قتل وجرح 40 من القوات الحكومية،،الجبهة الثورية تعلن سيطرتها على معسكر في ولاية النيل الأزرق
لندن: مصطفى سري
أعلنت الحركة الشعبية في السودان عن سيطرة قواتها على معسكر جنوب شرقي السودان، قائلة إنها قتلت 10 فيما جرح أكثر من 30 من القوات الحكومية. في ذات الوقت أكدت على أنها ستقوم بتدمير مخزونها من الألغام الأرضية ضد الإنسان التي استولت عليها من الجيش السوداني.
وقال المتحدث الرسمي باسم الحركة الشعبية في السودان أرنو نقوتلو لودى لـ«الشرق الأوسط»، إن «قوات حركته قتلت 10 من الجيش السوداني وسيطرت أول من أمس على معسكر كمريك الاستراتيجي في محلية باو، والتي تبعد 36 كيلومترا عن مدينة الدمازين عاصمة ولاية النيل الأزرق»، وأضاف أن «القوات الحكومية وميليشيات الدفاع الشعبي التابعة لها تكبدت خسائر في الأرواح والمعدات العسكرية. ولم يتسن الحصول على رد من المتحدث باسم الجيش السوداني».
وكانت الحركة أعلنت اعتبارا من الأمس وقف العدائيات لمدة شهر من جانبها تضامنا مع متأثري السيول والفيضانات التي ضربت السودان خلال الشهر الماضي وخلفت أكثر من 100 قتيل.
من جانبه اعتبر الناطق الرسمي باسم القوات المسلحة العقيد الصوارمي خالد سعد لوكالة للأنباء السودانية الرسمية أن الحركة الشعبية غير جادة، وقال: «إذا كانت جادة في التضامن مع المواطن لما أرهقت كاهله ابتداء بالسلب والنهب الذي هو ديدنها».
الشرق الاوسط
يصح فيكم يالصوارمى قول عمر بن حبان:
أتونا فما جادوا بعود أراكة .. ولا وضعوا فى كف طفل لنا نقلا
طيب يا اخوانا في الحركه الشعبيه نفهم شنو ؟؟؟؟
امبارح قلتوا وقفنا العدائيات لمده شهر تقديرا للظروف الصعبه البتمر بيها البلاد و دا كلام جميل مع انه ما في زول طلب منكم توقفوا حاجه ، اها تاني يوم طوالي تقولوا سيطرنا و فعلنا و سوينا و ما عارف شنو !!!!
دا كلام غريب !!! لازم يكون عندكم مصداقيه عشأن العالم يحترمكم و يتفهم نضألكم من اجل قضيتكم العادله ،
و الحركه تنظيم عريق و قديم و فاعل فكيف تقعوا في سقطات زي دي ؟؟؟؟
و الجبركم شنو تعلنوا وقف العدائيات و انتوا ما عندكم رغبه في تنفيذه ؟؟؟
ارمو قدام ياشباب الله يعينكم
خوقفوا العدائيات من جانب واحد لكن الحكومتك هاجمهم بطيران يتفروجوا ولا ايح
كويس انكم فهمتو الانقاذ اذا ما خزلتوهم بيخزلوكم لان دي النهج المعروف لدي الانقاذ بيخزل الاخرين منز فجر مجيئيه لسدة الحكم وياريت يفهم الشعب السوداني كله
الحركة حين قالت انها أوقفت العدائيات نظرا للظروف التي يمر بها الشعب كان قصدها تقول نحن ما يهمنا شعب ولا سجم حنضرب كل ما غفلت عننا الحكومة .. وحنستغفلها دايمنننننن متعووووودددااا…
لا عهد في الحرب إلا نهايتها,,, يعني لو الحكومة بادرت بإيقاف الهجمات هذا يعني أنها تخطط لضربة موجعة أثناء الهدنة… وبالعكس, في النهاية صاحب الحق حقاني مهما كان المبرر ___________________ وكلنا حانموت
لا أحد يستطيع إدراك الديموقراطية أو السلام , عدا الشباب النايم, متي يستيقظ, بدون شارع واعي كل الأطراف سوف تتنمر علينا, أصحو أصحو
الانقاذ والحركة الشعبية كلاهم اخوان وسودانيين اجلسوا فى الارض وحلوا مشاكلكم دون سفك دماء بعضكم البعض ( القاتل والمقتول كلاهم فى النار ) انتم تتقاتلون والمتضرر الوحيد من قتالكم الشعب الضعيف ارحمونا الله يرحمكم
لا خير في هذا ولا ذاك
فى ناس حاكمين اكتر من عشرين سنه ولسه بقولو لينا حانعمل ليكم وحانسوى ليكم تكبيييير
فى ناس عشان تضمن السلطه دفعت بأبنائها للمشاركه فى الحكومه كمساعدى رئيس
فى ناس عشان تضمن تكبر كومها وقعت اتفاقيه مع الحكومه وبعد مده اتخارجو
فى ناس عشان كانو فى الحركات المسلحه ولان هم جزء من السلطه
فى ناس فتحو مراكز فى اسرائيل وبى كل بساطه دايرننا نقتنع انو الاسرائيليين احسن ناس
فى ناس كتلوهم عشان وقعو اتفاقيه مع الحكومه.بعد ماكانو اخوه فى الحزب
بى اختصار كده
الكل يبحث عن مصلحته ..ونحن من ندفع الفاتوره
نحن فى انتظار مهاتير محمد السودانى ..ابحثو معى عن الاشخاص المؤهلين علمياً
دعكم من كل هؤلاء فليس فيهم شخس يمكنه ان يغير البؤس الذى نعيشه
مع انى غير شيوعى ولاكن احترم جداً السيد (محمد إبراهيم نقد) فقد مات نظيفاً من ارواح واموال الناس
له الرحمه والمقفره