شريحتك شنو ومواصلاتك كيف ؟!ا

مفاهيم غريبة حقا، كنت في اجازة في الخرطوم وكما هي عادة السودانين الطيبين العلي نياتهم زرت الكثير من الاهل والاصدقاء وركبت كل انواع المواصلات، وفي يوم ركبت الحافلات وذهبت لزيارة صديقة ، واندهشوا جدا عندما علموا انني جيتهم بالمواصلات….!!!

الأخت نادية
السلام عليكم ورحمة الله وبركاته
بالرغم من أنني فقير إلا أن شريحتي زين… ولدي أصدقاء أثريا وشرائحهم أريبا.. والله على ما أقول شهيد.. لم أشعر يوماً بالدونية لكوني أركب المواصلات أو أسكن في بيت عزابة .. كما أن أغلب الأثريا بالسودان أناس عاديين ولا يتعاملون باستعلاء… اللهم إلا إذا كان شخصاً متعجرفاًً,.. ومثل هذا الشخص غالباً ما يكون خاوياً… ربما يكون هنالك نوع من الأسئلة التطفلية في حياتنا.. مثل انت ساكن وين.. وبتصرف كم؟.. وموبايك دا اشتريتو بي كم؟ لكن هذا لا يدل على التعالي بل هي سذاجة نمارسها جميعاً.. على كل حال أشكرك على إثارة هذا الموضوع؟

الا تعلمى سيدتى الفاضلة ان هؤلاء المساكين الذين يركبون الركشات ويتكلمون من شريحة ريبا هم الذين يعيش هؤلاء الاثرياء على عرق جبينهم من جبايات ورسوم ما انزل الله بها من سلطان الا تدركين ان هؤلاء الكيزان مصاصى دماء هذا الشعب وهذه الفلل والقصور المنيفة ليست من اموال ابواتهم انما هى قلع وجبايات من هذا المواطن راكب الركشة والعتالى الذى يتصب جسمه عرقا من اجل لقمة عيش كريمة حلال طيبا ويأتى هؤلاء الاشرار مصاصى الدماء ويفرضون عليه جباية ! ! ! انما ياكلون نارا فى بطونهم الكبيرة لولا هؤلاء الضعفاء والمساكين لما سكن هؤلاء الاوغاد الصهاينة فى هذه القصور والفلل العالية .

يا ست البنات كدي قولي بسم الله. دي شنو الهرطقة الغغريبة البتقولي فيها دي
الاخ عبدالله رد عليك رد جميل و واعي. شريحة كبيرة جدا من المجتمع تحمل شرائح زين و كمان ارقام مميزة و بعد دا هم من معسوري الحال. و برضو شريحة لا باس بها تحمل اريبا و هم من ميسوري الحال
و قصة التعالي الطبقي دي ما من الليلة ولا من امبارح دي خصلة في عدد من السودانيين ما جابتها شركات الموبايل و المواصلات
انا اعتقد انو مقالك دا كلمة حق اريد بها باطل
ناس اريبا ادوك كم علي المقال دا؟ ولا صرفو ليك شريحة مميزة؟
نحن ما صدقنا فكيتنا من كسير التلج للمصريين هسه قمتي على شركات الاتصال؟ ياخي نفسي مرة اشوف ليك موضوع هادف و جاذب زي الناس البتفهم
شتان ما بينك و بين شمائل النور

ياحليل الشعب السوداني الكان من اكثر الشعوب ثقافه وتواضع اصبح معظمه اليوم سطحي وبتاع بوبار والظاهر فعلا انطبقت عليه مقولة سيدنا عمر الناس علي دين ملوكها
حتي لو رفعت الصخره من علي صدورنا الحايرجعنا زي زمان شنو

لك التحية الأخت نادية …
اللي عايش في الخليج والسعودية بصورة خاصة تمسخ عليهو أي مظاهر للثراء فالذين تطلقي عليهم أثرياء عندنا لو شافو كيف يعيش شيوخ هذه البلاد بطلو إدعائهم… والله مساكين الذين يدعون الغناء عندنا في السودان ما شافو الغناء …
الحمد لله إني عايش في السعودية عشان كده مافي حاجة تملي عيني في السودان ولا حاجة إذا عاوزه تتكلمي عن السيارات ما اعتقد عندنا في السودان سيارة من نوع (بنتلي) قيمة فوق المليون ريال هذا مثال واحد وإذا كنت تتحدثي عن (زين) فهي في السعودية أسوأ شريحة وحقت الهنود والبنغالة وهم أقل فئات العمالة درجات .. ولا القصور الملكية البيوت الفخمة … أتكلم عن أيه بس ألم أقل لك أن كل شيء عندنا في السودان بالمقلوب ..
والله يخلي لينا السعودية ..