تدشين العمل في جسر سوبا يناير القادم
الخرطوم
تدشن ولاية الخرطوم في الأول من يناير القادم العمل بجسر سوبا الذي يربط بين مملكة سوبا الأثرية بشرق النيل وسوبا الحلة في الجهة الغربية لضفة النيل الأزرق. ووقف والي الخرطوم د. عبدالرحمن الخضر أمس يرافقه المهندس عبدالله أحمد حمد وزير التخطيط والتنمية العمرانية ود.محمد عوض البارودي وزير الثقافة والإعلام ود.أحمد قاسم مدير هيئة الطرق والجسور والمصارف والنقل وقيادات الهيئة على مسار جسر سوبا في الجهة الغربية وستقوم بتنفيذ الجسر شركة A&A السودانية التي شيدت من قبل جسر توتي ويبلغ طول جسر سوبا 820 متراً وعرضه 27 متراً ويضم ستة مسارات للحركة وتبلغ تكلفته 39 مليون دولار ويستغرق العمل فيه عامين ينتهي عام 2013م
وأوضح وزير التخطيط أن جسر سوبا يعد من أهم الجسور في منظومة الجسور التي تخطط الولاية لإنشائها لأنه سيستوعب كل حركة الشاحنات الثقيلة القادمة والمتجهة إلى ميناء بورتسودان دون أن تمر بمراكز المدن وذلك عبر الطريق الدائري السريع كما يرتبط الجسر بمطار الخرطوم الدولي الجديد عبر جسر الدباسين، وأضاف الوزير أن عمليات تعويض المتضررين من مسار الجسر سيكتمل دفعها خلال أسبوع.
smc
الرد الرد كبارى وسد الرد الرد كبارى وسد
الرد الرد كبارى وسد الرد الرد كبارى وسد
الرد الرد كبارى وسد الرد الرد كبارى وسد
وسير سير سير يا البشير نحن جنودك للتعمير
انشاء الله ما يكون زي جسر الدباسيين
مقارنة بسيطة فقط:
ما قامت بدفعه السيدة موزة حرم امير قطر لنادي برشلونة الاسباني فنجرة بس يعادل تكلفة 6 كباري ذي كبارينا البنعملها في السودان
والشاهد يقول خلال عشرين سنة(20) تم انشاء 6 كباري
شوفتوا كيف البلد دي مسروقة
عيب والله يالاسمك نادر وين الكباري والسد الانت بتقول عليهم ديل
اذا كان السد اربعة اخماس تكلفته تمويل خارجي .. وين الرد يا مهضرب
لمن نشوف—-اهو عايشين وشايفين لي هسع—-
وانشاء الله يقوم من واطاتو دي—-بس ما تعملوها سبه عشان ترحلوا بيها ناس السكن العشوائي جنوب الخرطوم—–وتارقوا بيها مضاجع ناس سوبا الحله المساكين ديل—-
حكومه تستثمر في اراضي وبيوت الناس—-الله يكون في العون بس.
واخيرا انشاء الله تبنوهو—صادق—–عشان نحتفظ بي حاجه من مال الشعب المنهوب دا للاجيال الجايه.
جنوب الخرطوم الي مدني من اكثر المناطق اللتي نهبتها عصابة الكيزان "صودرت اراضي "الغلابه اللتي يتوارثونها ابا عن جد واصبحت بقدرة قادر ملكا لضباط العصابه الكبار ولقضاتها ولنسائهم اي ان التعويضات ستعطي لهم ولنسائهم وكدا اللعب والله بلاش ,واهالي سوبا غرب وشرق لن ينالو غير الحصرم مثل كبري توتي اللتي اصبحت "ميري" لعصابة الكيزان .
واحد ماشي في الشارع قال الله يخرب بيتك يا عمار ,مالقي الا الشرطي مديهو "كف" وبقول ليهو :كمان ما بتعرف اسم الريس يا ابن الكلب
الكبري ساهل الكلام في الاثار حتجيبوها من وين
ايوة كدة دي الاخبار البتخلى الواحد شوية يحس بالاطمئنان ..ويشعر انو في خير في البلد وفي خير في بعض الناس والمسئولين وفي ناس قلبهم على البلد ….ياخي كل يوم اخبار نهب وجلد وسرقة واعتداء على المال العام واعتداء على المواطنين واعتداء على الشرطة واعتداء في دارفور واعتداء في جوبا واعتداء في الدورة المدرسية وحادث سير وحادث قتل ومقتل طالب ومقتل عووووووووووووووك ..الواحد بقى يشوف البلد والناس والمسئولين فيها عبارة غابة وما فيها وحوش …اللهم احفظ البلد