صلاح بن البادية …من زاوية أخري : والله لو تغني الجرح الابيض تاني ما تمر بي جاي
لعبت كرة القدم في فريق العرب بمدينة شمبات ثم لعبت في فريق شمبات ولعبت مباراة امام الموردة في عهدها الذهبي ايام المحينة وعمر التوم، وكنت ألعب في خانة الجناح واذكر ان للموردة مدافعا مريت منه المرة الاولى والايام ديك كانت ظاهرة اغنية (الجرح الابيض) وقال لي (والله لو تغني الجرح الابيض تاني ما تمر بي جاي) ولم استمر لأن الكورة والسهر ما بتلموا وانا فنان وكنت اتابع الرياضة العالمية وكنت معجبا بفريق هارلم للسلة، ولكن موتهم تركني اكره السلة، ويعجبني حاليا دوري ابطال اوروبا وآسيا والهلال السعودي والزمالك المصري والريان القطري .
الصحافة
والله انت لا كفر لا وتر….لا نفعت في هذا و لا في ذاك..
رغم إني ما بدورو عشان فلسفتو وكلامو الفاضي لكن والله العريبي ده غنااااااااي
بالذات الأغاني القديمة , لكن تاني ما بعرف ليهو شيء
مع احترامى الشديد لغنائه لفترة طويلة الا انه اثبت بما لايدع مجالا للشك بانه قليل الثقافة(ايه البيهمنا لامن حلقو ليه راسو علشان مرض)يا اخى خذ من العبقرى الكابلى حلو الحديث والثقافة العالية-لقد ضاعت المذيعة اللامعةسلمى بينك وبين ضيوفك ولو اننى اعجبت بالشاعر ود دفع الله فى اسلوبه وحديثه-حاولت المذيعة ان تصنع من الفسيخ شربات ولكن للاسف لم يساعدها الفنان العبقرى-ولكن اقول لك الشكر على الاغنيات التى حلقت بنا فى الماضى-واستمتعنا بها.لقد كانت الحلقات من اسوا ما قدمت هذه المذيعة الناجحة المثقفة الرائعة الكلمات-ولكن فاقد الشئ لا يعطى شيئا!
1
صلاح ابن الباديه من الاصوات البحبها جدا ماشاء الله عليهو صاحب حنجره ذهبيه ربنا يديهو الصحه والعافيه ويكللو بمزيد من النجاحات
فنان مافي كلام يا ابن البادية
صلاح بن الباديه مغنى و مطرب و مؤدى جيد… لكن فنان (تحتاج لمراجعه)
ملحن يدور فى دائره واحده لو خرج منها يتوه موزع موسيقى اسالو اهل الموسيقى
نصوص جيده ضاعت فى الحان العبقرى صلاح الحان ذى اناشيد المدارس ياخى ادى العيش لخبازو
بعدين انت استمتع بالغنى و متعنى معاك الله يديك العافيه و يطول لينا فى عمرك اصلك انت و الكابلى و الامين مطربو الفن الجميل
استاذ صلاح رغم القلتوانا احب اسمع صوتك فى كثير من الاغانى
الله يخليك