مؤتمر وطنى ( يعنى شنو ؟ ) اا
مؤتمر وطنى ( يعنى شنو ؟ )
نجم الدين جميل الله
[email protected]
و فى جلسة سمر ما بين السياسة و امور الدنيا الاخرى … تدخل شاب (اب كرش) و طلب مننا انا و جلسائى ان نكف عن الحديث فى الممنوع . كنا لسؤ حظه شلة من المصنفين ك سودانين و بس … و سألته ما الممنوع الذى يقصده , فرد مكشرا انيابه (كالذئب ) يجب ان تكفوا عن الحديث فى السياسة فى الاماكن العامه … و اردف : من حق الاخرين ان يستمتعوا بالهدوء !!!
فرد عليه صاحبى : يا شاب سلام عليك … نحن احرار فى ما نتداول و نحترم رايك فى ما يخص الاخرين لكن تلك هى الاسباب التى جعلتنا نبتعد عن الجموع و ناخذ ركنا بعيدا عن الاخرين … فدعنا و شاننا
الشاب لم يعجبه هذا الكلام .. فاخذ يردد جملته (يا جماعة انا بتكلم معاكم ) اسكتو عن الموضوع ده , و بصراحة كنا نتكلم عن تهديدات شيخ على … و كنا نستفسر كيف لشيخ على ان يطلق تهديدات مثل تلك ؟ و فى منتصف النقاش إستخرج صاحبنا من جيبه بطاقة خضراء كتب عليها ( المؤتمر الوطنى ) و قال : معاكم جهة امنية …. هه يا جهة امنية … قلتها له ساخرا
حاصل ليك شنو … فخجل الشاب من نفسه ( و خجل كرشه ) فانكمش بعض الشئ
و فى برهة لملم صاحبنا اطرافه و غادر المكان … إلى الابد
فسألت نفسى هل غرر المؤتمر الوطنى بعضويته لدرجة ان يقوموا بمهام الاجهزة الامنية ؟
و ما الفرق بين المؤتمر الوطنى كحزب و الحكومة الحالية كدولة ؟
و ما هى مستوى الوعى بين اعضاء الحزب الحاكم لكى يميزوا بين الحزب و الدوله ؟
هل اعضاء المؤتمر الوطنى مؤهلون لنيل صفة عضو فى حزب سياسي ؟
فى فترة المؤتمر العام السابق للمؤتمر الوطنى , شاهدت كوم من البدو و هم يركبون حافلة تنقلهم من امانة الحزب إلى بيت بطرف المدينة … و علق كل واحد منهم على رقبته كرتونه خضراء مكتوب عليها إسمه إضافة إلى كلمة عضو … تملكنى الفضول لمعرفة مجريات الامور فسألت احدهم عندما سنحت لى فرصة اللقاء به فى البقالة ( بتاع الحلة )
إنتو ناس وين ؟ فاجابنى : نحن ناس فريق العمدة على … و جيتو ل شنو ؟ رد : جايين لمؤتمر فسألته : مؤتمر شنو ؟ و الله قالوا لينا مؤتمر رحل !!!!!
و الفى رقبتك ده شنو ؟ قال دى ورقتى بتاع القروش عشان اصرف بيها
فعدت إلى اصحابى و قلت لهم ممازحا : ابشروا بسقوط الانقاذ تلقائيا
الانقاذ الذى تعرفنا على اعضائه الدكاتره و المهندسين و القانونيين … اليوم عضويته الشابه تتمثل فى امثال ذلك الاعرابى ( ناس فريق العمدة ) و ذلك الشاب ( اب كرش ) الذى لا يزال سنة روضه فى دروب الحياة و السياسة …. فابشروا بسقوطها
فاليوم ان تكون مؤتمر وطنى يعنى ان تكون ( اهبل ) فى السياسة و ( اب كرش ) فى الرياضة و تعلق فى رقبتك ما لا تعرفه … و تأكل بنهم من كل مصدر يدر لك المال ( حتى لو كان ربا)
و تشارك فى مؤتمر الحزب العام ( وانت مفتكرها مؤتمر رحل )
و ان تكون مؤتمر وطنى يعنى ان تتدخل فى كل ما لا يعنيك … فتتحدث عن البترول و انت وزيرا للشباب و الرياضة … و تتحدث عن الحج و العمرة و انت وزيرا للثقافة … و تصدر قرارا بفصل مدير الحج و العمرة و انت نائب رئيس … و تعفو عن الفى مجرم و انت وزيرا للسياحة … هكذا لكى تكون مؤتمر وطنى
و تانى اكرر سؤالى لذلك الشاب … يعنى شنو انت مؤتمر وطنى
كمان عاوز تتحكم فى كلام الناس …. قوم لف بلا مؤتمر وطنى بلا خمج
مؤتمر وطنى يعنى التفريض فى جنوب السودان مؤتمر وطنى يعنى حرب دارفور مؤتمر وطنى يعنى عطاله يعنى احباش فى السودان يعنى اغتصاب الاطفال يعنى الفقر يعنى التهجير يعنى المشاريع الفاشله يعنى تخبط فى القرارات يعنى منح الجنسيه السودانيه لكل من هب ودب بكل سهوله يعنى موت السودانيين فى سيناء برصاص الشرطه المصريه يعنى عدم وجود مياه صالحه للشرب يعنى انقطاع الكهرباء يعنى الجبايات والرسوم يعنى التخلف واستيطان الامراض واولها الايدز يعنى تراكم مياه الامطار يعنى ان تذهب الحكومه اليوم قبل الغد.
ونضيف لك عزيزي القارئ ان بعض العضوية للمؤتمر الوثني من الشواذ جنسيا والشاذات جنسيا يعني شرذمة من الصعاليق ..
كلام موزون وواصلوا في ونستكم ابكرشة ماعتر ليكم
يا دكتوره داليا اتقي الله ولا تلقي الكلام علي عواهنه علي الاقل احتراما لحرمة الشهر الكريم
كلنا نكره المؤتمر اللا وطني ولكن هذا لايعني اننا غير محترمين
.
مؤتمر وطني يعني حرامي
مؤتمر وطني يعني ساذج
مؤتمر وطني يعني مغفل
مؤتمر وطني يعني أهبل وطربنش
مؤتمر وطني يعني تاريخك أسود ومعفن
مؤتمر وطني يعني فارغ ولا هوية لك
ان تكذب دون ان يرف لك جفن!!!
ان تحلف بان البلاد افضل من ماليزيا!!!
ان تسرق كل ماتقع عليه عينك!!!!فانت مقدس مجاهد!!
ان لاتنسي فقه الستره فلاتتحدث عن سرقة الكبار!!!
ان تكون متاكد ان المدام تشتري الاراضي رغبة في دعم الخزينة العامة!!!
ان توزع الغنائم بين اراضي وعقارات وسيارات !! لاتضع اموالا بالبنك!!
ان تحج كل سنة علي حساب الدولة!!!
ان تضع في مكتبك 2سكرتيره مع تلفزيون 42بوصة لتشاهد هيفاء من خلف زوجاتك الاربعة!!!
فانت فحل هذا الزمان!!!
تاكد من ان اصحابك متوضيين!! كلهم !! لذا فهم لاياخذون الا ماقل وزنه وثقل ثمنه!!!
ولاتنسي ان تصلي مع الكاروري لتسمع وتاخذ صك الغفران!!
امثال هؤلاء من المغرر بهم -لضعف عقولهم و سقوط نفوسهم – افهموهم ان بطاقة الحزب تعني تلقائيا سلطة التحسس و التجسس و " الجهاد" … اذا لزم الامر فثقافة السيخ متاصلة في عقول حتى كبرائهم ممن يحملون الالقاب العلمية و المناصب الدستورية…
و الحكاية ان ما نعيشه الآن هو دولة الحزب اذ تلاشى الحزب في اجهزة الدولة و اصبح كل عضو في الحزب هو ممثل للدولة او منسوب لاحد اجهزة امن النظام … و غسيل الادمغة الخاوية اصلا جعلها تفكر بعقلية البلد بلدنا و نحن اسيادها بالمعنى الحرفي للكلمات اذ لا فواصل بين الدولة و الحزب .. لذلك حين يتكلم الناس عن الفساد و هبر المال العام و تبديده بسفاهة و انتفاء الفواصل و الحدود بين خزينة المكتب و خزينة المنزل ، حين يتكلم الناس عن الفساد يستغرب جماعة المؤتمر لانهم في وهم ان كل شئ و كل مال هو لهم يفعلون فيه ما يشاؤون!