ارتفاع الأسعار ..زيادة معدلات الفقر والمرض
الخرطوم: هند رمضان: اشار تقرير منظمة الصحة العالمية الي ارتفاع نسبة الانيمياء وسط الاطفال في السودان ، بالاضافة لعودة الدرن بنسب عالية خاصة في شرق السودان وارتبطت زيادة هذه المعدلات بارتفاع الاسعار التي ساهمت في تدني الغذاء بالنسبة للمواطنين ذوي الدخل المحدود الذين لم يستطيعوا مجاراة اسعار السلع الاستهلاكية واعتمدوا علي انواع معينة من الغذاء لاتسمن ولاتغني من جوع ، وحتي العدس الذي كان يأتي في المرتبة الثانية بعد الفول المصري وصل الي ثمانية جنيهات .
وابدي عدد من المواطنين استياءهم جراء ارتفاع الاسعار بهذه الصورة ، مشيرين الي انهم لايتحملون اية زيادات في اسعار السلع لأن دخلهم محدود وفي السابق كانوا يتمكنون من توفير ماتحتاجه اسرهم بعد معاناة ولكنهم الان اصبحوا عاجزين عن توفير متطلبات الحياة اليومية.
الصحافة
والله حرام
انا ماعارف الشعب المصبرو علي كدة شنو
اصحوا لحدي كدة كفاية
سياسة التقشف
الكسرة الناس بقت ماقادرة عليها
سهل يارب علي عبادك
الهم خلصنا منهم
آمين يارب
اي سوداني شايل موبايل نوكيا اخر موديل اي بيت في السودان فيهو ديجيتال ابوكارت كورة هلال مريخ الناس ماتلقي تخش الميدان تتفرج ..نشتري في اللاعبين من الدول الافريقية الاغني مننا بمليارات ..اي بيت سوداني فيهو خدامة اثيوبية او اسيوية وفي الغالب الاثنتين معا وعادي تلقا بره البيت 4 عربات واقفة …فقر شنو البتقولو عليهو في السودان اكيد انتو قاصدين بلد تانية والا حاقدين علي البشير يا خي تمشي تحجز عند الدكتور لزوجتك بي 150 الف جنية يقولو ليك الحجز بعد شهر.؟؟ فقر ايه الانتا جاي تقول عليه …امشي المطار وشوف مصر للطيران 3 رحلات رايح جاي ناس ماشية تتفسح في اليوم …لو داير لبن المراعي وزبادي اكتيفيا تلقاهو في اتغفة بقالة في الخرطوم وبرضو تقولو فقرانين …دي اسطوانة مشروخة ..والله الخير الشافو السودان في عهد الحكومة دي عمرو ماشافو قبل كدة ..مافي فقر في السودان لكن في ناس حاقدة علي الحكومة وما بتشوف ليها الا الشي الكعب بس …ما ممكن يقولو الكهربا بقت ما بتىقطع وبارك الله في الحكومة عملت سد مروي لكن عشان قاضي جلد بت لابسه لبس فاضح الناس تتملي انسانية وكلهم يصبحو ملائكة ومليانين مثالية ..شعب كلو شغلو كلام بالموبايل ما اظن يمشي لي قدام …ارباح شركات الاتصالات تعادل ميزانية الدولة مرتين ؟؟؟؟
السيد/او السيدة كلور "لست اعلم: المهم انت من حديثك يتجلى انك من دائرة المترفين: لم ترى"
جحافل الشحا ذين من ابناء البلد (غير الاجانب)
لم تذهب الى مستشفى عام مثلأ مستشفى الخرطوم التعليمى وبقية مستشفيات ولأية الخرطوم (لأتوجد خيوط جراحية ولأتوجد دربات ناهيك عن الادوية المنقذة للحياة
لم ترى دموع الرجال والعجز هنالك
لم ترى الاطباء يجموع المال لشراء الادوية للمرضى وما اكثرهم
لم تشاهد طرد الاطفال من المدارس
لم تقراء الصحف الاجتماعية
دع عنك هذا واذهب الى اى طرف من اطراف الخرطوم الاربع
او خليك كدا لمان تشرق عليك بعدين بتعرف انت واشباهك ياواطى
انت يا الاسمك كلور او فلور انت شكلك ما عارف اي حاجة ونايم في العسل ذي ريئسك البتشكر فيهو دا ,,
ياخي انت البتتكلم عنهم ديل لا يمثلون 1% من الشعب الغلبان
والبتتكلم عنهم ديل هو من صنعوا السودان الذي يتمتع به فئة 1% من الشعب وهم اصلا ناس وصوليين ومتسلقين ومتملقين
اللهم لا نسألك رد القضاء ونسألك اللطف فيه اللهم اصرف عنا تجار الدين ولا تاخرهم اللهم ارنا بأسك فيهم
امييييييييييييييين
ناس الانقاذ هدفهم ليس الاسلام ولا الشريعة والمشروع الحضاري المقصود هو سياسة جوع كلبك يتبعك ، ونشر الفساد والانحلال الاسري وملء الجيوب وشراء الفنادق والعمارات في دبي وماليزيا والصيف في جزر كناري وهاواي وغيرها ، وقد نجحوا في ذلك اما البلد والشعب وتنفصل او تتقسم ستين حتة دا ما همهم ومفتكرين انهم لما يفصلوا الجنوب حينفردوا بحكم الشمال لكن قول لهم الجايي اضل وادهى ولن نترككم تمرمطونا اكثر مما فعلتم وسوف تظهر حركات مسلحة في وسط البلاد وفي شمالها وفي نهر النيل وسوف تموتون وتشردون وترمل نساؤكم وابناؤكم وغداً لناظره قريب