البشير يتحدى «الجنائية الدولية» بالسفر إلى زامبيا

قربت أقل من شهر ينفصل الجنوب ..
وبعدين ما ظنيت يسافر لأرتريا أو اثيوبيا أو تشاد دول الفقر والصفر على الشمال ..
لكنه سيعتقل آجلاً أو عاجلاً ليأخذ جزاءه مثله ومثل المجرمون السابقون ..

طيارة عجيب تودي ما تجيب…..الهي مولاي تاني ما ترجع منها

يا اب صلعه ما قلنا ليك اقعد في الواطه وروق في علبك وخليك مع الرقيص بتاعك احسن ليك وما تتجوعل علي ناس اوكامبو لانك ما قدرهم ( اللهم اني قد بلغت اللهك فاشهد)

طيارة عجيب تودي ما تجيب……

البشير يعلم انة فى هذة الايام لو سافر ضيفا على اوكامبو فانة لن يعتقل ورقم ذلك لا يسافر الا بضمانتات شديدة توكد عودتة لحضن وداد …. ولكن نقولها لة سافر بعد الاستفتاء وسترى النور … كل المهلة التى يتمتع بها الان انة يخدم قضية يهودية وهى فصل الجنوب عن الشمال….. واقولها لك ايها العميل هل كنت تحتاج لعداء شعب السودان من اجل مشروعك الحضارى الوهم

اسافر مطمئن لانهم فعلا لن يعتقلوه الان بل بعد ان يتم تمزيق ما تبقي من الوطن ثم يجعلوه عبرة لمن يعتبر

السيد الرئيس.
خليك راجل عاقل وخلي حماقة الجعليين.
انا لو كنت في مكانك وعرضت وحدة البلاد للخطر.
اول حاجه بعملها اما اسلم نفسي طوعا. او استقيل من
الرئاسه او اضرب نفسي طلقه لدوركم في دمار وتقسيم الوطن.
والمنافقين الحواليك ما بنفعوك.بالعكس لما التور اقع بكتروا الضباحين.
والتاريخ لن يرحمك فالافضل لك اختيار واحده من الخيارات المذكوره .ونائب الرئيس سلفاكير يستلم السلطه وبذلك تكون اجهضته فكرة الاستفتاء وجنبته وطننا شبح التقسيم. ادرس هذه الخيارات واختار واحده منهم.اللهم بلغت فاشهد.
مع تحياتي:cool:

ردا على الاخ سودانى وانا كذلك سودانى

انا معك فى ان الجنائيه مسيسه لكن هذا لايمكن ان يكون مبرر لتعمل مقارنه بين ما فعله بوش بالعراقيين وما يفعله البشير بالسودانيين على الاقل ومن وجهه نظر دينيه لا اقل ولا اكثر فالبشير يدعى انه يحكم باسم الدين وبوش كافر وما بعد الكفر من ذنب
فباى منطق ترفض الظلم الذى توقعه المحكمه الجنائيه على البشير واعوانه وتقبل بالظلم الذى يوقعه البشير على غالبيه اهل السودان
وانا والله العظيم لا ارضى ان يقع ظلم لا على البشير او غيره مسلم كان او غير مسلم
ففى عهد البشير صديقى الاخ سودانى ظلم اناس كثر بشعارات ما انزل الله بها من سلطان
وفى عهد البشير صديقى ضاع السودان ارض المليون ميل مربع واذا قلت غير ذالك فيكون لك دوافع اخرى غير انك سودانى
فى عهد البشير زادت نسبه الفساد فى السودان بكل اشكاله وخاصه مسأله الرشوه وصارت واضحه وبينه بل اصبحت سلوك عند غالبيه من له منصب يتيح له اخذها
وانا هنا صديقى السودانى ليس فى موضع حكم على تجربه الانقاذ ولكن اردت ان اوضح لك الحقائق فقط
المشروع الحضارى اخى السودانى برنامج حق نفذ به باطل ولانجازات التى يتحدثون عنها كلها كانت خصم على الانسان السودانى البسيط فى قوته وقوت عياله
فيا اخى الودانى من يظلم الناس ربنا بيسلط عليه من هو اظلم منه

الا تحس ذلك من خلال الردود على هذا الموقع ان نسبه اكثر من 90% ضد البشير ولا يمكن ان يكون كل هؤلاء عملاء او طابور خامس كما يسميهم النظام لانهم على الاقل كلهم سودانيين مثلك ينتفعون من نفع الودان ويتضررون من ضرره

وفى النهايه اخ سودانى لا استطيع اخ سودانى الا ان اقول لك هذه وجهه نظرك لكن اتمنى من العلى القددير ان تعيد النظر فيها ولو بقليل من التأمل فى الواقع الذى يحدث للسودان حاليا من حروب داخليه فى كل الاتجاهات ومن حصار خارجى من كل الاتجاهات عد بذهنك للخلف قليلا من فتره المفاصله بين الاسلامين وما تلاها بعد ذلك من حقائق تكشفت للناس من خلالهم هم انفسهم ستفكر الف مليون مره كيف يحكم هؤلاء السودان بأسم الدين فقط

اللهم اغفر لنا ولهم

سير …سير ……… يا خطير نحن نؤيد سفرك لأي لدولة فسير …….سير ولايهمك ياعمك
بكرة بعد بكرة والله خائفين بعدين نسمع أغاني وأغاني والمرة الجاية مش حتكون مع عمكم السر قدور مع مستر أوكامبو عدييل كده والظاهر الاغنية الاولى ما حتكون

من فرفور ولا ودالبنا دي حتكون من الجميع من حوته ويردد الشعب كلو وراه ( قبضوك وشوهو سمعتك …وخدعوك ..خدعوك)

الاغنية الثانية حتكون عبر الفضائيات العربية والاجنبية يعني من على البعد وكده

ويمكن تكون منقولة من لاهاي وحا يأديها لينا ( بشة نفسه مش النور الجيلاني)

( قبضوني ليه …ليه …ليه عايزني أعمل ايه هنا .. أنا ما عملت هناك شيئ كي أستحق هذا العناء ..هذا العنااااء….يايمة وين القى …..)

والله يستر ويكضب الشينة

سؤالي هو ان دولة الجنوب اصبحت حقيقة وواقعية فهل ستعتقل البشير اذا ذهب الي دولة الجنوب ؟
وما هو راي السيد ابو قبعتين سلفاكير من قرار المحكمة