هيّا إلي المعارك
كمال كرار
كل جنيه واحد زيادة في جالون البنزين يساوي 250 مليون جنيه جديد ، يعني 250 مليار جنيه قديم تصب في خزائن السدنة والتنابلة ، وكل جنيه زيادة في جالون البنزين يساوي 520 مليون جنيه جديد لنفس ( الجوقة) ، وكل جنيه زيادة في كيلو الدقيق يساوي 1.2 مليار جنيه جديد لمصلحة الفاسدين وتجار الدين .
فانظر كم من الأموال يحصل عليها هؤلاء عندما يزداد جالون البنزين ب 4 جنيه أو الجازولين ب 3 جنيه وهلم جرا
وعشان كدة تستميت حكومة المؤتمر الوطني في حكاية رفع الدعم ، وتتكلم عن حزمة رشاوي في شكل منحة وزيادة طفيفة في المرتبات من أجل تخدير الناس وخوفاً من المظاهرات .
وطالما أن الحكومة قد حسمت خيارها وقررت إفقار الناس لآخر جنيه وقتلهم جوعاً وعطشاً ، فأمام الناس معركة واحدة لا غير وهي إسقاط زيادات الأسعار .
ولن تسقط الزيادات تلقائياً ، مالم يسقط المستفيدون من هذه الزيادات ، وهم الذين يسبحون نهاراً و ( يضبحون) ليلاً .
وهم الذين يحولون أموال الخزينة العامة إلي خزائنهم الخاصة
وهم الذين يغلقون أبواب مكاتبهم أمام المواطنين العاديين ، ولا يوقعون علي أي ورقة مالم يحصلوا علي الرشوة مقدماً
وهم الذين يسكنون في قصور حصينة محروسة بالجنود والمدرعات ، إن ( هوّب) ناحيتها أي شحّاد اتهموه بالازعاج العام تحت طائلة النظام العام .
وهم الذين يطردون السكان من مناطقهم الأصلية ، من أجل بيع الأراضي للأجانب بعد أن يستلموا العمولة .
وهم الذين يطردون العمال والموظفين من وظائفهم بعد تصفية القطاع العام بأمر صندوق النقد الدولي .
وهم الذين يطلقون الرصاص علي صدور العزل والأبرياء متي ما خرجوا متظاهرين ضد السدود أو مطالبين بحقوقهم
وهم الذين يهدون البقر السوداني للجماعة الإسلامية بمصر ثم يقولون للفقراء موتوا ( بالمرقة)
وهم الذين صعدوا للسلطة بالإنقلاب العسكري وليس الإنتخابات الحرة النزيهة
وهم الذين جعلوا التعليم لأبناء الأثرياء ، والعلاج لمن يستطيع أن يدفع ، وإلا فغلطان المرحوم الذي سكن الديوم .
وهم الذين باعوا مشروع الجزيرة لبناء الفلل في ماليزيا ، ثم قالوا للمزارع أمشي البنوك بعد أن ترهن أبوك .
هنالك حكمة قديمة تقول أن الحرامي لا يسمع إلا صوت النقود ، والنقود الآن تأتي من البنزين وغداً من الجازولين وبعد غد من الرغيف والساردين
قوموا إلي نهبكم يرحمكم الله ، نداء نوجهه إلي السدنة والتنابلة
قوموا إلي معركتكم الفاصلة والأخيرة والنداء موجه للوطنيين المخلصين غير الفاسدين
الميدان
انها ام المعارك يا اهل السودان الا تشعرون بالخجل تجاه ما حدث فى مصر ويحدث الان فى تونس .
والله يا استاذ كمال دايرين نطلع الميدان من بدري لاكن المشكلة البعد المؤتمر الماوطني بستلم منو
الصورة رفق هذا الموضوع ،توحي بالعطالة المقنعة ،أوهؤلا سدنة النظام منتظرين عربة الفطور في
ظل الصباح ،ولابعد شوية بنادوهم تعالوا أفطروا وتاني الرجعة لنفس الجلسة ،وبعدين النفس مفتوحة لمعرفة الأخبار المفبركة من سدنة وصحف النظام .
معليش هذة الحالة متواجدة في كل مناطق السودان ،لان الحكومة محتاجة لهم فى الدفاع الشعبي وحماية السلطة
فمنهم الخريجين العاطلين ودي حاله من حالات الهوان والزله بالأضافة لقرارات الحكومة في الزيادات والضرائب
وألجبايات ،وبرضوا دفع ضريبة هذة الجلسة .والماعاجبوا يفرتق !!! هههههههه سودان الاسلام الكاذب .هي لله
هبو الي المعركه الفاصله اصابنا المرض والقهر وقفه يوم ولا الف يوم بعد شويه بطلعونا من بيوتنا لو لمو القروش المختلسنها نتبني ظلط من حلفا لي نملي ( حليل نملي )
هلم جرا تانى انا شاعر بان هذه العبارة بدأت تخرج فى الاعلام بنفس النغمة امس الحبيب داس على هذا الزر واليوم يا اخ كمال كرار برضه هلم جرا …..هلم جرا انتو عايزين تجننونا بهلم جراصدقونى اذا حصلت لى حاجة لا قدر الله يكون السبب هلما جرا دى خلونا نفكر نطلع من الزيادات دى كيف بلا هلم جرا بلا لمه
لقد أسمعت اذا ناديت حيا
ولكن لا حياة لمن تنادي
انت لسع يا خالد عائش مع البديل منو تلك المقولة الماكره التى اطلقها ازلام النظام الخبثاء لكن العتب علينا نحن الاغبياء وقد طال صمتنا حتى النظام نفسه هحتار فى امرنا …واقول لك اى بديل افضل مما نعيش فيه يجب ان ان نحمل على تجار الدين ولو باضعف الايمان ان نقول لا ..لا فسكوتنا يعنى عندهم اننا نخافهم واننا اغبياء وغوغاء لا تستحق العيش الكريم
وهذا هو مايريده هذا النظام رسم صورة خيالية لنفسه ولمنسوبيه ومن انه لابديل لهم ومن انهم فلتات هذا الزمان ومفكريه وجهابزته وهم من هم شوية اوباش واتتهم الفرصة في غفلة من الزمان فجثموا على صدر هذا الوطن ورفضوا ان بتزحزحوا وساعدهم من يحمل نفس فكرتك من هو البديل ؟
الهوا الناس في مشكلة البديل ودقوا هذا الاسفين الدفين وفي كل مره يتحرك الراي العام ضدهم يحركوه ليلتهي الناس عن الوقوف في وجه نظامهم الفاسد واسقاطه انت بهذا ياخالد تمثل قمة نجاح برنامج ناس المؤتمر العفني هل سيعوزنا البديل ؟ حرام عليك الشعب السوداني فيه الكثير من الخير والشخصيات الفذة الواعية العفيفة ثم هل ما يفعله هؤلاء فيه ادنى ذرة من الشطاره والنجاح هؤلاء لايفعلون شئ سوى سرقة قوت الشعب وماله اثروا هم واصهارهم واقاربهم واولادهم اسسوا الشركات وحولوا مال الشعب واستثمروا فيه في ماليزيا وغيرها صدقني اي واحد يستلم ادارة هذه البلد سيديرها خيرا منهم ومهما كانت طريقة ادارته وحكمه هؤلاء رتعوا واثروا وسرقوا ونهبوا مال الشعب واجاعوا الناس تلاعبوا في صحتهم لم يكترثوا للشعب وهو في كل يوم يزداد فقرا وعوزا اصبح السواد الاعظم من الناس تحت خط الفقر صوروا للشعب بان الانفصال هو الراحة التامة والافتكاك من الجنوبيين وانهم عاله علينا كذبوا وقالوا بان برنامج ثلاثي وبعده خلاص ستكون الحال بخير خدعوا الناس وكذبوا ومازالوا يكذبون الان يقولون نحتاج الى سنوات ثلاث اخرى ليمشي الحال والان يرفعوا الدعم عن البنزين ويقولوا بانه لا يستخدمه سوى الاغنياء هؤلاء الاغبياء لايفقهون شئ كل عربات اللبن والخضار والحافلات الصغيرة التي تجلب المواد التموينية وتجوب العاصمة واطرافها والاقاليم كلها تعمل بالبنزين كل قطاع الاسماك وحركة الصيد والزوراق تعمل بالبنزين كل عربات الخضار والتي تاتي به الاسواق من اطراف العاصمة كل عربات اللحم التي توزع اللحم وتحركة من السلخانات تعمل بالبنزين ث من هو الذي سيحرك لوري ليجلب اللبن او الخضروات من حول العاصمة فهل سيقف هؤلاء ولايرفعون سلعهم المباعة للناس كل السوق سيتحرك وستزيد الاسعار يقولون لك مافي مشكلة حنزيد الرواتب يا ايها البهائم اغلب الشعب لايعمل في دوواوين الحكومة ومرافقها كيف ستوصل لهم حقهم ان انت زدت الرواتب يقولون لك سنقدم دعم اجتماعي عبر ديوان الزكاة وندعم الاسر الفقيرة اها والما حيمشي ديوان الزكان ويطلب الصدقة بتاعة الحكومة يسوي شنو وحتفرزوا الناس كيف الشغال في الحكومة والما شغال والجابركم على كده شنو غير الكب والبحث عن مبررات انتم تعلمون انكم لن تفعلوا شيئا وكل هذا تسويف وكذب على الشعب لتمرروا هذه الزيادة ومن بعدها تطنشوا وتعملوا نايمين هؤلاء البهائم لايفقهون في الاقتصاد شئ كل همهم هو الايفاء ببند السترة والسرقات والنهب قال وزير المالية في اللقاء التلفزيوني كلاما مضحكا قال العجب العجاب وحين مر على الصرف الحكومي مر مرور الكرام وقال كلام الطير الفي الباقير لاجاب ارقام لا جاب حقائق مثلما تفزلك في كميات القمح والذر والمخزون عنده والزيوت والوفره ومن انه مافي اي شح طيب والاسعار قاعدة ترتفع مافائدة وفرتك ياثقيل من الذي سيشتري اين القوة الشرائية التي ستدفع وانت افقرت الناس وجعلت الجنيه بلا قيمة شرائية قال مافي جهة استوردت عربات الا يعلم هذا ان الكثير من الجهات جابت عربات جديدة ايكذب والكل يعلم ان هناك وزارات وشخصيات حظيت بعربات جديدة على الزيرو من مال هذا الشعب الذي يكذب عليه علي محمود وذاك المافون الذي لايفقه شئ ولايستطيع ان يكمل كلمتين على بعض محمد خير الزبير خيال المآته والدلدول الذي لايفقه شئ في الاقتصاد وكيفية احلال البدائل الاقتصادية وكيفية السيطرة على تحرك اسعار العملات الصعبة هؤلاء كذبوا ونهبوا وسرقوا واجاعوا الشعب باسم الدين ركبوا ودلدلوا رجليهم افبعد كل هذا تاتينا وتقول لنا من البديل !! يجب اجتثاثهم من هذه الارض يجب ان يتحرك هذا الشعب فهم الان يقدموا للناس الاداة التي ستجمعهم وتوحدهم كلمتهم اعطونا الوقود الذي سيحرك الشارع فلا تفوتوا هذه الفرصة ابدا وهي ثورة اكاد ارى بوادرها اراها جاية فلا تقتلونا كمدا وتفوتا علينا هذه الفرصة المواتية للتغير والتخلص من هؤلاء الاوباش السارقين الحرامية وقطع دابرهم
الحكومة لا يهمها تزيد البنزين أو تخلط ماء الشرب بالجمكسين ونحن نذكر دائما انهم قالوا يموت نصف الشعب ليعيش الباقي منعم وفعلا مات نصف الشعب بل أكثر من النصف جسديا ومعنويا في الفترة من 89 الى 2013 ولم يعش نصفه الاخر زي الناس العايشين وانما المنتسبين للحزب الحاكم والموالين هذا ما قصدوه من تلك المقولة،، أما المقولة الثانية فهي فليعد للدين مجده أو ترق منهم دماء أو ترق كل الدماء بالله عليكم الله ياتو دين جاء عشان يريق كل الدماء ولو اراد الدين اراقة كل الدماء فما فائدة مجيئه هذه تساؤلات غير الحادية وانما يمليها الدين العميق ،،، والغريبة ان فلترق كل الدماء هذه لا يهتف بها غوغائيون وانما قيادات الاسلامويين يستوي في ذلك الذين درسوا في الجامعات الغربية وحصلوا على جوازاتها وعوام الاسلامويين المستغلين من قبل هؤلاء المتعلمين بلا معرفة،،، وفي الواقع ان شعار فالترق كل الدماء في سبيل ما يسمى رفع اللواء أصبحت هي الدين الذي اصبح لا يدور الا بمدخلات البنزين ،،، فلا تستغرب يا محمد أحمد يا خوي فانت لا تساوي عند الانقاذيين شيء وروحك عندهم ليست سوى حشرة ومنتهى معرفتك أن تظل لاتعرف كوعك من بوعك حتى يطبقوا ما يريدون ولو عارضتهم فما عليك الا ان تلحس كوعك،، علينا ان كنا جادين في كل المدن والقرى عدم الذهاب الى العمل والجلوس في الطرقات لمدة اسبوع واحد بس حينها ستعلم الانقاذ أنه قد دنا عذابهاوحان ضرابها ولكن طالما ان الانقاذ اسست للفردية بمعنى ان يهتم الفرد بحاله فقط ولا يهمه الاخرون فستستمر الانقاذ في نهجها بعد ان تسببت في اصابة الشعب بالانيميا المعرفية والعملية، قرار زيادة المحروقات لا يحتاج الى كثير نقاش وعلى مواطني الاقاليم مراعاة فروق السعر أو الذهاب كداري إلى غرفة الانعاش،،، ،،
انه الموت يغشى تعينهم انهم زائلون بازن واحد احد ان الله اراد ان يمحقهم من الوجود بدليل زيادة طغيانهم وجشعهم ……
واحنا في والزمن في …
بازن واحد احد حافرين قبورم بايديهم
تعليق على الصوره المرفقة افراد من جهاز الانقلابيون يتصفحون الاخبار بمعنا ان الحال مضحك
الحل واحد لا غير. إسقاط هذا النظام الفاشي وبكل السبل. ليس بالطرق السلمية وحدها لانه ربما لا يستجيب لها. فكما تعلمون لا يعنيه في شئ ان تتوقف اجهزة الدوله عن الحركة نتيجة إضراب سياسي عام او إعتصامات او غيره. فأجهزة الدولة الخدمية اساسا لم تعد موجودة والنظام الفوضى له اجهزته الخدمية الخاصة لذلك قد يدعونا الأمر للجوء لطرق اكثر حسما واقل سلمية من ذلك. اما بخصوص من البديل؟ فالبديل سيتولد من رحم الثورة كما حدث في كل الدول التي إنتفضت حولنا. ستظهر قيادات جديدة وستكون اقوى واعظم من كل من سبقوها. فمن منا كان يعرف ( السيسي) من قبل ولكنه الآن علم في رأسه نار. وسيلد شعبنامن هم اقوى وأعظم من كل القيادات السابقة والموجودة. فإن امة السودان اصل الإنسان ولاده. فالأرض التي ولدت البشرية كلها قادرة على ولادة قيادات جديدة وبديلة. فأرجوكم الا تسألوا عن من البديل مرة اخرى
الزيادة فى الاسعار لم تصل لهامش الغضب عند المواطن…وقديما قالت العرب من استغضب فلم يغضب فهو لئيم
ديل يااخوانا ناسين فى حساب قدام يوم لاينفع مال ولابنو ن الا من اتى الله بقلب سليم والله ربنا مابنسا حدا لان دعوه المظلوم مستجابه
والله يا ريت تقوم هسه قيل بكره وان شائالله ما يمسكا زول
تبقي عايره و ادوها سوط ما مشكله بس تقوم …
واي زول يشيل فرار و ساطور و علي بيوت الجبهجيه ال بعرفهم
والبنعرفهم ما شويه طوالي علي بيوتهم اولاد الكلب ..
ودمها للركب والله لو قامت حقتنا دي بتكون صعبه موت بس ..
لانو فيها احقاد 24 سنه وما بحلها الا الموت …
ياخوي منو البقوم ليك انتة ماشايفم مبسوطين مبارين الضللة من ضل لي ضل وسفة وسجارة والهلال الليلة … والمريخ بكرة والوالي وفلان حرامي وعلان سرق… الونسة المعروفة. دي صورة الشعب السوداني الفضل (الشباب السوداني).
ياخوانا أعملوا شيرنق نستورد لينا بلطجية … ولا شنو..؟
تحية الأحرار لأبناء وطني الأبرار ولراكوبتنا الحبيبة وجميع القائمين على أمرها وشأنها ودعمها ووصالها جملةً وتفصيلآ وبعد :
بالفعل فترنا من الكلام وحان وقت التنظيم والإستعداد والعمل والسير نحو الهدف ،، وإنه لطريق شاق وطويل ،،، وتحدي سيصعب على المتخاذلين السير فيه ،، وسيسهل على ذوي العزم الأحرار خوض غماره.
حربنا هذه المرة ستكون مع نظام شرس له من الأذناب والأتباع ما له ،، وله باع في القتل والنهب والتنكيل بالأبرياء العُزل ،،،، وبالمقابل ،،، لن يزيدنا هذا كله إلأ إصراراً وعنادآ ،،، لأن فينا من الغضب ما سوف يدك قلاعة ويقتلعه من جذوره بالتأكيد .
توجهنا ليس بحزبي ،،، ولا قبلي ،،، ولا جهوي ،،، ولا شرقي أو جنوبي أو شمالي أو غربي ،،، هذا التوجه إنما هو سوداني الأصل والمغزى والمعنى وبداية لثورة أجيال حرمت من أبسط حقوقها الشرعية ،، والهدف منه أعادة كتابة التاريخ على أسس ومعايير مختلفة كلياً ،،، ولإعادة إنشاء وتكوين دولة السودان الديمقراطية.
إنه السيل العرمرم الذي طال إنتظاره
وعشان نبدأ بداية صحيحة ،،، لابد وأن يتم الإعلان الرسمي عبر الفعل ومن ثم القول !!!!
نعتذر لأحرار الشعب السوداني على التقصير والتأخير ،،، وها نحن قادمون لكنس بقايا الإستعمار و المنافقين المتاجرين بإسم الدين ومن والاهم وتبعهم وسار على دربهم.
ياجماعة خلو التخاريف بتاعتكم دي ، كدي اقروا سورة الفلق نذكرم قالو الذكرة تنفع المؤمنين
اعوذ بالله من الشيطان الرجيم بسم الله الرحمن الرحيم
( قل اعوذ برب الفلق(1) من شر ماخلق (2)ومن شرغاسق اذا وقب (3)ومن شر النفاثت في العقد (4) ومن شر حاسد اذا حسد (5) صدق اللع العظيم.
ياجماعة شعوب الدنيا دي كلها حاسدانا نحن الشعب السوداني.
الشعب السوداني دا ” تفتيحة ” بالفطرة ، شوفوا اخوانا ابناء النيل دردقوهم ليك بيثورتين حتن سالوا رب العالمين يرجع حسني مبارك ، وسبحان الله ربنا استجاب لدعائهم.
الشعب السوري ، اصلا بقى ملفي شعب ولا دولة ، في جماعات ماعارفة ذاتوا تقاتل مع مين ، ولا بحاربوا مين ، رشوهم ليك ” بالكيماوي ” الضربوا منوا والمات منوا ، خلوا ليك اوباما مور صينية..
عشان كدا انا اناشد كل الشعب الفضل ، خليكم تفتيحة ، والما عملتوا ال 25 سنة ما بتور نفسنا بين يوم وليلة..
والكلام دا حقيقة لا نحن مع حكومة ولا معارضة ولا بنعرف السياسية القاعدين يصوتوا فيها صواتة دي ، قبل كم يوم واحد بشتم الجماعة التانين ( قال ليهم انت ما بتعرفوا تعملوا ملاح بطيخ ).. دايرين يقوموا حرب ، عشان نحن نموت، ونتبهدل ، كلوا واحد مامن نفسوا واولادوا ، نحن ما عدنا غير البلد دي، ناس الحكومة ديل في وادي ونحن في وادي تاني ، عشان كدا خلونافي حالنا، الشعب السوداني دا يومين مايقدر يقيف ليهوا في ميدان موية فول وبوش وانسلين وغسيل كلاوي… الخ وكلنا عارفين الحاصل شنوا، والنصيحين يرسلوا للناس البرة عشان يرسلوا الكندوم والبخاخ والفييياجرا.. والله النسوان بس الماكلات بهدلة في البلد دي ..
خليكم تفتيحة وخلونا في حالنا ناس الحكومة ديل غلبتهم دايرين ليهم سبب ساكت يسوا في المديدة الحارة .. عشان يدولوا الشغالانية … الخ وافتكوا من هم الشعب الضبلان دا ، الباقي منهم يفكوهم ليك عكس الهواء .. واحد تشيلهم الامم المتحدة .. وواحدين يلجؤا لمعسكرات اللاجئين .. وتفتك الحكومة من مصاريفنا الشوية دي وقروش الدعم مع قروش خط البترول يادوب تكفيهم..
لكن برضوا بقول خلوكم تفتيحة ..
والله انا عاوز حاجة واحدة من الحكومة دي ، بس يخلوا الشعب وربنا يطول اعمارهم ، بس يمسكوا لينا ناس المعارضة ديل ، ويدربوا فيهم الشرطة والجيش ، ويسكتوم .. نحن ماعاوزين معارضة ذاتوا ، بس خلونا في ونستنا دي ويفتحوا لينا الجرائد والتلفزيونات ، ويخلوا الشعب ، ويقفلوا بيوت الاشباح ويفكوا الناس المسجونين ديل ويوقفوا الفتن ، ويقعدوا ذي ما عاوزين .. لو ماهم زهجوا مننا .. نحن ما بنزهج .. وخليكم شعب تفتيحة ذي ما معروف عننا.. الناس كلها تقول ليك البشر البشير البشير ، البشير ربنا يطول عمروا ما بهملنا ويشردنا ولا يرشنا بيكيماوي ولا صواريخ ارض ارض ، الراجل دا حاميكم من بلاوي ، والناس دي سعرانة ومتوحشة .. عشان كذا لو ما لهطت وشبعت وقشت كويس ، وهو الوزير لو ما قش ولهط يكون وزير كيف .. احسن من يقوموا علينا ساي بفرتقوها ليك ساي لانها بقا مافيها فايدة ..
عشان كدا خلوكم شعب تفتيحة..
عشان كدا نحن نقيف مع البشير زي ما نط فيها كدا ما بتفك مننا.. كلوا مايزعل يقول انا ما برشح نفسي ، ونقعد في خليفة وخليفة، يازول نحن عافين منك ، ولو دبرستا عرس ليك مرة ثالثة لكن المرة دي نحن بنختار ليك .. والدرب طويل .. وحسني مبارك ما شاءالله فات ال 80 وهو راقد ممشيها .. نحن معاك لسع بدري عليك نحن ما شبعنا منك ، وسير سير يا بشير..
ولا كلامنا دا فيهوا غلط اعفوا عننا.. وخليكم شعب تفتيييييحة !!