماقبل زيارتك لايران ولا حتي مشاهدة بيته الحرام
رئيسنا اسد افريقيا
جيد لينا
الفز من نيجيريا
جيد لينا
رئيسنا اسد العرب
جيد لينا
البحب الطرب
جيد لينا
حاكمنا بالعكاز
جيد لينا
حموه يعدى الحجاز
جيد لينا
الماشى لايران
جيد لينا
البتدعم الكيزان
جيد لينا
البتزايد بفلسطين
جيد لينا
وبتحرق المسلمين
ووب علينا
الدمرت السوريين
كر علينا
كان راجين منك عمار
طز فينا
يعنى انت ماشى ايران وكمان بطيارة سعودية!!! ما شاء الله على الذكاء العسكرى, وبعدين وين طيارتك الرئاسية فى الورشة ولا فى مشوار خاص بالنسوان؟؟
برافو السعودية لكن اقترح عليكم في المرة الجاية تفتيش عفش المسافرين جيداً لانه احتمال كبير ان يُهرّب البشير الي ايران في بُقجة كبيرة او حتى تابوت بعد فشل تهريبه بطائرة خاصة خذوا حذركم وفقكم الله
نعلن للسادة القراء انه سوف يكون هنالك سبق للحمير الماكدية .. هنالك جائزة مقدرة علي الراقبين بي المشاركة التسجيل عبر البريد الالكتروني التالي .. سيول جوع تشرد دوت كوم
الواحد بعرف اذا بلدك فيها كوارث وسيول وامطار وغرق بتابع مع ناس الطواري ، وين من ( لو عثرت بغلة بالعراق لرأيتنى مسؤلا عنها يوم القيامة لما لم اسوء لها الطريق ) دا المسمينك علي اسمو زوراً وبهتاناً .
الطائرة مستأجرة بالدولار …من الخرطوم الي طهران …تخيلوا معي كم عدد المنازل التي كان من الممكن اصلاحها من منازل المتأثرين السيول والامطار … ورئيس المتأثرين ذاهب لتهنئة الشيعي الحقير روحاني بالتنصيب ..ليتها كانت مشنقة ….. عجيب امركم يا حكومة
هذا الريئس اساء لشعب السوداني الكريم الذي كان قادتته يترشحون لرئاسة الامم المتحدة ويمثلون العرب والافارقة في جميع المحافل الدولية والاقليمية ومافعلتوها السعودية شئ طبيعي لان الدول التي تحترم الانسانية لاتستقبل في اجواءها مجرمي الحرب والارهابين الذين يقتلون شعوبهم واتمني يشمل هذا القراركل منسوبي النظام حتي نرتاح من امراء الحج الذين يحجون علي حساب هذا الشعب الغلبان واقترح ان يبقي البشير لتمثيل الداخلي ونجيب محترف لتمثيل الخارجي وايه دبلوماسية هذا التي تستبدل علاقات السودان الاستلااتجية بعلاقات مع الدول المنبوذه ومعزولة من العالم وبعدين ماذا يستفيد السودان من ايران غير المصائب والمشاكل
بالله دا وقت يسافر فيهو رئيس دولة والمصائب تضرب الوطن من كل اتجاه وكما لتنصيب رئيس فارسى شيعى يا اخى اتقى الله فى نفسك وفى امتك فالله سائلك عنهم يوم الحساب
حليل زمن كان فى حكومة وفى رئيس وهو من اصلو فى رئيس عشان يحس بالمسؤولية
Subject: السيل ريس البلد وينو لا بان ولا طله لا جانا يتفقد لا زارنا في الحله لا شاف وقع كم بيت لا جاب طحين لا زيت لا كفن الميتين الماتو جوا السيل لا جابلو طوريا ساعدنا شد الحيل وأصبحنا نص الليل ما جانا منك زول ولا طله منك زول فاطر في كافوري وشعبك فطورو أنين نايم وتتقلب وشفع كتار صاحيين متوسد الموكيت وشعبك رقد في الطين لاك البفرج الهم ولاك العلينا أمين ولاك البجير مظلوم ساعة تدوربو سنين لا بتنجد المسكين لاك العلينا حنين هسه أكان تصويت أو حتى انتخابات كان جيتنا تترقص تقدل مع الخايبات خاميها مليارات وراكبها عربيات وعاديها سفريات عصابة شلليات ونحن لينا الله عادنها بس بكيات لا علاج ولاتعليم لا سكنه زي الناس أحلامنا زي ركشات وساكانا دوم كشات لا قروش ولا كاشات شعبك مرق بلبوص لا خلقه لا أخلاق لا عمه لا مركوب لا لحمة لا طايوق شعبك مرق ماينص وحشاهو دوم محروق صابر وعايش الويل ما نصو في الغربة والباقي شالو السيل
إنتوا يا جماعة نسيتوا وداد الكانت عايزة تتسوق للعيد من أسواق طهران ..طارت منهاالسفرة وطارت معاها الفكرة ورجعت بخفى حنين ويا ريت لو السعودية رسلت بشبش بشلة الأنس المعاهو للاهاى و رغم الفيضان كانت ستكون بردا وسلاما على الشعب السودانى وكناعيدنا بدون كيزان..
الناس حالها صعب تلقاها من الغلاء ولا من السيول ولا من الفضائح المسبب لينا ياخى ماتقعد قبلك وكمان مؤجرطيارة والبلد بتغرق حسبى الله ونعم الوكيل
الله يقلعو ويقلع يومو المععفن وكمان ماشي ايران ديل ياحمار ايران عندهم تشرك ولا تمشي ايران وداير ليك اذن كمان الله ينعل ام الغباء
إذا حصل أي كارثة في اي بلد الرؤساء الجد لوكانوا في زيارة رسمية ومبرمجة بيقطعوا زيارتهم .. عند نزول اي كارثة ببلدهم .. آسف ياجماعة نحنا بنقصد الرؤساء الجد جد موش اللعب لعب
قالوا :( عريان في صلبوا ولابس ليه صديري وعريان وبكسي الغير) .. ياهو دا المكادي بتاعنا ده رئيس المؤتمر الوثني الذي يتبجح في كل مكان ويتحدي .. قايل نفسو خلاص ابو عرام .. ياايها مكادي : الشعب السوداني غرقان وبيوتو بتتهدم وانت تاجر ليك طائرة سعودية عامل فيها لابد من الاختطاف .. وما قلت راجل ليه تلبد في طيارة سعودية ؟ خلاص الرجالة كملت ؟ ما قلت جعلي بتتكحل بالشطة .. حقو تاني ما تقدل في السودان لانو الجعليات بغنن فيك .. بقولن (عمر البشير الفز) لكن صحي احسن ليك الف نطة ولا بعبوص واحد ..
نحن قلوبنا ما ببين خلل بيناتن
بمشي دوغري بالدرب المشوبو كبارن
راسيات كالجبال مابقهرن عزالن
والبلد المحن لابد يلولي صغارن ..
بعد كده يا ورل افريقيا انتهيت وما عندك وجه تقابل بيه بنات السودان .. لانهن حيضحكن عليك وعلي السويتو ده..
الاخوة في الراكوبة
بعد هذه المهزلة والذلة والاهانة سوف يعمل همانات المشير علي اعادة التوازن للرئيس واثباتا للرائ العام ان البشير يمكن ان يسافر وامتصي الصدمة فسوف يقوم هماناته باخارج مسرحية تريحة وتوغر قلوب المرجفين بان يبرمجوا له زيارة الي قطر او ليبيا او اثيوبيا وقد يهديهم تفكيرهم الذي يشبه تفكير رجال المطافي بان يشيروا له بان يذهب الي الحج هذا العام ويمكن اعلان ذلك من الان لكي يقول للسعودية اه شنو ليكي جاي داخل بلدكم عديل كده مش ماري بالاجواء حتعملوا لي شنو . هذا السيناريو متوقع فانتظروا اني معكم من المنتظرين
يا جماعة ده رئيس فاشل وأنتم تعلموا تماما هو صوره رئيس فقط ،العصابة الحاكمة هي التي تقول له امشي يسار يمشي امشي يمين امشي امشي ايران امشي، مافي مشكلة السعودية منعتك تعبر الاجواء (مهزلة والله) العصابة يا البشير الموضوع عادي ومن تحت تحت يضحكو ويتهامزوا، انت من الأول ما بتعرف يا أهبل اذا بيسمحوا لك ام لا ـ انت متخبي والله ايه ـ إما إنك غبي وغبي جدا !!!
يا جماعة الزول دا فصحنا فصيحة ام جلاجل، بالحلنا منو شنو ؟ بس اهم ما الامر انو العد التنازلي بدأ خلاص، بالله عليك دي مش مهزلة تبقى زي الكلب المسعور يسكوك من بلد الي بلد .هذا الرجل ما عند كرامة ابدا. لكن نحن ما مستعجلين وراك الزمن طويل.
تصرف غير مسئول من شخص غير مسئول ايضا
والله السعوديين لم تحسنواصنعا بعد لماذا لم تسلموه للجنائيه على طول وتزيلوا الهم والغم من الشعب السودانى المغلوب على أمره.
شغل نضيف يا كلوني.. ايي ده الشغل..
والله عيب عليك البلد غرقانة وانت قاعد تتفسح فعلا جعلي صيني تفووووووو عليك
لناس في شنو وانتو في شنو الناس غرقانه وجوعانة وبيوتها مهدمة وحالهم بالبلاء والناس الفاسدين المنافقين يتكلمون عن لعبة الكراسي هو الحكومة كلها ما نافعة خلي ولاية الخرطوم لكن دي حال حكومة الفساد والافساد التي دمرت البلد الناس غرقانه وريسها ماشي ايران عشان يسلم بي تلاليشه دي علي روحاني ووداد تتعرف علي زوجة روحاني هذا هو الهدف ونحلها كيف الحل بس سيسي حرام عليك يا ريس الناس غرقانه وظروفها تعبانة وخسائر في الارواح والممتلكات واذا انت كنت رئيس وطني والله لو كان تنصيب روحاني الشيعي في الخرطوم لاعتذرت من الحضور ووطنك يمر بكارثة وظرف طاري والمواطنيين في العراء ما تستحى علي دمك نحلها كيف الحل بس سيسي
المرء حيث يضع نفسه
طيارة مؤجرة ؟ أين الطائرة الرئاسية ؟ .
سمعنا باليخت الرئاسى ن والقصور الرئاسية و
طيارة مؤجرة ؟ وأهلنا حفظة القران فى دارفور مشردين ويتم إطعامعهم وعلاجهم بواسطة المنظمات الدولية .وناس الخرطوم يعانون الأمرين من غلاء الأسعار وآثار الأمطار والسيول .
البشير وضع نفسه فى مكان يستحق فيه الإهانة .
خلاص واحدة بواحدة الجماعة لمن يجو ماشين تشاد نقوم نرجع ليهم طائرتهم من بورسودان .
دا رئيس مامسئول
هذا الرجل مفروض يكون غفير وليس رئيس دولة
.رئيس البلد وينو ؟
ﻻ بان وﻻ طله
ﻻ جانا يتفقد
ﻻ زارنا في الحله
ﻻ شاف وقع كم بيت
… ﻻ جاب طحين ﻻ زيت
ﻻ كفن الميتين
الماتو جوا السيل
ﻻ جابلو طوريا
ساعدنا شد الحيل
وأصبحنا نص الليل
ما جانا منك زول
وﻻ طله منك زول
فاطر في كافوري
وشعبك فطورو أنين
نايم وتتقلب
وشفع كتار صاحيين
متوسد الموكيت
وشعبك رقد في الطين
ﻻك البفرج الهم
وﻻك العلينا أمين
وﻻك البجير مظلوم
ساعة تدوربو سنين
ﻻ بتنجد المسكين
ﻻك العلينا حنين
هسه أكان تصويت
أو حتى انتخابات
كان جيتنا تترقص
تقدل مع الخايبات
خاميها مليارات
وراكبها عربيات
وعاديها سفريات
عصابة شلليات
ونحن لينا الله
عادنها بس بكيات
ﻻ عﻼج وﻻتعليم
ﻻ سكنه زي الناس
أحﻼمنا زي ركشات
وساكانا دوم كشات
ﻻ قروش وﻻ كاشات
شعبك مرق بلبوص
ﻻ خلقه ﻻ أخﻼق
ﻻ عمه ﻻ مركوب
ﻻ لحمة ﻻ طايوق
شعبك مرق ماينص
وحشاهو دوم محروق
صابر وعايش الويل
ما نصو في الغربة
والباقي شالو السيل
هذه نفحة من نفحات المملكة العربية السعودية لأمتها الإسلامية، عاوز يسافر للملالي الشيعة الذين يسبون الصحابة الأجلاء أصحاب رسول الله، وكذلك يسبون ليلا ونهار أمنا عائشة الفاضلة، وفي ليلة سبعة وعشرين رمضان، ما أخيبك وأتعسك، وتدفعوا كمان قيمة أيجار الطائرة باكثر من 270 ألف دولار، يا لسفاهتك، وتترك قومك يعانون من آثار السيول والكوارث الطبيعية، حقا فقد أثبت البشير بما لا يدع مجالا للشك بأن آخر ما يفكر فيه هو مصالحة شعبه وخدمته، (عسى أن تكرهوا شيئا وهو خيرا لكم..) الآية
شى متوقع فى اى لحظة اولا لعدد اسباب طبعاء الربيع العربى الذى اجتاح بعض الدول العربيةلم ياتى بى تى ثمر الدول مثال مصر ام الدنيااستولو السلامين المكروهين من كل العالم معداءالدول التى تتبع لهم فى الارهاب واول هذة الدول السودان الذى يحمكة السلامين المجرمين السعودية من ضمن الدول التى تضررت من الاسلامين الارهابين التابعين الى بلادن والمجرم الثانى الظواهرى السودان الن يمر بى منعطف خطير ولاخطر هو سكوت الشعب المقهور على امرة الى العصابة الحاكمة اذا كان النظام نفسة محتار من الشعب الجبان كل دول الخليج ضد الانظمة الاسلاميى معداء الدولة المجرمة الكبرى قطر السبب الوحيد ان دولة لازم تجارى الكلاب السلامين حتى عام 2022 عشان تضمن بطولة كاس العالم بدون تهديد من القاعدة والاسلامين امثال مرسى والبشير المجرم شكر السعودية على هذى الهدية التى قدمتيها الى الشعب السودانى مع جزيل الشكر
انها مهزلةومزلة لابعد مدى ولابعد حدود – زفة الى ايران وبلادنا تشهد كارثة الامطار وانت ياامير المؤمنين لايعنيك الامر -الولايات المتحدة اعلنت التعبئة العامة عند اجتياح الاعاصير اميركا وتفقد باراك اوباما المناطق المنكوبة والغى كافة برامج الدولة – لو عثرت بغلة فى العراق لخشيت ان يسالنى عنها الله يوم القيامة هذا عمر بن الخطاب امير العدل-وانت بلا ضمير وبلا كرامة ت>ل وتهان ولم يحدث لاى رئيس فى السودان ماحدث لان مكانك مذبلة التاريخ مع الطغاة والمطاردين بالعدالة الدولية
والله مهزلة البلد في حال لا يعلم به الا الله عز وجل امطار ومنازل مهدمه وشوارع جرفتها السيول وغلاء واساء للعلاقات مع الاشقاء العرب وحال البلد لايعلم بها الا الله عز وجل وحروب بين قبائل دارفور ومشاكل مع الجنوب – وحروب مع متمردين – الى متى هذا الغباء السياسى في التسعينات كانت توجيهات الترابي – لا أمد الله في ايامه- وكانت مهزلة وقفتهم من حرب الكويت – ماهى الفائده التى تعود على بلد الغلاه من علاقات مع ايران اعتقد جازما بان موعد الرحيل قد حل وعليك الرحيل قبل الزحمه
الله يقلع البشير
بجد رغم كرهتى لرئيس السودانى / عمر البشير بما فعله فى بلدى ابيى , وغموض عيونوا المابخلى يشوف الحقيقه الى انوا مابستحق الحاصل , لكن دى اسباب من صنعك السيد الرئيس , قبل ايام وانتى بتتوصل الى جماهير كردفان وغرب ثم النوبه بصفتآ خاصه بأنك سوف تحسن فى الوضع , لكنى ذكرت انك تريد ابادتهم بآسلحه ايرانيه , وهناك صفقه بينكم بخصوص الاسلحة استعدادآ بآستخدام القوة ابتدآ من شهر اكتوبر القادم واجتياج ابيى للمرة الثالثه ثم استخدامها فى جبال النوبه , وهذة المعلومه قد خرج لبعض الدول العربيه والاجنبيه مما يجعلهم يفكرون فى ازاحتك ويكفى بأنك امير امارة السودان .
يؤجروا طائرة سعودية ليعبروا بها الاجواء السعودية ذاهبين لالد اعداء السعودية وطالبين الاذن من السلطات السعودية ليعبروا ويهنئوا عدوها الاول وصدق الزعم قال بان ( الشيعة أشد خطرا على الاسلام من دولة اسرائيل بل كل السلاح وترسانة النووي التي تصنعها ايرانويفرح ويطرب بها المغفلون من المسلمسن سيتم توجيهها كلها للمسلمين انفسهم وليس لاسرائيل ولن تضرب ايران دولة اسرائيل الى قيام الساعة ولو بحجر صغير نهيك عن النووي لانها ببساطة ليست عدوا لها ومهما حاولت الالة الاعلامية الايرانية والاسرائلية والامريكية عكس الحقائق لكن الحقيقة واضحة وضوح الشمس في رابعة النهار لذا منعت السعودية طائرة عمر البشير من عبور اجوائها ولها الحق في ذلك والله هذه اهانة ما بعدها اهانة لهذا الشعب الذي يقطتع من قوته وما هو في اشد الحاجةاليه من مال لدرء ما يعانية من سيول وكوارث ليسافر به هذا الرجل الفارغ عديم الشغلة ليجامل ملالي ايران وليت فيهم فائدة وليت تاتينا منهم مصلحة او شئ يعين شعبنا على ان يسد رمقه بعد ان قاطعنا العالم اجمع فكل ما ياتينا منهم هو الخراب والدمار وقلة القيمة وليت الحكومة تعلم او تتعلم كيف تدير ملف العلاقات الخارجية ليتها تتعلم قسم بالله والدنيا رمضان لو اتوا برجل من الشارع لادار ملف العلاقات الخارجية بكل حنكة بدلا عن هؤلاء المتفيقهون الذين اساءوا للسودان وشعبه هذا الشعب الذي كان شامة بين البلاد العربية فاضحى وصمة عار ويفر من الكل منه ومن اي علاقة معه كانه كلب اجرب نفرت منا كل الدنيا مسلمها وكافرها وتعلقنا باطراف ثياب ملالي ايران قاتل الله الغباء حين يتصف به من يدير حياة امه بكاملها وفيهم الالاف من اهم ادري وافهم من هؤلاء المتاجرون باسم الدين وليتهم تاجروا به كما ينبغي كل تجارتهم حاسره وبضاعتهم بائرة
ان الرئيس السودانى لايهمه مشاكل التى تواجه مواطنين جراء هطول الامطار و التى ضربت ثلاثة ولايات منها ولاية الخرطوم, نهر النيل و بحر الاحمر ودمرت عديد من منازل و فقدت بعض الارواح مواطنين. على عمر البشير عن تعلم ان الارواح التى فقدت على مسؤلية حكومته. اين شرطة دافع المدانى وغرفة طوارع للانقاذ المواطنين من خطر امطار الذى اسبح يحدد منازل. هل زيارة السيد/ رئيس هى هروب من كوارث والسيول التى ضرب البلد؟ ايهما افضل زيارة لحضور حقلة فى دولة اخر امامواطن المسكين لاحول له ولا قوة. اكيد رئيس يفضل دولة ايران اكثر من المواطنين لان ايران يقدم دعم العسكرى من سلحة لسودان.
والله الاحوال وصلت مرحلة بطاله جدا ..
مسيء جدا لنا كسودانيين أن يكون هذا الزول حاكما بامره فوق رقابنا لما يزيد عن 25 سنه ..
ووالله الذي لا اله الا هو, ليس من مذمة لنا أكبر من هذه ..
والله لهو العيب والعار والسقوط الدواي أن نرضي هذا الهوان وأن نرضي دنية كهذه في وطننا ..
االرئيس حسين رواحاني الماشي ليه البشير ده تابع لايران الجديدة/الاصلاحيين والوجه الديموقراطي الحقيقي لايران وبالتاكيد ما بنفع مع سودان البشير القديم والمعزول ومهدد دوليا وروحاني عايز يفتح صفحة جديدة في المنطقة وبالتاكيد البشير والسودان القديم والعلاقات المريبة مع ايران الجابت لينا الكفوة/الضربة الاسرائيلية دي ما بنفع معاه ويكون حمد الله انو ما قدر يصلو
وحال السودان التايه يذكرني دائما مقطع من قصيدة احمد مطر
ااذا كان لدينا دولة
لفماذا تهزمنا نملة؟؟!!
وان كانت عفطة عنز
فلماذا نسميها دولة؟؟!!
….
ويا حليل السودان وزمن الدبلوماسية الراقيةوالرجال الافذاذ
لو أفترضنا جدلا انو بشبش معاق فكريا المعاه ديل كمان معاقييييييييييييين ؟؟ ماممكن؟؟؟؟؟؟
والله دى حمورى ماعملها
all this bla bla and not a single action
Excellent
you are the best people in the world
keep up the good bla bla
قرر النجم جورج كلوني التبرع بالعائد المالي الذي حققه من مشاركته في إحدى الحملات الإعلانية الخاصة بأحد أنواع القهوة من أجل المساعدة في تمويل برنامج ?القمر الصناعي? الذي ابتكر لمراقبة رئيس السودان عمر البشير المتهم بارتكاب جرائم حرب في لاهاي. وصرح كلوني في بيان تعليقاً على مبادرته قائلاً: ? سأتبرع بكل المال الذي حصلت عليه من تلك الحملة الإعلانية من أجل توفير أقمار صناعية توضع على حدود شمال وجنوب السودان لمراقبة عمر البشير?. وأضاف كلوني في البيان الذي نشرته صحيفة ?الجارديان? البريطانية:? نعم سأتجسس عليه، سأراقبه بالكاميرات، مرحباً بك سيد عمر في حياتي، سأعطيك اهتماماً كبيراً مشابهاً بالذي أحظى به حول العالم?. وكان النجم جورج كلوني من الناشطين الذي حاولوا إنهاء حكم عمر البشير في السودان، وابتكر مشروع المراقبة بالأقمار الصناعية لتعقب تحركات الجيش السوداني، ولتحذير المدنيين قبل الهجمات. يذكر أنه تم إلقاء القبض على جورج كلوني في مارس 2012، بعدما شارك في مظاهرة احتجاجية أمام سفارة السودان في واشنطن للتنديد بحكم البشير وبالممارسات الوحشية التي يتعرض لها الشعب السوداني من قتل واغتصاب.-منقول
نقول شنو في غباء الرئيس السوداني المركب عليكم اللة في زول يخلي بيتو الحالوس اللي مهددو السيل من كل الاتجاهات ويقول ماشي ابارك لي ناس روحاني القصر الرئاسي بتاعهم حسبنا الله ونعم الوكيل فيك ياعمر البشير ياراعيينا
احيييييييييييييييييييييييي من ميتة القلب !!! اوبامافي الكارثة كان وسط شعبوا بخوض في نص الامطار ويتفقد الامريكان دبل البتقولو عليهم ( الطاغية) هسع الطاغية منو ؟ مؤجر ليك طيارة بالاف الدولارات عشان تحتفل مع الشيعة والروافض وبتبن في العشرة الاواخر !!!!!!!!!!!!!!
اذا كان رئيسنا وكبيرنا وضكرنا وسيدنا الحاكمنا تابع ضعيف ذليل مهان وجبان….. نحن نكون شنو ؟
cc: الى من يهمه الامر
السودانين ماعندكم موضوووووووووع البشير ان قعد للسيول والامطار حايعمل شنو انتو اديتو بشبش قيمة اكبر من حجمة وكذلك الجرزان اقصد الكيزان ديل ياناس اجبن خلق اللة لكن الشعب السوداني اصبح كانة في يوم القيامة في مرحلة الحساب والدخول الي المصيرالمحتوم ياعالم ياشباب السودان المشتتين اتحدوا لانتشال السودان من الهاوية ومن تجار الدين واذا لم تتحركوا فتوقعوا اكبر من ذلك ولا داعي للجعجعه الفارغة هذة لاتقدم ولاتؤخر
والله بلد مافيها وجيع الناس تموت جوعا وتفترش الارض وتلتحف السماء ..وعديمي الانسانية والاحساس ماشين يباركوا للرافضة والشيعة..يا أخي لو في مأسأة في قريتك مابتسافر تخليهم خلي شعبك..حسبي الله ونعم الوكيل فيهم ..وانشاء الله ربنا يقلعم..والى مزبلة التاريخ ياحرامية..والتحية لحكومة خادم الحرمين الطاهرة..التي منعت النجوس من عبور سمائها النقية…
المعارضة غلطانه
اولا الشرطة جهاز قومي لا يتبع لحزب شانه شان الجيش والقضاء ولا يمكن ان ينتمي احد منسوبيها لاي حزب سواء المؤتمر الوطني او حزب الامة او غيرهما
ثانيا ما قامت به السعودية يعتبر استفزازا للسودان ولدلك فان على الرئيس حظر السعودية ونيجيريا ويستحسن قطع العلاقات معهما للجرم الدي ارتكبوه والاكتفاء بالسفر الى اريتريا واثيوبيا وتشاد خوفا من المؤامرات
ثالثا المعارضة يجب ان تعلم بان البشير هو رئيس السودان ورمز سيادته وسيقوم بجولة اروبية قريبا ان شاء دلك ولن يخاف من شئ
ما لجرح بميت ايلام
والله يا اخوان الرئيس السوداني افشل رئيس في تاريخ السودان وتاريخ العالم كله ازاي الشعب منكوب ومشرد ناس في الشوارع ما لاقية سكن ولا ماكل تقوم تستاجر طائرة عشان تحضر حفل تنصيب رئيس دولة تانية ايه عدم المسؤلية والاحساس ده , الطائرة اللي اجروها دي بي قروش الشعب التعبان الما لاقي يسكن الامطار دمرت بيوتهم حلحل مشاكلهم بعدين فكر في سفر وحضور حفلات والكلامات الفارغة هذه الناس ما بتخاف الله اصلو دي والله فضيحة رؤساء الدول المحترمين لو سافر اي دولة وحصلت اي كارثة بقطع الزيارة فورا ويعود لي وطنو ويشوف مشاكل المواطنين مش بعد ما وقعت الكارثة وانت ما تدي امرها اي اهتمام وتقول ماشي تحضر حفل , اتقي الله ايها الرئيس الراد ليست هنا فحسب بل هناك دار اخرى يقف فيها اي راع اما الله في محاكمة مع رعاياه , حسبنا الله ونعم الوكيل.
كتبنا عنهم أمس وهاجمونا اليوم قبل الافطار بعده بدقائق واساءوا استخدام وسائل الحديثة واشعة الليزر ولا زالوا يتمادوا في اجرامهم ووسخهم الذي يخالف كل القوانين الدولية والانسانية في رمضان الكريم ان هذا النوع من البشر جاء من اقصى الوديان واغدعوه بالنعم والخير واساءوانعم الدار وخير أهل البلد ونحن ندري ذلك لاننا سببقناهم قبل ان ينال احدمنهم الاخضر ويضعه في جيبه ويعمل فيها ابو عمار ونحن نقدر فضل ابوسلطان علينا كثيرا وهذا ما يجعلنا ان لا نطعنهم من وراء الظهر بسبب هؤلاء المجرمين الذين يفعلوا افعالهم دون ان يدروا بهم
اتوقع ان تٌعلن السعودية اليوم او غداً عن اعانات ومؤن تخص اخواننا المنكوبين من السيول والامطار .. كضربة صاموتية اخرى لاحراج بشة الخلاقة ..
الرئيس المصري السابق حسني مبارك لما ضرب الزلزال مصر كان في زيارة للصين قطع الزيارة ورجع عشان يتابع الموقف عن قرب شوفوا الفرق بين الريئسين
الاسد اذا وقع بتكثر سكاكينو , وكراع البقر جيابة .
الامرببساطة هو خطاء موظفين في سكرتارية الريس ومراسم الريس بشبش معينين بالتمكين ..كان لو كان هناك موظفين اكفا اخذ موافقة السلطات السعودية قبل اقلاع طائرة بشبش اها خموا وصروا لمهانة بلد اسمه السودان وان اختلفنا مع بشبش ولكن لا نرضي الذل والمهانة لاي سوداني بغلطة موظفين معينين في مناصبهم للتمكين ّّّّّ
تاااااااااانى ( حفيد المك نمر ) هبر ههههههههههههههههههههههههههه ما قلت جعلتى …..
ان اوان اقالة نافع بواسطة البشير وازالة الكيزان بواسطة الشعب
يحلنا الحلا بله
يا جماعه ورونا بله دا عمل شنو علشان نرتاح من الكيزان
من المأكد لن يحكم البشير إلى الأبد و لكن من السيء أنه عرض سمعة الرئاسة السودانية للذل و المهانة . لأول مرة في تأريخ العالم يطلب رئيس للمحكمة الجنائية أثناء فترة رئاسيه و السلطات السعودية تمنع رئيس من عبور أجوائيها مهما كانت مبررات الحكومة السعودية فالرسالة واضحة لمن يعي .ماذا أنت فاعل يا البشير فهمت أم لم تفهم ما هذا الصغار في الذهاب و الإياب من أجل الحكم . إقرأ سيرة أب عاج الأسد ماذا كان وضعه بين العرب و الغرب .
يا مشير عملت شنو في (الحل الشامل) والذي كنت معتكف من أحله بـ (كافوري) ؟؟؟
ام كنت ذاهب لاكمال إعتكافك في ايران ؟؟
ما أظلم (نظام الحقير البشير) إنه يجد دائماً مالاً لتعبئة الجيوش وإرسالها إلى الحرب لتقتل الناس (المهمشين)… ويضن بالمال على الناس (الشماليين) لإنقاذهم من (الغرق) الموت.. تباً لعصرك يا عمر … تباً لعصرك ثم تب.
الكيل طفح!
عاطف كمال حاج الخضر
***************
من الطُّرُقات
للمطاعم والمُستَشفيات
فى بَلدنا إتأمَّلو البيئات
إتشَبَّعوا إهانات
وإتجَرَّعو العَبَرات
أتُراها بيئات بَشَر
أم حَيَوانات؟
قارنوها بأقذر الحَمّامات
فى دُوَل”الكُفر” بالذّات
حاله تفَرِّح الشُمّات!
تانى إتشَبَّعوا إهانات
وإتجَرَّعو العَبَرات
*****************
هذه أبرز عناوين
مشروعهم الحضارى
أيها الإخوه والأخوات
الذى له من أهَمَّ
السِّمات:
“النّظافه من الإيمان”
والأعمال الصّالِحات
التى إكتنَزوا لها
رسوم النِّفايات
وجبايات
بِكُل مُسَمَّيات
ومابدِّلونا نظافه
لاأعمال صالِحات
بَل فَقر,تَعذيب وإهانات
مَحسوبِيَّات, سَرِقات
وجبال من القاذورات
وحقيقه حَقَّقوا
بعض الإنجازات;
سدود, طُرُق,
كَبارى وجامعات
لكن طلَعَت كُلَّها
مِنَح وسَلَفِيّات
شِبعوا مِنَّها
عُمُولات وإختِلاسات
بَينَما حَطَّموا
أنجَح المشروعات
وبى تَدَخُّلات وإسائات
سَبَّبوا لينا مع مُعظَم
الدُّوَل عَدائات
نَتيجتها علينا إعتدائات
من جميع الإتِّجاهات
دون أدنى مُقاومات
فَقَط مَزيد من الخَطرَفات
والتهديدات الفارغات
ولو بِتصدِّقوا ياحَضرات:
على المواطنين
“جِهاد وغَزوات”,
حروب,كُروب, وَيلات
نزوح, لجوء, هِجرات
وملايين من الأموات
طَبَّقوا فينا
أسوَأ الإحتِمالات
فى جميع المَجالات
ياخ دى حكومة
صالحين وصالحات
أم عِصابة
نهب مُسَلّح ومُصَلّح
وإغتيالات؟
*****************
وزيادَه للمُنَغِّصّات,
رئيسا ووزرائُو,
هَؤلاء النَّكِرات,
بِكُل بَجاحات
مطقِّمين قيافات
وحايمين بالطائِرات
كَعرايا لابسين
صِدِيرِيّات,
يبَعزِقوا
عَقاب القِريشات
فى أفشل الدُّوَل وأتفه
المُؤتَمرات
****************
عاطف كمال حاج الخضر
وأصحاب مُعظَم
المَطاعم والمَحَلّات,
جَشعهم وقَذارَتهم
للحَد فايتات
للسَّما فايحات
المُشكِلَه هنا
ماإمكاانيّات,
بَل سُوء نِيّات
وضَمائر مُنتَهيَه
صَلاحِيّات
*****************
عاطف كمال حاج الخضر
والله بشبش دة!!!!!!!!!!!!!!!!!!11
ماشي الحفلة ما جنو رقيص ……!!!!!
حسع بكون زعلان الحفلة فاتتو …….. وحتشوفو بكرة حيعمل طرب لي اتفه الاسباب ويرقص عشان يعوض حفلة طهران
هذا قرار مسئول من سلطات بالفعل هي مسئولة …اللي بعد السعودية ميييييييين
بقراءة كل التعليقات تكون القضية واضحة كالشمس في رابعة النهار . السودان في ازمة شاملة والازمة لا يحلها من احدثها ولن تحلها ايران ولا محكمة الجنايات ولا امريكا ولا المجتمع الدولي كله . حل الازمة في يد الشعب الموحد والمتحد والمتلاحم والمنظم بكل قطاعاته المدنية والعسكرية الشبابية والنسائية الحزبية والفئوية والرافضة لنهج المؤتمر الوطني والاخوان المسلمين في الحكم والمتحدة تحت رايات الديموقراطية الراسخةوالوحدة والسلم الوطيد والصمود والعدل والمساواة في التنمية المتوازنة والشاملة والشعب السوداني تجاربه غنية فهيا علي النضال
يا مواطن الرئيس عايز ارقص مافي داعي للتعليقات معزوم قديومة
عاش الملك ويا البشير خليتنا زنابير ياخ قوم طير تقوم قيامتك يا اغرج والله اعور منك ما شفنا ماشى ايران بلد الشيعة عن طريق السعودية انتو الزول دى ما بيفهم